اوضتنا يا بنات....ممنوع دخول الرجالة

اوضتنا يا بنات....ممنوع دخول الرجالة


11-08-2002, 09:55 PM


  » http://sudaneseonline.com/cgi-bin/sdb/2bb.cgi?seq=msg&board=80&msg=1130969134&rn=0

Post: #1
Title: اوضتنا يا بنات....ممنوع دخول الرجالة
Author: بت القبايل
Date: 11-08-2002, 09:55 PM

بسم الله الرحمن يا بنات امي ازيكن كلكن لحدكن .........شفتن يا بنات امي انا البورد ده برا كدي بقيت ما بقدر اخد فيهو راحتي فقلت اخير يا اخياتي ندخل الاوضة هنا ونقفل علينا ونتونس ونستنا كلها والقطيعة نخليها لبعد رمضان....هسي شفتن يا اخواتنا كلام البنات كلو هني نتونس ونتناقش ونبرى بعض.......فتكن بعافية بس البتدخل تقفل الباب وراها سمح
Post: #2
Title: Re: اوضتنا يا بنات....ممنوع دخول الرجالة
Author: noha_g
Date: 11-08-2002, 10:04 PM
Parent: #1

هي يا بت القبايل يا بت أمي إزيك

أها رو قفلت الباب وراي
Post: #3
Title: Re: اوضتنا يا بنات....ممنوع دخول الرجالة
Author: omdurmani
Date: 11-08-2002, 10:14 PM
Parent: #1

اخخخخ....ياخي ما براحه ...طبيتى اصبعي..
Post: #4
Title: Re: اوضتنا يا بنات....ممنوع دخول الرجالة
Author: رقم صفر
Date: 11-08-2002, 10:21 PM
Parent: #3

لوووول امدرماني

انا جيت بعدك ، نها الباب اقفلي بالترباس
Post: #5
Title: Re: اوضتنا يا بنات....ممنوع دخول الرجالة
Author: solara
Date: 11-08-2002, 10:32 PM
Parent: #1

الله قدر ما اقول فوق الحله دي انا تاني ما بجي اجي
الله استر......خير يا بتنا
الونسه دي فيها انه و لا شنو يا نهى_ج
Post: #6
Title: Re: اوضتنا يا بنات....ممنوع دخول الرجالة
Author: rummana
Date: 11-08-2002, 10:40 PM
Parent: #5

بت القبايل
ممكن ادخل!؟
Post: #7
Title: Re: اوضتنا يا بنات....ممنوع دخول الرجالة
Author: noha_g
Date: 11-08-2002, 10:41 PM
Parent: #5

لووووووووووووووووووول

يا أم درماني

الجابك شنو لما اصبعك يضبا
تستاهل
ما قالوا ليك ونسة بنات؟
و الا الشمار حرقك

رقم صفر يا زول

خليك بعيد الترباس أنا بتولاه
من جنس التحشر بتاعكم دا

solara
إنة شنو يا بتي البتدوري تسويها
الإنة في تحشر الوليدات ديل
بس ما تخافي سديت الباب بالترباس

و تاني ما بجوا بحاي
الشبابيك زاتها لفوق ما بقدروا يصلوها عشان يتصنتوا


ابقي لا جوا
Post: #8
Title: Re: اوضتنا يا بنات....ممنوع دخول الرجالة
Author: noha_g
Date: 11-08-2002, 10:50 PM
Parent: #1

بالرغم من أننا علينا الشبابيك لكن الجماعة تاوقوا


و الممنوع مرغوب
Post: #9
Title: Re: اوضتنا يا بنات....ممنوع دخول الرجالة
Author: bint algazeira
Date: 11-08-2002, 10:57 PM
Parent: #8

ههههههههههههها يانهي
قلتي لي الشبابيك فوق
ويعني شنو فوق دي مشكله
انا وقفت كتير والشمس حرقتني
امش ولا شنو؟؟؟
افتكر حقو تعملوا بطاقات ممغنطه
زي حقت الفنادق ديك بدل الترباس
عشان نقدر ندخل بسرعه


اها افتحن لي الباب يانهي ولا يابت القبايل
ولا اي واحده منكن
Post: #12
Title: Re: اوضتنا يا بنات....ممنوع دخول الرجالة
Author: noha_g
Date: 11-08-2002, 11:04 PM
Parent: #9

bint algazeira


و الله بنمد اللحاف على قدر الكرعين يا بتي

أها فتحوت الباب ليك يا غالية

لكن هي بت القبايل ويني؟
قالت ماشة تجيب لينا الحلو مر

و القهوة و ما عاودت تاني
Post: #11
Title: Re: اوضتنا يا بنات....ممنوع دخول الرجالة
Author: ودالجزيرة
Date: 11-08-2002, 11:01 PM
Parent: #8


احم احم دستووووور
الجوة هى ســـلا يا بنات الكوراك دة شنو على الحرام صحيتونى من النوم الدنيا رمضان خلونا ننوم بسم الله ... التقول البنات ديل ما بيفترن من الكلا م ؟؟ خلى تانى واحد ترفع حسها دا يابت يا بت
يا لله يا بت القبا يل ارخى صوت المسجل دة الله اخ اخ اخ ؟؟
Post: #10
Title: Re: اوضتنا يا بنات....ممنوع دخول الرجالة
Author: layon
Date: 11-08-2002, 10:59 PM
Parent: #1

يا جماعه قفلتوا الباب ليه
ما انا معاكم ...ما تسيبوني مع الرجاله براي


ليون
Post: #13
Title: Re: اوضتنا يا بنات....ممنوع دخول الرجالة
Author: zola123
Date: 11-08-2002, 11:25 PM
Parent: #1

سلامات يا بنات
والله قصة الاوضة دي قصة
لاكن فكرة ظريفة يا بت القبايل
على الاقل ترحمنا من نقة الاولاد
ومع انهم ما بيحبواونستناو بيقولوا اننا بنتكلم كتير وونميمتنا اكتر لاكن بيموووتوا ويسمعوها
اها حنطفشهم ليك طفشة شديدة
اها آخر الاخبار شنو؟ه
بس ما يكون ولد متاوق بي جاي
قلتا ليكي
عارفة طبعا باكره الزولة الاسمها انوشكا دي كره شديد
الليلة من حظي المهبب الاقيها قدامي بتشتري عند الجعيدي ال في ابوظبي مول
اها بس تعالي شوفي الشناه بدون المكياج والشعر المزعوط للي ورا
والله قلتا المنظر ده داير بت القبايل
عشان ابيتي تطلعي معاي لوول
اها جبت ليك شوية حاجات ومحتاجات
لاكن بخلي الوصيف للبوست القادم
عايني
اديني نسخة من المفاتيح
واارخي الستاير دي شايفة ود عازة بيعاين من الشباك
وابو حراز فارش برة الباب يتسمع
الزولة فينا ما تلاقي حتة تنضم فيها مع البنات براهم
زولة123
Post: #14
Title: Re: اوضتنا يا بنات....ممنوع دخول الرجالة
Author: miss_sudan
Date: 11-08-2002, 11:32 PM
Parent: #1

اخواتي سلام

والله لي مدة ما دخلت البورد علشان المشغوليات والسفر
ولاني الجهاز مشغول دائما

خلاص خلونا هنا في الاوضة دي لاننا نرتاح فيها من تيويق بتاع الاولاد

انا معاكم
Post: #15
Title: Re: اوضتنا يا بنات....ممنوع دخول الرجالة
Author: solara
Date: 11-08-2002, 11:33 PM
Parent: #1

zola123
انتهيت من البت عديل كده.......وبعدين البيبان والشبابيك و و قفلتوهم.....اها جحر الفار ده زي الفيهو كاميرات تصوير...
Post: #16
Title: Re: اوضتنا يا بنات....ممنوع دخول الرجالة
Author: بت القبايل
Date: 11-08-2002, 11:42 PM
Parent: #1

يا بنات امي انا كان ما قلت للبنات فقط كان حصل شنو الصبيان ديل المحومهم هنا شنو بالله شوفو جنس دا ...........ما علينا اها نتونس في شنو يا اخياتي ......؟؟؟؟؟
Post: #17
Title: Re: اوضتنا يا بنات....ممنوع دخول الرجالة
Author: بت القبايل
Date: 11-08-2002, 11:52 PM
Parent: #1

شفتن يا اخواتي الليلة اتبهدلت جنس بهدلة وماما تماضر قالت لينا دهنن شعركن الخميس مصبح الجمعة هسي انا دهنتو ودايرة اغسلو لكن الموية قاطعة اها انا هسي اسوي شنو يعني بكرة ما امشي الجامعة ولا شنو والله انا زاتي تعبت بعدين تعالو هنا العدةدي الليلة مش عليك يا نهى وينو غسيلها ولا دايرة تعملي حركات رمانةوتبيتها للصباح زي المرة الفاتت هووووووووووووو ي احنا ده من بكرة نغيرو ولا علشان السبت عليا بتشتغلو ليا شغل غتاتة يعني بعدين اييييييييييييي شنو يا سولارا ما براحة ياخ خليى بالك بعدين عموود الجزيرة دا مالو هس يالمشغل المسجل منو ديل احنا بنغني بس ما عليك بنوطي صوتناالجدول
Post: #18
Title: Re: اوضتنا يا بنات....ممنوع دخول الرجالة
Author: dawash
Date: 11-09-2002, 02:42 AM
Parent: #1

3lik allah ya bit algba2el momkin tft7y li albab.....3endy 7aga rai7a dayer aftesha fi al oda di ...
Post: #19
Title: Re: اوضتنا يا بنات....ممنوع دخول الرجالة
Author: sari_eleil
Date: 11-09-2002, 02:56 AM
Parent: #1

الشمار ما يحرق الزول أصلو
يا بنات ارقن السيره جات
جيت أقول رمضان كريم وماريق ما تشاكليني يا بت اقبايلمعليش براحة بنفهم
Post: #20
Title: Re: اوضتنا يا بنات....ممنوع دخول الرجالة
Author: Rainbow
Date: 11-09-2002, 03:29 AM
Parent: #1



رمضــان كريم يا بت القبايل

فكرة ظريفة جدا ومريحة كمان لكن شايفة الشباب بدخلوا طوالي

يكونوا ما شافوا عنوان البوست كويس ولا شنو؟؟؟

كده لازم نعين لينا حارس بره قصدي حارسة
Post: #21
Title: Re: اوضتنا يا بنات....ممنوع دخول الرجالة
Author: Soumeta
Date: 11-09-2002, 04:14 AM
Parent: #1

وحات النبي طريتني القعده وا الونسه و شراب القهوه بي التنكه،، لكن دحين ال جنيات ديل رايحلهن الدرب؟ يا وليدات!!!!!!!!! ما قالولكن نسوان ساكت،،،
يا الطيبات،، ونستكم حنينه وملانه دفو الناس العزاز لكن انا علي اللبن الليله الولد السغير عندو درس عصر بجي كل يوم عشان كدي امشي اجيبو احميهو فى النار شويه،،، لكن جاياكن ما تفوتن غادي،،، إنشاءالله قبلتان بي معاكن
ارقدن عفايه
سوميتا
Post: #22
Title: Re: اوضتنا يا بنات....ممنوع دخول الرجالة
Author: ابوحراز
Date: 11-09-2002, 10:08 AM
Parent: #21

بت القبايل
نهى
الزولة مابعد المائة
بت الجزيرة
عليكم الله افتحوا لي الباب
مش عشان أدخل
عشان أطلع
لأني كنت قاعد تحت السرير
وسمعت كل حاجة
Post: #23
Title: Re: اوضتنا يا بنات....ممنوع دخول الرجالة
Author: noha_g
Date: 11-09-2002, 11:16 AM
Parent: #22

عاد يا وليداتي ما بسالكم
الشمشرة ليكم شنو
إحنا كان دايرنكم تدخلوا ما كان عزمناكم
لكن نقول شنو
الشكار الكتل الكديسة
و أتاريها الكديسة كانت تحت السرير

أنا يا بت القبايل ما قلت ليك طلعيها
دي عارفاها أنا زي كدايس بورسودان بتتكلم عديل

أها الليلة ما حكيت ليكن
في الجريدة جايبين مرة قالت عاوزة تخلع راجلها لأنها بتحب غيره
و الله عشنا و شفنا
و عارفات الليلة أول مرة أعرف الخلع دا بدفعوا للراجل فيه قروش
و المفتي قال
" لا جناح عليهما في ما افتدت به"
"يعني إذا تعذر على الواحدة تعيش مع زوجها من غير علة فيه
ترجع ليه المهر بتاعه و ممكن تزيد عليه عشان تخلعه
Post: #180
Title: Re: اوضتنا يا بنات....ممنوع دخول الرجالة
Author: حسن الطيب يس
Date: 11-04-2005, 00:13 AM
Parent: #23

كو كو كو
نهي
الرجال ديل بقو شباشب بيخلعوهم ولا شنو؟
العيد جاء المره ما تفوم تخلعنا و تختنا في الرف
تبقي عوجة يا بت بلدى
Post: #24
Title: Re: اوضتنا يا بنات....ممنوع دخول الرجالة
Author: zola123
Date: 11-09-2002, 11:52 AM
Parent: #1

يا بنات ازيكم
مشتاقين
ابو حراز مافي ليك طلعة أول شي تاخد العلقة بتاعتك وبعدين نطلعك
مش قلنا مافي اولاد بي جاي؟؟
بت القبايل خلي النوم الكتير
بعدين ما تنسي تفرشي الملايات الجديدة وترشي الحوش
عازمة كم واحدة كدة المسا
بس لاكن متحيرة اعمل ليهم بسبوسة ولا كنافة؟
هم سمان شوية أخير نعملها حاجات لو فات يعني
عندي ليكي وصفة جديدة حتدعيلي لو عملتيها
اول مرة اجربها اسمها الخلية عشان شكل الصينية بطلع زي خلية النحل
في زولةمنكم بتعرفها؟
نهى انتي اول مرة تعرفي الخلع ده
لاكن ما باسألك
كان احتيجتي ليه في المستقبل تقولي شنو ما وروني ليه؟؟ لوول
انشاءالله ما تحتاجيه
لاكن قالوا في طريقة اسهل تخلعي بيها الراجل غير القروش
والله قالوا وصفة مجربة ويمشك طرف جلابيته ويافكييك تاني ما يوريكي وشه
لاكن كدي دقيقة بدري على كدة
فتشي طريقة تدبسوا الاول لووول
يا بنيات أمانة عندكم كديستي ختيتا عند خشم الاوضة
تحرسها , دي كديسة مش بتتكلم , بتشاكل وبتعضي عشان مافي زول يقرب
لاكن سمعتا أبو حراز داير يسممها لي
والله يا بو حراز كان عملتها ختيت على روحك
يلا ودعتكن
وما تنسوا الامانة

زولة123
Post: #25
Title: Re: اوضتنا يا بنات....ممنوع دخول الرجالة
Author: noha_g
Date: 11-09-2002, 11:59 AM
Parent: #24

zola123


أزيك يا بت أمي

كيفنك

مالك علي يا بت امي الله ما أحرجني ليه الخلع دا
ابرى و استبرى منه


بعدين انا سمعت بيه
لكن ما كنت قايلة المرة بتدفع فيه قروش و ترجع الصرفوه عليهامن مهر و خلافه

تحياتي
و كديستك دي خليها علي ابو حراز ما بقدر يهبشها
Post: #26
Title: Re: اوضتنا يا بنات....ممنوع دخول الرجالة
Author: ابوحراز
Date: 11-09-2002, 12:20 PM
Parent: #25

الزولة مابعد المائة
أجمل شيء الواحد يكون لابد تحت السرير
طبعاً اي حاجة سمعتها
وحاجت كدا قلتنها بالراحة كتلتني بالضحك
لكن كتمت كل شيء عشان ماتكتشفوا اللعبة
أظرف شيء امس في السعودية واحد سعودي جامعي
كان بتخفى في ملابس نسائية
وبدخل الحمامات الخاصة بالنسوان
وكان بس عاوز يشوفهن لمن يطلعن العبايات ويقعدن في المواسير
طبعاً اتكشف بي سرعة
وساقوه وجلدوه
لاتبقى علينا الشغلانية دي
كويس انو في الامارات والسلطنة مافي جلد

بعدين يادكتورات
لو الواحدة عايزة تخلع خطيبها دي يحلوها كيف
ترا زولتي زهجانة مني جدا
وبتفتش ليها في طريقة خلع
لكن عاوزة ليها 15 سنة عشان تسدد لي قروشي مادام الحكاية فيها تسديد
كل سنة انا ماشي من هنا وخامي ليها معاي

قالت خلع قالت
Post: #27
Title: Re: اوضتنا يا بنات....ممنوع دخول الرجالة
Author: koky
Date: 11-09-2002, 02:02 PM
Parent: #1
Post: #28
Title: Re: اوضتنا يا بنات....ممنوع دخول الرجالة
Author: Soumeta
Date: 11-09-2002, 04:33 PM
Parent: #1

يا الحنينات الهفيفات،، جيتكن صاده،،
طالما إنو الروم مقفوله علينا دايره اقولكن إنو أنا كزوله بترد علي كتابات الناس جديده لكن من زمن ما بعيد متابعه الكتابات،،، المهم في المودوع إنو في مره من المرات التعيسات كنت بقري في ردود الناس علي موضوع الحلم مات داك ،، و من ضمن التعليقات قريت تعليق زول كدا ففي نهاية البوست بتاعو كان كاتب تعليق عجبني،، لي شلاقتي قمتي رسلتا ليهو رساله و قلت ليهو إنو العباره الكتبها عجبتني،،، و ما كان وري كلامي دا نواصي أبعد من العباره،، ما تتخيلو ردا لي كيف،، و ما تتخيلو ندمني علي اليوم الخلاني اكتب ليهو،، إمكن أكون حزينه لأني عرفت إنو فى سودانيين بفكرو بلنمط ده،، في نفس الوكت البوست بتاع للنساء فقط دا جاني في جرح و حبيت أشرككم في أول معاناه تخليني ابقي أكتر من حزره ،،، فهل نوع الزول ده كتيير هنا؟؟ ادّنني خبركن،، و أنا بدوري حا انزل ليكم الكلام الكتبو الزول ده،،
**************
قناع قبيح
هو بالله في اقبح من وجود بت تتصل بي اولاد في النت
بنات النت ما بنااااااااات نااااس لمعلوميتك بس
( a verybad word)
******* this was the message he sent back after I told him that I'm sorry to findout there is still people suffering from being standing less to what women say eventhough if it was ONLY complement**
يا بنيات دي مجرد مشاركه لي عتره لقيتا هنا
خليتكن في ودايع الله
سوميتا
Post: #29
Title: Re: اوضتنا يا بنات....ممنوع دخول الرجالة
Author: james
Date: 11-09-2002, 04:39 PM
Parent: #28

رأيكم شنو يا بنيات
بنيتي ديه تخلوها معاكم
لحدي رمضان ينتهي وكده
Post: #30
Title: Re: اوضتنا يا بنات....ممنوع دخول الرجالة
Author: DEEK_ALJIN
Date: 11-09-2002, 05:54 PM
Parent: #29

هو يا جيمس اطلع بره هسى شايف ليك رجال هنا

اها كملى يا سوميتا ياختى


لوووووول


ديكو
Post: #31
Title: Re: اوضتنا يا بنات....ممنوع دخول الرجالة
Author: james
Date: 11-09-2002, 06:03 PM
Parent: #30

لووووووووووول
Post: #32
Title: Re: اوضتنا يا بنات....ممنوع دخول الرجالة
Author: Elkhawad
Date: 11-09-2002, 06:06 PM
Parent: #31


هوي يا بنات
شنو الحاصل عليكن الدار محروس وستو تكوس

انا جيت اسوق الشباب ديل نلعب لينا عشره وست
بس
فتكم بي عافيه
امرقو قدامي



Post: #33
Title: Re: اوضتنا يا بنات....ممنوع دخول الرجالة
Author: james
Date: 11-09-2002, 06:11 PM
Parent: #32

الخواض اخوي
انت ما تبت من السيك بتاعت اليوم
داااااك
احسن تقعد مع الجماعة ديل
لوول لووول
Post: #40
Title: Re: اوضتنا يا بنات....ممنوع دخول الرجالة
Author: noha_g
Date: 11-09-2002, 08:14 PM
Parent: #28

Soumeta

أهلا يا بت أمي


أولا الحذر واجب في التعامل عبر الشبكية دي لأنها لامة يا ستي
و زي ما عينيك شافت و سمعت في نوع عنده مشكلة في التفكير و التعامل مع الأمور بموضوعية
يا ستي البعيش ياما يشوف
لكن بقول ليك
البورد دا فيها ناس حلوة و بتفكر حلو
يعني المثال دا عترة و يمكن ربنا ساقو في طريقك عشان يخليك تفكري قبل التعامل بتلقائية و يمكن لخير
لكن بقول لك حاجة
أنا مقتنعة بحاجة
be yourself
و بعدين أي زول بختا عليك تردي ليه الصاع صاعين
و زي دا تسكتي تخليه
و ما تحاولي تردي عليه
لأنه بالجد بكون غير سوي التفكير
أو عنده مشكلة صادف فيها نماذج عمم بعدها الحكم

يا ستي و لا يهمك و ما تشيلي هم
و ما بقول ليك اقفلي الباب دا
لكن خليك متأنية في التداول مع جميع البشر
خاصة إنه النت دي ما بتقدري تعرفي من خلالها فيما إذا كان الزول العرفتيه أو بتتعاملي معاه صالح و ألا طالح


تحياتي يا غالية
و برضو لك التحية
Post: #34
Title: Re: اوضتنا يا بنات....ممنوع دخول الرجالة
Author: Soumeta
Date: 11-09-2002, 06:13 PM
Parent: #1

عاد يا ديك يا ولدي قهرتك إنتا القعدته لي القص والرص حقنا،، يا ود قووم أمشي فى حوش الرجل و جيب معك صينية الشاي،،،
يا الخواض يا أخوي النبي فوقك عاد كان ما سقتا الولد ده مني،، بلاهي بقي متشعبط في طرف توبي محل ما أمشي و علي العليهو عينو قويه ،،،
سوميتا
Post: #35
Title: Re: اوضتنا يا بنات....ممنوع دخول الرجالة
Author: Elkhawad
Date: 11-09-2002, 06:17 PM
Parent: #34


لوووووول @ جيمس . سوميتا .com
Post: #36
Title: Re: اوضتنا يا بنات....ممنوع دخول الرجالة
Author: sudania2000
Date: 11-09-2002, 07:20 PM
Parent: #35

Salamat
wa
Ramadan Kareim
wa
Nice Idea..
Post: #37
Title: Re: اوضتنا يا بنات....ممنوع دخول الرجالة
Author: ايهاب
Date: 11-09-2002, 07:26 PM
Parent: #35

ايواااااا
كدا بقا قلتو تفرزو العيشه
طيب كويس
تاني ما اشوف لي بت حايمه في الحله و خصوصا جنب العامود
انتو قايلين الشمار عندكم براكم
عليك الله شوف ديل
ههههههه
الكلام دا انا قلتو من بره اوضتكم دي واتا اشبعو بيها
ها يا خواض ارح نبدا العشره كدا تمينا
عامود ودا الجيلي دا مالو
انشاء الله كهربتكم تقطع زاتووووووو
Post: #38
Title: Re: اوضتنا يا بنات....ممنوع دخول الرجالة
Author: garjah
Date: 11-09-2002, 08:01 PM
Parent: #37


عليكن الله دي ونسة يقفلوا ليها الاوضة
ما تتونسن كويس

امرقن برة في النيمة البعيدة ديك
اصلو الحيطان زي ما بقولوا اولاد بمبا ليها ودان
Post: #39
Title: Re: اوضتنا يا بنات....ممنوع دخول الرجالة
Author: الجعلي
Date: 11-09-2002, 08:13 PM
Parent: #1

سلام يا بنات عمي كيفنكن
ورمضان كريم وتصومن وتفطرن على خير
وشنو يا جماعة التميز ده كل ناس دايرين يعملوا ليهم غرفة خاصة وممنوع دخول الرجال ،، وناس ود الجيلي عاملين بيغادي عمود البورد ، ياجماعة الحكاية شنو
وكل ناس تفرز كومها وعيشتها ولا شنو
غايتو أنا جيت أبارك ليكن رمضان وأقول ليكن كان إحتجتن إي شيء قولن عوووك

وفتكن بعافية

الجعلي
Post: #41
Title: Re: اوضتنا يا بنات....ممنوع دخول الرجالة
Author: ظبية
Date: 11-09-2002, 10:23 PM
Parent: #1

بت القبايل

رمضان كريم عاد جيت وما لقيتك بطلى المرقة الكتيره دى فى رمضان
والاوضة عامرة بالبنوت واجمل مافى الموضوع ممنوع دخول الرجالة
والاوضة دى ليك على طوالى انا فيهاوتسلمى لينا يابت قبايلنا



ظبية
Post: #42
Title: Re: اوضتنا يا بنات....ممنوع دخول الرجالة
Author: rummana
Date: 11-09-2002, 10:34 PM
Parent: #41


النبي انت لسه ماسكة لي موضوع العدة ده
يعني يا بت القبايل الواحد لو كل يوم غسل العدة بالليل ومال الصباح يسوي شنو ء
Post: #43
Title: Re: اوضتنا يا بنات....ممنوع دخول الرجالة
Author: بت القبايل
Date: 11-09-2002, 10:39 PM
Parent: #1

ااووووووووووووووووووووو.........ازيكن يا خياتي اها مسيتن كيف غايتو الليلة عملتوها ظااااااااااااااااااااااااااهرة بتين في غسيل يوم السبت كسرتو يديني ........بعدين تعالو هنا الصبين ديل مكبوسين جنب الباب كدي مالهم دخلت بالله بطلوع الروح نشوف لينا غفير من هنا لغاية خشم الحلة ...........بعدين يا ام الحسن الخلع ده طبعا انا مستغربة فيهو لغاية هسي .......يا ربي رجلنا السوداني بيقبل على نفسو حاجة زي دظبية يا غالية وينك يا عمرنا لكن انا ما كنت حايمة كنت في الحوش الورا بغسل البنات ديل التقولي بردفو الايسكيرتات دي بالله مية اسكيرت مالكن مغالطكن منو؟؟؟؟؟؟وعليك الله خلي بالك من اوضتنا ........والكديس دا البتكلم دا شوفو ليهو صرفة انا عندي حساسية من الكدايسي.
Post: #44
Title: Re: اوضتنا يا بنات....ممنوع دخول الرجالة
Author: bitalneel
Date: 11-09-2002, 10:52 PM
Parent: #43

سلامات يا بنات حواء ورمضان كريم ... هل ياترى بقدر أدخل و ألقى لي مكان
Post: #45
Title: Re: اوضتنا يا بنات....ممنوع دخول الرجالة
Author: bint algazeira
Date: 11-09-2002, 10:53 PM
Parent: #43

ازيكم يااخياتي
عاد لكن اوضتكن لذيذه الواحده تقعد فيها بمزاج
لا غتغيت ولا شئ...لكن ماتشغلن لينا شريط حق بنات كده
مغص مغص ياالعزابه...
انتي يانهي خلعتيني بالخلع دا كيف
الكلام دا كمان تدفع ليه قرووش ...هو مفروض يدفع ليها قروش

قال ليك يانهي يااختي ست ابوها مشت المحكمه وقالت دايره
تخلع راجلها التوم عشان ما بيصرف عليها اها قال ليك التوم جابوه في المحكمه
القاضي قال ليه المره دي قالت خلعتك...اها التوم قال للقاضي هي من
يوم عرستها الخلعه الوقعت فيني مامرقت دايره تخلعني تاني
Post: #46
Title: Re: اوضتنا يا بنات....ممنوع دخول الرجالة
Author: zola123
Date: 11-09-2002, 11:00 PM
Parent: #1

مساء الخير يا بنيات
والله شايفة الاوضة اتملت أولاد
مش بيتاوقوا ويسكتوا ؟ كمان يورنا انهم سمعوا ونستنا
والله حالة
انا جاية آخد كديستي أعشيها ومارقة
أبو حراز خطيبتك دي قول ليها تخلعك ب زردية احسن لووول
قال قال قروش
سوميتا ده كلام شنو ده يا بتي
طنشي , اصلوا ما حتقعدي تفكي عقد الناس مصيرها يوم تتفك براها
ولا الله يرسل ليهوا اليقصها المنقص ده
اها الجماعة الدايرين كتشينة بالله بعيد ومافي زول يقول داير شاي ولا بتاع
امشوا اعملوهوا براكم البنات في اجازة للونسة
وبعدين انحنا نقعد في العمود ولا هنا مالو على كيفنا حبه هنا وحبة هناك
صح يا بت القبايل ؟
بت الجزيرة يا وخيتي اتغتغتي ما تجيبي لينا الكلام
قالوا الاوضة مصورينها بكميرات مراقبة الزولة ما تضمن روحا
راس بيجاي واضان بيهناك
بت النيل حبابك الف ومية تلتة وعشرين
الاوضة نورت
تعالي اتكي بيجاي
تشربي بارد ولا سخن؟

زولة123
Post: #47
Title: Re: اوضتنا يا بنات....ممنوع دخول الرجالة
Author: بت القبايل
Date: 11-09-2002, 11:01 PM
Parent: #1

عزيزتي سوميتا معليش بس في البداية ما انتبهت للكلام كويس ويا خيتي القلة القليلة الفاكرة انها القمة في كل شي موجودة في اي مكان واعتقد بل اني اومن بانو انسان قمة في السطحية .وانو حتى مجرد الرد عليهو هو عبارة عن ضياع زمن ......انسان اكتر حاجة واقصى حاجة يستحقها انو يتجاوزوهو لانو انسان اظن انو ما عندو ذرة شهامة وحدة وفي الاغلب ليس برجل بالتالي لا يستحق انو الزول يرد عليهو...بالاضافة لانو ليس هو من يقرر انو احنا بنات ناس ولا لا.والعارف عزو مستريح والثعلب قال شنو لما اللبن على عليهو يا سوميتا...قاااااااااال مرررررررر ومكشكش ....وما تاخدي في بالك وبالمناسبة معظم من الفي البورد هم اخواااااااااان بنات بالجد وما عليك من البقية.......فتك بعافية يا غالية وما تشيلي في نفسك حاجة
Post: #48
Title: Re: اوضتنا يا بنات....ممنوع دخول الرجالة
Author: noha_g
Date: 11-09-2002, 11:02 PM
Parent: #1

هي كمان ما حكيت ليكن

فلانة ما قالوا طلقوها
قالوا الراجل جاتوا حالة هسترية قالت ليه عاوزة تسوي الآبري و هو ما عنده حقو
مسكها ليك قالوا رمى عليها اليمين
و قال لها تمرق من البيت


عاد يا بنياتي
جريدة الخليج شالت حالها
و جابت الخبر

أها عاد ابقن عشرة على رجالكن
و قدرن ظروف الراجل
( هههههههههههههه بقيت زي حاجة نفيسة في برنامج الأسرة)
عاد يا بينياتي الواحدة لمن تعرس أهم شيء يا تعرسه مروق
يا تشيل شيلتها و ما تقول ليه بدور لي آبري و هو ما عنده استطاعة
لووووووووووووول
تمد رجلينها قدر لحافها
و ما تباري لينا الفشخرة و شغل النسوان الما بنفع دا


أها يا بت القبايل يديك تقطعن من الغسيل
تعالي النتمه ليك أنا
Post: #49
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-10-2002, 02:14 AM
Parent: #1

إزيــكم مشــتهياكــم ومشتهيــة ونســـة دقاقــة
لكــن أودة ما تقــول لـــي ... تــرد الروح
ويا بت القبايــل فكــرتك مجنــونة جــن
لكــن أنــا من قبيــل كنت بعايــن بعيــوني ما انتــن عارفات أنــا قاعــدة أبيــع في الشــاي والقهــوة تحــت العامود وشــايفة الجمــاعة يجــوا يشــربوا الشــاي واللقيمات وبــراااااااااحة ينزغمــو في الأودة
سكــت ساكــت وقلت النشــوف آخرتها شــنو أب حراز داك نسيــتو كلو كلــو بايــن عليــه في إعتقــال تحفظي ... الشــلاقة ليــك شــنو
والباقييــن النــار ماكلاهــم
فأنــا قلــت أعمــل فيــها ما شايــفة وبــي قعــر عينــي أشــوف الغاشــي والماشــي واســمع التعليقات من بــرة واجيــب ليكم الأخبــار ومــرة مــرة وانا ماشة علي دكان الخواض بديــكم غشــوة فيــها الشمــارات
إيه رايكــم في الفــكرة دي
وبعــدين عندي دلوكــة جديدة عايـزة أجيبــها ونقعــد نغني غنــى البنــات مكاوة كــدي
يالله عايــزة الحق الشــاي شايفة كفتيــرتي طارت بالغليــان
صلحــة الكارب
Post: #50
Title: Re: اوضتنا يا بنات....ممنوع دخول الرجالة
Author: Soumeta
Date: 11-10-2002, 03:34 AM
Parent: #1

أها يا السمحات جيتكن أريتكن تلقن لي بنبر بعد الرجال الملو الأوضه و حلت ليهم قعدتنا و بقو إتعزرو بي قولت سلام ولا رمضان كريم،،، غايتو ما ورانا إلا إنو نقبل بيهم معنا و نديهم الدايرنو من الونسه و حقتنا الدقاقه نلمها لي بعدين لامن نمشي بيت السمايه،،،،
نهي يا حنينه يا بت أمي كيفنك علك عافيه،،
تسلمي لي من كل شر يا أختي،،
والله الألم و اللدغه المره حصلت لكن أهو الزول عشمو في ناس صافين سمحين زيكم إديك العافيه و ما إسمعك شينه من عزيز،،
زوله يا ست البنات إزيك يا البنيه،،، عاد لكن نحن زاتنا ما فترنا من طنشوهو و أفتحو ليهو، لمتين يا بتي نقعد في جنس الحاله دي و إن ياهو خلاس غلبنا بنجي نروح فينا نحن ،، ،، ولي كيف؟ ،، سلمتي يا غاليه
القميحه السكريه يا سلام حلاوة لبن بت الخليل يا عزة مرحبتين حبابك يا زينة البنات،،إخليك لي الزمن اللماني في حنينات زيكن شفتي الوليدات جحدانين النعمه زي ما قلتي الثعلب لوووووول ليك التحيه و ياني منكن أفوتكن أقبل وين؟
شكراً يا زينين
أرقدن عافيه

سوميتا
Post: #51
Title: Re: اوضتنا يا بنات....ممنوع دخول الرجالة
Author: noha_g
Date: 11-10-2002, 09:14 AM
Parent: #50

Soumeta

يا بت أمي
تسلمي يا غالية


بت النيل
بت الخليل
ظبية

حبابكن
و يا بت الخليل جيبي دلوكتك دي و ابقي لجوا
و قبل ما تبدي كدي دي أغنية كدي مني لبت الجزيرة

قالت متدسترة فيها

ههههههههههههههههه
Post: #52
Title: Re: اوضتنا يا بنات....ممنوع دخول الرجالة
Author: bint algazeira
Date: 11-10-2002, 12:58 PM
Parent: #51

عاد يااخياتي امانه النتعدل سمح للونسه

نهويه اخيتي الله يديك الفي مرادك جبتي لي الغنيه البريدها

اها كيف يااخواتي
بت الخليل
بت النيل
بت القبايل
بت ام در
الزوله123
سوميتا
رمانه
ظبيه
جوليا
والاخوات الباقيات البره الاوضه
رايكن شنو في الغنيه الشبابيه...قالو تاني مانقول كده
سمعت المزيع في التلفزيون قال مانقول كده الغناء ياهو الغناء قال
لكن غايتو اسامه الشيخ دا غناه سمح بالحيل
الله يديه العافيه
Post: #53
Title: Re: اوضتنا يا بنات....ممنوع دخول الرجالة
Author: فاطمه
Date: 11-10-2002, 02:08 PM
Parent: #52

سلام يا البنيات

كيف حالكن واحتكن يا الغاليات وما ليكن عليا حليفه

مشتاقه ليكن جنس شوق

الا نقول شنو امر الله باقى عندى مدير

مسوى فينى البدع قدر ما اقول ازوق شويه واجى اتونس معاكن

يسوى فينى جنس فعله يفرج فينى الله وخلقه

اها قلتن لى شنو الخلع دا كيف

اسع ما بقدر ادفع قروش واخلع المدير

(باقى راجلى ما حكمنى زيه)

يخلعه الرحمن

اكان تعب فى المكتب كل النسوان

اها الاقوم امش قبل ما يجى

انتو الرجال ديل مالم
تعالو نعمل ليهم تزاكر ونحدد ليهم ساعه يعنى

التزكره ام 50 دولار مدته استماع ساعه واحده

وهكذا وندفع القروش للصندوق النسوى

لووووول

هااااى المدير سامعه صوته جاى على

فاطمه
ــــ
ان الحروف تموت حين تقال
Post: #61
Title: Re: اوضتنا يا بنات....ممنوع دخول الرجالة
Author: nooralaen
Date: 11-10-2002, 07:38 PM
Parent: #50

عليش يابنت القبايل على الدخلة دى بس قولتا اخواتى ديل امكن يكونو عاوزين حاجة من بره ههههههههههههههه يكة شاى مثلا
Post: #54
Title: Re: اوضتنا يا بنات....ممنوع دخول الرجالة
Author: zola123
Date: 11-10-2002, 04:15 PM
Parent: #1

سلام يا أخواات وين ليكم وحشة من امبارح المسا
حاكم الواحدة مننا كان ما اتكلمت نص يوم تجيها حالة نفسية عديل
وانحنا ما ناقصين نفسيات
فاطمة يا سكرة ضحكتيني والله
لاكن مديرك ده شوفي تيكنيك تاني معاه
قولي لليهوالانتاجية بتزيد وكدة مع راحة الموظف
لاكن اقول ليكي شي
مديرك ده كان غضب بره
ها راجلك ما أخير تحنيسة من هنا ولا هنا وبيرضا لووول
شوفي ياتو ابقى ليكي
بت القبايل جيبي شفع الجيران وقولي لليهم عندنا بارتي بس بشرط تنططوا لينا في السرير ده لحد ما التحتوا يفطس
وكان فطس الحلاوة علي انا لوول
قالوا الاولاد فتحوا لبهم أوضة
لاكن منو البيخشها ليهم
تصدقن الاولاد زاتم حردوها
مافي زي اوضتنا
صلحة, سوميتاو بت الجزيرة , نهى , ظبية وبت النيل
جبتوا هدوم العيد ولا لسة
خليكم من القهوة واللقيمات , واحدة فيكم تلفح توبا وتجي معاي
واللي عندي كمية مشاوير دايرة ونيس
مافي أحسن من الواحدة نخلص بدري
آخر ايام دي خليها للخبيز
ودعتكن
زولة123
Post: #55
Title: Re: اوضتنا يا بنات....ممنوع دخول الرجالة
Author: ايهاب
Date: 11-10-2002, 04:54 PM
Parent: #54

الازعاج والنقه الكتيره دي شنو يا جماعه
حالتو احنا ما صدقنا قلنا ارتحنا
صوتكم واصل العمود
بعدين يا زوله ماشه مشاوير ولا شنو ما عارف
ما اشوفك جنب العمود ولا تعدي بي جنبو
الشاي زاتو ما تعمليهو ههههههه
Post: #56
Title: Re: اوضتنا يا بنات....ممنوع دخول الرجالة
Author: degna
Date: 11-10-2002, 05:05 PM
Parent: #55

تحياتي الاخت بت القبائل وجميع الاخوات
رمضان كريم ,
بس زعلتوني شديد ودي دعوة عنصرية صارخة وماحااسكت
ابدا وحااتشوفوا ,,
دقنه البجاوي مقاتل من (سيدني)
Post: #57
Title: Re: اوضتنا يا بنات....ممنوع دخول الرجالة
Author: bamseka
Date: 11-10-2002, 06:02 PM
Parent: #56


شمهروش اوع تدخل هنا خليك فى البوابه بره يا اخوى
Post: #62
Title: Re: اوضتنا يا بنات....ممنوع دخول الرجالة
Author: garjah
Date: 11-10-2002, 08:13 PM
Parent: #57

بامسيكا
الحلاتوني دي بتك
ربنا يحفظا ليك
انا قاعد في سقف الاوضة دي ونقتن لامن خلت السقف يهوزز
ما يقوم يقع بي كمان
Post: #87
Title: Re: اوضتنا يا بنات....ممنوع دخول الرجالة
Author: BAKASH
Date: 11-12-2002, 00:08 AM
Parent: #56

يا بنات لو سمحتو نادو لى زولتى من جوه شايف الحكايه اتلخبطت عشان اشيلها وامشى انا افتكرت للنساء فقط لكن شايف جماعه حايمين جنبكم






بكاش
Post: #58
Title: Re: اوضتنا يا بنات....ممنوع دخول الرجالة
Author: ظبية
Date: 11-10-2002, 06:33 PM
Parent: #1

أزيكم ياحبيبات
عليكم الله خلوا لى العدة الليلة على يااخواتى بت القبايل ونهى ديل من اول يوم فى رمضان ما ارتاحن واقول ليكم كلام بكرة الفطور على بس اقشرن وتعالن..وده كلام ياالزولة متين رمضان بدأ ونقعد نتجارى لهدوم العيد يابنت خلى سك التنزيلات ده واقعدى سوى العصيدة وبكرة راجياك تجى تساعدنى فى فطور بنات الأوضة دى ..اها نفسكم اعمل ليكم شنو


ظبية
Post: #59
Title: Re: اوضتنا يا بنات....ممنوع دخول الرجالة
Author: zahjana
Date: 11-10-2002, 06:42 PM
Parent: #58

ازيكم يااخواتي ...ورمضان كريم ...وانا حسي جعــــــانه اعمل شنو وروني....رمضان ده زكرني امتحان الجغرافيا ....معقوله يارمضان ياخي....

بعدين يانهي الاغنيه جميله شديد...
Post: #60
Title: Re: اوضتنا يا بنات....ممنوع دخول الرجالة
Author: sympatico
Date: 11-10-2002, 07:33 PM
Parent: #59

الاخت بت القبايل
الاخ سوميتا
والاخوات

مبروك عليكمالاوضة
طبعا انتو كنتو عاوزنها ليكن براكن لكن حصلت حالات تسلل كثيرة من الشباب السمعوا الغناء والدلوكة وجو جارين جري

طيب ليه ما تستفيدوا من اللمة الجميلة دي وتعملوا حاجة ظريفة كدا
ايه رايكم تعملوا لينا برنامج منوعات في رمضان دا
كبف ؟
سوميتا اشرحي للاخوات المعاك في الاوضة كيف ممكن الناس اتلاقوا في اوضة زي دي واتكلموا واسمعوا بعض
ويغنو ويقولو شعر وامثلو


ونسمع شاعراتنا
سوما
تماضر
نهى
غدى
اشراقة
وبقية المبدعات
وتطربنا سوميتا بي صوتا الجميل
والاستاذة تماضر تدينا مقطع تمثيلي
وبت القبايل تصور
وزولة تعلق

ومواهب كثيرة تظهر

وافنكر حا تكون امسية جميلة
تخيلوا معي المشهد
كل واحدة من اخواتنا المبدعات تقدم حاجة
ونحن الشباب نسمع

يلا يا سوميتا خلى اخواتك انزلن البرنامج واعزميهن على اوضة البورد واعملو بروفاتكم
ولما تكونوا جاهزين كلمونا

وآ’مل ان يتحقق هذا الحلم

برنامج البالتوك على الرابط التالي
http://www.paltalk.com/paltalk10/download/download.htm
Post: #63
Title: Re: اوضتنا يا بنات....ممنوع دخول الرجالة
Author: noha_g
Date: 11-10-2002, 08:35 PM
Parent: #1

عاد يا بناتي

الرجال ديل شرطوا عيني
ما كنت قايلاهم بتاعين شمار كدي

و المتدسي تحت السرير و الفوق في السقف
عليك الله اختشوا يا وليداتي
و الجي قال عاوز اشوفكن كان عندكن حاجة و الا محتاجة
عليكم الله أكان محتاجين كان فرزنا عيشتنا منكم؟
الله يهديكم
بطلوا تطقطقوا اضنينكم للشمار
قلتو زمان دي حركات نسوان
هسي يا ربي الكتوف اتلاحقت و الا شنو


هههههههههههههههه
شماااااااااااااااااار حااااااااار
Post: #64
Title: Re: اوضتنا يا بنات....ممنوع دخول الرجالة
Author: الجعلي
Date: 11-10-2002, 09:53 PM
Parent: #1

أخواتي الرائعات سلام عليكم ومساء الخير
والله قدر ما حاولت أدخل غرفتكن دي بس أقول حسع أخواتي ديل يكترن كلامن ويقولن والله الرجال ديل ما عندهم شغلة وكل شوية يجوا يعملوا لينا شمشرة ، علشان كدي قلت أجي أقول ليكم إنو ننظم الحكاية شوية ونعين لينا مندوب من طرفنا يجي بصورة رسمية مش زي ناس أبوحراز المدسين تحت السراير ولا زي ناس قرجة القاعدين فوق السقف
ويمكنكم أيضا أن تعينوا مندوبة من عندكن تجي تحضر اجتماعاتنا في السقف بس ضروري تعلموها تلعب وست علشان تمثلكم خير تمثيل
ونحن قاعدين حسع نتشاور في الشخص الممكن يمثلنا عندكن وحنرسل ليكم كشف باسماء المرشحين وتعملوا لينا كشفا باسماء المرشحات
وعاوزين نقنن الحكاية
لآنكن عارفات انو انتن ما بتقدرن تتونسن بدون ما تجيبوا سيرتنا ونحن كمان ما بنقدر نتونس من غير ما نجيب سيرتكن
ومنتظرين ردكن


الجعلي
Post: #66
Title: Re: اوضتنا يا بنات....ممنوع دخول الرجالة
Author: noha_g
Date: 11-10-2002, 10:14 PM
Parent: #64

أها رايكن شنو في كلام الجعلي دا يا بنات

أظنه ما جعلي

قالوا الحعليين المرة و الراجل عندهم زي البيضة و الحجر

و دا عاوز يلم البيضة و الحجار

ههههههههههههههه

أنا غايتو ما ترسلني مندوبة أكان وافقتن
بطردوني من المناقرة


هههههههههههههه
Post: #65
Title: Re: اوضتنا يا بنات....ممنوع دخول الرجالة
Author: zola123
Date: 11-10-2002, 10:07 PM
Parent: #1

بالله شوفتوا بت ناطة في اوضة الاولاد ديل الاولانية
ولا السطوح التاني حقهم؟
اها الشلاقة لشنوعليكم يا وليدات
انحنا ونستنا بتقعدنا دهر بيحالو
اها انتوا ما تميتوا ساعة وناطين بيجاي تتسمعن البنيات ديل بيقولن في شنو
لاكن مافي زول قال ونستكم سممممممممممحة
والله عارفينها سمحة
لاكن لمن ندور نعزمكم بنعزمكم
ومافي بت بالله تمشي محل الرجال ما تفضحونا لووول
والله كان تفتحوا قهوة , سوبر ماركت, نادي, دار رياضة زاتو ما نجيكم بيهناك
حلااااااااااتا اويضتنا دي على قدرنا
ظبية ياختي كان ما جريت حسي آجري في الزمن الضايع
انا بحب احضر حاجاتي بدري قبل الزحمة
اها انا دايرة جداد بالخضار في الفرن وشوفي الباقي طالبين شنو وخلي الحلويات علي
والله غايتو اتكلمتا جنس كلام في اوضتكم دي
بجيكم بعدين
عمو الجعلي انتا بندخلك وعمو قرشوا بس ساعة واحدة عشان وقت الزيارة الرسمس وكدة
بعدين تطلعوا توروا الاولاد المرصصين في الباب ديل قلنا شنو لووول
زولة123 البيتتكلم كتير
مش اوضتنا ؟؟؟
Post: #67
Title: Re: اوضتنا يا بنات....ممنوع دخول الرجالة
Author: bint algazeira
Date: 11-10-2002, 10:28 PM
Parent: #65

اخواتي ازيكن
كيف قيلتن ان شاء الله تامات ولامات وسالمات

الاوضه لذيذه وبارده وعامره بحسكن دائما

لكن يااخواتي انا دايره لي كشتينه يااخواتي
نفسي في ويست كيف معاكن يااخواتي نربعها هسي
انتن عارفات الكشتينه دي الذ شئ فيها انه البت بتاكل الولد
ههههههههههههها...اها يااخواتي تلعبن معاي ولا اشوف التحت السرير
كان مافطسوه الشفع و اتنين من الجماعه الدخلو ديل

اها ياظبيه يااختي انا نفسي في عصيده بملاح نعيميه
Post: #69
Title: Re: اوضتنا يا بنات....ممنوع دخول الرجالة
Author: Soumeta
Date: 11-11-2002, 04:36 AM
Parent: #67

بت الجزيرة ياختي انا ما عندي مانع الععب معاك عشرت كشتينه لكن البتغلب التانيه تغسل العده إتفقنا؟ أصلي مافي شي مجنني و مطفشني من شغل المطبخ قدر العده دى،، ،، قالو الأولو شرط أخرو نور ،، أها لامن تبقي علي كلامي قولي لي عووك
سوميتا
Post: #68
Title: Re: اوضتنا يا بنات....ممنوع دخول الرجالة
Author: garjah
Date: 11-10-2002, 10:39 PM
Parent: #65


رسلو لي اتنين تلاتة عشان يعملو للعزابة اكلات
عشان نشوف شطارتكن
ما تبقن بتاعات نقة ساكت
Post: #70
Title: Re: اوضتنا يا بنات....ممنوع دخول الرجالة
Author: tasneem
Date: 11-11-2002, 05:42 AM
Parent: #68

بت القبايل والشابات الظريفات سلام شديد
ورمضان كريم
اوضتكم والله ظريفة بس يا اخواتي اقول ليكم انا بحب غناء البنات
وتخصص كمان فيه وبرضو بحب الكشف عاوزين فرفشة كفاية من
غسيل العدة دا.
Post: #76
Title: Re: اوضتنا يا بنات....ممنوع دخول الرجالة
Author: bint algazeira
Date: 11-11-2002, 12:13 PM
Parent: #70

ازيكم يااخياتي
كيفنكم ان شاء الله تامات ولامات

اها يااخواني الاخبار شنو عندكن الليله
نعل مافيكن واحده حاسه ولا شئ..كان فيكن واحده بيها حسس كلمن نهي دي تشوفها
اها جبتي شنو يازوله123 من السوق اريتك تكوني قدرتي اشتريتي
حاجات حلوه
ظبيه اخيتي جهزتي فطورك ولا عندك شئ عايزه نساعدك فيه ..بس كنت
عايزه اقول ليك ياظبيه يااخيتي بعدين ارفعي ليك صينيه من الفطور
دا لاخيانك القاعدين في السطوح ديل شايفاهم حالتهم صعبه وماعارفين يسووا شنو للفطور وقرجه زاتو يتحير معاهم
اها ياسوميته يااختي جيبي الكشتينه دي خلينا نلعب لينا قيمين تلاته قبل البنات مايتلمن و نتم باقي الشمار
Post: #71
Title: Re: اوضتنا يا بنات....ممنوع دخول الرجالة
Author: ظبية
Date: 11-11-2002, 08:34 AM
Parent: #1

كيف أصبحتن والله مشتاقين
وينك يابت قبايلنا مختفية والأوضة أوضتنا والمحنة حقتناماتطولى الغيبة
ياالزولة ياالحبيبة طلبك على العين والراس وما بتقصرى راجينك بالحاجات الحلوة وماتنسى الكاميرا

بت الجزيرة أزيك امانة الليلة ماأكلتى عصيدة وملاح مدنكلين وكلو علشان خاطر عيونك الحلوين بس عليك الله تعالى ساعدينى فى عمل العصاير شايفة البنوت كترن فى الأوضة والله يزيدهن كمان وكمان

يانهىىىىىىىىىىىىى قلتى لى فى ناس غايظاهم أوضتنا دى ..وفى ناس تانين عاملين ترشيحات لمبعوثين بألأنابة شماراتك دى خليها لبعدين نتفاكر حولها أقوم هسة أنا على تجهيز فطوركم ياالحبيبات


ظبية
Post: #72
Title: Re: اوضتنا يا بنات....ممنوع دخول الرجالة
Author: فاطمه
Date: 11-11-2002, 10:03 AM
Parent: #71

سلام عليكم يا البنوت

كيف اصبحتن

باقى امس من ما سمته صوت المدير

جريت فته واثرت السلامه

يسلموا لى البوليس المدير التعيس

خلنى من المدير اسع انا سامعاكم قلتوا عاملتن فطور

اها سويتو شنو لازم نسوى شى وشويات

فى شان نغيط الواقفين بره بيتاوقوا لينا

اها انا بسوى ملاح النعيميه لكن العصيده ما بسويها

من اسع بعدين تقولو لى شن طعم الملاح بلا عصيده

شوفو واحده تسوى العصيده لكن لو عايزين قراصه

طبعا تخصص بسويها ليكم وتكرمو

الا يادى انتو الرجال ديل نسوى ليهم شنو

تعرفوا مافى طريقه نطفشم بيها الا كومر الالزاميه

اها انا من دربى دا عليه ناس المنسقيه

النلحقم قبال ما يغفلو

وما بجى الا وهم فى يدى


اها بجيكم تانى

ودعتكم الله يا الحباب

فاطمه
ــــــ
ان الحروف تموت حين تقال
Post: #73
Title: Re: اوضتنا يا بنات....ممنوع دخول الرجالة
Author: ابوحراز
Date: 11-11-2002, 10:18 AM
Parent: #72

اها يا فطومة
قبل ماتجيبي لينا كومر الإلزامية دا طالعين
تعرفي
المشكلة انا قاعد ولابد تحت السرير
وفي اللحظة التي قررت أن أخرج من السرير واشوف اوضتكم دي فيها شنو
فجأة اشوف ليك واحدة جات داخلة معاي تحت السرير
تعرف لقيتها منو ؟؟
دي خطيبتي
قالت لي : أمرق برة عامل راسك الماكن دا
من قبيل افتش ليك مالاقياك
قلت ليها :
بالله هسع عرفتيني هنا كيف ؟؟
قالت الأولاد الواقفين برة وما خلوهم يدخلوا هم الكلموها
الله يجازيكم
حسادة بالجملة
Post: #74
Title: Re: اوضتنا يا بنات....ممنوع دخول الرجالة
Author: Pearl
Date: 11-11-2002, 10:28 AM
Parent: #73

kaif ya al banooot?? akhbarkan kida??
kaif ramdan ma3akom??
walhi gaitoo bakhtakn kan kontoo fi al sudan wala ay bald 3arbi
laken gair kida ramdan shahr 3adi jedan jedan .. bas Allah
yesahel gaitoo...
al fa6oor ma 3ndkom laken, 3arfeeen ana bamoot fi mola7 al ne3amia.. khals ma taklo entzarooni le al fa6oor ana shagla le 4 alila fa bajeeekom ya al banoot.
Post: #178
Title: Re: اوضتنا يا بنات....ممنوع دخول الرجالة
Author: Abureesh
Date: 11-03-2005, 01:06 AM
Parent: #73

Oops! wrong apartment!1
Post: #186
Title: Re: اوضتنا يا بنات....ممنوع دخول الرجالة
Author: BAKASH
Date: 11-06-2005, 10:41 AM
Parent: #72

سلام ياحبايبنا انا غايتو كنت قاعد من قبيل اسمع شماراتكم وتتكلمو فى عرس وما عرس وحفلة فلانه ديك طبعا كنت فى الأوضه متدسى تحت السرير يا خى فلانه دى خلوها هى كانت قايله العرس قشره وطلوع ماقايله العرس بير الخارج عايز يدخل فيهو والداخل عايز يطلع منو
Post: #75
Title: Re: اوضتنا يا بنات....ممنوع دخول الرجالة
Author: noha_g
Date: 11-11-2002, 10:47 AM
Parent: #1

عاد يا بت الجزيرة

قلنا ما عاوزين رجال جبتي لينا كتشينة؟


فطومة بس جيهي إنتي ام نعيمية
و أنا علي السمن البلدي
و العصيدة


لكن ما تفتحن خشمكن تقولن العصيدة لينة و الا غيره


و لازم عصير القنقليس يا جماعة البتجيبو فيكن منو


بعيدن يا فاطمة المتل أبو حراز دا كومر الالزامية ما بحلنا منو
Post: #77
Title: Re: اوضتنا يا بنات....ممنوع دخول الرجالة
Author: garjah
Date: 11-11-2002, 12:23 PM
Parent: #75


خصمتكن بنات امي
كان اكلتن براكن
ماني عافي ليكن تب
الا تعزمونا معاكن
انا جايب معاي بتيخة دعووولة
وبيجاي كيس برتكان وبيجاي كيسين فواكه مشكلة

اي طبخة تعملنها عايزين منها كوبي طبق الاصل في البوست بتاع المبشتنين في الارض

كتر خيرا الدكتورة الزولة 123
عملت لينا كم صنف
Post: #78
Title: Re: اوضتنا يا بنات....ممنوع دخول الرجالة
Author: الجندرية
Date: 11-11-2002, 12:28 PM
Parent: #75

بنات الاوضة
كيفكن
عاد يافاطمة خفت دمك جات قايدني من اقاصى البورد
تعرف حكاية مديرك ده ضحكتني لانو كان عندي واحد زيو الله لا يطره بالخير
نهي يختي
كان كومر الالزامية ما بحلناالا نادي ناس الدفاع الشعبي يكشوه ويقولوا اطوع .. لكن حرام الوليد لسه لا طاق حريرة لا طاق ضريرة خلنو لمن الله يهديه ولا خطيبتو تحاسي وتواسي
Post: #79
Title: Re: اوضتنا يا بنات....ممنوع دخول الرجالة
Author: فاطمه
Date: 11-11-2002, 02:26 PM
Parent: #78

سلام اهل الكباب والشيه

سلام اهل العصائد البوختن ملويه

(نظام كيه لى العزابه المبشتنين)

هوووووى يا ابو حراز بطل حركاتك دى

انا كلها عارفاها

وما تعمل لى مسكين وتحنن قلبى عليك

وبعد شويه تقول لى عليك الله دسينى من الالزاميه

وخطيبتى زنبها شنو تبقه خطيبت شهيد

ما بدسك ما بدسك ما تحاول معاى كلو كلو


نهى الغاليه

كيف الحال

ياستى كل اللى بتسويه حلو وجميل

وماعندك مشكله

الغاليه الجندريه

شكر ليك على الاطراء

والله ما وراك زى مديرى دا

الزى انا يا جنداريه يا بت امى بيشاكلو

ما بيشوف التقول عينه عورا

وظنيت كمان اضانه طرشا

لانى قدر ما اقول اشرح

بيجاوبنى الصدا

والله لو ما وكاظيم الغيظ

كان لقيتونى فى الشوارع حايما

( كنايه عن الجن وكدا )

اها الجنداريه بت امى فتك بعافيه


فاطمه
ــــــ
ان الحروف تموت حين تقال
Post: #80
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-11-2002, 02:56 PM
Parent: #1

صبــاح الخيــر
يخســــــــــي عليــكم تخلوني نايــمة من امبــارح وما تصحونــي للســحور يعنــي الليـلة الصيــام كيــف مع وجــع الراس
شايــفة الجمــاعة عمــلوا ليهم قعـدة في الســطوح .... شاحدة الله تــدقهــم مطــرة توريهم المكشــن برة بصــلة
يعــنى المحاكاة لــزوما شــنو

ســومة وسوميــتا شــغلو ليــنا شــريط غنــى أنا الليــلة جعانــة ولا بــدق دلوكــة ولا عنــدي قــدرة
بت القبأيل تقــدري تــدقي الدلوكــة..أها كمان الغنى مالو حرام
خلاص خلونــا نمــدح شــوية والله أنــا بريــد المديح لكــن دايــر ليهــو دقــة طــار سايــرة وخايلــة

شايفــة الجمـاعة بدول اتســلسلوا واحــد واحــد
قال وســت قــال مالكم غلبتكــم القعــدة ولا ادوكــم إســنا
عجبــني ليــكم
أخبــار القمــر ديــن شــنو
يا بت القبايــل جبــتو الجنزبيــل والله ناس بكـاش عزبــون بالقهــوة والجنزبيــل واريتو كان بيدفــع كلــو مقيــد في النوتــة وحسـي العيــد جايي عــاد خشــمي ما بقــدر افتحــو
عليــك الله يا بت القبايــل جنس الشــرايــة بالديــن دي عندكــم في الدكــان ولا الحكاية حقارة بــي أنــا
واللـه نعســانة
عايــزة آخد لي غمــدة
نهــا عليــك الله افقلــي البــاب وخلــن الضحك والقرقراب لي بعــد الفطــور
بس لو لقيــت لي بنــدول
أخخخخخخخخخخخخخخخخخخخخ
Post: #81
Title: Re: اوضتنا يا بنات....ممنوع دخول الرجالة
Author: noha_g
Date: 11-11-2002, 05:20 PM
Parent: #80

تسلمي يا فاطمة يا بتي


كدي النوطي صوتي عشان بت الخليل تاخد ليها غمدة شوية كان صداعها دا يروح
سلامتك يا بت الخليل
و ناس السطوح كلهم بلا فرز كرامتك

و أنا بمشي بجهز لك القهوة
لبعد الفطور

عشان تكتلي بها الصداع دا

بت القبايل وينو القمردين
أنا من أول رمضان شربت لي كباية واحدة بس
Post: #82
Title: Re: اوضتنا يا بنات....ممنوع دخول الرجالة
Author: sama7-au
Date: 11-11-2002, 05:45 PM
Parent: #1

.....


انا جيت
وين يا بنات
كيفنك؟
شنو اليافطة دي ما واضحة ولا شنو؟
الرجال ديل بيعملو هنا شنو؟
يا لطيف منهم


المهم انا اسع ماشة الترزي
يا اخوني بت قضيم مشت وين؟
الابري معاها وانا ماشة ولازم يتبلى

بجيكم صادة


سماح
Post: #83
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-11-2002, 05:48 PM
Parent: #1

نهــا الله يباركك والله القهــوة وقعت في جــرح
أقيفــي يا نهــا نســيتي البـن في النار بســرعــة ما يحــرق جنــي وجــن البن الحرقــان كــدة أحســن خلــي لونــو بني غامق
بعــدين موضــوع القمر دين دا ما عارفيــن نعمــل فيــهو شــنو بت القبايــل وود الجيــلي ضاربيـن طناش
يا نها الفناجيــن بخريهم بالمســتكة تلقيــها في فتيــل في عدة القهــوة التحت التربيــزة وعليــك الله ما تنســي البركــة
عاد الليلــة ما حالفة زول من الجماعــة يشــرب معانا مافي
عليــك الله يا نهــا شوفتي الودع حقــي وين
أكيــد ضايرتو فــلانة غايتــو جنس حشــير الودع زاتـو كان دســوهو ما بشــوف ســمح دا شــنو دا؟؟؟ برانا راســنا واجعنـا ما بنقــدر على الكواســة واللواســة
أحي ريحة البن ردت روحــي
إن شاء الله ما تــروحي يا نها
Post: #84
Title: Re: اوضتنا يا بنات....ممنوع دخول الرجالة
Author: bamseka
Date: 11-11-2002, 06:36 PM
Parent: #83



البنيه يا/ قرجة/ بنت اخوى الكبير الذى حدثت وفاته فى طريق شندى الخرطوم فقدت ابيها وامها واختها الصغيرة فى ذالك الحادث المرير
Post: #85
Title: Re: اوضتنا يا بنات....ممنوع دخول الرجالة
Author: noha_g
Date: 11-11-2002, 06:49 PM
Parent: #84

bamseka

البركة فيكم

و ربنا يخليها و يحفظها يا رب
Post: #98
Title: Re: اوضتنا يا بنات....ممنوع دخول الرجالة
Author: garjah
Date: 11-12-2002, 11:56 AM
Parent: #85


ربنا يحفظها يا بامسيكا
وبختها العمها بامسيكا
Post: #88
Title: Re: اوضتنا يا بنات....ممنوع دخول الرجالة
Author: sari_eleil
Date: 11-12-2002, 03:14 AM
Parent: #83






مشاركة مني عشان الربة بس وعشان الاولاد يطلعو برة مرة واحدة
Post: #86
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-11-2002, 07:45 PM
Parent: #1

نهــا مالــك علي قطعـتي قلبــي
الله يخليــها
وحــلات الدنيــا عليها
Post: #89
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-12-2002, 03:36 AM
Parent: #1

يا بنــات أُمــي ابــو حراز لســة محشــور تحــت الســرير ولا مــرق والله حننتــني يا ود أُمــي أمــرق ما تخــاف ما ح نعمــل ليــك حاجــة علقــة خفيــفةعشـــان تبطــل البتســو فيهــو دا
ولا خلاص خطيبـتك دخلــت معاك والقعــدة احــلوت
أجــي يا بنــات أمــي
صلــحة
Post: #97
Title: Re: اوضتنا يا بنات....ممنوع دخول الرجالة
Author: الجندرية
Date: 11-12-2002, 11:47 AM
Parent: #89

بنات الاوضة ازيكن

والله ياصلحة اجيين
هسه ديل الحشرون تحت السير شنو كما الدنيا رمضان
دايرين يجبوا لينا الكلام كمان
Post: #90
Title: Re: اوضتنا يا بنات....ممنوع دخول الرجالة
Author: noha_g
Date: 11-12-2002, 10:26 AM
Parent: #1

أها الليلة عاوزين بت الجزيرة تسوي لينا ملاح تقلية مجيه

أصلها رسلوا ليها بصلة من السودان
و اللحمة مني منشفة و بدقها ليها


و العصير آبري كدي مجيه
يروي العطشة دي

عاد يا بناتي وين أم علي و البسبوسة
غايتو عاوزات تاكلننا ساكت في رمضان دا و الا شنو؟
Post: #91
Title: Re: اوضتنا يا بنات....ممنوع دخول الرجالة
Author: BAKASH
Date: 11-12-2002, 10:44 AM
Parent: #90

سوميتا وبت الجزيره خلونا نجى نربع معاكم الكتشينه ونشوف اليغلب فينا مين ونغسل العده لو غلبتونا ما فى مشكله ونحن لو غلبناكم تمشو تكنسو لينا السطوح00 كان ما عايزين تخلونا نربعها خلونا نتفرج عليكم اللحم ما ناكل السليقه ما نشرب ؟؟ههههههههههه






بكاش
Post: #92
Title: Re: اوضتنا يا بنات....ممنوع دخول الرجالة
Author: Fadil
Date: 11-12-2002, 10:47 AM
Parent: #1

بت القبايل
يا بت القبايل
عليك الله كان روز معاكم ناديها لي دقيقه
اصلها قالت ماشه مشوار
وطالما اوضتكم دي للشمشرة
أكيد حتكون معاكم !!!!!!
Post: #93
Title: Re: اوضتنا يا بنات....ممنوع دخول الرجالة
Author: BAKASH
Date: 11-12-2002, 10:53 AM
Parent: #92

بت الخليل ما من عوايدك تشربى الجبنه براكى عليك الله ناولينى فنجان بالشباك اصلى عايز اشوف قهوة نهى دى طعمها كيف





بكاش
Post: #94
Title: Re: اوضتنا يا بنات....ممنوع دخول الرجالة
Author: noha_g
Date: 11-12-2002, 10:58 AM
Parent: #1

و الله عاد يا بكاش و فاضل


خفة السنين عليكم يا وليداتي

ما تتاوقوا قلنا ليكم

و بعدين يا بكاش أمشي السطوح بتاعكم

برسل ليك فنيجين مع أبو حراز
لما يقرر يمرق من تحت السرير


يلا بعيد يا جنيات بالله خلونا النجيه الفطور دا
Post: #95
Title: Re: اوضتنا يا بنات....ممنوع دخول الرجالة
Author: BAKASH
Date: 11-12-2002, 11:18 AM
Parent: #94

لا يا نهى ناولينى بالشباك لو سمحتى لانو ابو حراز نفسو خفيفه يشربهم فى الطريق انتى عارفه براكى ابو حراز يبلع اى مصيبه يلقاها ده بلديه متحركه ههههههه





بكاش
Post: #96
Title: Re: اوضتنا يا بنات....ممنوع دخول الرجالة
Author: ابوحراز
Date: 11-12-2002, 11:22 AM
Parent: #94

اللحم ما ناكل السليقه ما نشرب
الله يجازيك يابكاش قطعت مصاريني بالضحك

بت الخليل
مالك عاوزة تخوفيني
كل ما اقول اطلع من السرير القاك واقفة قدامي
لكن الخاشة معاي تحت السرير دي تعالوا شوفوا ليها طريقة تطلع
الله يجازيك ضحكتيني وسط زحمة العمل والعطش الكتير دا

نهى
مقالب دي خلينا منها
عاوزة ترسليني بالفناجين وبعدين تقفلي الباب
انشاء الله ماشربوا
الفناجين تطير في السما الأحمر داك
سريري دا مابطلع من تحتو
ودي ليهم القهوة براك
وللا اديها لي بت الجزيرة تختها ليهم وترجع

قالت فناجين قالت
Post: #99
Title: Re: اوضتنا يا بنات....ممنوع دخول الرجالة
Author: zola123
Date: 11-12-2002, 01:38 PM
Parent: #1

سلام يا بنيات
قيلتوا كيف؟
سلام برضو للشباب عشان شايفا بقوا امر واقع لازم نرضى بيهو في الاوضة لووول
خشمنا وجعنا من النهير لاكن والله طلعوا ما بيقدروا على القعدة من غيرنا لوول
اهابس زول فالح واححححد فيهم قالا مافي
لاكن والله العارف عزو مستريح مش كدة؟
بت القبايل يا حلييلا بتزاكر ادعوا ليها
بس بتجي ناطة كل شوية تشوف الحاصل شنو
بت الجزيرة اماااانة ما اشتريت جنس حاجات
اصبري بجيب الاكياس وجاية افرجك بس فتشي لي تفصيلات للقماش ده بالله دايرة حاجة اوريجينال
اتزكرتا في زول قال لي السطوح داك بيشمو,, قصدي بيسفوا فيه حاجات كدة ما عارفة هي شنو
والل حقوا نبلغ يمكن تطلع مخدرات لا سامح الله
لاكن بس ابعدوها مني والله بيغمى على لو شوفتها ,, مش لونا اسود وريحتا...ياااي
احنا والله أخرتنا الكتشينة دي اكن برضوا بنخليها درآ للشبهات لوول
صلحة طاولة معاك كيف؟ أختك حريفة طاولة تلاعبيني ؟
يلا النمشي نرقد شوية ونجيك بعدين
زولة123
Post: #100
Title: Re: اوضتنا يا بنات....ممنوع دخول الرجالة
Author: BAKASH
Date: 11-12-2002, 01:54 PM
Parent: #99

يا ابو حراز يا اخوى شوف لينا محل جنبك ناس السطوح ديل ما بينفعو معاى وزى ما قالت الزوله 123 جايبين ليهم حاجات يمكن تجيب لينا الهوا وبعدين سمعت تحت تحت كده الزوله حتجيب ليهم الكشه عشان كده يا اخوى شوف لى صحبك محل انشاء الله فى الدولاب

بعدين صحبتك ال معاك تحت السرير دى امسك ليها نخرتها لو شمت ريحة الاكل بتزوغ منك





بكاش







بكاش
Post: #101
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-12-2002, 02:15 PM
Parent: #1

يا أبـو حراز بقـت عليك حكايــة إنت ما بتعــرف صليحــك من عــدوك
أنا واقفة قــدام الســرير عشــان أحميــك من البنــات أصلــي شايفة نهــا وبت القبايل ناويين ليــك لا قــدر الله بشــيتاً إنت ما بتقــدر عليهو وقلت عشــان خاطـر الخطيــبة المحشــورة معاك دي أعمــل ليك حماية
بــراحة أمــرق وبعــدين انزغــم أنا بخلــي ليك البــاب فاتـح
أوع تفتــح خشــمك تقــول عايــز قهــوة ولا شاي الحكاية بتنكشــف
سوميــتا ديك ما فاضيــة من الغنى وســوما شايفاها بتغســل في العــدة ....

تعالي يا نهــا عايزة أقول ليك ســر أنا بغش فيهــو عشــان يمـرق وبعديــن بفكــوا فيــكن عكس الهــوا كويس ما تقولــي لهنايــة حســها عالــي بيقوم يســمع وينحشــر زيادة
يا جمــاعة أي زول عايــز قهــوة بالشــباك الســعر دبـــُل والما عاجبـــو البحــر قريب يعنــي ســوق أســود
الشــاي برضــو
ومخيريين اختاروا بين الشــاي ووجــع الراس
وبعدين زول بقــدر يعمل جبنــو أو شاي تحت العامــود مافــي لآنــي الوحيــدة العنــدها ترخيص إلا تتجمــع توقيعــات في إعتذارات كاملة وشـاملة
بس قرشـــو هــو الممكن يشــرب لأنــو جا واعتــذر واثبت إنو ابن أصــول إنتــو قايلين شــنو الحكاية لعبــــــــــة
يا ســــــــــــــــلام
Post: #102
Title: Re: اوضتنا يا بنات....ممنوع دخول الرجالة
Author: BAKASH
Date: 11-12-2002, 04:10 PM
Parent: #101

يا بت الخليل فطور وابيتو تفطرونا حسع ناولينا جبنه لو سمحتى وسجليها علينا تانى وانت عارفه حسع نحن مفلسين عشان رمضان وكده مامشكله حسابك كلو تاخديه قبل العيد ناولينا جبنا سريع قبل ما تجى نهى عشان قالت مافى شراب جبنات هنا امشو اشربوها فى السطوح رغم ان جبنة الخوف ما بتكيف


كاش
Post: #103
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-12-2002, 05:06 PM
Parent: #1

يا بكــاش
سمعــت كــلامي ولا لا؟؟؟ ح اســجل ليك الحســاب في النــوتة لكن بســعر اكــتر وبديــك ليــها بالشبــاك نهــا حســي نايــمة أشــرب براحتــك لكــن الحســاب قبــل العيــد
يا ناس عايــزة أشــتري لي تــوب جديـــــد أعيــد بيــهو ... خلــوا عنــدكم نظـــر... بعديــن الخبيــز الح تجــوا تاكلوهو يــوم العيــد دا ما عايــز قروش
شــوفو طــريقة وادفعــوا لي إن شاءالله نص العليــكم
والله دي تجــارة آخــر زمن
إنتــو الكيــف ليكــم شــنو وكت مفلســين
معليــش يا بكاش لكن والله عــدمانة التعريـــفة الحمرا
والشــحدة من الجماعــة زاتها جننتنــي
وعنــدي ليــك ســر.... تعــرف الكوتشــينة البيلعبــوا بيــها في الســطوح اشــتريتها أنــا جوني كلهــم ناس إيهــاب وود الجيــلي (عامل فيها عنــدو دكان) وخســموني بالنبــي عليك الله كان تقول يقــومو يخاصـموني تــاني ويبوروا لي قهــوتي
أها ماشــة أدق البن والقــم الشــاي... يعنـــي تعبــاً بس للأجــــــــر
صلحــة
Post: #104
Title: Re: اوضتنا يا بنات....ممنوع دخول الرجالة
Author: BAKASH
Date: 11-13-2002, 01:15 AM
Parent: #103

يا بت الخليل انا بتسلف ليكى توب ايجار اصلو جنبنا فى واحده زوجها مغترب وبتأجر التياب اقوم أأجر ليكى توب منها بالسلفه بس بعد العيد رجعيه لانو اى يوم زياده محسوب علىٌ عشان ما ترفع لى سعر الايجار المره الجايه اصلى ناوى أأجر منها تياب العرس كلها بعد ما اغش بيها نسيبتى ارجعها تانى انا والعروسه متفقين على كده بعدين انتى غشيتينى قبل كده قلتى لى قهوتى لا اوكاش ولا اوشيك تانى رجعتى فى كلامك والا شنو؟؟




بكاش
Post: #105
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-13-2002, 01:42 AM
Parent: #1

إنــت يا بكاش ما عــارف الشــعراء يتبعــهم الغاوون
يعنــي الواحد كان قـال ليهو كــلام لــزوم القافيــة طوالي تصــدقــوه خــلاص بديــك ليــها بلاش لمــدة تلاتــة يــوم يعنــي حق الضيــفة وبعديــن الدفــع نقــداً أهــا ما رضيتــك
بعدين توب الإيجــار دا كان ما عجبــني بتســو شــنو لالالا يا اخــوي توبي بجيبــوا بــراي وبعزلــو بي مزاج مخيــر مع نسيــبتك لكن أنــا أمــور الغش دي ما بتنفــع معــاي
أدونــي حقي وبشــتري توبــي إن شاء الله بالأقصــاد
اتفــقنا ولا لســة
أوعــك تقول لي كاني مانــي أنــا بعد دا عرفــت ســرك ومخيــر لو ما وفيــت بالإتفــاق ح اقـــــــــــــــول لنيســـــــــــبتك
لوووووووووووووووول

يللا تم كيفــك التلاتـة يــوم بــدو في العــد التنازلي
لكــن عليــك نسيبــتك وخطيبــتك قهــوتي ما بتســـــــــتاهل
صلحــة
Post: #106
Title: Re: اوضتنا يا بنات....ممنوع دخول الرجالة
Author: Soumeta
Date: 11-14-2002, 06:29 AM
Parent: #1
Post: #107
Title: Re: اوضتنا يا بنات....ممنوع دخول الرجالة
Author: koky
Date: 11-14-2002, 02:30 PM
Parent: #106
Post: #108
Title: Re: اوضتنا يا بنات....ممنوع دخول الرجالة
Author: wadazza
Date: 11-14-2002, 02:39 PM
Parent: #107

معليش غريب جابنى الدرب ممكن موية أشرب؟.....زمان ود الملوح كان بمر بى خيمة ليلى لو لقى ابوها يقولى: القى عندك كبريتة ياعم؟
لووول
...
تحياتى بت القبايل على هذا البوست..


ودعزة
Post: #109
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-14-2002, 03:32 PM
Parent: #1

يا سوميــتة حكايــتك شــنو تسلمــي على الناس كلهم يعنى ما شايفانــي ولا عاملــة اضان الحامـل طرشــة
أول حاجــة خــدمة شاي وقهــوة حســي عنــدي قطايع من دق البــن ناس بكــاش قالــوا بن السحــانة ما عيزنــو تاني ما خليــت غنــوة بنات ما غنيتـها بالدلوكة وبعد دا كلو البنــات قالــوا لي دقــتك شــترة وحارساك من قبيــل تجي تدقي وانا أغنــي
دا لي يا سوميــتا الخاتــاك للحوبـــــــــــــات
فتحتــي بيبســى وجيبتيهــو لي شــربـات
على العمــوم المسامح كريــم والعتب على النظر
حســي أنا جيبت لي بخــور تيمــان وعايزة ابخــر الأودة من عين الرجــال والصبيــان كان يزحوا من تحــت الشبابيــك ويخــلو المتاوقـة بي خــرم الباب

بسم الله
يا عيــن ياعنيــة
يا كافــرة يانصرانية
يا مقطوعــة الزريـة
أخرجي من اودتنا ما تخـربي قعدتنا

عين الصبــي أب شــرا غبي
عين ابو حراز كسـرت القزاز
عيــن بكاش قلبــت الفُراش
عين ودعزة عنــد الحزَة
والبقيــة ليك يا سومة أو باقي البنات تتمــوه
شايفة ناري لهلبت وماشــة على قهوتــي
بعدين بي باقي نار البخــور عليك الله حمَـــي الدلــوكة شايفاها متختخــة

أهــا مع الســلامة بســم الله ما داير أقــع اتكســر دا منــو في كراع عترت لي سجــمي سجــمي اكان ما اخــاف الكضب في زول تاني تحت الســرير
عاد مابســألكم
مع الســــــــــــلامة
Post: #110
Title: Re: اوضتنا يا بنات....ممنوع دخول الرجالة
Author: Soumeta
Date: 11-14-2002, 06:02 PM
Parent: #1

يا بنووت أفتحن لي أنا سوميتا وحاتكن إنتن،،،، عاد لكن دى حاله دى؟ الشمس سودت وشي يا قوول البنيات،،، يعني أنا ما أمشي لا جامعه لا شغل لا شي تاني ولي كيف،،، و بعدين الباب ده عاصي كدي مالو؟ أبو حراز حرسوك الباب ؤ إنتا مع الونسه ما سامعني؟؟؟ لوول
يا الزينات الما شينات أنا جيتكن،، سلام عليكن بي ونستكن و دلوكتكن و حالكن البفرح،،، نهي يا بتي وين روحتي و يا كافي البلا لا سماعة تلفون ترفعيها ولا جواب تردي عليه دحين ده البسموه جفا الغربه؟ لوول أححححي يا نهي شهيتيني عصير القنقليس بلاهي بقييت أتمطق براي عاد النبي كان عندك كتير رسلي لي شويه مع الولد السغير،،،هيا يا يمه إتباركن أيامك إنتي،،،
بت الجزيره كيفنك يا طيبة الاصل القديم،،،كدي تعالي النسألك ،، بتديني وصفة ملاح العصيدة غلط لي يعني؟ تدحكي فيني الضيوف،،، غايتو مشيت حالي بي دمعة و قراصه
ياهو شغلنا البنعرف ليهو ،،،،
بت الخليل يا عازه يا ست البنات لي حدهن،، إنتي يا الكبرتوك والبنات فاتوك في القطار الفات،، يا فلق كل الصباحات الشداد،،، معقوله أنساكي أمال كلام الدلوكا ده حق منو؟ بس خاني النظر و غلبني النعاس إتجازا هو الداير إدخلني في الملامه معاك،،، أها مسحنا البوست و كتبناهو من أول جديد عشان خاطر عيون حلوين،، و بعدين بركه النبهتيني عشان نركب قُعُرة الكبابي قبال ما نسوط أكتر،،، لكن وحاتك بايته في الخاطر و لي الفرح سكه و علامه،،، يا معاني و يا
درب كمين جماني،، ريشه و دوايا و كوم أغاني،،
أها أسمعي رسلي وحدة من البنات الصغار و أنا أحمي ليك الدلوكا و يا زولا لي الصباح هجيج باقي لي زمن من الرقيص والغني البفش الغل بتاع زحمة البلد الانا فهيا دي،،
يا ظبية سارحه وين في الوديان مع الغزلان ،،، إزايك يا خيه والله فرصة لذيذه جداً الخلتني أشوفك هنا،،،
فاطنه السمحة ياختي كان قعدنا نباري المديرين و الحكام ديل يانا الما شايفين حالنا،، لا ونسه لا هزة كانون ولا موية زيتون الليمون ده تراهو بنبلع شويه،،
قطعتن نفسي بلسلام،،، كترتن و حليتن كده ،،،،
عاد لكن يا أبو حراز و نعم الحيل البتقعدك في وسط البنوت بس ياها زاتا،، تالتن الفي الونسه مشاركن ،، مع الأحتفاظ بلطبعه الأصليه،،لوول
بريل،،،، وحاتو هو أنا رمضان ده خلاس هداني مع الجري ده لكن أهو فضل ليهو شهر و إجي العيد و تاني نقول يا حليلو رمضان الحنين،،
قرجه،، خليك قاعد في بكانك أنا بقوم بلازم و برسل ليك الفيها النصيب،،، و زيد عليها كباية شاي بي نعناع،،،
جندرية لووول والله دحكتا لامن إنتكيت،،، ديل بعد دا الامر فلت من يدينا خيمة بسط أمن شامل ما تفكنا منهم،، لوول لكن كومر دي إتفسحتي فيها،،،
سماح أهلن أهلن إزيك و كيف حالك و غنيماتك ،، بركه الجيتي جانا الخير في طرفك يا العديله،،، أسمعي عليك الله أسئلي الترزي بخيط كيس المرتبه بي كم،،،
بمسيكا،، حلاته البنيه زينه و طويبه إخليها ليكم رب العباد شحدتو المابخذل عبدو قولي آميين،،
ساري الليل دي حيلتك؟ يا ولد أمرق إنجره لي بره ،، قال لزوم الشنو قال هو؟ ده كلام ده كمان،،، ما تحمبك خلاص ما تشلضم لي أسوي شنو عاد ما بجدر علي جنس الصرصره دي لك بس حدك فنجال القهوه ده،،،
بكاش،،، أنا ضامنه غسيلك لي العده فمن الأرحم يعني بس تاخد ليك خشم خشمين و تمشي تشوف ليك وست إسيكوك ولا طاوله إدوك مرس قوي لامن راسك إسخن،، و كلو عندنا بس خليني آخد لي زوقه كده نصت نهار في رمضان ده نقص بيها اليوم بي الضمنه و كدي،،،
فاضل،، روز اعده في نصنا لكن لا بنخليها تمرق ولا بندخلك ليها،، بس خليك بره كدي ده،، عشان كان إنتا داير الونسه قوول عديل هديل خياناك الدخل تحت السرير دخل و العمل ورحو حارس الباب عمل و الجا سلام ساي و مشي و الجاب لينا المسجل و عشه الفلاتيه جاب،، إنتا بس الجيت بي حيله أخير منها دسة عمك تنقو في الدولاب،،،
************************
أحي يا يمه من القهوه السمحه دي،، كدي يا بت الخليل كبي لي من التني ده،،،
يا الطويبات ما قلتن لي رايكن شنو في كلام سمبتاكو بتاع إنو ندخل البال تول و نإتناضم جت علينا مع بعضنا؟؟ أدني خبركن
أها ودعتكن مع الما بتضيع ودايعو
أبقن عشرة
سوميتا
Post: #111
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-14-2002, 06:59 PM
Parent: #1

ســوميتا أنا ماشة وجايــاك بعد شــوية الليلة عنــدي مواعيــد
وح اجــي أتونس معاك بي مزاج
إنت الدخلك شــنو يا ابو حراز خلاس شبيــت لي في حلقــي وعايــز تعرف المواعيــد دا ســر بيني وبين سوميــتة
البحلنـا شــنو من جنس التحشــر دا
جايــاك يا ســوميتة وجاية افــتو معاك
أها مع الســلامة حتــى نلتقي
صلحــة
Post: #112
Title: Re: اوضتنا يا بنات....ممنوع دخول الرجالة
Author: بت القبايل
Date: 11-14-2002, 10:02 PM
Parent: #1

بسم الله الرحمن الرحيم
اخياتييييييييييييييييييييييييي كيفنكن والله مشتاقين شوفنا بحر ودموعنا مطر كيف عليك الله احوالكن اصلو الزول ما يفوتكم امبارح عاوزة اموت لما ابا يرد معاي قربت اموت بسكتة والشمار واقف ليا هنا كان في طرف حلقي اضطريت امشي المستشفى علشان يطلعوهو .....شايفة في زول كده بتاع انقلابات من زمااااااااااااااان شاني علينا حملة خير يا اخونا يا دقنة في شنو يا ابوي ...يعني انت بعد الاكل بتحس بشنو كده....وريحة الاكل جابت الناس ديل من اخر الحلة لما جو وقفو ليكم بالصف جنب الباب مالهم انا هسي قلت لا سمح الله في مصيبة حاصلة ولا شي لما لقيت لمة الناس لكن لما شميت ريحة الاكل عرفت السر...مع ماجي الاكل الذ .ممممممممممممم ...سجمي انا رمضان ده بقاني زايعة ولا شنو ما اشوف ليا دعاية اكل الا اقيف اتابعها ؟؟؟؟؟يا بت هوي بطلي زياعة....بالمناسبة يا جماعة انا عندي سؤال كدي يابنياتي قدر ما فتشت اجابتو لقيت انها اجابات ما مر يحة ليه صداقة البنات ما بدوم في الاغلب هي احنا فعلا غيورات وحاسدات وجنننا مصالح؟؟؟؟كان احنا كدي الترابة دي في خشمنا والنبي فوقكن كان بقينا اخوات وصدييييييييييييييييققققققققققققققققاااااااااااااات لما غلط علشان بس ما نشمت فينا ناس حسن وحسين ديل والكدايس زاتا برضو قالو بتشمت ...وبالله الليلة عاوزين نتونس حبة اشتقت ليكم والله جد كده
Post: #113
Title: Re: اوضتنا يا بنات....ممنوع دخول الرجالة
Author: Soumeta
Date: 11-15-2002, 10:20 AM
Parent: #1

يا البنيات وين رحتن؟؟ أجي يا بنات أُمي،، دي حاله أخير منها بورت بنات سعيد،،،، النبي فيكن البتعرفن ما تجيب السيرة دي بس ادإفنانها هني ده،،، النوم الفينا شنو من بدري بدري كدي؟ شكلكن خلاس كبرتن و كبرت أحلامكن،،،،،
بت الخليل كدي زحي لي التوب المتدمدمه بيهو ده النشوف خبرك شنو،، علك ما ميجوعه؟ الضروس شن خبرن معاك ،، كر يا يمه بريه إنتي من وجع السنون لي العدوين ،،،، لا والله زينه تراكي وشك مطروح بس النبي فوقك عاد أكان تمشي الشغل بكره شغلو هم يختي إرتاحي في عضمك ده،،،، أها انا لسع حارساك تطيبي و تقولي لي سرك،،،، حرستك في زقاق البالتوك و معاي البنيه الحنينه الهفيفه نهي،، قضينا يوم جميل و ضحكنا و وقعنا و إتفشينا فيك يا الدنيا بي سمعنا لي بعضنا أتمني من جوه القلب إلمنا زقاق زي داك كلنا سوا تاني ،،،،،
نهي يا زوق و يا لطف و يا حنيه شكراً علي كل الكلمات و علي كل الساعات القصيرات الح تقعد لي بكره و بعد بكره،،،
أها يا الحبيبات أخلي نهي تحكي ليكم بلباقي،،
سوميتا
Post: #114
Title: Re: اوضتنا يا بنات....ممنوع دخول الرجالة
Author: noha_g
Date: 11-15-2002, 10:46 AM
Parent: #113

Soumeta

و الله عاد يا بتي أحكي شنو و الا شنو
إنت عارفة أنا اتكيفت جدا من البال توك دا
ناس حلوة
و بالجد تتخيلي نفسك في لمة أو قعدة و الناس متلمين يحكوا و يغنوا و يتناقشوا
بالجد حاجة لذيذة في الغربة دي

قعدنا اتلاقينا في غرفة من الغرف الخاصة و كتر خيرك يا سوميتا
لمتنا أنا
Soumeta
نفسها و
sympatico
نصار
3mk Tango
Elkhawad
soma


و ناس تانية حلوة
جمعنا هم الغربة المشترك
كانت ساعات عرفنا فيها كيف نلون الغربة بلون الفرح
و تسامرنا إلى أن نسينا أننا داخل حيز ضيق


و تعارفنا كأنا عرفناهم زمنا لأننا قراناهم عبر هذه الصفحات
أفكارا
كل منهم إنسان بداخله كنزه
و لكن كوننا سمعنا أصواتهم اضعفت حاجز الزمان و المكان

لكم التحية
و اتمنى ان تدخلوا إلى هذا البرنامج الحلو و صدقوني لن تندموا عليه لأنه بالجد فكرة حلوة
Post: #116
Title: Re: اوضتنا يا بنات....ممنوع دخول الرجالة
Author: sudania2000
Date: 11-15-2002, 11:03 AM
Parent: #114

Salamat
Happy Friday
ya noha alpal talk daa sheno wa keif
mafi areis wahada mekoum ashan nashof taleima...
looool
Post: #115
Title: Re: اوضتنا يا بنات....ممنوع دخول الرجالة
Author: Soumeta
Date: 11-15-2002, 10:59 AM
Parent: #1

نهي يا وجع كل البلود التبالغ فيك سماحة،، نسجتي خيط الروح هواها و رسمتي فيني الإستحاله،،،
لكم سعدت بوجودك بينا في البيت البعيد،،،،
البي جيتك زاد في الحلاه،،،،
فرحت زي ولداً صغير أدوهو قراصة نبق،،
حقيقي يا نهي كانت لنا لحظات في قلبي ذكراها و لسوف أستمر في إجترار لذتها إلي أن يشاءالله،،،، غنايّ كان فرح اللقاء و حديثنا كان منهل عذب شرّح صدورنا و فرحا،،، وكل القصايد جابا شوق بتبله بي شوفتك و ناس ورورووك و ناس نصار و ناس خواض وناس تنقو و سمباتكو وكل زين لمانا بيو ولف الحروف و شوق الجروف،،،
شكراً جميلاً يا نهي،،
سوميتا
Post: #119
Title: Re: اوضتنا يا بنات....ممنوع دخول الرجالة
Author: Elkhawad
Date: 11-15-2002, 11:54 AM
Parent: #115


يعني ياسوميتا الا تجبينا
غرفتكم دي الكلام ده ما كان تقوليه بعيد شويه
هسه يتجينا فرده نعال طايره
لاكن فعلا كانت ساعات جميله
بقدر جمال الناس الفي الروم
Post: #117
Title: Re: اوضتنا يا بنات....ممنوع دخول الرجالة
Author: woroorrook
Date: 11-15-2002, 11:09 AM
Parent: #1


بسم الله
طق طق طق
يا ناس الأوضة


إزايكم يا بنات و رمضان كريم
انا جيتكم قبيل علا بس ما لقيتكوم مافي
لقيت الوليدابو حراز المطرطش دا مارق راسو من تحت العنقريب و سالي حلقومو لي عند ناس فريق ورا سامعينو

اها في وليدآ كدي اكان بسمع في كوارك ابو حراز...هو عاد كان كوريك نصاح اها الجنة قنب في بطن الواطة دى و قعد إضحك اها وكتين سألتوا قال لي
ابو حراز ادوهوا شاكوش

ها يا الجنة قول بسم الله....شاكوش يعني سوهو نجار؟ قال لي نجار شنو يا عمي شاكوششششششششششششششششششششششششش
قولتلو سمح بقولوا فى شنو حاكم انا خلاس الكبر دخل...اها دى كانت بداية السكليبة ببين ابوحراز و خطيبته تحت العنقريب
اها يا بناتي بجيكم صادي بعدين اتم ليكم باقي الحكاية
Post: #118
Title: Re: اوضتنا يا بنات....ممنوع دخول الرجالة
Author: omdurmani
Date: 11-15-2002, 11:52 AM
Parent: #1

ياشباب وصبيان و الناس العجاز اللسع مراهقين
اسمعوا واعوا:النسوان ديل مباراتن بتجيب الفقر....والبباري الجداد شنو...بيودي الكوشة....وونستن فارغة وما بتكمل...ابوحراز قاعد تحت السرير لمن ركبو ورمت...وياابوحراز الضهر والعصر والمغرب فاتوك...والله الا تصلي برقبتك الممشوطة وتستاهل....
............
ماهو انا قلت بس اكشف من تحت الباب اصبعى اتهرد...وهن داسين شنو...ما سليمة جاها عريس ...وهو احنا كلنا عارفين ...عريس داقس...مغشوش شاف الخلقة ونسي الاخلاق...ماعارف حاجة ...مسكين...
..................
اها غايتو يوم العرس..حانمشي ونقول لية ...مبروووك ياعريس....وتحت تحت
بنضحك فيهو ...البطيخة..عارفنها خضراء..اهو غابتو نسكسك ونهجج للساعة

حداشر...ونحضر كمان التخريج..ونتعشي تانى..ونلم الكراسى الا سبعة نقعد فيهم لحد قريب الصبح...نفنط ليك جكس الحفلة واحدة واحدة ....والنتيجة واحدة...ابوالدال كاسرة ضلع الشباب كلو...لكن اللة في....بعدين نختم بجملة هيثم المفضلة ..الواحد ماممكن يعرس ليهو واحدة اهم شي في حياتها ليفة سلك....ونتم بكرة....

.....
shereef
Post: #120
Title: Re: اوضتنا يا بنات....ممنوع دخول الرجالة
Author: سونيل
Date: 11-15-2002, 12:15 PM
Parent: #1

احم احم بت القبائل ورفيقاتا
والمتتاوقين والمتلصصين
السللااااااام عليكو
وبعده احم يا بت القبائل ما سمعتي بي تالتين الما بيقالتن الفي الدلكة والدخان مشاركن
وما عوزين تقتلو العقرب والدبيب
وكدي النشوف لينا راجل يقتل الدبيب
Post: #121
Title: Re: اوضتنا يا بنات....ممنوع دخول الرجالة
Author: rummana
Date: 11-15-2002, 05:01 PM
Parent: #120

والله يا بنات انتن رغايات خلاص
كل مرة أجي ادخل الأوضة ألقى في خمسين بوست جديد أقرا شوية وأقول خلي الباقي لبعدين
أجي بعدين ألقى البوستات زادن تلاتين.. هسه أسوي شنو أنا يعني؟
أخلي الأوضة وامشي أقعد مع الوليدات في السطوح ولا شنو؟؟
Post: #122
Title: Re: اوضتنا يا بنات....ممنوع دخول الرجالة
Author: بت القبايل
Date: 11-15-2002, 07:00 PM
Parent: #1

بسم الله الرحمن الرحيم
الغاليات كيفنكن.....اخباركن يا بنات امي....رمانة يا بتي ما تخلينا نرغي حد واخد منها حاجة بدل ما نكبت الكلام جوانا ونكبر بعقدة نفسية ويطرو يسفرونا برة ويقولو لينا ما في امل الحالة اتاخرت وكدي علشان كدي خلينا نرغي احسن من البهدلة....العزيزة بت الخليل يعني يا بت امي انت الاولاد ديل ما مدلعاهم زيادة عن اللازم هم هسي طردونا من عمودهم وانتي تسوي ليهم في الجبنة بعدين البتعود على قهوتك ما بسيبها يا غالية اساليني انا .....نهى يا نهى وييييييييييييييييييين يا دكتور مشتاقين وكده بعدين يعني يا دكتور ما تشوفي لسوميتا دي سن بلوك ولا حاجة علشان ما تعمل الحجة الشمش وتقعد في البيت ده....سونيل بنادوك اجري قالو دايرين زول يرسلوهو الدكان .....الماخد موقف وشغال تقديم نصايح مجانية اخونا اهدا يا ابوي انت ما تتحسس وتاخد الموضوع شخصي وجيب ليفة العدة دي هنا خلينا نشوف شغلنا .....ورررروووررووك عاين يا وليدي ولدكم اب حراز ده لابد تحت السرير لما زهجنا زاتو ما تشوف ليهو حل وخطيبتو ما بتطلع من هني مش كان قعد تحت السرير كان دق خيمة.....ناسنا كلكم اقعدو بعافية ام درماني اصبعك كان خليتو بتهرد للصباح الليلة شفت زاتو انا تاني بعمل الباب ده بباس وورد عدددددددددددددديل كده وما يحلك من الهردة الا الحلا بلة ...قال اصبعي قال.....يلا يا ناسنا فتكم بعافية
Post: #123
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-15-2002, 08:31 PM
Parent: #1

يا بنيات الأودة ســلام عليكم
ومناي فيكــم
حلات عينيــكم
وطعم حديـسـكم
والنســمة ريحكم
والخــمرة طبيكم

يا نها يا الدكــتورة
الما مبــدولــة
الســمح زولــها
وبريــدو قولـها

أول شي من الصبــاح محاولة أخش البالتوك وعاملة( ساين إن ) ولا حيــاة لمــن تنادي ... يعني مافي أي استجابة من الكمبيوتــر باين في ناس عاملين لينا تشويش يعنـي حسادة بس اســتكتروا علينا لمة الأودة وقبَـلوا علي البالتوك والله من ما جيت من دكتور الأســنان وانا باركة أشــوف في طريقة ... ونفسـي في ونســة معاك وســومة وبقيــة العقــد الفــريد غايتو الله يســهل لكن قســما وراهــو حج وعــتق (شوفتيلك جنس قســم ) ما بخليهـو لي حــدي ما اعــرف حدو ويا أنــا يا هـــو
وحســي ماشة أشوف في إي استجابة ولا لا

بت القابيل
الحديســا خايل
ام حالاً ما مايــل
والله ياختــي الصبيــان ديل كان ما شربــوا القهــوة ما بيكشـفوا حالي وبنقــروا طاري وبعدين دايــرة لي مليلينات عشـان العيــد وكســوة الأولاد ... وفوق دا كلــوا قلت النبلبص ليهــم شــوية عشــان الكراع شــوية تخــف من المساسقــة من وإلـــــــــى الأودة خلاص بقى ما عنــدهم شــغلة غير المســاسقــة


سونيل .. والله تالتــن منــو ما عرفنــا إنت ولا أبــو حراز ولا ولا ولا... بعديــن الدبايب دي وين الزمــن دا .. نحن جــوة أودة من ويــن تجــي الدبايب أمشــوا عليــها في الســطوح بتاعكم ياما تلقوا منها ورونا شــطارتكم هناك

الخواض خلي البلبصــة إنت جايــــي الأودة لسبــب تاني (يعنــي لســبب في نفس يعقوب) أحســن ليك تقولــوا القهــوة وشــربت التني وتنيــت البركة حرستها نامــن كملــت يا خــوي القصــة جرت كــدي وريــني براحة إنت دايــر شــنو بالضبط وتعال قريب بســم الله ما تخــاف ما بعمـل ليـك حاجــة .... والله ما بســالك من القروش الإدينتــها منــي متيــن ما يجــن حبابــن

أهــا يا خواتـي ماشــة اجهــز الفطــور
ابقــو عشــرة على الأودة شايفــة الجماعــة جايين كارات كارات على الأودة
مع الســلامة
Post: #124
Title: Re: اوضتنا يا بنات....ممنوع دخول الرجالة
Author: bit-alkhaleel
Date: 11-16-2002, 00:41 AM
Parent: #1

يا بنــــااااااااااااااااااااااااااااااااااااات
مشيـتو ويـــــــــن وخليتوني بــراي
الجماعــة اتفقوا علــي وانتهزوا فرصــة الغيــاب الجماعــي
وعمــلو مؤامــــرة
النجـــــــــــــــــــــدة
Post: #125
Title: Re: اوضتنا يا بنات....ممنوع دخول الرجالة
Author: بت القبايل
Date: 11-20-2002, 01:04 AM
Parent: #1

اها يا رجالة الاوضة ورفعناها ......عللشان نوريكم اوضتنا قاعدات فوقها وبمزاجنا كمان...وسطوحكم بنطلعو .....والدنيا دوارة يوم كنتو حاممنا القعدة في اوضتنا ز ي الناس النجي نحميكم الونسة كمان
بختنا ربنا ورانا فيكم يوم
Post: #126
Title: Re: اوضتنا يا بنات....ممنوع دخول الرجالة
Author: غدى
Date: 11-20-2002, 01:24 AM
Parent: #125

ازيك يابت القبايل
وباقى البنات
اوضتك لكن رهيبه
وانا مشتاااااقه لى ونسه وشمارات .. لكن والله ما بقدر اقرا الكلام ده كله ماشاء الله .. اها ادينى المختصر المفيد

تحياتى
غدى
Post: #127
Title: Re: اوضتنا يا بنات....ممنوع دخول الرجالة
Author: BAKASH
Date: 11-20-2002, 01:29 AM
Parent: #126

جنب الاوضه دى انا تانى ما بجى

الشمار شديد انا تانى ما بجى




بكاش
Post: #128
Title: Re: اوضتنا يا بنات....ممنوع دخول الرجالة
Author: بت القبايل
Date: 11-20-2002, 01:37 AM
Parent: #1

غدى يا عسل شفتي الشمارات يا بت امي دايرة ونسة دقااااااااااااااق كدي خلينا لما نجي ننوم ننوم سوا واقولها ليك بمزاااااااااج باقي البورد دا فيهو جنس شمارات مالها حد ولا اخر وانا القايلاهو يا يما شارع فاضي طلع مصييييييييييبة
بكاش يا اخوي الشمار الكتير في السطوح حقكم دااااااااااااااااااااك حصلو سريييييييييييييييييييييييييييييييع
Post: #129
Title: Re: اوضتنا يا بنات....ممنوع دخول الرجالة
Author: mohsin_alsla7aby
Date: 11-26-2002, 04:57 PM
Parent: #1

ف

و

ق
Post: #130
Title: Re: اوضتنا يا بنات....ممنوع دخول الرجالة
Author: Soumeta
Date: 11-26-2002, 05:16 PM
Parent: #1

رحتن؟ مشتااااااااقه حد الشوق للقعده و الونسه الدقاق و القهوه في ضل الضحي الرقراق،،،
هيا البنيات مالكن دلوكتكن رخت و مدادكن كتر؟ و ين فتن؟ سيبن التطمش بي الحلال و أمرقن تيابكن دي و تعالن جاي أنا بي هنا،، لاقاني الجعلي في فريق قدام قايلني فتكن و قبيتكن بس ماهو عارف إني جايه و شايله شوقاً بلقفافه،،،،
نهي، بت القبايل،بت الخليل،رمانه، غدي،سودانيه،زوله، الجندريه،بيرل،زوله،فاطنه، ظبيه،تسنيم، و جميع الدخلاء من الأولاد و ينكن؟
سوميتا
Post: #131
Title: Re: اوضتنا يا بنات....ممنوع دخول الرجالة
Author: mohsin_alsla7aby
Date: 11-26-2002, 05:24 PM
Parent: #130

سوميتا
قبل يجو الناس ديل
ممكن تناولينى
فنجان جبنة

وكان عاوزات ليكن
بواب
انا جاهز
اصلو عفوني من هناك ( السطوح ) بكاش هو السبب
قاعد يدخل الناس بالوساطات
بس ما تجي واحده تتوسط لي
Post: #132
Title: Re: اوضتنا يا بنات....ممنوع دخول الرجالة
Author: noha_g
Date: 11-26-2002, 10:32 PM
Parent: #130

سوميتا يا خيتي


أنا ماشة أشتري ليكن هدوم العيد

كل واحدة توريني مقاسا كام و الوانها البتحبها شنو
باقي مشهود لي بالاختيار السمح
و ما عندك عوجة
مني هدية ما من وراها جزية


و إن شاء الله يا ربي تعيدن بالعافية
و يعود علينا العيد تامين و لامين و سالمين
و نتلم على اهلنا
قصدي المغتربات منكن
الما مغتربات يديهن العافية و يثبت اقدامن


تسلمي يا سوميتا يا اختي
مشتاقة ليكم كلكم موت
Post: #133
Title: Re: اوضتنا يا بنات....ممنوع دخول الرجالة
Author: بت القبايل
Date: 11-26-2002, 11:21 PM
Parent: #1

بسم الله الرحمن الرحيم
بنات امييييييييييييييييي ازييييييييييييييييكن والله وحشتوني جنس وحشة(شايفات وحشة دي كيف دي المصدر بتاع واحشاتني..........عليك الله كيف عاملات اها العيد قرب والبيت دا داير نضافة باقي رمضان دا جاطو لما غلط كل وحدة تربط ليا شعرها بايشارب وتشيل مقشاشتها وتجي سريييييييييييييييييييييييييع وهدوم العيد يا نهى بالله تكون كاربة النبي فوقك وسوميتا يا اخيتي وين الغيبة دي قلتي ماشة ثواني غبت بالايام مالك
بت الخليل دي واشريري عليها مالها الليلة مصدعها خير ؟؟؟؟ان شاء الله مافي عوجي يلا امرقن خلنها تنوم
الصلحاااااااااااااااااااااااااااااااااااااااااااابي اجري الحق جركانة الشاااااااااااااااااااااااي
Post: #134
Title: Re: اوضتنا يا بنات....ممنوع دخول الرجالة
Author: mohsin_alsla7aby
Date: 11-27-2002, 00:06 AM
Parent: #1


بت القبايل
جركانة الشاي
دي هي سبب الاعفاء
بعدين مسكوها عندهم قالو

دليل اثبات

لبعد رمضان
والمسعول عن دخولها اخونا
بكاش كان علي الباب
انامش قلت ليكن انه مجامل
يمكن يكون مغشوش بعد ما

بوز

منها
lOoOoOoOl
Post: #135
Title: Re: اوضتنا يا بنات....ممنوع دخول الرجالة
Author: الجندرية
Date: 11-27-2002, 09:07 AM
Parent: #134

أحي يا نهي
ذكرتي هدوم العيد
وجري السوق البيجيب الضغط
غايتو اخر رمضان كله شقاوة
ربنا يعظم الأجر
ده كلو كوم والخبيز كوم تاني
Post: #136
Title: Re: اوضتنا يا بنات....ممنوع دخول الرجالة
Author: BAKASH
Date: 11-27-2002, 10:39 AM
Parent: #135

يا نهى خلينى اسوق ليكى السياره اوديكى السوق تشترى هدوم العيد اصلو انا عارف انك ما عندك رخصة قياده وبعدين ناس المرور الايامات ديل متشددين بعدين سوميتا دى ما اظن تلقى ليها مقاسات الا تودوها شركة التصنيع ههههههه



بكاش
Post: #137
Title: Re: اوضتنا يا بنات....ممنوع دخول الرجالة
Author: Soumeta
Date: 12-05-2002, 11:53 AM
Parent: #1

البنيات الحبيبات الطويبات إزيكن إسعد أيامكن و إملاها آماني خدراء شحدت ربي بركت الصباح و العيد البعيد بي فرحو و ترحو،، إجوكن العرسان و تتوهجن كدي يا يمه في بيوت عرسانكن و المتموم حلوهن منكن إسعدن سيد السعد و إوسع كسبم و إزيدم مال و بنين و إكبر أولادم و إشرح قلوبم بيهم و نزيد الأمل عقده فيهم قولن وراي آمين ما هان علي الأوضه الكبينا فيها الونسه ديك كلها ما إجيها عيد حتي لو كان من دون طعم،،،أريدكن و إنتن حنينات و رهيفات ،،،،
و كل سنه و إنتن بي الف عافيه
سوميتا
Post: #138
Title: Re: اوضتنا يا بنات....ممنوع دخول الرجالة
Author: bint algazeira
Date: 12-05-2002, 12:20 PM
Parent: #137

ازيك ياسوميتا كل سنه وانتي طيبه
ازيكن يابنات اوضتنا
كلكن القاعدات في البلد وبره البلد
العيد مبارك عليكن وعلينا وعليكن مبارك
واعفو مني عليكن الله
وعافيه منكن لله والرسول
كتر خيرك ياريسنا بكري ضربت لينا الاوضه بوهيه لونها جميل
الله يديك العافيه ويقدرك وتشيل..البنات شيلهن تقيل الله يقدرك عليهن

اها يااخواتي فتكن بعافيه ماشه اخبز لي كعك
عشان اتذكر امي وخبيزها طبعا نحن عيدنا بكره

اها معزومين معانا عيدنا بكره
Post: #139
Title: Re: اوضتنا يا بنات....ممنوع دخول الرجالة
Author: zola123
Date: 12-05-2002, 04:36 PM
Parent: #1

بنات اوضتنا العزيزات
كل سنة وانتو طيبات
والسنة الجاية زي ما عايزات
الما اتوزعت تتوزع , والبيتقرى تخلص
والما اشتغلت تشتغل
والباقي كملوه براكم
خبيزكم والله طاااعم مش زي ناس فلانة.... ولا القطيعة نخليها لي بعد العيد لوول
فتكم بعافية وباجي المسا نكمل الونسة
وما تنسوا تطلعوا صينية للسطوح بمناسبة العيد ما هدنة مع الاولاد بس الدنيا عيد
زولة123
Post: #140
Title: Re: اوضتنا يا بنات....ممنوع دخول الرجالة
Author: بت قضيم
Date: 12-05-2002, 08:43 PM
Parent: #1

مساء الخير
كل عام وكلم بألف خير
اعاده الله علينا وعليكم باليمن والخير والبركات
دمتم
Post: #141
Title: Re: اوضتنا يا بنات....ممنوع دخول الرجالة
Author: Rose
Date: 12-05-2002, 09:52 PM
Parent: #1

بنات اوضتنا العسولات
كل سنة وانتن طيبات وربنا يحقق الأماني للجميع و السعادة و التوفيق و النجاح و و ....... وكل اللي يجي في خاطركن .

قولن آآآآآمين
Post: #142
Title: Re: اوضتنا يا بنات....ممنوع دخول الرجالة
Author: بت القبايل
Date: 12-05-2002, 11:30 PM
Parent: #1

بسم الله الرحمن الرحيم
اخياتي يا احلى بوردابيات
كل سنة وانتن طيباااااااااااااااااااااااااات والسنة الجاية على امانيكم يا رب
سوميتا يا اخيتي اديني القدامة بتاعت الخبيز دي خلينا نرمرم حبة
بعدين الملايات دي ما مشدودة كويس لييييييييييه كان جونا ضيوف هسي نسوي شنو
ما كفاية رشيت ليكم الحوش انا
لكن بسيطة علشان الدنيا عيد حاشدها ليكم
تحياتي يا غاليات
Post: #143
Title: Re: اوضتنا يا بنات....ممنوع دخول الرجالة
Author: Soumeta
Date: 12-06-2002, 00:45 AM
Parent: #1
Post: #144
Title: Re: اوضتنا يا بنات....ممنوع دخول الرجالة
Author: singawi
Date: 12-06-2002, 10:28 AM
Parent: #1


هيييييي أقيفـن
هييي أقيفن زولتي فيييييكن
ماعرفتن زولتي انتن
قولن انتن شن عرفتن

كل سنة وانتن طيبات

وعندي البنـاااات
كل البنااااااات
سكر نباااااات
والله زييييينة
لي حـدهـن
ما فيهن شيييييييينة

تحياتي
Post: #145
Title: Re: اوضتنا يا بنات....ممنوع دخول الرجالة
Author: BAKASH
Date: 12-06-2002, 06:01 PM
Parent: #144

يا بنات انشاء الله السنه الجايه نلقاكم ال ما متزوجه نلقاها بزوجها وال متزوجه نلقاها سعيده مع زوجها واولادها





بكاش
Post: #146
Title: Re: اوضتنا يا بنات....ممنوع دخول الرجالة
Author: بت القبايل
Date: 12-06-2002, 09:06 PM
Parent: #1

بسم الله الرحمن الرحيم
اخوي بكاش كل سنة وانت طيب
لكن احنا دايرات نقرا..................صح يا بنات ولالا؟؟؟؟
Post: #147
Title: Re: اوضتنا يا بنات....ممنوع دخول الرجالة
Author: noha_g
Date: 12-22-2002, 03:50 PM
Parent: #1

بت القبايل


حبيبتي
أشتقت ليك


وينك يا غالية
إن شاء الله ربي يوفقك و ترجعي لينا يا رب

و عدينا ليك و فترنا



BAKASH

ارجع
و ربي يديك الفي مرادك

بنيات الأوضة

سلام عليكن مكان ما إنتن
و شنو سكتنت كدي
عيدنا و نزلنا الشغل
و بقى مافي زمن للشمار؟

تسلمن لي حبيباتي
Post: #148
Title: Re: اوضتنا يا بنات....ممنوع دخول الرجالة
Author: zola123
Date: 12-22-2002, 06:17 PM
Parent: #1

عزيزتي نهى
كنت افكر برفع هذا البوست اليوم فسبقتيني
الاوضة من غير بت القبايل ما بتنقعد ياختي
يااااا حليييلها
زولة123
Post: #149
Title: Re: اوضتنا يا بنات....ممنوع دخول الرجالة
Author: omdurmani
Date: 12-22-2002, 08:11 PM
Parent: #1

الاوضةدي انا بقفلها ليكم...
Post: #150
Title: Re: اوضتنا يا بنات....ممنوع دخول الرجالة
Author: omdurmani
Date: 12-23-2002, 10:21 AM
Parent: #1

والبتخشها طلقانة.
Post: #151
Title: Re: اوضتنا يا بنات....ممنوع دخول الرجالة
Author: الجندرية
Date: 12-23-2002, 10:36 AM
Parent: #150

النبي عليكن يا بنات امي شوفن جنس دا
هس انت ماقت تداير تعرس
بعدين يا خوي منو القال ليك هنا في واحدة بخوفها الطلاق
نحن العصمة معانا والمعصوم خصانا
اباح لين الخلع كمان
Post: #152
Title: Re: اوضتنا يا بنات....ممنوع دخول الرجالة
Author: الجندرية
Date: 12-23-2002, 10:36 AM
Parent: #150

النبي عليكن يا بنات امي شوفن جنس دا
هس انت ماقت تداير تعرس
بعدين يا خوي منو القال ليك هنا في واحدة بخوفها الطلاق
نحن العصمة معانا والمعصوم خصانا
اباح لين الخلع كمان
Post: #154
Title: Re: اوضتنا يا بنات....ممنوع دخول الرجالة
Author: Tumadir
Date: 12-23-2002, 10:43 AM
Parent: #152

سنين ما دخلت الاوضة دى بريد اقعد فى البرندة جنب الشباك عشان الهوا

جنى وجن الكركار البعملوا ليه سرنية دى بكتم لى نفسى،

اظنو كمل هسة ما شامة الريحة

قلت اتونس معاكن شوية

ودايرة لى واحدة تمشطنى السودان قفل

لأنو قفل



لوووووووول
Post: #153
Title: Re: اوضتنا يا بنات....ممنوع دخول الرجالة
Author: omdurmani
Date: 12-23-2002, 10:42 AM
Parent: #1

لو راجلها راضي
Post: #155
Title: Re: اوضتنا يا بنات....ممنوع دخول الرجالة
Author: الجندرية
Date: 12-23-2002, 10:49 AM
Parent: #153

كان ما راضي تخلعوا طوالي

ياتماضر
لوووووولين على قفل
Post: #156
Title: Re: اوضتنا يا بنات....ممنوع دخول الرجالة
Author: omdurmani
Date: 12-23-2002, 10:52 AM
Parent: #1

الغالية الجندرية:
علي الطلاق....وانا عارف السيرة دي بتطير النضمى والجندر...وبتبوظ الاعصاب..انت متحيزة عديل...
.........
وبعدين:
بعد الخلع دا نحلف بشنو....وحياة مرتى واللة شنو شوف ناس الخلع ديل حاجة يبلو بيها ريقم...
Post: #157
Title: Re: اوضتنا يا بنات....ممنوع دخول الرجالة
Author: الجندرية
Date: 12-23-2002, 11:07 AM
Parent: #156

ماقلنا ليكم من زمان ماعندكم طريقة حليفة معانا
وبعدين السيرة ما تطير اي حاجة وشن قدركم على شراب الموية على الريق
Post: #158
Title: Re: اوضتنا يا بنات....ممنوع دخول الرجالة
Author: الجندرية
Date: 12-23-2002, 11:07 AM
Parent: #156

ماقلنا ليكم من زمان ماعندكم طريقة حليفة معانا
وبعدين السيرة ما تطير اي حاجة وشن قدركم على شراب الموية على الريق
Post: #159
Title: Re: اوضتنا يا بنات....ممنوع دخول الرجالة
Author: omdurmani
Date: 12-23-2002, 11:18 AM
Parent: #1

استسمحنا لكل من دخل بغير علم بالقرارات ..اجاويد يعنى .....لكن الجندرية مشكلتك في الطابور الخامس..
عرفتبهو...
ناس فلانة القلبهم معا كم....وقدحتهم وحلتهم معانا..
.................
بعدبن لايغرنك ...حادثة خلع....دا اسمو تنفيث للجندر...
ما برضو بنخاف عليهم عشان ما يطقو...بعض الحالات مسموح بها...
Post: #160
Title: Re: اوضتنا يا بنات....ممنوع دخول الرجالة
Author: الجندرية
Date: 12-23-2002, 11:34 AM
Parent: #159

ياخوي هدي اللعب مافي طابور خامس لانه مافي صفين اصلو
بعد الجندر الصف بقى واحد الصفين ديل المرحلة الاولى والثانية من النسوية انت وين نايم
Post: #161
Title: Re: اوضتنا يا بنات....ممنوع دخول الرجالة
Author: zola123
Date: 01-09-2003, 06:56 PM
Parent: #1

ياخواتي
بت القبايل ما جات تاني بي جاي؟
زولة123
Post: #162
Title: Re: اوضتنا يا بنات....ممنوع دخول الرجالة
Author: noha_g
Date: 01-09-2003, 07:20 PM
Parent: #161

zola123


و كل الحلوات في الأوضة


لكن التحايا

و و الله مشتاقة ليكن شوق شديد
Post: #163
Title: Re: اوضتنا يا بنات....ممنوع دخول الرجالة
Author: الجندرية
Date: 01-09-2003, 07:26 PM
Parent: #162

كيفكم يابنات
مشتاقين
جيت الأوضة كم مرة
ما لقيت الا الرجال بي طلاقاتهم كمان
ما تغيبن كدي
Post: #164
Title: Re: اوضتنا يا بنات....ممنوع دخول الرجالة
Author: الجندرية
Date: 01-09-2003, 07:27 PM
Parent: #162

كيفكم يابنات
مشتاقين
جيت الأوضة كم مرة
ما لقيت الا الرجال بي طلاقاتهم كمان
ما تغيبن كدي
Post: #165
Title: Re: اوضتنا يا بنات....ممنوع دخول الرجالة
Author: zola123
Date: 01-09-2003, 08:11 PM
Parent: #1

الجندرية الحبيبة
النبي فوقك كان ما شيلتي ورقة الكربون القال ليكي عليها اساسي لوول
دوسة واحدة بس يا غالية تكفي
ومرحب بيكي في الغرفة مجددا
Post: #166
Title: Re: اوضتنا يا بنات....ممنوع دخول الرجالة
Author: الجندرية
Date: 01-09-2003, 08:16 PM
Parent: #165

والله يازولة ورقة الكربون دي عقدتني عديل كدي
بس اسوي شنو النت عندي تقول ماشي كداري
وانا مستعجلة دائماً
Post: #167
Title: Re: اوضتنا يا بنات....ممنوع دخول الرجالة
Author: الجندرية
Date: 01-09-2003, 08:16 PM
Parent: #165

والله يازولة ورقة الكربون دي عقدتني عديل كدي
بس اسوي شنو النت عندي تقول ماشي كداري
وانا مستعجلة دائماً
Post: #168
Title: Re: اوضتنا يا بنات....ممنوع دخول الرجالة
Author: الجندرية
Date: 01-09-2003, 08:18 PM
Parent: #167

اها وحاة النبي البدوروا اشفع لي دوست مرة واحدة
Post: #169
Title: Re: اوضتنا يا بنات....ممنوع دخول الرجالة
Author: zola123
Date: 01-09-2003, 08:38 PM
Parent: #1

الجندرية
دوسة واحدة
واااحدة

الكمبيوتر ده اتلوم معاكي تكوني يا ربي بتدوسيه دوسة واحدة , وبيوراك يداس مرتين مكاواة
الله يسعدك كنتا محتاجة للضحكة دي
زولة123
Post: #170
Title: Re: اوضتنا يا بنات....ممنوع دخول الرجالة
Author: solara
Date: 01-09-2003, 09:12 PM
Parent: #1

السلام و الرحمه..........

شبات ازيكم و الله يا زوله عمرك اطول من عمري هسه دايره ارسل ليها

رساله اسال عن حاله لانو بالجد مشتاقين ليها تسلمي يا زوله يا عسل

.....واقعدو عافيه

تحياتي
Solara..
Post: #171
Title: Re: اوضتنا يا بنات....ممنوع دخول الرجالة
Author: بت القبايل
Date: 01-09-2003, 09:14 PM
Parent: #1

بسم الله الرحمن الرحيم
بنات اميييييييييييييييي
كييييييييييييفنكن والله مش مشتاقة ليكم الهينة دي شوقي بحر عدييييييييييييييييييييييييييييييييل كده
كدي دقيقة بس
فنننننننننننننننننننننن دي الشنطة
فنننننننننننننننننننن دا الكتاب
فنننننننننننننننننننننن دا القلم
بلا امتحانات بلا وجع قلب
سجمكن انا خلصت امتحانات وجييييييييت للبري
والله يا بنات شوقنا بحر جد كده وتعالن بجاي ادوني كل الشمار الفاتني والشمار الحالي والشمار الجاي سرييييييييع
Post: #174
Title: Re: اوضتنا يا بنات....ممنوع دخول الرجالة
Author: Rose
Date: 01-09-2003, 09:52 PM
Parent: #171

بت القبايل يا عسل الحمد الله على السلامة ونورتي اوضتك تاني
لكن يا بت امي حاجاتك الفننتيها دي جاني منها قلم الرصاص طاير في عيني طبزها لي . غايتو مسامحاك فيها بس تان يما تسوي جنس ده و فنني بالراحة.
انشاء الله الشغل كان تمام في الأمتحانات وربنا يسمعنا عنك الأخبار الكويسه دايما .

سلام مربع لكل بنات الأوضة

تحياتي
Post: #172
Title: Re: اوضتنا يا بنات....ممنوع دخول الرجالة
Author: solara
Date: 01-09-2003, 09:17 PM
Parent: #1

سلام يا بتنا هو انت قاعده هنا........والله شمارات 1000 قال ليك

بس انت طمنينا على اخبارك و الامتحانات عملتي فيها شنو اها سبع و لا

ضبع....والله شووووووق 1000...

Solara.
Post: #173
Title: Re: اوضتنا يا بنات....ممنوع دخول الرجالة
Author: بت القبايل
Date: 01-09-2003, 09:26 PM
Parent: #1

بسم الله الرحمن الرحيم
سولاراااااااا يا كضابة يا بت انتي مش قلتي جاية وينا جيتك مع البنيات؟؟؟؟؟؟؟؟
بعدين يا بت كييييييف دا كلامك انا ابو السباع زاتو
بس ادينا عنواين الصحافة سريع كده
بعدين انا قبيل ام درماني دا ما قريت ردودو
ام درماني مالك يا وليدي؟؟؟؟؟؟؟
في شنو؟؟؟؟؟الداس ليك على طرف منو؟؟؟؟؟؟؟بعدين قلنا اوضة بنات يعني الله يدينا ويديك الله كريم يا وليدي
تحياتي
Post: #175
Title: Re: اوضتنا يا بنات....ممنوع دخول الرجالة
Author: بت القبايل
Date: 01-09-2003, 09:59 PM
Parent: #1

بسم الله الرحمن الرحيم
رووووووز يا حبنا الله يسلمك يا رب
ومعليييش القلم جا في عينيك المرة الجاية زاتو ما بشيل قلم
اصلي حالفة لا امسك قلم لا كتاب لغاية بعد العيد
قال قلم قال
Post: #176
Title: Re: اوضتنا يا بنات....ممنوع دخول الرجالة
Author: solara
Date: 01-09-2003, 09:59 PM
Parent: #1

يا الله يا بت القبائل لازم الاحراج ده تطليعني كزابه....

معليش يا عسل و الله ما قدرت اجي البلد الزروووووووووووووف و الله

...... ROSEسلام ليك يا...

اها قومي يالمره موتي قوووم يالكلب............

Solara..
Post: #177
Title: Re: اوضتنا يا بنات....ممنوع دخول الرجالة
Author: noha_g
Date: 01-09-2003, 11:06 PM
Parent: #1

بت القبايل


بركة الجيت بكرة الجيت

و الله الشوق بحر يا بتي بحر النيل


و و الله الأوضة بلاك ما بتندخل يا الغالية
و ليك وحشة شدييييييييييييييييييييييييييدة بقدر قطرات البحار



و تسلمي و حمد لله على السلامة
Post: #179
Title: Re: اوضتنا يا بنات....ممنوع دخول الرجالة
Author: Elkhawad
Date: 11-03-2005, 07:24 PM
Parent: #177


يا بت ناوليني السفنجه دي النقوم علي الصلاة .. لا اله الا الله

هوي عيدكن مبارك
Post: #181
Title: Re: اوضتنا يا بنات....ممنوع دخول الرجالة
Author: حسن الطيب يس
Date: 11-04-2005, 00:20 AM
Parent: #1

يا بت القبائل
كوركى اولاد حوش بكري يحرسوا باب الاضة
عشان الكدايس و ميكي ماوس
Post: #182
Title: Re: اوضتنا يا بنات....ممنوع دخول الرجالة
Author: انتصار محمد صالخ بشير
Date: 11-04-2005, 03:03 AM
Parent: #1

هوىىىى يا ناس البيت السلام ... الناس ديل مشوا وين؟

ازيكن وكل سنة وانتو طيبين مالكم سادين الاوضة قلت اعيد

انشاء الله دايما ملمموين فى خير قلت اجى اعيد عليكن

يا سلام عندكن سماحة اوضة وانتو احلى طبعا

دى جية سريعة كدا الا بجى صادة فى شان ونستكن حلوة الا باقى الوليدات

وابوهم ما سويت ليهم الاكل خليتكم بعافية بجى تانى
Post: #183
Title: Re: اوضتنا يا بنات....ممنوع دخول الرجالة
Author: Elmosley
Date: 11-04-2005, 01:26 PM
Parent: #1

فلنا نخش نسلم في العيد
Post: #184
Title: Re: اوضتنا يا بنات....ممنوع دخول الرجالة
Author: ABDELAZIZ MAHADY
Date: 11-06-2005, 07:47 AM
Parent: #183

إححممممممممممممممممم دستتتتتتتتتتتتتتتتتتتتتووووووووووووووووووووورررررررررررررررر
ألبسن مقنعكن .. أنا جيت
أها سلام عليكن (جكس البورد) .. والعيد مبارك عليكن
شنو؟؟؟ ما تحمروا لي ... (جيت أضوق خبيز العيد وأمش ... ما بكلم أي زول بي أي حاجة



Post: #185
Title: Re: اوضتنا يا بنات....ممنوع دخول الرجالة
Author: ABDELAZIZ MAHADY
Date: 11-06-2005, 08:11 AM
Parent: #184
Post: #187
Title: Re: اوضتنا يا بنات....ممنوع دخول الرجالة
Author: zola123
Date: 11-08-2005, 08:51 AM
Parent: #1

يااااااااه!!!


نكتوا البوست ده من وين ؟!

لكل الطيبين اللي كتبوا في البوست ده وما شفناهم تاني
وللي كتبوا وفضلوا يكتبوا في هذا المكان لما يزيد على ال3 سنوات
ولمن يقرأ ويتابع من على البعد
ولكل من سأل عني
تحيةعطرة وتهنئة من القلب بحلول العيد
أعاده الله على الجميع بالخير والبركات

ايناس عثمان
زولة123
Post: #188
Title: Re: اوضتنا يا بنات....ممنوع دخول الرجالة
Author: بلدى يا حبوب
Date: 11-08-2005, 10:01 AM
Parent: #1

بت القبايل

بصراحة انا فى رمضان كنت مع سيد جرسة وشايف الاوضة لكن الجرسة كانت حاصلة اه انا جيت ونعاى كل شىء قدر ظروفك .
اه دايرن شنو
تحياتى
Post: #189
Title: Re: اوضتنا يا بنات....ممنوع دخول الرجالة
Author: BAKASH
Date: 11-12-2005, 03:16 PM
Parent: #188

وألله حليلكم كلكم كنتو أعز اصدقاء وأحباء ياريت لو ترجعو تانى من جديد كانت أيام جميله

رغم انى طولت من البورد لكن هذا البوست زكرنى ايام زمان وناس زمان وحبيت اسلم عليكم



تحياتى لكم



بكاش
Post: #190
Title: Re: اوضتنا يا بنات....ممنوع دخول الرجالة
Author: BAKASH
Date: 11-12-2005, 03:19 PM
Parent: #188

وألله حليلكم كلكم كنتو أعز اصدقاء وأحباء ياريت لو ترجعو تانى من جديد كانت أيام جميله

رغم انى طولت من البورد لكن هذا البوست زكرنى ايام زمان وناس زمان وحبيت اسلم عليكم



تحياتى لكم



بكاش