فضيحة كوالالمبور...رجعو لينا سمعتنا يالصوص السلطة

احترت كيف ابدا هذة الاستغاثة فالغضب والحزن لما وصلنا له لايقاس...
من الخاسر? لااحد غيرنا نحن المكتوين بافعال سواقط الناس...
التفاصيل عشان تنقهرو زينا....
قررت ادارة التلفزيون فى السودان ارسال عدد من كوادرها لكورس فى الملتيميديا فى جامعة الملتيميديا بماليزيا..يحصل المتخرج على شهادة الدبلوم بنهاية الكورس..الكورس نفسة يحمل الكثير من علامات الاستفهام...حول فائدة الكورس وجاهزية الكادر...المهم...
تلفزيوننا الهمام اثر ان يتعامل مع جامعة الملتيميديا عن طريق وسيط...احتمال لضعف انجليزيتهم او لثقتهم به - رفيق درب النضال- عضو التنظيم والداعية السابق وكادرمنظمة الدعوة النشط- حيدر هجو...
قام هذا الحيدر بامور التسجيل واستقبال الطلاب واسكانهم.... عددهم يفوق ال 130 ..عادو بعد ان تعلموا ما تعلموه.
الان تطالب ادارة الجامعة برسوم الكورس. وهى 300 الف دولار امريكى- المبلغ صحيح 300 الف- قام تلفزيوننا الهمام بتحويل المبلغ لحساب هذا الحيدر ليسدد المبلغ- لاتسالوننى عن لماذا لحسابة وليس حساب الجامعة- سحب حيدر المبلغ وحمل عائلتة وفر الى السودان.

تطالب الجامعة بنقودها...ذهبوا الى السفارة فقيل لهم ان السفارة لادخل لها بالموضوع...نصحوهم بالسفر للسودان والبحث عن اموالهم المنهوبة هناك..
ادارة الجامعة امرت بمراجعة كل الاجراءات المالية للطلاب بالجامعة ومنع اى طالب من التسجيل مالم يدفع مقدما...
انتشرت القصة وسط الجامعات وصارت المرجع لكل تغيير مالى لاى جامعة...
الان ترفض ادارة الجامعة منح شهادات الدبلوما للطلاب...
وللقصة بقية

الأخ مهاتير

سلام ...

مامدى صحة هذا الكلام ...

ممكن تكتب لينا عنوان البريد الالكتروني أو موقع الجامعة على الانترنت ...

ملحوظة : من الأفضل سحب اسم ذلك الشخص لحين التأكد من صحة الخبر .

مع خالص مودتي

Quote: ملحوظة : من الأفضل سحب اسم ذلك الشخص لحين التأكد من صحة الخبر .

العزيز رضا .,

علي الطلاق الخبر صاح

علي الطلاق الخبر صاح

manubia
الحالة: .
عدد البوستات: 904
تاريخ التسجيل: 21-04-2002
محل الاقامة:
: Not shown
صفحتك الالكترونية:
Paltalk name:
اكلات مفضلة: ful +zet simsim+white jibna+bread +Shamaaaaarrrr
الاسم الحقيقى:
التعليم:
التلفون:
الحالة الاجتماعية: Single
العنوان الدائم:
الفنان المفضل:
اللون السياسى: independent
النوع: Male

وكيف ترغب فى التأكد من صحة الخبر

الرجل كتب الخبر على ذمته ولا يصح التشكيك فيه الا اذا كان من عنده خبر مضاد والناس موثوقه فى ذمتها حتى يثبت العكس وا لاصل فى الاشياء الاباحه اى صدق الذمه ووثوق الكلام .

هذا عدا اننى لا استغرب من كادر يتبع لتنظيم الاخوان ان يفعل ذلك فتاريخهم يشهد ذلك خاصة الذين عرفوهم فى الجامعات فى تزوير الانتخابات والكذب واستعمال العنف ثم عندما يكونوا فى موقع المسئوليه فى الجامعه فى اتحادات الطلبه فمشهور عنهم المحاباة كانوا يرسون عطاءات الكافتيريات لا عضاءهم فقط وكانوا يستفيدون من الامتيازات غير السرقه فالمشهور فى اول الثمانينات ان الجميعابى وهو نفس الجميعابى الحاضر الآن قد سافر السعوديه باسم الاتحاد لجلب معدات للسفره قد استغل المال لشخصه وجلب اشياء له شخصيا وكانت فضيحع كبيره .

والا ترى يا عزيزى ازدياد الفساد فى دولة المشروع الحضارى الآن وتقارير المراجع العام تشهد بذلك ويكفى تقرير منظمة الشفافيه الدوليه عن السودان.

الأخ مانوبيا
سلام ...

يازول انت اتزوجت متين ...


شكرا ياأخ معز

رضا يا رضا....
دا عنوان الجامعة

www.mmu.edu.my

Multimedia University,
Jalan Multimedia, 63100 Cyberjaya,
Selangor, Malaysia

Enquiry Numbers:
+6 03-8312 5023
+6 03-8312 5018

Fax Numbers:
+6 03-8312 5022
دى نفس الجامعة الموقع معاها د. ابوبكر صاحب كمبيوترمان اتفاقية تعاون وبرس ليها طلبتو بتاعين الدراسات العليا

هسى يارضا انا قلت ليك الزول دا شرد بالقروش....تجى تقول لى اكد الخبر بالاول...
معلومة: الزول دا لابعرفو ولا بعرفنى...ما عندى معاهو مشكلة ولا حاقد عليهو...الا انا بعرف الجامعة دى وعارف ناسا...الماليزيون بعرفو السودانيين وبحترموهم..ذنبهم شنو الدكاترة والبرفسيرات الهنا يخربو سمعتهم بحركات زى دى?
خلاس سرقو السودان كلو وقبلو برا....

حذف للتكرار

الأخ مهاتير

شكرا لايراد عنوان الجامعة .. سوف ارسل لهم وأطلب منهم خطاب رسمي
لكي أنشره هنا ..

مع خالص احترامي

ممكن برضو تتكرم بالاتصال بناس التلفزيون وتاخدمنهم خطاب كمان?
at www.sudantv.tv

عاد يامهاتير
كان الكلام ده صحي
امانة مافضيحة
فضيحة السواد والرماد


ايمان

إن شاء الله ينفعنو. وحلال عليهو.
على الأقل الطلبة استفادوا من الدورة الدراسية.
يعني بس بقت على التلتمية ألف دولار. الناس بتنهب وعلى عينك يا تاجر بملايين الدولارات وما في زول سألهم.

جبانة وهايصة وكل كوز شايل كيسة ويخم.

Mahathir,,,,,,,,,,,,
ليس د.حيدر لوحده بل هناك أشخاص آخرون يقومون بأرسال موظفين من جهات حكومية في السودان الى ماليزيا لعمل كورسات ,,,و على ما أعتقد انها مافيا منظمة أنا أحببت ان اسميها مافيا الكورسات ...و أتذكر إنو أنا في طريق العودة من الامارات الى ماليزيا قبل اسبوعين قبلت مجمو عة من السودانيين وهم يعملون في احدى الوزارات المستحدثة في السودان وعندما سألتهم عن سبب الزيارة الى ماليزيا قالو لي انهم جايين لعمل كورس بتاع QC أو Quality control ,وانهم جايين عن طريق دكتور فلان ولمن سألتهم الكورس حيكون وين وفي ياتو مؤسسة أو ياتو معهد قالو ما عارفين ......
وبخصوص دكتور حيدر وجامعة الملتميديا كم سمعنا عن قصصو وحكاية انو عامل فيها وكيل قبول للجامعة في السودان وانو بيدفع الطالب الواحد مبلغ وقدره من الدولارات حتى يأتي له بقبول في الجامعةبينما رسوم التقديم لا تتجاوز 50 دولار أمريكي ....وقد لاحظت في الفترة الاخيرة تشدد الجامعة في سياستها المالية في تحصيل رسوم الدراسة وبالذات مع الطلبة الاجانب (والسودانيين منهم ) يا ترى هل لهذا السبب؟؟؟؟؟؟؟؟؟؟؟؟؟؟؟؟؟؟؟؟؟؟؟و للعلم شركته اسمها تمبكتو للإستشارات الأكاديمية
وسلام مربع ياصحبي
وماشين في السكة نمد

ساري الليل
طالب بجامعة الملتميديا
Melaka

Quote: الأخ مهاتير شكرا لايراد عنوان الجامعة .. سوف ارسل لهم وأطلب منهم خطاب رسمي لكي أنشره هنا ..

Ridha
جامعتنا وبنقرا فيها نشوف كان حيدوك الرد

Quote: رضا يا رضا.... دا عنوان الجامعة www.mmu.edu.my Multimedia University, Jalan Multimedia, 63100 Cyberjaya, Selangor, Malaysia Enquiry Numbers: +6 03-8312 5023 +6 03-8312 5018 Fax Numbers: +6 03-8312 5022 دى نفس الجامعة الموقع معاها د. ابوبكر صاحب كمبيوترمان اتفاقية تعاون وبرس ليها طلبتو بتاعين الدراسات العل

الأخ رضا ..... كيفك ...... اها ما قلت ليك علي الطلاق الخبر دا صاح .........

اننا قوم لا نحلف بالطلاق ساااااااااااااااكت كدا(الجماعة في السودان شدو سلك )

المعز ....... البتسوي فيهو دا شقل برالمة ساكت

تحياتي

Quote: على ما أعتقد انها مافيا منظمة

مافي شك !
130 طالب ملتي ميديا ?.. هو التلفزيون كله ما بي 300 ألف دولار !

المعلومة المتأكد منها ان التلفزيون أرسل فعلا 130 طالبا للدراسة في ماليزياعبر مركز التدريب التلفزيوني .
والغريب ان المبتعثين لا يعملون بالتلفزيون ولا علاقة لهم به وكان القصد ان يتم احلالهم محل الكوادرالموجوه حاليا بالتلفزيون حيث ان غالبيتهم من منسوبي المؤتمر الوطني.
وكانت مدة الكورس 3 شهور . وكان كل طالب يصرف 1000 دولار شهريا كنثريات

الاخت إيمان صالح...
بقولو السترة والفضيحة متباريات....طبعا الحيدر دا مابهمو شى
سود وشنا وشرد

الاخ shammashi
النهب في السودان على عينك يامواطن بقى كتير لما خلاص اتعودنا عليهو...بقو هسى لو ماسرقو نشك انو فى شى غلط....وشوف لما شرد مشى السودان..يعنى عارف انو راجع للعصابة ومافى زول بسالو ....وحيكون مجرد حربويةوسط التماسيح...ناس قرف

الاخ wadalzain
رضا دا انا لمن قلتا انو الاسطورة حقت الحكومة مخزنة قروشا فى ماليزيا ما صاح لانو قوانين البنوك هنا مابتسمح بيهو ما جانى ناطى وقالى اتاكد من كلامك بالاول ولا قال جيبو عناوين البنوك علشان اخد منهم خطاب...بس عادى...مشيها يا ودالزين

الاخsari_alail
غيتو الا زامزوري ما يقابلك بس

Mahathir
Salam
Did he (Haydar) finish his 2 PhDs? I heard
that, while I was there, he was doing 2 PhDs in one time
and every month he travels to Sudan!!!!!!o

الاخ manubia
الحيدر دا مابستاهل تحلف فيهو طلاق... والحيدر دا مابنمسح اسمو الا بعد مايرجع لينا سمعتنا الاخدا معا ال 300 الف

الاخ Elmuez
3 شهور 3الف دولار للطالب لتعلم تصاميم الملتميديا ومجابدة اللغة الانجليزية...غايتو السودان مامتقدم الا فى العقليةالاجرامية

الاخ Napta king
الطلاب يداومون علي التلفزيون بحثا علي شهاداتهم ويقابلون بكل انواع العبارات التسويفية... واخيرا منعوا حتي من دخول التلفزيون

ربنا لاتؤاخذنا بما فعل السفهاء منا

الاخ yasiko
مامتاكد من المعلومة دى بس بتاكد ليك منها....من كلام سارى الليل عرفتا انو عندو PhD....
doing 2 doctorates and traveling monthly to sudan tells you how fake he is ...that's an ultimate shame and disgrace

الوجية صديق الموج...
السفهاء ديل زى السرطان لو ما استاصلتهم بدري بينتشروا وبدمروا الجسم كلو...
يعنى هسي لو سكتنا الحيدر دا بشرد...
محاسب التلفزيون الحول القروش لى حساب شخص مع انو مفروض يحولهالي الجامعة
مافي زول بحاسبوا
ناس السفارة القالو ما عندهم دخل بالموضوع مافي زول بسالهم....

مهاتير .....
يا زول زامزوري مننا وفينا .... المهم دكتور حيدر دا حنكو شنو

ياجماعة الخبر صحيح 100%

واليكم الحكاية من الأول

حيدر هجو شخصية معروفة في ماليزيا وهو صاحب فكرة ابتعاث دارسين الى ماليزيا وهو يمتلك شركة اسمها تمبكتو في منطقة (جبره) بالخرطوم وهو شخصية موثوقة لدى الماليزيين وفي المرة الاخيرة لان الصيد كان ثمينا قام باستلام الاموال وهرب الى السودان وهو حاليا معتقل لدى الامن الاقتصادي منذ اكثر من 7شهور في قضايا كثيرة من بينها موضوع ماليزيايمتلك منزلا فاخرا بالعمارات .

ستار يا عليم..رزاق يا كريم....
اصبحنا واصبح الملك لله....فتحت الياهو ماسنجر الصباح والقى واحد الياهو بتاعو اسمو XXXX مرسل لى off-line messages وبقول لي اتصل بيهو عشان يوضح كيف انا ظلمتا هذاالحيدر وانو "د.حيدر انسان شريف"....
ياعزيزى abuobida_s...ال Discussion board مفتوح للجميع...يعنى ما لازم تقنعنى انا....المشكلة ما فينى انا...والله يسعدني انو يكون في خطا والحكاية ما كدا....انا ساهل وبقتنع بس البقنع الجامعات ويغير فهمهم عن السودانيين شنو?
قبال ما تقنعني امشي لى ناس ال Multimedia University واقنعهم يقبلو انو قروش السمستر تتقسط تانى للطلبة الاجانب خاصة السودانيين.....
وليك علي التزام باعتزار معلق فيهو صورتي واختو في السفارة والجامعة وفي sudaneseonline....يتبع...

my email .. [email protected]

الاخ Napta king
اليمسكوهو زي ما عاوزين بس رجعو للمساكين ديل قروشم وادو الطلبةشهاداتم..

up till the money is paid

الأخ مهاتير وصلتني الرسالة التالية من أحد السودانيين في كوالالمبور :

Quote: لم يكن غريبا أن ينتهز الدكتور حيدر هجو سذاجة ادارة التلفزيون وسفارة السودان بماليزيا، اذ ان هذا الرجل جاء الى ماليزيا فى اواخر التسعينيات بدعوة من معهد بوريم الماليزي لحضور مؤتمره السنوي والذي يهتم ببحوث الزيوت ومشتقاتها وقد جاء هذا الرجل تحت وصاية بعض المقربين الى اجهزة الحكم بل وزراء فى حكومة البشير فى ذالك الزمن ومازالو فجاءت التوصية الى سفارة السودان بماليزيا للاهتمام بهذا االرجل حتي يكمل مهمته فما على السفير عمر عثمان (طلب لجوء فى الولايات المتحدة الامريكية عام 2002) فاستقبله سعادة السفير بنفسة وحرمة السيدة سامية وكان ايامها الدكتورعريسا جديداً بعد انتهاء المؤتمر لم يعد السيد/ الدكتور الى السودان بل وجد فرصة للدراسة فى الجامعة الوطنية الماليزية لدراسة لدرجة الدكتوراة فى اللغة العربية وايضا فرصة اخري فى جامعة بترا الماليزية كلية الزراعة لدرجة الدكتورة وفى نفس الوقت كان طالباً للدكتوراة فى جامعة افريقيا العالمية لدرجة الكتوراة وقد منحت هذه الجامعة الدكتوراة عن طريق المراسلة لاادري كيف منحت هذة الجامعة درجتها لمن لا يستطيع ان يكتب ورقة بحث و على جامعة افريقيا السلام اذا كانت تمنح درجتها لغير المؤهلين وعليها ان تراجع قرارها بمنج هذة الدرجة. وعليكم ان تسالوا دكتور مبارك الاستاذ بجامعة الخرطوم كلية الزراعة والدكتور احمد الفايق استاذ الجغرافيا بجامعة الخرطوم والدكتور خالد مرول الاستاذ بجامعة اعالي النيل الذين قبضوا ثمن كتابتهم لبحوثة واوراقة بل وطباعتها التى نال بها درجة الدكتوراة. هذا هو احد ابناء الحركة الاسلامية فى السودان بل تربي فى كنف احد شيوخها ومجاهديها الشيخ الشهيد قسم الله رصاص ولعل الدكتور قد ذهب الى احراش الجنوب وقد بترت احد اصابع يديه والتي جعلته يتنفرز على مسئولة وزارة التعليم العالي عن الطلبة المبتعثين الاستاذة امال الحلو ذاكرا لها ان اصبعه قد بترت فى احراش الجنوب من اجل حراستك فعليك ان تمررى امر ابتعاثي وتمويلي وإلا. وقد تمكن من الحصول على بعثة من المالية لزوجته التى كانت تعمل فى مصلحة الضرايب وايضا قد قام بتمويل صديقة يوسف عثمان لدرجة الماجستير ليبعث فيما بعد لدرجة الدكتوراه من جامهة الازهري وهو الن بالجامعة الوطنية الماليزية وهو ينتمني لتنظيم الدكتور الهلامي. ولعل فضيحة مبتعثي التلفزيوت لم تكن الاولى بل سبقتها سوابق طلبه كلية هيلب Help Institute الذين جاءو بعد ان دفع كل واحد منهم مبلغ الف دولار نظير تقديمه لهم لامر طلبات القبول والتي تكلف 30 رنجتا ماليزيا (7 دولار امريكي) ليصلوا فى مطار كولالمبور وقد عوكسو الدخول الى ماليزيا بحجة امر الفيزا يتم فى السودان قبل مغادرة الطالب لبلدة وبعد ان تدخلت سفارة السودان تم دخولهم الى ماليزيا لتبدا رحلة المعاناه مع هذا الشخص ليتركهم وحالهم بعد ان استعانوا باخرين سودانيين لمساعدتهم ليفقدوا مبلغ الاف دولار وايضاُ قصة الطبيب الماليزي الذي اتي الى سفارة السودان مطالباً بدفع قيمة علاج للسيد الدكتور وعائلته. ولعل هناك الكثير والمثير عن هذا الرجل الدكتور الكارثة فى جبين السودان والحركة الاسلامية. السوداني كوالالمبور- ماليزيا

والله مهازل....ودا مابكون واحد...العواليق الزيو كتار

Quote: Ridha الأخ مهاتير شكرا لايراد عنوان الجامعة .. سوف ارسل لهم وأطلب منهم خطاب رسمي لكي أنشره هنا ..

على حسب علمي وخبرتي مع الجامعات مااظن هناك جامعة يمكن ان ترسل لك خطاب رسمي في مثل هذه الحالات ولا ادري باي صفة سوف ترسل لك الجامعة الخطاب الرسمي


بالنسبة للمدعو حيدر هجو, انا لا اعرفة شخصيا ولم يسبق لي مقابلته, ونسبة لوجودي بماليزيا لقد سمعت عنه الكثير والمثير وعلى حسب ما يحكى عنه فهو بلا شك شخصية مثيرة للجدل

لقد سمعت حكاوي كثيرة عن هذا الرجل ونسبة لعدم معرفتي به ومقابلته لا يمكن لي ان اجزم على صحة الكلام الذي يحكى عنه, فقط الشيئ الوحيد المتأكد منه, هو وصول 130 شحص للتدريب في مجال التلفزيون بجامعة الملتمديا الماليزية وانا شخصيا قابلت جزء منهم وشاركونا بالغنا والعزف في احتفال تخريج زميل لنا حصل على درجة الدكتوراة وما سمعته بانه مقلب الجماعة وفي واحدة بقت تصرح بالمقلب الحصل فيهم والظاهر الكلام وصله عن طريق شخص ما وقيل انه ضرب ليها تلفون وقال ليها لو ما بتقفلي خشمك انا حاطهرك

قابلت احد الذين اثق فيهم ولقد ذكر لي بان المدعو هجو اخذ من زوجته في السودان مبلغ 500 دولار مقابل حصولها على قبول من جامعة ماليزية وسكن لمدة من الزمن وعلى حسب قوله لمن وصلت الي ماليزيا مقلبها وما سكنها ونام بالقروش وفي حكاوي كثيرة زي دي بتحكي عنه ولا ادري ما صحت الخبر

فقط الشيئ المحير لماذا يتم ارسال 130 شخص من السودان للتدريب في ماليزيا بمبالغ طائلة وهذه المبالغ كفيلة بفتح جامعة بالسودان او يمكن فتح كلية بهذه المبلغ لقضاء نفس الغرض والكلية سوف تكون كسب للسودان وعلى اسوء الفروض بجزء بسيط من هذا المبلغ يمكن استدعاء خبراء للسودان لتدريب هذا الكادر وده افضل بكثير وفيهو توفير وفائدة اكثر ولو كان سبب التدريب في الخارج هو عدم توفر الاجهزة المطلوبة في السودان اذا لماذا تدريب اشخاص على اجهزة غير متوفرة في السودان؟

حاجة تحير

الاخ aosman
مككن تشرح لنا لماذا ترسل الحكومة هذة الاعدادالضخمة من الاطباء لجامعة الملايو? هل تتقدم جامعة الملايو لهذا الحد على جامعةالخرطوم? لماذا لايثق المالييزيين في اطبائهم? لماذالانرسل الاطباء لبريطانيامثلا?