Post: #1
Title: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-13-2005, 06:16 AM
الدلاقين: ... ومفردها (دُلقان) ..
و الدلقان .. وهو (قطعة القماش البالية).
وأيضاً هو أحدي مكونات وقود مدفعنا الرمضاني المعروف
(مدفع الدلاقين).
سأحاول إزالة الغبار عن ذاكرة الصبا علّ الصواب يحالفني
للوصول للصحيح من المعلومة.. فإن لم، فـ يا هلا بالتصحيح.
كان يستخدم المدفع ذو الصوت العالي للتنبيه بدخول موعد
الإفطار وإذاناً ببداية الصوم لليوم الجديد (الإمساك) والذي
استعضنا عنه اليوم بالآذان ، "وفي اعتقادي اندثرت ظاهرة
المدفع بانتشار الكهرباء (نسبياً) في المدن وأطرافها".
مدفع أمدرمان كان موقعه في ميدان المدرسة الأهلية المتوسطة
جنوب منزل السيد الأزهري، وقد غابت عنا هذه الظاهرة في النصف
الثاني من السبعينيات ، حيث لم أسمع دوي مدفع رمضان منذ ذاك
التاريخ إلا من خلال (شقاوة الأطفال) تقليداً للمدفع الرمضاني
بالمدافع المصنعة من (أجراس وسلوك عجل الدراجات) هي بدورها
اختفت في ثمانينيات القرن الماضي - حيث يوجد جيل كامل لم
يسمع بمدفع رمضان.
يبدو أن استخدام المدفع الرمضاني جاءنا من الشمال أبان الحكم
التركي المصري أو الاستعمار الثنائي لان المدفع أيضاً هو تقليد
مصري ويلاحظ وجوده بكثرة في (الكراكتيرات) الرمضانية المصرية
في الماضي.
يلا يا ناس زمان أفيدونا.....
إسماعيل حميم
|
Post: #2
Title: Re: مدفع رمضان ... أو ما يسمي بـ (مدفع الدلاقين)
Author: Elnasri Amin
Date: 10-13-2005, 09:48 AM
Parent: #1
سلام يا اسماعين يا حميم
| Quote: يلا يا ناس زمان أفيدونا |
طبعا هنا ما قدركم...
ازكر ان المدفع يقذف "دلاقينه" شرقا باتجاه النيل...
كنا نستطف تحت الحائط الشمالى للشارع ...قرب
استديو فوتورنكو..
وعند سماع المدفع ..نبدا بالجرى نحو البيوت..
كنا نسابق الريح ...
كنا نحتاج لاقل من خمسه دقائق للوصول لمناذلنا...
اظنكم ناس بيت المال تحت وابوروف تحتاجو لاكثر من ذلك ..
كنت دائما استغرب ..هل يوجد مدفع واحد فقط يغطى كل امدرمان!!
السؤال متى توقف المدافع !!
اعتقد ..منتصف السبعينات .. والله اعلم..
السؤال التانى ..
هل تعرف ..اين هو الان ؟؟ فى اى متحف؟؟؟
لكل كل الود ياصديقى
|
Post: #5
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-16-2005, 01:44 AM
Parent: #2
| Quote: طبعا هنا ما قدركم... |
يا عم النصري
أنا كنت من صغار الدفعة
وإنت من عجائز الدفعة عشان كده كلامك الفوق
دا صحيح 100%   
Quote: كنت دائما استغرب ..هل يوجد مدفع واحد فقط يغطى
كل امدرمان!! |
وعلي حد علمي توجد 3 مدافع في العاصمة المثلثة ثم واحد في
كل من المدن الكبري وهو تحت مسؤلية وإدارة البوليس (الشرطة)
Quote: السؤال متى توقف المدافع !!
اعتقد ..منتصف السبعينات .. والله اعلم..
السؤال التانى ..
هل تعرف ..اين هو الان ؟؟ فى اى متحف؟؟؟ |
في السؤال الاول اتفق معك - في النصف الثاني من السبعينيات
لكن السؤال الثاني صعب شوية ( في خيارات  )
أسعدتني نعنشة الذكريات
إسماعيل حميم
|
Post: #3
Title: Re: مدفع رمضان ... أو ما يسمي بـ (مدفع الدلاقين)
Author: عزيز عيسى
Date: 10-13-2005, 10:48 AM
Parent: #1
الاخ اسماعيل حميم،
رمضان كريم،
مدفع رمضان (الدلاقيني).. شاهدته زمان عندما كنت صغيرا في
مدينة ودمدني.. واعتقد كان بالقرب من مبني رئاسة مديرية النيل الازرق
سابقا أو مبنى الاساس..
وفعلا اختفي وبعد فترة حلت محله نوبة السحور التي يحملها احد
اعضاء الطرق الصوفية (المسحراتي) ويطوف بها داخل الاحياء..
ولا أدري اختفت هي الاخرى أم لا..
الاخ الانصاري امين
Quote:
السؤال متى توقف المدافع !!
اعتقد ..منتصف السبعينات .. والله اعلم..
|
حسب اعتقادي تم ايقاف عمل المدفع في عهد النميري..
نظرا لكثرة الانقلابات في ذلك الزمان..
وخوفا من اعتقاد الناس بأن
هنالك انقلاب في رمضان عند سماع صوت المدفع..
ونترك الموضوع لناس زمان يفيدونا اكثر..
|
Post: #4
Title: Re: مدفع رمضان ... أو ما يسمي بـ (مدفع الدلاقين)
Author: ابو جهينة
Date: 10-13-2005, 05:23 PM
Parent: #3
الحميم إسماعيل
رمضان كريم
أين أنت ؟
موضوع جميل ينعش الذكرى و الذاكرة
Quote: يبدو أن استخدام المدفع الرمضاني جاءنا من الشمال أبان الحكم
التركي المصري أو الاستعمار الثنائي لان المدفع أيضاً هو تقليد
مصري ويلاحظ وجوده بكثرة في (الكراكتيرات) الرمضانية المصرية
في الماضي. |
و لا زال يلعلع في القاهرة و الأسكندرية ..
يقال أن الملك ف}اد الأول جد الملك فاروق الأرناؤطي أدخله مصر نقلا عن أتراك إسطنبول ..ثم إنتقلت إلى السودان كأمر طبيعي للدولة الموحدة تحت العرش التركي.
في عطبرة كانت مهمة مدفع الدلاقين تقع على عاتق البوليس على ما أظن .. و كان في موقعين أو أكثر بحيث كانت كل المدينة تسمعه.
كل سنة و إنت طيب
|
Post: #6
Title: Re: مدفع رمضان ... أو ما يسمي بـ (مدفع الدلاقين)
Author: نزار محمد عثمان
Date: 10-16-2005, 02:10 AM
Parent: #4
العزيز إسماعيل حميم
رمضان كريم
مدفع بحري كان مقره نقطة بوليس بحري الكائنة غرب سوق بحري، وشرق المجلس الريفي، أو المجلس البلدي لاحقا، ولا أدري ما اسمه الأن، كانت هناك مكتبة (جابر)، وجابر لا زال حياً يرزق بحمد الله ومنه، بل وله مكتبه في الصافية. نقطة بوليس بحري (الظبطية)هي حتى الان في مكانها لم تتغير، فقط أضيف غربها قسم المرور الذي يفتح غرباً على شارع المعونة.
لا أدري ما الذي حدث لمدفع رمضان، لماذا توقف، لماذا لم يستمر مثل صافرة النقل الميكانيكي التي تجلجل في سماء بحري حتى اليوم!!
|
Post: #12
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-17-2005, 01:56 AM
Parent: #6
د. نزار
ســلامات
رمضان كريم وتصوم وتفطر علي الف خير
Quote: وشرق المجلس الريفي، أو المجلس البلدي لاحقا
، ولا أدري ما اسمه الأن، |
دي ما بقت المحلية يا دكتور
علي الرغم من انني لست من سكان بحري ، ولكن تربطني علاقة حميمة
بـ حلة حمد ( الوابورات - ميدان البلدية - صفارة النقل الميكانيكي
وموقف تاكسي أمدرمان) وذكريات صبا وشباب.
شكراً للذكريات العطره
خارج البوست
وتحيات للأمورة (يمني)(الصور موجودة)
مودتي
إسماعيل حميم
|
Post: #18
Title: Re: مدفع رمضان ... أو ما يسمي بـ (مدفع الدلاقين)
Author: نزار محمد عثمان
Date: 10-22-2005, 06:45 AM
Parent: #12
العزيز إسماعيل حميم
رأيت ردك يوم الخميس (أمس الأول) وحاولت التعليق، لكن الشبكة لم تسعفني، كما حاولت اليوم أيضاً ولم أنجح.
لم أعجب من حميم علاقتك ببحري، فبحري يشتاق لها، وأنت حميم.
يمان تنتظر الصور على البريد التالي: [email protected]
لك شكري وتقديري
|
Post: #11
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-16-2005, 07:03 AM
Parent: #4
أخي واستاذي الحبيب أبوجهينة
رمضان كريم وتصوم وتفطر علي الف خير
إفتقدتك في قمر 14 ولا زلت أرغب في أن أسمع منك
ولكن يبدو أنك مزحوم بعدد من البوستات شئ من الصيام
والله إنها لجديدة عليّ معلومة وجود المدفع في مصر حتي
الآن وهناك معلومة تأريخية تحكي سبب وجوده ساعود بها
عليكم جميعاً
أنعشني المرور
إسماعيل حميم
|
Post: #8
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-16-2005, 03:11 AM
Parent: #3
يا هـلا ومليون مراحب بيك
يا عزيز العزيز
Quote: اعضاء الطرق الصوفية (المسحراتي) ويطوف بها داخل الاحياء..
ولا أدري اختفت هي الاخرى أم لا.. |
لازالت موجودة بكثافة خاصةً في الأحياء الشعبية
ومن الطرائف - قبل أيام وفي الحي الذي أسكن فيه جاءت
نوبة عند الساعة الحادية عشر مساءً وعندما خرجت وجدتهم
عدد من الاطفال (الظاهر كانوا نعسانين وعاوزين يخلصوا بدري)
Quote: حسب اعتقادي تم ايقاف عمل المدفع في عهد النميري..
نظرا لكثرة الانقلابات في ذلك الزمان..
وخوفا من اعتقاد الناس بأن
هنالك انقلاب في رمضان عند سماع صوت المدفع.. |
والله دا سبب وجيه جداً !!!!
مش قالوا عهد الإنقلابات مضي .. طيب ما نرجع المدفع
إسماعيل حميم
|
Post: #7
Title: Re: مدفع رمضان ... أو ما يسمي بـ (مدفع الدلاقين)
Author: Adil Osman
Date: 10-16-2005, 02:36 AM
Parent: #1
ايها الاخوة
|
Post: #10
Title: Re: مدفع رمضان ... أو ما يسمي بـ (مدفع الدلاقين)
Author: معتز تروتسكى
Date: 10-16-2005, 04:22 AM
Parent: #7
خالص التحايا
استاذنا حميم
والشوق لك يتقاطر استاذنا
نعلك بخير وعافيه..
ورمضان كريم
تحياتى اليك والى الاسره
ارسلنا لكم تحياتنا ارجو ان تكون وصلت
وفى انتظاركم..لموضوع فاتحتنى فيهو كنت اريد ان نواصله ..
وتحياتى عبرك الى من هنا وكذلك الاستاذ والدكتور(نزار محمد عثمان)..
قيل بعافية هو فقط سلام وشوق
لانه ليس لى باع فى الموضع فقط نجلس نتعلم منكم..
او ربما لاننا لسه صُغار(لووووول)..
|
Post: #14
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-19-2005, 05:17 AM
Parent: #10
Quote:
قيل بعافية هو فقط سلام وشوق
لانه ليس لى باع فى الموضع فقط نجلس نتعلم منكم..
او ربما لاننا لسه صُغار(لووووول).. |
الإبن الحبيب تروتسكي
حمداً لله علي السلامة
صغار دي بحساب ياتو جامعة
Quote: تحياتى اليك والى الاسره
ارسلنا لكم تحياتنا ارجو ان تكون وصلت
وفى انتظاركم..لموضوع فاتحتنى فيهو كنت اريد ان نواصله .. |
تسلم يا رائع
وكمان خليك قريب أنا حاولت أقابلك في مسنجر الـ Hotmail
يمكن تحديد موعد لقاء بي رساله في المسنجر - أنا في الإنتظار
Quote: وتحياتى عبرك الى من هنا وكذلك الاستاذ والدكتور(نزار محمد عثمان)..
قيل بعافية هو فقط سلام وشوق |
توصل بإذنه تعالي
في رعاية الله وحفظه
وإلي لقاء لبحث الموضوع
أصدق دعواتي للأحبة
إسماعيل حميم
|
Post: #19
Title: Re: مدفع رمضان ... أو ما يسمي بـ (مدفع الدلاقين)
Author: نزار محمد عثمان
Date: 10-22-2005, 06:53 AM
Parent: #10
العزيز معتز تروتسكي
أعطر التحية لك، وأندى الترحيب بك
لك هذه الصورة من ذكريات ذلك اليوم الجميل
واسلم.
|
Post: #13
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-17-2005, 05:30 AM
Parent: #7
عادل عثمـان
الله أكرم وتصوم وتفطر علي خير و بالمدفع كمان
جايب مدافعك الحلوة دي ...
هسع عليك الله ديل مدافع دلاقين!!!!!
تشكراتنا علي اللوحة الفنانة المعبرة جداً
مودتي خالص الدعوات
إسماعيل حميم
|
Post: #9
Title: Re: مدفع رمضان ... أو ما يسمي بـ (مدفع الدلاقين)
Author: محمد السر
Date: 10-16-2005, 04:20 AM
Parent: #1
أما مدفع الخرطوم فكان يوجد بالقرب من قسم شرطة الخرطوم جنوب (ما عرف لاحقاً بالقسم الأوسط) والكائن شرق ميدان عبد المنعم (المولد) وكنا نتسابق بعد انطلاقة للفوز بالبارودة وبعد ذلك نتسابق صوب منازلنا في قلق من التوبيخ الذي ينتظرنا لحضورنا بعد المدفع.
يا حميم النصري دا أعمل حسابك منو.. هسة حايبكي.. عندو التهاب حاد في النوستالجيا..
النصري.. متذكر كتَّال الكلاب؟.
كل سنة وانتو طيبين
|
Post: #15
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-20-2005, 02:15 AM
Parent: #9
Quote: يا حميم النصري دا أعمل حسابك منو.. هسة حايبكي..
عندو التهاب حاد في النوستالجيا..
النصري.. متذكر كتَّال الكلاب؟.
كل سنة وانتو طيبين |
محمد السر
ســلامات .. تصوم وتفطر علي الف خير
عم النصري دا زولاً حنين ومشبع بي حنان أمدرمان
بس عليك الله يا محمد السر 14 سنه بعيد عن أهلك وبلدك
وناسك أكان عملت ليها إلتهاب وبس مش كتر خيرها!!!
دي تخليك قتال كلاب عديييييييييل
والله أنا قايلك من ناس أمدرمان ...
مدفع القسم الجنوبي الجابك ليهو شنو يا زول؟؟
أكون وهمان!!!!
كل سنة وإنت والكل بخير وعافية
اللهم تقبل .. صادق الدعوات
إسماعيل حميم
|
Post: #16
Title: Re: مدفع رمضان ... أو ما يسمي بـ (مدفع الدلاقين)
Author: محمد السر
Date: 10-21-2005, 02:06 AM
Parent: #15
Quote: والله أنا قايلك من ناس أمدرمان ...
مدفع القسم الجنوبي الجابك ليهو شنو يا زول؟؟ |
يا حميم ما نحن الخبرا الأجانب البستعينو بينا ناس مدفع الخرطوم
|
Post: #17
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-22-2005, 06:05 AM
Parent: #16
Quote: Quote: والله أنا قايلك من ناس أمدرمان ...
مدفع القسم الجنوبي الجابك ليهو شنو يا زول؟؟
يا حميم ما نحن الخبرا الأجانب البستعينو بينا ناس مدفع الخرطوم |
يعني أنا ما وهمان ....
يا أخي التحته خط بيجيب الهوا
هسه يقولوا ليك أنتو يا ناس أمدرمان
عاملين فيها (وعلي قول عادل فايت)
وشنو كدا ما عارف
لكن زي ما أقول ليك كدا ناس امدر ديل
ما بيغبوني أصلاً
تسلم يا حبيب
إسماعيل حميم
|
Post: #20
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-24-2005, 02:21 AM
Parent: #17
Quote: العزيز معتز تروتسكي
أعطر التحية لك، وأندى الترحيب بك
لك هذه الصورة من ذكريات ذلك اليوم الجميل |
وهذا إهداء آخر مني لك يا د. نزار
صور في ذات اليوم ( الرحلة النيلية)
الامورة يمني نزار
مع خالص مودتي
إسماعيل حميم
|
Post: #24
Title: Re: مدفع رمضان ... أو ما يسمي بـ (مدفع الدلاقين)
Author: نزار محمد عثمان
Date: 10-26-2005, 02:47 AM
Parent: #20
العزيز إسماعيل
لك أجزل الشكر على الهدية
وسلمت ياحميم
|
Post: #25
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 11-07-2005, 07:35 AM
Parent: #24
Quote: العزيز إسماعيل
لك أجزل الشكر على الهدية
وسلمت ياحميم |
دكتورنا العزيز نزار
كل سنة وإنت طيب والجميع
هناك واحدة آخري ساقوم بإرادها في بوست خاص
بصور من الأرشيف سودانيز/ الخرطوم بإذنه تعالي
يظهر فيها معك خالد عويس في لحظة معرفة صلة القرابة
لها يوم
مودتي أصدقها
إسماعيل حميم
|
Post: #21
Title: Re: مدفع رمضان ... أو ما يسمي بـ (مدفع الدلاقين)
Author: ايوب عبدالرحيم
Date: 10-24-2005, 03:08 AM
Parent: #1
العزيز اسماعيل حميم
والله بصراحة انا ماعندي اي فكرة عن مدفع الدلاقين
لانو بصراحة ماعشت في السودان كثير
بس عموما لقيت اسمك ومريت اسلم عليك واذكرك ايام المطارحة الشعرية
لانه بعدها اختفين عننا
تحياتي لك ولاسرتك الكريمة
ايوب
|
Post: #22
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-25-2005, 06:43 AM
Parent: #21
Quote: العزيز اسماعيل حميم
والله بصراحة انا ماعندي اي فكرة عن مدفع الدلاقين
لانو بصراحة ماعشت في السودان كثير |
ســلامات يا عم أيوب
طبعاً نحنا العايشين في السودان من بدررررري ديل
( كبار عديييل من زمن مدفع الدلاقين )
بس الحمد لله الغرض من البوست وصل ولو لي فرد واحد
Quote: بس عموما لقيت اسمك ومريت اسلم عليك واذكرك ايام
المطارحة الشعرية لانه بعدها اختفين عننا
تحياتي لك ولاسرتك الكريمة
ايوب |
أضفي عليّ مرورك البهجة والسعادة ... سلمت أخي الحبيب
لك العتبى حتى الرضا علي الغياب و لك الوعد بالعودة إذا مازال في
البوست بقية ودمت أخٍ كريم ودود للجميع
خالص وأصدق الدعوات
إسماعيل حميم
|
Post: #23
Title: Re: مدفع رمضان ... أو ما يسمي بـ (مدفع الدلاقين)
Author: إسماعيل حميم
Date: 10-26-2005, 02:29 AM
Parent: #22
Quote: والله إنها لجديدة عليّ معلومة وجود المدفع في مصر حتي
الآن وهناك معلومة تأريخية تحكي سبب وجوده ساعود بها
عليكم جميعاً |
ما داخل الكوت أدناه هو الوعد في الكوت اعلاه (استميحك عزراً أخي
حمدي في نقل مداخلتك لي في ذات الموضوع بموقع سودانيات)
ورأيت نقل المداخلة نسبة لما حوته من معلومة إن لم تفيد الحقيقة
بعينها فإنها والله من الطرافة ما تستحق النشر.
أنحاءة تقدير وإحترام أخي حمدي اب جقادو
أصدق دعواتي لك وللجميع
إسماعيل حميم
Quote:
استاذ حميم ياغالي
كيف الحال وكل سنه وانت طيب يارب
طبعا موضوعك جميل دون شك بس ياريت لو كنت تميت جميلك وقلت :
ان مدفع رمضان عرفه اهل السودان من النوبه اي بالتحديد من
قبائل الحلفاويين والمحس والدناقله (يعني بالعربي كده ياحميم
ماكان في داعي تتعدانا وتجري للاتراك والمصرييين) واليك مني
قصة مدفع رمضان كامله كما سمعناها وقريناها :
يذكر التاريخ أن بعض الجنود في عهد الخديوي إسماعيل كانوا يقومون
بتنظيف أحد المدافع الحربية فانطلقت منه قذيفة دوت في سماء القاهرة،
وبالمصادفة كان ذلك وقت أذان المغرب في يوم من أيام رمضان، فاعتقد
المصريون أن أمراً من الحكومة صدر بذلك وأنه تقليد جديد للإعلان عن موعد
الإفطار إلى جانب الأذان، وصار المدفع حديث الناس وأعجبت بذلك الحاجة
فاطمة ابنة الخديوي إسماعيل وأصدرت فرماناً بانطلاق المدفع وقت الإفطار
والسحور، وأضيف بعد ذلك في الأعياد.
منذ ذلك الحين ومدفع رمضان ينطلق من قلعة صلاح الدين، حيث ارتبط بوجد
ان المصريين على مدى حوالي قرن ونصف القرن...
والي تاريخ اليوم مازال المصريون يستخدمون المدفع لاعلان مواعيد الافطار
والامساك وانحنا بس فالحين نقول نتطوّر وتطورنا ده لاذم يكون علي حساب
التراث الجميل ده وياريت لو كان في تطوّر حقيقي
يلا حميم ابقي شمس مابتغيب
حمدي اب جقادو |
|
|