Post: #1
Title: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-04-2005, 10:05 AM
Parent: #0
اعتاد بورداب الدوحة في موقع عكس الريح
أن يقيموا الولائم (اللحمية) بمناسبة وبدونها
في منزلي العامر بوجودهم ، حيث إنني اعاني العزوبية هذه الايام ..
والحق أن وليمتهم المتمثلة في حلة قوز ضخمة الجثة ( القطر قام)
يسيل لها لعاب (ككو) أبوساندرا ..
فهي من اللحوم السودانية الخالصة ...
يضاف إليها صحن الشطة الخضراء الممزوجة بالدكوة والفلفل الأسود المسحون...
والسلطة الما خمج ...
وبما أن الحبيب ( خدر ) بين ظهرانينا هذه الايام
آن للحلة أن ( تجقجق ) في حضرته ...
بكري الامين ... كبير منسقي بورداب الدوحة
يلا تولى أمر التنسيق ..
بورداب الدوحة ..
مقدما الدعوة موجهة لكم من الآن ...
نحدد الموعد ونفيدكم ...
أبوساندرا .. جهودك معانا للتنسيق
القصة ح يكون فيها (لحم) و (وتر)
أما باقي الأشياء، فمسموح بها في إطار المقبول ...
|
Post: #2
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-04-2005, 10:17 AM
Parent: #1
والله يا جماعة الزول ده غناي بشكل ..
لا حولاااااااااااااااااا ...
دمار شامل ..
بعدين اتضح اني شفت خدر ده كتير جدا ...
وما كنت عارف انه طارق أبو عبيدة ...
زمان الظاهر كان بزازي كتير علينا في الاذاعة والتلفزيون ...
المهم أنا للآن ما قعدت اتونست معاهو ونسة بمزاج ...
لكن الشاهد على الشغلانية
انو دمار شامل ...
|
Post: #3
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-04-2005, 10:21 AM
Parent: #2
طبعا أمس بكل أسف حضرت فاصل واحد
وما قعدت لاخر الحفلة
كنت شغال ...
فاتني باقي الغناء .. وعشاء الفنانين !!!
|
Post: #4
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-04-2005, 11:19 AM
Parent: #3
الاخ لقمـــان.........دى من بيت الكلاوى مشــاركة مننا فى الحفلة(اسف قصدت الحلة)
|
Post: #8
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-04-2005, 11:49 AM
Parent: #4
أخي صديق
والله ما قصرت ...
وتكون ما قصرت أكثر لو جبت الكلاوي دي ذاتها
وجدعتها لينا في نص الحلة ...
لكن البصل والبهارات ما عندك ...
|
Post: #5
Title: Re: في حضرة خـــدر ... آن للحَـلة أن (تجقجق) ...
Author: ناذر محمد الخليفة
Date: 09-04-2005, 11:33 AM
Parent: #1
الرائع دوما لقمان ..
كيف حالك وأحوالك !!!
وحشتنا يا راجل !!!
أتيت لإلقاء تحية المساء !!
عساك طيب ؟.
|
Post: #7
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-04-2005, 11:44 AM
Parent: #5
ناذر .. صديقي
الآ فقط كنت أقرأ في بوست ( السفة ) ...
ردك بتاع الفرس الوقع على خشموا موتني من الضحك ...
والله مشتاقين ..
كل يوم أقول أفتح لي بوست عن إبداعك السمعتوا باضنيني ديل
تمنعني المشاغل ...
طبعا أمس اتذكرتك في الحفلة المقامة على شرف خدر
تذكر لما اتقابلنا في احتفالية دكتور معز بخيت في الخرطوم
وقلت ليك في ثلاثة انا لازم أقابلهم في اجازتي دي
شخصك وملاسي وخدر ... قلت لي خدر ده ما موجود هنا ...
شفت الصدف كيف رجوله جابته لغاية هنا ...
البوست سيعانق الوجود قريبا ...
أها ما في طريقة تكدكد معانا عضام الحلة دي ...
تحياتي لناجي ...
طبعا مستغرب عرفته كيف ...
الرجل زبون ...
|
Post: #6
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-04-2005, 11:41 AM
Parent: #1
و دى شــوية بصل......عشان الحلة
|
Post: #9
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-04-2005, 11:53 AM
Parent: #6
ابنوســة.....أمل....نادوس.....بهــاء.....و شخصى
|
Post: #10
Title: Re: في حضرة خـــدر ... آن للحَـلة أن (تجقجق) ...
Author: محمد عبدالرحمن
Date: 09-04-2005, 11:54 AM
Parent: #6
|
Post: #11
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-04-2005, 11:57 AM
Parent: #10
صديقي .. محمد عبد الرحمن
ما تنزل الصورة وتمشي ...
التنسيق راجيك ...
عبي الرصيد ... وشد السلك للناس ...
|
Post: #12
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-04-2005, 12:08 PM
Parent: #11
العزيز لقمــان..........لقاء الامس...كــان حلم .........جمعنــا هذأ الفضــاء و تمت اللقيــة ربنــا يدوم الحب
اتمنى أن اعطيــك الفرصــة فى اختيار عنــاصر حلتك المجقجقة أهديك و الاخوان البورداب الرابط لكــل الصور التى انزلتهــا الى الان......حبى و احتراماتى و فى انتظار الحــلة
http://www.sudanhosting.com/cgi-bin/bandwidth.pl?type=pic&name=1-38.JPG
للتنزيــل استخدم هــذأ الرابط بتغير 1-38 مستخدم الرقم 1 و هـــلم جـــــرأأأأأأ حتى 38 الى الان ربمــا يصــل العدد الى 60 غدا.
|
Post: #13
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-04-2005, 12:09 PM
Parent: #6
الاستاذ عبدالرحمن بركات(ابــوســاندرأ) و اسرته........ماشــاء الله
|
Post: #14
Title: Re: في حضرة خـــدر ... آن للحَـلة أن (تجقجق) ...
Author: ابوبكر الامين يوسف
Date: 09-04-2005, 12:40 PM
Parent: #13
حبيبنا لقمان تحياتى يازول يارائع ...
من الاّن اعتبر الحلة انتهت ودائما الطبيخ على نار هادئة بكون احلى
وانت عارف... بس اوعه من الضحكات الخبيثة
لك ودى
|
Post: #15
Title: Re: في حضرة خـــدر ... آن للحَـلة أن (تجقجق) ...
Author: ودرملية
Date: 09-04-2005, 03:27 PM
Parent: #14
سلامات
وعوافي
يالقمان والله العظيم احسن ليك تقبض في الوجيه صديق عمر دا لانو دا (اشد) من (الحلة) زاتا.. حقيقة صديق عمر كان بهار الامسية واضفي عليها سحرا بريئا ساعده في ذلك عفويته اللذيذة .. وشكرا للمنبر ان عرفنا باشخاص انقياء الي هذا الحد..
وخلي بالك من (الحلة)..
ودرملية في ساعة صفاء
|
Post: #27
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-05-2005, 07:56 PM
Parent: #15
ودرملية .. الحبيب
الوجيه صديق ماسكين فيهو قوي ...
وشكلو كدا شديد في صناعة الحِلل ...
| Quote: وخلي بالك من (الحلة).. |
الحلة في (العين والرأس) ... والنار
حبي ...
|
Post: #26
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-05-2005, 07:06 PM
Parent: #14
بكري ... الصديق
| Quote: من الاّن اعتبر الحلة انتهت ودائما الطبيخ على نار هادئة بكون احلى |
حكمة من خبير ... ومهندس حِلل ...
| Quote: بس اوعه من الضحكات الخبيثة |
حصلت ... لكن بالقليل منه
|
Post: #16
Title: Re: في حضرة خـــدر ... آن للحَـلة أن (تجقجق) ...
Author: فيصل عباس
Date: 09-04-2005, 07:16 PM
Parent: #1
سلام
وعوافي
لقمان
مازالت سكرة الامس
تسكن اجسادنا المتهالكه وتلجمنا عن ممارسة الحركه
وما زال العشم كبيرا في سكرة أخرى
لكن!!!!
هل من متسع لطارق (خدر) بيننا
لا اعتقد لانه فيما سيسافر صباح الثلاثاء(والعهده للراوي ـ طائر المدينه ـ وهو بين قوسين بهاء بكري)
ولاهل
اسمهان (بارعه )عليه (حق) هذا ما علمته فقط عليكم باقناع الديك
وسلام تاني
|
Post: #28
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-05-2005, 08:28 PM
Parent: #16
شيخ فيصل
انت عارف يا مولانا صورتك المتمحن فيها دي والله عاجباني بشكل ...
من باب (الشمار) بالله كنت بتفكر في شنو ... 
Quote: مازالت سكرة الامس
تسكن اجسادنا المتهالكه وتلجمنا عن ممارسة الحركه
وما زال العشم كبيرا في سكرة أخرى
لكن!!!!
|
لكن ... آن لها أن تكون واقعا معاشا مساء اليوم الثلاثاء
أملا في رشف مزيدٍ من رحيقها
تضميدا لجراحات أرواحنا المتهالكة ...
موعدنا السابعة مساء
تقديري ...
|
Post: #17
Title: Re: في حضرة خـــدر ... آن للحَـلة أن (تجقجق) ...
Author: saadeldin abdelrahman
Date: 09-05-2005, 00:14 AM
Parent: #1
ناس الدوحه هووووي
سلام جاكم..
إنتو مولانا خدر الليلنا ده ياهو طارق عبيده وللا أنا إختلطت علي الجقاجق??
ونقول الرهافه والجمال ده كلو جاي من وين!
عينا بارده والصلاه علي النبي وإن شاء الله أهلنا الكتار عندكم ديل يكونوا حضروا.
|
Post: #18
Title: Re: في حضرة خـــدر ... آن للحَـلة أن (تجقجق) ...
Author: فيصل عباس
Date: 09-05-2005, 06:40 AM
Parent: #17
الحبيب همام
خدر كايس ليك و انت كايس ليهو 
ايه رايك
ده تلفونو 5292332
اتصل و نسق معاهو .. لانو السفر قرب
وملاقاتكم دي نحن بنستفيد منها
وايضاً
تجاوزاً لاهل بارعة 
|
Post: #19
Title: Re: في حضرة خـــدر ... آن للحَـلة أن (تجقجق) ...
Author: بدرالدين شنا
Date: 09-05-2005, 07:05 AM
Parent: #1
| Quote: يضاف إليها صحن الشطة الخضراء الممزوجة بالدكوة والفلفل الأسود المسحون... |
إشششششششششش حي حي حي حي
الله يلعن الحيرقان
Quote: وبما أن الحبيب ( خدر ) بين ظهرانينا هذه الايام
آن للحلة أن ( تجقجق ) في حضرته ... |
وآن لنا أن نستمتع بحروك يا شفيف
|
Post: #20
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-05-2005, 07:16 AM
Parent: #19
مشاركات بسيطــة
|
Post: #21
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-05-2005, 07:18 AM
Parent: #20
شــوف الناس دى بتبهر الحلة كيف....بسرعــة اعملوأ الترتيبات قبل مالحكومات تظهــر....حاضرين....
|
Post: #22
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-05-2005, 07:20 AM
Parent: #21
و لاشــنو يا لقمــان؟؟؟؟
|
Post: #23
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-05-2005, 07:24 AM
Parent: #22
انـــا عامل نفســى بتاع حلل.....شكلى حااقطع البصــل وبس........
|
Post: #56
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-07-2005, 02:38 PM
Parent: #23
يا صديق ...
البشوفك بترفع في بوست عيد الحلة
يقول من يوم الوقفة بتكون راقد جنبها ...
ويييينك ؟؟ افتقدناك والله ...
غايتو فاتتك ...
|
Post: #54
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-07-2005, 02:31 PM
Parent: #19
المتوحوح
بدر ...
كيفنك يا حبيب ... شوقنا حِلل مسبكة ...
بيناتنا وعود معلقة بالتواصل ...
| Quote: إشششششششششش حي حي حي حي |
تخيل دي كانت حالة الجماعة بعد العضة
شكرا لاحساسك الذي شاركنا الحلة ...
|
Post: #24
Title: Re: في حضرة خـــدر ... آن للحَـلة أن (تجقجق) ...
Author: Omar Bob
Date: 09-05-2005, 07:52 AM
Parent: #1
العزيز صديق شكرا لتوثيق.....
وشكرا لسودانيز اون لاين الموقع الدي صار لنا وطنا في المنافي....
وشكرا لبورداب الدوحه لليله الرائعه......
وشكرا لخدر الدي متعنا بالدهشه...
|
Post: #25
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-05-2005, 08:29 AM
Parent: #24
اتمنى التواصــل اخى عمــر......واتمنى ان تدوم هذه الحميمة التى احسست بهــا و انــا فى حضرة بورداب الدوحة للمرة الاولى.......بى (الليل) غايتو اى زول اديتو كرت...لكن الى الان لم يتصل احــد.....ربما المشغوليات و البعــد....لكن دائمــاً ...انشاء الله ســاكون فى الجوار......أحتراماتى وتقديرى للدفعــة ود الزيــن وود خطــاب ومرحب بيك صــديق و أخ عزيز.
|
Post: #30
Title: Re: في حضرة خـــدر ... آن للحَـلة أن (تجقجق) ...
Author: معتصم الطاهر
Date: 09-06-2005, 04:26 AM
Parent: #25
| Quote: بى (الليل) غايتو اى زول اديتو كرت. |
(,ونحن اديتنا فقط كرت أحمر )
|
Post: #32
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-06-2005, 05:14 AM
Parent: #30
يــاخـــوى معتصـــم ودالطــاهر.......ماقلتة ليــك انت زولاً افتشــوليهــو مش افتش عليك....عشــان كده جاينيك.....جاينيك بس كدى هسع خليك معانا فى حلة أخونــالقمــان.....اظنهــا قربت تجهــز ونحن حاضرين.......
اتمنى تواصــلك الطيب وبشاشة بى بشاشة ياحبيبنــا.....
|
Post: #29
Title: Re: في حضرة خـــدر ... آن للحَـلة أن (تجقجق) ...
Author: أبو ساندرا
Date: 09-05-2005, 11:40 PM
Parent: #1
يا حكيم ، العبقرية السودانية قالت : الحلة بصل والرمة شلاليت ، اها ماوريتونا الواحد يجي ومعه توابعه واللا كلو جاهز بطرفكم ؟
انا اليومين ديل ممنوع من الصرف ويمكن الوصول لي بدهاء نافذ وتحايل ذكي ، بت المغيرة ماصدقت وعايزة تنتقم هجر السنين في أسبوع تمام.
يا هاشم ميرغني ألحق طارق أبوعبيدة عاث في البلد جمال غناء
|
Post: #31
Title: Re: في حضرة خـــدر ... آن للحَـلة أن (تجقجق) ...
Author: فرح
Date: 09-06-2005, 04:41 AM
Parent: #29
الناس الفى الصور دى ماغريبه على والله
حيرتونا
|
Post: #57
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-07-2005, 02:41 PM
Parent: #31
يا فرح ... كيفك
حاول معرفتهم ...
ولك هدية عبارة
في حلة مماثلة ...
|
Post: #33
Title: Re: في حضرة خـــدر ... آن للحَـلة أن (تجقجق) ...
Author: ودالعباسية
Date: 09-06-2005, 07:02 AM
Parent: #1
يا ناس الحلة قايمة ولا فى كلام تانى ،،،
يا صديق ،،
| Quote: غايتو اى زول اديتو كرت |
الكروت دي كنت بتوزع فيها بى الخفاء ولا شنو ،،
|
Post: #34
Title: Re: في حضرة خـــدر ... آن للحَـلة أن (تجقجق) ...
Author: دفع الله خطاب
Date: 09-06-2005, 09:40 AM
Parent: #1
العزيز لقمان ...
الحله محضوره ....
وخدر ملح هذه الحله..
و جميع بورداب الدوحه البهارات والتزاويق ..
وبعدين يا ابو ساندرا " لاتسألوا عن اشياء ان تبدى لكم تسؤكم "
مالك و مالنا ومال "هادمات اللذات " ّاذا كان حارسنك المارينز فى غوانتينامو ..
فنحن احرار وليس علينا اى اتهامات بالارهاب من حكوماتنا ..
والله ايه يا بهاء !!؟؟
ويا صديق عمر ... الكاميرا... عين الصقر .. وثق للاحباء .. والذكريات صادقه وجميله،،
تحيات لجميع الاحباء
والاصدقاء والى اللقاء ..
وموعدنا الامسيه
|
Post: #35
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-06-2005, 12:29 PM
Parent: #34
من المطبخ الأن تنبعث رائحة البهارات المشهيه ..
ولكن للأسف الشديد ان المدعو بكرى يوسف الامين
هو المشرف على اعدادها وربنا يجيب العواقب سليمة ..
محمد عبدالرحمن
|
Post: #36
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-06-2005, 02:18 PM
Parent: #1
غرغرتونا بالبيبسي وما شمينا اي حاجة ، شكلنا كده حانمر على ابوالخير
|
Post: #37
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-06-2005, 03:25 PM
Parent: #1
اها بدينا
واول البدء نهار
ويحلنا الحلا الحله بله
من خدر والحله
اقول ليكم سر (خدر قاعد يغني والله مشتاقين ) هو متين مشى منها غايتو جنس جرسه
فيصل عباس
|
Post: #38
Title: Re: في حضرة خـــدر ... آن للحَـلة أن (تجقجق) ...
Author: ودرملية
Date: 09-06-2005, 07:03 PM
Parent: #37
سلامات
وعوافي
يالقمان برضو بكة هو العمل الحلة ... ياناس بكة حرم جيت لقيتو ليك سايط الشغلا سواطة جد ولو لا خبراتنا (الاستراتيجية) لما تعشيتو ولكنتم من الذين سموهم بـ (بايتين القوا) والا كيف .. والحلة بتاعت امبارح واحدة من (تمظهرات) مزاجنا عندما يكون في اعلي بروجه الوردية (خسوسا) انو الناس كانوا ولا اروع ..
بعدين يالقمان رايك شنو في (تمظهرات) دي انا غايتو عجبتني ..
التحايا الخالصات للاساتذة دفع الله خطاب وعمر بوب وعثمان بارا فكان وجودهم وسيما كطلتهم..
بعدين محمد عبدالرحمن طلع ما ناقش حنانو في امو المطبخ وهذا ان دل انما يدل علي انه واحد من الذين (يمتطون) وجبات التيك اوي ..
عموما انا متاكد انو هناك مؤامرة ضدي لنسف حقوقي المطبخية ربما احيكت سلفا من قبل بهاء بكر ومحمد عبدالرحمن وذلك لصالح ابوبكر الامين(ودالعمدة) .. ونسبة لعدم وجود مؤيدين لنا في موضوع الحلة بنقول (ان ينركم الله فلا غالب لكم) وما النصر الا من عند الله.. وان عدتم عدنا
هاهاهاهاهاها
|
Post: #39
Title: Re: في حضرة خـــدر ... آن للحَـلة أن (تجقجق) ...
Author: wadalzain
Date: 09-06-2005, 11:51 PM
Parent: #38
يظهر نحن مالتاش فى الطيب نصيب
ويظهر انو انا دايما صيدى ناجع
عرغت الدعوة متأخر بعد وصولى البيت مهدود الحيل من مجهود نهارى مضنى
لم يقصر الاخوه دفع الله خطاب , بهاء الدين بكرى , عمر بوب فى حثى على الحضور لكن حقيقة كان بترولى لليوم قد نضب .
بالطبع اتصلت فى وقت متأخر لاتأكد من الامور تمشى على قدم وساق وعرفت ان الجلسه محضوره ويحفها الطيبون كلهم وازدانت الليله والسهر بهم وكان واسطة العقد وفاكهة الحفل وريحانتها خدر .
هناك من لمز على بان الذى منعنى من الحضور هو الشديد القوى ولكن سامحهم الله فنحن لا نريد ان نتحدث عن فترة المعسكر للبعض وبعد داك الخريف بجى والحقيقه بتظهر وآخرين اصلا هم مارقين للربا والتلاف .
هنيئا لكم جميعا بالليله الجميله وارجو ان تتكرر من حين لآخر بمناسبه ودون مناسبه .
|
Post: #59
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-07-2005, 03:19 PM
Parent: #38
ودرملية
تعلم يا سيدي أن شهادتي في مهاراتك الحِلليةالرفيعة، مجروحة و(مضبوحة) كمان ...
استطعت يا صديقي ان تضبط حتى إيقاع (جقجقتها) ...
فقد أتى متناغما وصادحا مع أوتار وعقيرة الحبيب خدر ...
أما نحن، فقد تمايلت أفواهنا طربا وهي تعانق (عظامها) ...
وفي هذا اعتراف ضمني بل وصريح بأنك ..........
الله يستر علي من بكة ...
| Quote: بعدين يالقمان رايك شنو في (تمظهرات) دي انا غايتو عجبتني .. |
وأنا كمان ريحتني راحة ... لكن تمظهرات دي أخت مظاهرات
|
Post: #58
Title: Re: في حضرة خـــدر ... آن للحَـلة أن (تجقجق) ...
Author: بارعة
Date: 09-07-2005, 02:50 PM
Parent: #37
Quote: اقول ليكم سر (خدر قاعد يغني والله مشتاقين )
هو متين مشى منها غايتو جنس جرسه
فيصل عباس |
حاسد وللا بغران؟؟؟
|
Post: #40
Title: Re: في حضرة خـــدر ... آن للحَـلة أن (تجقجق) ...
Author: عاكف مختار
Date: 09-07-2005, 00:28 AM
Parent: #1
الحلة هينة بس فاتتنا (باقي الاشياء)
والله يا خدر حظي معاك شين عديل لكن معليش سالتقيك قريباً
|
Post: #60
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-07-2005, 03:25 PM
Parent: #40
تحياتي .. عاكف مختار
Quote: الحلة هينة بس فاتتنا (باقي الاشياء)
|
قصدك الشطة الخضراء ؟
|
Post: #41
Title: Re: في حضرة خـــدر ... آن للحَـلة أن (تجقجق) ...
Author: دفع الله خطاب
Date: 09-07-2005, 01:44 AM
Parent: #1
خدر ..
خضر الدوحه ..
والبارحه زركش فضاءتها بالطرب الملون الجميل ..
مدد... مدد..مدد
تخريمه :
مهدأة لود الزين ..ومحوله بعاجل الوصول للباشمهندس عمر بوب
( " امسكنك بعد ما النجمه الكبيره تغوص ..
واسون لك سوات الريس على المريوس ...")
|
Post: #42
Title: Re: في حضرة خـــدر ... آن للحَـلة أن (تجقجق) ...
Author: wadalzain
Date: 09-07-2005, 03:05 AM
Parent: #41
يا خطاب
صباحك خير ياخى , رحم الله الحردلو فكان يعرف ما يقصد ونعرف ما يقصد والشاهد على ذلك مسدار المطيرق .
|
Post: #43
Title: Re: في حضرة خـــدر ... آن للحَـلة أن (تجقجق) ...
Author: nadus2000
Date: 09-07-2005, 03:09 AM
Parent: #41
يا جماعة هوي
دا تغييييب متعمد، ومع سبق الإرصاد والترصد،
وكل جهابزة القانون الحاضرين لا يستطيعون الإتيان بأدلة أو بينات تقنعني "بعدم وجود سوء نية" في الأمر.
ولو قالوا ليكم ما ليهم في "الأشياء"، فلنا في الطرب النضيف.
|
Post: #44
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-07-2005, 03:40 AM
Parent: #43
أخـــوى نــادوس مــاعليك الجمــاعة طبعــاً كلهم عذابـــة......وقالوأ الناس البحكموامتم ديــل ننســاهم...لكن ما عليك واللـــه جيت خدر بالسلامــة من الســودان كلكم معزومين معــاى فى خروفى فى الخــور كمــان معــاكم حكومــاتكم.........
انت مــاعارف الموضــوع: قــالوأ صــديق دها كميرتو دى معاهو محل ما أمشى.....وخــافوأأأأ....أصــورهــم.....
|
Post: #45
Title: Re: في حضرة خـــدر ... آن للحَـلة أن (تجقجق) ...
Author: دفع الله خطاب
Date: 09-07-2005, 04:19 AM
Parent: #1
الاعزاء :
نادوس
صديق
نحن والله كمن ادرك الصلاة فى الركعة الاخيره ...
ولكن لاننكر البهجة .. فالبهجة تهمه لاننكرها وشرف لا ندعيه ..
اجمالا امسحوها ليهم فى وشهم( ان تبقت فيه مزعة لحم من فرط الخجل ) ..
ولكم منى (انا ) - المتقفى اثر الطرب النضيف يانادوس - العتبى حتى ترضون ..
وأغلطوا انتو يا حلوين نجيكم نحن بالاعذار ،،،،
|
Post: #46
Title: Re: في حضرة خـــدر ... آن للحَـلة أن (تجقجق) ...
Author: Omar Bob
Date: 09-07-2005, 05:04 AM
Parent: #1
خدر الفنان كمامتعنا بالدهشه في حفله الاول...
فقد ادهشنا بالمتعه بالدر الدي نثره ليله امس,,,
شكرا لقمان على حفاوه الاستضافه....
الحضور الانيق لمشاركىن كان بردا وسلاما....
الباشمهندس... الشاعر اتحفنا بمعلقه عن ناجي العلي ملآتنا ابداعا حتي فاضت بنا فله التحيات الطيبات,,,,,
تخريمه لود الزىن وموصله لخطاب وبهاء:
حكومتنامصره انو افتح بوست انو منطقه سمت بارض المحس زكرت فى الانجيل ولا في الزبؤر..شفت جنس المحن الدخلتنا فيهايا ود الزين...
|
Post: #47
Title: Re: في حضرة خـــدر ... آن للحَـلة أن (تجقجق) ...
Author: أبو ساندرا
Date: 09-07-2005, 05:19 AM
Parent: #1
لقمان
حلتكم عجب
والدخاخين لوثت الأجواء
وإندلع السعال قبيل إنبلاج الصبح بدقائق
خدر
صوتك حنين وواضح النبرة
وإختيار الأغنيات وشى عن عمرك الحقيقي
أتاريك دفعة أبوعلي!
وشكرآ على :
شبال لمع برق المهيرة
ويا رزاز الدم حبابك
|
Post: #48
Title: Re: في حضرة خـــدر ... آن للحَـلة أن (تجقجق) ...
Author: ودالعباسية
Date: 09-07-2005, 07:00 AM
Parent: #47
معلم الحلة ،،،
|
Post: #49
Title: Re: في حضرة خـــدر ... آن للحَـلة أن (تجقجق) ...
Author: ودالعباسية
Date: 09-07-2005, 07:05 AM
Parent: #48
مساعد اول الحلة ،،
|
Post: #50
Title: Re: في حضرة خـــدر ... آن للحَـلة أن (تجقجق) ...
Author: محمد عكاشة
Date: 09-07-2005, 07:33 AM
Parent: #49
الاخ لقمان
بعد التحيات..لك وبورداب الدوحة..كنت مطلع التمانينات طالبا فى مدرسة قطر الاعدادية وفى دوحة الخليج اتخذت طريقى الى عوالم الادب والشعر وصحبة المتنبىء ولزوميات المعرى والشوش وايام مجلة الدوحة..
ياصديقى
لازلت احن الى تلك السنوات وروحى تهفو الى زيارة المدينة الثانية فى حياتى بعد مدينتى الاثيرة امدرمان (العباسية) ولكن عاكستنى ظروفى و( حظى عاند) وعليه رجائى ان يبلغ سلامى الارض وما عليها وان نتواصل والحلة تجقجق هنيئا مريئا..
مع مودتى وتقديرى
[email protected]
|
Post: #51
Title: Re: في حضرة خـــدر ... آن للحَـلة أن (تجقجق) ...
Author: ابوبكر الامين يوسف
Date: 09-07-2005, 12:39 PM
Parent: #50
الغالى لقمان ان لى معك جلسات وحلل ...
عليه ارجو ابداء الرأى بكل شفافية ودون حياد
ماعليك منهم نحنا بينا ايام وايام
|
Post: #52
Title: Re: في حضرة خـــدر ... آن للحَـلة أن (تجقجق) ...
Author: ابوبكر الامين يوسف
Date: 09-07-2005, 12:47 PM
Parent: #51
حبيبنا ودرملية بقولوا الكورة قون والفول زيت والحلة بصل ...عليه
اتمنى ان تعى حكاية عثمان بارا والشمار من فوق
اما شهادة محمد عبدالرحمن لا اعترف بها حتى لو كانت فى صالحى
وذلك لانها ستنقلب الى ضدى عند اولاد المدن ولبعيدى النظر
واسألوا بهاء بكرى ...بهاء بجيك بتفصيل الشمار؛؛
|
Post: #53
Title: Re: في حضرة خـــدر ... آن للحَـلة أن (تجقجق) ...
Author: ابوبكر الامين يوسف
Date: 09-07-2005, 12:49 PM
Parent: #52
ودالعباسية كان مفترض تخت خط رجعة لانو الخريف بجى
عندها لا اقبل اى اعتذار حتى لو كان موثقا ...واخوك عارفو بحب الموثق
|
Post: #55
Title: Re: في حضرة خـــدر ... آن للحَـلة أن (تجقجق) ...
Author: محمد عبدالرحمن
Date: 09-07-2005, 02:32 PM
Parent: #53
ياخوانا بكرى ودالعمدة ده نفسو قائم كده مالو؟ ..
يامان روق المنقه وماتزعل والجاتك فى صورتك سامحتك ..
وبعدين ياخى اسى انا قلت حاجة ..بس جارى طوالى على ..
البدا الحديث ودرملية والجاب الصور ودالعباسية ..طيب انا ذنبى شنو؟
اما ودرملية يادوب انا عرفت ليه شيخ العرب ابوسن طالب (بخصوصيتو)
ترا من جنس البهتان الزى ده ..قال تيك اوى ...والله كان ده طبيخك
ابقى على (التيك اوى ) عشرة ....
يلا سلام ...وانا بتابع بس بالله ماتشبكونى مع ودالعمده ده تانى
الزول جارنا وطلعنا نسايب كمان ..
|
Post: #61
Title: Re: في حضرة خـــدر ... آن للحَـلة أن (تجقجق) ...
Author: فيصل عباس
Date: 09-09-2005, 04:04 PM
Parent: #1
يا خوانااااااااااااا
الحله دي بردت
ولا خدر سافر
|
Post: #62
Title: Re: في حضرة خـــدر ... آن للحَـلة أن (تجقجق) ...
Author: waleedi399
Date: 09-10-2005, 03:45 AM
Parent: #61
الحلل ما عندكم يا ناس الوحدة ..
انشاء الله بس تكون صبحتو كلكم كويسين
واين الاخ محمد عبد الرحمن من هذه الحلل
نعل ما يكون زول معلبات سااااااااكت
|
Post: #63
Title: Re: في حضرة خـــدر ... آن للحَـلة أن (تجقجق) ...
Author: محمد عبدالرحمن
Date: 09-10-2005, 10:27 AM
Parent: #62
ولى ياوليد ..
مساء الخير ..
انت عارف البوست ده فى ناس اصلا ماعايزاهو يمشى
فوق ، وانت برفعتك ليهو دى رفعت ضغطهم .،
طبعا انا جاى ارد عليك انت وماعندى قصد تانى ..
لاقلت ودرملية طلع (حنكوش) ومابعرف (الحبه )
فى الطبيخ ، ولاقلت بكرى ودالعمدة (مساعد) حله
فاشل ...ده كلو انا ماقلتو ..
بس بينى وبينك (المعلبات ) و(الجاهز) مرات حلول
جيدة ومريحة جدا بالرغم من انها متعبة خااالص لما
يسمى (بالميزانية ) ...لكن انا معترف انها احدى خياراتى ...
البقنع الجماعة الفوق ديل شنو بانو يلجأوا للخيارات دى
بدل البهدلة و(بشاتن الحال) ...
طبعا ماحااقول ليك شكرا لرفع البوست عشان اصحابنا مايزعلوا
وكده ..
فتك بعافيه ياوليد ..
|
Post: #65
Title: Re: في حضرة خـــدر ... آن للحَـلة أن (تجقجق) ...
Author: Siddig A. Omer
Date: 09-10-2005, 12:25 PM
Parent: #63
يــاشباب الكرة واطــة........
مش عشــان خدر ســافر الناس تقوم تنوم...
الحــلة عندى مرفوعــة ببوست جديد...
الاتفــاق قبل رمضــان.... و التلفونــات تشتغل.....
الخور جميــــل......و الاجمــل عندنا فى المجمع....
الدعوة للجمــيع......
تلفونى 5872612
العبد صديق
|
Post: #66
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-10-2005, 12:26 PM
Parent: #62
وليد .. كيفك
| Quote: الحلل ما عندكم يا ناس الوحدة .. |
لو كنت أكلت معانا الحلة
بقول الزول دا معذور !!!
نحن ناس (الدوحة) ما (الوحدة)
|
Post: #64
Title: Re: في حضرة خـــدر ... آن للحَـلة أن (تجقجق) ...
Author: لقمان حسن همام
Date: 09-10-2005, 12:22 PM
Parent: #61
مولاي ... فيصل
تحياتي ..
صحي النوم ...
القطر ما قام زماااااااااااااان ...
والأنباء الواردة من السودان
تفيد بأن صاحبك خدر يحتضن (الكوارع) و (أم فتفت) هذه الايام !!!!
عقبالك ...
|
Post: #67
Title: Re: في حضرة خـــدر ... آن للحَـلة أن (تجقجق) ...
Author: ناذر محمد الخليفة
Date: 09-10-2005, 03:21 PM
Parent: #64
عزيزي لقمان ...
ألم تشبعوا بعد من خدر !!!!!!
فنحن في الخرطوم في احر شوق لإستقباله ...
صنفرة :
حلتنا بدأت في الجقجة !!!
|
Post: #68
Title: Re: في حضرة خـــدر ... آن للحَـلة أن (تجقجق) ...
Author: فيصل عباس
Date: 09-10-2005, 04:21 PM
Parent: #67
الحبيب لقمان
سيدنا وتاج راسنا
ومدد منك
ومنك مدد
طالما انك كنت ناوي النسب
****
سؤال على حافة الحله
هناك لقى ليهو كفيل
ولا الشباب لبدو
خوفا من ما اثاره في
موضوع دكين
وقناته النتيه
|
|