ادعوكم للمشاركة بهذه المسابقة (مسابقة العام)

الاعزاء اعضا المنبر الحر

عام جديد سعيد على الجميع
ونحن الان نشارف على انتها عام 2005 ازف التهانى اليكم صادقة واتمنى ان يكون العام القادم عام اجمل وتتحقق فيه كل الامنيات الصادقة ..

ادعوكم للمشاركة بهذه المسابقة (مسابقة العام)
وهى عبارة عن تقديرات الاعضا وترشيحاتهم لاجمل بوست للعام (اجمل مداخلة)
وبالمقابل اسخف بوست (اسخف مداخلة)

وهنالك جوائز عينية محترمة جدا لصاحب الترشيح الفائز وصاحب البوست

الجوائز عبارة عن اسطونت:
1. فلم الحائز على الاوسكر (فلم العام- DVD)
2. الاسطوانة الفائزه فى Top 10
3. اسطوانة وندوز Windows XP +Service pack2
4. اسطوانة Office 2002
5. اسطوانة اغانى سودانية متنوعه تعمل على نظام MP3
وسوف ترسل الجوائز على عنوان الفائز على طريق البريد المسجل لضمان وصولها ..
ملحوظة: الاسطونات التى سوف ترسل نسخ وليسة اصل .. وهذا للامانة .

شروط المسابقة : (هى فى غاية البساطة)
لعضو المشاركة ان رغب مرة واحده فقط .. يمكنه التعليق على ترشيح اى عضو اخر .. لكن يكون له الحق فى الترشيح مره واحده فقط..
اذا تساوى بوستين او ثلاثة فى حصيلة التصويت يكون الحق لاول ثلاثة ترشيحات (فوز مضمون) وسيتم اجرا قرعة على بقيت المرشحين حيث يتم اختيار مرشحين فقط لكسب الجائزة (ليكن اجمالى الفائزين 5 مرشحين بالاضافة لصاحب البوسه)

وسوف يكون اخر يوم للمشارة والترشيح يوم 15 ديسمبر حتى يتثنى لى ارسال الجوائز للفائزين لتصلهم اخر شهر ديسمبر او مع اطلالة العام الجديد ..

عام جديد سعيد للجميع مرة اخرى
لكم وافر الشكر والتقدير
وحظا وافرا
الريح كودى
(ليس لدى الحق فى الترشيح لكن فى بوست وكتابة (كتابية) لابد ان اقف عندها للكاتب محسن خالد)
لك الشكر العزيز محسن وعام جديد سعيد

رد عليكم: (الرجل الكلوروفيل) الجنس فوق وتحت الطبيعي

واجمل مداخلة للعزيزة ايمان
Re: رد عليكم: (الرجل الكلوروفيل) الجنس فوق وتحت الطبيعي

أخـوى الريح
كل عام والجميع بخير
البوست بتاعك ده أروع بوست وأجمل بوست والبوست الوحيد المافيهو كلام فى السياسه القذرة مفرقت الشعوب .
أرشح هذا البوست للجائزه وبالله ماتنسى رسل لى الجائزه.أما آسخف بوست فالمنافسه شديده.
مع الود

وانا برضو ارشح البوست دا..
.
.
رايك شنو لو خليت الجوائز
لاحسن بوست
مداخلة
كاتب
.
.
وخلينا من حكاية
اسخف بوست (اسخف مداخلة).
.
.
لسبب بسيط.. حا اقولو ليك في ما بعد.
.
.
مجرد اقتراح
حـبي وورده وفنجان قهوة مدنكل من

Tim Hortons

الاعزاء عضوية المنبر الحر
تانى عام سعيد

وشايف كده المسابقه بتاعتى بارت وما لقت دخل .. او ربما للاستخفاف بالجائزة المقدمة او ربما لتامر بكه صديق الزمن الجميل و العزيز خالد كودى .. واحب ان انوه هنا ان ما اتى به خالد وثناه بكه ما هو الا اشاعه مقرضه فى حقى فارجو عدم لاستدلال بها ..

حقيقة انى كنت متابع وبشكل (ما بطال) لما كتب على صفحات المنبر من بداية العام ، فهنالك الكثير جدا من الكتابات التى كم هى اضافة حقيقية بالنسبة لى وللكثير هنا ( لابد ان نتوجه للباش مهندس بكرى بالشكر والتقدير كاملا).

وكانت فرصه عظيمة جدا للكثير من الشباب المدهش فى ان يتعرف عليه الاخر وعن قرب من خلال تجارب وتقاربات فكرية مفيده للطرفين ..

وللمسابقه ايضا فائدة كبيرة وهى التوثيق وفى تقديرى هنالك الكثير من الكتابات من افراد قد سبقو الزمن بكثير جدا وصاروا يخلقون اشكال جديدة للكتابة واشكال جديدة للتواصل بين الاجيال ..

يمكننى الاستدلال بمثل الكتابة الاتية (انه جمال سردى فريد) وشكرا لك طلال عفيفى
وده كتابه لا يجد الاخر الا ان يتفاعل معها وممكن يشيله ويجر بيها من جمال الطريقة التى كتبت بها .
http://يوم من الأيام ...
عام سعيد يا طلال

فهنالك كثير من الكتابات المختلفة التى كتبت تجدها محفورة فى زاكرتك دون ان نشعر
مثال اخر وكتابة جد مختلفة وبوست قييم ومفيد للغاية للعزيزة ايمان احمد
http://عن الرقص ...... وموسيقانا الداخلية

كل الشكر ايمان وعام سعيد
ويوجد الكثير والكثير بس انتو اصحو معانا يا شباب شوية


العزيز WADKASSALA

عام سعيد وعمر مديد
لك امنيات بجمال جبال التاكا وطيبة اهلك الطيبين
شكرا على المرور وترشيحك للبوست

بكه وخالد كودى
كتر خيركم انتهيتو منى
عام سعيد وامنياتى بحجم البحر

رانى يا ود السمانى
عام سعيد يا عزيز وامنياتى بالجميل لكل الاصدقا الانبيا كما كتبت يوما ايمان

عارف هديتك ده زكرتى اخر كوب جميل شربته مع عادل وسيلة ونحن فى الطريق الى توصيل الرجل الجميل سعيد الى منزله كان سعيد يحمل ابنته الجميله ويداعبها التحية لسعيد واسرته الكريمة ووسيله واسرته الكريمة ...


ومرة اخرى يا شباب ساعدونا بالترشيحات
لكم ودى وتقديرى
الريح كودى

البوست جميل لكن سيديهات الريح كودى ضاربه،

فالعايز يشارك فى المسابقه مايتوقع جوائز.

ومعليش يارفيق، الحق حق.

الصديق الريح كودى تحياتى

حقيقة البوست جميل وكنت امنى النفس بالهدية الجميلة

ووفرت زمنا لابأس به فى التصفح بين مشكك فى الامر ولكن...

العزيز خالد كودى وفر على طول الدرب باليقين

وكفاية البقى علينا فى الثانوى

تحياتى ياجميل وساعود

كوكى ..ممكن اشترك؟


فى خيارات؟


ده نوع من العباطة الدخلها اعلام الجبهة الاسلامية لقاموس برامج المسابقات..وده كلو طبعا ..امعانا فى تقنين العباطة وتأصيلها( ان دعى الحال)..


عليه ولا يهمك..حتى لو مافى ولا بوست واحد فاز..يكفيك شرف الحاولة..وقاعدة التذكير..التى انتهجتها..علهم يسمعون!!

والله ولى التوفيق

صاحبك: عاصم

كتة الجميل
سلامات ومشتاقين كميات
عام سعيد مقدما لك ولملوزى العسل
ولهاجر كل الامنيات بالتوفيق مع زنقة القراية

Quote: كوكى ..ممكن اشترك؟

انت ممكن تشيل البوست ده كاملا
واكيد حيطلع منه حاجه كويسه

لك الشكر على المرور واتوقع المشاركه ربما تريح الجائزة
ودى وحبى لك وجميع الصدقا
الريح كودى

Quote: ملحوظة: الاسطونات التى سوف ترسل نسخ وليسة اصل .. وهذا للامانة .

الكلام البالأحمر دا ذكرني الترابي!!.. يعني تفلِق وتداوي!!.
يا أبو الريح ممكن الواحد يرشح أكتر من بوست وأكتر من مداخلة؟

العزيز الريح
سلامات

فكرة جميلة جدا!!

ساتيك بترشيحات قبل يوم 15 ديسمبر

اجمل مداخلة هما اثنتان للعضو دكين الاولي في بوست رسائل العنقالة وهي
عن يوم الاثنين الدامي في الخرطوم بعد وفاة جون قرنق :

Quote: الناس هنا ينامون ساعة او ساعتين .. وابي يصلي صلاة الحرب امام المنزل ... الفزع كثيف والناس في هلع ويثبون على الميتة وثبا ... عدت فما وجدت قرنق ولم اجد سناء ولا وجدت سواطة .. النساء هلعات في خدورهن ..وسناء تمتحنني بغيابها ...وخدر قاعد ينظر فيما لا طائل من ورائه ... بقرت بطون النساء ولا يزال هناك من يتحدث عن ضبط النفس ورفع الكلف والتحلي بصفات الانبياء والصديقين .. ليس من السهل ان اصف كل ما رايته ..بيد ان خدر يستطيع ان يتحدث فيما لم يره او يعيشه .. صديقي خدر ُرفعت عنه الحجُب فاضحى المتحدث الرسمي بما لم يرى .. يا خدر لا اراك الله مكروه في عزيز .... لولا الحياء لهاجني استعبار ولرميتك بنعت تستحي منه الحرائر ... خرج احدهم من منزله في الكلاكلة صباح الاثنين العبوس وحين عاد في ظهيرة نفس اليوم ما وجد امه ولا وجد اخته وما ثبروا تثبيرا ... ايهاالخارجون في شتات الارض ..المنظرون في شي ما لكم فيه ..ان عدتم من خارجنا فوجدتم امهاتكم واهليكم فاحمدوا الله حمدا كثيرا ومن ثم تقربواليه بدم .. من جانب اخر :- انا شاكر لكم حسن حديثكم اعلاه . جميعكم احييكم واسلم عليكم تسليما كثيرا.. من الصعب ان تضع ساطورك جانبا اكثر من عشرة دقائق في الخرطوم ... ومن الصعب ان تكتب وساطور بين اصايع كفك.. اعود اليكم فيما يتعلق بهذا البوست حين اضع ساطوري .. ساطور في اليد ولا الرفيق الفسل ...

والاخري لنفس الدكين في بوست بشاشة دا ما عندو موضوع وهي ردا علي مداخلة محسن خالد

Quote: سرني ان الروائي محسن مر من هنا .. والكلام مع الناس اللذيذين بيخلي الواحد يتجلى (او كما قال محسن ذات بوست ما).. كلامك يامحسن جميل وسمح بيد أن جماله وسماحته دليل على ارهاصات الدواس القادم ورهينة في النفوس .. يامحسن من يوم قفز هابيل وجاب اخر قابيل والناس في فزع دائم .. تلك حركة المصالح وبهذا يتحرك التاريخ.. شعوب تبيد شعوب وقبائل تكر على اخرى .. امم تتشكل وامم تباد.. منذ الازل جبلت الارض على ذلك .. الخلايق بتضارب منذ الازل من اجل أن يجد الانسان لنفسه موطء قدم .. حروب الفينيقيفن، الهكسوس ، ملاحم اليونان.. الزحف الاسلامي على جنوب اسيا والقوقاز .. الزحف الاوربي على المسلمين في اسبانيا.. حروب بني كنعان على الانبياء .. الزحف اليهودي على اراضي الكنعانيين مرة اخرى.. ابادة الهنود في امريكا.. ابادة البوشناق.. تاريخ طويل من التشكل الانساني الثقافي عبر الحروب ... ومن ِعبر تلك الحروب يتدبر الانسان ماساة وجودة ويتطور في منهجة ومستوى تفكيره إلى ماهو غير حربي .. والى ماهو انساني .. ويخرج الينا من خضم تلك المحن النظريات الانسانية الكبرى ..يجونا ناس سارتر وماركس وهيجل وهرتزل وجان روسو ودريدا وبن عربي والحلاج ومحمود محمد طه وتجي انتا بالنظرية المجرية ..كل ياتي بما ُيسر له.. النظريات الانسانية دي ما جات لانو العالم كان بعيش في روضة غناء تجري من تحتها الانهار .. دي جات لانو العالم عاش عصور مظلمة .. وستظل لانو العالم لم يخلق لان يكون مثاليا وتنتهي احداثه زي الافلام العربية والهندية.. العالم لن يخلو من هذه العصور المظلمة مادامت الخليقة.. ولن يخلو من اطماع الانسان مادام الانسان.. انا موجود عشان ابرر للتاريخ الحروب التي تنشا.. والعصور المظلمة .. انا ضرورة تاريخية ... وما نحن إلا مسببات لتصل البشرية الي غاية منتاها ويرث الله الارض في قيامة قائمة.. اقدار تقود إلى اقدار اخرى .. عشان يتخلصو من البشرية التي تحمل مثل افكاري لابد من دواس مرير يستمر دهورا وازمنة.. هذه النكبات دائمة الاستمرار هي امتحانات الخالق لمخلوقاته ..تبقى ما بقى الخلق.. انا لست من خلق العنصرية ولست اول من سعى لنصرة بني عمومته.. ما نشهدة اليوم ما هو إلا نتاج تطور لغريزة البقاء، ودي ما ختيتا انا في البشرية كما واني لست اول من حمى الحمى واتخذ حدودا للكلا والعشب والساقية .. كما واني لن اكون الاخير.. نحنا لسع في بلادنا وفي بلاد اخرى حنلقى مشاريع دواس طويل المدى .. لاتزال فينا نزاعات الانسان الاول ..شئنا ام ابينا لابد من دواس .. لابد لكي ينبلج صبح انسانك المجري من ليلٍ دامس يامحسن.. الاتحاد الاوربي لم ينشا هكذا عشية عيد كريسماس .. وانما هو إرث همجية ما عادية .. كانو اشد باسا في حروبهم ولازمان طويلة .. ركبو العالم كلو بي سفن شراعية قبل مئات السنين ودواسو خلق الله في مساكنهم وخيراتهم ونسائهم..وحلالهم.. وفي انفسم كان باسهم بينهم شديد ..وقبل سنين غير بعيدة ركبوا الامم تاني بي سفن تسير بالبخار وبمجنزرات برية وطائرات لها حيزوم من الصلب والفولاذ.. ولا يزالون. شفتا كيف.. . بالرغم من قربهم لمرحلة الانسان المجري وتطور احترامهم لي حقوق الغير .. إلا أنه لايزال بين ظهرانيهم امثالي .. لست لاني ومن على شاكلتي اكثر دموية من غيرنا.. ابدا بل لان تلك مشيئة الدنيا.. وجودنا مهم لوجود هذه الدنيا التي جبلت على الاختلاف.. بنا يستمد الملكان الموكلان شرط وجودهم.. انتوعايزين تبوروا وظائف الملايكة ومهام الالهة؟! ياصاحبي حلمك في تغيير العالم لى ما تراه هي مسالة مشروعة .. ومن حقك ترى ما تراه وتنادي لخلق ادميين كونيين .. نحنا بقى عشان نصل مرحلة انو الغالبية البينا مجرية والاستثناء فيهم دناقلة متعصبين ..لابد من ذلك الدواس ... عقولنا لن تطور إلا بمزيد من الدماء .. لن نتبصر المأساة إلا حين ترى أن نصف امتك قد ابيدت من اجل نخلة .. السلام الانساني واخوة البشر تنظير وكلام فاضي ساي ومافي زول قدرو ..لانو مافي زول حسى بيهو لسع .. كلو كلام اكاديمي لاقانا في وسط مكيف بارد وقاعة مريحة وجكس بالجوار.. عشان نعرف انو الحياة منحة لابد من مذاق الموت .. حين تشخب الدماء على حصباء مضاربنا لسنين سنعرف قيمة الحياة التي ننتهكها .. وغصب عننا حنفكر في الذين مضو لمجرد انو تطرفنا في تقيم القدرات الذاتية .. ما يحدث في السودان هو تطور بشري .. انحنا بنتطور يا حبيب .. قدرنا أن نكون نحنا ضحايا التطور .. والى أن نصل إلى الكائن المجري ..ستدور جثث المضحين وستصل عنان السماء .. حتي انتا في مجريتك دي لسع ما وصلت الانسان المجري الشفاف.. ولازلتا تتطور Quote: لامن كان الموت في وش الإنجليز كان دا موت الأبطال والثوار، لكن لامن نكتل بعض دا اسمو موت العار،.. لامن يوجعك موت الانجليزي والجعلي بنفس المقدار بعد داك بتكون اقرب لي المجرية على حد فهمي بها من خلال حديثك عنها.. انتا قد تكون كائن متطور اكتر مني باعتبار ان التطور يذهب نحو عولمة كل شي وهو شي بخلي الزول اكثر قبولا للاخر.. انا بقى في مراحل متاخرة عنك ..كتير او قليل ليس ذلك مربط افراسنا .. المهم اني اتطور نحو المجرية التي تقصد.. احسن برضو من جدي (خيري) .. كان لايقبل اصلا التفاهم مع غير السادة، ويعتقد أن الحوار بين الصفوة وعامة الناس هو محض عبث.. كان بذرب الناس في زرايب زرايب.. على الاقل انا بتفاهم .. جدي ما كان برضى بالذي رضيت به ايامئذ .. لانو لم يكن ثمة اسطول سادس بطوش في البحر الاحمر حينها وما كان في صورايخ كروز وتوجيه عن بعد ولا حلف الاطلسي .. وما كان في زول بقدر يجي يقلعو من وسط ساقيتو ويدخلو في ابرول برتقالي ويختو في غوانتنامو .. جدي وبوش نفس التفكير بيد ان بوش اكثر دبلوماسية لانو جلس واستمع لاراء مفكرين واكاديميين في سمسترات طويلة بجامعات عريقة.. في حين ان جدي كان واضحا جدا وبدائياً.. وما جالس غير الخمر والسراريات.. بوش استطاع بتحصيله الاكاديمي ان يداري عنصريته .. جيوشة ترتكب مجازر في انحاء الدنيا وتنتهك اي حق متفق علي صيانته.. بيد أن جدي كان يفعل ذلك معتقدا بصحة ما يفعل.. وبوش يفعل ذلك مدفوعا بادب قيامي قلوبال .. يؤمن باخرة لاتقوم إلا على انقاض شرٍ مستطير وتلال من الجثث.. باسم الحرية في هذا الزمان سجن موسى العصر الخلق في زرايب وجنزرم فردا فردا واباح لجنوده ِتحت تحت التصرف في كراماتهم.. دي الدنيا يا محسن.. يركبونك لانك ترجلت.. ان تظل حيا عزيزا يعني ان تظل حياً راكبا الى الابد.. ما دامت الدنيا على حال لان تلك حركة التاريخ.. انا لست عنصرياً .. ولكني ادفع عن نفسي الاذى واحب ان اظل حياً اطول فترة ممكنة.. فما تقدوني اكثر مما يحتمل فتقي .. انما هذه حركة التاريخ وغريزة البقاء وابشرك انو بعد ميتين تلتماية سنة حنجد قبيلة مجرية .. تتعنصر لكونها مجرية ولا تمت إلى ارض بعينها ولا إلى ثقافة بعينها.. ُتغير المجرية على غيرها غير المجرية لفرض ثقافتها اللامجرية .. سنجد اعوامئذ مجريين متطرفين في مجريتهم.. متعنصرين لمجريتهم.. لن يرث الله الارض والعباد متفقون يا عزيزي.. انا اؤمن بالقيامة .. انما نحن مستخلفون فيها .. منا من هو صالح يسعى لصلاح نفسة ودنياه .. ومنا من يفسد فيها ويسفك الدماء.. انتا قرايتك الكتيرة البتقولها، سفرك ، انفتاحك على عوالم غير، و تفكيرك الكتير .. دي كلها حاجات تصنع ادمي فليكسبل (مرن) قابل لي التعامل مع انماط حية وحياتية متنوعة و بي مرونة كبيرة .. انا بقى بقيت مابحب اقرا كتير ... اكتقيت بما قرات على ِقلته .. ما سافرت كتير.. بطلتا اصاحب رجال مؤخرا.. بقيت اكتر من معرفة النساء.. وانتا عارف الحريم لايضفن اليك سوى مزيدا من الشجون .. يعني بقيت منغلق وذو شجون.. غير راضي بيد انه الخيار المتاح في الوقت الحالي... مافي وكت للتفكير الاستراتيجي.. انما انا منغمس في محيط ذاتي ضيق.. Quote: أقوليك آي.ي.ي جابتني "ناقة"، حبابي أنا أب كَلَع، تَلَّبت حاقب سيفي ودقَّيت البرمندي في الـواطـة وقلت دي ساقيتي، رَكَّبتك إنت فوق الناقة الجابتني دي ذاتها، وأدَّيتها سوط، قلتلك "زوع" بلا ترهاقا بلا بجراوية بلا الله أداني ساقية، دُقْ اسم هنا يا زول دي اسمها عطبرة، دُق اسم هنا يا زول دي اسمها الدامر، دُق اسم هنا يا زول دي اسمها شندي، دُق اسم هنا يا زول دي اسمها الجيلي، انتا قايل كلامك ده ما حصل ؟! اهو دي حركة التاريخ الانا قاصدها ليك.. انا ما ممكن استكين لمجرد انو انتا بتكلم عن كائن مجري مسالم يعيش اينما يجد نفسة.. مافي ضمانات بتمنع استمرار الدواس علىحين غره.. من وين بتضمن لي انو مجريتك او مجرية خمسين الف مثقف ممكن تمنع مقابرجماعية واغتصابات ومجازر في شمال السودان المفترى عليه ..؟؟! ضمانات الامم المتحدة؟؟ الاتحادالافريقي؟؟ الايقاد؟ عايزني يا محسن أوخذ على حين غره .. اضيع المومنات الغافلات الفي الشمالية ديل بضمانات مرتزقة وميثاق غير مرعي من امم كافرة وتنظير انساني مستمد من خيال مثالي دائر منذ الاف السنين .. ُمنتج عوالم ما بتعرف إلا المصالح ويقودها مرتشون ؟! اسلم اهلي لي استراتيجيات السي أن أن واقعد اتباكى .. واقول وينك يا انساية ووينك يا غوث ؟! ابدا يا محسن الضمان الوحيد لاماني هو اني اتحزم واقيف بشدة ضد كل مايهدد بقائي وينسف وجودي كسيد على مكاني.. طالما ان هناك من يترصد اهلي في الجانب الاخر ذلك يعني انو انا لابد ان اكون على قدر ذلك الترصد الموجود.. ماممكن انا الليلة اشوف زول بلتق في صور عشان يألب العالم ضد وجودي واقعد اتغني ليهو بي مجرية الانسان.. وبعدين اجي اغني ظلموني.. انتا بي جدك يا محسن؟ انا يا صديقي لايكيفني وجود ادميين مثقفين موضوعيين غير محاربين زي صاحبي بوش اوابكر ادم اسماعيل او جوزيف قبريال (صديق جامعي) او نيوكلاس كازانتزاكيس او كافكااو اي خواجة اغلف من غرب اروبا او شرق امريكا لكي استكين.. وجود نفر واحد زي تراجي بسوء النية المسبق الذي يطفح منها اينما حلت - كاننا سبب البلاء علىالارض - كافي لاتحسس مسدسي.. ما بنتظر لحدي ما الدواس يجي خشم الباب.. الاثنين الدامي كان بيان بالعمل لحركة التاريخ الانساني في السودان.. ارهاصات ابادة امة .. قبل الاتنين كانت الناس ماشة تكون مجرية على مستوى السودان (سودانية يعني) (باعتبار ان مفردة مجري اكثر عالمية ولا ينطبق على وصف السودانيين حالئذ) اها ..اكتشف الناس فجاة ان هنالك كائانات غير مجرية بالجوار .. النتيجة كانت ضحايا من الطرف الكان في الطريق المجري .. بعديها تدارك الناس ما تبقى من غريزة البقاء..الكانت رايحة تروح شمار في مجرية .. محاولات السمو الانساني الى اعلى منيت بالفشل في ذلك اليوم.. نزلنا تاني الى الارض نفسد فيها ونسفك الدماء.. الارض مواردها محدودة ونحنا غير مجريين ، بمعنى انو لا نستطيع التننفس على زحل .. لذلك بأسنا بيننا عليها شديد يامحسن ..

اما اجمل بوست تصويري فهو بوست المشائين لانه قالوا البكاء بحرروا اهله

اساسى

الشكر على المرور والترشيح


الريح كودى

العزيزة ندا
الشكر على المرور
وفى انتظار مشاركتك

الريح

الترشيحات لاول المشتركين (اساسى)
اجمل مداخلات مرفقات اعلاه لدكين
وبوست المشائين (كاتب البوست اساسى)

وفى انتظار همة الشباب فى الترشيحات

الشكر والتقدير
وامنياتى
الريج كودى