هزة قوية ست درجات بمقياس (قلقتر) تضرب جبالالتاكا!!

هزة قوية ست درجات بمقياس (قلقتر) تضرب جبالالتاكا!!


08-08-2005, 00:24 AM


  » http://sudaneseonline.com/cgi-bin/sdb/2bb.cgi?seq=msg&board=80&msg=1123457071&rn=1


Post: #1
Title: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-08-2005, 00:24 AM
Parent: #0

كان الامل الاكبر لقبيله بنى هِله تلك القبيله التى تقطن اطراف مضارب قبيله بنى الاحمر وتقتات على فتات موائدها وتطعم بهائمها من سوق العيش المجاور ويتقوت بطها الهزيل الذى يقطن فى اصغر حوض بط اولمبى عرفته زرائب العيش!! مما يجود به زوى القلوب الرحيمه...كانت كل امال قبيله بنى هِله تنحصر فى شيئين اولهم تغير عربه الغفير التى تستعمل نهاراً فى نقل البضائع من شوالات وخلافه فى سوق العيش المجاور..وليلاً فى حاله وجود تمارين تستعمل ايضاً فى نقل (المروق) المسوسه.واملها الثانى كان عرقله فرقه الفرسان الحمر الميامين ومنعهم من تسلق جبال التاكا!!

سعوا لذلك بجد واجتهاد واساليب لاتخلوا من مكر عرفوا به نتيجه ايمانهم القاطع بمقدرات الكجور واثر البخور!!!

فقال قائلهم لسكان التاكا عليكم بالديوكّ!!

فاجابوه وماشان الديوك وماعلاقة الدواجن بكرة القدم!!!!

قال لهم بكل خبث بعد ان ضحك تلك الضحكة الشيطونيه التى درج على تشويه شاشه التلفاز بها كلما حل (وباً) اقصد ضيفاً بها!!

يااهلى الاعزاء يالكم من سذج الديوك نعم الديوك والتيوس ايضاً فهى سر تفوقنا المحدود عليهم فى كل المرات التى تمكنا فيها ان نحقق فوزاً وخفض صوته قائلاً(على قلتها)

اجابوه اتعنى اننا لو جلبنا لشيخك هذا ديوكاً وتيوس تضمن لنا نصراً؟؟؟

اجابهم نعم نعم نعم يااغبياء إتونى بها واسالونى عن النتيجه....

فاجابه كبيرهم كم من الديوك والتيوس تريدنا ان نحضر لنضمن الفوزى عبث بلحيته القصيره باصبعين وقال بكم من الاهداف تحبوا ان تفوزوا؟؟

قالوا له واحد يكفى!!

فتطاير الشرر من عيونه وهاج كالثور الاحمق وصاح بهم ماذا تقصدون يا اغبياء ماذا قصدتم بواحد؟؟

ارى فى الامر غمز وانكم تقصدون ذلك المسمار من البلاتين الذى غرسه عجبهم فى خاصرتنا فاعاقنا إلى الابد!!

ويحكم يا اهل الجبل...

فطفقوا إليه يهدئونه بشتى السبل وهو للعلم سهل الإرضاء. فهدات ثورته وسرح يشاهد خيوط الدخان التى تتصاعد من فوهه الشرقرق الذى كان يغلى كغليان دم قبيله بنى هله كلما تحركت واحست بوجع مسمار البلاتين..واخيراً شرح لهم كل الخزعبلات واضف على ذلك بعض المكرمه التى ارسلها رئيسه الدجال الاكبر.

وعاد ليرفع تقريره إلى رئسه الذى تبسم فى خبث بائن ومسح على كرشه فى راحه وغاص فى حلم لذيذ...راى فيه كل احجار التاكا تتساقط!!فرح فى بادى الامر وفسر الامر على انه بشاره خير ولكن المسكين لم يدرى وياليته قرا إبن سيرين لعرف انها علامة سوء وان الانهيار سببه زلزال بدا فى مجرة بعيده فى باطن كوكب قاهر يدعى مارس اى المريخ وامتدت اهتزازاته لتدك ذلك الجبل ست درجات بمقياس رختر(الذى يعرف بلدياً بقلتر) وتفسيرها قلق.

فى الجانب الاخر ما ان بدات الهزات تتوالى على وقع اقدام الرجل الفضائي(عجب) حتى بدا زعيمهم فى الصياح غشنا الرجل فيقول له الاتباع إصبر يازعيم فتاتى الهزة الاخرى على اقدام فارس السودان الاوحد(قلق) فيزبد الرجل ويبدا فى هزيان مستمر ويصرخ إتونى بمزيد من التيووووووووس واجمعوا كل ديوك الشرق بل اطلقوا النداء لياتى الجميع بكل دجاجه اناث وزكور...وتبدا المزبحه زبح للديوك فى الخارج وزبح للفريق داخل الاستاد والعجيب ان الحشرجه كانت تصدر فى امدرمان وتسمع اصداؤها حول زريبه العيش.

Post: #2
Title: Re: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-08-2005, 01:26 AM

بنى هِله لا اسكت الله لكم حساً..
عهدنا بكم الجعجعه..قالو المرغنى مردغكم والحكم نجدكم والبرازيلى البى مليون دولار كال خشمكم رماد.

مابخليكم.

Post: #3
Title: Re: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-08-2005, 02:50 AM

عفيت منك قلق ولدى.


مابخليكم.

Post: #4
Title: Re: هزة قوية ست درجات بمقياس (قلقتر) تضرب جبالالتاكا!!
Author: abas
Date: 08-08-2005, 03:27 AM

والله يا سامي اخوي

الهلال ده غالبكم في الدوري تلاته حته واحده

وده البخليكم تفرحو لي فوزكم علي طيش الدوري الان

وقلكو ده عارفنو براكم وطمبلكو البجلدكو راجيكم في المباراه التانيه في الدوري وفي كاس السودان كمان يا زول

ما تشفقو الجاياكم صعبه

وبعدين الشينه منكورة

واسي الهلال ده متصدر الدوري

قال التاكا قال

Post: #5
Title: Re: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-08-2005, 03:59 AM

اخيراً ظهرتو.

قلت لى طمبج مالو.

والحكم مالو نقض قون المساكين؟؟

ياتو لفه.

ارجونا فى لفة المنطقة الصناعية نركب ليكم واحد قلوووظ تانى.

عشان تدخلو النزير وتطلعو النزير بى مدربكم العوير.

بس ماتنسو تضبحوا ليكم كم تيس وتحننو ليكم كم غنمايه.

حكايتكم حكايه.

يااااا

عبس

Post: #6
Title: Re: هزة قوية ست درجات بمقياس (قلقتر) تضرب جبالالتاكا!!
Author: حمزاوي
Date: 08-08-2005, 04:53 AM

سام 6
حلو انت ولذيذ الستات
وسط الاحداث
والخرطوم تهتز
والمرجفون في المدينة
واولادنا اللذاذ عودونا
ينسونا المآسي
ستة أحمر ذي العجب

سامي اخوي
نحمد الله على سلامتكم والاهل
تحياتي

Post: #7
Title: Re: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-08-2005, 05:05 AM

حمزاوى من غيرنا يعطى لهذا الشعب المكلوم معنى ان يعيش وينتصر!!من غيرنا لصياغة الدنيا الجدية وصناعة الفرح....قلتها لكم واقولها اليوم وغداً فى سودان المريخ لايوجد غير كوكب واحد والبقيه توابع يتبعونا خانعين حاسرى الرؤس مطاطئي الهامات ذلاً وطاعة...اقزام وإن اتتهم ريح حظ يوم اواثنين فالحظ لايهب القصار طولاً ولا فقدى الامل بصيص ولو قليل من الرجاء..اكبر مافيهم الالسنه واصغر مايملكوا الإنجاز(انا هسى قلت جواً ياحمزاوى) عليك امان الله جماعتك رسلوا المراسيل والعطايا هبات نثروها على سكان الجبل لوضع المتاريس امام فرسنا الجامح فماكان منه إلا ان ركلهم على ظهورهم فزاد اوجاعهم اوجاع ومسمارنا غارس راسه المدبب فى خاصرة ابو الهل الكهل المُعدم يصيبه بالصداع تاره وبالمغس الكلوى تارة إلى ان نلقاهم مرة اخرى ونطلق عليهم رصاصة الرحمه فيطير منهم الريش ويحبو بطهم بجوار حظهم حبواً لتزداد جروح ارجلهم وعواطفهم دماً احمر كلون دمهم الذى انكروا لونه.

صبراً بنى هلة فموعدكم الذِله

Post: #8
Title: Re: هزة قوية ست درجات بمقياس (قلقتر) تضرب جبالالتاكا!!
Author: gamal elsadig
Date: 08-08-2005, 06:14 AM
Parent: #7

مبروك للزعيم سيد البلد الفوز المستحق .... وعقبال ماتنضرب لكوندة زرقان

واكيد القادم مع المريخ احــــــــــــــــــــــــــلي .

وفعلا بالامس الحكم المتواضع جدا ذبح فريق الميرغني .... وعكس مستوى هزيل ومتدني لحكام السودان (اصحاب القمصان الزرقاء) اقصد السوداء

ولك ودي/ سامي

جمال حسين

Post: #9
Title: Re: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-08-2005, 06:26 AM
Parent: #8

Quote: مبروك للزعيم سيد البلد الفوز المستحق .... وعقبال ماتنضرب لكوندة زرقان

واكيد القادم مع المريخ احــــــــــــــــــــــــــلي .

وفعلا بالامس الحكم المتواضع جدا ذبح فريق الميرغني .... وعكس مستوى هزيل ومتدني لحكام السودان (اصحاب القمصان الزرقاء) اقصد السوداء

ولك ودي/ سامي

جمال حسين


تعرف ياجمال باسمك ده ماكان ممكن تكون غير مريخابى..

احب الوالى ومريخ التوالى.

مسامير القلوووظ جاهذه تعالو قراب ياهلالاب.

Post: #10
Title: Re: هزة قوية ست درجات بمقياس (قلقتر) تضرب جبالالتاكا!!
Author: Abdulla Ageed
Date: 08-08-2005, 06:32 AM




عشتا يا مريخنا موفور القيم

Post: #11
Title: Re: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-08-2005, 06:41 AM

عقيد مبروك.

Post: #12
Title: Re: هزة قوية ست درجات بمقياس (قلقتر) تضرب جبالالتاكا!!
Author: abas
Date: 08-08-2005, 09:55 PM

احب الوالى ومريخ التوالى


مريخ ايه يا سامي

انتو التوالي ده بتعرفوه بي وين

مالكم ومال الكلام الكبار

خليكم مع تاكتكم دي وهي طيش الدوري

قال توالي قال

Post: #13
Title: Re: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-08-2005, 11:27 PM

تمانيه توالى رقم لايمكن الوصول اليه حالياً ولا مستقبلاً حكراً على المريخ.

للناس

البدو يشجعو

هسى.

Post: #14
Title: Re: هزة قوية ست درجات بمقياس (قلقتر) تضرب جبالالتاكا!!
Author: keiga2000
Date: 08-09-2005, 00:29 AM
Parent: #13

مبروك لمريخ السودان البطل وهذا هو المريخ

Post: #15
Title: عاش المريخ العظيم !!
Author: على محمد على بشير
Date: 08-09-2005, 01:22 AM

للامام سر !!

Post: #16
Title: Re: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-09-2005, 02:27 AM

سته وسته جونى

Post: #17
Title: Re: هزة قوية ست درجات بمقياس (قلقتر) تضرب جبالالتاكا!!
Author: ود المايقوما
Date: 08-09-2005, 03:04 AM

Quote: احب الوالى ومريخ التوالى


واحب سام 6

Post: #19
Title: Re: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-09-2005, 04:06 AM
Parent: #17

ود المايقوما فرحانين يامفترين شغالين مسامير ساااااااااكت..يا واحد قلووظ يانص دسته شيش.

مين زيكم.

Post: #18
Title: Re: هزة قوية ست درجات بمقياس (قلقتر) تضرب جبالالتاكا!!
Author: بدرالدين شنا
Date: 08-09-2005, 03:59 AM

دحين لون الكراسي ديل مو أزرق؟؟؟
3 اسباب خلوني أريدك يا سامي وهي
1 - إسم سامي
2 - أحمر حامي
3 - مزمل جاب سيرتك قدامي (في كبده)

Post: #20
Title: Re: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-09-2005, 04:08 AM
Parent: #18

بدرالدين مزمل ده إلا يطلع من البلد دى حته الجماعة ديك حالهم يتعدل.

عليك الله كتر لينا من صور الرجل الفضائي ومغس لى ناس مرق السوس.


Post: #21
Title: Re: هزة قوية ست درجات بمقياس (قلقتر) تضرب جبالالتاكا!!
Author: سامى عبد الوهاب مكى
Date: 08-09-2005, 06:08 AM

ديوووووووووووووووووب الخلا الجماعة يقولو الرووووووووووووووووب