Post: #1
Title: الفطور الجماعي لبورداب الخرطوم
Author: ADIL FAIT
Date: 10-10-2005, 03:09 AM
رمضان كريم.. وتصوموا وتفطروا علي خير..
والسنه الجاية شنو كدا ما عارف..
يا ناس الخرطوم ما تخجلوا..
يا ناس ما تتلموا يوم في فطور مع بعض..
اقلاها نتبادل التحايا والامنيات الجميلة لبعضينا..
وكمان نعرف المنتسبين الجدد..
يلا الباب مفتوح للمبادرات..
ايييييييي الفطور حا يكون في(مبادرة)..
والفطور حايكون يوم (مبادرة)..
الناس حا تفطر بي (مبادرة)..
وشنو .. شنو.. شنو..
مع أكيد حبي وتقديري،،
عادل فايت
|
Post: #2
Title: Re: الفطور الجماعي لبورداب الخرطوم
Author: nashaat elemam
Date: 10-10-2005, 03:28 AM
Parent: #1
اثني اخي عادل
|
Post: #3
Title: Re: الفطور الجماعي لبورداب الخرطوم
Author: محمد الامين محمد
Date: 10-10-2005, 03:29 AM
Parent: #1
وين الملك - المهندس هميمه - ملاسي
كما تعودنا
|
Post: #4
Title: Re: الفطور الجماعي لبورداب الخرطوم
Author: ADIL FAIT
Date: 10-10-2005, 03:49 AM
Parent: #3
| Quote: وين الملك - المهندس هميمه - ملاسي |
ياربي يكونوا الناس الحلوين ديل ويييييين يا ود الامين
مع أكيد حبي وتقديري،،،
عادل فايت
|
Post: #6
Title: Re: الفطور الجماعي لبورداب الخرطوم
Author: محمد الامين محمد
Date: 10-10-2005, 04:04 AM
Parent: #4
Quote:
ياربي يكونوا الناس الحلوين ديل ويييييين يا ود الامين
|
انا علي الناس الحلوين قصرته معاك يا مان ورمضان كريم كل سنه وانت طيب
|
Post: #8
Title: Re: الفطور الجماعي لبورداب الخرطوم
Author: ADIL FAIT
Date: 10-10-2005, 04:27 AM
Parent: #6
| Quote: انا علي الناس الحلوين قصرته معاك يا مان ورمضان كريم كل سنه وانت طيب |
قصرته بتاع شنو يا ود الامين نحنا ناس حاجاتنا من بعض..
عادي يا شاب، بس ما تضيع القضية الاساسية ..
مع أكيد حبي وتقديري،،،
عادل فايت
|
Post: #5
Title: Re: الفطور الجماعي لبورداب الخرطوم
Author: سامى عبد الوهاب مكى
Date: 10-10-2005, 03:52 AM
Parent: #1
انا علي العصيدة ب(ملاحها)
قصرتة!!
|
Post: #7
Title: Re: الفطور الجماعي لبورداب الخرطوم
Author: ADIL FAIT
Date: 10-10-2005, 04:22 AM
Parent: #5
| Quote: انا علي العصيدة ب(ملاحها) |
لذيذ انت يا سامي
رمضان كريم .. تصوم وتفطر علي خير
السنه الجاية شنو كدا ما عارف
نص حقيقي:
الموضوع يا سامي بالجد بالجد وما دايرين فيه هظار، قال عصيده قال..
مع أكيد حبي وتقديري،،،
عادل فايت
|
Post: #9
Title: Re: الفطور الجماعي لبورداب الخرطوم
Author: أحمد الشايقي
Date: 10-10-2005, 05:04 AM
Parent: #1
الاخ الكريم عادل
تصوموا وتفطروا على خير وتحياتي لبورداب الخرطوم اللطفاء جميعاً
رمضانكـم كريــم
أحمد الشايقي
|
Post: #10
Title: Re: الفطور الجماعي لبورداب الخرطوم
Author: عبدالرحمن عبدالله أبوشيبة
Date: 10-10-2005, 05:21 AM
Parent: #9
يا عادل
إنت بالمناسبة ما عندك شغله تقضاها ،، بورداب الخرطوم ديل دورهم ميت إنت الوحيد ومعاك نجود ختو صينيتكم في شارع الظلط للغاشي والماشي وأنا من على البعد بشاطركم ،، قال بورداب الخرطوم قال ،، لو فيهم رقشة خليهم يتفاعلوا مع دعوتك لكن أجزم ولا واحد ما راح يعبرك .
|
Post: #12
Title: Re: الفطور الجماعي لبورداب الخرطوم
Author: ADIL FAIT
Date: 10-10-2005, 06:23 AM
Parent: #9
يا الشايقي .. كيفنك
ورمضان كريم .. تصوم وتفطر علي خير
| Quote: تصوموا وتفطروا على خير وتحياتي لبورداب الخرطوم اللطفاء جميعاً |
وشكرا ليك ..
وان شاء الله بورداب الخرطوم يتلموا عشان نبلغهم تحياتك
مع أكيد حبي وتقديري،،،
عادل فايت
|
Post: #11
Title: Re: الفطور الجماعي لبورداب الخرطوم
Author: هميمة
Date: 10-10-2005, 06:16 AM
Parent: #1
ياعادل فايت ........
اول حاجة .... انت ما صايم لييييييييه ؟؟؟
بعدين ذى ما قال ملاسى قبل كدا نحن استنفدنا
كل تراخيص الخروج المقرره لنا هذا العام!!!!!!
اقول ليك حاجه نخليها جلسه رمضانيه بعد الفطور
لانو نادر قال ح يجيب كل المرطبات
والملك قال عليهو الشاى
ملاسى اذا قدر يستصدر رخصة فوق العاده
كالعاده عليه الكاميرا .......
ومنال محمد على بت الحركة الشعبيه !!!!!1
قااااعدة فى الخرطوم كل يوم تقول عايزه
تقابل الناس ....... اها عاد شوفو دى ح
تجيب شنو ؟؟؟؟؟؟؟؟؟؟
|
Post: #15
Title: Re: الفطور الجماعي لبورداب الخرطوم
Author: ADIL FAIT
Date: 10-10-2005, 06:58 AM
Parent: #11
هميمه .. الهميممة
رمضان كريم وتصومي وتفطري علي خير
وان شاء الله السنه الجايه شنو كدا ما عارف..
| Quote: اقول ليك حاجه نخليها جلسه رمضانيه بعد الفطور |
برضو كلام عقل ..
المهم الناس تتلملم وتعرف خبر بعض وتتبادل التحايا والامنيات وتعرف الوافد الجديد ..
لانو نادر قال ح يجيب كل المرطبات
Quote: والملك قال عليهو الشاى
ملاسى اذا قدر يستصدر رخصة فوق العاده
كالعاده عليه الكاميرا .......
ومنال محمد على بت الحركة الشعبيه !!!!!1
قااااعدة فى الخرطوم كل يوم تقول عايزه
تقابل الناس ....... اها عاد شوفو دى ح |
ولانك انت هميمه وشكلك بتعرفي تفاصيل الناس أكتر مننا.. فرجاءا ان تتولي القصة دي
وممكن يكون معاك سامي عبد الوهاب وآخرون
وعلي أي حال أنا تلفوني 0912949692 للتنسيق
مع أكيد حبي وتقديري،،،
عادل فايت
|
Post: #13
Title: Re: الفطور الجماعي لبورداب الخرطوم
Author: سامى عبد الوهاب مكى
Date: 10-10-2005, 06:32 AM
Parent: #1
عادل فايت....انا جاد جداً فى الموضوع دة ولو ماعاوزين عصيدة اجيب بليلة والبلح عليكم...
|
Post: #14
Title: Re: الفطور الجماعي لبورداب الخرطوم
Author: ADIL FAIT
Date: 10-10-2005, 06:49 AM
Parent: #13
سامي الزول المستهبل الكبيييييييير
عليك الله بطل الاستهبال
نحناعاوزين نقابل الناس ونشوف خلقتها..
لانو قالوا القيامة حا تقوم قريب.. وامكن بعدين يسألونا عن بورداب الخرطوم ..
يعني زاتو نقول ليهم شنو؟
مع أكيد حبي وتقديري،،،
عادل فايت
|
Post: #16
Title: Re: الفطور الجماعي لبورداب الخرطوم
Author: ADIL FAIT
Date: 10-11-2005, 01:08 AM
Parent: #14
| Quote: إنت بالمناسبة ما عندك شغله تقضاها ،، بورداب الخرطوم ديل دورهم ميت إنت الوحيد ومعاك نجود ختو صينيتكم في شارع الظلط للغاشي والماشي وأنا من على البعد بشاطركم ،، قال بورداب الخرطوم قال ،، لو فيهم رقشة خليهم يتفاعلوا مع دعوتك لكن أجزم ولا واحد ما راح يعبرك . |
أها يا ناس الخرطوم شوفو الاستفزاز دا حدوا وين ..
ابو شيبه دا جا من الامارات عدا ليه اسبوعين طلع بي الانطباع دا ..
يلا يا جماعة سو ليكم همه
مع أكيد حبي وتقديري،،،
عادل فايت
|
Post: #17
Title: Re: الفطور الجماعي لبورداب الخرطوم
Author: سامى عبد الوهاب مكى
Date: 10-11-2005, 01:09 AM
Parent: #1
فوق من اجل البليلة والحلو مر
|
Post: #18
Title: Re: الفطور الجماعي لبورداب الخرطوم
Author: ADIL FAIT
Date: 10-11-2005, 01:23 AM
Parent: #17
المستهبل ..
ازييييييييييييييك..
| Quote: فوق من اجل البليلة والحلو مر |
عليك الله يا سامي بي حركاتك دي ما تكتلينا القضيه دي..
مع أكيد حبي وتقديري،،،
عادل فايت
|
Post: #19
Title: Re: الفطور الجماعي لبورداب الخرطوم
Author: ADIL FAIT
Date: 10-11-2005, 03:24 AM
Parent: #18
...
..
.
والله قصة عجيبة دي..
كويس يا ناس الخرطوم تعالوا أفطروا ماي في البيت..
مع أكيد حبي وتقديري،،،
عادل فايت
|
Post: #20
Title: Re: الفطور الجماعي لبورداب الخرطوم
Author: ADIL FAIT
Date: 10-11-2005, 07:01 AM
Parent: #19
؟؟
|
Post: #21
Title: Re: الفطور الجماعي لبورداب الخرطوم
Author: الملك
Date: 10-12-2005, 05:43 AM
Parent: #20
عادل
....
....
صديقى
ازيك ورمضان كريم وكل عام وانت بخير
ما تتضايق بالجد الناس دى احتمال حست انو اتلاقت كتير (واستنفذوا كل التراخيص)
انا عن شخصى ما عندى مانع
بس الناس دى
محتاجة لى تحديد زمن
(يعنى انت سيد الفكرة تحدد زمن ويستحب انو يكون فى اواخر الشهر
حتى يتسنى للكل المعرفة .....والزمن ........)
وتانى تعلنها فى البورد وبس
.....
.....
لكن لو برايت الاقتراحات أسالنى انا
أخيرا مودتى
|
Post: #22
Title: Re: الفطور الجماعي لبورداب الخرطوم
Author: وليد محمد المبارك
Date: 10-12-2005, 05:50 AM
Parent: #21
في نصكم
|
Post: #23
Title: Re: الفطور الجماعي لبورداب الخرطوم
Author: أيزابيلا
Date: 10-13-2005, 01:15 AM
Parent: #22
سلام....
....
....
أنا مع راى الملك...حددوا الزمان والمكان...بس آخر رمضان الناس
بتسافر...طغوس العيد خارج المدينة وكدة...)
....
|
Post: #24
Title: Re: الفطور الجماعي لبورداب الخرطوم
Author: محمد امين مبروك
Date: 10-13-2005, 02:14 AM
Parent: #23
سلام
وانا معكم غلبا وغالبا......... واقترح (الجامعه) مكانا والاسبوع الثالث زمانا..
واخترت الجامعة عشان مزيد من السيده الفضلى ايزابيلا
|
Post: #25
Title: Re: الفطور الجماعي لبورداب الخرطوم
Author: ADIL FAIT
Date: 10-13-2005, 03:36 AM
Parent: #24
الملك ..
وليد..
محمد الامين..
ايزابيلا ..
كل الناس الحلوة إزيكم ..
ورمضان كريم وتصوموا وتفطوروا علي خير..
واشاء الله السنه تعملوا الجايه شنو كدا ما عارف..
Quote: الفكره شكلها جابت حقها.. وبقي عندها رواد
والله دا كلام جميل |
يلا فالنبدأ مناقشة التفاصيل
مع أكيد حبي وتقديري،،،
عادل فايت
|
Post: #26
Title: Re: الفطور الجماعي لبورداب الخرطوم
Author: عبير خيرى
Date: 10-13-2005, 06:28 AM
Parent: #1
.
عادل فايت وكل البورداب في كل أنحاء العالم
كل سنة وإنتو طيبين
البوست ده فيهو حركة جندر يا ربي مقصودة ولا جات كده ؟
ناجي الملك ده مرق من وين
يحي العظام
معاكم لو ما عذابة
عبير خيري
|
Post: #28
Title: Re: الفطور الجماعي لبورداب الخرطوم
Author: محمد الامين محمد
Date: 10-13-2005, 06:40 AM
Parent: #26
البوست ده فيهو حركة جندر يا ربي مقصودة ولا جات كده
سلامات ناس عبير كل سنه وانت بخير
Quote:
الجمعه يوم مناسب المكان اي مكان مناسب لكل الناس لظروف الموصلات ومتروك الخيار للبنات( سامعه يا هميمه) انا افضل حدائق الهلتون جوار الجبنه لانه محل مناسب للموصلات |
|
Post: #30
Title: Re: الفطور الجماعي لبورداب الخرطوم
Author: ADIL FAIT
Date: 10-13-2005, 08:35 AM
Parent: #28
| Quote: لبوست ده فيهو حركة جندر يا ربي مقصودة ولا جات كده |
شفت يا ود الامين القصة دي كيف..
جابتليها جندر وشنو .. شنو .. شنو..
يا أخوي بالله أعملوا لينا الفطور بتاعنا دا وخلاص..
مع أكيد حبي وتقديري،،،
عادل فايت
|
Post: #29
Title: Re: الفطور الجماعي لبورداب الخرطوم
Author: ADIL FAIT
Date: 10-13-2005, 08:25 AM
Parent: #26
يا عبير خيري كيفنك..
رمضان كريم .. والسنة الجاية انشاء الله شنو كدا ماعارف..
| Quote: البوست ده فيهو حركة جندر يا ربي مقصودة ولا جات كده ؟ |
يا بت جندر شنو وبندر شنو انو أي حاجة عاوزين تعملوا منها قصة يا عبير؟
ثم تانياً انت هميمة دي ما عاجباك ولا شنو؟
هوي يا ناس بره بطلوا حركاتكم دي
مع أكيد حبي وتقديري،،،
عادل فايت
|
Post: #27
Title: Re: الفطور الجماعي لبورداب الخرطوم
Author: Tabaldina
Date: 10-13-2005, 06:33 AM
Parent: #1
..
.
فطور يكون دجانجو وفى منتزة الرياض ..
ادفعوا شيرنغ ونلقط العصاير والمأكولات فى خطفة رجل
عدا الشاي والقهوة ..
لكن مسالة جيب عمود وشيل عصيدة وما تنسي ام جنقر ..
دى صعبة ..
اقتراح تبلدى ...
تصوموا وتفطروا على خير ..
موبايلي اتسرق يا حلوووين من يومين بتصل بناذر او الملك او عبير
سلام
|
Post: #31
Title: Re: الفطور الجماعي لبورداب الخرطوم
Author: ADIL FAIT
Date: 10-13-2005, 08:39 AM
Parent: #27
أخوي Tabaldina .. كيفنك
ورمضان كريم
Quote: فطور يكون دجانجو وفى منتزة الرياض ..
ادفعوا شيرنغ ونلقط العصاير والمأكولات فى خطفة رجل
عدا الشاي والقهوة ..
لكن مسالة جيب عمود وشيل عصيدة وما تنسي ام جنقر ..
دى صعبة .. |
عليك الله بطل الهظار..
وخليك قدر القضية..
مع أكيد حبي وتقديري،،،
عادل فايت
|
Post: #32
Title: Re: الفطور الجماعي لبورداب الخرطوم
Author: شمهروش
Date: 10-13-2005, 10:20 AM
Parent: #31
عادل فايت
دعني احدثك عن افطار قبل سنين
زمن البورد بورد قبل مايخلطوه بالفانتا والفيتا
كان الحضور رائعا متالقا...
تماضر شيخ الدين (امريكانية تفترش البرش بمنتزه الرياض)
وفي المصلاية المقابلة لها جلس هاشم ودالمك والقدال...
ودالديم ودالعجمي وشباب من المانيا للمنتزه
بامسيكا فيصل 44 ودسلفاب وجمع فوق العادة
كانت كذلك تلك الامسية الرائعة
مازلت اذكرها........
.....كسرة....
حددو الزمان والمكان
|
Post: #33
Title: Re: الفطور الجماعي لبورداب الخرطوم
Author: ADIL FAIT
Date: 10-14-2005, 08:34 AM
Parent: #32
شمهروش .. كيفنك..
يا زول من الزمن السمح ازييييييييك..
رمضان كريم وإن شاء الله السنة الجايه تعمل شنو كدا ما عارف..
شكرا ليك وانت بتعكس شكل الافطار كيف
وان شاء الله الكلام دا يستفز ناس فيتا وناس فانتا..
مع أكيد حبي وتقديري،،،
عادل فايت
|
Post: #34
Title: Re: الفطور الجماعي لبورداب الخرطوم
Author: ADIL FAIT
Date: 10-15-2005, 02:31 AM
Parent: #33
وعشان نكون جادين..
ولتلخيص البوست...
وعشان الفكرة تنجض..
نقول الاقتراحات دي:
1- اقتراح بيقول مسألة تلاقي الناس في وجبة فطور رمضان فيها صعوبة، وعلية يمكن ان يكون التلاقي بعد الفطور..
وفي الحته دي أنا بقترح ان يكون اليوم هو يوم الجمعة الموافق 18/ رمضان، عند الساعة الثامنة مساء، بحدائق الرياض، جوار شنو كدا ما عارف..
2- اقتراح بيقول يكون التلاقي لحظة وجبة الافطار.. وهنا برضو أنا بقترح أن يكون الافطار يوم الجمعة وبنفس التفاصيل السابقة.
مع أكيد حبي وتقديري،،،
عادل فايت
|
Post: #36
Title: Re: الفطور الجماعي لبورداب الخرطوم
Author: نجود حسن عبد الرحمن
Date: 10-15-2005, 03:25 AM
Parent: #34
والله ياعادل كلامك سمح ودى حاجه كويسة انو الناس تتعارف مع بعضها
بس المشكلة فى الزينا البكونو ساكنين اخر الدنيا بعد الفطور يصلو كيف
انا مأييده كلامك بس لو ماجيت اعزرنى برسل ليك صحن قراصة بى تقلية
|
Post: #35
Title: Re: الفطور الجماعي لبورداب الخرطوم
Author: هميمة
Date: 10-15-2005, 03:22 AM
Parent: #1
يا ود يا عادل
لسه محلك سر ؟؟؟؟؟
الجمعة دى ذكرتنى واحد لافىىىى بسال يا خوانا وين حدايق 6 ابريل ؟؟
وين حدايق 6 ابريل ؟؟؟ قابلو مسطول قال ليه لكن ما قالو ليك سنة كم ؟؟
اها يا فايت كلام رجال ( شايفه ان اتحسبت من العزابه ) !!!
يوم الجمعة الجايه مناسب .......
الساعة 8 مساءا ... نشرب بيبسى وبزيانوس ومويه من هناك !!!
اى واحد يجى خفيف ...
بس يا ريت لو ناذر يجى شايل العود عشان يكفينا شر مناقشة
مواضييع البورد .....
|
Post: #37
Title: Re: الفطور الجماعي لبورداب الخرطوم
Author: Tabaldina
Date: 10-15-2005, 07:38 AM
Parent: #1
|
Post: #38
Title: Re: الفطور الجماعي لبورداب الخرطوم
Author: Tabaldina
Date: 10-15-2005, 07:40 AM
Parent: #1
|
Post: #39
Title: Re: الفطور الجماعي لبورداب الخرطوم
Author: Tabaldina
Date: 10-15-2005, 07:41 AM
Parent: #1
|
Post: #40
Title: Re: الفطور الجماعي لبورداب الخرطوم
Author: Tabaldina
Date: 10-15-2005, 07:43 AM
Parent: #1
..
.
Quote: وعشان نكون جادين..
ولتلخيص البوست...
وعشان الفكرة تنجض..
نقول الاقتراحات دي:
1- اقتراح بيقول مسألة تلاقي الناس في وجبة فطور رمضان فيها صعوبة، وعلية يمكن ان يكون التلاقي بعد الفطور..
وفي الحته دي أنا بقترح ان يكون اليوم هو يوم الجمعة الموافق 18/ رمضان، عند الساعة الثامنة مساء، بحدائق الرياض، جوار شنو كدا ما عارف..
2- اقتراح بيقول يكون التلاقي لحظة وجبة الافطار.. وهنا برضو أنا بقترح أن يكون الافطار يوم الجمعة وبنفس التفاصيل السابقة.
مع أكيد حبي وتقديري،،،
عادل فايت |
سلام يا عادل ،،،
انا والله يا اخوي جادي ودا ما كلام هظار ..
فطور ديجانغو ( معليش للمصطلح الجامعي ) .. يعنى الماكولات والمشروبات
ما من البيوت نتشترى المأكولات وسلطات الخضار والفواكه
من دليشوش / مؤمن / الجواد / هافانا ..(سندوتشات/سامبكسة/بيتزا* الخ (مجموعة محددة)
المشروبات من غازية او مياه او عصائر من اقرب سوبر ماركت قرب المنتزه
( سعودى مثلاً) ( مجموعة محددة)
الفرشات والسجادات .. الخ ( مجموعتين بيكونوا فى ضهرية العربات )
الشاى والقهوة .. تحضر من البيوت وبرضو من طرفين اوأربعة
والناس تتلاقي الساعة 6:15 قبل الافطار بربع ساعة.. بمنتزه الرياض البوابة الشرقية مثلاً
الشيرنغ يحدد هنا ويجمع من اقرب الاشخاص ومن يستطيع يكمل ويستلم حقو ناشف فى المنتزه.
دراسة جدوى سبق ان نفذت خلال يومين من مجموعتنا كلفت الفرد 15 الف لعدد 15 شخص والاكل لمن
فضل ودفق ..
اقتراحك رقم (1) مستحيل لانو الناس بعد ما تفطر ما بالسهولة تقدر تجي وتصلكم بعد
الساعة 10 بعد التراويح عشان يلموا فى بعض بعد ساعة ويرجعوا الساعة 12 ليلا والجمعة مرفوضة
مع دوام السبت الساعة 9 دا لينا ولا اعلم عن ناس 7:30
الاقتراح التاني نقاطه ذكرتها ..
وووبس،،،
|
Post: #41
Title: Re: الفطور الجماعي لبورداب الخرطوم
Author: Tabaldina
Date: 10-16-2005, 08:06 AM
Parent: #1
..
.
يعنى نقول فطور ..
تصر يا عادل انو ما فطور وكمان الساعة 8 يعنى تراويح باااص
شنو الفهم !!
يعنى العايز يجي يجى ولا كيف ..
بعدين لزوم بوست تاني شنو ؟؟
رمضان كريم
|
Post: #42
Title: Re: الفطور الجماعي لبورداب الخرطوم
Author: ابراهيم بقال سراج
Date: 10-16-2005, 08:38 AM
Parent: #41
انشاء الله نكون معاكم بهناك يوم الجمعة الساعة 8 مساء
بحديقة الرياض مبادرة جميلة جداً ومقبولة
|
Post: #43
Title: Re: الفطور الجماعي لبورداب الخرطوم
Author: ADIL FAIT
Date: 10-16-2005, 09:01 AM
Parent: #42
Quote: انشاء الله نكون معاكم بهناك يوم الجمعة الساعة 8 مساء
بحديقة الرياض مبادرة جميلة جداً ومقبولة |
يا زول عشان ما تكون معانا حقوا تخت رقم تلفونك عشان نتصل عليك
مع أكيد حبي وتقديري،،،
عادل فايت
|
Post: #44
Title: Re: الفطور الجماعي لبورداب الخرطوم
Author: ابراهيم بقال سراج
Date: 10-16-2005, 12:03 PM
Parent: #1
ما شايف زول ختا رقم تلفونه لكن سنكون متابعين للبوست
وسنحضر انشاء الله
|
|