Post: #1
Title: تمبــــس
Author: Ahmed Alrayah
Date: 10-10-2005, 11:52 PM
Parent: #0
الاخ العزيز/ تمبس
1- رمضان كريم وكلّ عام وإنت بخير
2- قد -والله- أثريْتَ هذا المنبر بجميلِ النغم وأصيل التطريب، فلك الشكر كلّه والتقدير.
3- من خلال متابعتي ل(ذوقك الفني الرفيع)، فإنّك بلا شك ستطرب لسماع هذه الأغنية: اسمع هنا يا تمبس
الأغنية بثّـها مشكوراً ناذر الخليفة في مقاله سنة الإسلام السلام ... مهداة للحبيب الرائع معتز تروتسكي !!
اسمعها، واعتبرها (زي ما إنت عاوز)... بمناسبة رمضان، بمناسبة العيد أو حتى بدون مناسبة، إنت بس اسمع و(انبسط) زي ما أسمعتنا كتير وبسطتنا !
أحمد الريّح
|
Post: #2
Title: Re: تمبــــس
Author: tmbis
Date: 10-11-2005, 11:59 PM
Parent: #1
<><>
|
Post: #3
Title: Re: تمبــــس
Author: Yasir Elsharif
Date: 10-12-2005, 00:09 AM
Parent: #1
ود الريح،
سلام لك ولتمبس ولناذر..
ورمضان مبارك علينا وعليكم..
شكرا على الأغنية الرائعة والأداء الفريد
إنت بدري وإشراق شمسي
إنت وين يا بدر التمام
ياسر
|
Post: #4
Title: Re: تمبــــس
Author: tmbis
Date: 10-12-2005, 01:14 AM
Parent: #3
د. ياسر الشريف
رمضان كريم لك والاسرة
تصوموا وتفطروا على الف خير
.
.
وشكرا لمرورك بهذه المساحة
|
Post: #5
Title: Re: تمبــــس
Author: Mohamed Elbashir
Date: 10-12-2005, 01:43 AM
Parent: #1
العزيز ود الريح
الاخ علاء يستاهل كل جميل بقدر ما اسعدنا فله مني كل الامنيات القلبيه بقبول صومه وغفران ذنبه في هذا الشهر المبارك
تحياتي
محمد علي
|
Post: #6
Title: Re: تمبــــس
Author: tmbis
Date: 10-12-2005, 03:10 AM
Parent: #5
الراجل البركة
محمد البشير ..
رمضان كريم يامختفي وتصوم وتفطر على خير ..
شكرا لكلماتك الطيبة
ولحضورك
..
.
وشكرا لهدايتك الخاصة المداوم على الاستماع ليها على الدوام
ونردها ليك قريبا إن شاء الله .
|
Post: #7
Title: Re: تمبــــس
Author: tmbis
Date: 10-12-2005, 03:50 AM
Parent: #6
| Quote: إنت بس اسمع و(انبسط) زي ما أسمعتنا كتير وبسطتنا ! |
الظلامي المستنير
احمد الريح ..
أول حاجة شكرا لي الهدية الغالية جدا .. والكبيرة في معناها .. بالنسبة لي
تعرف
لحدي الآن بتذكر هدية عبارة عن ( علبة ) الوان وانا في اولى ابتدائي لوقعها الطيب في نفسى لحد الآن كلما تتقدم لي هدية بترجعني للزمن داك ولي علبة الالوان ..
..
بالجد ياحمد اتبسطت واستمتعت معاك للملف ولصوت الفنان والاداء الخطير ..
تعرف لما رفعت البوست كنت لسه ما استمعت للاغنية وما حبيت اعلق من غير ما اسمع علشان ما اكون كضاب ساكت ..
لكن في الحقيقة ،، العديد من الشباب العارفين قدر نفسهم بيبدعوا في الخفاء .. ولما تجرب الفنان في الحقيبة وتلقاهو بيأديها زي ما هي بدون الحركات بتاعت اليومين دي من محاولات تقليد بعض الاصوات ذات الامكانيات العالية والخبرة المدربة بالتمارين الشديدة في تطوير الصوت والانسجام الموسيقي .. بنلقى الاصوات البتحاول التقليد دي تشوه حتى صوتها الحقيقي وربما يكون بيمتاز بي خصائص جميلة وامكانيات عالية ربما كان خلق ليه لونية مميزة خاصة بيهو ..
..
طبعا متابع استمتاعك دائما بلونية معينة من الاغاني بالذات الحقيبة ودي طبعا نادر تتواجد في الزمن ده لانو تعاطيها اصبح شبه معدوم حتى للاسف الشديد بعض المحاولات شوهت شكلها وطعمها.. واصبح من النادر المحافظة عليها ، في بعض الاغاني متداولة في الساحة تخبيط شديد كل يغنيها على حسب فهمو.. وكل فترة تظهر اغنية تلاقي ( حتفها ) على اصوات المغنيين الشباب إلا من رحم ربي .. وقام بي احترامه وتهذب في طريقة الاداء..
..
في بالي أغنية ( في الليل الهاجع غّرد يا ساجع وأذكر احبابي ... ) بصوت عوض الكريم عبد الله منتهى التطريب ، والاداء الجاذب ،، استغرب احيانا لما اقارنه مع اداء البعض واتحسر
بحاول افتش الاغنية دي يا احمد وهي في جلسة سهرة تلفزيونية جمعت العديد من عمالقة الحقيبة في مقدمتهم العبادي وديمتري البازار وبادي محمد الطيب والعديد من الفطاحلة ..
إذا لميت في الاغنية دي اعتبره هدية من حسع يا احمد واسمعه لي بي نفس الاستمتاع ده
لكن كمان شان ما تقول جينا مدلدلين ايدنا وداخلين البوست ده ساكت ..
بهديك السايق الفيات بصوت ( محمد تبيدي ) وهو طبعا زول فنان خالص ومجتهد شديد في مسالة التلحين والكتابة ..
من ضمن لماتنا هنا في بورداب الرياض كان احيا لينا حفلة وللاسف الشديد ما قدرت اسجل اي شي لحظته لكن عادت الظروف وخدمتني بالعمل المرفق ..
أرجو ان يعجبك ،،
التسجيل تم هنا في الرياض مع مجموعة من الشباب المزيكاتية المتمكنين لاحظ لأداء ( الكمان ) والطريقة المتطورة والمهارة ..
.
.
شوف سايق الفيات الليلة كيفن هاش
الشجر الكبار بقى شوفو ليهو طشاش
يا
السايق الفيات ..
|
Post: #8
Title: Re: تمبــــس
Author: عبدالله
Date: 10-12-2005, 03:52 AM
Parent: #6
لان الحظ ساقني الي مداخلة مفيدة جدا مع الرائع تمبس
فقد كنت بصدد ان انزل بوستا تحت ذات العنوان
فلك التحية يااخ احمد الريح علي هذا البوست
والتحية الي العزيز تمبس وهو يثري هذا المنبر بالجميل والمفيد
|
Post: #9
Title: Re: تمبــــس
Author: tmbis
Date: 10-13-2005, 03:19 AM
Parent: #8
استاذنا عبد الله
شكرا للصدفة الجميلة ..
وشكرا لي احمد الريح ما قصر ،، والبوست وصل تب يا عبد الله
نردها ليك في الكبيرة
|
Post: #11
Title: Re: تمبــــس
Author: Ahmed Alrayah
Date: 10-15-2005, 00:16 AM
Parent: #10
يا تمبس
1- صباح الخير يتوقيتكم/مساء الخير بتوقيتنا
2- شكراً لقَبول الهدية، وأتمنى أن تكون حافزاً لكم لمدنا بمزيد من الإبداع.
3- أنا كنت متأكد أغنية (أحرموني ولا تحرموني) بصوت أمين الشاذلي ستنال إعجابك.
4- عربيتك الفيات دي ما شغالة!
5- عندي ليك سؤال خاص في مكان عام، ممكن ولا ما ممكن؟
|
Post: #12
Title: Re: تمبــــس
Author: tmbis
Date: 10-15-2005, 00:33 AM
Parent: #11
يا بوحميد
سلامات ..
هل من غنائم ؟؟ يا امير الظلاميين
الاغنية شكلها محتاجة مراجعة أو ( كشوها ) الخواجات من سيرفرم
غايتو الله يدينا خيرهم الجماعة ديل ..
..
.
سؤالك ف ياي مكان يازول ما عندك مشكلة ..
اسال
وأخوك جاهز ..
بس اعمل حساب انك تديني معاها .. خيارات 
|
Post: #13
Title: Re: تمبــــس
Author: Ahmed Alrayah
Date: 10-15-2005, 12:34 PM
Parent: #12
| Quote: هل من غنائم يا امير الظلاميين؟ |
أمرُنا شورى بيننا يا تمبس، هناك اجتماع هام سيعقد مساء الغد وستحضره بنت الأحفاد وفرانكلي ونهال كرار، ورغم أنّ بنت الأحفاد تصر على وضع الغنائم كلها في بيت المال، إلا أنّي سأحاول أن (أطلع ليك) بي Receiver أو Video من حاجات المستنيرين ديل
| Quote: عندي ليك سؤال خاص في مكان عام |
ذكرتََ يا تمبس من قبل أنّك تسكن بالقرب من شارع إبراهيم عبدالجليل بالموردة، هل تعرف مدثر يوسف محمد أحمد؟
|
Post: #14
Title: Re: تمبــــس
Author: saif massad ali
Date: 10-15-2005, 12:40 PM
Parent: #13
الاخوان تمبس وود الريح
انا ما قادر اسمع الهديه دي ليه ظلامية برضو
تصومو وتفطرو علي خير
|
|