Post: #1
Title: موبيتل ومعاناة مشتركيها وانا منهم
Author: طارق الجعلى
Date: 11-12-2005, 10:17 AM
الاخوه الاعضاء سلامات كتيره ليكم احاول من خلال هذا البوست ان اناقش قضيه هامه طفت الى السطح وهى معاناة مشتركى موبيتل وانا واحد منهم منذ العام 2001م تتمثل هذه المعاناه اولا فى رسالة الشبكه مشغوله ثم النظام مشغول ثم لم يتم الارسال وانقطاع المكالمات
اما معاناتى انا فهى من نوع اخر لا يمكن ان تجدها فى من شركات الاتصال ناهيك عن شركه مثل موبيتل
بدات معاناتى عندما فقدت شريحتى ليلة 27 رمضان وقمت باستخراج بدل فاقد يوم 28 رمضان لاكتشف انها اصبحت لا تستقبل الرسائل القصيرهsms ليطلبوا منى استبدالها فتوجهت يوم الاربعاء9/11 لاقرب مركز خدمات مشتركين وفعلا تم الاستبدال ولكن ،،،
لم تحل المشكله وظلت كما هى حتى اليوم12/11 لتبدا فصول مسرحيه بايخه ناس خدمات المشتركين يسلوا روحك عشان يردوا عليك ثم يطلبوا منك قفل الخط والاتصال من هاتف ثابت وبعدها تكون الاجابه ارجع محل بدلت الشريحه
رجعنا محل بدلنا الشريحه لافاجأ بالموظفه والمشرف يرفضون استبدال الشريحه مره اخرى وانو شوف مشكلتك تتحل وين ونحن ما عندنا اوامر نستبدل ليك شريحتك تانى ،،،،
مشيت مركز خدمات اخر قالوا شرايح الاستبدال خلصت
ورونا الحل عن منو ياناس موبيتل ولو فى زول تانى عارف برضو يورينا
|
Post: #2
Title: Re: موبيتل ومعاناة مشتركيها وانا منهم
Author: م. سيد احمد قدورة
Date: 11-12-2005, 11:27 AM
Parent: #1
والله ناس موبيتل ديل ناس أصحابنا، لكن مشكلتهم كبيره جدا وانا خايف تتعقد أكثر. ببساطة ومقارنة بسيطة جدا ، موبيتل منذ انشائها حتى الآن بلغ عدد مشتركيهاحوالى مليون ونصف وبقول فقط يا ناس موبيتل، وعدد سكان السودان بالله كم مليون. اليوم وصل عدد مشتركى احدى الشركات العاملة فى مجال الجوال فى احدى دول الخليج أكثر من مليون مشترك فى أقل من ستة أشهر.مع أنه عدد سكان هذه الدولة لا يتعدى 10 مليون. الشى المحيرنى أن موبيتل توجد فيها كفاءات وخبرات وتقنية عالية جدا. بالله عليكم المشكلة شنو يا ناس موبيتل، خلونا نعرف وبلاش نخمن ساكت. ولا يمكن مشكلة الرخصة هى أم المشاكل..... يمكن ..... مين عارف
|
|