Post: #1
Title: مدحه - قالوا الحجيج قطع - ماحتصدقوا من المادح - ال........ الفنان
Author: NASERELDIN SALAH
Date: 10-04-2005, 11:50 PM
بس في الاول وروني انزلها كيف
عملتا ليها upload
المشكله في التنزيل
اها
|
Post: #2
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: tmbis
Date: 10-05-2005, 02:11 AM
Parent: #1
العزيز NASERELDIN SALAH
رمضان كريم..
انا دخلت تووش علشان اللقي المدحة شغاله
واعتقد واقترح ، واشك ،،، انها بصوت
الكابلي..
رايك شنو ؟؟
.
.
ادخل البوست ده فيهو شرح وافي وكافي للمشكلة وحاول بقدر الامكان تتابع الخطوات وبتلقى شرح للاكواد المطلوبة لإدراج الملفات .. وإذا احتجت اي مساعدة برضو ادينا خبر
** تحميل الملفات الموسيقية .. بسهولة ...
|
Post: #3
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: NASERELDIN SALAH
Date: 10-05-2005, 04:44 PM
Parent: #2
انا لمن قلتا ليك انت فنان
ما انا عاف انك فنان
و شكررا للمساعده
برجع
|
Post: #4
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: Elkhawad
Date: 10-05-2005, 05:57 PM
Parent: #3
ياعالم
ما تشحتفو روحنا
واسقونا من نور البقع
حاشيه
تمبس والله مشتاقين بس
|
Post: #5
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: NASERELDIN SALAH
Date: 10-05-2005, 09:14 PM
Parent: #4
اها اتصرفوا انتوا يا ناس تمبس
ما دام اكيد المدحه عندك
و معليش يا خواض لكن المدحه شديده
لو اديتوني ال e mail ممكن ارسلا لبكم و انتوا اتصرفوا
غايتو اتلومنا مع الناس
يدكم معانا
[email protected]
|
Post: #11
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: tmbis
Date: 10-07-2005, 04:22 PM
Parent: #5
العزيز نصر الدين ..
معليش شكلي تاخرت عليك ..
اديني في الايميل ده اي حاجة
ub7sa(at)yahoo.com
في انتظارك
|
Post: #10
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: tmbis
Date: 10-07-2005, 04:17 PM
Parent: #4
Quote: حاشيه
تمبس والله مشتاقين بس
|
الخواض الماستر
وينك ياحبوب ؟؟
رمضان كريم وتصوم وتفطر على خير ..
مشتاقين والله ..
|
Post: #7
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: NASERELDIN SALAH
Date: 10-07-2005, 03:12 PM
Parent: #6
يديك العافيه يا الزوول
اتاريها شروط بكري ال 750
شرطت عينا
تسلم يا حبيب
نصرالدين
|
Post: #8
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: عاطف عمر
Date: 10-07-2005, 03:38 PM
Parent: #7
أخي نصر الدين
تحياتي
كل عام و أنتم بخير ، و ربنا يوعدنا بالحج .
أسهم معك بتقديم مدحة قالوا الحجيج قطع و هي للشيخ أحمد ود أبو كساوي أرجو أن يعذرني القراء الكرام لعدم دقة الحفظ ، و أرجو أن يصححني من يملك النص .
قالوا الحجيج قطع
طالب نور البقع
قلبي زاد وجع
حماني القيد منع
على عبدو قام شرع
متقاصر ما بتع
جاب العسل نقع
كباهو في القرع
ديوانه اجتمع
و أسقى لأهل السمع
مجذوبهم تف وقع
كالمغشي الإنصرع
في الدنيا انتفع
و الآخرة نال شفع
------------------
ثاني القصيد رجع
فوق بهجة المقع
قمر القسوم طلع
الضوا ما انقطع
في العرش لاح سطع
الذاكر ما إضجع
حبو القلوب خلع
يوم النهار صقع
لولاهو نروح جرع
-----------------
دا العالي في القدر
ذو العز و الفخر
لو طويل و لو قصر
لو غليد و لو نسر
في حقه الصبر
حين ينزل الأمر
شفيعنا في الحشر
ليلة عرقنا يخر
التبعك للختر
و الخالف من حالوا كر
--------------
دقوا النحاس ردف
جاء صاحب الوظف
ركب الصديق وقف
إتيامن و حلف
معلوم بحزم الصف
وما بعاين الطرف
و ما بخلي الدم يجف
رقدهم كالعلف
و العوق من عندو رف
قبض الملوك عنف
كدي جر للخلف
----------------
دقوا النحاس ضرب
جاء صاحب العجب
فاروق الإحتسب
القام الدين نصب
سل سيفوا المو كعب
ياخي سادي العين جب
سيبة اب هشب
من عندوا قام هرب
رسلهم في السلب
للهاشمي العجب
-----------
يا فمي قول السي
للنسبو من أمي
فارساً بريد الدي
ضربو النجيض مو ني
سيفو ما بفضل شي
الدبر الفيها وعي
شقاها و خلف الكي
نصروا القديم الحي
زوج أم كلثوم و رقيي
-----------------
دقو النحاس و رز
ركب المضرغم و هز
دخل المداين جز
خلى الرمام كالبز
في الأرض ما هن نز
كل المشكل فز
ود عمو الليث برز
نصر أب علامة و عز
--------------
يا حي و يا مجيب
ندعوك ألفين جمل
للمشهاد و اللين
ميتين للموية
و الزاد تجفا البريد
ميتين لأحبابنا
الجميع و البعيد
ميتين للفقراء
البقروا في المسيد
جملي البدورو ما أظنه يتوجد
ابيض لونه و على الدبلان يزيد
أفطس قدومو قلماً مبري بالإيد
سمحات عيونو ختماً دق ود تبيد
شارفات رجلينو مكلوفاً ياالرشيد
زمامو الفضة أربع تاواق و يزيد
خناقو الشولة غشيم ذهب العبيد
رسنو حريراً بارد لمسك الإيد
إن قلت رقبتو كالروق الفي الحويض
مكوكب زورو و الفدعة العند الإيد
ضامر حشاهو ماهو المتين عريض
إن قلت ذنبو فوق الشبرين ما بزيد
مرخي عرقوبو شوتال مدقوق جديد
سمحات سيقانو كاليد الهي حديد
مدور خفو في الوطية مو عريض
شارف سنامو قبة سيدي العبيد
طبعو المؤدب لو عاصي لو عنيد
كدي جيبو ملوحو يالعوض يا العبيد
سو فوقو سرجاً مكسي و مخشي جديد
إن قلت مجدوراً كالفصلة الفي القصيد
إن جاكا ماشي كيف عفرة الصعيد
يا أخوي أرتالوا من كونك ماك جديد
خنق للطارة طالب الرسول السيد
ريس السفينة قال أهلاً مداح السيد
بلاش أدخلو إن شاء الله توافو العيد
و دخلنا فيها و كدي قلنا يا مجيد
و في سروة واحدة و صلنا بقدرة السيد
في جدة خروجنا ما فينا من مريض
و حلقنا شعورنا و رجمنا خصم السيد
يا من كان منكم ألفين حورية تزيد
عيب الراوي الما رتب القصيد
يوم لمة الوعيد يضمنا النبي السيد
-----------------------
أحمد عليك قصد
في مدحه و اجتهد
كان دايح بالبلد
لا اطامن لا قعد
لا صام و لا عبد
القبر الفوقو السد
بيك يسلم من نشد
----------------
صليت على العدل
في شرعو ما بخل
ما صب سحاب نزل
كماهو و انعزل
النبت الفي السهل
عن علم لم يزل
تدخلو في أم قلل
و تواجهو بالعلل
|
Post: #9
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: yasiko
Date: 10-07-2005, 03:59 PM
Parent: #8
Thank all of you
Please the saving code
thank you
|
Post: #12
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: tmbis
Date: 10-07-2005, 04:31 PM
Parent: #7
Quote: المشكلة فيها أكبر من شروط بكري 750 كيلو بايت
عليك الله يا تمبس ورينا قاعد تخزن ملفاتك وين... |
الاعزاء
الزوول ، ونصر الدين
المساحة عند بكري بسيطة جدا وانا كنت بستعمل مواقع باشتراكات وللاسف لي فترة معظم الحسابات اتقفلت معاي لانو اصبح عليها ضغط شديد
لكن الأخ محمدين نزل بوست لي موقع يمكن التعامل معاه بسهولة حاولو تزوروهو
هدية رمضانية ..موقع رائع لتحميل كافة الملفات والصور (ب...فيها الموسيقي) .....
|
Post: #13
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: NASERELDIN SALAH
Date: 10-07-2005, 08:20 PM
Parent: #12
والله يا تمبس متأخر لكن الخيل العريقه دائما تاتي في اللفه
ولله يا عاطف تميت الكيف جد جد
انا عارف انوا المدجه مرتبطه بي قصه معينه و مؤثره
العارفا عليكم الله يكتب
تسلموا للمرور
نصرالدين
|
Post: #14
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: الزوول
Date: 10-07-2005, 08:45 PM
Parent: #1
السلام عليكم
عاطف عمر ...لك الشكر الجزيل ..ومن خلال الكلام المكتوب اكتشفت جملة من أخطاء سماعي
تمبس ...
الموقع بتاع محمدين غريب..
يعني ما يطلب منك أى شيء !!!
لا تسجيل لا شروط ولا أى حاجة؟؟ يعني الكرم النازل عليهم ده شنو يا ربي؟؟
عموما حاولت أنزّل حاجة حجمها 1.5 ميجبايت ورفض لآحدى للأسباب التالية زي ما قالوا
Quote: لم تقم بتحديد الملف المطلوب تحميله .
حجم الملف اكبر من الحجم المسموح به .
هذا الامتداد غير مسموح به .
|
مع انهم لم يضعوا أى شروط لحجم الملف ولا ورونا الأمتدادات الغير مسموح بها
عندك حل؟؟
.........
الحاج ياسيكو
تفضل الكود
http://www.bayanit.com/upload/protected/galloal7ajeejga6a3_1.ra
http://www.bayanit.com/upload/protected/GallooAl7ajeejga6a3_2.ra
آسف للشكل الما جميل لكن الكود ما ظبط معاي
نصر الدين
لك الشكر مرة أخرى على البوست الجميل
وما الناس إلا هالك وأبن هالك *** وذو نسب في الهالكين عريق
|
Post: #16
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: tmbis
Date: 10-08-2005, 01:07 AM
Parent: #14
العزيز الزول
سلامات ..
راجعت الآن الموقع .. وعملت محاولة تحميل ملف بمساحة 1.5 ميغا وتمت العملية بسهولة شديدة وسرعة ..
وبعد التحميل يظهر معاك شكل الرابط بهذه الطريقة
.
يستحسن تحميل الملفات ذات الامتدادات الخفيفة من النوعين الصور والملفات الموسيقية
يعني مثلا في الصور JPG .. والملفات الموسيقية ra ، MP3 ، wmv ، wma
بعدين الكرم ده عادي ياالزول في مواقع عديدة كانت بتقدم الخدمة دي مجانية بمساحات كبيرة جدا قبل فترة .. الآن معظم المواقع دي حتى امكانية الدخول ليها صعب طبعا المسألة ما كرم ساكت كده المسالة ملعوبة بحرفنة يعني المساحة البتلقاها مفتوحة بالشكل ده معناته عايزه تجمع اكبر قدر من البيانات باسرع فرصة وتحتفظ بيها لتدعيم الموقع .. أو اي قاعدة بيانات أخرى وما بيفرق كتير معاهم انهم يكونوا كرماء في تبادل المصالح المشتركة لفترة محدودة..لذلك وبمجرد الهجوم على الموقع وازدياد التحميل .. يقفلو المساحة أو يغلصو المساحة المجانية المسموح بيها أو يضعوا شروط للتعامل معاها من ضمنها الاشتراك بالموقع والتقيد بعدد محدد من المشاركات حتى تتمكن من الاستمتاع بي امتيازات المساحة وطبعا بالتالي تكون بقيت عضو غصباً عنك ، وتكون برضو خلقت اضافات للمساحة وقدرو يستقطبوك..
.
العزيز ياسيكو
رمضان كريم .. وليك أكواد الحفظ ..
العزيز الزول
سلامات ..
راجعت الآن الموقع .. وعملت محاولة تحميل ملف بمساحة 1.5 ميغا وتمت العملية بسهولة شديدة وسرعة ..
وبعد التحميل يظهر معاك شكل الرابط بهذه الطريقة
تحياتي لنصر الدين
عاطف عمر
سعد الدين
|
Post: #18
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: yasiko
Date: 10-09-2005, 01:25 PM
Parent: #16
Thank you
Tmbis
God bless you
I wish you forgiveness in this blessed and holly month
|
Post: #15
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: saadeldin abdelrahman
Date: 10-07-2005, 09:03 PM
Parent: #1
يخضر ضرعاتكم جنياتي التلاته
تدقوا "الذوق" دق الحساده
تحموا ما يقلب الشهاده..
واااااافر الشكر لكم يا أحبه
|
Post: #17
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: عاطف عمر
Date: 10-08-2005, 03:13 PM
Parent: #1
مدح الحبيب المصطفى عليه أفضل الصلوات وأتم التسليم هو خاصية شرفناالله تعالى بها نحن مسلمي السودان
فقبلنا نحن البشر فقد مدحه خالق البشر.
لكننا نجمل كلماتنا ونحسنها ونباركها بمدحه وذكر شمائله وسيرته العطرة .
لدينا تراث ضخم مهيب في مدح الحبيب المصطفى لكنه غير معروف مع كثرة الرواة وتعدد الفرق الموسيقيةالتي ظهرت في الآونة الأخيرة . فقد حصروا أنفسهم في دائرة شيخنا العارف بالله عبدالرحيم البرعي ( نفعنا الله بجاهه )مع ثرائها العريض . ولو نقبوا قليلاً لاكتشفوا درراً قل نظيرها فهناك على سبيل المثال المدائح التي أنشأها العارفون بالله
الشريف محمد الأمين الخاتم
الشريف التجاني الشريف محمد الأمين الخاتم
الشريف يوسف الهندي
أبوشريعة
حاج الماحي
ود تميم
ود سعد
هاشم عبد المحمود
حياتي
أحمد أبوكساوي
سعد موسى أبو قرون
لكم آمل أن تظهر هذه الدرر للجميع ففيها المحبة والأدب والسيرة النبوية العطرة والموعظة الصادقة
وتحياتي للجميع
|
Post: #19
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: الزوول
Date: 10-10-2005, 01:12 PM
Parent: #17
السلام عليكم
الأخ العزيز عاطف عمر
ليس من عادتي تتبع أخطاء الناس الإملائية ولكن أرجو إصلاح هذه الجملة لأهميتها إذ انها تتكلم عن خالق البشر سبحانه وتعالى .
Quote: فقبلنا نحن البشر فقد مدحه خالق الشر.
|
كما لا أنسى أن اشكرك على المعلومات الثرة التي حفل بها ردك وأود أن أدعوك لفتح بوست تعريفي يتكلم عن هولاء الذين ذكرت ،مع بعض النماذج من مديحهم وكلي ثقة في فناني البورد (تمبس ورفقاءه ) بمد يد المساعدة الفنية والتوثيقية اللازمة.(ويا ريت تبدأ بالشيخ حياتي)
عزيزي تمبس
المشغولية منعتني أن أرد عليك في حينها فشكراً على المعلومات القيّمة وساحاول الدخول ومحاولة التحميل من موقع (الأخ محمدين)
وما الناس إلا هالك وأبن هالك *** وذو نسب في الهالكين عريق
|
Post: #20
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: عاطف عمر
Date: 10-10-2005, 02:09 PM
Parent: #19
الأخ الحبيب الزوول
سلام من الله ورحمته وبركاته
| Quote: ليس من عادتي تتبع أخطاء الناس الإملائية ولكن أرجو إصلاح هذه الجملة لأهميتها إذ انها تتكلم عن خالق البشر سبحانه وتعالى . |
أسعد كثيراً بمن يصحح أخطائي في دنيانا الفانية هذه
فكيف إذا ارتبط الخطأ بالله عز وجل ؟؟
استغفر الله وأتوب إليه
لذلك تجدني مدين لك بفضل مساعدتي على جهلي
كما ارجوك أن تصححني متى ما وجدتنى أحيد عن الصواب
أو كما قال الشيخ حياتي رضى الله عنه
ها أنا المقر علن
صحفي الأوزار ملن
أما عن طلبك
| Quote: وأود أن أدعوك لفتح بوست تعريفي يتكلم عن هولاء الذين ذكرت ،مع بعض النماذج من مديحهم |
فيشرفني كثيراً فتح هذا البوست
لكن كما تعرف منطقة كهذي لابد لها من استعداد جسدي وروحي
لأن الكلام فيها ليس كمثل كل كلام يلقى على عواهنه
فهؤلاء هم القوم الذين لا يشقي جليسهم
في حضرتهم يجب التأدب
والقول الموزون
الشكر أجزله لك
ولصاحب ورواد هذا البوست النير
|
Post: #21
Title: Re: مدحه - قالوا الحجيج قطع - ماحتصدقوا من المادح - ال........ الفنان
Author: yasiko
Date: 10-11-2005, 11:31 AM
Parent: #1
Thank you Alzool
thank you Tmbis
and every one patricipated in this post
God bless all of you
|
|
