Post: #1
Title: العذابة
Author: نجود حسن عبد الرحمن
Date: 10-17-2005, 07:44 AM
Parent: #0
أقولها نصيحة ليك يا بابا
أحذر جيرة العذابة
أهل الضمنة والكشتينة
ديل أهل الطباع الشينة
ليهم مرة نحن مشينا
لا إتغدينا لا إتعشينا
لو وقعت ما بتنحل
حتى إن كان بقيت زي بله
ديل القوم في أي محله
نص الليل بشدوا الحلة
يعبوا البيت زي الباخرة
ما بعرفوا السراير الفاخرة
دفاتر الكل عليهم ساخرة
أصلوا خلاص بقت دين آخرة
يخلوا البيت مبشتن ديمة
يدخًلوا فيه عدة قديمة
كمان لو فيه شجرة نيمة
يكون وسخان وحالتو أليمه
الملاية ما مفروشة
وجوه الأوضة قامت كوشه
ست البيت تكورك فيهم
ديل أخواننا ضربوا قروشا
الغسًال يكورك فيهم
والتاجر أبا يديهم
والجزار مشرك ليهم خلاص يا اخواننا عرفوا الفيهم
زحمة شديدة في الشماعة
ريحة كريهة في البلاعة
ديل في الحلة عملوا مجاعة
شفطوا القدرة في نص ساعة
ضد العرس رفعوا الراية
ديل إنحلًوا من الداية
لا تطعيم كمان لا رعاية
مافي كرامة ولا سماية
على فكره..
القصائد أعلاه هي للشاعر السوداني أحمد الشيخ
Pay Every Penny Serves Israel...... (PEPSI) وترجمتها بالعربى
|
Post: #3
Title: Re: العذابة
Author: Fadl Karrar
Date: 10-17-2005, 08:36 AM
Parent: #1
شفطوا القدرة في نص ساعة
عذابة ديل ولا طلب بنايين؟؟؟
|
Post: #4
Title: Re: العذابة
Author: ADIL FAIT
Date: 10-17-2005, 08:42 AM
Parent: #3
Quote: أقولها نصيحة ليك يا بابا
أحذر جيرة العذابة
أهل الضمنة والكشتينة
ديل أهل الطباع الشينة
ليهم مرة نحن مشينا
لا إتغدينا لا إتعشينا |
يا جماعة دا قدرنا ان نكون هكذا...
دي وساخة انظمتنا خلت الواحد عمروا كم كدا ما عارف ولسه عزابي..
بالله عليكم الله خلونا
مخاشنه:
انتو مش في اغنية بتقول:
لا بإيدك لا بي إيدي وشنو كدا ما عارف..
ياها دي قسمتنا والمـا بي إيدنا
مع أكيد حبي وتقديري،،،
عادل فايت
|
Post: #5
Title: Re: العذابة
Author: نجود حسن عبد الرحمن
Date: 10-18-2005, 05:19 AM
Parent: #4
up
|
Post: #7
Title: Re: العذابة
Author: ADIL FAIT
Date: 10-18-2005, 05:28 AM
Parent: #5
انت العين دي يا بت ليه يتعمل الحركة العجيبة دي...
تكون بتشاغل في العذابة ولا شنو
مع أكيد حبي وتقديري،،،
عادل فايت
|
Post: #9
Title: Re: العذابة
Author: نجود حسن عبد الرحمن
Date: 10-18-2005, 05:42 AM
Parent: #7
Quote: انت العين دي يا بت ليه يتعمل الحركة العجيبة دي...
تكون بتشاغل في العذابة ولا شنو
|
معليش عندى وجع عيون
خلاص اعتبرتوها مشاغلة والله انتو يالعزابة
المشاغلة بتكون زى دى 
|
Post: #6
Title: العزابة؟؟
Author: ايوب عبدالرحيم
Date: 10-18-2005, 05:24 AM
Parent: #1
UP
تحياتي لكي نجود
|
Post: #8
Title: Re: العزابة؟؟
Author: عبدالرحمن عبدالله أبوشيبة
Date: 10-18-2005, 05:40 AM
Parent: #6
Quote: انت العين دي يا بت ليه يتعمل الحركة العجيبة دي...
تكون بتشاغل في العذابة ولا شنو
|
مسكين يا فايت والله نجود قاصداك عديل بالبوست دا لانك حاتكون كدا في الدمازين حيث لا انترنت ولا بنزين ،، تكون دايماً حزييييييييييييييييييييييين ويا حليلك
|
Post: #10
Title: Re: العزابة؟؟
Author: ADIL FAIT
Date: 10-18-2005, 05:59 AM
Parent: #8
| Quote: مسكين يا فايت والله نجود قاصداك عديل بالبوست دا لانك حاتكون كدا في الدمازين حيث لا انترنت ولا بنزين ،، تكون دايماً حزييييييييييييييييييييييين ويا حليلك |
قالوا شنو كدا ما عارف الحبيب احلي من أكل الذبيب..
يا دبيب
مع أكيد حبي وتقديري،،،
عادل فايت
|
Post: #11
Title: Re: العزابة؟؟
Author: نجود حسن عبد الرحمن
Date: 10-18-2005, 06:03 AM
Parent: #10
Quote: قالوا شنو كدا ما عارف الحبيب احلي من أكل الذبيب..
يا دبيب
|
|
Post: #12
Title: Re: العزابة؟؟
Author: ADIL FAIT
Date: 10-18-2005, 06:27 AM
Parent: #11
يا نجود ما تخليني أقول ليك شنو كدا ما عارف...
البتعملي فيه دا حا يجننا ويبهدلنا و..
مع أكيد حبي وتقديري،،،
عادل فايت
|
Post: #13
Title: Re: العزابة؟؟
Author: Tragie Mustafa
Date: 10-18-2005, 06:45 AM
Parent: #12
نجود
كيفنك
بوست لذيذ زيك
شكرا لك.
عادل فيت
سلام
الصوره في بروفايلك ما خرافيه
بالله جبتها من وين؟؟؟؟؟؟؟؟؟؟
وعلى فكره هي افضل في نظري من الصوره الماضيه
لانه ده فعلا واقع اكثر من ثلث الشعب عندنا
ناس ماقادره تلبس سفنجه حتى!!!!!!!!!
لك الله يا بلد.
تراجي.
|
Post: #14
Title: Re: العزابة؟؟
Author: ADIL FAIT
Date: 10-18-2005, 07:02 AM
Parent: #13
Quote:
عادل فيت
سلام
الصوره في بروفايلك ما خرافيه
بالله جبتها من وين؟؟؟؟؟؟؟؟؟؟
وعلى فكره هي افضل في نظري من الصوره الماضيه
لانه ده فعلا واقع اكثر من ثلث الشعب عندنا
ناس ماقادره تلبس سفنجه حتى!!!!!!!!!
لك الله يا بلد. |
تراجي كيفنك..
علي فكرة الرائعون فقط هم الذين يمتلكون ناصية الجمال..
الناس الزيك بس هم البيحسوا بي الحاجات دي..
شكرا ليك
مع أكيد حبي وتقديري،،،
عادل فايت
|
Post: #17
Title: Re: العزابة؟؟
Author: نجود حسن عبد الرحمن
Date: 10-18-2005, 07:05 AM
Parent: #13
تراج العسسسسسسسسسسل
وين انتى والله بتكيف لمن الاقى اسمك فى واحد من بوستاتى
ووالله ليك وحشة
|
Post: #27
Title: Re: العزابة؟؟
Author: mutwakil toum
Date: 10-19-2005, 02:33 AM
Parent: #13
Quote: عادل فيت
سلام
الصوره في بروفايلك ما خرافيه
|
اعتقد ان الخرافة الحقيقة هي
| Quote: مع فائق حبي واحترامي |
والتي كترت طلتها بتمسخا عند خلق الله ..
مع فائق حبي واحترامي
|
Post: #54
Title: Re: العزابة؟؟
Author: نجود حسن عبد الرحمن
Date: 10-23-2005, 02:02 AM
Parent: #6
ولك ايضا ايوب
والف مرحب بيك بينا
|
Post: #15
Title: Re: العذابة
Author: محمد عبد المنعم عمر
Date: 10-18-2005, 07:03 AM
Parent: #1
العزابه الكحيانين سيد البيت نعل ماسكاكم لسه تقعوا تقوموا براكم ربي معاكم والله يخدر ليك ضرعاتكم
العزيز مجمد الحسن سالم حميد شكرا علي الكلام الجميل
والله معنا نحن العزابه
|
Post: #16
Title: Re: العذابة
Author: محمد عبد المنعم عمر
Date: 10-18-2005, 07:03 AM
Parent: #1
العزابه الكحيانين سيد البيت نعل ماسكاكم لسه تقعوا تقوموا براكم ربي معاكم والله يخدر ليك ضرعاتكم
العزيز مجمد الحسن سالم حميد شكرا علي الكلام الجميل
والله معنا نحن العزابه
|
Post: #18
Title: Re: العذابة
Author: ADIL FAIT
Date: 10-18-2005, 08:05 AM
Parent: #16
يا نجود عليك الله العين دي عملت لينا زهلله..
مع أكيد حبي وتقديري،،،
عادل فايت
|
Post: #19
Title: Re: العذابة
Author: نجود حسن عبد الرحمن
Date: 10-18-2005, 08:13 AM
Parent: #16
Quote: العزابه الكحيانين سيد البيت نعل ماسكاكم لسه تقعوا تقوموا براكم ربي معاكم والله يخدر ليك ضرعاتكم
العزيز مجمد الحسن سالم حميد شكرا علي الكلام الجميل
والله معنا نحن العزابه |
ياربى محمد الحسن سالم حميد دة منو
|
Post: #20
Title: Re: العذابة
Author: الفاتح محمد عثمان
Date: 10-18-2005, 09:29 AM
Parent: #1
انتو يا العذابة
يا الحلوين
انت دايما مرتاحين
وباي زول ما شغالين
وفي البيوت قاعدين
يا كوتشينة يا نايمين
احبكم انا يا الحلوين
|
Post: #21
Title: Re: العزابة
Author: Eng. Mohammed al sayed
Date: 10-18-2005, 10:43 AM
Parent: #1
تأثرت كثيرا بهذا البوست وانا (عزابي)
قررت أن اصلح حالي...
فوجئت بالبوست التاني للأخت نجود بتاع (الحب هو) وكانت فيهوا صور متزوجين وحالتهم صعبة والله.
هسع واقف ..محلك سر..
ماعارف أعمل شنوا!
المهم ماعايز أحكي نكتة عن أهمية بيوت العزابة في الحلة والحرامية البتلبوا فيها بنجلدوا كيف لكن عندنا في الحلة....
الشرطة كانت مأجرة بيت (نقطةالشرطة)
وعلي التعترا الحرامي كان مدور في الحلة
طبعا ما محتاج اقول الحصل.
مفاجاة صح
|
Post: #22
Title: Re: العزابة
Author: nazar hussien
Date: 10-18-2005, 11:57 AM
Parent: #21
العزّابة
أهل العزبة وضل النيمة
بيتنا مبشتن ماها شتيمة
الحلة ان حرقت بنجيب غيرة
وما فاضين لي بص السيرة
الضومنو الطاولة اللعبة كبيرة
شيل بي آسك..وأوع تقص الدامة خطيرة
ان لحقت أكلت لعبة وسقطت
وتبقي تزازي كأنك طيرة
الماهية يقاسموك فيها
والمافيشة يعصرو عليها
نازل شايل كيسك فيه بواقي اليوم الفات
وداخل عرقان قرفان مليان كوراك واصوات
اسمع جبت الحاجات
سكر وشاي, البن الصلصة..اللحمة..الرز
العدس..وجميع انواع الخضراوات
اسمع ياخي ارجع جيب لينا العيش
وبالمرة معاك كم مرقة ماجي
وماتنسي ال....بس...يكون طاعمات
اها هسع ياتو
العزابة
والله الما
عزابة؟؟
في التعزيب الضل بستني
نتم النوم رايقين في جهلنا
ندوبي الليل ما طال
يا ليلي ليلك جنّ
محبوبك اوه وغني
وهي ليلي اكان ما جنت
سامعه الدوباي فوق كم
حلتنا تجقجق ونارا فحم
ممهووولة النار...
والشوق بطفيه الليل
بين حبة صبر وحبة وهم
وتاني صباحنا يجينا في عزيبنا
اسياد فزعة...ونكوي الوجعة
الامجاد ..التكسي...الكارو
الحرنت لي سيدا
يا العزابة ادونا جريدة
الغاز الكمل الجمرة القطعت
ويحيدة
يا العزابة المغسة شديدة
نجود دا نجر اخدر هسي ماشي الطراويح وكان قدرت بجي راجع اتمو
|
Post: #24
Title: Re: العزابة
Author: نجود حسن عبد الرحمن
Date: 10-19-2005, 01:25 AM
Parent: #22
لكن ياناذر لقيتك شكلك عذاااااااااابى
لانو دة مانجر هين
|
Post: #28
Title: Re: العزابة
Author: نجود حسن عبد الرحمن
Date: 10-19-2005, 07:56 AM
Parent: #21
متين يا الله ألم الفكه
أجيب الشيلة واسوي الشبكه
وأمي تزغرد بي طول صوتها
وأنا مبسوط وظابط الشكة
هدومي معطنة بالأرياح
ريحة الخمرة وريحة الدلكة
واطبع للعيزومة كروت
حاشاها الما زي كرت البنزين
جميله زاهية في ورق التوت
وتحت الإمضاء مشكورين
لأنها لحظة ما بتفوت
وإلا تكونوا مبسوطين
ويجوا الأولاد بوجوهاً نادية
يقشوا الفسحة الواسعة وهادية
نرًكب فيها الصيونات
ونعمل حفلة بود البادية
ولازمن حفلة تكون صباحي
أشفي غليلي وأداوي جراحي
من زمن العذابة الأغبر
السًود عيشتي وزاد لنواحي
أفك القيد من قلبي وأغني
حبيب الروح وغني يا صاحي
وفي العصرية نمرق سيرة
خلوق منتظمة ماشة مسيرة
زي صف دكانأً ناصية
فيه سجاير بالتسعيرة
بناتنا يغنن مبسوطات
دور بينا البلد ده
يلفن يدورن العربات
ولمن أصل بالسيف اتقدم
زي الفارس ماشي ملجم
وشي بينضح لمعه ونضرة
قميصي نضيف وماه مجلبط
بملاح خدره
أهز في البنوت بي سيفي
وابخبخ فيهن لبن البدرة
وفجأة يدق صوت الدلوكة
وتبقى الناس بالجد مربوكة
واحدة تصفق واحدة تزغرد
وواحدةتلوك في لبان بازوكة
جابوا عروسي وبدت الوقفة
سرحت بعيد في حق القفة
جابت قون بي رقة وخفة
ما اتجرست كلا وحاشا
الا هناك واقفين شماشة
قالوا اكيد شارب حرباشة
زعلت شديد وغلبني اللعب
لانو كلامن كلو كضب
قاموا اصحابي بصوت عالي
يا عبد الله اطلع بره إشاعة إشاعة
وحتماً يوم لي أمك عايد
قونها حقيقي ما اوف صايد
صوت أصحابي أثر فوقي
بحركة ذكية جبت القون
وانا والحلوة بقينا درون
وفجأة أضفت الهدف الثاني
وغمر الساحة فرح رباني
مرقوا اصحابي يكوركوا ويهتفوا
فاتوا الفسحة وسدوا الشارع
صوتهم طاغي ظاهر وطالع
يا عبد الله هايل ورايع
جبت القون في الزمن الضايع
|
Post: #23
Title: Re: العذابة
Author: salamat
Date: 10-18-2005, 08:25 PM
Parent: #1
|
Post: #25
Title: Re: العذابة
Author: nazar hussien
Date: 10-19-2005, 02:22 AM
Parent: #23
ابدا يا نجود تعذبنا ما فيه الكفاية زمااان
وهسع دخلنا المعاش
|
Post: #26
Title: Re: العذابة
Author: نجود حسن عبد الرحمن
Date: 10-19-2005, 02:27 AM
Parent: #25
Quote: ابدا يا نجود تعذبنا ما فيه الكفاية زمااان
وهسع دخلنا المعاش |
فى مقولة بتقول الحب عذاااااااااااااب
واهو كلو عذاب فى عذاب
|
Post: #29
Title: Re: العذابة
Author: nazar hussien
Date: 10-19-2005, 03:12 PM
Parent: #26
واهو كلو عذاب فى عذاب
كده حبايب يا نجود اذا عذاب الحب زي عذاب العزّابة
|
Post: #30
Title: Re: العذابة
Author: نجود حسن عبد الرحمن
Date: 10-20-2005, 01:02 AM
Parent: #29
| Quote: كده حبايب يا نجود اذا عذاب الحب زي عذاب العزّابة |
يعنى فى اختلاف بسسسسسسسسسيط كدة
|
Post: #31
Title: Re: العذابة
Author: nazar hussien
Date: 10-20-2005, 04:23 AM
Parent: #30
وعلي مسئوليتك يا نجود
الفريق بسيط
يعني...القاعدين في البينشات هناك وبيحبوا...والممتهنين الحب
نقول ليهم...بس تموتوا مغس يا العذّابة....
|
Post: #32
Title: Re: العذابة
Author: نجود حسن عبد الرحمن
Date: 10-20-2005, 05:54 AM
Parent: #31
Quote: يعني...القاعدين في البينشات هناك وبيحبوا...والممتهنين الحب
نقول ليهم...بس تموتوا مغس يا العذّابة.... |
هو انت قايل البقعدو فى البينشات ديل كلهم قعد يحبو
|
Post: #33
Title: Re: العذابة
Author: ADIL FAIT
Date: 10-20-2005, 06:02 AM
Parent: #32
| Quote: هو انت قايل البقعدو فى البينشات ديل كلهم قعد يحبو |
يكونوا بيعملوا شنو يا بت الناس..
عاوزين يتصوروا يعني..
ولا منتظرين المواصلات..
هبشه:
الظاهر كلامك دا صاح يا نجود لانو قعدنا في البينشات وما عملنا شنو كدا ما عارف...
مع أكيد حبي وتقديري،،،
عادل فايت
|
Post: #34
Title: Re: العذابة
Author: نجود حسن عبد الرحمن
Date: 10-20-2005, 06:11 AM
Parent: #33
Quote: يكونوا بيعملوا شنو يا بت الناس..
عاوزين يتصوروا يعني..
ولا منتظرين المواصلات..
|
قاعدين يكضبو لى بعض هو عارفه بتكضب وهى عارفاهو بكضب لكن امورم ماشة
|
Post: #35
Title: Re: العذابة
Author: ADIL FAIT
Date: 10-20-2005, 06:17 AM
Parent: #34
| Quote: قاعدين يكضبو لى بعض هو عارفه بتكضب وهى عارفاهو بكضب لكن امورم ماشة |
بالله هي القصة دي كدا..
اللهم زدنا علما..
كدي الواحد يلقي بت الكلب أول حاجة ويجرب القصة دي..
مع أكيد حبي وتقديري،،،
عادل فايت
|
Post: #36
Title: Re: العذابة
Author: نجود حسن عبد الرحمن
Date: 10-20-2005, 06:58 AM
Parent: #35
| Quote: كدي الواحد يلقي بت الكلب أول حاجة ويجرب القصة دي.. |
انت لسسسسة مالقيت
تهريجة
عليك الله انا شلت العين المزهللاك ديك انت شيل لى رجليك ديل الدنيا رمضان
|
Post: #37
Title: Re: العذابة
Author: ADIL FAIT
Date: 10-20-2005, 07:10 AM
Parent: #36
بالله ممكن تكون في واحده بترغب في زول طويل وعوير زيً كدا..
نحنا لينا الله وعيشت السوق يا بت الناس..
هبشه:
في مثل سوداني شهير وقديم بيقول:
يحموا فيه من المريسه وهو يشرب في العرقي..
يا بت العين كانت مزهليلا بينا تقومي تعملي الامارات عديل كدا
مع أكيد حبي وتقديري،،،
عادل فايت
|
Post: #38
Title: Re: العذابة
Author: عنيده
Date: 10-20-2005, 07:34 AM
Parent: #37
مغص يامغص يالعذابه تاكلو فول وعدس يالعذابه
تخريمه
ليه تحديدا فول وعدس
نجود قلنا نسلم
وبث
|
Post: #39
Title: Re: العذابة
Author: صباح حسين
Date: 10-20-2005, 07:38 AM
Parent: #38
تعرفي يا نجود اختي ، عايزاك تواصلي الابداع ويلا حاجة عن الضيوف المزمنين ، العذابة ما فيهم التختي في الجرح يبرأ ، لكن نوع البجي يتكسر ليك في البيت بالشهر والشهرين و أحيانا السنة والسنتين.
|
Post: #40
Title: Re: العذابة
Author: ADIL FAIT
Date: 10-20-2005, 07:57 AM
Parent: #39
والله قالوا كل إناء بما فيه ينضح..
يعني الواحد لما يكون متملكوا احساس العذوبية هو براه تلقاه يقول شنو كدا ما عارف..
هبشه:
العرض كبير والسوق مفتوح
مع اكيد حبي وتقديري،،،
عادل فايت
|
Post: #41
Title: Re: العذابة
Author: وحيد
Date: 10-20-2005, 09:29 AM
Parent: #1
up
تسجيل حضور....... يا نجود
|
Post: #42
Title: Re: العذابة
Author: القلب النابض
Date: 10-20-2005, 09:57 AM
Parent: #41
نجود
لما يسكنوا جنبكم عزابة الحرامي ما بيجيكم .... عارفة لية؟
|
Post: #43
Title: Re: العذابة
Author: ابوحراز
Date: 10-20-2005, 01:12 PM
Parent: #42
ذكرني هذا البوست ببوست قديم أعتبره من اجمل ما كتبت عند انضمامي للبورد
كان يتحدث عن العزاية { بالمناسبة كلمة العذابة } وهي عنوان البوست خاطئة
ارجو أن تعدليها لتصبح { العزابة }
كان بوستي يتحدث عن الفوضى في بيوت العزابة
والغريب مازال ضغطي مرتفع حتى الآن من تصرفاتهم
يعني عادي يومياً القى غتاية حلة جوة التلاجة والحلة ماموجودة
مرات اصحو من النوم واجد 4 سفنجات والمصيبة كلهن شمال
اغتاظ جداً من المعجون حينما يعصر من الوسط
واحد معانا كرعينه خشنات جداً لمن يرقد في المرتبة ويحاول ينزل بشيل معاه الملاية في كرعيه
واحد عمل ملاح رجلة لأول مرة تصدقوا { ورّق } الرجلة صفقة صفقة بالله دا مش حيوان
وآخر معانا عشرة سنوات لحد الآن ما اشترى مرتبة
واحد يموت ينوم في سريره
واحد يسافر ينوم في سريره وهكذا
صابون الحمام ياويلك لو ترتكت صابونتك في الحمام بيلحسوها كلها
وكذلك الشامبو وأكثر مايغيظني ان أحدهم أصلع ويستخدم شامبو لشنو ماعارف
الملاح في الغداء يكون فاصوليا ولو فضل فيهو باقي للعشاء يقلبوه ليك بامية مفروكة
لاتسألوني دي جات كيف انا برضو ماعارف !!!!
وياويلك لو مرقت قروشك قدامهم كل واحد يبدأ يحكي ليك ظروفه
واحد بحب الشعيرية نوعها كدا طويل زي صباع اللحام
يقوم يختها في الحلة ويكب ليها موية من الماسورة بالخرطوش
والله في النهاية ماعرفناها مشت وين الشعيرية دي 00 طبعاّ ذابت في الموية الكتيرة دي
كفاية هنا
|
Post: #44
Title: Re: العذابة
Author: Eng. Mohammed al sayed
Date: 10-20-2005, 02:19 PM
Parent: #43
Quote: وآخر معانا عشرة سنوات لحد الآن ما اشترى مرتبة
واحد يموت ينوم في سريره
واحد يسافر ينوم في سريره وهكذا |
للمالك بيت وللمأجر الف بيت
تحياتــــــــــــــــــــي
|
Post: #66
Title: Re: العذابة
Author: نجود حسن عبد الرحمن
Date: 10-24-2005, 01:04 AM
Parent: #43
Quote: ذكرني هذا البوست ببوست قديم أعتبره من اجمل ما كتبت عند انضمامي للبورد
كان يتحدث عن العزاية { بالمناسبة كلمة العذابة } وهي عنوان البوست خاطئة
ارجو أن تعدليها لتصبح { العزابة }
كان بوستي يتحدث عن الفوضى في بيوت العزابة
والغريب مازال ضغطي مرتفع حتى الآن من تصرفاتهم
يعني عادي يومياً القى غتاية حلة جوة التلاجة والحلة ماموجودة
مرات اصحو من النوم واجد 4 سفنجات والمصيبة كلهن شمال
اغتاظ جداً من المعجون حينما يعصر من الوسط
واحد معانا كرعينه خشنات جداً لمن يرقد في المرتبة ويحاول ينزل بشيل معاه الملاية في كرعيه
واحد عمل ملاح رجلة لأول مرة تصدقوا { ورّق } الرجلة صفقة صفقة بالله دا مش حيوان
وآخر معانا عشرة سنوات لحد الآن ما اشترى مرتبة
واحد يموت ينوم في سريره
واحد يسافر ينوم في سريره وهكذا
صابون الحمام ياويلك لو ترتكت صابونتك في الحمام بيلحسوها كلها
وكذلك الشامبو وأكثر مايغيظني ان أحدهم أصلع ويستخدم شامبو لشنو ماعارف
الملاح في الغداء يكون فاصوليا ولو فضل فيهو باقي للعشاء يقلبوه ليك بامية مفروكة
لاتسألوني دي جات كيف انا برضو ماعارف !!!!
وياويلك لو مرقت قروشك قدامهم كل واحد يبدأ يحكي ليك ظروفه
واحد بحب الشعيرية نوعها كدا طويل زي صباع اللحام
يقوم يختها في الحلة ويكب ليها موية من الماسورة بالخرطوش
والله في النهاية ماعرفناها مشت وين الشعيرية دي 00 طبعاّ ذابت في الموية الكتيرة دي
كفاية هنا |
والله يا ابوحراز وصفتهم بالكربون
اعتذار :
اسفة لتاخيرى فى الرد
|
Post: #49
Title: Re: العذابة
Author: نجود حسن عبد الرحمن
Date: 10-22-2005, 02:36 AM
Parent: #42
| Quote: لما يسكنوا جنبكم عزابة الحرامي ما بيجيكم .... عارفة لية؟ |
عارفم ماحيكون عندهم شغلة غيرو
ويوم يلمو فى حرامى ############### عيدم اليوم داك
|
Post: #45
Title: Re: العذابة
Author: منصوري
Date: 10-20-2005, 02:43 PM
Parent: #1
نجود إزيك..هذه القطعة من بوست(خمج السودانيين في بلاد الإغتراب)العذابة ما حقوا يشكلوا هاجس للاسر ويكتفوا بالزيارات الخفيفة الصغيرة البسيطة وفي المناسبات الهامة.. الأسر السودانية في بلاد المهجر وخاصة الخليج واجباتها كثيرة وكبيرة والزمن نفسه عندهم غالى.. والعذابة معظمهم لسه ماسكين في العادات السودانية هناك..في رمضان داير يقولوا ليهو يا اخي اصلو الفطور بيك وبلاك مسوي تعال افطر كل يوم بدل ما توقد ليك نار بي هناك.. وفي الحقيقة دا كرم زايد من الأسر السودانبة مكانو المناسب السودان وليس بلاد المهجر..حتى ولو أختك أو بنت عمك.تكتفي بالزيارة ماقل ودل..لأنو حجم العمالة السودانية كبير في الخليج، يمكن الناس الفي الدول الغربية يكون ماعندهم تصور للرش الكبير وفي الغرب عادة يكون السودانيين محتاجين لأي زول سوداني يجيهم..
ما أن يحل شهر رمضان إلا الأسر السودانية في الخليج يكون عندها لستة كبيرة طويلة عريضة..في العزومات في الفطور ..وكل أسرة عزمت التانية الأسر التانية تقوم تعمل فطور أحسن مما عملته الأسرة الأولى مباراة بين ربات الأسر.زياريت الناس يكتفوا بما قل ودل..كان تكون عادة حسنة وفيها حميمية وأجر لكن الإنخراط بالهدف الأساسى والبساطة يضيع الأجر ويجعل هذه العادة مرهقة حتي فيما بين الأسر نفسها ناهيك عن العذابة...
العذابي من الجزيرة داير الأسرة العازماهو تعمل العصيدة بي ملاح الشرموط..والعذابي الشايقي كمان عايز الأسرة العازماهو تعمل القراصة بالدمعة واللحم.. والعذابي المن الغرب داير الأسرة العازماهو تعمل عصيدة أم دقوقة.. والحلفاوي والمحسي عايز الأسرة العازماهو تعمل قراصة بالتركين أو الملوحة.. وكمان لازم ملوحة تكون جاية من السودان.. وهكذا تظل ربة الأسرة مرهقة رمضان كلو وهي صايمة.. وبراها واطفالا في يدها...وبعدين حكاية الأكل في الخليج موش بالحاجة المزعجة .الأكل موجود ورخيص جدا في أقرب منعطف واقرب مطعم... وياما المطاعم العربية والسودانية تعلن عن برامج في رمضان في الفطور والسحور..فهذه عادات سودانية مرهقة للأسر في ارض المهجر.. ومرهقة للأسر في بعضها البعض ومضيعة للوقت والقروش ومباهاة يكفي منها الرمزية حقو
|
Post: #46
Title: Re: العذابة
Author: Ahmed Abdallah
Date: 10-20-2005, 03:31 PM
Parent: #45
Quote: وفجأة يدق صوت الدلوكة
وتبقى الناس بالجد مربوكة
واحدة تصفق واحدة تزغرد
وواحدةتلوك في لبان بازوكة |
يا ربي ده طهور
|
Post: #47
Title: Re: العذابة
Author: برير اسماعيل يوسف
Date: 10-20-2005, 03:33 PM
Parent: #45
اعتقد ان موضوع البوست فيه شيء من المرح و شيء اخر من عدم النظرة بعمق للقضية المطروحة هنا في البوست ... و لا ادري هل هي للحوار ام هي للتسلية و الضحك علي غرار ما تفعله العديد من الفرق الضاحكة و المضحكة في آن واحد... و المتواجدة و بشكل تكاثري في الواقع السوداني المعاصر؟
دعونا نضع بعض المحاور للنقاش و اتمني ان يثريها الناس بالنقاش و منها علي سبيل المثال لا الحصر:
1/ الظروف التي ادت الي ظهور مثل ه>ه الشريحة في المجتمع السوداني بمعناه العريض
2/ و هل ه>ه الشريحة ان جاز ه>ا التعبير متطابقة في ظروف تكوينها في كل صغيرة و كبيرة ام انها خشوم بيوت و لكل خشم بيت ظروف تكوينه الخاصة به ؟
3/ و ما هي الخيارات الافضل التي وجدتها (شرائح) العزابة المتعددة و لكنها لم تعمل بها ... بل أنها آثرت حياة البشتنة و شظف العيش علي تلك الخيارات الافضل؟
4/ هل هنالك شرائح بالمقابل (للعزابيات) و ما هي الفوارق النوعية بين ه>ه الشرائح في بينها و بينها و بين شرائح العزابة متعددة الظروف التكوينية؟
5/ ...الخ
و حبل الود موصول للجميع .
|
Post: #48
Title: Re: العذابة
Author: nazar hussien
Date: 10-21-2005, 06:18 AM
Parent: #47
يا برير عايز تطلع لينا بي حلة توصيات من العزوبية...يا زول الدنيا صيام
وقاعدين هنا نخفف علي روحنا...وكل سنة وانت طيب...
|
Post: #50
Title: Re: العذابة
Author: أحمد علاء الدين
Date: 10-22-2005, 04:48 AM
Parent: #48
فوق عشان خاطر نجود
|
Post: #51
Title: Re: العذابة
Author: ADIL FAIT
Date: 10-22-2005, 04:53 AM
Parent: #50
والله الموضوع شكلوا بقي جاد..
كدي النرتب حالي وأجيكم..
القصة دي شديد بتهمنا
مع أكيد حبي وتقديري،،،
عادل فايت
|
Post: #52
Title: Re: العذابة
Author: نجود حسن عبد الرحمن
Date: 10-22-2005, 05:13 AM
Parent: #51
Quote: والله الموضوع شكلوا بقي جاد..
كدي النرتب حالي وأجيكم..
القصة دي شديد بتهمنا
|
عادل انت وين القصة جاده من اولة انت قاعد وين ماتقول لى واقف فى الصف بتحجز للدمازين
|
Post: #53
Title: Re: العذابة
Author: ADIL FAIT
Date: 10-22-2005, 09:12 AM
Parent: #52
| Quote: عادل انت وين القصة جاده من اولة انت قاعد وين ماتقول لى واقف فى الصف بتحجز للدمازين |
انت يا نجود أحدي الآن ما عارفاني وين..
والله أسف كبير..
ياشماته ابله ظاظه في..
يا بت ما فتشي زي الناس ..
أكيد حا تلقيني..
مع أكيد حبي وتقديري،،،
عادل فايت
|
Post: #55
Title: Re: العذابة
Author: عبدالرحمن عبدالله أبوشيبة
Date: 10-23-2005, 02:39 AM
Parent: #53
Quote: يا بت ما فتشي زي الناس ..
أكيد حا تلقيني..
|
حني علي أنا سا تتي الحاصل بي سببو إنتي قلنا ليك يا عادل فايت أثثثثثثثثثثثثثثثثثثثبت
|
Post: #56
Title: Re: العذابة
Author: نجود حسن عبد الرحمن
Date: 10-23-2005, 02:58 AM
Parent: #55
| Quote: حني علي أنا سا تتي الحاصل بي سببو إنتي قلنا ليك يا عادل فايت أثثثثثثثثثثثثثثثثثثثبت |
انت اسكت ساى كلامى معاك فى ال 
|
Post: #57
Title: Re: العذابة
Author: nazar hussien
Date: 10-23-2005, 03:02 AM
Parent: #56
مش هنا...بعدين يا عادل....فايت محمد احمد فايت....والله اسم علي اسم
|
Post: #58
Title: Re: العذابة
Author: نجود حسن عبد الرحمن
Date: 10-23-2005, 03:06 AM
Parent: #45
Quote: نجود إزيك..هذه القطعة من بوست(خمج السودانيين في بلاد الإغتراب)العذابة ما حقوا يشكلوا هاجس للاسر ويكتفوا بالزيارات الخفيفة الصغيرة البسيطة وفي المناسبات الهامة.. الأسر السودانية في بلاد المهجر وخاصة الخليج واجباتها كثيرة وكبيرة والزمن نفسه عندهم غالى.. والعذابة معظمهم لسه ماسكين في العادات السودانية هناك..في رمضان داير يقولوا ليهو يا اخي اصلو الفطور بيك وبلاك مسوي تعال افطر كل يوم بدل ما توقد ليك نار بي هناك.. وفي الحقيقة دا كرم زايد من الأسر السودانبة مكانو المناسب السودان وليس بلاد المهجر..حتى ولو أختك أو بنت عمك.تكتفي بالزيارة ماقل ودل..لأنو حجم العمالة السودانية كبير في الخليج، يمكن الناس الفي الدول الغربية يكون ماعندهم تصور للرش الكبير وفي الغرب عادة يكون السودانيين محتاجين لأي زول سوداني يجيهم..
ما أن يحل شهر رمضان إلا الأسر السودانية في الخليج يكون عندها لستة كبيرة طويلة عريضة..في العزومات في الفطور ..وكل أسرة عزمت التانية الأسر التانية تقوم تعمل فطور أحسن مما عملته الأسرة الأولى مباراة بين ربات الأسر.زياريت الناس يكتفوا بما قل ودل..كان تكون عادة حسنة وفيها حميمية وأجر لكن الإنخراط بالهدف الأساسى والبساطة يضيع الأجر ويجعل هذه العادة مرهقة حتي فيما بين الأسر نفسها ناهيك عن العذابة...
العذابي من الجزيرة داير الأسرة العازماهو تعمل العصيدة بي ملاح الشرموط..والعذابي الشايقي كمان عايز الأسرة العازماهو تعمل القراصة بالدمعة واللحم.. والعذابي المن الغرب داير الأسرة العازماهو تعمل عصيدة أم دقوقة.. والحلفاوي والمحسي عايز الأسرة العازماهو تعمل قراصة بالتركين أو الملوحة.. وكمان لازم ملوحة تكون جاية من السودان.. وهكذا تظل ربة الأسرة مرهقة رمضان كلو وهي صايمة.. وبراها واطفالا في يدها...وبعدين حكاية الأكل في الخليج موش بالحاجة المزعجة .الأكل موجود ورخيص جدا في أقرب منعطف واقرب مطعم... وياما المطاعم العربية والسودانية تعلن عن برامج في رمضان في الفطور والسحور..فهذه عادات سودانية مرهقة للأسر في ارض المهجر.. ومرهقة للأسر في بعضها البعض ومضيعة للوقت والقروش ومباهاة يكفي منها الرمزية حقو |
انت يامنصورى السودانين ديل خمجم دة حتى فى بلاد الغربة فاضحننا
|
Post: #59
Title: Re: العذابة
Author: ADIL FAIT
Date: 10-23-2005, 03:15 AM
Parent: #58
نحنا جينا يا بت ..
كلمي ابوشيبة وقولي ليها كيً للمابينا..
مع أكيد حبي وتقديري،،،
عادل فايت
|
Post: #60
Title: Re: العذابة
Author: نجود حسن عبد الرحمن
Date: 10-23-2005, 03:25 AM
Parent: #59
Quote: نحنا جينا يا بت ..
كلمي ابوشيبة وقولي ليها كيً للمابينا..
|
 بت
|
Post: #61
Title: Re: العذابة
Author: ADIL FAIT
Date: 10-23-2005, 03:30 AM
Parent: #60
انا طبعا قاصد سندريلا سودانيزأونلاين وكدا..
خفت ابو شيبه يسمع بالاسم دا ويقوم يخلي دوحة العرب ويجي يشوف دوحة الروح..
هبشه:
بت .. وبت.. وبت..
مع أكيد حبي وتقديري،،،
عادل فايت
|
Post: #62
Title: Re: العذابة
Author: عبدالرحمن عبدالله أبوشيبة
Date: 10-23-2005, 04:38 AM
Parent: #61
Quote: هبشه:
بت .. وبت.. وبت..
|
آههههههههههه يا ودفايت والله أنا ضحكت لمن دمعت ،، نجود زرزرتك في كلمة بت قعدت تتجرس ولمن فكتك قعدت تكورك بت وبت وبت.ود أمي كنينة ما قلت راجل
|
Post: #63
Title: Re: العذابة
Author: ADIL FAIT
Date: 10-23-2005, 05:53 AM
Parent: #62
| Quote: آههههههههههه يا ودفايت والله أنا ضحكت لمن دمعت ،، نجود زرزرتك في كلمة بت قعدت تتجرس ولمن فكتك قعدت تكورك بت وبت وبت.ود أمي كنينة ما قلت راجل |
أقعد أعمل لي في حركاتك دي أحدي ما يجيك فيصل نوبي ويقول ليك البت دي قربتي وبت عمتي وأنا حبوبتي وخزعبلات وخزعبلات..
هبشه:
أنا برضو بي هناك ما شايف لما زراك فيصل نوبي قنبت تقول والله يا ولدي عادل ... يعني داير توريه انك كبير وكدا..
مع أكيد حبي وتقديري،،،
عادل فايت
|
Post: #65
Title: Re: العذابة
Author: عبدالرحمن عبدالله أبوشيبة
Date: 10-24-2005, 00:16 AM
Parent: #63
Quote: أنا برضو بي هناك ما شايف لما زراك فيصل نوبي قنبت تقول والله يا ولدي عادل ... يعني داير توريه انك كبير وكدا..
|
يا إبني دي لزوم تخديرة واسفنجية التعامل لامتصاص رغوة الهيجان ورجعه حركت ورا عشان تشب لي فوق وبي قدام وإلى الأمام لزوم تطمينة وعدم لخبطة عجينة فهمت ولا أكلم ليك تبلدينا
|
Post: #64
Title: Re: العذابة
Author: Sabri Elshareef
Date: 10-23-2005, 03:21 PM
Parent: #1
يا نجود سلامات
اسوا حاجة عزابة الجيش والبوليس والسواقين لكن عزابة زي
القضاة والدكاترة يبقروا خدمتهم خمسة نجوم ولم تتحديثين عن
حاجات تانية حامياني
في مدني الميز الشرقي كان ينعم بحياة عزابة طيبة وممتعه
في عام 1991 عندما افرج عن طبيب معتقل في شالا عزتنا ما
شالا جعلوا هذ البيت منبر للجميع وخلقوا صلة بين الاحياء
المجاورة وتجدين الحال مختلف لان لفظة عزابي مستنكرة
كانوا ارهابي وفي ليبيا اسم العزابة اشكابلية ويعانوا
من الحصول علي منزل ايجار ففي مفاهيم كثير من الناس
ان العزابة مرتبطين بمضاجعة بنات الفريق وهذابهتان غير
صحيح وتجدين كل المشاكل مثل هذه في كل حته بيت اسرة
او عزابة الان الخوف من الحيكومة في شكل ابتزال رؤيتها
للمراة كجسد
سلامي وبوست هادف ارجو فتح كوه علي حال العزابيات
|
Post: #67
Title: Re: العذابة
Author: waleedi399
Date: 10-24-2005, 06:05 AM
Parent: #64
نجود
رمضان كريم، تصومي وتفطري على خير
مغص مغص يا العزوبة ...
(فطوركم فول وعدس يا العزابة)
قبل ايام قلائل كنت انضم إلى لواء
هؤلاء العنقالة ..
واليوم اشفق عليهم، ترى ماذا حدث ..
حدثوني عن تجاربكم يا عزاااااااااابه .. لوووووول
|
Post: #68
Title: Re: العذابة
Author: نجود حسن عبد الرحمن
Date: 10-24-2005, 07:04 AM
Parent: #67
مبرووووووووك وللى والله عجبنا ليك
بيت مال وعيال انشاءالله .. والله يهنى سعيد بسعيده
|
Post: #69
Title: Re: العذابة
Author: saif massad ali
Date: 10-24-2005, 07:28 AM
Parent: #68
نجود جينا ليكي لمي تمرك وكركديكي
|
Post: #70
Title: Re: العذابة
Author: ADIL FAIT
Date: 10-24-2005, 07:36 AM
Parent: #69
| Quote: نجود جينا ليكي لمي تمرك وكركديكي |
هووووووووووي يا سيف دا شنو؟
هبشه:
والله يسمع بيك ابوشيبه يجيك ناطي من الدوحة وإدخلك في دوخه
كل الود
عادل فايت
|
Post: #71
Title: Re: العذابة
Author: saif massad ali
Date: 10-24-2005, 11:08 PM
Parent: #70
عادل فايت
دي اغنية عملوها البنات لي بنات الحركة الجمهورية احتجاجا علي التمر والكركدي في الزواج,اها ناس السيرة قعدوا يغنوا كدي
|
Post: #72
Title: Re: العذابة
Author: نجود حسن عبد الرحمن
Date: 10-25-2005, 01:04 AM
Parent: #71
| Quote: جينا ليكي لمي تمرك وكركديكي |
| Quote: دي اغنية عملوها البنات لي بنات الحركة الجمهورية احتجاجا علي التمر والكركدي في الزواج,اها ناس السيرة قعدوا يغنوا كدي |
بالله بقن يغنن كدى
|
Post: #84
Title: Re: العذابة
Author: saif massad ali
Date: 10-25-2005, 09:05 AM
Parent: #72
الاخت نجود الاعنية
كانت ام العروس جينا ليكي لمي تمرك وكركديكي
اهل العريس احتجاجا علي التمر الكركدي
مش بقن يغنن كدي هن غن ده زمان
بس العذابة بقو ما فشين كل الامة متزوجة
ولي فوق
|
Post: #73
Title: Re: العذابة
Author: waleedi399
Date: 10-25-2005, 02:46 AM
Parent: #68
| Quote: والله يهنى سعيد بسعيده |
ويهنيك يا نجود يا ذوق
|
Post: #74
Title: Re: العذابة
Author: ADIL FAIT
Date: 10-25-2005, 04:51 AM
هوووووووووووووي يا وأولاد...
كل الود،،،
عادل فايت
|
Post: #75
Title: Re: العذابة
Author: samwal ebrahiem
Date: 10-25-2005, 04:57 AM
Parent: #1
| Quote: قاعدين يكضبو لى بعض هو عارفه بتكضب وهى عارفاهو بكضب لكن امورم ماشة |
عندما كنا في الجامعة قلت لـ صديقي الذي يدعا بابكر
( والله يا بابكر اسامة انور عكاشة لو كان جاء جامعتنا
دي كان عمل جنس مسلسلات .... وكنت اقصد كلامك هذا يا نجود
لم يفهمني صديقي بابكر كعادته )
|
Post: #76
Title: Re: العذابة
Author: نجود حسن عبد الرحمن
Date: 10-25-2005, 05:06 AM
Parent: #75
شكرا لمشاركتك اخ سمؤال وبينى وبينك الجامعات كلها مسلسلات
Quote: ( والله يا بابكر اسامة انور عكاشة لو كان جاء جامعتنا
دي كان عمل جنس مسلسلات .... وكنت اقصد كلامك هذا يا نجود
لم يفهمني صديقي بابكر كعادته ) |
مفهومية
الفهم قسم ياسمؤال
|
Post: #77
Title: Re: العذابة
Author: ADIL FAIT
Date: 10-25-2005, 05:10 AM
Parent: #76
؟؟
؟
كل الود،،،
|
Post: #78
Title: Re: العذابة
Author: samwal ebrahiem
Date: 10-25-2005, 05:54 AM
Parent: #1
Quote: مفهومية
الفهم قسم ياسمؤال
|
لقد صدقتي القول يا نجود ،،،
بابكر كان من اهلي الحلوين اهل العوض
وانا من اقصي شمال السودان
والغريبة كنا عذابة - في صباح جميل
وجدته يقف امام المراية لابس آخر شياكة
ينظر الي نفسه وهو يغني (آه ياالاهيف الآبا مايليين من بعدو
صار قلبي ضنين يا ناس بي نار الفرقه)
مازحته شنو يا بكري اليوم شغال محاضرة الصباح والله شنو
رد علي هاالعوقه ده عليك الله ده لبس محاضرة قلت ليه
اول حاجه خليك من البس عوقه يعني شنو ،،،، لا خلاص يا سمؤل
الاسكيمو ياخي انا جادي معاك يابكري عوقه يعني شنو
والله يا سمؤل لو مابتعرف معني عوقه تكون بالجد عوقه
وفسر الماء بالماء ..... خلاص يابكري خليك من كلمة عوقه
بالجد ماشي وين يعني حكون ماشي وين بالقشرة دي عندي مواعيد
مع ( ..... ) ايووووا ماتقول كده بالمناسبة يا بكري وصلت الحلقة الكم
في المسلسل نظرا الي بي استقراب وذهب دون ان يعيرني اهتمام عندما
يتصرف بهذا التصرف اعرفه بانه قد افلس ولم يفهمني
|
Post: #79
Title: Re: العذابة
Author: نجود حسن عبد الرحمن
Date: 10-25-2005, 06:04 AM
Parent: #78
Quote: رد علي هاالعوقه ده عليك الله ده لبس محاضرة قلت ليه
اول حاجه خليك من البس عوقه يعني شنو ،،،، لا خلاص يا سمؤل
الاسكيمو ياخي انا جادي معاك يابكري عوقه يعني شنو
والله يا سمؤل لو مابتعرف معني عوقه تكون بالجد عوقه
وفسر الماء بالماء ..... خلاص يابكري خليك من كلمة عوقه |
بالجد انا زاتى عاوزة اعرفه
يعنى شنو عوقة بسمعه كتير من ناس فرقه الاصدقاء المسرحية بقولة الود العريبى الاسمو الفادنى بضحك فيها لانو بقولة بطريقه حلوة بس بالجد ماعارفة معناها
|
Post: #80
Title: Re: العذابة
Author: Sabri Elshareef
Date: 10-25-2005, 06:29 AM
Parent: #1
نجود / سلام لك ولناس مدني الحلوين /ات
مغص مغص يا العزابه
تموتو مغص يا العزابة
لماذا المغص والموت ودي غنية صادقة وهل الاولاد داخل البيت
يشكلوا امتداد لحيطان جيرانهم العزابه
والشكل الجديد الان لعزابيات الالفية التالتة ما هو رايك
ايضا عزابة وعزابيات المهجر
عارفة اسوا عزابة وين في السعودية يتغزلون في اصابع
البنات خلف الجوارب والنقاب وحصل ليهم ذهللة عدم شوف بنات
ويقولون هذه اناملها اطول من رفيقتها وبالتالي هي احلي
مكانان لهم لرؤية المراة التلفاز وحجه او عمره اه قلبي
معاهم الله يخضر ضرعاتهم
تسلمي علي بوستاتك جميلة وصورتك ايضا جميلة لك متسع من الاحلام
|
Post: #81
Title: Re: العذابة
Author: ايوب عبدالرحيم
Date: 10-25-2005, 06:40 AM
Parent: #1
Quote:
بالجد انا زاتى عاوزة اعرفه
|
وانا معاكي برضو يا نجود عاوز اعرف معنى ( عوقة ) بس هي باين عليها
ما كلمة مدح يعني العكس
في الانتظار
|
Post: #82
Title: Re: العذابة
Author: نجود حسن عبد الرحمن
Date: 10-25-2005, 06:45 AM
Parent: #81
Quote: وانا معاكي برضو يا نجود عاوز اعرف معنى ( عوقة ) بس هي باين عليها
ما كلمة مدح يعني العكس
|
اهو الحمد لله بقينا اتنين خفت يضحكو على ناس المنبر مادام بقولة الفادنى معناها كلمة مشهورة وكيف اكون ماعارفاها لكن مادام طلعو فى ناس برضو ماعارفنها فيااااااااريت تورونا معناها
شنو ياشباب افتح لى بوست اسميهو العوقة ولا شنو حتن تردو
ماتخلونى اتهور وافتح بوست
|
Post: #83
Title: Re: العذابة
Author: Sabri Elshareef
Date: 10-25-2005, 07:54 AM
Parent: #1
up
|
Post: #85
Title: Re: العذابة
Author: samwal ebrahiem
Date: 10-26-2005, 04:08 AM
Parent: #1
Quote: بالجد انا زاتى عاوزة اعرفه
يعنى شنو عوقة
|
الاخت نجود والاخ ايوب سوف اورد لكم معني كلمة عوقة لغويا
بعد ان رفض صديقي العزيز بابكر بان يفسر لي كلمة عوقة وخاصة
بانه قامة بستفزازي عندما قال لي ( خلاص يا سمؤل الاسكيمو ) بنفس اصراركم
اختي نجود واخي ايوب عزمت ان اعرف معني كلمة عوقة وقمت بالبحث عنها في
القواميس العربية بعد تجريدها من الاحرف الزائدة وارجاعها الي اصل الكلمة وهي
( عوق ) : من عاق عوقا وعوق واعاق ، اعاقة واعتاق اعتياقا : يقال أعوق
بي الزاد او الدابة إعواقا اي عجزت عن السفر * تعوق : تثبط وتأخر
العائق جمع عوائق : وعوق كل ماعاقك وشغلك * عوائق الدهر شواغله
العائقة مؤنث العائق / مايعيق عن العمل
العوق بضم العين وفتح الواو تعني الجبان : رجل عوقة وعيق : يعوق
الناس عن الخير
العوقة والعوق والعيق من العائق وهي بمعني (الجبان)
الرجل العوق بفتح العين وسكون الواو او الرجل العوق بضم العين وسكون الواو
تعني الرجل الذي لاخير عنده
وبعد هذا الشرح المفصل نجد ان كلمة عوقة تعني الجبان الذي يعوق الناس عن الخير
|
Post: #86
Title: Re: العذابة
Author: نجود حسن عبد الرحمن
Date: 10-26-2005, 04:45 AM
Parent: #85
مشكوووووووووور ياسمؤال على التوضيح
|
|