Post: #1
Title: برلمانيون يطالبون بالحجز على جنود الاتحاد الأفريقي داخل معسكراتهم
Author: محمد حامد جمعه
Date: 09-06-2005, 12:06 PM
خاص (smc)
حمل برلمانيون بولايات دارفور الثلاث الأمم المتحدة والاتحاد الأفريقي وجهات الاختصاص بالحكومة مسئولية حدوث أية مضاعفات بسبب ظهور حالات الإيدز وسط قوات الإتحاد الأفريقي.
وطالب محمد صالح بركة عضو المجلس الوطني الانتقالي بسحب الجنود من دولتي غامبيا وملاوي من قوات الإتحاد الأفريقي المتواجدة بدارفور وتشكيل مجلس للتحقيق حول حادثة وفاة اثنين من القوات بسبب مرض الإيدز.
وشدد بركة في تصريح خاص لـ(smc) على ضرورة الحجز على جنود وقوات الإتحاد الأفريقي داخل معسكراتهم لحين إجراء التحقيق والفحص مجدداً.
|
Post: #3
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: Yassir Tayfour
Date: 09-06-2005, 09:50 PM
Parent: #2
يعنى البرلمانيون ديل حريصين على انسان دارفور من الايدز!!!
ومن لم يمت بالايدز مات بسلاح الجنجويد
يعنى ما فارقة معاهم كتير
وبالمناسبة الايدز ما حايركب حصان ذى الجنجويد عشان يلاحقم
|
Post: #4
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: munswor almophtah
Date: 09-06-2005, 10:07 PM
Parent: #3
الأخ ياسر لك السلام وعليك السلام...ليس فى السودان أكبر من شعبه وليس فى الشعب أكبر من أوفيائه الخلص....ملازات الشعب الخلاص من مسغبة نصف قرن بدت ملامح نهايتها فقد مات من مات بيتم من ذوى مقربه...وعانى ومازال يعانى كل مسكين من ذوى متربه...حالهم حال
العيس فى البيداء يقتلها الظمأ
والماء فوق ظهورها محمول
أو كحال
الناس فى الحكم ماتقيسا بى تيبانا
مايهمك لباسهم والشعوب عريانا
هم حراس رزق زى التكنو أمانه
زى إبل الخلاء الشايله السقا وعطشانا
بلد بترولها يعبر البحار لناس ماوراء البحار....وناسها تنام فى صفوف محطاط البترول...ومناقد قوتهم جف وقودها...والساسه يتصارعون على الكراسى يا للمآس ويا لمآسى..........
منصور
|
Post: #8
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: Yassir Tayfour
Date: 09-06-2005, 11:42 PM
Parent: #4
Quote: الأخ ياسر لك السلام وعليك السلام...ليس فى السودان أكبر من شعبه وليس فى الشعب أكبر من أوفيائه الخلص....ملازات الشعب الخلاص من مسغبة نصف قرن بدت ملامح نهايتها فقد مات من مات بيتم من ذوى مقربه...وعانى ومازال يعانى كل مسكين من ذوى متربه...حالهم حال
العيس فى البيداء يقتلها الظمأ
والماء فوق ظهورها محمول |
المنصور بإذن الله منصور المفتا عليك السلام ورحمة الله اينما حطت رحالك
احسنت القول يا صديقى
ياسر
|
Post: #5
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: Mahathir
Date: 09-06-2005, 10:23 PM
Parent: #1
| Quote: حمل برلمانيون بولايات دارفور الثلاث الأمم المتحدة والاتحاد الأفريقي وجهات الاختصاص بالحكومة مسئولية حدوث أية مضاعفات بسبب ظهور حالات الإيدز وسط قوات الإتحاد الأفريقي. |
طيب يا برلمانيين ماذا عن تحميل الحكومة جزء من المسؤلية?
العساكر ديل ما جو البلد بسبب تقصير الحكومة...ولا ما صاح?
|
Post: #6
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: Yassir Tayfour
Date: 09-06-2005, 11:13 PM
Parent: #5
Quote: طيب يا برلمانيين ماذا عن تحميل الحكومة جزء من المسؤلية?
العساكر ديل ما جو البلد بسبب تقصير الحكومة...ولا ما صاح? |
اجابتك خطا يا مهاثر ...ما صاح عدييييييييل كده
البرلمانيون ديل معينهم انت ؟؟
ده تعيين حكومى ... يعنى البرالمة و البرلمانيون ديل لو ما نفذو مخطط الحكومه، حا يرفدوهم و يجيبو برالمة غيرهم اقصد برمائيون ولا برلمانيون.
يا مهاثر الناس فى مستشفى الخرطوم، خليك من دارفور القصية قاعدة تموت كل يوم و سبب الوفاة ملاريا...الضربتو عربية، ولا الضرب ليهو عربية، ولا العضاهو كلب و العضاهو كوووز، كلهم سبب الوفاة ملاريا...العرفم شنو انو ناس قوات حفظ السلام ديل عندهم ايدس؟؟
تخريمة: يا مهاثر كدى جيب اضانك
ناس الحكومة عاوزين يخوفو اهلنا الغرابة من قوات حفظ السلام عشان ما يدسو عندهم ...عشان كده فكو الاشاعة بتاعت الايدز دى..عشان ناس الجنجويد يجو يلقوهم براهم و يقومو بى الواجب...اها فى زمتك يا مهاثر اخير ليهم الايدز ولا الجنجويد؟؟ بالايدز امكن الذول يعيش 20 سنة و حلك يمكن يتلقى علاج...و الجنجويد بنتهى منهم فى يوم فرد واااااحد.
ياسر
|
Post: #7
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: المكاشفي الخضر الطاهر
Date: 09-06-2005, 11:18 PM
Parent: #1
الاخ محمد جمعة
اسعد الله اوقاتك بكل الخير
انت بقيت مع ناس المعارضة ولا شنو  ؟؟
|
Post: #9
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: munswor almophtah
Date: 09-06-2005, 11:47 PM
Parent: #7
إن بعض النضال والإستمرار فيه خيانة عظمى إذا ما أنتهت أسبابه...جيوش الإيدز جاءت مراقب لأمن دارفور ولكن نحاف أن تكون بداية النهايه لأرض التقابه واللوح والشرافه....فأمواس الحلاقه فقط قد تشعل نارا لا تخمد وذلك أضعف المكيده...وكأن هنالك خطه لزلزلة ذلك المجتمع المتجذر فى أصوله وأعرافه حتى تبث فيه عواصف الإحن والمحن...أناشدكم حكومة وفصائل أن ترفعوا الرعب عن قبائل الفور بأن تضعوا أوزار هذه الغبراء..... حتى نغلق الأبواب فى وجه حملة الإيدز...قبل أن ترضوا أنفسكم أرضوا الله فى الحفاظ والمحفافظه على الثروه الإيمانيه والصدور القرآنيه وأقتلوا الدش لمن بيده الطاعون.........
منصور
|
Post: #10
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: munswor almophtah
Date: 09-06-2005, 11:50 PM
Parent: #9
يا محمد حامد ياخوى عندكم مشروع إنقلاب تدقسوبوا نيفاشا والله مالك الآكسنت بتاعك أتغير.......
منصور
|
Post: #11
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: اساسي
Date: 09-06-2005, 11:53 PM
Parent: #10
يا مناضلين كندا...؟
وكت حريصين كدا علي انسان دارفور .!!
فايتنو مالكم للجنجويد؟؟
|
Post: #12
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: اساسي
Date: 09-07-2005, 00:03 AM
Parent: #11
خارج النص تماما
الاخ ياسر طيفور حيقيقة اعجبني ( الكفر الجواني ) الذي ترتديه طاقية
|
Post: #13
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: Yassir Tayfour
Date: 09-07-2005, 00:14 AM
Parent: #11
| Quote: يا مناضلين كندا...؟ |
الود شفت خالص عرفنى فى كندا ... طيب انت من كيزان وين؟؟
والمزعلك شنو؟؟ قووول يا اساسى
ماتكون مزعلاك دقت كندا؟؟؟
عادى يا اساسى...ما تشيل فى خاطرك
|
Post: #14
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: اساسي
Date: 09-07-2005, 00:27 AM
Parent: #13
بس شفت الجنجويد ديل ؟ انا من كيزانهم شفت موسي هلال دا مثلي الاعلي
والله بيني وبينك دقة كندا مزعلاني شديد وماكلها في خاطري
دجانقو بتاعكم دا لو ختاها للجلك دا زي الناس
ما كان ريحنا وريحكم وكان رجعتوا البلد للجنجويد ديل عديل
وخليتو لبس اللساتك في ريسينكم ومباراة المظاهرات زي الساوند سيستم في الحفلات
وقلتو كلامكم في الواقع بدل الكيبوردات؟
تخريمة اخري..:
من الفروض ان اقول الكفر الجواني الذي تعتمره قبعة ... ولكن في اخر لحظة تذكرت ان القبعة لديها (حتة طالعة لي برة كدا) فاكتفيت بالطاقية ..
ولكن هل كنت تقصد بلبس الكفر الجواني القبعة ام الطاقية ؟
|
Post: #15
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: Yassir Tayfour
Date: 09-07-2005, 00:58 AM
Parent: #14
يا
اساسى
قلنا ليك ما تزعل
و الصورة الما عاجبك دى برضو حا اغيره...اى دقيقة بس...انا شايفك اون لاين و كده...اها اعمل رفرش...قتا ليك refresh
اها جاتك ولا ما جاتك؟
ولا اقول ليك! one second
r u still there?
انت مشيت البيت ولا شنو؟
خلاص تعال باكر يابتاع النت كافى انتا
|
Post: #18
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: اساسي
Date: 09-07-2005, 04:11 AM
Parent: #15
ولد دا..
ما عرفتك وانت لابس (عُش ودابرق)  بدل التيوبلس الكنت لابسه...
نت كافي..!!
|
Post: #16
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: محمد الامين محمد
Date: 09-07-2005, 01:37 AM
Parent: #1
محمد جمعه سلامات
اولا كل ما يحدث في دارفور يحسب علي طرفي الصراع
ثانيا
ظهور الايدز وسط جنود الافريقي وصمه عار في وجه النظام لانهم قالوا ان الفحوصات الطبيه اجريت لجميع جنود الافريقي
ثالثا
المسكوت عنه من قبل المنظمات والحكومه انتشار داء الكبد الفيروسي بصوره وبائيه داخل معسكرات النازحين
|
Post: #17
Title: Re: برلمانيون يطالبون بالحجز على جنود الاتحاد الأفريقي داخل معسكراتهم
Author: salah elamin
Date: 09-07-2005, 02:02 AM
Parent: #16
والبحجز على جنود النظام وجنجويدها منو؟
|
|