Post: #1
Title: غادر أستاذنا محجوب شريف السرير الأبيض
Author: almohndis
Date: 09-21-2005, 07:31 AM
غادر أمس الثلاثاء الموافق 20/9
مستشفي مركز السكري
الشكر موصول لك جميعا
|
Post: #2
Title: Re: غادر أستاذنا محجوب شريف السرير الأبيض
Author: طلال عفيفي
Date: 09-21-2005, 07:41 AM
Parent: #1
حمدلله ألف على السلامة ..
شكراُ يا باش مهندس على هذا الخبر ..
الله يجعلو في ميزان حسناتك ..
...
طلال
|
Post: #3
Title: Re: غادر أستاذنا محجوب شريف السرير الأبيض
Author: Hatim Elhassan
Date: 09-21-2005, 07:46 AM
Parent: #2
بلا و انجلا
مرحب ابونا محجوب و لسه راجين غناك
تخريمة:
دى ما لافقة معاك يا طلال
Quote: الله يجعلو في ميزان حسناتك .. |
|
Post: #22
Title: Re: غادر أستاذنا محجوب شريف السرير الأبيض
Author: طلال عفيفي
Date: 09-22-2005, 06:16 AM
Parent: #3
Quote: تخريمة:
دى ما لافقة معاك يا طلال
Quote: Quote: الله يجعلو في ميزان حسناتك ..
|
|
يعني لازم الإحراج ده يا حاتم ؟ 
|
Post: #13
Title: Re: غادر أستاذنا محجوب شريف السرير الأبيض
Author: Elmosley
Date: 09-21-2005, 07:18 PM
Parent: #2
سلامتك بيها يسلم الوطن
|
Post: #4
Title: Re: غادر أستاذنا محجوب شريف السرير الأبيض
Author: Salwa Seyam
Date: 09-21-2005, 08:07 AM
Parent: #1
...تفج الدنيا ياما وتطلع من زحاما
زي بدر التمام
تدي النخلة طولا والغابات طبولا
والايام فصولا والبذرة الغمام
قدرك عالي قدرك يا سامي المقام
يا ملهم رماحك سناها الصدام
أمدر والطوابي في صدرك وسام
ملامح كم تسامح تغضب لا تلام
همه وعبقرية.. ذمه وفنجرية
ضد العنصرية وتحلم بالسلام
فداك وفي حواك يا مدد الكلام
عفوك انت ورضاك وبرنا ليك تمام
وبحلم في حداك بي حسن الختام
دَينك كم علينا منك والدينا
واجمل ما لدينا..
من يوم السماية.. ومن قبل الفطام
منك كل حته في الخاطر صبابا
جنبك نبته نبته نكبر نحن يابا
نسألك انت وانت ورينا الاجابة
علمنا الرماية والحجا والقراية
والمشي في مهابه في الضحى والظلام
|
Post: #5
Title: Re: غادر أستاذنا محجوب شريف السرير الأبيض
Author: سجيمان
Date: 09-21-2005, 08:11 AM
Parent: #4
الف حمد الله على سلامة استاذنا الكبير محجوب شريف
حرية رأي:-
يا عاجبلك انا الرجال والنسوان المتفلهمين ومتفلفسين ماقاعد ادورهم
|
Post: #7
Title: Re: غادر أستاذنا محجوب شريف السرير الأبيض
Author: ABUKHALID
Date: 09-21-2005, 08:22 AM
Parent: #5
غني ياخرطوم وعني
وشدي أوتار المغني
الف صحة وسلامة تصحبك محجوب شريف
|
Post: #6
Title: Re: غادر أستاذنا محجوب شريف السرير الأبيض
Author: wadalzain
Date: 09-21-2005, 08:20 AM
Parent: #4
شفا الله شاعرنا وشاعر الشعب محجوب شريف .
ملحوظه :-
قرأت امس فى جريدة الرأى العام مقال لمحمد ابراهيم الشوش فى مقدمة المقال تعريض ومطاعنه فى شاعر الشعب , الموضوع فى ظاهره كأنه يشكره ولكن المدقق وبمفهوم المخالفه يجد انه مطاعنه وتعريض فى محجوب شريف فهو يقول انه قرأ اللقاء الذى عمله اعتقد محمد لطيف مع محجوب شريف وقد قال رأيا جيدا عن الادب والشعر واتى محمد ابراهيم الشوش بجمله اعتراضيه قال فيها اظن ذلك من زيادة السكر فى دمه اى يعنى انه لولا زيادة السكر فى دمه لما اتى بهذا الرأى الجيد ويمكن ان تفهم بصوره اخرى انه يتمنى له زيادة السكر فى دمه حتى يأتى بمثل هذه الاراء الجيده ولا يقدح فى ذلك كله انه اتى فى نهاية الجمله بكلمة عافاه الله فهى قد قالها للاستهلاك فقط.
لقد صمت محمد ابراهيم الشوش دهرا عن قضايا السودان جميعها وعندما كان المثقفين يقفون على منصات المشانق ويعذبون ويدافعون عن الثقافه المرتبطه بقضايا الناس كان هو خارج البلاد ينعم ولا يشارك بكلمه واحده اما الآن فقد اتى ونطق كفرا . فبئس المثقف هو وبئس ما يطلبه .
|
Post: #8
Title: Re: غادر أستاذنا محجوب شريف السرير الأبيض
Author: عمر ادريس محمد
Date: 09-21-2005, 08:25 AM
Parent: #1
حمدلله ألف على السلامة .
شكراُ يا باش مهندس على هذا الخبر .
|
Post: #9
Title: Re: غادر أستاذنا محجوب شريف السرير الأبيض
Author: waleedi399
Date: 09-21-2005, 12:04 PM
Parent: #8
الاستاذ الشاعر المرهف
محجـــوب شريـــف ..
حبيناك من قلوبنا .. وهويناك يا حلو
ظللت اتابع منذ فترة ليست بالقصيرة مع بعض الشباب الحلوين من بورداب الخرطوم و شقيقي المهندس عثمان احمد عبد الله خاصة .. الذي كان يزوره مع بقية البورداب بشكل يومي لأطمئن على صحتة (القمة، الوطن) الحبيب شاعر الشعب محجوب شريف وهو طريح مركز السكري بالخرطوم بحري ولله الحمد يتماثل محجوب شريف إلى الشفاء،،
لك الله يا محجوب شريف مثل هذه القامات يجب ان ترعى ويحافظ عليها حتى لا تأول إلى السقوط ولا اظنها تفعل، فمثله سيبقى في (حدق العيون) واسمه محفور في اعماق قلوب ووجدان الشعب السوداني .. شفاك الله من هذا المرض اللعين، وانشاء الله ما تشوف شر .. شكراً لكل من وقف إلى جانب هذا الرجل الانسان في محنته .. وشكراً لك اخي وشقيقي الاخ عثمان احمد والله الموفق..
امـــــــــــــيـن
لك الله ... يا شاعر الشعب
|
Post: #10
Title: Re: غادر أستاذنا محجوب شريف السرير الأبيض
Author: Sidig Rahama Elnour
Date: 09-21-2005, 01:18 PM
Parent: #9
حمد لله على السلامة للأستاذ الفاضل محجوب شريف
متعك الله بالصحة والعافية يا أستاذنا محجوب وجعلها الوراث منك
المهندس :أرجو إرسال أيميلك حتى يتسنى لي أرسال أخبار صلاح عجلاوي حسب ما طلبت في بوست كسلا .. لك الشكر والتقدير
|
Post: #11
Title: Re: غادر أستاذنا محجوب شريف السرير الأبيض
Author: almohndis
Date: 09-21-2005, 02:44 PM
Parent: #1
الاخ صديق رحمه شكر لك
هذا هو الماعون
[email protected]
|
Post: #12
Title: Re: غادر أستاذنا محجوب شريف السرير الأبيض
Author: خضر حسين خليل
Date: 09-21-2005, 05:30 PM
Parent: #1
أجمل ما قرأت في هذا اليوم السعيد
شكراً المهندس وتحياتنا عبرك لملهم شعبنا الاستاذ محجوب شريف متعه الله بالصحة والعافية
خضر
|
Post: #14
Title: Re: غادر أستاذنا محجوب شريف السرير الأبيض
Author: صديق الموج
Date: 09-21-2005, 07:57 PM
Parent: #1
المجد عوفى اذا عوفيت والكرم
والتحية لك اخى عثمان...التهانى تصل الاخت اميرة ومى ومريم
|
Post: #15
Title: Re: غادر أستاذنا محجوب شريف السرير الأبيض
Author: حسن النور محمد
Date: 09-21-2005, 11:30 PM
Parent: #1
سلامته المرهف
|
Post: #16
Title: Re: غادر أستاذنا محجوب شريف السرير الأبيض
Author: ودقاسم
Date: 09-21-2005, 11:58 PM
Parent: #1
ألف حمدا لله على السلامة ، وربنا يحفظ شاعر الشعب من كل أذى ،،،
شكرا لك عثمان المهندس...
|
Post: #17
Title: Re: غادر أستاذنا محجوب شريف السرير الأبيض
Author: هشام المجمر
Date: 09-22-2005, 00:50 AM
Parent: #1
محجوب شريف يستحق لقب شاعر الشعب ولا اريد ان أشرح لماذا فذلك معروف.
فقط ارسل تمنياتى له بدوام الصحة و العافية واقول له
الآن أعطاك الشعب حبيبك بطاقتك الشخصية بانك شاعر الشعب.
|
Post: #18
Title: Re: غادر أستاذنا محجوب شريف السرير الأبيض
Author: إسماعيل التاج
Date: 09-22-2005, 01:50 AM
Parent: #1
حمداً لله على سلامة محجوب يا مهندس.
ما تنسى تشتري الحاجة الإتـفـقنا عليها وتقدمها للأستاذ محجوب والحساب جاري.
تحياتي
|
Post: #19
Title: Re: غادر أستاذنا محجوب شريف السرير الأبيض
Author: Abu Mariam
Date: 09-22-2005, 02:12 AM
Parent: #1
الف حمدلله على سلامة الاستاذ محجوب شريف
|
Post: #20
Title: Re: غادر أستاذنا محجوب شريف السرير الأبيض
Author: saadeldin abdelrahman
Date: 09-22-2005, 04:48 AM
Parent: #1
الف حمد الله على سلامة استاذنا الكبير محجوب شريف
|
Post: #21
Title: Re: غادر أستاذنا محجوب شريف السرير الأبيض
Author: حسام يوسف
Date: 09-22-2005, 05:15 AM
Parent: #20
غطى الجبال الليل
لكن هدير السيل
لكن صهيل الخيل
نار الغضب والجوع
تحت الجبل مسموع
يضووا عز الليل
الف حمدلله علي سلامة الاستاذ محجوب شريف
|
Post: #23
Title: Re: غادر أستاذنا محجوب شريف السرير الأبيض
Author: Abdalla Hussain
Date: 09-22-2005, 02:29 PM
Parent: #1
مريم ومي
محجوب شريف
مريم ومي
بنياتي
وحشتني ولعبتن بي
تحياتي
تصحوا أمامي أشواقاً
تهز النبض وتتاتي
عميقاً من شعاب النوم
ألاقي الذكرى بتتاتي
سلاماً يا حماماتي
أسكنن في مساماتي
سلاماً يا غماماتي
البتدّني ابتساماتي
يسافر قلبي
صوتي يرن
يسابق الريح
قلب الوالد
إنت صحيح
تحن وتهم
حذاراك من الجواك
حذاراك من جري التبريح
********
سلموا لي عليهم جُملة
حتى اللسة قبل الخلق والتكوين
صُناع الحياة اليوماتي
ملح الأرض
نبض الشعر والموسيقى والتلوين
هدامين قلاع الخوف
كانت هذه الدراجة يوماً ما كلاشنكوف
مابين منارات السمع والشوف
نقاشين جدار الصمت
نساجين خيوط الشمس
كهربجية الظُلمات
وأجمل ما تكون الدنيا
رسامين وحفارين مجاري العصر
نصراً ... نصر
حروفن وا حلالي
تشمهن ترتاح
حاء حرية
تاء تغيير
جيم جرار
كاء كتاب
ميم مسمار
وسكة حديد تهز وترز
باء بحارة
بحراً عبّ وسار
وطن مدرار
جرت تتلاحق الأنهار
كما بتتلاحق الأعراف
كما بتتصافح الأديان
كما بتتماذج الألوان
هجيناً من سُلالات الفخار والعز
مرور النسمة وأيضاً هبة الإعصار
علم في نشرة الأخبار
وهيبة على امتداد الكون
وعلماً في حماه الوردة
حتى الزهرة والمريخ
شبح حرب النجوم ينزاح
أيادي القهر خلف الظهر مكتوفين
أفاعي السُخت حيث مزابل التاريخ
********
سلموا لي عليهم جُملة
حتى اللسة قبل الخلق والتكوين
بشوفن كلهم هسى
عصافيراً ترك جنبي
نوافيراً ترش قلبي
حماماتي بتشرب هسى من إيدي
مريم ومي
بنياتي
سمعتن صوتي جيتن هي
طلعتن من زوايا السجن كاللبلاب
وبين السونكي والترباس
وبالرقراق
وحلق الباب
وعبر السور
زي النجمة والعصفور
تجرن جدولاً رقراق
ومن حبل العشم فتلات
ومن حقل الوطن شتلات
وأُمكن الفي القلب جبتن لي
من تيابه شُراع
ومنديلاً خيوطو شُعاع
وكراساً مسطر بالضُحى اللماع
وخط إيده وشعوره الحي
وقالت لي
وقالت لي:
سلاماً يا ابو مريم ومي
ثباتك شُعلة في إيدي
بناتك خلي راسن فوق
وحاشاك الكلام الني
وحاتك ما انكسرنا وراك
ولابد أن يعود الحي
وفجراً ككرب حيبين
وشعباً تترب حيقوم
ويملا شوارع الخرطوم
وتجري مدامع الحلال
تجر النم تسوي القوق
وفوق فوق
سودانا فوق
بدل شاهيك أشرب دم
إذا قُلت الكلام الني
وأنا الما عندي ليهن شي
لا في البنك ولا في الدين
سوى الكلمة اللي ما بتنداس
ولا بصبح مكانة االرف
ولا عصفورة جُوه الكف
ولا صقراً يحلق فوق وينزل كف
نبض الشعب أجمل من بريق الماس
وأجمل من حليب السُترة ما حبيت مشارب كاس
كما القمرية بين أغصانه
أشرف من موائد ناس
وأقرب للوطن من ناس
وخيراً جانا ما عم البلد وسواس
إذن فلتُقرع الأجراس
مريم حضري الكراس
أميرة ومي تعالن جاي
نغني لآخر المشوار
نغني لآخر الأنفاس
ألف سلامة يا ابو مريم ومي.
|
Post: #24
Title: Re: غادر أستاذنا محجوب شريف السرير الأبيض
Author: نادية عثمان
Date: 09-22-2005, 05:08 PM
Parent: #23
حمد الفففففففففففففففففففففف على السلامة ياشاعر الوطن الشفيف
|
|