ماذا يقول الميرغني للشعب السوداني الذي انتظر جيشه العرمرم؟

الشعب السوداني المسكين ظل يحلم طوال ال16سنة الماضية بجيش الميرغني العرمرم ,الذي يخلصه من زمرة الانقاذ.الشعب السوداني الذي ظل طوال السنوات الماضية مغشوش باعلام التجمع ,التجمع الذي كذب قادته علي اهلنا الطيبين باسم اسقاط الحكومة واعادة الحرية والديمقراطية المسلوبةومحاسبة اهل الانقاذ علي كل الجرائم التي ارتكبتها . سمع المواطن سلم تسلم مال لها طربا وخصوصا الكلمة صادرة من شيخ الطريقة ومعدنة الحقيقة ,ظن المواطن للميرغني جيش سوف يهزم به الانقاذ . ناس حزب ماركس ظل يطبلون طوال الوقت للسيد محمد عثمان , ما ان يقوم السيد محمد عثمان بزيارة لدولة ما تسمع زار الملوك والرؤساء
فاروق ابوعيسي يتحدث دائما عن الانتفاضة المحمية بالسلاح , والحقيقة المصالح المحمية باسم الشعب وبرلمان الجبهة
ماذا يقول السيد محمد عثمان للشعب السوداني ؟ خدعوني اهل الحركة الشعبية تركوني لوحدي وفضلت العودة الي البلد لاني بلغت من العمر عتيا.
سيقول للشعب اتيت لكي اكون شيخ سجادة كما كنت سابقا؟الله يقبل التوبة ولكن هل سيقبل الشعب السوداني منه ذلك؟ لان السيد محمد عثمان اذا رجع شيخ طريقة عن ماذا يحدث المريد عن الاحسان ؟ لمن احسن طوال السنوات الماضية؟ عن كفل اليتامي ؟ ماهو موقفه من ابن المرحوم محمد عثمان حامدكرار الذي رجع ودموعة في عينيه ومشكورا المرحوم الدكتور عمر نور الدائم لموقفه الوطني من ابن الشهيد . هل سيتحدث السيد محمد عثمان عن العدل والمساواة بين الرعية ؟ بين من عدل ؟ عن اصلاح ذات البين ؟ وهو المسؤل الاول والاخير عن كل مشاكل الاخوة الاتحاديين اجج الفتن بينهم
هل يتحدث الميرغني عن حفظ الجميل ؟ وما هو موقفه من اطفال العراق ؟ وهو الذي حصل علي الراجمات التي تم تحرير الكرمك بها من صدام حسين؟ وكاد له صدام بان حول دار والده السيد علي الي مستشفي يخطف منها اهل الانقاذ البنات ويعثون الفساد في داخلها
هل سينحدث عن الجمهورية الاسلامية ؟ وهو الذي يحصل علي الاعانة الامريكية ويكفي ما ادلي به محمد ابراهيم نقد
خير البقاء بمصر او لندن , وهو الرجل الذي جمع اكبر قدر من الاموال طيلة ال16 الماضية
وللحديث بقية

up

كامل محمود شكرا لرفع البوست لكن ابعد منه

Quote: كامل محمود شكرا لرفع البوست لكن ابعد منه

الله يجازي محنك يا ود عوج الدرب

تحياتي

كــدى ياسيف قبــل الميرغنــى مايــقول انتا بتفتكــر شنــو؟؟

و up

العزيز سيف

لا أدري هل قصدت كلمة ( عشب) بدلاً عن شعب والتي جاءت في اول موضوعك أم لا..؟

لا أهتم كثيراً بأجابتك .. ولكن أتركها بعد أن أضحكتني هذه المرة .. ومرات ماضية..

ربما هنالك علاقة بين الشعب والعشب .. لا أقصد العلاقة الحرفية الحروفية , وإنما

المضمونية أيضاً.

في الواقع أن شعبنا صار مثل العشب , كل صاحب (ملزمة وطنية فاغرة او وضيعة) يرتع فيه

ويتغذي ويتسمن, عشب أخضر يفتح الشهية للنهم والشبع.. آها دي كلمة تانية , حيث يبقي

(عشب وشعب وشبع) .. لا ..الميرغني يحل هذه الشربكة بعودته.. إن الامر ليغدو لي أن يكون

فانتازيا.. أو واقعية ...............

سحرية.. ربما إحتجنا إلي ( قابريل قارسيا ماركيز) سوداني ليفك الرباطات بين هذه

الكلمات الثلاثية.. ويضيئ كما أضاء لنا قنديل أم هاشم ليحيي حقي,, ومع ذلك فالعافية

درجات.. شفت خطأك وخطاك أو قصدك قادوني لمتاهات زي كيف كدا.. وكدا بس ..أو حقيقة زي

بتكون طيور المها.. لا تفجأ , فثمة ثرثرة هي الكتابة.. وثمة إفتراضات ( واقعية سحرية)

نحاول بها إكتشاف هذا الانسان النبيل الذي يسعي لحتفه رغم أن غمد السيف لاينعي الموت..

وان الحياة في الديمقراطية لاتعني حريتك.. وأن الجبهة ليست إسلامية.. أخي سيف الاشياء

كلها مدورة وربما مقلوزة زي كرات (الديبة) أيام كان في أهلي مدني..أو عادل أمين لامن

كان في المهدية .. أوألحان عبدالرحمن الريح لامن كان في حي العرب لامن لحن ( صدقني

شكلك جميل) أو خداري لحسن عطية أو الملهمة وإنصاف للتاج مصطفي.أوهيجتي الذكري لإبراهيم عوض أو رسايل الجابري . ولكن صدقني أن وددكام مايزال بيننا , اراه يضحك علي هش

العلاقة بين عبدالرحمن سعيد والموقف من الوزارة ,,,وان ,,وأن الرشيد الطاهر بكر كان

فلاتياً جميلاً في زي رباطاب..وأن اللواء أركانحرب(م) حسن عبدالله الترابي أحد المناضلين ضد الانقاذ.. شوف بالله هذا العطاء السودانوي السياسي الباذخ.

علي كل هذه سمادير بسبب عشب التي جابت ليها شعب .. ومساهمة .. لأنك أضحكتتني ببوستاتك

مرات ورأيت أن أسديك هذا الست نفر.. يمكن أن تضحك ولكن تذكر أن فرص الحياة (أجمعها)

لاتخول لك أن تموت ثانية بسبب فجيعة الحزبية السودانية.

البوب بس الحاجة البتحبها انت انا معاها

وشكرا لي مرورا

الناس ديل من النص الذي لم ينحرق في بوستك الجميل حريقة فيكم

Quote: البوب بس الحاجة البتحبها انت انا معاها وشكرا لي مرورا الناس ديل من النص الذي لم ينحرق في بوستك الجميل حريقة فيكم

سيــف الحاجات البحبها كتيره لكنى ممكن اقول ليك خانك ظنك المره دى ما جيتك لحريقه


ومستنــى اشوف النص ده انشاء الله مايكون نـص تانى ...

ارقــد عافيــه

صلاح شعيب

انت الوحيد الذي عرف ما وراي,لكن بجيب واثبت لك اننا عشب وانهم ......

التحية لك الاستاذ سيف مساعد

كم من مرات هتفنا بكرة التجمع جاي ..يبني البلد بامان
بلد بلا كيزان حرا هو السودان............

فاصبحت بكرة 16 عام ونيف
واصبح فكرة الامان انشودة الجن

واصبح البلد الحر البلا كيزان هو حلم اماسي (ساي)

كم من المرات هتفنا قائلين في بداية اركان النقاش:
التحية للتجمع الوطني الديمقراطي
التحية القيادة السياسية السيد محمد عثمان المرغني
التحية القيادة العسكرية الرفيق المناضل جون قرنق دي مبيور


فمات قرنق و قبل موته ضرب بمبادئ التجمع وقررات اسمرا 95 عرض الحائط.
ولعب المرغني بالتجمع وقياداته طوطحانية وكما قال عادل امام (مات البطل والممثلين ثم مات المخرج والمنتج.............) وكان هناك تجمع..............

Quote: كم من مرات هتفنا بكرة التجمع جاي ..يبني البلد بامان بلد بلا كيزان حرا هو السودان............

ريهان قلتي كيف التجمع يبني السودان حلم الجعان عيش, كدي وريني 16 سنة دي ياتو موقف بطولي ولا رجولي كان عنده؟

Quote: فاصبحت بكرة 16 عام ونيف واصبح فكرة الامان انشودة الجن واصبح البلد الحر البلا كيزان هو حلم اماسي (ساي)

ده كلامك

قالو التجمع عنفض وعار
جاك يالبشير ليهوعلالا وغبار
اسمعي الكلام ده شوفي بكره فضائح التجمع تظهر كيف

Quote: الله يجازي محنك يا ود عوج الدرب تحياتي

احمد عبدالله

شكرا ليك علي المرور وتحياتي ليك ايضا

الزول عايز يولعها تاني

الزميل سيف : تحياتي
فلنفتح باب المحاسبة لكل الانظمة والاحزاب دون استثناء وبكل تجرد في ذكر وقائع التاريخ ودون تزييف وهذه مساهمة :
1- بدأ النظام بكذبة حينما قال شيخهم وعراب الانقلاب وثعلب السياسة الترابي " دخلت كوبر سجينا وذهب البشير القصر رئيسا " ووقتها كان الشارع ذكيا واطلق السؤال الكبير : هل هؤلاء الرجال جبهة ؟ وفي كوبر قال المهدي والميرغني ونقد للترابي : كفاك ياشيخ جاملتنا كثير . ودارت الايام واتضحت الكذبة .
2- قال صلاح كرار عضو مجلس قيادة الثورة : لو ماجئنا الدولار كان وصل 2000 حنيه : الان الدولار يتجاوز ذلك الرقم وفي الحكومة الديمقراطية كان سعره 4 جنيهات في البنوك و12 جنيها في السوق السوداء او السوق الموازي بلغة " عبد الرحيم حمدي ": قالوا جئنا لانقاذ السودان فرد عليهم الاتحادي هاشم بامكار بسخريته المعهودة : ما تنقذونا رجعونا لما كنا عليه . "اقلها ان ان اخلاق الناس كانت بخير" - وهذه العبارة من عندي .
3- قال البشير : السلطة اخذناها بالقوة والعاوزها يجي يأخذها بالقوة . وكان الرد من المعارضة في كل الجبهات ايضا بالقوة " لان ما اخذ بالقوة لايسترد إلا بالقوة " وبعد ان كانت الانقاذ تسيطر بنسبة 100% اجبرت على التنازل بموجب اتفاقية السلام وسلمت بالامر الواقع او كما قال ابوهاشم : " سلم تسلم " وبلغة الارقام وفي طريق التفكيك الاجباري كانت الانصبة كما يلي :
- المؤتمر الوطني : 52%
- الحركة الشعبية 28%
- القوى الشمالية 14%
- القوى الجنوبية 6%
واخيرا تنازل البشير عن 2% لصالح التجمع لتصبح النسبة 50% للوطني و16% للتجمع .
4- تراجع المشروع الحضاري الذي خطط له من "حلفا الى نمولي " وقسم السودان ولاول مره في تاريخه الى "دولة واحدة بنظامين" وهنا بذرة الانفصال .
5- تنازلت الانقاذ عن البسملة والتي كانت موجودة في كل دساتير السودان - حتي غير الاسلامية - ولم تكتب في الدستور الجديد .
6- المنازلة في الانتخابات بعد ثلاثة سنوات ستكون للاغلبية في المعارضة والفوز سيكون من نصيب حزبي الاغلبية وحسب اخر انتخابات 1986 كانت الحصيلة كما يلي :
- الامة 90
- الاتحادي 63
- الجبهة 53 وبعد الانشقاق - مؤتمر 28 وشعبي 25
يعني اصبحا اقلية .

الاخ المحترم سيف


صباح الخير

مكتوب فى الصفحة الاولى لسودانيزاونلاين دعوة السيد محمد عثمان الميرغنى للشعب

السودانى بالزهد عن الدنيا..

وغض البصر عما فى يد الحكومة!

دا كلام شنو؟

فاذا كان الكلام صحيحا يبقى السيد محمد عثمان الميرغنى اخر من يقدم هذه الدعوة لشعب

السودان..

لانه ثرى..

رايناه كيف يعيش فى القاهرة هو والمقربين اليه..

وطرد طلاب الاتحادى من الشقق بسبب عدم دفع الايجارات..

لانهم انتقدوا الحزب..

لذلك تخلى عنهم الحزب..

راينا بوضوح كيف يعيش المقربين اليه..

والذين يصورون له واقعا غير موجود..

لان قاعدة الحزب الاتحادى وكما سمعنا من الطلاب..

تاثرت كثيرا فى السنوات الاخيرة الماضية..

قرأت رساله المرحوم على ابوسن طبعا..

والتى مات بعدها بثلاثة شهور..

وبحسرته على الحزب..

اذا على هؤلاء السادة ان يفهموا..

ان المواطن السودانى اليوم..

ليس هو من يجرى وراء عربة السيادة ليتبرك بترابها كما حدث من قبل..

العالم دى عايشة فى وادى..

والشعب فى وادى تانى..

ينولكم فيهم ثواب توضحوا ليهم الحاصل..

ابتداء بالسيد محمد عثمان الميرغنى..

وكفاية حسرة الشعب فى العملوه فى التجمع..

وخذلانهم لينا..

الخذلان المبين طبعا...

فوق وبجيكم راجع يا ناس انا في الطريق مسافر

الاخ فيصل الزبير

شكرا للمرور

نيفاشا اوالقاهرة لا تسوي شئ , ناس الانقاذ مواصليين في مسيرتهم لايهمهم زيد ولا عبيد,راجع صحف النظام تقول تشريعية او تنفيذية لم ياتي اهل التجمع او اهل الحركة بالانتخاب وانما بفورمان من رئيس الانقاذ

والذي عينك سوف يفصلك فلاهل الانقاذ هم الذين يعينون الناس حاليا

اما قصة الانتخابات فالحكومة تملك كل شئ وخير دليل انتخابات مصر الحالية

لاتحلموا بتحول ديمقراطي ما لم يتغير الوضع الحالي

سيف مساعد
دبايوا
ياخى انت زول حقار لما نشوط تقول لا كدا غلط
يعنى عايز تشلت براك ولا شنو؟

الاخ هاشم
دبايوا

Quote: ياخى انت زول حقار لما نشوط تقول لا كدا غلط يعنى عايز تشلت براك ولا شنو؟

لالالا يا هاشم انت حاولت تكتب عن الطريقة الختمية والامام الختم , وانا اكتب عن رجل السياسة

ما كتبته هنا شئ حاصل شاهد عيان عليه

بس اكتب اسع عن التجمع موقفه من مشكلة شرق السودان