Post: #1
Title: بشاشا رمضان كريم وبركه الجابك لينا وعقبال رودا مردا.
Author: Tragie Mustafa
Date: 10-11-2005, 00:22 AM
بشاشا افتقدناك كثيرا.
ومن كم يوم لاحظت مشاركاتك نورته البورد ورمضان كريم وبركه الشفناك طيب.
وكمان كل المفصولين قالوا رجعوا ان شاء الله نرجع نقرأ لرودا مره اخرى.
ويا رودا انا بقول لك نحن في انتظارك.
كل سنه وانتو طيبين.
تراجي.
|
Post: #2
Title: Re: بشاشا رمضان كريم وبركه الجابك لينا وعقبال رودا مردا.
Author: Bashasha
Date: 10-11-2005, 09:28 AM
Parent: #1
.*.
|
Post: #3
Title: Re: بشاشا رمضان كريم وبركه الجابك لينا وعقبال رودا مردا.
Author: Bashasha
Date: 10-11-2005, 09:29 AM
Parent: #1
الشقيقة تراجي
شكري الجزيل لي سؤالك عن شخصي الضعيف، تصومي او تفطري علي خير.
بالنسبة للفارس الجحجاح، رودا اتمني انها تعود، وايقافها كان فعلا بي طريقة شاذة او غريبة، او بكري للاسف انسان مزاجي او عاطفي بل عشوائي في قرارتو، لكن نمشي او نجي او نقول المنبر منبرو او ليهو مطلق الحرية طبعا.
يارودا:
لوحصل او مريتي علي الخيط ده، تذكري ماقلته ليكي في السابق:
ماتتعاملي بي ردود الافعال، ولاتتواني في استغلال اي فرصة متاحة، مهما كانت محدودة، ومهما كانت الشروط لتوصيل صوتك.
ماتاخدي ماحدث بي صورة شخصية رغم ماحدث.
ذي ماقلت ليكي شخصيا انا من هنا ما ماشي او فيني باقي روح مهما يحدث، الا يعدموني رميا بالقرارت..!!!!!
اومتي مااعادوني ساعود كان لم يكن، بعدما انفض ماعلق من غبار، باطراف اليد اليسري!
العارف عزو قالو مستريح ياعزيزة.
نفسي اشوفكم سوي ياتراجي انتي او رودا، عشان ماتخلو الجلابة، تقيــــــف هناك في القيف!!
او ذي ما كانت بتردد رودا، التاريخ يصنعه الخارجون عن المالوف او ال Trailblazers.
رودا مردا هي الشقت "دربوق" عتامير هذا الفضاء الجهوي، ليصبح دريب، اوعقبال الرصف و السفلتة عماقريب، لمان همبريب الحرية يطرق شبابيك مقبولة، ياتراجي، والحال يطيب ، عما قريب!
معزتي.
|
Post: #4
Title: Re: بشاشا رمضان كريم وبركه الجابك لينا وعقبال رودا مردا.
Author: شمهروش
Date: 10-11-2005, 12:03 PM
Parent: #3
الخال بيشو..........
افتقدتك اكثر من تراجي
ولكن سبقتني بالسوال
لكم ودي
والف مرحب بيك.........
دربوكتنا من جلد قرد مابتنقد ولا بتنهد
بنشدها بنيران ايماننا بكل ماهو جيد وممكن
|
Post: #5
Title: Re: بشاشا رمضان كريم وبركه الجابك لينا وعقبال رودا مردا.
Author: Saifeldin Gibreel
Date: 10-11-2005, 01:07 PM
Parent: #4
الاخت العزيزة تراجى رمضان كريم ونحن سعيدين بطلة الاخ بشاشة فى المنبر مرة اخرى.
|
Post: #8
Title: Re: بشاشا رمضان كريم وبركه الجابك لينا وعقبال رودا مردا.
Author: Tragie Mustafa
Date: 10-12-2005, 00:29 AM
Parent: #4
الاخ الفاضل شمهروش
شكرا لمروك ورمضان كريم وبالله شفته المنبر ده كان كيف من غير بشاشا؟؟؟؟؟؟
نحن يا بشاشا قطع الكهرباء ده ما نستحمله وانت نور المنبر فبالله عليك كفانا ظلمات
ما تخلينا للظلام ده ثاني.
معزتي
تراجي.
|
Post: #7
Title: Re: بشاشا رمضان كريم وبركه الجابك لينا وعقبال رودا مردا.
Author: Tragie Mustafa
Date: 10-12-2005, 00:17 AM
Parent: #3
الامير الكوشي بشاشا
نورت البورد يا ملك وشكرا لعودتك رغم الظروف القاهره في هذه البلاد.
ومعذره لتأخيري لكني مريضه هذه الايام, سحروني ناس البورد بنجيهتم الكثيره.
واردد معك لرودا:
Quote: رودا مردا هي الشقت "دربوق" عتامير هذا الفضاء الجهوي، ليصبح دريب، اوعقبال الرصف و السفلتة عماقريب، لمان همبريب الحرية يطرق شبابيك مقبولة، ياتراجي، والحال يطيب ، عما قريب!
|
ان شاء الله يا بشاشا همبريب الحريه يطرق شباك مقبوله, والحال يطيب,عما قريب!
تراجي.
|
Post: #6
Title: Re: بشاشا رمضان كريم وبركه الجابك لينا وعقبال رودا مردا.
Author: عمر عبد الخالق سعيد
Date: 10-11-2005, 11:39 PM
Parent: #1
تراجي ,,......,, وبشاشا رمضان كريم
الف مليون مرحب بابن خالي بشبش وعودا حميدا(........)
|
Post: #9
Title: Re: بشاشا رمضان كريم وبركه الجابك لينا وعقبال رودا مردا.
Author: Muna Khugali
Date: 10-12-2005, 02:38 AM
Parent: #6
سـلامتك ياتراجـي... ومـرحب جـارنـا بشـاشـا..
ورمضـان كـريـم عليكـم جميعا..
وانت يا شـمس الدين بتمشـي وين وبتجـي?
مـني عـوض خـوجلي
|
Post: #10
Title: Re: بشاشا رمضان كريم وبركه الجابك لينا وعقبال رودا مردا.
Author: محمدين محمد اسحق
Date: 10-12-2005, 02:46 AM
Parent: #9
الاخت العزيزة تراجي ..
سلامتك ..وأجر وعافية ان شاء الله ..
وشكرأ علي هذه اللفتة الرائعة ..فبشاشا هو استاذ الافريكانية في المنبر ..
نتمني عودته الكاملة الي المنبر ...
وفعلأ رمضان كان كريمأ ..معنا اذ طلت بعض الاوجه النيرة الي المنبر بعد غيبة ..
|
Post: #11
Title: Re: بشاشا رمضان كريم وبركه الجابك لينا وعقبال رودا مردا.
Author: Bashasha
Date: 10-12-2005, 08:40 AM
Parent: #1
لاحولا!
بي بركتك، جو مني عوض، او عمر عبدالخالق، ابن عمتي.
مني جارتي والله مشتاقين.
او ياعمر امانة في ضمتك السلام للعشيرة، فردا، وفردة.
نعمل شنو بقينا نلاوذ من الجندريات ياد.ندي علي!
مع انو وانتي ست العارفين لغتنا النوبية، مافيها فصل مابين الجنسين، حيث لاتذكير ولا تانيث، والدلالة طبعا عميقة جدا!
شمهروش يامراحب،
او عقبال الصفر في المية ذي ماقلت ليك!
سيف الدين جبريل،
شكرا جزيلا علي الترحيب ياحبيب.
تراجي، جايييكي ياشقيقة.
|
Post: #12
Title: Re: بشاشا رمضان كريم وبركه الجابك لينا وعقبال رودا مردا.
Author: Bashasha
Date: 10-12-2005, 10:34 AM
Parent: #1
محمدين اسحاق،
شكرا جزيلا، لاسباغك صفة الاستاذية علي شخصي الذي ياداب فك اميتو!
انا تلميذ او بس في مدرسة المركزية الافريقية، التحية والتجلة لاهلي الافارقة الامركان، بفضلهم تعلمت ان اكون سوداني للمرة الاولي في حياتي!
مش حاجة غريبة، اقطع الفيافي دي كلها، قادما من ارض السود، واكتشف اني العمر ده كلو كنت لاسودان لاحاجة؟
عشان كده، ماغريب، ان اكون غريب اليد، الوجه، واللسان وسط اهلي، في هذا الفضاء!
كلامي لي معظم الناس هنا، كلام الطير في الباقير!
نعم طوبي لغرباء السودان القادم، وسيعود سودان نارمر، سودان بعانخي، سودان امانيتاري، سودان كاليدوسس، سودان دنقس، ثم المهدي الامام او خليفته التعايشي!
سيذهب والي مزبلة التاريخ، السودان المصري الحالي، وما شبل التركية الانقاذي الا The last kick of a dying horse!
..اوليلة حمدان في شيكان قادمة لامحالة ياحبيب!
بي نيفاشا، قطرنا فات سواحل ابا، وعلي مشارف قدير في ضيافة اهلنا في الجبال!
|
|