Post: #1
Title: عضو المنبر ومرته
Author: اساسي
Date: 11-25-2005, 01:57 PM
Parent: #0
بوست قريبا جدا
زي الـواطــة دي !!
الفكرة الاساسية للمنتديات هي وجود ( اسم مستخدم او ما يطلق عليه ( النك نيم) هذا ما بدأت به المنتديات .. انتشرت المنتديات وظهر كتابا الي السطح تحت مسميات حركية لم يستطيعوا صبرا بعد ان وجدوا الانتشار علي الحفاظ علي الكسب الشخصي ما دام ( التست) نجح واصبح للبعض قراء ومراسلات تتم عبر الاميلات المنتشرة واشادات جعلت البعض يغير رايه سريعا بعد ان ظهرت بوادر الشهرة في الافق وتم التغير الي الاسم الحقيقي ووضع صورة بابتسامة عريضة ترد الامر الي صحبه ... هكذا بدأ انتشار استخدام الاسماء الحقيقية ومعها ظهرت الصراعات العميقة والدامية لظهور عداءات خارجية لمواقف سياسية او خلافها وبدأ النيل من العضو ياخذ طابعا قويا بدا من الحوار الموضوعي
ظهر لهؤلاء الكتاب زوجات بعضهم بحكم ( سيدي بي سيدي) والبعض لانهم التقوا في المنتديات هذه والبعض لمواقف انسانية واجتماعية وسياسية وغيرها.
وبدا الخلاف يدخل البيوت من بوستاتها وجود الزوجة الي جانب زوجها في الحوار اصبح لا يشكل درعا واقيا للكاتب بل اصبحت الزوجة تاخذ نصيبها من ( اللداحة) بيد ان بعضهن يتدخلن ليكال لهن .
ساضرب امثلة بالاسماء كان الخلاف مع الاعضاء لا يرحم العضوة الزوجة ابدا رغم اختلاف المواقف الا ان الامر اصبح ظاهرة
طه الهامx ( عادل عبد العاطي)
كودي نداx ( مع اي زول)
ــــــــــــــــــــــــــــــــــــــــــ
تم الحزف بطلب شخصي من اصحاب الشأن
ــــــــــــــــــــــــــــــــــــــــــ
واخيرا سهام بلة ( امه) x تاج السر وولده
يا اخوانا عيبو لي النك نمات دي ؟؟؟؟
تكتبوا لمن ربنا يغفر ليكم في النهاية ياهو بشري الفاضل واسامة وجماع وابكر
والباقين غيري مافي زول بيعرفهم
انا زاتي في النهاية جليت البوست دا وشكلي خرمجت مالي ومالكم ان شاء الله كل واحد يكتب ومعاهو حبوبته
مافي بوست قريبا جدا ولا حاجة ياهو دا بس
|
Post: #2
Title: Re: عضو المنبر ومرته
Author: bob
Date: 11-25-2005, 02:15 PM
الحبيب اساســى
كتــاحــة:
جــوا اساعــدهوا فى قبــر ابوهوا دســه المحافير
|
Post: #4
Title: Re: عضو المنبر ومرته
Author: فيصل نوبي
Date: 11-25-2005, 02:23 PM
Parent: #2
اساسي
| Quote: زي الـواطــة دي !! |
الله يهدينا و يهديهم
|
Post: #3
Title: Re: عضو المنبر ومرته
Author: تولوس
Date: 11-25-2005, 02:18 PM
اساسي سلام
والله ما عارف اقول شنو فقعت مرارتي بالضحك ... ربنا يحفظ الجميع وزوجاتهم
|
Post: #5
Title: Re: عضو المنبر ومرته
Author: murtada
Date: 11-25-2005, 02:46 PM
Parent: #3
| Quote: وبدا الخلاف يدخل البيوت من بوستاتها |
و كذلك بدأت أجواء البيوت و أحوالها تنعكس في شكل بوستات ...
ومرات في شكل توقيعات فأصبحنا نرى توقيعات أطراء عائلي مما لاينطق به امام الاولاد .... ناهيك في منبر عام ...
و احنا مالنا ياخ "my hero" ولا "my master" ....
|
Post: #7
Title: Re: عضو المنبر ومرته
Author: تاج السر حسن
Date: 11-25-2005, 02:54 PM
Parent: #3
تعرف يا اساسى
ولدى قبل ما يتم 3 سنوات ناس المريخ خلقو منو ... اقو ليك شنو؟؟ (بس)!!!
ده كلو عشان كتبتو فيهو قصيده ونزلتها على هذا المنبر.
تعرف يا اساسى ومنذ فترة تزيد عن سنتين عايز الناس تبعد عن سيرتى الشخصيه عشان أكتب عن الكورة والشعر والعكلته وذكريات عديده ... لكن صدقنى انت بتلومنى لكن لو واحد شاعر أنه تاج السر ده بيستحق تعمل حولو دراسه مش عشان زول مهم ... لكن ممكن تكون عن خلافات المنابر تجدنى ووالله العظيم وحتى أنت معاهم لو ما سألتنى ما بسالك ولو موضوعك ما عاجبنى ما بدخل فيهو ... ولو مكجنى بخليك ليك الدرب ... لكن كان اتعكلت فينى يحلك الله ... هسه انا أكتر حاجه مزعلانى الزول النزل الكلام داك .. بى هناك .. سبقنى وما خلانى اتفشى ... طبعا ده لو بكرى ما طبق اللائحه.
لكن لو طبقها ح يكون وضعكم أسوا عشان ح أقدكم بتاج السر المفترى عليه!!
|
Post: #6
Title: Re: عضو المنبر ومرته
Author: bushra suleiman
Date: 11-25-2005, 02:51 PM
أساسى سلامات ومشتاقين كتير
قلت لى كل واحد بى مرتو اها انت براك مالك؟؟بعد شوية الشكلة حتدور هنا ولابد ليك من مدام تدافع عنك..غايتو من هسى شوف ليها تسجيل وربك يهون.
تخريمة
انا ماعندى مره
|
Post: #8
Title: Re: عضو المنبر ومرته
Author: ناذر محمد الخليفة
Date: 11-25-2005, 03:37 PM
تعرف يا أساسي حاأقول ليك كلام لا فيهو صنفرة لا بطيخ !!
في إطار بحثي عن العروس تعرفت على فتاة لذيذة وجميلة ومثقفة وبعد كمية من العيزومات والتفتيشات والهمبرقرات والبتاعات .. قررت إتزوجا على سنة الله ورسوله لكن مرة سألتها عن علاقتا بالمنتديات السودانية ففوجئت إنها عضو في كم منتدى كده !!! فطوالي صرفت النظر عنها بدون أي تردد !!!
عليك الله كلامي دا بيحتاج لي صنفرة !!!
|
Post: #9
Title: Re: عضو المنبر ومرته
Author: Eng. Mohammed al sayed
Date: 11-25-2005, 03:54 PM
Parent: #8
الأخ ناذر تحياتي
ياخي حرف الذاء دا بعيد في الكيبورد خلينا نخفف إسمك بي نازر
أها كنت عايز أقول شنوا
صاحبي قال ماعايزها لو كان عندها موبايل,وقال ماعايز واحدة عندهم دش,وقال تاني ماعايز واحدة جامعية,أها وتاني شنوا..
ماتدردقني أحكي ليك قصة صاحبي التاني القال عايز مهندسة ولا دكتورة..الأمور الشخصية دي مابقولا.
...........................................................................
المهم كنت عايز أقول لا لا كلامك دا مابحتاج لي صنفرة كلامك دا فرشة حديد براهو)
|
Post: #10
Title: Re: عضو المنبر ومرته
Author: ناذر محمد الخليفة
Date: 11-25-2005, 04:47 PM
!!!!!!!!!!!
| Quote: المهم كنت عايز أقول لا لا كلامك دا مابحتاج لي صنفرة كلامك دا فرشة حديد براهو) |
كدة يا باش مهندس نحنا إتفقنا تب بدون واسطة
صنفرة :
بس تاني ما عايزين زول يجيب مرتو المنبر !!!!
أو ما دايرين مرة تجيب راجلا المنبر أيهما أصح
|
Post: #11
Title: Re: عضو المنبر ومرته
Author: ناذر محمد الخليفة
Date: 11-25-2005, 04:47 PM
!!!!!!!!!!!
| Quote: المهم كنت عايز أقول لا لا كلامك دا مابحتاج لي صنفرة كلامك دا فرشة حديد براهو) |
كدة يا باش مهندس نحنا إتفقنا تب بدون واسطة
صنفرة :
بس تاني ما عايزين زول يجيب مرتو المنبر !!!!
أو ما دايرين مرة تجيب راجلا المنبر أيهما أصح
|
Post: #12
Title: Re: عضو المنبر ومرته
Author: PLAYER
Date: 11-25-2005, 05:37 PM
Parent: #11
يا اساسي
كدا امش الكرنتينا واطلب ليك شاي بالنعناع..بالقرنقل ولا قرفة....وصنغر في بهداوية..واشرب شايك بمزاج...واسرح بخيالك لمرحلة طفولتك....حتعرف ليه في بشر في البورد دائمآ ماشين بالناكوسى
فتك بالعافية
|
Post: #13
Title: Re: عضو المنبر ومرته
Author: تاج السر حسن
Date: 11-25-2005, 07:56 PM
Parent: #12
تعرف نازر ده أول مره القى ليهو موضوع يستحق اعلق عليهو رغم أنه اخوهو صاحبى وهلالابى موت .. لكن نازر ده مره غاظنى جدا معاهو واحد صاحبو وأنا زعلان قعدو يتونسو فى البوست بتاعى.
كتب نازر:-
Quote: تعرف يا أساسي حاأقول ليك كلام لا فيهو صنفرة لا بطيخ !!
في إطار بحثي عن العروس تعرفت على فتاة لذيذة وجميلة ومثقفة وبعد كمية من العيزومات والتفتيشات والهمبرقرات والبتاعات .. قررت إتزوجا على سنة الله ورسوله لكن مرة سألتها عن علاقتا بالمنتديات السودانية ففوجئت إنها عضو في كم منتدى كده !!! فطوالي صرفت النظر عنها بدون أي تردد !!!
عليك الله كلامي دا بيحتاج لي صنفرة !!! |
** بدون تعليق.
|
Post: #14
Title: Re: عضو المنبر ومرته
Author: humida
Date: 11-25-2005, 09:51 PM
Parent: #13
تصدق يا صديقي اساسي ..
نحن بنعاني مع بعض .. في نفس حتة الوجع ..
وذي ما بقولوا .. الاشياء الجميلة تتشابه ..
فيبدو لي أننا بنتشابه .. وكدا .. !! 
|
Post: #15
Title: Re: عضو المنبر ومرته
Author: JAD
Date: 11-26-2005, 01:59 AM
| Quote: عليك الله كلامي دا بيحتاج لي صنفرة !!! |
يا جماعة الخير الحاصل شنو؟؟
صدقوني دخلت بوستين وطلعت بي خفي حنين ..
الأخ ناذر::
بوست الأخ أساسي دا براهو عبارة عن صنفرة ..
|
Post: #16
Title: Re: عضو المنبر ومرته
Author: ناذر محمد الخليفة
Date: 11-26-2005, 06:57 AM
كيفك يا تاج السر
تحياتي لك أولا ..
موضوع أنا وصاحبي إتونسنا في بوستك حكيتو مرة لي عاطف وقلتليهو تاج السر زعل مني شديد لمن كتب يوستين فصلوهو بسببم غايتو عاطف حذرني قال لي تاج السر دا صاحبي جدا وأوعك تهبشو.. والكلام دا كان في نفس اليوم الهو كان بيتكلم معاك في القاهرة .. قلت ليهو أنا والله ما عندي علاقة بالكورة وهو ما عندو علاقة بالفن والقصائد الأوتومسفيرية وما أظن حا نتقابل في بوست إلا يكون فيهو الشديد القوي
صنفرة :
لكني والله أتمنى أن نتقابل أكثر وأكثر عبر البوستات ..
لك تحياتي وأشكر أساسي على هذا البوست الذي جمعنا سويا ..
|
Post: #17
Title: Re: عضو المنبر ومرته
Author: فيصل نوبي
Date: 11-26-2005, 07:09 AM
Quote: لكني والله أتمنى أن نتقابل أكثر وأكثر عبر البوستات ..
لك تحياتي وأشكر أساسي على هذا البوست الذي جمعنا سويا .. |
يعني باقي بوستين
|
Post: #18
Title: Re: عضو المنبر ومرته
Author: Khalid Kodi
Date: 11-26-2005, 02:22 PM
يبدو ان موجه جديده من السياسه القذره على وشك أن تبدأ.
فتفريغ موافق الناس من مضامينها تشبه سلوكك الذى قدمته فى هذا المنبر تماما،
للناس اسماء ان كنت انسانا على قدر من الاحترام لتنادى الناس باسماءهم، وان اتفق زوج وزوجه او صديق وصديقه فى موقفهم من قضايا عامه هذا لايعنى ماتحاول قوله هنا.
ولكنه سلوك السياسه القذره، فمن يبدأها صعب عليه ان يتوقف.
| Quote: كودي نداx ( مع اي زول) |
ليس مع اى زول انما مع من هم ضد انسانية الانسان ،
ومع من يقتلون أهلنا ومع من يبررون لهذا القتل.
|
Post: #19
Title: Re: عضو المنبر ومرته
Author: ناصر محمد خليل
Date: 11-26-2005, 03:19 PM
الاخ اساسي .
ما فهمت الغرض من البوست دا ؟
يعني لازم الزوجة تكون مع زوجها في كل الاراء أم ماذا ؟
وهل تريد للزوجة او الزوج ان يقف موقفا ضد زوجته في المنبر ام ماذا ؟
ارجو التوضيح ان امكن .
|
Post: #20
Title: Re: عضو المنبر ومرته
Author: فيصل نوبي
Date: 11-26-2005, 03:23 PM
Parent: #19
Quote: الاخ اساسي .
ما فهمت الغرض من البوست دا ؟
يعني لازم الزوجة تكون مع زوجها في كل الاراء أم ماذا ؟
وهل تريد للزوجة او الزوج ان يقف موقفا ضد زوجته في المنبر ام ماذا ؟
ارجو التوضيح ان امكن . |
ناصر خليل
نصيحة لوجه الله
ما تستعجل في ردودك
المنبر ده ما مداخلات تحصيل حاصل
تريث و قدر لقدمك قبل الخطو موقعها ...
ود اخر مرة انصحك فيها ....
|
Post: #21
Title: Re: عضو المنبر ومرته
Author: bob
Date: 11-26-2005, 03:25 PM
Parent: #20
ده شنــــــــــــو ده
|
Post: #22
Title: Re: عضو المنبر ومرته
Author: فيصل نوبي
Date: 11-26-2005, 03:28 PM
Parent: #21
| Quote: ده شنــــــــــــو ده |
دي محاولة
|
Post: #24
Title: Re: عضو المنبر ومرته
Author: bob
Date: 11-26-2005, 03:34 PM
Parent: #22
محاوله شنو دى
|
Post: #23
Title: Re: عضو المنبر ومرته
Author: ناصر محمد خليل
Date: 11-26-2005, 03:33 PM
فيصل نوبي
سلام اولا
اسالك للمرة الثانية ولم تجاوب على اسئلتي بعد ؟؟
هل تترصدني ؟ ولماذا ؟
هذا منبر حر ومن حقي ان اطرح ارائي كيفما يعجبني .
ان كان لك اعتراض على ما اكتبه هنا فقدمه لامين المنبر .
وارجو ان تكف عن مطاردة مداخلاتي مستقبلا .
|
Post: #25
Title: Re: عضو المنبر ومرته
Author: فيصل نوبي
Date: 11-26-2005, 04:07 PM
Parent: #23
Quote: اسالك للمرة الثانية ولم تجاوب على اسئلتي بعد ؟؟
هل تترصدني ؟ ولماذا ؟
هذا منبر حر ومن حقي ان اطرح ارائي كيفما يعجبني .
ان كان لك اعتراض على ما اكتبه هنا فقدمه لامين المنبر .
وارجو ان تكف عن مطاردة مداخلاتي مستقبلا . |
كانت نصيحة
و انت رفضتها
و من هنا لكم دينكم و لي دين
بس الجايات كتير
و تاني ركز يا ناصر خليل
ركز ياااااااااااااااخ
|
Post: #26
Title: Re: عضو المنبر ومرته
Author: saadeldin abdelrahman
Date: 11-26-2005, 04:38 PM
سلام
انت يا أساسي حركاتك وذهنيتك الذكورية دي ما داير تبطلا خالص!
لييييييه ما إكون عنوان البوست عضوة المنبر وراجلها!!
وداعا
وداعا (رودتي) الغناء
وداعا كذبتي النحس!
|
|