Post: #1
Title: تحذير من اسرة الحاج اسحق لاهالي الرياض وللاهل بالخرطوم والكوة
Author: Magdi Is'hag
Date: 08-26-2005, 04:01 AM
تحذير من اسرة الحاج اسحق لاهالي الرياض وللاهل بالخرطوم والكوة
|
Post: #2
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: Magdi Is'hag
Date: 08-26-2005, 04:06 AM
Parent: #1
Quote: الخبر التالي بصحيفة الوطن العدد رقم 821 بتاريخ 16/8/2005م:-
"أكد والي ولاية الخرطوم د.عبد الحليم إسماعيل المتعافي أن ما حدث من أعمال شغب عقب إعلان وفاة د.جون قرنق لم يكن متوقعاً"
وجاء أيضاً ما يلي على لسان السيد/ الوالي حسب ما ورد بنفس الخبر:-
"... وأوضح الوالي في لقاء سياسي جامع بأمدرمان أنه قبل الأحداث لم يكن لديه أي سلاح، أما بعد الأحداث فقد اقتنيت ثلاثة مسدسات وأشار إلى أن بعض إخوانه فكروا في اقتناء سلاح لأن الظروف أصبحت غير معروفة" |
تحذير من اسرة الحاج اسحق لاهالي الرياض وللاهل بالخرطوم والكوة
بعد ما قرينا كلام الوالي العاقل وفاهم وفيهو ورانا الحاصل وان الدنيا ما مضمونة وكل زول يستعد و يشيل شيلته براه والله يبارك فيهو الواضح ما فاضح و مادام الوالي اشتري تلاتة مسدسات نحن ماحنقصر في حماية عمتكم الحاجة سعدية بت عثمان نور وحماية بيتنا والجيران لذا قررنا الاتي
1.تعيين نفسي اسحق احمد صديق موظف بالمعاش واليا علي منزلنا الكائن في حي الرياض الخرطوم
2.تعيين الحاجة سعدية عثمان حرمنا المصون رئيسا للجنة الامن و العمليات برتبة فريق
3. نسعي جادين لتوفير السلاح والعتاد اللازم و كلمنا الاخوان في سوق ليبيا وولدنا محمد في امريكا ولدنا مجدي في انجلترا لشراء 2مدفع جيم ثري سريع الطلقات لاستعمالي الشخصي واحد مدفع بازوكة وواحداربي جي لسعادة الفريق وذلك لان مشاكل الرطوبة وصعوبةالحركة تمنعها من استعمال المدافع الرشاشة كما نسعي لشراء دبابة T55 لزوم المشاوير و الزيارات العائلية
4.اعلن حالة الطوارئ حظر التجول بين السابعة مساء وحتي السابعة صباحا وكل من تسول له نفسه زيارتنا في هذه المواعيد فلا يلومنا الا انفسه
5.في ساعات النهار الزيارات بمواعيد مسبقة مع الحصول علي كلمة السر من رئيس للجنة الامن و العمليات
6.سيتم بناء ساتر امام البيت و ذلك لحمايتنا في جلستنا الصباحية وشراب القهوة وانا نحذر كل من تسول له نفسه من الاقتراب اننا سنكون مستعدين لكل من لايعرف كلمة السر
7 لاهلنا في الكوة و الدامر وفي ديار الغربه عليهم التاكد من حصولهم علي كلمة السر قبل التفكير في السفرالينا
.8 نريد ان نؤكد انا غير مسئوليين عن سلامة اي فرد لا يلتزم بهذه الاجراءت خاصة الزوار الغير مرغوب فيهم من ناس المويةو ناس العوائد وناس المجلس وجماعة اللجان الشعبية وخاصة ناس بسط الامن الشامل.
ولانامت اعين الجبناء
صدر تحت توقيعي يوم26/8
والي منزلنا القاطن الرياض مربع 7 الخرطوم
الحاج اسحق احمد صديق
|
Post: #3
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: برير اسماعيل يوسف
Date: 08-26-2005, 11:44 AM
Parent: #2
مجدي اسحق نرجو منكم الاستعانة بخبرات البانصرات السودانية المتواجدة خارج حدود الوطن درءا لاي عدوان مفاجيء ... كما لا تنسوا الاستفادة من وزارتي الدفاع البريطانية و الامريكية ... فضلا عن استخدام اسلحة الكي جي بي روسية الصنع.
|
Post: #4
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: عبدالعزيز حسن على
Date: 08-26-2005, 11:47 AM
Parent: #2
Quote: "... وأوضح الوالي في لقاء سياسي جامع بأمدرمان أنه قبل الأحداث لم يكن لديه أي سلاح، أما بعد الأحداث فقد اقتنيت ثلاثة مسدسات وأشار إلى أن بعض إخوانه فكروا في اقتناء سلاح لأن الظروف أصبحت غير معروفة"
|
Quote:
بعد ما قرينا كلام الوالي العاقل وفاهم وفيهو ورانا الحاصل وان الدنيا ما مضمونة وكل زول يستعد و يشيل شيلته براه والله يبارك فيهو الواضح ما فاضح و مادام الوالي اشتري تلاتة مسدسات نحن ماحنقصر في حماية عمتكم الحاجة سعدية بت عثمان نور وحماية بيتنا والجيران |
Quote: Quote: الخبر التالي بصحيفة الوطن العدد رقم 821 بتاريخ 16/8/2005م:-
لذا قررنا الاتي
1.تعيين نفسي اسحق احمد صديق موظف بالمعاش واليا علي منزلنا الكائن في حي الرياض الخرطوم
2.تعيين الحاجة سعدية عثمان حرمنا المصون رئيسا للجنة الامن و العمليات برتبة فريق
3. نسعي جادين لتوفير السلاح والعتاد اللازم و كلمنا الاخوان في سوق ليبيا وولدنا محمد في امريكا ولدنا مجدي في انجلترا لشراء 2مدفع جيم ثري سريع الطلقات لاستعمالي الشخصي واحد مدفع بازوكة وواحداربي جي لسعادة الفريق وذلك لان مشاكل الرطوبة الحركة تمنعها من استعمال المدافع الرشاشة كما نسعي لشراء دبابة T55 لزوم المشاوير و الزيارات العائلية
4.اعلن حالة الطوارئ حظر التجول بين السابعة مسء وحتي السابعة صباحا وكل من تسول له نفسه زيارتنا في هذه المواعيد فلا يلومنا الا انفسه
5.في ساعات النهار الزيارات بمواعيد مسبقة مع الحصول علي كلمة السر من رئيس للجنة الامن و العمليات
6.سيتم بناء ساتر امام البيت و ذلك لحمايتنا في جلستنا الصباحية وشراب القهوة وانا نحذر كل من تسول له نفسه من الاقتراب اننا سنكون مستعدين لكل من لايعرف كلمة السر
7 لاهلنا في الكوة و الدامر وفي ديار عليهم التاكد من حصولهم علي كلمة السر قبل التفكير في السفرالينا
.8 نريد ان نؤكد انا غير مسئوليين عن سلامة اي فرد لا يلتزم بهذه الاجراءت خاة الزوار الغير مرغوب فيهم من ناس الموية' ناس العوائد ناس المجلس جماعة اللجان الشعبية وخاصة ناس بسط الامن الشامل.
ولانامت اعين الجبناء
|
شكراً مجدي على هذا الابداع
|
Post: #6
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: فرح
Date: 08-27-2005, 03:53 AM
Parent: #4
عبد العزيز
سلامات
مشتاقين والله
شكرى مجدى على الابداع
|
Post: #5
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: الصادق خليفة
Date: 08-27-2005, 01:07 AM
Parent: #2
يا اخ مجدي
تحياتي
انه لأمر عجب !
3 مسدسات عديـــــــــــــــل كده!
هل تم الشراء من الماهية و اللا الفلوس المنسية ؟
يعني الشغلانية بقي فيها الحشاش يملئ شبكتو .
بعدين نحن الغبش دول عندنا انطباع انو ناس الرياض دول حناكيش ، اسي بتقدروا تحموا نفسكم كيف ؟
لك الله يا وطني
|
Post: #7
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: إسماعيل التاج
Date: 08-27-2005, 04:01 AM
Parent: #1
مجدي
شر البلية ما يُـضحك.
طبـعـاً رسالة الوالي واضحـة: نحـو مزيد من الفتـنـة ونشر السلاح. لكن بينك وبينك احتمال يكون الراجل دا - المعروف بالنزعات الاستثمارية غير الحميدة والمريبة - احتمال يكون فـكر في (استـثـمار) الأحداث الحزينة وأنْ يعمل في تجارة السلاح. وعشان يروج للتجارة دي لازم يعمل دعاية من الشكل دا.
يا حكومة يا.
يا إنقاذ يا.
|
Post: #17
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: Magdi Is'hag
Date: 08-30-2005, 03:46 AM
Parent: #7
مولانا اسماعين
يازول داير تدخلنا في الشبك دي مالك يازول كلام تجارة السلاح ده جبتوا براك نحن لا سمعنا ولا قالوا ليناولا قلناهوا و الله نحن كبرناو ما بنقدر علي زيارة بيوت الاشباح نحن مع الرطوبة و مشاكل القلب بيوت البكاء في تلتلة
ليك الود
|
Post: #8
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: Adil Osman
Date: 08-27-2005, 04:12 AM
Parent: #1
الاخ مجدى اسحق. تحية طيبة..
فليواصل والدكم ووالدتكم وجميع ناس بيتكم نضالهم من اجل تقرير مصيرهم، وبناء الدولة الاسحقية ذات السيادة. حيث الشرطة فى خدمة البيت. والامن مستتب بفضل يقظة والدتكم مبكرآ لاداء صلاة الفجر حاضرة.
|
Post: #9
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: برير اسماعيل يوسف
Date: 08-27-2005, 12:02 PM
Parent: #8
| Quote: بعدين نحن الغبش دول عندنا انطباع انو ناس الرياض دول حناكيش ، اسي بتقدروا تحموا نفسكم كيف ؟ |
العزيز/ الصادق خليفة
لك التحايا
يا الصادق خليفة يا اخوي انت شايف براك انه اسرة الحاج اسحق ارسلوا برقيات الي اهلهم في الكوة و الدامر ... فما دام الامر كده يبقي لازم تكون مطمئن عليهم ... فهم لا خوف عليهم و لا هم يحزنون ... و لكن يبدو انك يا الصادق تتحدث عن حي الرياض في عصر حناكيشه الماضي... في العصر المروي القديم ... لان ديمغرافيا حي الرياض قد تغيرت كثيرا ياالصادق ... فالسكان الان اصحاب بأس شديد ... و انت شايف بعينك نداءات سكان حي الرياض الي اهاليهم في الامصار... فارقد عافية يا زول و لك الود المقيم.
|
Post: #11
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: saif massad ali
Date: 08-27-2005, 12:08 PM
Parent: #9
الحمد لله نحن وناس ابوقوته في حماية ترسانات الصافي جعفر
|
Post: #10
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: Magdi Is'hag
Date: 08-27-2005, 12:04 PM
Parent: #8
ابنائناالاعزاء
شكرا علي دعمكم لقراراتنا ونؤكد اننا لانسعي للانفصال ولانعتبر انفسنا من المهمشين ولم يقع علينا اي ظلم تاريخي ولانريد اي جزء من كعكة السلطة وليس لدينا اي علاقة بأي سفارات اجنبية او دول او منظمات عالمية ولا تحركنا اي مصالح امبريالية لضرب دولة التوجه الحضاري.ليس لدينا مطالب للتفاوض ولا نمتلك وفد مقدمة او وفد مؤحرة.
كل العاوزينو في الدنيادي السترة وحسن الخاتمه ما عندنا غير المشي للجامع ومواصلة الاهل والجيران و شراب القهوة الصباح مع الجرايد قدام البيت والظاهر في الزمن الصعب ده دي ما بتتحقق بأخوي وأخوك ساكت ومحتاجة ليها سلاح ووقفة رجال وتب نحن ما بنقصر رغم مشاكل الضغط و القلب و الكلي و ضعف النظر و صعوبة الحركة.
لكن المحيرنا انو بعد كلام ولدنا الوالي [الله يحفظو ويخضر ضراعو علي صراحتو] ناس الامن والبوليس والجيش ديل حيسرحوهم ولا حيشوفوا ليهم شغلانة تانية المشكلة لو سرحوهم الحيقوم بالانقلابات منو.
لكم الود
|
Post: #12
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: Tragie Mustafa
Date: 08-27-2005, 03:34 PM
Parent: #10
Quote: لكن المحيرنا انو بعد كلام ولدنا الوالي [الله يحفظو ويخضر ضراعو علي صراحتو] ناس الامن والبوليس والجيش ديل حيسرحوهم ولا حيشوفوا ليهم شغلانة تانية المشكلة لو سرحوهم الحيقوم بالانقلابات منو.
|
مجدي اسحاق
الله يديك العافيه
ما خليت ليهم حاجه
وشكرا على الاسلوب الفكاهي نحتاج شيئ من هذا .
لك تقديري.
تراجي.
|
Post: #13
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: Magdi Is'hag
Date: 08-29-2005, 00:44 AM
Parent: #12
العزيزة تراجي
نقول شنو غير شر البلية ما يضحك ....
وشايفة الهنا الانحنا فيه ومن امبارح بنغني والينا زينا و حالف ما يخلينابعد ما سمعنا الخبر السعيد انو عينوهو تاني و الماعاجبوايشرب من البحر
لك الود
|
Post: #14
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: على محمد على بشير
Date: 08-29-2005, 01:37 AM
Parent: #13
طيب يامجدى
اذا دى تجهيزات ناس الرياض الامنيه
ناس الحاج يوسف يسوا شنو !! ؟؟
|
Post: #15
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: قرشـــو
Date: 08-29-2005, 02:29 AM
Parent: #1
الأخ مجدى اسحاق
ياخوى كلام الوالى وكلامك واضح زى عين الشمس
لا بحتاج فلسفة ولا قوالب
وبعد كده الزول ما يلوم الا قلة سلاحه بس
|
Post: #16
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: Magdi Is'hag
Date: 08-30-2005, 03:41 AM
Parent: #15
العزيز قرشو
بعد كده تكساس شنووزي ما قلت الضهر ما منو فايدة الما عندوا سلاح يسوي ليهو سلاح.
بالله زي ناس الوالي الصريح وفهيم ده الواحد قبل ما بعينو والي ما بيدخلوهو كورسات تقوية ولا فصول صيفية عشان تصلح المستوي ولا الحكاية دايرة محو امية عديل
لك الود
|
Post: #18
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: Al-Shaygi
Date: 08-30-2005, 06:11 AM
Parent: #1
يعني يا ود الحاج اسحق السيف المصدي الورثه أبوي عن جدي ودعوض ما بينفعنا ؟؟؟
والله الدنيا اتقدمت وشكلها كده ما بناكل عيش مع مسدسات الوالي وراجمات الفريق الوالدة الله يديها العافية ويشفيها من وجع الكرعين...
ترا ما عندنا قدرة لزي ده لا قروش ولا حيل...
بس نقعد نقرا البراك
ياربي بهم وبآلهم
تشغل أعدائي بأنفسهم
وعجل بالنصر وبالفرج
وأبلوهم ربي بالمرج
الشايقي
....
|
Post: #19
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: Ali Alhalawi
Date: 08-30-2005, 07:09 AM
Parent: #18
| Quote: 2مدفع جيم ثري سريع الطلقات |
عييييك يا مجدى .. دى عندنا هنا بلعبوا بيها الشفع .. تعال بغداد و نديك أسلحة حديثة
|
Post: #20
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: Magdi Is'hag
Date: 09-02-2005, 02:34 AM
Parent: #19
الاعزاء
علي
نحن عندنا خرطوش جدنا نزلناهو المعاش وبقي بتاع عقد و صفاح ساكت والله شكلها كده سيف جدك ده ماظنو شغال ياخوي خلوهو للعرضة ساكت
يازول فال الله ولا فالكهو الكلام ده كله عشان ما نحصل حال جماعتكم الفي بغداد ديل
لكم الود
|
Post: #21
Title: Re: تحذير من اسرة الحاج اسحق لاهالي الرياض وللاهل بالخرطوم والكوة
Author: ALGARADABI
Date: 09-02-2005, 04:25 AM
Parent: #1
الأخ مجدى
أنا ود جيرانكم فى الرياض...بس ما اتشاوفنا
Quote: Quote: 2مدفع جيم ثري سريع الطلقات
Quote: واحد مدفع بازوكة
Quote: وواحداربي جي
Quote: دبابة T55
لا والله خلاس ننوم قفا و نطمئن على الجماعة هناك
بس ماطمنتنا على تأمين الفرن
أوعى تكون متكل على جماعة بسط الأمن الشامل الفى ركن الفرن ديل؟
و الله كان كدى أحسن نأمن الرغيف للجماعة من دبى
تحياتى لك....ولمن تجى دبى معاوية بجيبك لينا
|
|
|