ياسعادة الوزير أقرب الكوة ولا ميدان الاهلية

الاعزاء
لا اخفي سعادتي عندما يرد ذكر بلدتنا الكوة في الاخبار حتي ولو لاخبار غير مفرحة كما حدث في نشرة التلفزيون امس فقد تم تغطية خبرية لاجتماع فرع حزب المؤتمر الوطني في النيل الابيض.العاوزين نعرفوا وما قادر يركب في راسنا حكايةكاميرا التلفزيون البتصل الكوة و ما قادرة توصل دار حزب الامة او الديم ولا ميدان الاهلية عشان كمان نسمع ناس الامة الجد جدوالشيوعيين بيقولو شنو اما حكاية الفاشرو جوبا وبورتسودان دي شايفة بعيدة عليهاو علبكم ولا رايك شنو يا سعادتو كاميرات التلفزيون دي عاملين ليها عمل ولا خلقة الله طوالي محّّّوّوصة كده
لكم الود

الأخ مجدى
عاد لا حولة لا قوة
حبيبى الليلة فى الكوة
****
ما داعى الحوقلة هنا؟؟؟؟

Quote: حكايةكاميرا التلفزيون البتصل الكوة و ما قادرة توصل دار حزب الامة او الديم ولا ميدان الاهلية عشان كمان نسمع ناس الامة الجد جدوالشيوعيين بيقولو شنو اما حكاية الفاشرو جوبا وبورتسودان دي شايفة بعيدة عليهاو علبكم ولا رايك شنو يا سعادتو كاميرات التلفزيون دي عاملين ليها عمل ولا خلقة الله طوالي محّّّوّوصة كده.

يا زول هووي ... التلفزيون تلفزيونهم و هم اسيادو... و بنصوص الاتفاقية النيفاشية ... الحزب الشيوعي و حزب الامة و بقية الاحزاب (الشمالية)!! ان جاز التعبير تابعين لناس المؤتمر الوطني ... و بالتالي من الطبيعي جدا ان تدور الكاميرا في المكان و الزمان الل>ين يحددهما ناس المؤتمر الوطني... و الي ان ينعتق كل من الامة و الشيوعي و بقية الجماعة الطيبين من اسر ناس البشير ... ستظل كاميرات التفلزيون تدور حيث يشاء ناس المؤتمر الوطني.

ما العمل؟

Quote: ولا رايك شنو يا سعادتو كاميرات التلفزيون دي عاملين ليها عمل ولا خلقة الله طوالي محّّّوّوصة كده.

ما تحته خط فيه انتهاك كبير لحقوق المحوصين/ات!!

قالوا المشكلة فنية انو الكاميرات ما بتمشي اي مكان لانهااتربت علي التجاهل و المحركة اتفطمت بدعاوي كل شئ لله ودفاعنا الشعبي ما بتعرف العرض والتحليلاو التحقيق وكشف الفساد والقصور بس بتعرف الخم والتطبيل و التهليل ولغاية ما يجيبوا لينا كاميرات جديدة احسن لينا اذاعة لندن
ولكم الود