Post: #1
Title: معتصم وشتات ، فَرَقَتكُم كبيرة ، وربنا يحفظكم
Author: ودقاسم
Date: 10-26-2005, 04:46 AM
Parent: #0
سيديّ شباب بورداب الرياض ، معتصم وصلاح شتات ، سيغيبان عن مجتمع الرياض الذي يعشقهما ويعشقانه . وسنفتقدهما فعلا في كل أنشطتنا وفعالياتنا ، وقد اعتدنا إلقاء الكثير من المسئوليات عليهما وكانا أهلا لذلك ، يؤديان كل مهمة توكل إليهما بهمة عالية وبكل اقتدار ، وبروح طيب سمح ..
سنفتقد قفشاتهما ، واتصالاتهما الهاتفية التي ظلت جزءا من دفق الدفء في حياتنا ، وسنفتقد أسهاماتهما في ضخ الفرح والبهجة في ليالينا ، وسنفتقد تواصلهما الاجتماعي الذي لا يغيب .
عزاؤنا ، أنهما عائدان إلى الوطن ، وأنهما ربما يسعداننا بأخبار انتظرناها طويلا ، وأنهما لن ينقطعا عن التواصل عبر المنبر وغيره من وسائل الاتصالات ، وعزاؤنا أن ما يملأ قلوبنا من حب وتقدير لهما سيظل في أعماق القلوب ...
نتمنى لمعتصم وصلاح شتات سفرا سعيدا ، وحِلاً حميدا ، وعودا أحمد ...
|
Post: #2
Title: Re: معتصم وشتات ، فَرَقَتكُم كبيرة ، وربنا يحفظكم
Author: تولوس
Date: 10-26-2005, 04:59 AM
Parent: #1
تحياتي ياخال وكل عام وانت والاسرة والاخوان في الرياض بكل خير
وتحياتي لاخواني معتصم وشتات ونتمني لهم رحلة طيبة وموفقة وان نسمع اخبار جديدة وجميلة ومفرحة ... وامانة عليكم ان تبلغوا تحياتي لكل اهلي واحبابي في البلد
|
Post: #3
Title: Re: معتصم وشتات ، فَرَقَتكُم كبيرة ، وربنا يحفظكم
Author: waleedi399
Date: 10-26-2005, 05:11 AM
Parent: #2
يا مسافر وناسي هواك ..
ارواحنا وقلوبنا معاك ..
سيدي شباب الرياض معتصم دفع الله / صلاح شتات
سنفتقدكم منذ اليوم كثيراً أخوتي ...
نسال الله أن لا يطول الغياب بيننا كثيراً
ونسال الله ان يوفقكم في مساعيكم جميعاً ونسمع عنكم كل خير
ارجو أن تتواصلوا معانا عبر كل وسائل تقنية الاتصالات المتاحة
وسوف كذلك نفعل ولن نغيب عنكم ابداً ...
خلي بالك من صلاح يا معتصم .. صلاح امانة في رقبتك
لحدي ما تجيبوا تسلموا لينا هنا زي ما اخذتو .. لووول
اسأل الله أن يوفقكم مرة اخرى .. وشكراً جزيلاً يا خال على الكلمات الجميلة
|
Post: #4
Title: Re: معتصم وشتات ، فَرَقَتكُم كبيرة ، وربنا يحفظكم
Author: بدر الدين الأمير
Date: 10-26-2005, 05:17 AM
Parent: #1
صلاح
وسمى معتصم
تفتقدك الرياض .. وتفتقد الرياض السقيا والعصافير
ونفتقد غيابكما ..
وهنيئا بالبلد بأولاد البلد ..
|
Post: #5
Title: Re: معتصم وشتات ، فَرَقَتكُم كبيرة ، وربنا يحفظكم
Author: وليد شريف
Date: 10-26-2005, 05:39 AM
Parent: #4
انشاء الله ياحال يمشو ويجو بالسلامة
وانشاء الله كمان كلامنا مع شتات يجيب مريسة تامزينو
|
Post: #6
Title: Re: معتصم وشتات ، فَرَقَتكُم كبيرة ، وربنا يحفظكم
Author: حمزاوي
Date: 10-26-2005, 05:44 AM
Parent: #1
يا الخال
الله يوصلهم بالسلامة
ويعودوا لينا بالحنة والضريرة
وكل واحد طابق عروستو
ونحن نحتفل بقدومهم وبزواجهم
وما نعزم دكين وخضر حسين
كيتا فيهم
يا الخال
حصل ازمة في الشعيرية
في اسواق الرياض
ولدين القلقالة اخدوا تموينهم معاهم ولا شنو
|
Post: #7
Title: Re: معتصم وشتات ، فَرَقَتكُم كبيرة ، وربنا يحفظكم
Author: Mohamed Abdelgaleel
Date: 10-26-2005, 07:24 AM
Parent: #1
نلتقيكم أيها الاحباب معتصم وشتات على أرض الوطن ونتواصل عبر البورد وتنسيق اللقاء هناك والعيد مبارك على الجميع .
|
Post: #8
Title: Re: معتصم وشتات ، فَرَقَتكُم كبيرة ، وربنا يحفظكم
Author: DKEEN
Date: 10-26-2005, 11:05 AM
Parent: #1
ربنا يكتب سلامة الحبان ..
البعرفو انو معتصم ماشي يعرس ..
وانو صلاح الشفيف ماشي وزير عريس..
لو صلاح شدا حيلو وسرج سيرتو ومرقا في الدروشاب تكون الافراح اكتملت..
صلاح لمتين حتظل رهين اشواقك؟؟
صلاح ما تمشي تنظر كيتر هناك
اول بت تلاقيها شد واركب..
صدقني كلهن يتشابهن حين ُيطفأ السراج ..
معتصم الاف التبريكات والامنيات بمرة هدية ورضية ..
ما تطول وجيب لي اخوك اللكةحبة دلكة ..
وخت في بالك دايماانو
(الحلة بصل والمرة كراع)..
غايتو يامعتصم خسارة الدلكة فيك..
|
Post: #9
Title: Re: معتصم وشتات ، فَرَقَتكُم كبيرة ، وربنا يحفظكم
Author: عبد الله عقيد
Date: 10-26-2005, 11:19 AM
Parent: #1
هسي لوح التلج دا يكسرو من وين..
يا ولد.. جييب حاجة نكسر بيها..
والله يا معتصم وشتات.. تستاهلو تلج بالكوم
حقيقة وصف ود قاسم والأخوان ليس فيه أي مبالغة
فإنتما شعلة بورداب الرياض.. بالإضافة إلى العملاقين
تمبس وود الشيخ..
وطبعا في المقدمة العمد الكبار ود قاسم وود الموج
... الظاهر القصة حا تجر..
سنفتقدكما في الأيام المقبلة.. وعزاءنا أنكما في
رحلة إياب إلى تارب الوطن وأحضان الأهل والأحباب..
هنيئا لكما..
لمعتصم.. أمنياتنا بزواج سعيد مبارك
ونأمل أن يفعلها شتات ويريح ويستريح..
ها هو الوليد 399 فعلها..
وقبله كثيرون..
أمنياتنا لكما برحلة سعيدة وعودة حميدة..
|
Post: #10
Title: Re: معتصم وشتات ، فَرَقَتكُم كبيرة ، وربنا يحفظكم
Author: ahmed haneen
Date: 10-26-2005, 11:43 AM
Parent: #1
يا اولاد يا رائعين
بنحبكم وبس
وربنا يوفقكم في مشاريعكم الإنتحارية
ووقوع الشر خيرا من ترقبه
والحريرة والضريرة شر لابد منه
نستودعكم بكل الأمنيات الطيبات
يا سيدي شباب الرياض
تخريمة
دكين طبعا انت سيد شهداء بورداب الرياض
الله يعينك ،، ويسدد دينك
|
Post: #11
Title: Re: معتصم وشتات ، فَرَقَتكُم كبيرة ، وربنا يحفظكم
Author: ابو جهينة
Date: 10-26-2005, 11:57 AM
Parent: #10
ود قاسم
| Quote: عزاؤنا ، أنهما عائدان إلى الوطن ، وأنهما ربما يسعداننا بأخبار انتظرناها طويلا ، وأنهما لن ينقطعا عن التواصل عبر المنبر وغيره من وسائل الاتصالات ، وعزاؤنا أن ما يملأ قلوبنا من حب وتقدير لهما سيظل في أعماق القلوب ... |
و لهما في أحضان الوطن الحبيب أعز حضن و أدفأ حضن ..
و لهما في الأهل و الأحباب ما ينسيهما إلى حين كل الرياض ..
عودا سالمين أيها الجميلان
|
Post: #12
Title: Re: معتصم وشتات ، فَرَقَتكُم كبيرة ، وربنا يحفظكم
Author: ود الباوقة
Date: 10-27-2005, 04:32 AM
Parent: #11
الخال .. يا سلام .. والله بالجد الواحد ما قادر يتخيل الوضع بدون الاعزاء شتات ومعتصم... لقد تركوا لنا تمبس وحيدا .. وافكر الآن في لقاء العيد كيف يكون بدونهما...
تصدق يا خال ذهبنا امس للمطار برفقه صديق مسافر .. وبالصدفة وجدت شتات ومعه وليد طه .. وبسؤالي له اين معتصم ؟ قال لي الزول دا دخل جوة قبيييييييييل . قلت في نفسي يكون داير يركب قدام ...
|
Post: #13
Title: Re: معتصم وشتات ، فَرَقَتكُم كبيرة ، وربنا يحفظكم
Author: ودقاسم
Date: 10-27-2005, 04:45 AM
Parent: #1
الأعزاء أصدقاء معتصم وشتات
لكم التحية
أطمئنكم أن أبناءنا معتصم وشتات قد وصلا إلى أرض الوطن بخير وعافية ، واستقبلهما الأحباب في الخرطوم .. نتمنى لهما إجازة سعيدة ...
|
Post: #14
Title: Re: معتصم وشتات ، فَرَقَتكُم كبيرة ، وربنا يحفظكم
Author: DKEEN
Date: 10-27-2005, 06:05 AM
Parent: #1
ياحنين
Quote:
دكين طبعا انت سيد شهداء بورداب الرياض
|
انا راجي بتك نستشهد سوا ..
بيها اشفع في 70 من اهلي .. واخش بيها الجنة صبرا واحتسابا
|
|