عشة وميرى تدعوان بعاجل الشفاء لشاعر الشعب

عشةكلمينا
ميرى ذكرينا
كل سنكى أحسن
يبقى..مسطرينا
**
نحن شعب أسطى
يلا..جيبو مونا
نبنى..نبنى نبنى
مصنعا..وبوستة
حرب لالالالا
كبرى..اسبتالية
صالة للثقافة
تمرح الغزالة
جنبها..الزرافةرك قمرى طار
قيرة قيرة قيرة
نطط الصغار
صفق الترولى
طمن..القطار
حلقت..وحلقت
حمامة المطار
كل طلقة..بينا
نحن تبقى وفرة
سمسما وبفرة
سكرا..وشاى
تتراسايكلين
جاى وجاى وجاى
مافى حاجة ساى
كلو عندو دين
كلو عندو رأى
بور..وبورسودان
بارا..والجنينة
عبرى..ولا واو
حاجة موش كويسة
كلو زول براو
هى سودانا بكرة
من سودانا ناو
تكتب انت تقرأ
تعرف السياسة
في محل حراسة
حجلرة الدراسة
تكشة انت تلقى
فى الضلمة..لمبة
ألف ضحكة حلوة
تسندك بجنبة
بي تمن طبنجة
أحسن الكمنجة
أحلى شتل منقة
أحسن الحليب
ايد..وايد وايد
نزرع الجديد
غابة النشيد
ايد..وايد وايد
مافى بينا سيد
ايد..وايد وايد
نلحق البعيد
نحنه مش مرقنا
حتة واحدة جينا
جينا لى السرقنا
حقنا..وعصينا
دمنا..وعرقنا
ولعوا الرتينا
**
عشةكلمينا
ميرى ذكرينا
كل سنكى أحسن
يبقى..مسطرينا

محجوب شريف

وقال

يا

جنى




مصطفى يا بوى


مصطفى يا خوى

مصطفى يا خال

يالغصن الشال أصرار ونشيد

كم عز على قبل ألميعاد روحت بعيد

قلبك ماكان هودج رحال فى عرض ألبيد

ميدان اشبال فى ساحة حى

وغيابك طال

وألشمس تميل على كتف النيل تدى الشبال

مصطفى يا بوى مصطفى ياخوى ياخال

فى أخر يوم انا شفتك كان لحظة ميلاد

كان بالتحديد فى يوليو ألعيد

وسط العمال تهتف ونعيد

والشمس تميل على كتف النيل تدى الشبال

لو جانا خطاب منك مرسال

ماقلنا خيال

لو جيت فى يوم دقيت ألباب ماقلنا خيال



مقاطع من رساله...الى مصطفى محمد صالح

محجوب شريف