وقعو معي لتحريك السفارات ضد التصرفات اللا اخلاقية لبعضنا في المهجر

لن ننحد لوصف ما يحدث

اشرطة فاضحة , مماراسات لا اخلاقية , كل ما يخطر ببالك

وباسم السودان والسودانيين

وقعوا معي لتحريك السفارات

سنقدم مذكرة لكل سفارة سودانية في الخليج

ارجو ان نقم صفا واحدا

الحبيب هاني

هو الجاب المشاكل غير السفارات في الخليج شنو

الوظفين مرتشين

السفير نايم

القنصل انسي

يلا خليها علي الله بس

الأخ هاني

انت عارف يا اخوي بقيت زي البهرب من البوليس يدخل السجن
او المستجير من الرمضاء بالنار

ياخي السفارات زاتا هي سبب البلاوي

اين الأخلاقية في اجبار من يريد ان يجدد جوازه يالدفع الرباعي
مساهمة+ زكاة + فضائية + مجهود حربي
وكمان في حاجة اسمها صندوق دعم الشريعة
وصندوق دعم الطلاب
وصندوق دعم السلام
ورسوم حفر ترعة كنانة والرهد
ورسوم دفن ترعة كنانة والرهد
وفي النهاية

يكتبو ليك اخري
اخري دي شنو ما في زول عارف
وبعدين تخش السفارة ،،
تلقي واحد يبيع شرائط،، وكتب الشيخ ،، والبرعي
وواحد يبيع طواقي
وواحد يبيع سبح
وواحد دقنو طويلة يبيع اراضي اغلي من اي قطعة ارض في قلب لندن
وتلقي موظف تحصيل زهجان وصاري وشو زي اب عفنة
تديهو الجواز وما يرجع الباقي
وتلقي برضو في جماعة بخشو توش للقنصل وينهو معاملتهم في دقيقة
وكمان لو مشيت لي مصاريف التوكيلات والتصديقات
خليها ساكت
تصديق القسيمة 500 ريال فقط لا غير
الشهادة الجامعية بين 200 و500 ريال
التوكيل 200 ريال وما فوق

يا اخي ارجع واقول ليك خلينا نصلح سفاراتنا اولا قبل كل
شئ حتي تستطيع ان تؤدي ادوارها المرجوة

ارجع واقول
اين الأخلاقية اين يدفع شخص مديون للسفارة 1000 ريال مقابل
ما يسمي بالزكاة ؟؟؟؟؟؟