تهانينيا لوليد شريف .. مبروك الأمورة..

تتربى في عزكم .. ياابوالبنات
وحمد الله الف على سلامة المدام ..



وصلتنا أخبار تحت تحت بتقول أنو العضة جاية من الباوقة مباشرة .. وكمية كدا من التفاح
وهناك مشاروات تحتانية الآن يديرها ( المقاتل ) ودالباوقة .. في حشد لم يسبق له مثيل في تاريخ الرياض ..

يكون عينو على البنية من حسع دي للولد محمد .. يعني عايزين تشكوها يا باوقاب وتطلعونا بي ( قد القفه )


ياود الباوقة
بيرضيك؟؟

Quote: وصلتنا أخبار تحت تحت بتقول أنو العضة جاية من الباوقة مباشرة .. وكمية كدا من التفاح وهناك مشاروات تحتانية الآن يديرها ( المقاتل ) ودالباوقة .. في حشد لم يسبق له مثيل في تاريخ الرياض

اخو الاخوان تمبس .. مبروكة البنية .. وليد شريف حالف يضبح تور ... العضة العضة مطلب وطني ....


(( جعلها الله من اخوات نسيبة ))



ود الباوقة

Quote: جعلها الله من اخوات نسيبة

يا ود الباوقه
مورط نفسك مع الجماعة ديل شديد وكلما احجز فيك .. داخل لا جووه
.
.
كدي شوف لينا الترتيبات كيف الولد معتصم ( كتلنا) فيهو..
الخرفان الأيامات دي سعرها معقول .. والفحم راقد الله ما كتر إلا الشطة الخدراء والليمون واكيد في ( باكب ) من حاجات السودان ناس شمار والحركات دي ..

افيدونا اثابكم الله ..

ألف مبروك أخي وليد الشريف وحعلها الله من الصالحات

علاء إنت الأيام دي مالك؟
شيء الملفات السماعدة وشيء تهانينيا وكراتي
الحاصل شنو ومنو سعيدة الحظ دي؟

تحياتي
فرانكلي

الف مبروك العزيز وليدالشريف
وتتربى فى عزكم وتشوفها وتفرح بيها وهى تبلغ الشمس علوا وفخرا..

شكر كتير تمبس للخبر الجميل

الله يبارك فيك يامعتز

تجي تحضر السماية حقتنا دي والا نرسل ليك ( غنية بالرز )

Quote: الله يبارك فيك يامعتز تجي تحضر السماية حقتنا دي والا نرسل ليك ( غنية بالرز )

خلاص يا تمبس اغنية خفيفة بالرز المفلفل وعليها شوية ( شمار ) اصلو معتز دا بحب الرز بالشمار وعليك الله يا تروتسكي تعزم معاك مستر كنق بنق ككوو ...اصلو زول ( سمايات )

Quote: الحاصل شنو ومنو سعيدة الحظ دي؟

تتخيل يا فرانكلي Negative
.
.
بس الواحد عايش احساس دبرسه مقلوب قلنا نفكو في الاخوان
كان عندك اي حاجة جاهزة احكي بس .. ( بنبلورة ) ليك طوالي وبنشوف ليها طريقة بوست

بعدين يافرانكلي الحمد لله الحكاية دي جات كدا على الخفيف
تعرف كتبت العنوان ده .. وقلبي في ايدي وراجعتو مية وخمسين مرة ..
بي سبب الخوف من وليد شريف ...
لانو كان آخر تحذير ..واضح جدا بالنسبة لي

عندي مشكلة ( حوول ) في الاسماء .. وليد شريف كير جدا بخلط بين اسمو وبين اسم دكتور ياسر الشريف ..
علشان كدا ركزت على مكان الأسم شديد وراجعتو .. تقوم تجي في ( الياء ) وكان بقت على الياء مافي مشكلة .. المشكلة في استنساخ الأسم من وليد لي ياسر ..

الف مبروك العزيز وليدالشريف
وتتربى فى عزكم
وفخرا للاسلام والسودان

المهندس صلاح غريبة - الرياض

المهندس صلاح غريبة
الله يبارك فيك ..
ومن حسع يا باشمهندس فضي نفسك لي قصة السماية دي الاستراحة والحاجات دي كلها موضوعه منتهي ..

ان شاء الله تسبعهايا وليد الف مبروك ليك وللمدام.

ود الباوقة السماية برضو كركدى ..سامع قالوا حاجزها لى محمد،،

Quote: ود الباوقة السماية برضو كركدى ..سامع قالوا حاجزها لى محمد،،

والله يامووووج اقتراح خطير جدا .. خليني ادي خبر لي حميدة ،،
لكن انا ( باص )
وبالمرة جيب لي معاك( سفوفه ) يامووج نانو الكركدي بيعمل لي لووز ...

والله ياود الباوقه جهز التمر غايتو والفول المدمس المقاتلين ديل صنفوك وانت لسه شفت حاجة خلي ( المقاتل الشفيف الود حنين ) لما ياخد ليهو دش ويجي
والله جنس ورطه غايتو ..

العزيز ولـــيدخـــواجه

الف مبروك و تتربي في عزكم

التحايا لوالدة الاموره

الباوقه اللذيذ تفاحه
باوقاويه جديدة
من انتاج الرياض
وليد شريف والمدام
الف الف مبروك
تتربى في عزكم

السماية السماية السماية
لحم لحم لحم

قبل زحمة العيد وغلاء الخرفان

يا ابوالنسب تمبس
اصحى يا بريش
نحن هنا

أحر التهاني للأخ وليد

وتربى في عزكم إن شاء الله.،

ألــ مبروك ألف مبروك ــف

وليد شريف ألف مبروك بالقادمة الجديدة...





جعلها الله من البنات المستقبل..
وأقر بها أعين والديها...





شُكراً تمبس...

الوجيه وليد بن شريف ..

نزف اليك تبريكاتنا وعظيم فرحتنا بمقدم الامورة ..

جعلها اللة قرة اعين والديها..


لو لونها فاتح زيكم سموها سموها انيسة..


ما تقعدو تشبكوني اسم اختها ببدا بي السين وما عارف شنو داك..
ولو لونها قمحي سموها
سوران

ولو خاتف لونين سموها

ياالسايق الفيات..







والحلقان على انا ..

وليد

تتربى في عزكم .. ياابوالبنات
وحمد الله الف على سلامة المدام ..

تهانينــــا للأخ وليد شريف ،،

وحمداً لله على سلامة المدام ،، ومبروكة البنيّة ، وتتربّى في عزّكم ..

الاخ تمبس ،، عقبال عندك بالبكاري وقبلها بالشريكة الأمينة ، ندى الشروق

الغنّى ليْ زُرّاع أرضنا .. الأصيلة ، زي الشعاع ، يدخل رواكيبنا واوضــنا ..

ألف مبروك لولدنا وليد شريف وأسرته ..
تتربى في عزكم يا وليد ..
وشكرا لمن نقل الينا الخبر ...

صدقوا القالو الولد خال
الولد وليد شريف ، بيبقى في الحسبة ولد أختنا ، أمو بت عمناالمرحوم عثمان الخواجة الرجل الوسيم الجميل الذي كان خواجة بحق وحقيقة وأمها خالتنا فاطمة بت بربر رفيقة وحبيبة أمي أسماء بت السرة وثالثتهن زينب بت كحلاوي والدة أخي الراحل العزيز كمال الطيب الخضر { دقدق} نساء أمهات وحدتن بينهن شلوخ عشرة مطارق نالت نصيب منها حتى سيدة بت جمال الدين أو بت الجمال وست الجمال كما يحلو لهن التي كانت شلوخها مثلهن وليس مثل شلوخ الشايقيات المعروفة ولا أعرف السبب
نشأنا كلنا معآ في شارع واحد ولعبنا تحت ضل نيمة واحدة تجلس فيها الأمهات يورقن الخضرة ويعدن الطعام ، وكانت عندما تنادي أحداهن : ياولد : نلبي النداء جميعآ فكلهن على ذات الدرجة من المعزة ومن الإحترام وكان يصعب علينا في أحايين كثيرة أن نفرز أمنا الطبيعية من بينهن
ووليد أمه مريم وخالاته علوية ومحاسن وجميلة { إيمان} وخواله الكثر النجوم { اللواء محمد خواجة وعابدين وعبدالرحيم وعبدالحافظ والمناضلين هاشم وعبدالمنعم والحكم الليبي الجعلي وخيلانه في الجيرة والمحبة والهم الواحد نحن أولاد أسماء الجعلية وسيدة الشايقية وغيرهن من أمهاتنا في ذلك الزمن الجميل حين كانت الحياة بطعم المانقة المخلوطة باللحليب
الولد وليد طلع لي خالو أبو بنات وماظلم
يربن في عزك يا الوليد وعز آل خواجة الكرام

وليد شريف

مبروكة البنية ضحي

جهز الخرفان ونحن جاهزين

تمبظ

يا حبيب ناس الباوقة ديل ما بعرفوا
يأكلو التمر بس بشربوا

وفي موسم انعدم التمر

عليك امان الله شربوا الثنر

الأخ وليد شريف ..


مبروك المولودة وتربي في عز العائلة الكريمة بإذن الله ..

ود الباوقة .. مبروكة العروسة تربي في عزكم ..

ومن الصالحات .. شيالة أخوانها يا رب ..


غزير الشكر أخي تمبس ..

العزيز تمبس

ارجو ان تسمح لي عبرك ان اتقدم بالشكر لك ولكل من تقدم بالتهنئة بقدوم مولودتي وان شاء الله نبارك لكم جميعا كل جديد .
الخال عبد الرحمن لك التحايا والاسرة الكريمة وسلام خاص للاخت رشيدة.