Post: #1
Title: ماممكن يا بورداب الخرتوم(دريمز)
Author: ايهاب
Date: 10-25-2005, 03:30 AM
اي نعم انتو ناس حلوين ولماتكم حلوه و تكاتفكم جميل ومشحتفين روحنا خالص خالص
لكن ماممكن يكون عندكم كنز اسمو دريمز وما تكون معاكم ولا نسمع منها ولا منكم عنها
دريمز دي ياخوانا ما تضيعوها لانو الزيها قليل قليل
جيبوها ولاقوها ولو بالغصب لانو لماتكم مهما كانت حا تفقد كتير بدونا
واعتقد دا ما راي شخصي
وما انسى برضو القلب الكبير ملكه سبا (بلقيس) والغياب الغريب
الناس ديل نادرين حاولو واصلوهم وحافظو عليهم
كل الود والتحايا
اخوكم
|
Post: #2
Title: Re: ماممكن يا بورداب الخرتوم(دريمز)
Author: ADIL FAIT
Date: 10-25-2005, 04:47 AM
Parent: #1
دا كلام جميل..
فوق..
فوق..
فوق..
كل الود،،،
عادل فايت
|
Post: #3
Title: Re: ماممكن يا بورداب الخرتوم(دريمز)
Author: ايهاب
Date: 10-25-2005, 11:19 AM
Parent: #2
موش بالله يا عادل
شكرا على المرور والتاييد عقبال ما نسمع اخبار حلوه
|
Post: #4
Title: Re: ماممكن يا بورداب الخرتوم(دريمز)
Author: waleed500
Date: 10-25-2005, 11:26 AM
Parent: #3
دريمز
امراة بحجم وطن
|
Post: #6
Title: Re: ماممكن يا بورداب الخرتوم(دريمز)
Author: ايهاب
Date: 10-25-2005, 12:02 PM
Parent: #4
العزيز وليد تحيات واشواق
بل هي بي حجم اوطان يا وليد
ربنا يطمنا عليها
|
Post: #5
Title: Re: ماممكن يا بورداب الخرتوم(دريمز)
Author: بلدى يا حبوب
Date: 10-25-2005, 11:42 AM
Parent: #1
ايهاب
نعم كل هذه الاسماء الجميلة تعشش فى الخرطوم فكل الامل ان نراها تحلق بيننا
تحياتى
|
Post: #7
Title: Re: ماممكن يا بورداب الخرتوم(دريمز)
Author: ايهاب
Date: 10-25-2005, 12:05 PM
Parent: #5
العزيز بلدي يا حبوب
كل الامل والاماني بين بورداب الخرطوم اولا وهو اضعف الايمان
ونحن نسعد بسعدهم
|
Post: #8
Title: Re: ماممكن يا بورداب الخرتوم(دريمز)
Author: اسامة الخاتم
Date: 10-25-2005, 02:07 PM
Parent: #1
ايهاب سلام
وين اللمات دى
دا غايتو موبايلى
0912282082
و لك الياسمين
|
Post: #9
Title: Re: ماممكن يا بورداب الخرتوم(دريمز)
Author: garjah
Date: 10-25-2005, 02:17 PM
Parent: #8
شكرا
ايهاب
وفعلا دريمـــــــز
انسانة بحجم وطن كما قال وليد
فلك ولها التحية
هل ملاحظ ان غيابها كان ضمن هجرة جماعية لنواعم المنبر
ضمت
نهى - جي
بت الجزيرة
بلقيس
مهيرة
الجندرية
تماضر
نامل تعود اسراب الحسان
|
Post: #10
Title: Re: ماممكن يا بورداب الخرتوم(دريمز)
Author: ايهاب
Date: 10-25-2005, 02:30 PM
Parent: #8
والله يا اسامه بنا يحفظم دايما متلمين واخر حاجه كان الافطار الجماعي
في بوست في الصفحه الاولى بي ذلك
حقو انت تدعو لي افطار لي بورداب مدني
يا ريت انا لو كنتا هناك انا جيت واستنيتك وما جيت ورجعتا
|
Post: #11
Title: Re: ماممكن يا بورداب الخرتوم(دريمز)
Author: ايهاب
Date: 10-25-2005, 02:36 PM
Parent: #10
العزيز قرجه
وين عكازك ياخي
حقيقه يا قرجه قد نفتقد دريمز في المنبر ولكن قد لا نستغرب غيابها فقد اعطت الكثير الكثير بمكن تكون فترت لكن ما استغربه غيابا عن بورداب الخرطوم ولماتم
وكذلك بلقيس
نشتاق لمساهمات وتاوجد كل من ذكرت وربنا يطمنا عليهم كمان
الجندريه كانت مسافره و عادت ومازالت تساهم وتعطي ربنا يديها العافيه
كل التحايا يا رجل
|
Post: #15
Title: Re: ماممكن يا بورداب الخرتوم(دريمز)
Author: ايهاب
Date: 10-27-2005, 00:36 AM
Parent: #8
ثلاث خطوات خارج مساحة العقل
Quote: بصوت لا رنين له ..ولا تنبته حنجرة ..تقدم اليها ماداً يده ...... هيا لنتنزه قليلاً خارج مساحة العقل
مدت إليه يدها ....ويداً بيد سارا.
خطـــوة أولـــى
مساحة خضراء ...لها عبق القرنفل ...والنوّار يزين أسوارها ...أخذها الجمال من حولها ..سبحت فى فضائه وجدت نفسها تركض وتركض ...تتوغل فى تلك الخضرة الناعمة ..تتصاعد أنفاسها ولا تستنشق الاكسجين ...بل قرنفل
خطـــوة ثانيـــة
إحساس الإرتياح يزاحم القرنفل التنفس ...الإطمئنان تتسع دوائره ..إبتسامات لا حصر لها ..حتى أسوار النوّار تبتسم ...الدنيا فى عطلة عن نفسها ...الكون نسى مداراته ...النجوم أخرجت مخزون ضوءها ...القمر يرسل دفئا ابدياً ...الصفاء يتخذ العيون مسكناً ...الآمل يرتدى أحلى حلله ...الإشتياق يتسيّد الجميع.
خطــــوة ثالثـــة
حزمة ضوء استوائية ...دفقة ماء نيليّة ..كدبيب النمل ...كإرتحال السحب ...كإحتراق تل قصب ...كتقطر الماء من كوبٍ مثقوب ... كدقات ساعة موقوتة ... كحنين طفل لآمه الميتة ...كإنتظار سنبلة لشتاء فيه نماء ...كمسافر زاغ بصره تهيبا للفراق ...كأنامل لازمتها الرعشة بردأً ...كمرجل لا تهمد نيرانه ولا ينضج قوته كالشوق عندما يستحيل نواة للوجع ...كالوجع عندما يرتدى الشوق قناعاً.
أخيـــــرة
وقفة تأمل ... أقدامها لازالت فى ركضها...تعدت خط الجنون ...إلتفت صوبه ... كان لازال هناك ...فى خطوته الثالثة ...مستنداً بما يعلم ... منتصباً ...بنصف عقل.
|
|
Post: #12
Title: Re: ماممكن يا بورداب الخرتوم(دريمز)
Author: DKEEN
Date: 10-25-2005, 05:06 PM
Parent: #1
البورداباب ديل جنو
ناس الرياض ينسوني
وناس الخرطوم ينسو دريمز
تاني فضل ليهم شنو بلاي يا هوبة؟!.
بعدين نسيت وجن؟؟
وجن يا ايهاب
وجن بزمانها الفرد وعباراتها البنفسجية..
|
Post: #13
Title: Re: ماممكن يا بورداب الخرتوم(دريمز)
Author: ايهاب
Date: 10-26-2005, 00:02 AM
Parent: #12
والله بالغو يا دكين
اصلو ماممكن انتا بتتنسي ياخي
بعدين وجن ما ناسينها وسالنا منها في بوست العمود لكن هي ذاتا ما عارفين نصنفا في ياتو كوم الخرتوم ولا مكه ولا وين لانو بعد ديك بي شويه وعيـــــك
الله يطراها بالخير
اسمع انا لو مكانك بمشي اسجل في بورداب الدوحه
lOoOooOooooooOoOoLZ
|
Post: #14
Title: Re: ماممكن يا بورداب الخرتوم(دريمز)
Author: ايهاب
Date: 10-26-2005, 10:34 AM
Parent: #13
Quote: فى مثل هذا اليوم منذ اعوام خلت ...خرجت الى العالم وانا اصرخ ..لا ادرى هل كان ذلك اثبات لوجودى ام احتجاجا على خروجى ...غير انى ادرى بانى الان هنا.
دعينى اخلو اليك يا نفسى واسمعك صوتى ..صوت همس حينا وصراخ حينا ..غضب وعتاب وايضا حنان ورفق ..لن تتحدد لك حروفى ولا كلماتى فقط دعينى اقولها ...وبدء عاهدينى بان لا تكونى الا انا
احبى فينى هذا العناد والجموح الى التعقل ..وايضا لحظات ضعفى وجنونى ... ابتسمى دوما لنزوعى لرومانسيتى التى لن استبدلها بسواها أبدا ...أحبى لى ذات العطر وذات اللون والفاكهة ..وهذا العشق للشعر والموسيقى ..لا تخلفى لى عادة القراءة قبل النوم ..وحب النوم فى الهدوء والظلام ..وعند الفجر أيقظينى للصلاة وأفرحى معى بقبلات أبى ودعواته الصباحية ..ذكرينى بدعاء الرحمة لسكان القبور ..أتلى معى الكهف كل جمعة ..لا تنزعى عنى حبى للناس ..وساعدينى ليحبونى ...طوقينى بابائك وأحمينى منى وتعبى .. فليس من يفعل لى ذلك سواك ...أجتهدى معى كى لا الفظ احتياجى الا لك ..أستسمحى لى الكبرياء ان كممت فمه يوما وجلدته بسياط ثقة عدمية ..ضمدى فينى جراح التطرف صدقا ..توسلى معى الدموع ان تجيبنى كلما دعوتها ولا تقسو بعصيانها ..سدى عنى آذانك ان همست لك بفكرة ارتداء ثوب القسوة ...أنسجى لى من عزتك سياجا يحرس نقاء قلبى فلا تشوبه شائبة ..أشهرى سلاحك فى وجه كل من يتطاول على كنز صدقك اللامنتهى ...أكبحى جماح تحنانى ولا تغرفيه للمتخمين لا مبالاة ... لا تبسطى اهتمامك معبرا لكل المارين ..وأنتقى فقط من لخطواتهم وقع الاحترام ...أفرغى لى سلالك لالقى لك بكل البوح فى الألم والفرح ..ألمينى ان نسيتك ..وأنسينى ان ألمتك ..تألمى معى من الاخرون ولهم ...ابتهلى معى الى الله ليمنحنا نعمة البصيرة ويقوى فينا البصر لنرى تلك المسافات ونحافظ عليها ونخافها ...لا تملينى ان اطلت تأملى فيك ..وتأملينى فى صمتى أمام الاقدار والايام ..أوسعينى غضبا كلما رأيتينى أنسحب خارجة عنك وأعيدينى اليك ..
كونينى ..ولنكون معا كما نريد
ختاما أمنحك قبلة على الجبين حبا واحتراما ...كوب شاى واغنية لفيروز ..فامنحينى رضاك عنى
Dreams |
|
Post: #16
Title: Re: ماممكن يا بورداب الخرتوم(دريمز)
Author: أبو ساندرا
Date: 10-27-2005, 03:39 AM
Parent: #1
يا ايهاب
بتسأل عن غياب دريمز وملكة سبأ عن بورداب الخرتوم
وإنت ذاتك كبير الغياب عن بورداب الدوحة
ياااخ أريت حالك زين ورمضان كريم
أما بشأن الزوينات الإفتقدتهن
أول حاجة عايز أعترف بيها هنا إنو أنا بحب البتين ديل لله وفي الله لا للجمال والشباب ولا للجاه
ومشتاق ليهن جدآ
وإن شاءالله يكون سبب غيابهن خير
وإن شاء الله يكونن عرسوهن
ومشغولات بشهور العسل
وياريت عسلن يزيد ويفيض
لغاية مايتلم فيهن النمل
|
Post: #17
Title: Re: ماممكن يا بورداب الخرتوم(دريمز)
Author: ايهاب
Date: 10-27-2005, 05:14 AM
Parent: #16
ابو ساندرا كلو سنه وانت طيب
حقيقه انو انا مقصر معاكم ولكني موجود ومتابع انما هي الظروف التي تمنعني من لقياكم
بالنسبه لي باقي الكلام امــــــــــين
امــــــــــين
امــــــــــين
وعندي احساس كدا نو حا الاقيك في العيد
كل التحايا
|
Post: #18
Title: Re: ماممكن يا بورداب الخرتوم(دريمز)
Author: Elmosley
Date: 10-27-2005, 05:39 AM
Parent: #1
دريمز قريبتي الرائعة وملكة سبا الجيله عدن الينا والعود احمد
|
Post: #19
Title: Re: ماممكن يا بورداب الخرتوم(دريمز)
Author: ايهاب
Date: 10-27-2005, 10:39 AM
Parent: #18
استاذنا الموصلي
كل زول في البورد دا جاتو فتره فتر فيها من البورد والبورداب
على امل العوده يكفينا الاطمئنان
كل التحايا
|
Post: #20
Title: Re: ماممكن يا بورداب الخرتوم(دريمز)
Author: ايهاب
Date: 10-30-2005, 02:36 AM
Parent: #19
واختفت دريمز
ثم بلقيس
ثم باقي بورداب الخرتوم في ظروف غامضه حيث انه لا حس لا خبر لا اجابه
طيب النسالكم انتو كم قروب
شايف المتواجدين حاليا غير المتواجدين في السابق
يعني زي الفي قروبين وكدا ولا شنو
|
Post: #21
Title: Re: ماممكن يا بورداب الخرتوم(دريمز)
Author: ABDELAZIZ MAHADY
Date: 10-30-2005, 02:56 AM
Parent: #20
يعني الناس الجداد الما مشو معاكم رحلات .. برة التشكيلة ولا شنو
بطل عنصري (تقادمية)
وبالمناسبة ... في ناس كتار زيي خارج القروبات الهم إلا لمة (التشاكلة)
|
Post: #22
Title: Re: ماممكن يا بورداب الخرتوم(دريمز)
Author: ABDELAZIZ MAHADY
Date: 10-30-2005, 02:56 AM
Parent: #20
يعني الناس الجداد الما مشو معاكم رحلات .. برة التشكيلة ولا شنو
بطل عنصري (تقادمية)
وبالمناسبة ... في ناس كتار زيي خارج القروبات الهم إلا لمة (التشاكلة)
|
Post: #23
Title: Re: ماممكن يا بورداب الخرتوم(دريمز)
Author: ايهاب
Date: 10-30-2005, 04:03 AM
Parent: #22
عبد العزيز سلامات
والله مافهمتا حاجه
انا بسال من دريمز
شفتها
كل التحايا
|
Post: #24
Title: Re: ماممكن يا بورداب الخرتوم(دريمز)
Author: ايهاب
Date: 11-17-2005, 04:41 AM
Parent: #23
لعل وعسى
ارى الملكه بلقيس قد ظهرت ولكن لا حس ولا خبر
برضو الحمد لله
|
|