Post: #1
Title: مسدار أبوالسرة لليانكي - إهداء لكل الأحباب
Author: Agab
Date: 09-09-2005, 09:44 PM
Parent: #0
أعزائي
ظللت أبحث عن هذا المسدار لسنين
والأن وجدته
وإهداء خاص
لــــــــــــ
عمك تنقو
تمبس
معتصم دفع الله X ٢
محمد ابوالقاسم
ودالعباسية
محمد علي
وكل من أمتعنا بإدراج إغنية ونسيت إسمو
فأستمتعوا معي
|
Post: #2
Title: Re: مسدار أبوالسرة لليانكي - إهداء لكل الأحباب
Author: munswor almophtah
Date: 09-09-2005, 10:01 PM
Parent: #1
عجبا يا عجب جئت به بعد ما كملت كوتة الشوق وصقعنا الجره
لك السلام وسواكنيتك لقطه أوعى تكون هنديه أو باكستانيه........
منصور
|
Post: #3
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-09-2005, 10:18 PM
Parent: #2
الرائع منصــــــــــــــور
أنا ذاتي هداني الشوق بحثاً عن المسدار
لكن
وجدتها
وجدتها
| Quote: وسواكنيتك لقطه أوعى تكون هنديه أو باكستانيه |
وسواكنيتي
هدية غالية من أهلي الطيبين ببورسودان حينما ودعتهم تاركاً عملي هناك
لأرميكــــــــــــــــــــــا
لك ودي
وليدالعجب
|
Post: #4
Title: Re: مسدار أبوالسرة لليانكي - إهداء لكل الأحباب
Author: waleedi399
Date: 09-10-2005, 04:28 AM
Parent: #3
Quote: وإهداء خاص
لــــــــــــ
عمك تنقو
تمبس
معتصم دفع الله X ٢
محمد ابوالقاسم
ودالعباسية
محمد علي |
حصل خير ديل برضو اخوانا يا عجب 
|
Post: #5
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-10-2005, 10:38 AM
Parent: #1
| Quote: حصل خير ديل برضو اخوانا يا عجب |
وليد ٣٩٩
قلنا للناس البنزولو أغاني
وبعدين أنا إسمك كنت كاتبو
المسحو شنو
|
Post: #16
Title: Re: مسدار أبوالسرة لليانكي - إهداء لكل الأحباب
Author: waleedi399
Date: 09-12-2005, 12:00 PM
Parent: #5
Quote: وبعدين أنا إسمك كنت كاتبو
المسحو شنو |
دي انا ما شفتها بقا يا عجـب ..
قديمة قلت لي كنت كاتبني
وانا اقول يا ربي الكاتبني
دا منو .. وانا اقول اموري معرقله ماله
أنتو جنكم تكتبــو الناس كد
يا عجــب
|
Post: #6
Title: Re: مسدار أبوالسرة لليانكي - إهداء لكل الأحباب
Author: Mohamed Elbashir
Date: 09-11-2005, 01:43 AM
Parent: #1
سلام يا عجبنا
مشكور علي الهديه الجميله يا فنان
و شكلك مدكن الحاجات السمحه دي براك
المهم يا سيدي تقديرا لهديتكم الجميله قررنا الأفراج علي عدد واحد CD يكون بطرفكم متي ما وصلني عنوانكم أو متي ما قررت زياره البندر.
وربنا يخلي لينا السديري و العود
تحياتي
محمد علي
|
Post: #9
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-11-2005, 02:36 PM
Parent: #6
محمد علي
يا رائع
أخوك عندو من
كلام يا عوض دكام
لغاية
الأطـــــــــــــــــــــلال
لكن عارف ظروف الشغل
جية للبندر مافي قريب لكن عنواني
428
Fourth St., Apt. B
Columbus, IN 47201
وأنا واثق من ذوقك
خالص الود
وليدالعجب
|
Post: #7
Title: Re: مسدار أبوالسرة لليانكي - إهداء لكل الأحباب
Author: معتصم دفع الله
Date: 09-11-2005, 04:59 AM
Parent: #1
يا ولي ..
أمس أنا كنت هنا ..
الليلة جيت لقيت نفسي مافي ..
شكراً ليك يا ملك القوافي ..
وشكراً ليك يا جميل يا ذوق ..
على الإهداء الرائع ..
وعقد الجلاد ومسدار أبوالسرة ..
دوماً حاضراً في مواضع الجمال ..
أنيق ورائع ..
دم بخير يا صديقي ..
مع محبتي وتقديري ..
|
Post: #10
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-11-2005, 02:39 PM
Parent: #7
معتصم
أتتبعك فإينما وجد الجمال والإبداع وجدت
لك ودي
وليدالعجب
|
Post: #8
Title: Re: مسدار أبوالسرة لليانكي - إهداء لكل الأحباب
Author: Salma Daoud
Date: 09-11-2005, 06:42 AM
Parent: #1
يا عجبنا....
...فتنا الحجرة بالكته....
و غطسنا مســـــــــافة.....
مسافة تبقى قدر مسالك الريدة... ما لاقانا من يغبانا...
المحيرني إنت منزل الأغنيه دي وين؟؟؟
بس تفتح البوست تجيك منسابة زي نسمة حنيييينة....
لو في طريقة داونلود تكون ما قصرت تب!!!
|
Post: #11
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-11-2005, 02:54 PM
Parent: #1
الغالية ست الناس
وهي نسمة لذلك كان لابد من الإنسياب
,,,,,,,,,,,,,
ذكرتني بعضاً من
كازينو النيل الأزرق
و قاعة الصداقة
..............
............
..........
ويا حليل زمان
وأيام زمان
يا سلمي لو تتذكري
تحية لكل القروب
وإجتماعكم الشهر ده متين
دوماً
ودالعجب
|
Post: #12
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-11-2005, 04:21 PM
Parent: #1
غايتو يا سلمي
يعني لازم تحرجونا يعني
حاولي ده
لغاية ما زول ينقذنا بلنك الحفظ
Save @ PC
|
Post: #13
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-11-2005, 10:33 PM
Parent: #1
شعــــــــــــــر / محمد طـــــــــــه القـــــــــــــدال
أُمّاتِي القِبيلْ
بي حِنّهنْ لجّـنّي
كَرفة وقَلدة
كيف شوق اللّبن رَجّني
حُزناً جاني في مَيْع الصِّبا يلَجِّني
أطلعْ مِنِّي يا جلدي المِنمِّل جِنيِّ
واطلعْ مِنِّي يا حُزناً بِقى مكَجِّني
خَلّني أبدا مُسداري
وأودي قفايا لي داراً بِقَتْ مِي دَاري
جِيتَا ..
وجِلْدِي بينو وبين عضاي الشّحَمَة
إلا النّار بِقَتْ قِدّامي
جِلْدِي اللّيلة بينو وبين عَضَايَ المافي
إلاّ تراني شَوّالْ الكِبِسْ
نِفّيخْ جَراريب الوَرَمْ هَدّامِي
في جِلدي الورم قُولَنْلي
وللاّ صَحِي الورم عَضّامِي
سفريتك مِي الفي النيّة
وميها الكانت محريّة
خابراكْ عِرِّيفْ ..
ذم العُربانْ واللاّ قِيام الوردية
مالكْ ؟؟؟
تَرْيَانْ ومندِّي
كاسي الكِتّان والهندي
قولَكْ كِكّيفْ ترجى البيشان
واللاّ الغُربة البي الزِّنْدي
برقاً عِبْدِللِّي الوَزْنِ
يا طاشْ .. يا جاب المُزْنِ
فَرِّقْ يا الضّيفْ
فِعْل الغَضْبان ..
أم فِرفيرات الحُزْنِ
وشِنْ القَعدة
يا أبو السُّرة
في ضُل العمارات أم كمرةً برّة
ضُقْنا الحَنْضَل اليانكي
وبَلَعْنا المُرّة
كِمْلَتْ كوتة التُّمبَاك
صَقَعْنا الجِّـرّة
ووكت إتقفّلَتْ شِقّيشْ
قَبَلْ بي المرّة
نَرْمي أمُرنا في بلد المعاني الحُـرّة
الشّمْ خَوّخَتْ
بَرَدَنْ ليالي الحّـرّة
والبرّاق بَرَقْ ..
مِنْ مِنّا جاب القِرّة
شوف عيني الصِّقير بجناحو كَفَتْ الفِرّة
تلقاها ام خدود الليلة مَرَقَتْ بَرّة
مَرَقَتْ بَرّة تغلي مديدة الحِلْبة التَسَمِّن رِدْفَها
السَمِنْ المبَسْتَرْ يانْكي
والويقود بعيرات الدُّخان في العين
وفي الفَشْفَاشْ يسوِّي عمايلو
شِنْ فايدة مديدة الحلبة والويقود بشيلو اليانكي ؟؟
(منقــــــــــــــــــــــــول)
|
Post: #14
Title: Re: مسدار أبوالسرة لليانكي - إهداء لكل الأحباب
Author: tmbis
Date: 09-12-2005, 09:30 AM
Parent: #13
عجب .. العجيب
شكــــرا يا يانكي
كالعادة معتصم نبهني للبوست امس بالليل ..
اخوك الايامات دي الطشا في بلد العمي ..
شغل شديد
وجري
وطيران
بس حظي المايل .. فوت على مكالمة يوم الخميس الكنت متوقعة
شكرا تاني وانا بهديها للصديق
أحمد سعيد قرنفل .. وكان في الشهور السابقة بيعود مولودتو الجديدة ( ندى ) على الهدوء بالاستماع والاستمتاع للمسدار ..
وكانت بتقبل الفكرة بمتابعة جميلة وانزعاج إذا انتهى الملف
|
Post: #15
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-12-2005, 09:52 AM
Parent: #14
زي ما بيردوا اليانكي
U Bet
Quote:
شغل شديد
وجري
وطيران
|
الجري والطيران يا تمبس النعامة ما لقيتم
الله يعينك
Quote:
بس حظي المايل .. فوت على مكالمة يوم الخميس الكنت متوقعة |
يا زول مافي مشاكل
وكلو الأيام عندنا خميس
إتوقعني قريــــــــــــــــــــــب
|
Post: #17
Title: Re: مسدار أبوالسرة لليانكي - إهداء لكل الأحباب
Author: waleedi399
Date: 09-12-2005, 12:08 PM
Parent: #14
تامـبا اسمك قول واحد | Quote: الطشا في بلد العمي .. |
وليد العجب هسع عليك الله لو قلت من زمان داير المسدار دا ..
ما كنا جبنا ليك هسع خليت حمزة سليمان امشي ساااااكت
بي صمـت خشـمو .. بالمناسبة انا الشريط دا سهكتو سهك
بالله نزل لينا كمان معاك .. (طق طرق يا بن القهوة كيف ومزاج)
خلي النعدل الراس ونحصل الترماي .. واهديها بدوري لهاشم نوريت
|
Post: #18
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-12-2005, 01:04 PM
Parent: #17
| Quote: بالمناسبة انا الشريط دا سهكتو سهك |
إنشاءلله ما ينفعك
كان نايم بيهو بـــــــــــــــــــــــراك
نزل الإبداع ده هنا
ولا نكلم لك حسن موسي
|
Post: #19
Title: Re: مسدار أبوالسرة لليانكي - إهداء لكل الأحباب
Author: هشام مدنى
Date: 09-12-2005, 03:51 PM
Parent: #1
Quote: ظللت أبحث عن هذا المسدار لسنين
|
تحياتى لك
|
Post: #20
Title: Re: مسدار أبوالسرة لليانكي - إهداء لكل الأحباب
Author: اساسي
Date: 09-12-2005, 04:06 PM
Parent: #19
عجب..
انت زول مبالغة ياخي
|
Post: #22
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-12-2005, 04:28 PM
Parent: #20
أساسي
شن عرفك بالفن 
ًشكراً علي الزيارة
ومرحب بك في هذه الواحة
وعندي غرام خاص مع عقدالجلاد والمسدار
كملو قروشنا أيام النشاف والجامعة بسك حفلاتهم
|
Post: #21
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-12-2005, 04:26 PM
Parent: #19
العزيز هشام مدني
مرحب بك في هذه الدوحة
وشكراً للمرور
|
Post: #23
Title: Re: مسدار أبوالسرة لليانكي - إهداء لكل الأحباب
Author: Agab
Date: 09-14-2005, 04:32 PM
Parent: #1
مزيداً من عقد الجلاد
|
|