Post: #1
Title: وخت للبسبقك شنكل........ تتزكروها حصلت على امس
Author: نجود حسن عبد الرحمن
Date: 08-25-2005, 00:16 AM
امس وحياتكم ركبت مواصلات امدرمان راجعه العربى لمن وصلنا الموقف والله العظيم وماطالبنى حليفه الناس الكانو معاى فى الحافله بعد ما شفتهم نازلين لقيتم طالعين تانى والله الناس شايلين الناس وداخلين بيهم الحافله تلقى الواحده شايله ليها طفل زى الشايله ليها شنطه يد تدافر بيهو زى الماحاصل حاجه وبعد مسافه تقول ولدى زحو شويه كتمتو نفسو
عليكم الله المابكتم نفسو شنو وهى مدافرة بيهو فى جنس ده
|
Post: #2
Title: Re: وخت للبسبقك شنكل........ تتزكروها حصلت على امس
Author: wadahmed
Date: 08-25-2005, 02:54 AM
Parent: #1
نجود سلام ،
احكي ليك النكتة دي عن المواصلات :
قال واحد رايح الثورة
لقى الباص ملان ملية شديدة
وفي واحد متشعبط في السلم ما ظاهر منه غير طرف قميصه
أها صاحبنا قام لكزو وقال ليه الباص ده ماشي وين
رد عليه :
قول ماشي سريرك حا تركب وين !
|
Post: #3
Title: Re: وخت للبسبقك شنكل........ تتزكروها حصلت على امس
Author: Tabaldina
Date: 08-25-2005, 03:26 AM
Parent: #1
..
.
عليك الله انت ياابلة البوديك لجنس المعافرة دى شنو؟؟
عليك بعربات الروضة ..
وداحمد Quote:
رد عليه :
قول ماشي سريرك حا تركب وين ! |
جنس قطامة لكن ..
الزول اكيد رباطابي .. مع المعذرة للرباطاب.
|
Post: #4
Title: Re: وخت للبسبقك شنكل........ تتزكروها حصلت على امس
Author: Badri
Date: 08-25-2005, 03:30 AM
Parent: #1
العزيزة نجود
تحياتي
تبلدينا
ركز وخليك مع الملائكة والديوك وخلي الزولة دي تواصل البوست بتاعها 
|
Post: #5
Title: Re: وخت للبسبقك شنكل........ تتزكروها حصلت على امس
Author: almulaomar
Date: 08-25-2005, 03:45 AM
Parent: #1
الأخت نجود
لمن دخلت في البوست بتاعك الفات وقميصي طايرات منو زرارتين وشبشبي مقطوع وعرقان لمن كرهان نفسي وشئ عرق شخصي وشئ عرق بقية الركاب ولأنني إنسان وطني إعتبرت الموضوع واحد أها لمن حكيت ليك الموضوع ده كحيتيها معاي وقلتي لي والعبارة التالية "حالتك صعبة" وبالضرورة ما زعلت لأنو حالتي دي نابعة من حالة ناس السودان في سوادهم الأعظم حتى أنه واحد سايق ركشه كاتب عليها "الما عندو القرش القرش ... وبعدين راسم دموع أو عيون بتبكي" أها بعد مجهود وشوية ذكاء عرفت ليك المعني.
وزي ما بقولو هذه بتلك ، يعني يا تشتري عربية بشرط تكون مكندشة يا تستحملي يا تدفعي ماهيتك لي ناس أمجاد والركشات والتاكسيات.
|
Post: #7
Title: Re: وخت للبسبقك شنكل........ تتزكروها حصلت على امس
Author: نجود حسن عبد الرحمن
Date: 08-25-2005, 07:38 AM
Parent: #5
أعمل شنو لكن المعايش جبارة بتخليك تركب المواصلات وبينى وبينك كان بركب التاكسيااااااات كان اشتريت لى عربيهوكندششششششششششششششه
|
Post: #6
Title: Re: وخت للبسبقك شنكل........ تتزكروها حصلت على امس
Author: عبدالرحمن عبدالله أبوشيبة
Date: 08-25-2005, 03:53 AM
Parent: #1
نجود ،،، سلام
إنتي ذاتك ما عند شغله تقضيها الموديك شنو لي جنس مدافرة زي دي أكيد السواق قاليهم لو ما ركبتو سريع أنا ح أغير رأيي وأمشي الفطور
|
|