الجميل أبو آمنة "ودالبشير" طال غيابك.

أحد أجمل من جمعني به هذا المنبر، وتجاوزت صلتي به صفحات المنبر إلى حوارات هاتفية، لتكتمل صداقتنا، حين زار بيتنا "Virually" في زيارة إحتفي بنا وإحتفينا به، دون أن يبارح الرياض، ودون أن أحتاج لعبور "سودان أثيل"-نقطة عبور على الحدود السعودية القطرية- ولكن هي الأرواح تتآلف وتأتلف.
فأنا والأبنوسة وشهد وحمودي وميدو ورابعهم عمرو نشتاقك وكثير من البورداب نحتاج كتاباتك الرصينة وحواراتك العميقة.
فهلا عدت لتكمل مشوارك:
ولتروا كيف أن الحميمية والصداقة "وما في إيدا جواز سفر"،
أبنــــــــــــوسة ...

الاخ نادوس !
الجميل ابو منه ابحث عنه بشده!واشتاق ان اكمل معه حديث في الانتظار!

Up

الأخ نادوس...

تحياتي لك و لأبنوستك و ثماركما...

أنا معك من المنتظرين لعودة الأخ جعفر بشير..

خصوصاً..

و أنه وعد.. أو.. وعدني..

بمفاجأة ..أو ثمرة جميلة لهذا الغياب..!!

............

تخريمة..

جعفر...

لو المفاجأة جايبه من أمريكا..

لا تعرفني لا بعرفك...!!

اتفق معك حول هذا البديع الذذي سبانا بعباراته الرائعة

نشتاق اليه

ابو امنه وجودك هنا غايه في الاهميه لماعرفناه عنك من جديه وموضوعيه نادره

وبعدين ياريت لو رسلتنا لينا تصميم الوب سايت عشان انا غبت ولقيتو مافي وعايزين نجددو

تسلم

واسمع كلام شيخنا الكبير بعنايه

عزيزي الجميل نادوس

تحياتي لك وللأبنوسة ولكل الصغار

وشكرا لافراد هذه المساحة من أجلي.


اعلم جيداً انني غائب عن سودانيز اونلاين لفترة طويلة جداً ومؤخراً فقط بدأت ولكن كما الغياب بمشاركات بسيطة هنا وهناك ولكنها لا تكفي لان اقول انني موجود وأسباب الغياب كثيرة ولكن أهمها هو انني اعمل علي مشروع طموح بدأته منذ منتصف العام باسم مشروع السودان للجميع او شبكة السودان للجميع. 2004.وكانت وقتها كل الامور في السودان من الواضح انها تتجه الي تسويات شاملة علي كل الاتجاهات.

في الحقيقة كان من المفترض انو اكتب حول المشروع خلال هذا الاسبوع باعتبار انو حايبدأ مع بداية سبتمبر يعني بعد اسبوع لكن لانو المساحة دي جميلة وفيها اشخاص رائعين جداً ولأنو انا وعدت سناء خالد قبل كدة اذن حانتحدث عن المشروع هنا ولاحقا نقدم دعوة عامة مع الافتتاح.

كان أن قرأت في مركز كارتر تعليق لأحد الأمريكيين المهتمين بالشئون السودانية حينما علق قائلا انه لا يوجد شيئ يمكن فعله تجاه السودان سوي : "أن نصلي من أجل السودان والسودانيين".

فكان السؤال الذي طرحته علي نفسي:

لمن الأمريكان ( الكفرة والفجرة والامبرياليين والشايلين كل سوءات الدنيا ديل ) قدروا لمن صلوا من أجلنا طيب هل نحنا ممكن نعمل حاجة أكتر من اننا نصلي من أجل السودان والسودانيين.

حقيقي العبارة كانت مؤثرة جداً واثرت فيني بدرجة عميقة لحد ما بقيت اصحي من صباح الرحمن القاها قدامي انوم بالليل تكون اخر حاجة في تفكيري لحد ما بنات أفكاري زاتهم بقوا يغيروا من المسالة المزعجة دي.اها من الوقت داك بديت افكر وافكر انو لازم يكون عندنا حاجة غير الصلاة نعملها.وكان من الطبيعي انو يبدأ التفكير بمجال العمل اذا كان ممكن تقديم اي شيئ من خلاله.

طيب طالما اصلا الامور كلها ماشة نحو سلامات وتسويات ببقي المسالة السياسية بكاملها مافيها شيئ ممكن يتعمل.لكن المشكلة الحقيقية هي ما بعد السلام واسئلة التنمية وخصوصا المناطق المتأثرة بالحروب في السودان لانها حاتكون محتاجة جهود خرافية علي اساس انو تستقر وتتحول من بيئات حرب الي بيئة مدنية.ده هي المشكلة الاولي مشكلة التنمية والمشكلة التانية هي مشكلة الهجرة وكم السودانيين في دول المهجر وعلاقتهم بالتنمية في السودان.المشكلة الثالثة هي البنية التحتية لشبكة المعلومات في السودان علي الانترنت.

من كل الافكار دي وضحت فكرة الدراسة وهي شبكة مواقع سودانية الهدف منها دعم المنطاق المتأثرة بالحروب في السودان واشتلت الدراسة علي:

تحليل لكل المواقع السودانية علي الانترنت.
اعتماد ثلاث مراحل للمشروع :

المرحلة الاولي:
هو شبكة المعلومات العامة وهي موقع Portal بيعمل علي التمهيد كواجهة اعلامية وكبداية للمشروع.وحاليا المرحلة الاولي مكونة من اكتر من 13 موقع حايتم بناءها واحد بعد الاخر وحاتكون النواة الاولي للمرحلة الثانية .
المرحلة الثانية:
وهي مركز الدراسات المتخصص في مسائل التنمية والمشاريع في مناطق الحروب وفض النزاعات بالاضافة الي شبكة خاصة بالمنظمات العاملة في السودان بحيث انو حايتم عمل موقع لكل منظمة في داخل الشبكة متي ما وفرت البيات المطلوبة اضافة الي ملتقي خاص بهذه المنظمات.
المرحلة الثالثة:
هي قيام منظمة بالعمل باسم المشروع في هذه المناطق واعداد الدراسات الخاصة.
المشروع يحتاج الي فترة عامين كحد أدني ليكون مكتملاً

في الفترة الماضية كنا مشغولين جداً ببدء المشروع وانجزنا المركز الاعلامي وهو مركز صحفي متخصص يشرف عليه عدد من الشباب الصحافيين وله مكتب في السودان سيكون الواجهة الرئيسية للمشروع وغالبا سيكون افتتاحه يوم 1/9/2005.ومن ثم حايبدأ بناء المواقع علي التتالي وحاليا المركز الاعلامي شغال في فترة بث داخلي. وفي نفس الوقت شغالين في بناء اكثر من أربع مواقع من ضمنها موقع المنظمات ومركز الدراسات ومركز الخاتم عدلان.

الشبكة حاليا تمتلك اكثر من 12 اسم نطاق يمكن الدخول منها الي مواقع الشبكة المختلفة.
البوابة الرئيسية هي:

http://www.sudanforall.com
مركز الدراسات
http://www.sudanforall.net
موقع المنظمات
http://www.sudanforall.org

كما يمكن الدخول الي الشبكة حتي الان عبر المواقع التالية:

http://www.sudan-margins.com
http://www.alkhatim.com
http://www.sudanarts.com
http://www.sudangallery.com
http://www.sudantoday.com
http://www.sudaniyah.com

من كل هذه المواقع يمكن ان تجد شعار المشروع ونبذة مصغرة للدراسة باللغة الانجليزية يمكن تحميلها.
هذه الدراسة بعد ان اكتملت في بداية 2005 قمت بتوزيع عدد كبير من النسخ للمهتمين بمسائل التنمية اضافة الي انني ارسلتها الي عدد من.الاشخاص الذين كانت لديهم رغبة في انشاء عمل علي الانترنت والمهتمين اضافة الي توزيعها علي عدد من المنظمات داخل السودان من ضمنها الامم المتحدة والاتحاد الاوروبي وكان هنالك تعاون من عدد من هذه المنظمات في المعلومات والدورات التدريبية للشباب العاملين في المشروع.

كل العمل حاليا يعتد علي تمويل ذاتي.

فقط ما يحتاجه الامر هو مزيد من الجهد لانجاز هذا المشروع.

اتمني ان يكون سبب الغياب مقبولا.

تحياتي جعفر..

و جيداً جيت..

أحتاج أن أقرأ عن المشروع بعين أكثر اتساعاً..

غداً إن شاء الله..

ربما أحتاج أن أستوضحك بعض المعلومات..

توقع مني رسالة..

تصبح على خير...

الحبيبة سوسن أحمد

لا زال الوعد بيننا قائما

ربما يكون في مكان آخر ... ولكنه لازال قائما

هذه نبذة عن المشروع وأعلم انه سيكون خبر رائع بالنسبة لك ولكن انت ايضا مختفية واخبارك ما واصلة لكن اظن بعد كدة فضيت حبتين عشان اشوف الشباب ( الكانوا اصحابي مشوا وين ).

الحبيبة سناء خالد

تحياتي يا غالية

اكيد وعدتك

وانا عند وعدي وهذه هي بدايات المشروع الحلم الذي اتمني ان يكون مبررا للغياب.يمكن مراجعة ما كتب او طرح اية اسئلة وهنالك نسخة مصغرة من المشروع علي بوابة الموقع.ويمكنني ارسال نسخة كاملة من الدراسة الي من يرغب بها.
بالمناسبة حاليا العمل قائم علي اللغتين العربية والانجليزية ونعمل من اجل نسخة باللغة الفرنسية.


وانتظرك مرة أخري او ايميلك


عزيز الاستاذ الموصلي

تحياتي

وشكرا

الدكتورة هالة الأحمدي

تحياتي

والشكر أجزله للجهد الكبير الذي بذلتيه في سبيل انجاز هذا المشروع حتي الان فلولا وجوك لكانت الامور اكثر صعوبة بمراحل.
ودي فرصة الواحد يتقدم ليك بالشكر جماهيريا ...

كل الود والحب

أستاذنا العزيز الموصلي

كما عهدتك دائما


وآسف جدا انني لم انتبه لغياب الموقع ...
سنتواصل عبر الايميل .

وأكرر أسفي مرة أخري

Quote: الحبيبة سوسن أحمد لا زال الوعد بيننا قائما ربما يكون في مكان آخر ... ولكنه لازال قائما هذه نبذة عن المشروع وأعلم انه سيكون خبر رائع بالنسبة لك ولكن انت ايضا مختفية واخبارك ما واصلة لكن اظن بعد كدة فضيت حبتين عشان اشوف الشباب ( الكانوا اصحابي مشوا وين ).

جعفر ..
ليتنا نغيب ونعود مثلما عدت...الغياب المصحوب بالانجاز المشرق!!ياه خطواتك مثقله بالامل..مابعد السلام والوطن الحلم... ما اجملك ياجعفر!!
انا التقيك كل لحظه بامتداد مايجمعنا من خطوط ..وحتما بتلك الابواب الثلاثة عشر سنلتقي..
في انتظارك ..كدي اديني سلك!
سـوسن

سلامات يا نادوس؛

Quote: نحتاج كتاباتك الرصينة وحواراتك العميقة.

على ان لا تكون رصينة جداً؛ و عميقة جداً؛
لكي يسهل علينا فهمها ومتابعتها.



كيفك يا أبو امنة؛
البد لي انت في الرياض و خلى الناس الفي الخرطوم
تحقق في ال 35 و 40 و %45 من امنياتها.

Quote: ... ما اجملك ياجعفر

I can only agree ya Sawsan

genuine wishes of success Gafar

always

ابو امنة

دخان سجارتك لم يغادر غرفة الراحة
حين زرتنا فى تلك الشركة التى اراتادها
من اجل الرزق
مشروعة روعة وهمك كبير...وانا عندى نفس الاحلام بس تختلف فىء الرؤى
وكان ممكن نفتح غنوات على بعض..لكن الا ترى امل الرجعة تبدد
بموت زعيم المهمشين...د.جون وحلم المشاريع اصبح رهن تلك الكوكبة الحامة
التى مارست دهاءها مرة اخرى..فى لعب المقاعد السياسية
باولد فكرك الكبير دا هو سبب نحولك
بطل قوقوعة داخل الكتب والحجرات..اطلع تعال الى سنتر المدينة
حيث يوجد اماكن تضخم الاجسام

خالص ودى لك
ولى صاحب البوست

العزيزة سوسن

وما يجمعنا من خيوط يمتد نحو اللانهاية ...

سوف اتصل بك ...

عارف ياملاسي كنت مرة زهجان والحاجات ما عايزة تمشي معاي عندي صاحبي بريطاني سالني مالك قلت ليهو ما معقول الواحد كل البخطط ليهو ما يقدر ينفذ فيهو الا 20% بس. عارف ردو كان شنو:
20% that is great and you are lucky.

اها 45% وفي السودان.في اكتر من كدة.

شكرا هالة

واتمني التوفيق للجميع.

العزيز

جعفر

حمد لله على السلامه

انك طيب ...وما خليتنا.. ده براه خبر بالدنيا

وجاى شايل فوق كتفك كالعاده

ياها المحريه فيك

لك التحيه

والشكر موصول لى فجر القصايد نادوس

عبدالجليل ........ كم افتقدت هذا الموسوعي ابو امنة او جعفر بشير , تحياتي له ولك وللعزيزه الابنوسة .

نادوس

تحياتى ...


هو انت جعفر ده على كيفو ؟

جعفر ياودبشير ..مقدرين ماتقوم به من جهد ..بس (دوامك) هنا مطلوب وبشدة ...

ارجوك لاتغيب ...

محبتى ...

العزيز محمد عبدالرحمن

تحياتي

عارف انا كنت في الاول فاكر الشغلانة علي كيفي يعني الواحد يقعد هنا ولمن يزهج ولا ينشغل يمشي يشوف ليهو حتة تانية لكن اتضح انو الموضوع اكبر من كدة ... عموما حقكم علي وغلطان ... لكن الكلام ده ما تنساهو بذكرك ليهو يوم ..

وحاظل هنا

بهاء بكري

وانا ايضا افتقد كل الشباب يا عزيزي ... وكم التمني ان التقيهم فردا فرد ... وبالمناسبة فموقع الأستاذا الخاتم عدلان ايضا ضمن الشبكة واضفته الان لانه كانت هنالك مشكلة فنية .. وحاليا اعمل علي تصميمه مع بقية المواقع الاخري.
http://www.alkhatim.com
واتمني ان يري النور قريبا ...

صـنـــــــع فــي فــداسـي الحلــــيمـاب

ربمــا انســــحاب لظهــــور اقـــــوي

ابقوتة تحياتي يا حبيب

اولا حاولت اتصل بيك واتضح انو ما عندي ليك غير الرقم المجاني بتاع الشغل لكن لقيت دوامك خلص وانت نسيت تكتب لي (ابقوتة في اخر ساعات الدوام - قاصدني اظنك) لكن اكيد حايكون بينا اتصال في اليومين ديل لانو ما سمعت انو زول عندو افكار مشابهة الا وصلتو علي اساس انو المشروع اولا ضخم جدا وبيحتاج لجهود وافكار كل الناس وبيحتاج لي عمل مشترك ضخم جداً.

برغم انو غياب الدكتور جون قرنق حيظل شاغر دائما وابدا شاهد علي الاحلام السودانية الموؤدة الا انو الايمان بالقضايا ما اقل من الايمان بمقدرة قرنق وكاريزميته. ذهب قرنق ولكن بقي السودان وهكذا دائما سيذهب الجميع ويبقي السودان.

هل حصل زرت اي مكان في السودان فيهو حرب او بعد نهاية الحرب مباشرة.
انا ما زرت اي مكان بالشكل ده لكن زرت اماكن في السودان مافيها اي حرب طوال تاريخها لكن كم البؤس الموجود فيها بيغطي علي اي حاجة جميلة جواك وده بيديك بس مجرد فكرة انو مناطق الحبر ممكن تكون كيف مشي قرنق ولازالت الاماكان دي موجودة وكل العالم الان في السودان علي راسهم الامم المتحدةوالاتحاد الاوروبي والكثير من المنظمات فاذا كان البشر ديل عندهم رغبة حقيقية في مساعدتنا ببقي بالاولي اننا نساعد نفسنا في البداية.

عموما تحياتي يا حبيب
وحاتصل بيك اكيد

عمر ادريس

سلام يا عزيز

مرات كتيرة بكون في تفكير التوقف عن سودانيز اونلاين لكن بيجبروك الناس العرفتهم هنا علي المواصلة ويا عزيزي طالما هنالك ما يمكن فعله سنظل علي الدوام هنا ننحت في الصخر ...

وأتمني الا يغيب اي واحد منا ..

عمر علي تحياتي

وشكرا علي الصورة وذكري فداسي

لكن بغيابي ده انا متواجد اكتر منك والدليل ظاااااهر يعني ندي علي وهالة ليهم اظن شهر كدة بيسالوا منك.

تحياتي لك ولكل الشباب

الاخ جعفر،

تحيات،

شكرا لعرضك لهذا المشروع الهام،
فتعدد منابرنا الاعلاميه هى الضمان لتكريس الممارسه الديمقراطيه.

فى انتظار ان يرى المشروع النور قريبا.

لك الود.

الغالى نادوس تحياتى لك وللاسرة الكريمة ...وينك

حبيبنا ابو الجعافر برضو بسأل عن عيونك

تحياتي يا خالد كودي

وفعليا نحتاج الي منابر متعددة واصوات جديدة مختلفة ... واتمني ان معك ان يبدأ العمل قريبا ...

وان يلحقه الشباب في سودان الهامش .... بس لحد ما يفضي الريح كودي شوية ويرجع لينا .. تحياتي لهم جميعاً ..

سلامات يا نادوس والسلام موصول للعزيز جعفر...

"ضيق ذات الوقت".. لم أستطع قراءة البوست كاملا ولكن اختطفت "صنع في فداسي الحليماب"!! تذكرت للحال أنني مررت على فداسي في منتصف السبعينات، في وفد من وفود الجمهوريين لتوزيع الكتب والحديث .. أذكر أن رئيس الوفد كان الأستاذ عصام عبد الرحمن البوشي. لو لم أكن جمهوريا لما كنت أحلم بأن أطوف قرى ومدن الجزيرة وغيرها من مدن السودان..

سلام لأهل فداسي الحليماب ولكل السودانيين..

وسلامي لك يا دكتور ياسر الشريف


واظنها فرصة جيدة ان تكون جمهوريا وتطوف بكل مناطق السودان وفداسي ستظل تحتفظ بهذه الزيارة والمرور فهي لا تنسي ابدا كل الذين مروا عن طريقها وتهديك السلام.

الاخ ابوامنة

التحايا العطرة

و امنيات طيبة بنجاح المشروع

شكرا نادوس

تحايا للاصدقاء/ت هنا

شكرا ندي علي

وتحياتي لك ولكل الشباب