Post: #1
Title: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: altahir_2
Date: 08-17-2005, 02:25 PM
سياسيه: متمردو دارفور يستولون على آليات مشروع زراعي ويفرضون الأتاوات على الرعاة
13-7-1426 هـ
الموضوع: النيلين
اعترض متمردو دارفور شاحنة تحمل أدوات زراعية تخص مشروع زراعي واستولوا عليها.وأفادت مصادر مراسل (سودان سفاري) بمدينة نيالا عاصمة جنوب دارفور – غرب السودان ان الشاحنة كانت تحمل أربعة آليات عبارة عن زراعات تخص مشروع أم عجاجة الزراعي الواقع بولاية جنوب دارفور.
وكانت الشاحنة في طريقها إلى موقع المشروع قادمة من أم درمان (إحدى المناطق الثلاثة المكونة للعاصمة السودانية).
من جانب آخر ، أفاد مراسل متجول لسودان سفاري بولاية جنوب دارفور ان متمردي حركة تحرر السودان (إحدى الحركات المتمردة بدارفور) فرضوا أتاوات على قطعان البقارة والرحل بالولاية بواقع 500 دينار سوداني على الرأس. وأضاف المراسل أن هذا المبلغ تقلص في حق قطعان رعاة قبيلة الرزيقات بواقع 300 دينار للرأس نسبة للاحتجاجات التي أبدتها القبيلة. وتؤكد المصادر أن المتمردين قبلوا بمنح القبيلة الامتياز بشرط عدم لبس رعاتهم الزي العسكري وعدم حمل السلاح أثناء التجوال مع الماشية.
|
Post: #2
Title: Re: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: altahir_2
Date: 08-17-2005, 02:44 PM
Parent: #1
سؤال ارجو من (الثوار) تأكيد او نفى الخبر!!!!!
|
Post: #3
Title: Re: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: Esameldin Abdelrahman
Date: 08-17-2005, 03:27 PM
Parent: #1
الاخ الطاهر
جذبني هذا الخبر للتعليق علي المفارقات التي يحتوي عليها .
لن اجادلك حول المصدر حيث انه لا خلاف علي من تكون سودان سفاري ، ولكن عذرا اخ الطاهر يبدو انك قد تعجلت نقل الخبر دون الوقوف علي مصداقيته والتي تنفيها تفاصيله او ربما لعدم المامك ببعض المعلومات عن دارفور .
لم تعرف دارفور منذ نشأتها وحتي الان الميكنة الزراعية حتي في ابسط صورها ، هل تدري ان المزارعين بدارفور ما زالوا يستخدمون الكدنكة والطورية و الجراي اي لم يصلهم التراكتور بعد ناهيك عن الزراعات و مثل هذه التكنولوجيا المتقدمة جدا بالنسبة للمنطقة وانسانها ،اما بخصوص المشاريع الزراعية فليس هناك اي مشروع زراعي قائم الان بدارفور ما عدا المساحات الصغيرة التي يقومون بزراعتها يدويا .
وبشأن الاتاوة التي تحدث عنها الخبر ، هل تدري ان من لا يملك في الرزيقات يملك 500 رأس كحد ادني ، اي بحسبة بسيطه انه يتوجب علي الراعي منهم ان يدفع مليون ونصف المليون جنيه اي 3000 جنيه ضرب 500 رأس كحد ادني ، هل تعلم كم يبلغ مستوي دخل الفرد اليومي بدارفور ؟ اذا كان متوسط دخل الفرد في عموم السودان حوالي 100 دولار شهريا ، فقس علي هذا .
لم نري الله جهرة و لكنا مؤمنين .
مع الود
|
Post: #5
Title: Re: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: altahir_2
Date: 08-18-2005, 06:22 AM
Parent: #3
كلام عاقل وموزون عشان كدة طلبنا التصديق او التكذيب . ساراجع معلوماتى بهذا الخصوص
|
Post: #4
Title: Re: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: Bashasha
Date: 08-17-2005, 03:47 PM
Parent: #1
يالبعثي،
شفت كيف او غصبا عنك، او من دون ماتكون داري ولا حاري، بتلقي روحك توش راكب في سرج واحد مع نظامك العروبي الابارتيدي؟
ماتقول لي انت ضدو او عندك راي فيهو، لانو الترابي زيك كده بكره نظامو الخبزو او عجنو بي يديهو!
انت قومي عربي، انت عنصري، مستعلواتي، ونظام الجبهة نظامك، واخر معاقل اوهامك!
عشان كده بدرالدين مدثر كان اصدق مع نفسو، بانخراطو في نظام القوميين العرب، الكيزاني!
|
Post: #6
Title: Re: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: altahir_2
Date: 08-18-2005, 06:29 AM
Parent: #4
تشرفنى كثيرا هذه المخاطبة وهذه الصفة. يا جهلول باشا
| Quote: شفت كيف او غصبا عنك، او من دون ماتكون داري ولا حاري، بتلقي روحك توش راكب في سرج واحد مع نظامك العروبي الابارتيدي؟ |
طبعا زمان كنت كاره ذاتك لكن بعد الصورة بقول ليك انت فاقد ذاتك وماعارف يا(عقد)
تخريمة:
ليها حق تراجى تسامح الدناقلة علشانك ههههههههههههههههههههه
|
Post: #7
Title: Re: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: Bashasha
Date: 08-18-2005, 11:45 AM
Parent: #1
| Quote: طبعا زمان كنت كاره ذاتك لكن بعد الصورة بقول ليك انت فاقد ذاتك وماعارف يا(عقد) |
يالتكريتي،
لوبتشرفك زعلان مالك؟
بعدين كاره ذاتك الاتحولت لي فاقد زاتك دي شنو، بخلاف اسقاطك المعهود؟
تقصد كمتوهم عروبة، ومستعلواتي، كنت في نظرك "فرخ" كاره لذاتي، والان بعد الصورة، وبمااني لااتوهم روحي عربي، علي كده اصبحت في نظرك المشوش فاقد لذاتي "العربية"؟
يالك من تائه!
|
Post: #8
Title: Re: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: عبدالله
Date: 08-18-2005, 12:03 PM
Parent: #7
الاصل انها عصابات نهب مسلح
وجلت باب السياسة بحكم رغبة البعض
وهي لا تنسي قديمها
|
Post: #9
Title: Re: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: altahir_2
Date: 08-18-2005, 02:55 PM
Parent: #8
Quote: الاصل انها عصابات نهب مسلح
وجلت باب السياسة بحكم رغبة البعض
وهي لا تنسي قديمها |
جزء كبير من هؤلاء دخلوا الصراع بهذا الفهم يا عبدالله
|
Post: #10
Title: Re: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: Bashasha
Date: 08-18-2005, 06:15 PM
Parent: #1
| Quote: الاصل انها عصابات نهب مسلح |
هو في نهب "مصلح" مسلح، اكتر من تكويش اقلية لاتتعدي ال25% من السكان، علي 1,000,000 ميل مربع، حتي وان ادي ذلك الي قتل 2,000,000 في الجنوب و400,000 في الغرب، مع تشريد اكثر من 6,000,000؟
بعد ده كلو مجرد رد الفعل عندكم نهب مسلح، امعانا في العزة بالاثم؟
الجدير بالملاحظة، امثال البعثي الطاهر ده، محسوب من قوي الاستنارة والثورية والتقدمية!
ياحليلكم يامضطهدي السودان، لوده حال مسيحكم"افتراضا"!
|
Post: #11
Title: Re: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: عبدالله
Date: 08-19-2005, 00:38 AM
Parent: #10
وتظل الحقيقة دائما مرة للبعض للذي ذا فم مريض
|
Post: #12
Title: Re: سياسيه: متمردو دارفور يستولون على آليات مشروع زراعي ويفرضون الأتاوات على الرعاة
Author: altahir_2
Date: 08-20-2005, 05:51 PM
Parent: #11
فوق
|
|