Post: #1
Title: الحنك البيش ..
Author: عمر الفاروق
Date: 11-14-2005, 02:59 AM
Parent: #0
كان مفروض أتصل عليك لكن موبايلي راح وفيهو كل الأرقام بما فيهم رقمك ..
|
Post: #2
Title: Re: الحنك البيش ..
Author: عمر الفاروق
Date: 11-14-2005, 03:01 AM
Parent: #1
أووووووووووووو إزييك يا فلان بالله إنت قاعد بي جاي !!! والله ما شفتك
|
Post: #3
Title: Re: الحنك البيش ..
Author: عمر الفاروق
Date: 11-14-2005, 03:02 AM
Parent: #2
أقول ليك حاجة !!!؟ نتلاقى بكرة يا زول وبجيب ليك الحاجات !!!
|
Post: #4
Title: Re: الحنك البيش ..
Author: 7abib_alkul
Date: 11-14-2005, 03:03 AM
Parent: #2
صدق يا ود الفاروق قبل ما تتصل كنت عايز اتصل عليك
القلوب عند باعضيها والله
|
Post: #5
Title: Re: الحنك البيش ..
Author: عمر عبد الخالق سعيد
Date: 11-14-2005, 03:12 AM
Parent: #1
|
Post: #6
Title: Re: الحنك البيش ..
Author: عمر الفاروق
Date: 11-14-2005, 03:23 AM
Parent: #1
حبيب الكل:
Quote: صدق يا ود الفاروق قبل ما تتصل كنت عايز اتصل عليك
القلوب عند باعضيها والله |
نفس الشعور..
|
Post: #7
Title: Re: الحنك البيش ..
Author: ABUKHALID
Date: 11-14-2005, 03:25 AM
Parent: #6
حنك بيش خالص
|
Post: #8
Title: Re: الحنك البيش ..
Author: عمر الفاروق
Date: 11-14-2005, 03:34 AM
Parent: #1
أبو عمير:
هاك الحنك ده بينفع لي حنكك داك ..
|
Post: #10
Title: Re: الحنك البيش ..
Author: فيصل نوبي
Date: 11-14-2005, 03:41 AM
Parent: #8
ود الفاروق
عمر ده حبيبنا خليك حنين عليو
( حنك بيش  )
|
Post: #9
Title: Re: الحنك البيش ..
Author: عمر الفاروق
Date: 11-14-2005, 03:38 AM
Parent: #1
ما عندي فكة أديني الحاجات دي وبكرة بجيب ليك القروش..
|
Post: #12
Title: Re: الحنك البيش ..
Author: tmbis
Date: 11-14-2005, 04:02 AM
Parent: #9
| Quote: ما عندي فكة أديني الحاجات دي وبكرة بجيب ليك القروش.. |
والله دخلت البطاقة في الصراف .. جاتني راجعة
حنك قديم جدا
|
Post: #84
Title: Re: الحنك البيش ..
Author: walid taha
Date: 11-20-2005, 08:22 AM
Parent: #12
ود الفاروق إزيك...
| Quote: والله دخلت البطاقة في الصراف .. جاتني راجعة |
تمبس انت فى دى ولاّ يقول ليك جيب 100 ريال لحدى بكرة لأنى دخلت البطاقة والصراف قال لى (حــدِّث بياناتك)!!!!!
ده آخر إصدار للحنك البيش..
|
Post: #11
Title: Re: الحنك البيش ..
Author: المكاشفي الخضر الطاهر
Date: 11-14-2005, 03:42 AM
Parent: #1
الاخ عمر
السلام عليكم
بعدين انا ما فاهم حاجة ممكن تشرحوا لينا ولا نلم لم شوالاتنا دي ونقوم نفوت من هنا
لوول
|
Post: #13
Title: Re: الحنك البيش ..
Author: ناذر محمد الخليفة
Date: 11-14-2005, 07:41 AM
Parent: #11
أمبارح ضربت ليك تلفون ما رديت مالك !!!!
الإجابة :
والله أنا طلعتا وخليت الموبايل في البيت !!
|
Post: #14
Title: Re: الحنك البيش ..
Author: ناذر محمد الخليفة
Date: 11-14-2005, 07:46 AM
Parent: #1
يا زول إنتا رقمي دا مسحتو من موبايلك مالك !!!
الإجابة :
أبدا ما مسحتو والله .. موبايلي إتسرق والرقم كان في التلفون ما في الشريحة !!
|
Post: #15
Title: Re: الحنك البيش ..
Author: ثابت محمد
Date: 11-14-2005, 08:07 AM
Parent: #14
إنت عارف ؟؟؟
دى المرة التالتة نكون جاينكم يطلع لينا عارض
أول مرة
لبست ومرقت خلااااص .. قابلوني ضيوف في الباب
المرة التانية
من العصر جاي جاي والله فجأة جسمي ده كلو إتكسّر ولمّت فيني نزلة لا بسمع لا بشوف
الغريبة معاها مغص
أمس
ركبت ماشي عليكم العربية ضرب ليها لستك والله عذبتني
لحدي مارجعتها بالونش
وكلو حنك بيش
|
Post: #16
Title: Re: الحنك البيش ..
Author: عبد الله عقيد
Date: 11-14-2005, 08:14 AM
Parent: #1
يا عمر ياخي كل سنة وانت طيب
انتو عارفين المشكلة وين؟!!
بقينا الواحد ما يفرق بين الصاح والحكنك
شِدّة الناس ما بقت تكضِّب.. اقصد (تحنِّك)!!..
|
Post: #17
Title: Re: الحنك البيش ..
Author: أبووجيدة
Date: 11-14-2005, 09:34 AM
Parent: #1
تحياتي
يامتخبي ...
حقوا تعرف إنو حنكك ده دقة قديمة ....
على أي حال حاولت كم مرة ولم أجد رد ... وتهاني العيد كلفته بيها أخونا مصعب إوصله ليك ...
|
Post: #18
Title: Re: الحنك البيش ..
Author: عمر الفاروق
Date: 11-14-2005, 10:14 AM
Parent: #1
والله انا مبسوط بسطة عشان البوست ده جاب لي أحلى ناس انا بحبهم في المنبر ده ..
" حنك بيش شديد مش؟؟"
فيصل نوبي:
Quote: ود الفاروق
عمر ده حبيبنا خليك حنين عليو
( حنك بيش ) |
والله بيني وبينك الراجل يستاهل الحنية ...(بيش البيش )
|
Post: #19
Title: Re: الحنك البيش ..
Author: عمر الفاروق
Date: 11-14-2005, 10:19 AM
Parent: #18
تمبس :
| Quote: والله دخلت البطاقة في الصراف .. جاتني راجعة |
هاك الحنك ده كمان :
يا فردة بالله أدّي بتاع البقالة ده 100 ريال بديك ليها بعدين ..الجزلان في البيت ..
حنك بيش ألف
والمية ريال تاني إلا في الشاشة الغشاشة
|
Post: #21
Title: Re: الحنك البيش ..
Author: عمر الفاروق
Date: 11-14-2005, 10:26 AM
Parent: #19
مكاشفينا الطاهر:
كل سنة وإنت طيب ياخ (ده ما حنك بيش)..
| Quote: بعدين انا ما فاهم حاجة ممكن تشرحوا لينا ولا نلم لم شوالاتنا دي ونقوم نفوت من هنا |
لالالالا خلي شوالاتك ومخلاياتك كلها بي هنا ..
الموضوع الكلام المييت والأعذار الواهية ..
أدينا حنك حنكين بيش كده !!!
|
Post: #20
Title: Re: الحنك البيش ..
Author: اساسي
Date: 11-14-2005, 10:20 AM
Parent: #18
قال عنترة لعبلة:
ولقد ذكرتك والرماح نواهل مني وبيض الهند تقطر من دمي
فوددت تقبيل السيوف لأنها لمعت كبارق ثغرك المتبسم
ردت عبلة:
يا عنتر خلي الحنك البيش دا ..! العرس بتين؟
|
Post: #22
Title: Re: الحنك البيش ..
Author: عمر الفاروق
Date: 11-14-2005, 11:38 AM
Parent: #1
ناذر الخليفة :
تعرف يا مان انا ما جيت هنيتك بي التخرج بهناك عشان إنت عايز تهنئة تليق بي مقامك
(حنك بيش)
والله بالجد ألف ألف ألف مبروك وانا مبسوط ليك يا مان بس تعرف المشكلة إنو البورد ده أدى الناس إحساس إنو البيكتب ليك مداخلة يبارك ليك معناها قام بالواجب في حين إنو الناس العلاقتهم أكبر من كده مفروض يكون في تواصل ..
والغريبة لمن تلوم الزول يقوم يقول ليك والله كتبت ليك مداخلة باركت ليك ..وكأنو المنبر ده بقا يغنيك عن التواصل الفعلي..
مبروك يا مان ..
Quote: أمبارح ضربت ليك تلفون ما رديت مالك !!!!
الإجابة :
والله أنا طلعتا وخليت الموبايل في البيت !! |
لأ والشديدة شنو :
تضرب لي زول في الموبايل بتاعو يقوم يقول ليك :
ألو منو معاي ؟؟؟؟
تقول ليهو يا فلان معقولة ما عرفتني ياخ إنت ما مسجل رقمي عندك في موبايلك ولا شنو ؟؟
يقول ليك : لا والله بس ظهر لي رقم غريب كده وما عرفتو إنت يا زول غيرت رقمك ولا شنو ؟؟
تقوم تقول ليهو : لالالالا والله ياهو رقمي زااااااااااااتو ..
يقول ليك : والله حاجة غريبة لكن !!!!!! كدي بحاول أحفظو تاني إمكن في مشكلة !!!
ياخ ده بيش البيش زااااااااااااااااااااااااااتو
|
Post: #23
Title: Re: الحنك البيش ..
Author: ناصر محمد خليل
Date: 11-14-2005, 12:38 PM
Parent: #1
زول يحلف إنو جاك البيت مع إنك متاكد إنك ما مرقت وفي النهاية لمن تعصروا يقول ليك إنو دق الباب وما في زول فتح ليو ..
|
Post: #24
Title: Re: الحنك البيش ..
Author: عمر عبد الخالق سعيد
Date: 11-14-2005, 09:50 PM
Parent: #1
معقولة فيصل !!!!! ما بصدق يا راجل هسسسسع كنا في سيرتك ......
عليك الله يا ابوعمير كنا في سيرة منو هسع (بيش)
|
Post: #25
Title: Re: الحنك البيش ..
Author: عمر الفاروق
Date: 11-15-2005, 00:29 AM
Parent: #1
ثابت (البطل)..
صباحك زين ..
Quote: إنت عارف ؟؟؟
دى المرة التالتة نكون جاينكم يطلع لينا عارض |
ومرة كده بعد لبست خلاص وطلعت إتذكرت إنو عندنا زواج زميلنا في الريفيرا ..
|
Post: #26
Title: Re: الحنك البيش ..
Author: عمر الفاروق
Date: 11-15-2005, 00:32 AM
Parent: #25
ود العقيد :
وإنت طيب يا سيدي..
تعرف الحنك الصاح إنو الزول يحنكك لي درجة إنك تقتنع بي حنكو ده !!!!!
وأجمل حاجة تكون عاااااااارفو هو بيحنكك لكن إنت ما قادر تقول أي شي..
|
Post: #27
Title: Re: الحنك البيش ..
Author: عمر عبد الخالق سعيد
Date: 11-15-2005, 00:32 AM
Parent: #1
( ما بيش ولا حاجة)
|
Post: #28
Title: Re: الحنك البيش ..
Author: حمزاوي
Date: 11-15-2005, 00:46 AM
Parent: #1
ألووو مين معاي
معاك دكين
ويب علي
كنا صايمين فطرنا بي بصل
تقطر بالدم
يا اساسي
يا المجليها طوالي
|
Post: #30
Title: Re: الحنك البيش ..
Author: nashaat elemam
Date: 11-15-2005, 00:56 AM
Parent: #28
تعرف يا عمر.. كل يوم اقول امشي عليك.. لكن تقول شنو؟ القدم ليهو رافع
|
Post: #29
Title: Re: الحنك البيش ..
Author: Ahmed Mohammed Osman
Date: 11-15-2005, 00:51 AM
Parent: #1
رسلت ليك مسج (والله)..
ما وصلت؟؟ كيف؟؟ تكون الشبكة كعبة
انتي لو دايرة عيوني بديك ليها.. (في المشمش)
وين يا زول؟؟
والله الجري الما بخلص دا.. من الصباح تجي خاشي البيت الساعة 11 بليل..
اها العرس ميتن؟
قريييييييب (ويكون لا في الحرا لا في الطرا)
|
Post: #31
Title: Re: الحنك البيش ..
Author: فيصل نوبي
Date: 11-15-2005, 01:05 AM
Parent: #1
ود الفاروق
سلام و صباح الخير
( ده حنك بيش البيش زااااااتو )
عمر عبد الخالق
( ما بيش ولا حاجة )
شايف ايامك وردي يا بروبر
( بييييييييييييييييييش يا مان )
تعديل اقتضته الضرورة ( بيش البيش )
|
Post: #32
Title: Re: الحنك البيش ..
Author: عمر الفاروق
Date: 11-15-2005, 01:12 AM
Parent: #1
حبيبنا الراقي يوسف أبو وجيدة التي لم توجد بعد ..
ياخ انا متوفر وزي الشي الكعب (حنك بيش)..
وينك يا راجل والله سائلين عليك (برضو بيش)..
مصعب ما وصل لي أي شي..
وفي إنتظارك يا مان ..
|
Post: #33
Title: Re: الحنك البيش ..
Author: عمر الفاروق
Date: 11-15-2005, 01:18 AM
Parent: #32
والله انا أول مرة أقعد مع بت في حياتي ..(زننننننننننننن)..
قبلك ما حبيت وبعدك مستحيل أحب لي زولة تانية ..(الجااااااااااااااااااك)..
|
Post: #34
Title: Re: الحنك البيش ..
Author: الفاتح وديدي
Date: 11-15-2005, 02:48 AM
Parent: #1
كنت قاعدة أذاكر مع (إشراغة) صاحبتي!!
|
Post: #35
Title: Re: الحنك البيش ..
Author: الفاتح وديدي
Date: 11-15-2005, 02:58 AM
Parent: #1
واللاهي المليون جاهزة.. هسع قاعدة قدامي تسمع فوق كلامنا دة!!
|
Post: #36
Title: Re: الحنك البيش ..
Author: عمر الفاروق
Date: 11-15-2005, 04:02 AM
Parent: #35
أبشر يا زول إعتبر الموضوع ده منتهي ..
|
Post: #37
Title: Re: الحنك البيش ..
Author: الفاتح وديدي
Date: 11-15-2005, 04:26 AM
Parent: #1
منو القال ليك.. بنتحمل فراق عينيك!!
|
Post: #38
Title: Re: الحنك البيش ..
Author: الفاتح وديدي
Date: 11-15-2005, 04:39 AM
Parent: #1
أنا ما سرقت.. أنا جيت أعاين!!
|
Post: #40
Title: Re: الحنك البيش ..
Author: عمر الفاروق
Date: 11-15-2005, 04:54 AM
Parent: #38
أيوة جيتكم ..
أحمل الأشواق هدايا والمناديل والكتابات والأغاني ..
ده حنك بيش يا تجيب معاك هدوم وصابون Fa وسيجنال تو وفير أند لوفلي يا ما تجينا
|
Post: #39
Title: Re: الحنك البيش ..
Author: الفاتح وديدي
Date: 11-15-2005, 04:48 AM
Parent: #1
وقد التقى سيادته نظيره الإكوادوري وتباحثا في القضايا ذات الاهتمام المشترك!!
|
Post: #41
Title: Re: الحنك البيش ..
Author: الفاتح وديدي
Date: 11-15-2005, 05:13 AM
Parent: #1
(بي زيارتك ييتنا نور)
_ كو كو كو ..
_ أيوة .. منو الفي الباب.. جايييييييييييين..
_ كو كو كو ((مرة تانية تتخللها صيحات شفع وحريم كتار وصوت باغة _ لكن ما حقت عسل _))
_ أهلاااااااااااااااااااااااااااان .. أهلن ..أهلن ..أهلن.. هلت البشاير وزغردت العصافير .. ما شاء الله ما شاء الله ماشاء الله .. الجابكم يجيب عقابكم ..
لي جوة ياخوانا .. بسم الله ما شاء الله .. السكينة يا ولد..
|
Post: #42
Title: Re: الحنك البيش ..
Author: mahmed alhassan
Date: 11-15-2005, 05:31 AM
Parent: #41
عمر الفاروق
حاولت أعيـــد عليك الا أنه الشبـــكة أيام العيد كانت مشغولة بالجــد0
حنك بيش
ما عليـــك رسل لي سيرتك الذاتية
تبغ خــدمات شئ ؟
تحياتي أخي عمـــر 0
|
Post: #45
Title: Re: الحنك البيش ..
Author: عمر الفاروق
Date: 11-15-2005, 05:37 AM
Parent: #42
| Quote: ما عليـــك رسل لي سيرتك الذاتية |
ده أكبر حنك بيش أقراهو
سلم لينا على شيخ الشباب محمد محمود وقول ليهو كل سنة وإنت طيب
|
Post: #43
Title: Re: الحنك البيش ..
Author: الفاتح وديدي
Date: 11-15-2005, 05:33 AM
Parent: #1
البوست دة ياعمر الفاروق زي جاني إحساس إنو حقي!!
(ورنا بعد عبارته الأخيرة صوب ساعته بعد أن تحسسها في معصمه ثم أطلق العنان لفرسه مخلفاً غباراً كثيفاًقبل أن يلتفت للجمع: هذا البوست (بوصيكم عليه) تعهدوه بالرعاية والسقيا وامضوا في فضح أساليب حنك الأوباش البيش)!!
|
Post: #44
Title: Re: الحنك البيش ..
Author: ناذر محمد الخليفة
Date: 11-15-2005, 05:35 AM
Parent: #1
[gree]قال ليك يا ود الفاروق في بت كدة يوميا بتطلع الساعة تمانية وتمش تقابل الحنان بتاعا والحنك مع ناس البيت شنو !! ماشة أحضر المسلسلة مع صحبتي .. يوم أخوها شك فيها وقام وشا وراها ولقى البت مشت الحدائق وقاعدة مع حبيبا هناك !!
طوالي الراجل تلب وعصر أختو ومعاها الحنان :
دا شنو يا بت !! الجابك عنا شنو !!
البت : ول ول ول ول لله مرقت عشان أحضر المسل .. سل ... لة !!
أخوها طاااااخ رصاها ليك كف وقال ليها :
طيب القاعدة معاهو دا فاروق الفيشاوي !!
|
Post: #46
Title: Re: الحنك البيش ..
Author: abuguta
Date: 11-15-2005, 05:55 AM
Parent: #44
الولد نزل السودان
بشنطة هاند باك
نزل فى بيتهم بعد السلام قالت امه اجى ياولدى وين شنطك
تصدقى يامى..جايب ليك 200 توب .وجايب 20 طاقة جلاليب
تصورى يامى شمطة التياب راحت وشنطة الجلايب صادروها
حتى المليات المطرزةنسيتها فى يت العذاب
21 ملياية..اسى بتصل عشان يشحنوها شحن جوى
|
Post: #47
Title: Re: الحنك البيش ..
Author: عبد الله عقيد
Date: 11-15-2005, 06:16 AM
Parent: #1
والله الواحد كان مفروض يجيب ليكم هدايا، لكين فكرت في السفر فجأة
وما لقيت وكت اشتري حاجة............. (بيش).
يا زول هدايا شنو!! نحن عارفين ظروفكم وعايزين شوفتكم بس!! (أكثر بياشة)..
|
Post: #48
Title: Re: الحنك البيش ..
Author: ghariba
Date: 11-15-2005, 06:23 AM
Parent: #1
ود الفاروق
مالو جوالك كل ما نتصل بيهو يااما مشغول يا خارج التغطية
كل سنة وانت طيب
|
Post: #49
Title: Re: الحنك البيش ..
Author: القلب النابض
Date: 11-15-2005, 07:01 AM
Parent: #48
الكتاب دا ما بتاعي
لكن اديني العنوان بصورو وأرسله ليك بالبريد
ستة شهور حسي.
الله يغيظ البحث
|
Post: #50
Title: Re: الحنك البيش ..
Author: humida
Date: 11-15-2005, 07:22 AM
Parent: #49
يعني يا عمر ..
بقيت تضرب بي المثل .. !!!
|
Post: #51
Title: Re: الحنك البيش ..
Author: فيصل نوبي
Date: 11-15-2005, 08:25 AM
Parent: #50
حميدة
| Quote: بقيت تضرب بي المثل .. !!! |
حنك بيش
|
Post: #52
Title: Re: الحنك البيش ..
Author: humida
Date: 11-15-2005, 08:42 AM
Parent: #51
ما بيش والله يل نوبي ..
انا سبب النزول .. !! 
|
Post: #53
Title: Re: الحنك البيش ..
Author: ناذر محمد الخليفة
Date: 11-15-2005, 01:25 PM
Parent: #52
نقول أب يا حميدة !!!!
|
Post: #54
Title: Re: الحنك البيش ..
Author: bob
Date: 11-15-2005, 01:47 PM
Parent: #53
النفشو دخل البحر وطلع بوسخــوا
|
Post: #55
Title: Re: الحنك البيش ..
Author: زول ساكت
Date: 11-15-2005, 10:23 PM
Parent: #54
كنت عايز اخش البوست دا من مده
بس الظروف
|
Post: #56
Title: Re: الحنك البيش ..
Author: عمر الفاروق
Date: 11-15-2005, 11:21 PM
Parent: #55
معليش أم العيال بي عافية شوية عشان كده الأكل تعبان حبتين
|
Post: #63
Title: Re: الحنك البيش ..
Author: فيصل نوبي
Date: 11-16-2005, 06:30 AM
Parent: #52
Quote: ما بيش والله يل نوبي ..
انا سبب النزول .. !! |
حميدة فتش بيش الطلوع
|
Post: #57
Title: Re: الحنك البيش ..
Author: بدرالدين شنا
Date: 11-16-2005, 00:00 AM
Parent: #1
الشفيف المبدع صاحب اليراع .....
|
Post: #58
Title: Re: الحنك البيش ..
Author: محمد الامين احمد
Date: 11-16-2005, 01:01 AM
Parent: #1
تحية طيبة للجميع
عمر الفاروق .. بوستيك لذيذ جدا
هاك الاكتشاف ده ، تعالى نرمز لـ (الحنك البيش) باول حروف منها،
تبقى شنو ؟ طبعا (ال) دى للتعريف
الحنك البيش
يعنى حتى (الحب) طلع اختصار للـ (الحنك البيش) !
|
Post: #59
Title: Re: الحنك البيش ..
Author: عمر الفاروق
Date: 11-16-2005, 01:34 AM
Parent: #58
| Quote: يعنى حتى (الحب) طلع اختصار للـ (الحنك البيش) ! |
بييييييييييييشك حنك !!!!!!!!!!!!!!!!!!!!!!!!
يا هناية والله إنتي أشطر من كده بي كتيييير بس الأستاذ قصدك (وهي تكون أبو البلادة زاااتا)
|
Post: #60
Title: Re: الحنك البيش ..
Author: عمر الفاروق
Date: 11-16-2005, 04:38 AM
Parent: #59
لكن ما تقولي لي يا هناية الليلة إنتي رهييييبة عدييييل كده( وهي تكون الشنا كلللها)
|
Post: #61
Title: Re: الحنك البيش ..
Author: luai
Date: 11-16-2005, 04:59 AM
Parent: #60
العزيز عمر الفاروق تحياتي واشواقي لك ..
تعرف كنت عايز اجي اعيد معاكم...لكن دخلت الاقامة للتجديد قبل العيد
باسبوعين ..والمعقب كل يوم يقول لي لي الليلة بكرة الليلة بكره لمن
جاء العيد اها اضطرينا نعيد في البيت ...
وكلو حنك بيش ....
|
Post: #62
Title: Re: الحنك البيش ..
Author: سامى عبد الوهاب مكى
Date: 11-16-2005, 06:09 AM
Parent: #1
يوم يكون الهلال لاعب انا بكون هلالابى عديــــــــــــــل كِده.
بيش شديد.
|
Post: #64
Title: Re: الحنك البيش ..
Author: Ahmed Mohammed Osman
Date: 11-16-2005, 07:08 AM
Parent: #1
تسجيل حضور ومتابعة (بيييييييييييييييييييييييش)
|
Post: #65
Title: Re: الحنك البيش ..
Author: عمر الفاروق
Date: 11-16-2005, 07:26 AM
Parent: #1
محمد محمد عثمان :
وجودك معانا بي الدنيا ..
بيش البيش ..
|
Post: #66
Title: Re: الحنك البيش ..
Author: ناذر محمد الخليفة
Date: 11-16-2005, 07:32 AM
Parent: #1
صدق يا عمر الفاروق أنا جبت ليك علوبة في عرسك مخصوص !!
ضنفرة:
إنتا لسة عايش على الحنك البيش دا
|
Post: #67
Title: Re: الحنك البيش ..
Author: عمر الفاروق
Date: 11-16-2005, 07:40 AM
Parent: #66
ناذر يا حبيب:
Quote: صدق يا عمر الفاروق أنا جبت ليك علوبة في عرسك مخصوص !!
ضنفرة:
إنتا لسة عايش على الحنك البيش دا |
انا قلت أخليك إنت التعيش الوهمة ..
لكن يا مان أبشرك بي حاجة :
إمكن ده العرس الوحيد الحضرو علوبة وهو معزوم شدييييد لأنو بي إختصار شدييييييد كده في الحسبة هو خال المدام
يعني يا ناذر في اليوم داك إنت الكنت علوبة وعثمان ضيق وعلوبة جا بي كرتو وبي حقو
تخريمة :
انا قلت أخليك تصدق حنكك البيش ده !!!!
بالمناسبة :
صوتك جميل بييييييييييييييييييييييييييييييييش ألف
|
Post: #68
Title: Re: الحنك البيش ..
Author: فيصل نوبي
Date: 11-16-2005, 07:41 AM
Parent: #66
ناذر
انت داير تعرس ؟؟؟
حنك بييييييييييييييييييييييييييييييش منك
|
Post: #69
Title: Re: الحنك البيش ..
Author: ناذر محمد الخليفة
Date: 11-16-2005, 03:13 PM
Parent: #1
عمر!!!!!!!!!!!!!!!
Quote: إمكن ده العرس الوحيد الحضرو علوبة وهو معزوم شدييييد لأنو بي إختصار شدييييييد كده في الحسبة هو خال المدام
|
عااااااااااااااااااا رف ...
[صنفرة :
هو وراني اليوم داك !!!! لكن أنا ما صدقتو إلا هسي !!!
|
Post: #70
Title: Re: الحنك البيش ..
Author: Eng. Mohammed al sayed
Date: 11-16-2005, 04:31 PM
Parent: #69
| Quote: فإننا سوف نسعى لتمتين هذه العلاقات في مرحلة السلام الجديدة فبلادنا تتطلع إلي مساندة المجتمع الدولي لتجاوز آثار الحرب ولإعادة البناء والإعمار وشراكة في الإستثمار فوعد بلادنا وعد كبير في شتي المجالات ، |
بوشكش
|
Post: #71
Title: Re: الحنك البيش ..
Author: عمر الفاروق
Date: 11-19-2005, 08:06 AM
Parent: #70
جيبنا واحد...
|
Post: #72
Title: Re: الحنك البيش ..
Author: عمر الفاروق
Date: 11-19-2005, 11:30 AM
Parent: #71
شالتني نومة ...
|
Post: #73
Title: Re: الحنك البيش ..
Author: ود المايقوما
Date: 11-19-2005, 11:36 AM
Parent: #1
| Quote: يوم يكون الهلال لاعب انا بكون هلالابى عديــــــــــــــل كِده. |
بيش للطيش
فيصل نوبي ده قبل كده حير المنبر باسمه وتاني داير يحيرنا بالصورة ( دي مش صورة سعد الدين ولا انا عيوني كعبات )
وبرضو بيش
والتحية للفاروق وجميع المتداخلين
|
Post: #74
Title: Re: الحنك البيش ..
Author: ناذر محمد الخليفة
Date: 11-19-2005, 01:31 PM
Parent: #1
والله يا عمر في حنك بيش إنت ما لاحظتا ليهو وكان مفروض تجيبو وش
متذكر البوست بتاعي بتاع قوائم الفصل الأنا كنت بجهز فيها وخاتيك في القائمة !!
إنتا جيتني متجرس وقلت لي أنا بجيب ليك الهوا لأني كلو مرة بقول ليك حا يفصلوك ..
قمت قلت ايك يا عمر لو فصلوك أنا حرم بقيف من الكتابة معاك ما تمبت بومين قاموا فصلوك وأنا عملت فيها مجنون لا وقفت لا حاجة
صنفرة:
البوست إسمو بعد فصل جاد بسبب ياسر الشريف من سيبل رأسه من القائمة ادناه !!
أها عليك الله أمش أنكت كلامي دا من الإرشيف وجيبو لإنو بالجد كان حنك بيش بياشة ما عادية
|
Post: #75
Title: Re: الحنك البيش ..
Author: فيصل نوبي
Date: 11-20-2005, 03:36 AM
Parent: #74
| Quote: فيصل نوبي ده قبل كده حير المنبر باسمه وتاني داير يحيرنا بالصورة ( دي مش صورة سعد الدين ولا انا عيوني كعبات ) |
ود المايقوما
حرااااااااااااااااام عليك
ما بتعرف ده منو ؟؟؟؟؟؟؟؟
حنكك بييييييييييييييييييييييييييش
|
Post: #76
Title: Re: الحنك البيش ..
Author: عمر الفاروق
Date: 11-20-2005, 04:00 AM
Parent: #75
تعرف يا ناذر انا أول يوم جيت فيهو السعودية عشان أستلم شغلي قام المدير قال لي نحن وزعناك في منطقة إسمها (بيشة)!!!!
قلت ليهو ما مشكلة بس عليك الله ورينا ليها وين بي الضبط موقعها بالنسبة للرياض ..وكان جمبو خريطة قام وراني ليها وطلعت جمب الحدود اليمنية السعودية !!!!!!
قلت ليهو ياخ انا جاي من الخرطوم الما خمج ونظام مغترب وجاي أفتح لوني وأرطب وأجنصص تقوم توديني الحتة دي ؟؟؟ قال بيشة قال !!!!!
أها عليك الله ماف علاقة بين (بيشة) و(بيش)؟؟؟؟؟
يا فيصل نوبي :
دحين الفي الصورة ده مش وائل كفوري ؟؟؟؟
|
Post: #77
Title: Re: الحنك البيش ..
Author: فيصل نوبي
Date: 11-20-2005, 04:10 AM
Parent: #76
| Quote: دحين الفي الصورة ده مش وائل كفوري ؟؟؟؟ |
ود الفاروق
تعرف احمد الله ما طلع ( كمال الشناوي )
|
Post: #78
Title: Re: الحنك البيش ..
Author: Hafiz Bashir
Date: 11-20-2005, 05:09 AM
Parent: #1
Very interesting post
Unfortunately I don't have Arabic keyboard at the moment. I will be back in Arabic.
بيش كبير
|
Post: #80
Title: Re: الحنك البيش ..
Author: ابو جهينة
Date: 11-20-2005, 07:42 AM
Parent: #78
عمر الفاروق
لكن الحنكات ما عندكم في البوست دة ..
أساسي
Quote: قال عنترة لعبلة:
ولقد ذكرتك والرماح نواهل مني وبيض الهند تقطر من دمي
فوددت تقبيل السيوف لأنها لمعت كبارق ثغرك المتبسم
ردت عبلة:
يا عنتر خلي الحنك البيش دا ..! العرس بتين؟ |
حنكو بيش و هي حنكا سنين
ودالفاروق : هاك الحنك دة :
الزوجة : مالك بتبحلق في البنية ديك كدي ؟
الزوج و قد فوجيء بأنه مراقب : لا .. بس شبهتها علي بت أختي ..
الزوجة و هي تلبعه على ظهره : بت أختك بتاع قلبك .. شن جاب لي جاب .. بت أختك ال زى البعاتية ديك و دي مما عاينت ليها قعدت تبلع في ريقك يبلعك تمساح عشاري ..
فبهت الذي بحلق .. و جف ريقه.
***
و هناك أكثر من حنك .. فقط خلوا الحنك دة فوووووووووق لحدي ما أجيكم
تخريمة : أعجبني البوست لأنو في واحد محنك بيشاوي محيرني بالحيل.
حلوة محنك بيشاوي دي .. جاية من حنك بيش
|
Post: #79
Title: Re: الحنك البيش ..
Author: ود المايقوما
Date: 11-20-2005, 07:37 AM
Parent: #1
العزيز / فيصل نوبي
الممثلين مامعانا وفعلا حنكك بيش .
|
Post: #81
Title: Re: الحنك البيش ..
Author: زول ساكت
Date: 11-20-2005, 07:44 AM
Parent: #79
صحن الكنافه البيش
في روايه اخرى
|
Post: #82
Title: Re: الحنك البيش ..
Author: فيصل نوبي
Date: 11-20-2005, 07:50 AM
Parent: #79
ود المايقوما
قائد جمعية الانا
حنك بيش
|
Post: #83
Title: Re: الحنك البيش ..
Author: wadahmed
Date: 11-20-2005, 08:05 AM
Parent: #1
حنك مصري ،
سوداني دخل دكان واحد مصري ،
هو البيه سوداني ... أجدع ناس ..
لا أنا صومالي
رد المصري
والنبي أجدع منهم ...
|
Post: #85
Title: Re: الحنك البيش ..
Author: عمر الفاروق
Date: 11-20-2005, 08:31 AM
Parent: #1
والله يا شباب بي الجد طلعتوا حناكين شديييييييييييييييييييد وحيرتوني أنا زااااااتي في حنكي !!!!
والعجب شيوخ الشباب زولنا الما ساكت وجهينتنا القاطع قول كل خطيب..
نوبي :
| Quote: تعرف احمد الله ما طلع ( كمال الشناوي ) |
والله إنت زول رمممممممممممممممممة
بالله ده كمال (الشيناوي)؟؟؟؟؟ طيب وييييييييين أمينة رزق؟؟؟؟
يا حافظ :
ياخ إنت الأول في الحنك وطالما إنك ما بعندك كيبورد عربي مفروض تكتب كده
(أعلانك هنا أليس كذلك يأ أنت؟؟ ولأ شنو ؟؟؟)
أستاذنا جلال:
Quote: الزوجة : مالك بتبحلق في البنية ديك كدي ؟
الزوج و قد فوجيء بأنه مراقب : لا .. بس شبهتها علي بت أختي ..
الزوجة و هي تلبعه على ظهره : بت أختك بتاع قلبك .. شن جاب لي جاب .. بت أختك ال زى البعاتية ديك و دي مما عاينت ليها قعدت تبلع في ريقك يبلعك تمساح عشاري ..
فبهت الذي بحلق .. و جف ريقه |
.
غايتو الزوج ده كان كنيتو أبو جهينة يكون ده بيش البيش
ود المايقوما :
حنكك بقا سنيييييييييييييييين ..
زولنا الما ساكت :
والله أجمل حاجة إنو ماف زول غيرك ناقش الوهمة دي !!!
لكن تعرف البيش جدجد شنو ؟؟
" اليوم لا يوجد تنافس وكلنا فايزين "
يا واد أحمد
Quote: حنك مصري ،
سوداني دخل دكان واحد مصري ،
هو البيه سوداني ... أجدع ناس ..
لا أنا صومالي
رد المصري
والنبي أجدع منهم ... |
|
Post: #87
Title: Re: الحنك البيش ..
Author: فيصل نوبي
Date: 11-20-2005, 08:42 AM
Parent: #85
عمر الفاروق
| Quote: بالله ده كمال (الشيناوي)؟؟؟؟؟ طيب وييييييييين أمينة رزق؟؟؟؟ |
مشت تخطط الميدان
حنك بيييييييييييييييييييييييييش البيش و (eggs)
|
Post: #86
Title: Re: الحنك البيش ..
Author: عمر الفاروق
Date: 11-20-2005, 08:39 AM
Parent: #1
حنك بيش ألف :
كوكوكوكو !!!!
كوكوكوكو !!!!
كوكوكوكو!!!!!
يدق الباب أكتر من مرة وشديييييييييييييد وفجأة يسمع صوت البت من ورى الباب:
منو معاي !!!!بدق شديد كده مالك !!!!؟؟؟؟
تقوم إنت ترد بي خجل كده وبي صوت وااااااااااطي ده انا هناي ود ناس هني ..والله كنت قايلكم مافيشين !!!!!
تقوم هي تقول ليك : أها وأسة لقيتني شنو ؟؟؟
تقوم غنت تقول ليها : فيشين !!!!
|
Post: #89
Title: Re: الحنك البيش ..
Author: nazar hussien
Date: 11-20-2005, 09:39 AM
Parent: #86
up
دي اكتر الاحناك بياشة...
اما عليك الله رسل لينا صورة جوازك دي
ابو البيش زاتو
|
Post: #88
Title: Re: الحنك البيش ..
Author: Hafiz Bashir
Date: 11-20-2005, 09:14 AM
Parent: #1
تطلع موبايلك و تضرب
- الو .. يا احمد
- الو يا مرحب حافظ
- كيفك .. كل سنة و انت طيب .. وين انتو ياخ؟؟
- و الله نحن في الحاج يوسف .. مشينا نسلم على ناس عمك الطيب و نبارك ليهم العيد
- لا ياخ!! .. حظنا كعب شديد .. نحن هسة قدام بيتكم في الصحافة .. و دقينا الباب كم مرة ما في زول فتح لينا .. غايتو اعتبروها زيارة
و يتواصل الحوار بالموبايل في مواضيع تانية و انت راقد في بيتكم في الثورة الحارة التمنطاشر
|
Post: #90
Title: Re: الحنك البيش ..
Author: عمر الفاروق
Date: 11-20-2005, 09:44 AM
Parent: #1
يا نزار :
| Quote: اما عليك الله رسل لينا صورة جوازك دي |
أها (الشيكا) وصلتك !!!!؟؟؟؟
|
Post: #91
Title: Re: الحنك البيش ..
Author: عمر الفاروق
Date: 11-20-2005, 09:48 AM
Parent: #1
يجو يرحلوا في حلتكم جيران جدااااااااد ..ويكون عندهم بنات سمحات سماحة السنين ..
تقوم إنت تمشي تعمل فيها عايز تنزل معاهم العفش أو تجي تضرب ليهم الجير !!!!!
بيااااااااااااااشة السنين ..
|
Post: #93
Title: Re: الحنك البيش ..
Author: Eng. Mohammed al sayed
Date: 11-20-2005, 01:25 PM
Parent: #91
واحدة حلمانة مسطول ساكيها,قالت له ساكيني ليي؟
قال ليها ..ماعارف إنت الحلمانة.
بيييييش
|
Post: #92
Title: Re: الحنك البيش ..
Author: الزوول
Date: 11-20-2005, 12:46 PM
Parent: #1
السلام عليكم
نسيتو الحنك البيش التاريخي
( آآآآخ ...تصدق....والله نسيتك عديل كده )
......
بس انا أحسن حنك ( ماعارف اقول عليهو شنو) عاجبني
زمان لما كنا صغار ...كنا بنمشي نسرق المنقة من الجناين
وكنا لما يقبضونا نعمل فيها مساكين عشان نخفف الدقة..
اها معانا واحد كدي ..
يقبضوه عديل كده ..ويمسكوه من يدو
ويسألو فيهو : يا ولد، تسرق المنقة مالك؟
والله ده ما أنا!!!
يا ولد انت مجنون ؟ كيف يعني ما انت ..
والله ده ما انا..
انت يا ولد مش ود حمد أحمد فضل المولى؟؟
آآآآي
طيب ما لقيناك في الجنينة دي تسرق في المنقة ؟
لالالالا دا ما انا
ويستمر الحوار اللاعقلاني هذا الى ما شاء الله ..
....
هسع مش في كتيرين في البورد ده زي ( ود حمد احمد فضل المولى) ؟
وما الناس إلا هالك وأبن هالك *** وذو نسب في الهالكين عريق
|
Post: #94
Title: Re: الحنك البيش ..
Author: عمر الفاروق
Date: 11-21-2005, 01:17 AM
Parent: #1
Quote: واحدة حلمانة مسطول ساكيها,قالت له ساكيني ليي؟
قال ليها ..ماعارف إنت الحلمانة. |
المسطول جا داخل علي مرتو وشايل في إيدو كديسة ..
قام قال ليها عليك الله شوفي الغوريللا دي !!!
المرا قالت ليهو : دي ما غوريللا دي كديسة !!!
الراجل قال ليها انا ما قاعد أتكلم معاك قاعد أتكلم مع الكديسة !!!
بيييييييييييييييييييييييييييييييش
|
Post: #95
Title: Re: الحنك البيش ..
Author: ود المايقوما
Date: 11-21-2005, 02:23 AM
Parent: #1
بجد انتو عارفين اكتر واحد حنكه بيش في المنبر منو ؟ فتحت المنبر اليوم الصباح لقيتو منزل 20 بوست
هشام هباني
|
Post: #96
Title: Re: الحنك البيش ..
Author: Ahmed Alrayah
Date: 11-21-2005, 02:35 AM
عمر الفاروق إزيك ياخ، أمبارح حاولت أضرب ليك لكن الخط ما جا معاي، اليومين دي الخطوط من أمريكا ما كويسة.
|
Post: #97
Title: Re: الحنك البيش ..
Author: Ahmed Alrayah
Date: 11-21-2005, 02:39 AM
Parent: #96
معليش يا عمر، كنت عاوز أشارك في البوست بتاعك ده قبل يومين لكن الكمبيوتر بتاعي حصلت فيه مشكلة
|
Post: #98
Title: Re: الحنك البيش ..
Author: عمر الفاروق
Date: 11-21-2005, 02:53 AM
Parent: #1
الزوووووووووووووووووول:
Quote: اها معانا واحد كدي ..
يقبضوه عديل كده ..ويمسكوه من يدو
ويسألو فيهو : يا ولد، تسرق المنقة مالك؟
والله ده ما أنا!!!
يا ولد انت مجنون ؟ كيف يعني ما انت ..
والله ده ما انا..
انت يا ولد مش ود حمد أحمد فضل المولى؟؟
آآآآي
طيب ما لقيناك في الجنينة دي تسرق في المنقة ؟
لالالالا دا ما انا
ويستمر الحوار اللاعقلاني هذا الى ما شاء الله |
والبيش أكتر يقوم يسلبطا في زول تاني ويقول :
لالالالالالا ده اللمين ود التاية ..انا كنت مافيش أمي رسلتني الطاحونة ..
ود المايقوما :
أبو ذر الغفاري يا مااااااااااااااااااااااان ..
|
Post: #99
Title: Re: الحنك البيش ..
Author: عمر الفاروق
Date: 11-21-2005, 03:03 AM
Parent: #98
أحمد الريح يا حبيب:
| Quote: عمر الفاروق إزيك ياخ، أمبارح حاولت أضرب ليك لكن الخط ما جا معاي، اليومين دي الخطوط من أمريكا ما كويسة. |
بالله ده أنت ؟؟؟؟؟ أيوة فعلاً ظهر لي رقم غريب كده وما عرفتو من وين إحتمال يكون بس إنت ما كنت سامع الجرس !!!
| Quote: معليش يا عمر، كنت عاوز أشارك في البوست بتاعك ده قبل يومين لكن الكمبيوتر بتاعي حصلت فيه مشكلة |
الغريبة انا برضو شايفك عامل كم مداخلة كده وقلت أعقب عليك بس إنشغلت ولي كم يوم ما دخلت النت !!!
لكن بجي أرد عليك بي رواقة فالموضوع يستاهل التعليق عليه !!!!!!
تخريمة ( ما بيش) :
في إجازتي بتاعت الزواج دي قابلت غاندي وأيمن عبد الباسط ومحمد عبد الرحمن وحاتم مطر والشباب حلوين وغاندي سألني من تلفونك وانا قلت ليهو انا زاااااااااتي ما لامي فيهو والزول ده شكلو مسحني عديل
أيمن كاسر يدو في الكورة وعامل كم عملية كده ما نجحوا وزي ماشي كان المانيا ..
أها كيف البيش بتاع التلصق ده معاك ؟؟؟
|
Post: #100
Title: Re: الحنك البيش ..
Author: A.Razek Althalib
Date: 11-21-2005, 05:01 AM
Parent: #99
عمر الفاروق..
يا محنك...
وحنكا برضو ..
موش لامن نضيف ليهو تاء التأنيث..
بيطلع...
بيشة...
|
Post: #101
Title: Re: الحنك البيش ..
Author: زول ساكت
Date: 11-22-2005, 07:08 AM
Parent: #100
العفش داخل البص على مسئولية صاحبه
اها صاحب البص ولا صاحب العفش المسئول
|
Post: #102
Title: Re: الحنك البيش ..
Author: عمر الفاروق
Date: 11-23-2005, 00:37 AM
Parent: #101
تصدق ما عرفتك !!!!!! ماشاء الله كبرت والله !!!
|
Post: #103
Title: Re: الحنك البيش ..
Author: Mohamed E. Seliaman
Date: 11-23-2005, 00:55 AM
Parent: #102
السلام عليكم ورحمة
Quote: أرايت قافلة الضياع ؟ أما رأيت النازحين
الحاملين على الكواهل ِ ، من مجاعاتِ السنين
أثارَ كل الخاطئين
النازفين بلا دماء
السائرين الى الوراء
كي يدفنوا ( هابيل ) و هو على الصليب ركام طين ؟
قابيل أين أخوك ؟ أين أخوك ؟ ..........
جمعتِ السماء
آمادها لتضج ، كورت النجوم إلى نداء
(( قابيل ، أين أخوك ؟ )) |
من يستطيع أن يورد لنا حنك قابيل البيش أجابة للأسئلة أعلاه ?
_____________________________________________
من قافلة الضياع للسياب
|
Post: #104
Title: Re: الحنك البيش ..
Author: Ahmed Mohammed Osman
Date: 11-23-2005, 00:59 AM
Parent: #1
يا عمر ..
الحنك لو اتخصصنا فيهو وهبشنا الحنك العاطفي كيف معاك؟؟؟؟
|
Post: #105
Title: Re: الحنك البيش ..
Author: عمر الفاروق
Date: 11-23-2005, 01:23 AM
Parent: #104
| Quote: الحنك لو اتخصصنا فيهو وهبشنا الحنك العاطفي كيف معاك؟؟؟؟ |
يكون راحاااااااااااااااااااااااااااااااااااااات يا قريبك !!!!
وهاك ده :
الواحد يكون حايم ليهو مع بت السنة كلها وصارف عليها وفي النهاية كده يقوم يكب ليها الريدة تقوم هي تقول ليهو :
والله اناخاتة ليك حتة أكبر من كده يا هناي !!!!!
|
Post: #106
Title: Re: الحنك البيش ..
Author: عمر الفاروق
Date: 11-26-2005, 03:51 AM
Parent: #105
معاي زول بيتكلم معاي في الموبايل ..خت السماعة وبرجع أضرب ليك انا !!!!
|
Post: #107
Title: Re: الحنك البيش ..
Author: فيصل نوبي
Date: 11-26-2005, 04:31 AM
Parent: #106
ود الفاروق
الزول ده قال ليك هو في مروي و بيضرب ليك لكن الخط ما بيجمع معاو
ضرب لي امس
بيييييييييييييييييييييش البيش
ولا ما كده
|
Post: #111
Title: Re: الحنك البيش ..
Author: Eng. Mohammed al sayed
Date: 11-30-2005, 07:55 AM
Parent: #106
مامتذكر!
|
Post: #108
Title: Re: الحنك البيش ..
Author: عمر عبد الخالق سعيد
Date: 11-26-2005, 04:32 AM
Parent: #1
-الوووو رسل لينا مصارييف
-الو الو الوالو الصوت ماواضح
|
Post: #109
Title: Re: الحنك البيش ..
Author: Hozy
Date: 11-29-2005, 02:10 PM
Parent: #1
العزيز الرائع عمر والأعزاء الرائعين جداً المتداخلين هنا
هنيئاً لنا بكم وبهذا البوست المثمر الجميل و ...
( حنك very بيش)
|
Post: #110
Title: Re: الحنك البيش ..
Author: Eng. Mohammed al sayed
Date: 11-30-2005, 07:50 AM
Parent: #109
فلنأخذ من كل رجل قبيلااااا
|
Post: #112
Title: Re: الحنك البيش ..
Author: فيصل نوبي
Date: 11-30-2005, 08:10 AM
Parent: #1
ما داير تسلم علي
عارفك زعلان مني
لكن بس رد لي السلام
حنك بيييييييييييييييييييييش
|
Post: #113
Title: Re: الحنك البيش ..
Author: Hozy
Date: 12-01-2005, 07:19 AM
Parent: #1
فوق للفائدة
ما بيش والله
|
Post: #114
Title: Re: الحنك البيش ..
Author: Eng. Mohammed al sayed
Date: 12-01-2005, 11:40 AM
Parent: #113
| Quote: فوق للفائدة..(ما بيش والله)* |
..........................................................................
ومن الأخطاء المتداولة قولهم: اللغة العربية الفصحى, والصواب اللغة العربية الفصيحة, فكلمة (فصحى) وهي أفعل تفضيل للمؤنث توجب وجود ثلاث لغات عربية يفاضل بينها هكذا: لغة فصيحة وفصحى والفصحى. ولما لم تكن غير لغة عربية واحدة قلنا (لغة فصيحة) بعيداً عن المفاضلة. وقولهم الحنك البيش* مابيش والله(الأخيرة دي من عندي)
|
Post: #115
Title: Re: الحنك البيش ..
Author: فيصل نوبي
Date: 12-01-2005, 04:33 PM
Parent: #1
تعرف
لقيتك في المسنجر عامل مشغول
قلت بتصل بيك بعدين
دخلت اجتماع طلعت منو علي اجتماع لمن اليوم انتهي
حنك بيييييييييييييييييييييييييييييييييييييييش
|
Post: #116
Title: Re: الحنك البيش ..
Author: عمر الفاروق
Date: 12-03-2005, 01:27 AM
Parent: #115
تسأل الزول تقول ليه كيف بالله ناس بيتكم ؟؟؟
يقول ليك والله كويسييييين بيسلموا عليك !!!!!
(والغريبة هو زاتو بيكون ناس بيتهم ما بيعرفوك عشان يسلموا عليك )
بيييييييييييييييييييييييييييييييييييييييييييييييييييييييييييييييييش
|
|