Post: #1
Title: شنو يا ناس الامارات الفطور السنة دي وينو
Author: abas
Date: 10-15-2005, 11:27 PM
Parent: #0
علي غير العاده
لم تتم الدعوه لافطار جماعي لبورداب الامارات
لم نلتقي لينا مده طويله جدا جدا
لا نفكر في التلاقي
رجاءا ححدو مواعيد الافطار سريع
|
Post: #2
Title: Re: شنو يا ناس الامارات الفطور السنة دي وينو
Author: abas
Date: 10-16-2005, 10:54 AM
Parent: #1
فوق
يعني شنو زايغين ولا شنو كده
يلا شدو حيلكم معانا
|
Post: #3
Title: Re: شنو يا ناس الامارات الفطور السنة دي وينو
Author: على اسماعيل
Date: 10-16-2005, 01:26 PM
Parent: #2
صديقى العزيز / عبس المعتز .......
التحايا النواضر
كلامك فى محلو وما زايغين ولا حاجة ولكن فى بدايات رمضان المشغوليات وكده .... ولكن من الان ادعو جميع البورداب ويا ريت لو تم التنسيق مع الاستاذ / محمد سيداحمد وشلبى و وود المسيد ومهدى والكتيابى للامارات الشمالية ... و د. زولة وخال فاطمة وسوركتى وزيكو وهوزى حمزة سليمان لامارة ابوظبى ....... وانت ود.لنى مهدى للعين زولين بس لانها صغيرة ... ومن الان ساقوم بالاتصال ايضا على كل البورداب البعرف هواتفهم للتنسيق وفقط طالبين الحضور بدون اشتراكات فقط طلتكم البهية والمرة دى بالله خلو علينا ....
خالص الود والتقدير
على اسماعيل http://kordofanonline.com/
|
Post: #4
Title: Re: شنو يا ناس الامارات الفطور السنة دي وينو
Author: Yahia Abd El Kareem
Date: 10-16-2005, 01:47 PM
Parent: #3
العوافى..ابواسماعيل...عافى منك دايما قدامى...وياها المحرية فيك كردفانى
اصيل وكريم...مقبولة منك الدعوة ..بس خليناننادى باقى البورداب...من الله...
حمزة سليمان...زولة...هوزى...الواثق....المسافر..ووووووو....
وسوف تكون فرصة طيبة لنتعرف على اخر المستجدات فى موضوع المطالبة بالغاء
الضرائب والزكاة وحقوق المغتربين الاخرى " المهدرة"....
ورمضان ضيف خفيف ولطيف يستاذن للمغادرة قبل ان يتمهل فى الجلوس...يلا
نلحق انشاء الله الاسبوع الاخير....
الشكر اجزله للاخ عبس " صاحب المبادأة "
|
Post: #5
Title: Re: شنو يا ناس الامارات الفطور السنة دي وينو
Author: Ahmed Omer
Date: 10-16-2005, 11:02 PM
Parent: #4
ده الكلام الصح...
وانا بي جاي معاكم يا بورداب ابوظبي
انتو بس شدوالهمه..
موبايلي 3370306
|
Post: #8
Title: Re: شنو يا ناس الامارات الفطور السنة دي وينو
Author: abas
Date: 10-16-2005, 11:18 PM
Parent: #5
تشرف يا احمد عمر
ويا حبيب نشوفك لازم
|
Post: #7
Title: Re: شنو يا ناس الامارات الفطور السنة دي وينو
Author: abas
Date: 10-16-2005, 11:15 PM
Parent: #4
الحبيب يحي عبد الكريم
لهذا نطالب بالاجتماع دائما
تشكر يا حبيب وشدو الهمه
|
Post: #6
Title: Re: شنو يا ناس الامارات الفطور السنة دي وينو
Author: abas
Date: 10-16-2005, 11:13 PM
Parent: #1
كلامك فى محلو وما زايغين ولا حاجة ولكن فى بدايات رمضان المشغوليات وكده
الحبيب علي اسماعيل
والله الزوغه بقت زوغتين كمان
المهم شكرا ليك يا جميل
ودي عادتك وربنا يقدر عليها دايما انشاء الله
|
Post: #9
Title: Re: شنو يا ناس الامارات الفطور السنة دي وينو
Author: abas
Date: 10-17-2005, 02:33 AM
Parent: #1
فووووووووووووووق
|
Post: #10
Title: Re: شنو يا ناس الامارات الفطور السنة دي وينو
Author: Yahia Abd El Kareem
Date: 10-17-2005, 01:08 PM
Parent: #9
الاخ عباس...
الريس على اسماعيل...
أوع يطلع كلام عباس صاح ويكون الجماعة دايرين يزوغو بالصح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياناس ابوظبى عهدناهم كراما تحبون المكارم ...اذا كان الدعوة ما عاجباكم سوف
نعمل فطور جماعى على قدر المشاركين فى هذا البوست ...وقاتل الله البخل....
|
Post: #11
Title: Re: شنو يا ناس الامارات الفطور السنة دي وينو
Author: على اسماعيل
Date: 10-17-2005, 02:30 PM
Parent: #10
Quote: وسوف تكون فرصة طيبة لنتعرف على اخر المستجدات فى موضوع المطالبة بالغاء
الضرائب والزكاة وحقوق المغتربين الاخرى " المهدرة"....
ورمضان ضيف خفيف ولطيف يستاذن للمغادرة قبل ان يتمهل فى الجلوس...يلا
نلحق انشاء الله الاسبوع الاخير....
الشكر اجزله للاخ عبس " صاحب المبادأة " |
شدو الهمة عباس وسعادة المستشار / يحيى ونحن فى الانتظار والاستعداد وفى اى مكان تريدون - خلونا نشوفكم مشتاقين كثير لكل البورداب
|
Post: #12
Title: Re: شنو يا ناس الامارات الفطور السنة دي وينو
Author: Hozy
Date: 10-17-2005, 03:19 PM
Parent: #1
والله فكرة حلوة
وانتم عارفين دايمامعاكم احنا
يلا يا عباس والباقين حددو
|
Post: #13
Title: Re: شنو يا ناس الامارات الفطور السنة دي وينو
Author: sari_alail
Date: 10-18-2005, 01:47 AM
Parent: #1
abas
أنتو قولو عووووووك ونحنا جاهزين وبالمناسبة مودك بي جاي الايام دي
وناس العين جاهزين
shmmasi
sari_alail
عباس محمود
Modic
|
Post: #14
Title: Re: شنو يا ناس الامارات الفطور السنة دي وينو
Author: abas
Date: 10-18-2005, 03:27 AM
Parent: #1
اها ماشاء الله
الكميه الحمد لله
خلاص وين المكان اتفقوا عليه عشان نشوف التراتيب ومتي الزمان
نحنا غايتو 5 من العين
والباقين يحسبو نفسهم
|
Post: #15
Title: Re: شنو يا ناس الامارات الفطور السنة دي وينو
Author: ALGARADABI
Date: 10-18-2005, 10:22 AM
Parent: #1
B]الأخ عباس - الهلالابى على السكين-
كل سنة و انتا و الجميع بالصحة و السلامة...
أكتبنا مع الحاضرين حتى نتشرف بمعرفة الأخوة الما تشرفنا بمقابلتهم ..
و للجميع الود و التحايا...
تلفونى /0505899500
|
Post: #16
Title: Re: شنو يا ناس الامارات الفطور السنة دي وينو
Author: abas
Date: 10-18-2005, 11:24 PM
Parent: #1
القرضابي الحبيب
مسجل ما تخاف انت اول اسم
بس وين الحلوين الباقين
وحددو لينا المكان سريع عشان يكون الاسبوع القادم ده
|
Post: #17
Title: Re: شنو يا ناس الامارات الفطور السنة دي وينو
Author: عمر عبد الخالق سعيد
Date: 10-19-2005, 00:01 AM
Parent: #1
تحياتي للجميع
انا غايتو عازم نفسي ...
لكن رمضان قرب يخلص
!!!
... ولا كيف يا شباب.......
|
Post: #18
Title: Re: شنو يا ناس الامارات الفطور السنة دي وينو
Author: Shalabi
Date: 10-19-2005, 04:47 AM
Parent: #1
الحبيب عباس ،،
تحية سايبرية ياغالي ،،
كبيرنا أبو و سـن ،،
دمتم كماالعهد بكم دوما رائعين ،
حقيقة هذه المره لم ألحظ البوست و لم استدرك سرعة إنقضاء ايام هذا الشهر حتى بلغ منتصفه ، يمكن الكسل حاصل و الكبر دخل و مشاغل الدنيا كترت ...
أين الرفاق في الامارات الشمالية :
أستاذنا أبو ساره
جمل الشيل أبو أبرار - الجريفاوي
الحبيب الزنجي
الصحفي الرائع كارا
الغالي عبد الله بابكر
أديبنا خالد عويس
أديبنا عجب الفيا
شاعرنا الكبير عبد القادر الكتيابي
ِشيخنا المهندس أبى
المهندس عاطف عمر
أستاذنا صلاح أبوحجل
الدكتوره جوليا
الغائب الحاضر إنسانة
المبدع عمر عزيز
سنفتقد هذه المره الغالية الرائعة بت الأحفاد2001 بعد أن تحققت أمانيها أخيرا بقضاء العيد في أرض الوطن بعد (كمية) سنين من الجرسة .. و عقبال الأمنية (الكبيره) إنشاء الله ...
،، تحية و شوق كتير ...
أقترح إقامة الإفطار يوم 27/10 بمدينة الشارقة خروجا عن العرف القديم في الإفطار بمدينة دبي و هي مناسبة للإحتفاء بمولود الحبيب الزنجي ..
|
Post: #19
Title: Re: شنو يا ناس الامارات الفطور السنة دي وينو
Author: abas
Date: 10-19-2005, 06:51 AM
Parent: #1
الحبيب شلبي
انت خلاص شوف المطعم واتفق معاه علي يوم الاربعاء او الخميس الجايات
اتصل يا مان
|
Post: #20
Title: Re: شنو يا ناس الامارات الفطور السنة دي وينو
Author: Yahia Abd El Kareem
Date: 10-20-2005, 02:47 PM
Parent: #19
الاخ عباس ....
اوافق على اقتراح الاخ شلبى وانا من ابوظبى جاهز واناشد بقية بورداب ابوظبى التنسيق
على الجوال 8130850
|
Post: #21
Title: Re: شنو يا ناس الامارات الفطور السنة دي وينو
Author: منصوري
Date: 10-20-2005, 03:01 PM
Parent: #1
تعرف بورداب الأمارات ديل تغيانين وبوردابيات الأمارات أتغى منهم.. وكل واحد منهم أمير يسبح في فلكه وملكه وما عايز زيادة أو نقصان.. ومترفييين ومترعيين يتررعوا يحمدوا سيدن... تعرف يا صديقنا على اسماعيل.الموضوع كان ماجاهو..محمد سيد احمد او زولة ما بيشد حيلو.. والبركة فيك يا على اسماعيل.. كل واحد فيهم يقول ليك ( بس قولوا عووك ونحن معاكم) وخاصة ساري الليل. طيب إنتا ما تقول عووك ايش معني الناس التانيين يقولوا عووك ..مرافعين نحنا... اسمعوا.دايرين فطور لى بورداب أبوظبي. حتى لو فطور فرعى.. بعدين ماقل ودل بس مافي داعى للتكلفة.. يعني سندوتشات عصيدة..و(أقاشى من مطعم ابوظريفة)..تعالوا نحجز مطعم أبوظريفة في اليوم داك على حسنا.. أيه رايكم..
|
Post: #22
Title: Re: شنو يا ناس الامارات الفطور السنة دي وينو
Author: عثمان حسن الزبير
Date: 10-20-2005, 03:34 PM
Parent: #21
الناسس الحلوين
كلكم سلام ورمضان كريم
نحن معاكم واها يا شلبي التلفون معاك بس قولوا عوك في أي مكان بنصلكم إنشاء الله..
|
Post: #24
Title: Re: شنو يا ناس الامارات الفطور السنة دي وينو
Author: على اسماعيل
Date: 10-21-2005, 04:19 AM
Parent: #22
اعزائى بورداب الامارات جميعكم ....
رمضان كريم ....
| Quote: أقترح إقامة الإفطار يوم 27/10 بمدينة الشارقة خروجا عن العرف القديم في الإفطار بمدينة دبي و هي مناسبة للإحتفاء بمولود الحبيب الزنجي .. |
اصادق على ما اقترحة الشاب الظريف الخدوم / شلبى العريس ... وكمان ما نجهل اقتراحات البقية .. ولكن نحن لدينا مناسبات عدة ارجأناها لظروف سفر البورداب للاجازة والتى انتهت اواخر شهر تسعة يعنى مع مشارف رمضان ... ليه ما نجمع كل المناسابات دى ونعملها (حجة وتجرة) يعنى نجمع الاتى :
مناسبة عرس الموسم شلبى الغالى.
مناسبة قدوم المولود للزنجى .
والاديب خالد عويس ..
وعموما خلونا نجتمع يوم الاثنين على البورد لاختيار المكان المناسب لاتمام باقى الترتيبات .... وانا يا منصورى قلت ومن قولة تيت ان الافطار ده على حسابى وانا عندى اسبابى يا منصورى وبقية البورداب زحوا بعيد من الافطار ده .... والمناسبات جايات ولا شنو يا شلبى ؟
خالص الود
|
Post: #23
Title: Re: شنو يا ناس الامارات الفطور السنة دي وينو
Author: abas
Date: 10-21-2005, 04:10 AM
Parent: #21
الحبيب منصوري
كل سنة وانت طيب
تعرف نحنا غايتو لو قلتو في الرويس بنجي ما عندنا مشكله
يلا شوف مطعم ابوظريفه واتفق معاه
|
Post: #25
Title: Re: شنو يا ناس الامارات الفطور السنة دي وينو
Author: Yahia Abd El Kareem
Date: 10-21-2005, 01:55 PM
Parent: #23
الاخوة البورداب....
أنا موافق على اقتراح الافطار الفرعى لبورداب البوظبى وفى مطعم ابوظريفة وقد فوضنا
الاخ منصورى لحجز المطعم بعد حصر عدد الجادين....
واقترح ان يكون يوم الاثنين القادم لان نهاية الاسبوع القادم ستكون زحمة التجهيز
للعيد...
يلا اخ منصورى شد الهمة ونحن وراك وقدامك...
|
Post: #26
Title: Re: شنو يا ناس الامارات الفطور السنة دي وينو
Author: Shalabi
Date: 10-21-2005, 03:46 PM
Parent: #1
الأعزاء الرائعين ،،،
تحية و ود،،
أستاذنا الغالي منصوري ،،
| Quote: تعرف بورداب الأمارات ديل تغيانين وبوردابيات الأمارات أتغى منهم.. وكل واحد منهم أمير يسبح في فلكه وملكه وما عايز زيادة أو نقصان.. ومترفييين ومترعيين يتررعوا يحمدوا سيدن |
أريتو ده حالنا .... و الله كلماتك عسل ينقط ..لكن التمرد شنو ؟؟ طبعا القضية ما أبوظبي و لا دبي و إنما كان المقترح لعدة عوامل منها أن العدد الأكبر للبورداب يتمثل في المقيمين في الامارات الشمالية .. كما أن الأخ الزنجي مقيم بالشارقة و هو أخ عزيز و عضو نشط في كافة برامج البوردب و مشاركتنا له تقتضى الإحتفاء به في مكان قريب لان ظروفه و تواجده الدائم بجانب المدام لايمكنه من التنقل لابوظبي .. و بعدين (آخر تجمع للبورداب كان بمدينة ابوظبي إحتفاء بالموصلي ... أها رأيك شنو ؟؟؟ ولا لسه شايفنا (تغيانين) ....
أخي الأكبر علي أسماعيل ... تحية وشوق ... سأتصل بك لاحقا للتنسيق ...
الغالي عباس ... لك ماتريد و سأوفيك غدا بتفاصيل الحجوزات في مدينة الشارقة ..
الرائع القرضابي ... (بركة السمعنا صوتك ) و إنشاء الله أيامنا كلها رمضان ...
أستاذنا أبوساره ،،،
أين الهمة و النشاط ؟؟ ولا (لمة الرطانة) أنستك مجتمع البورداب ؟؟؟؟
سأعود بالجديد إنشاء الله ...
|
Post: #27
Title: Re: شنو يا ناس الامارات الفطور السنة دي وينو
Author: Shalabi
Date: 10-22-2005, 02:56 AM
Parent: #1
الأعـزاء الغاليين ،،
أرجو تأكيد المشاركة حتى نتمكن من حصر المشاركين بغرض الإتفاق مع إحدى الصالات بالشارقة و هو مايتطلب تحديد العدد ....
أرجو التأكيد....
|
Post: #28
Title: Re: شنو يا ناس الامارات الفطور السنة دي وينو
Author: abas
Date: 10-22-2005, 03:07 AM
Parent: #1
واحد
اتنين
تلاته
اربعه
خمسه
ديل بورداب العين الجايين
|
Post: #29
Title: Re: شنو يا ناس الامارات الفطور السنة دي وينو
Author: Yahia Abd El Kareem
Date: 10-22-2005, 01:53 PM
Parent: #28
الاخوة الكرام بورداب الامارات ...
بالله رسونا على بر...هل الفطور فى الشارقة ام فى ابوظبى.....
المهم اين ما كان نحنا معاكم...
|
Post: #30
Title: Re: شنو يا ناس الامارات الفطور السنة دي وينو
Author: عثمان حسن الزبير
Date: 10-22-2005, 02:24 PM
Parent: #29
اها يا شلبي العريس
أنا أأكد حضوري إنشاء الله بس حددوا لينا الزمان والمكان ..
5994946
|
Post: #31
Title: Re: شنو يا ناس الامارات الفطور السنة دي وينو
Author: abas
Date: 10-23-2005, 01:24 AM
Parent: #1
لي فوق
عشان نتلم انشاء الله
|
Post: #32
Title: Re: شنو يا ناس الامارات الفطور السنة دي وينو
Author: الزنجي
Date: 10-23-2005, 01:27 AM
Parent: #1
فى اننتظار تحديد موعد ومكان الافطار
|
Post: #33
Title: رد
Author: mohmmed said ahmed
Date: 10-23-2005, 01:51 AM
Parent: #1
الاعزاء
بورداب الامارات الطال غيابكم سنة وزيادة
وفي هذا الشهر الفضيل يحلو اللقاء وزي ما قال شلبي في مناسبات اجتماعية كثيرة تستحق الاحتفال
شلبي تزوج والاحتفال بيهو عند حضور المدام
عجب الفيا عقد قرانه ايضا احتفال مؤجل لحين وصول حسناء الابيض
علي اسماعيل
خالد عويس
الزنجي استقبلوا مواليدهم زهور جميلة
كل هذه المناسبات تجعل الفرحه مش فرحتين علي قولة المصريين دى فرحات متعددة ومتنوعة
المكان اقتراح نفس القاعة التي احتفلنا فيها با لريس بكرى
الزمان الخميس او الجمعة
ونسمع منكمالجايين منو
|
Post: #34
Title: Re: رد
Author: على اسماعيل
Date: 10-23-2005, 02:09 AM
Parent: #33
| Quote: نفس القاعة التي احتفلنا فيها با لريس بكرى |
نقترح يوم الخميس ليرتاح البورداب يوم الجمعة
|
Post: #35
Title: Re: شنو يا ناس الامارات الفطور السنة دي وينو
Author: abas
Date: 10-23-2005, 03:43 AM
Parent: #1
انا شخصيا موافق علي يوم الخميس
ولي قدام
|
Post: #36
Title: Re: شنو يا ناس الامارات الفطور السنة دي وينو
Author: Shalabi
Date: 10-23-2005, 04:06 AM
Parent: #1
الأعـزاء الغاليين تحياتي ،،،
المكان :
الشارقـة - صالة قصر آسيا ( ذات القاعة التى أقيم فيها حفل الريس بكري قبل سنة) بمركز المبارك التجاري ط 1 - جوار فندق الشارقة روتانا ( طريق الشارقة - عجمان)
الزمـان:
الخميس 27/10/2005 ...
للتنسيق :
عباس
محمد سيداحمد
سمؤل شلبي .....
|
Post: #37
Title: Re: شنو يا ناس الامارات الفطور السنة دي وينو
Author: abas
Date: 10-23-2005, 12:24 PM
Parent: #1
يلا يا شباب خلاص القاعه تم حجزها والموعد يوم الخميس القادم
وده تلفوني للتنسيق لي ناس العين
050/7933493
|
Post: #38
Title: تمام
Author: mohmmed said ahmed
Date: 10-24-2005, 03:18 AM
Parent: #1
تمام اتفقنا الخميس
رجاء تقديم مقترحات لبرنامج بعد الافطار
|
Post: #39
Title: Re: شنو يا ناس الامارات الفطور السنة دي وينو
Author: Shalabi
Date: 10-24-2005, 04:18 AM
Parent: #1
... فــــــــــــــوق ...
|
Post: #40
Title: Re: شنو يا ناس الامارات الفطور السنة دي وينو
Author: Yahia Abd El Kareem
Date: 10-24-2005, 12:09 PM
Parent: #39
لى فوق.....موافقين على الخميس الجاى...
يا بورداب ابوظبى....من يريد مرافقتى الدابة جاهزة وتلفونى الجوال 8130850
|
|