Post: #1
Title: ليتك ترضى والانام غضاب !
Author: محمد حامد جمعه
Date: 08-04-2005, 07:04 AM
يا جماعة شنو الحكاية ... شابكننا من كم يوم يا بكرى الحقنا ويا بكرى افزعنا ... فى شنو ... مالكم ... مستاءين يعنى من الشى الحاصل هسة فى المنبر دا ... ما دا الواقع الحاصل فى البلد .... فتنة ... منو القال فتنة ... ومنو السلك مسلك فتنة ... مواطنين قاعدين فى امان الله وشايفين حالهم خشو عليهم مواطنين تانين معاهم ومفروض يكونو بيقيسمو معاهم المعاناة والتعب والجرى كتلوهم .... والاخبار فى العالم مجدعة زى العمل الردى .. عاوزين نقول شنو نعنى ... نغش الناس ... نقول ليهم دى مشاجرة صغيرة ولا حادث سير مرورى فى يوم عطلة رسمية ! ...
ما المكتوب دا الحاصل فى البلد .... نجيب ليكم واقع احسن من كدا من وين .... قلت ليكم وبقول ليكم وما حاسكت الا لمن الكلام المستفز والما عندو معنى دا يتوقف من عندكم .. دا مخطط دبروا ناس فلان ودى حالة هياج رسمها محمد وابو طايوق وابو طبيقة .. دا شنو دا .... الناس البره دى ما احرص على البلد من الناس الجوه .. دا واحدة ... والتانية انو الزول الشاف بعينو وشال المجروح والدموم على كتفو ما زى الزول القاعد فى طرف الدنيا ساكى الاخبار فى التلفزوين والاذاعة والقاعد واسرتو عامل ليها اقامة و(green card ) ما زى الزول الامو واخواتو فى الكلالكة ولا امبده ولا غرب الحارات ولا الجريف ولا الحاج يوسف وهو بيجى شغلو فى الخرطوم وكل دقيقة يضرب بيتو ( اها احوالكم شنو ) ولا يكون قاعد بره والقلق بياكل عمرو عشان خايف عليهم ...
عشان كدا لمن الناس تنزل صور عشان توريكم الحاصل شنو وتعرفو انو القصة اكبر من الفى راسكم كلكم ولمن تكتب انو الجوامع بتنده وتنادى الناس ما بتكتب عشان تحرش الناس عشان تنفعل زيادة لكن كان بتكتب عشان توريكم انو الناس بتساهر تحت التهديد فى اليومين الفاتو ...
ومافى زول هنا ممكن يدعو لقتل برئ لكن كمان ما تحمو الناس تنبه وتحذر وتخت الناس فى الصورة .
وما تشبكونا دعاة عنصرية وزراع فتنة ودقاقين حرب .... وين الكلام دا زى ما قلت قبيل – ومافى زول جاوبنى – لمن عبارات زى (دولة الجلابة ) و(العرب الجنجويد ) كانت مالية البورد دا وين الكلام دا لمن فى واحدة زميلة قالت لزميل (الزمن دا عاوز عقل زغاوة ) وين ... وين ... مليون مثل ودلشيون سابقة قعدتو قدامها بكم وعمايين مافى راجل قال غوغ هسة جايين تنوحو على البلد وعاملين فيها حكماء وتمرجية !
ولو زعلانيين عشان فى ناس قالت خلاص الجنوب يمشى وينفصل .. الشين فى الكلام دا شنو ما قياداتكم ختتو (نص عديل) فى مقررات اسمرا من نص التسعينيات وفى مشاكوس كتبوه ليه هناك حلال وفى المنبر حرام وليه لمن كتبو مولانا الميرغنى والصادق وغيرهم فى اسمرا ومضى عليهو على الحاج قبال كدا وبعد غازى صلاح الدين كان كلام كويس ورد حقوق وهسة لمن كتبتو الزميلة صباح والزميل عبد الله ابراهيم الطاهر بقى عيب وردة ودعوة لفتنة وخراب بلد . .. حتقولو لى دا (حق تقرير مصير ) ما معناه انو من حق الناس تقول يا دا يا دا .. مش كدا
والله ودا ما مقام قسم لكن شوفو مافى زول عاوز عداوة مع زول لكن الميزان لمن يكون مختل واعوج واعور ببقى حاجة بتغيظ ... الحصل حصل وخلاص عارفين راحت الارواح دى هدر... اى راحت هدر ... الارواح اللغاية هسة دى ما عاوزين تعترفو ليها انها ماتت سمبلة وجراء الشحن الزائد البيتسبب فيهو نوع خطابكم المليان فلسفة دا من البداية زى كلام بعض الناس فى المنبر دا ... ظلامات تاريخية ... ظلامات شنو ... يعنى لو انت شمالى وما حزبى وما عندك صلة بجنس تنظيم حتى واجتهدت وساهرت وقددت الكتب وبقيت علامة ورمز برضو ما كافية لانك شمالى واكيد نلت حقك دا لانك دست غيرك ولو انت شمالى وبقيت غنى بجهدك وشغلك وتعبك برضو ما كافية لانك حرامى ولص ولو كنت فى نقاء الصحابة ولو انت بقيت متعلم وزول فاهم برضو دا جا لانك كنت بتمتحن فى ورقة مكشوفة واخوك الجنوبى دا بيدوهو اسئلة زى السم .. يقولو ليك الوعى والتعليم وغيابو سبب فى الحصل زى ما قال الحاج وراق .. طيب ياخى ما فى شماليين وسودانيين بالعموم ما بعرفو يفكو الخط لكن لو قتلت ليهم زول بيعفو عنك قبال ما تفتح خشمك وبيعرفو الحق وين والشين متين والزين متين ...
العاوزو منكم انو الناس تبقى واضحة وما تقعد تلاوى يا تبقى عادلة يا العدل ما تقعد تلونو لينا حسب مزاجها وكيفها وما تحتكر الحقيقة والحق لنفسها ويا الناس تجى معاك يا الناس دى عنصرية ... وما عندها شغلة .. وهدامة ...
وطيب اقول ليكم حاجة خلاص ... سكتنا ... كسرناك يا قلم ودفقناك يا دواية .. ولغاية الهوجة دى ما تمضى وبقعد اعاين من بره بس ولمن خلاص المسالة تنتهى نجى نتعلم منكم الحكمة والادب واقعدو انتو لتو واعجنو واعتقدو وارو .. و (زى عاوز اقول) ... وابنو ليكم قصور بتاعة رؤى ونظريات بس قبال ما امشى حقو تعرفو حاجة برضو قلتها ليكم وزعلتو ... فى النفوس فى النفوس لكن الناس كلها عرفت حاجة ... وليتك ترضى والانام غضاب .. يا زميل .
|
Post: #2
Title: Re: ليتك ترضى والانام غضاب !
Author: Abdulla Ageed
Date: 08-04-2005, 07:47 AM
Parent: #1
Quote: ظلامات تاريخية ... ظلامات شنو ... يعنى لو انت شمالى وما حزبى وما عندك صلة بجنس تنظيم حتى واجتهدت وساهرت وقددت الكتب وبقيت علامة ورمز برضو ما كافية لانك شمالى واكيد نلت حقك دا لانك دست غيرك ولو انت شمالى وبقيت غنى بجهدك وشغلك وتعبك برضو ما كافية لانك حرامى ولص ولو كنت فى نقاء الصحابة ولو انت بقيت متعلم وزول فاهم برضو دا جا لانك كنت بتمتحن فى ورقة مكشوفة واخوك الجنوبى دا بيدوهو اسئلة زى السم .. يقولو ليك الوعى والتعليم وغيابو سبب فى الحصل زى ما قال الحاج وراق .. طيب ياخى ما فى شماليين وسودانيين بالعموم ما بعرفو يفكو الخط لكن لو قتلت ليهم زول بيعفو عنك قبال ما تفتح خشمك وبيعرفو الحق وين والشين متين والزين متين ...
العاوزو منكم انو الناس تبقى واضحة وما تقعد تلاوى يا تبقى عادلة يا العدل ما تقعد تلونو لينا حسب مزاجها وكيفها وما تحتكر الحقيقة والحق لنفسها ويا الناس تجى معاك يا الناس دى عنصرية ... وما عندها شغلة .. وهدامة ... |
الزميل الصحفي محمد حامد جمعة
تحية طيبة
اقتطفت هذه الفقرة وأضفتها إلى بوست خاص بي بعنوان "المهمشون .. من ظلمهم؟! دعوة للنقاش"
أرجو السماح
ولك الشكر
عبد الله عقيد
|
Post: #3
Title: Re: ليتك ترضى والانام غضاب !
Author: المكاشفي الخضر الطاهر
Date: 08-04-2005, 08:23 AM
Parent: #1
عشت يا محمد وعاش قلمك
لم تترك لى ما اقول
|
Post: #4
Title: Re: ليتك ترضى والانام غضاب !
Author: ودقاسم
Date: 08-04-2005, 09:07 AM
Parent: #1
محمد حامد جمعة
هل يتطابق رأيك هذا مع رأي حكومتك ؟
إذن دعها تقوله بلا مواربة ، ليعلم الناس الوجه الحقيقي ...
وما أراه أن حكومتك تسعى لمعالجة الجرح ، وتطييب الخواطر وتهدئة النفوس ،،،
لماذا أنت معترض على هذا عندما نمارسه نحن هنا وندعو عضوية المنبر إلى ممارسته ؟ ولماذا لا تعترض على ما تقوم به الحكومة وهو يتطابق مع هذا النداء الذي نطلقه هنا ؟
محمد ، اتق الله في الوطن ...
|
Post: #5
Title: Re: ليتك ترضى والانام غضاب !
Author: A.Razek Althalib
Date: 08-04-2005, 12:22 PM
Parent: #4
| Quote: الناس دى عنصرية ... وما عندها شغلة .. وهدامة ... |
كده مظبوط....
|
Post: #6
Title: Re: ليتك ترضى والانام غضاب !
Author: خال فاطمة
Date: 08-04-2005, 12:33 PM
Parent: #5
أخي العزيز محمد جمعة ...
تحياتي ...
الجمرة بتحرق الواطية ...
وااااااااااصل .. انت تعكس واقع أبن البلد الاصيل ..
لا تعايش .. ولا وحدة بعد اليوم ... وهذا كلام الحارقاهم الجمرة بالخرطوم ..
لا تلتفت لمناضلي الكي بورد ..
دمت وداااااااااااام قلمك...
|
Post: #7
Title: Re: ليتك ترضى والانام غضاب !
Author: خدر
Date: 08-04-2005, 12:52 PM
Parent: #6
Quote: قلت ليكم وبقول ليكم وما حاسكت الا لمن الكلام المستفز
والما عندو معنى دا يتوقف من عندكم |
يعني انت يا سعادتكـ زعلان مننا
مافي امانة صحفية ولا هم يحزنون
لاحول ولا قوة إلا بالله
|
|