تراجي..الإتنين الأمريكان الجايننا..سود و لا بيض و لا ملونين؟؟!

أختي تراجي...

Quote: العزيز محمد سليمان اعزيك ونفسي والحمد لله سيادنا الامريكان قالوا موديين اثنيين مسؤلين كبار للخرطوم كدي النشوف فلسفة ناس علاء الدين وغيرهم من الاوباش كيف حيقدروا يهبشوا جنوبي ثاني. تراجي.

Quote: قريبا مسافرين مسؤلين امريكا كبار سامعني كبار للسودان حركناهم نحن عشان بيانات زي بياناتك دي.

Quote: الترجمه لكل ما يدور هنا بيقوموا بيها بانفسهم اقصد الامريكان حزرناهم من رواندا اخري

شايفاك قلت حرشتي الأمريكان..

عشان يجوا ينشروا العدل ..

و الحرية ..

و الديموقراطية..

و يمنعوا السودان يبقى رواندا جديدة..

لكن أكيد لو في سبيل رسالتهم المقدسة..

بقى السودان عراق جديد..

يكونوا برضو ما قصروا.. وعملوا العليهم...

!!!!!

طيب يا تراجي..

أخديني شوية على قدر عقلي..

و فهميني...

مش في مثل بيقول..
فاقد الشيء لا يعطيه؟؟!!

يعني أنا لو ما عندي رغيفة..

حأديك نصها و لا ربعها كيف..؟؟!!

طيب الأمريكان ديل..

ما جلابة و عنصريين ..أكثر مننا..

كدي شوفي أوضاع السود..في أمريكا..

و قيسيها بأوضاع الجنوبيين في السودان..

و قولي لي بالمرة..

شكل الحكومات الأمريكية كيف مقارنة بالسودانية؟؟

أنا بأفتكر انو نحن هسي فايتنهم..

لأنو النائب الأول لرئيسنا مؤخراً أصبح جنوبي..

لكن أعلى منصب وصل ليهو أسود في أمريكا هو وزير خارجية..برضو مؤخراً..

و نحن برضو أحسن..

عشان نحن ما عندنا جماعات منظمة تنادي بكراهية الجنوبيين..

و كل يوم و التاني تشنق منهم واحد ..و تخت امضتها KKK

بدون كمان ما الحكومة تطلع قانون واحد ضدهم...

و الأنكأ...انو فيهم من فيهم ..من السلطة.. و الشرطة..

لكن ده هناك عندهم هم الأمريكان (أسيادكم!!!!!!!!!!!!!!!!!!! دي بالغتي فيهاشديييييد)


بالله كيف جايين ينظفوا لينا بيتنا..

و هم ريحة بيتهم النتنة..

واصلانا لحدي هنا؟؟؟؟!!!



الكلام ده أكان غلبهم يترجموا فيهو كلمة..

قولي لي..

أرسل ليهم...

English Version

السلام خيار حتمي والتعايش مسئولية الجميع ... لوقف حمامات الدم ودرء الفتنة ....
رسالة إلى الشعب السوداني المعلم:-
يا شعبنا يا والداً أحبنا

يا من منحت قلبنا ثباتك الأصيل
اليك هذه الرسالة القصيرة الطويلة
اليك من زنزانة تخاصم الفصول
اليك رغم أنف كل بندقية
وحقد بربرية
وكلمة شقية.. اليك منا الحب والسلام والتحية
ودمت يا أبي حبيبنا وبعد أدبتنا
أحسنت يا أبي
فلم نتابع الهوى وكأنما هابيل ما ارعوى
وكم غوى وتاه فى الأنا
أراد للدماء ان تسيل
ونحن مثلما عرفت يا أبي بفضلك الكريم
أشرس الرجال حينما نقاوم
نموت لا نساوم
ندوس كل ظالم
ونفتح الصدور للمدافع الثقيلة
ومن هنا أبناؤك الرفاق باسمك العظيم أقسموا
فصيلة فصيلة
أن يثأروا لصرخة الأمومة الجليلة
لطفلة جميلة.. تنفست قليلا.. تمددت قتيلة
رصاصة فى جنبها وطعنة فى قلبها
لم تعش طويلا
لكن مليون مثلها سينجب النضال
يا أبي حقيقة
فكم من حديقة تفتحت على حطامها حديقة
وكم مكان نخلة هوت علت نواتها وزادت ارتفاعا
أجمل الأطفال قادمون ساعة فساعة
عيونهم أشد من عيوننا بريقا
صدورهم بما وهبت أكثر اتساعا
وحينما يكبرون يا أبي
سيوفهم تزيد من سيوفك الطوال طولا
لأن بذرة الحياة ليست الرصاص
لأن بذرة الحياة ليست الرصاص

شكراً نادر..

**

عزيزتى سناء تحياتى
وأسمحى لى عندى تعليق

Quote: قريبا مسافرين مسؤلين امريكا كبار سامعني كبار للسودان حركناهم نحن عشان بيانات زي بياناتك دي.

الاخت تراجى سؤال صغير لو ممكن. طالماانك واصلة وعندك المقدره على تحريك المسؤلين الكبار الامريكان، ما حركتيهم ليه من يوم الاتنين عشان يمنعوا قتل الشماليين. ما عشان خاطر الشمالى الجلابى ما يموت لا سمح الله. لكن عشان خاطر الجلابى ما يضطر يصد الهجوم عليه وعلى أسرته وينتج عنه موت المواطن الجنوبى الذى يهمك أمره.
ولا يفوتنى أن أزف لك التهنئة الحارة بموت ما لا يقل عن مائة جلابى وجرح أكثر من ثلاثمئة أخرين. وان شاء الله ان استمرت الجهود على ما هى عليه فقد نستطيع تطهير السودان من جنس الشماليين (الجلابة) ديل ليوم الدين. ويرجع السودان لاصحابه الحقيقين ويقتل كل شمالى دخيل.
أهنيك من القلب!!!

شكراً smilewomen

تراجي فعلاً لا يهمها من أمر أبناء الشمال..

و هي ترى أنهم يستحقون كل ما يحدث لهم..

بدليل أنها قالت..

أنها ستأتي بالأمريكان..

ليس ليمنعوا الإقتتال بين الطرفين..

بل ليحموا الجنوبي من الشمالي..

..

أنا لست حزينة لهذا ..

فالحامي رب العالمين..

و أنا بسأله انو يحمي بلادنا من شر الفتن..

و شر الأمريكان..

..

لكنني حزينة لأجل امرأة ..

كتراجي..

كنت أحسبها ستكون رصيداً للسودان لا عليه..!!

Quote: ولا يفوتنى أن أزف لك التهنئة الحارة بموت ما لا يقل عن مائة جلابى وجرح أكثر من ثلاثمئة أخرين. وان شاء الله ان استمرت الجهود على ما هى عليه فقد نستطيع تطهير السودان من جنس الشماليين (الجلابة) ديل ليوم الدين. ويرجع السودان لاصحابه الحقيقين ويقتل كل شمالى دخيل. أهنيك من القلب!!!

يا smileowman

نسيتى تضيفى مئات من الدكاكين و البيوت التى نهبت أو سرقت و الأعراض التى اِستبيحت

سناء خالد
قبل ما تسألي تراجي عن الأمريكان
أسألي صلاح قوش الجابو ليهو طيارة خاصة و نزلت بيه راس في وكالة المخابرات الامريكية !!
عارفة أيه يعني وكالة المخابرات الأمريكية ؟؟؟
طبعا ما كانت زبارة ودية "للتحية و المجاملة ". كانت للبيع و الشراء ... في أي حاجة.
و أسألي علي عثمان " أصلب العناصر لأصلب المواقف " الذي ذاب في نيفاشا و وقع علي الخلاكم تجقلبو ليوم الدين .

zoul"ibn"zoul
شنو الحكاية يا زول بن زول؟ أنت ما بتجي ألا بكشة ؟

شكراً زول ابن زول..

فقط أتساءل ..

أيهما سيكون أسرع..

الأمريكان الأجاويد..

أم الأمريكان (لوبي الأسلحة)..

لكن في كل الأحوال..

فالنبق ستأكله أمريكا وحدها..

و نحن لن يتبقى لنا..

غير أحشاء بعضنا ننهشها..

محمد سليمان..

أنا بسأل تراجي لأني باشوف فيها ند..

و معاي هنا في المنتدى..

زميلة..

و هي مسؤولة عن ما تقوله هنا..

كما الجميع..

و لي حق أن أناقشها متى ما أردت..

كما لها الحق في مناقشتي متى ما أرادت..

...

لكن ليك علي أسأل ليك المدعو قوش ده..

في أول لفة أو منتدى ..

يجمعني بيهو..

و حأقول ليهو اني جاية بتوصية منك..

عشان أحفظ ليك حقك الأدبي..




..

و انت إذا جايي نيابة عن تراجي..

ما تحاول تزوغ بقوش..

أفيدنا أفادك الله..

بشأن استفسارنا السابق...

..

أما إذا غلبك ..

فالكان جابك من الأول شنو..؟؟

...

بتخت نفسك في مواقف بايخةةةةة!!

Quote: أنا بسأل تراجي لأني باشوف فيها ند.. و معاي هنا في المنتدى.. زميلة.. و هي مسؤولة عن ما تقوله هنا.. كما الجميع.. و لي حق أن أناقشها متى ما أردت.. كما لها الحق في مناقشتي متى ما أرادت

مرات الواحد يحتار قدام فهلوتكم الزائدة .
أنت قاصدة تحرجيها في قضيتها ...
و عاملة فيها زميلتها و ندها ...
و ليه ما قلتي كلامك ده لزول بن زول و للغيرو
و لا دي شطارة منك ؟
دا منبر عام ... البتكتبيه هنا يجوز لأي عضو يتداخل معك ..

يعني انت عارف انها هسي في وضع محرج..

و انت منحرج برضو..

ولا محتار؟؟!!







فعلاً..

شطارة مني اني أحرجك..

يا متداخل...

معليش ..يا محمد سليمان..

قبيل نسيت أجاوب على سؤالك..

و لأني دغرية..

و ما باعرف لأمور اللولوة..

و الزوغان..

جيتك تاني عشان أجاوب سؤالك..

Quote: و ليه ما قلتي كلامك ده لزول بن زول و للغيرو و لا دي شطارة منك ؟

ما قلت الكلام ده لزول غيرك..

عشان ما في زول غيرك قال لي ما تسألي تراجي..

و أسألي صلاح قوش...


..

أي استفسار آخر..

أنا جاهزة..للرد

سناء خالد

اعزيك و له لا اولا؟؟؟؟؟؟؟؟

الامريكان كان سود كان بيض ما مهم المهم يكونوا امريكان!!!!!!!!!!

وبعدين للاسف امريكا ديي الانت مقيمه فيها

وماعارفه شنو شكل اقامتك لكن بعرف معظم السودانيين لاجئين سياسيين

الخلاهم يحمونا ويأونا لما ضاقت بينا اوطانا

حمونا بالقوانيين العلمانيه العندهم

واللي بتخليهم يدوا اللجؤ السياسي للسوداني

و الكيني و التشادي رغم انهم (سود) وحيزيدوا الاثنيه السوداء عندهم

رغم ذلك لم يعزلونا كسودانيين ويرفضوا طلباتنا للهجره.

العنصريه البتقولي عليها ريحتها فايحه لحد ما واصلاك في السودان

انت في بلد تحمدي ربك لو اي انسان وجه لك تعليق عنصري عندك

محامي مدفوع الاجر من الدوله للدفاع عنك.

اذا كانوا السودا لايستمتعوا بالقوانيين الموجوده فهم احرار

لكن على الاقل القوانيين موجوده.

اخيرا يا سناء ان كنت تعتقدي ان مجيئهم سيحولنا لعراق اخري

نحن يا سيدتي اسوأ من العراق لكن انت في الخرطوم جاءتكم حمي عراقيه خفيفه

يوم الاثنين فقط اما باقي السودان فهو في عراق منذ فتره.

نرجع لمبدأ حماية الجنوبيين

هجمة الجنوبيين يوم الاثنين كانت عشوائيه وغضبة محروق حشا حسب فهموا البسيط

الدوله محتقره قرنق وما عايزه تعلن حداد حتي!!!!!!!

ومن قله وغير متعلمه وغير منتميه لاي تنظيم اتحدي ان يثبت اي

منكم اذا كانوا ينتمون للحركه الشعبيه.

لانه ما لا تعرفونه ناس الحركه طول عمرهم كانوا مغتاظين من جنوبيين الخرطوم

وبيفتكروا لو انضموا ليهم كان النصر حليفهم من زمان.

هذا لا يعني انهم ليس انصار لقرنق لكن هنالك فرق بين

المناصره و العضويه الملتزمه.

اما رد فعل الشماليين فقد كان منظم تنادت له المنابر الالكترونيه و المساجد

وتحركت الجموع بنظام , وبئس النظام كيف يفكر المتعلمون هكذا

لماذا لم يضغطوا على السلطه للتحرك القانوني؟؟؟؟؟؟؟؟؟؟؟؟

لكن اعتقد ولو حدث العكس كنت ايضا سافكر باستدعاء الامريكان

لو ان الشماليين في لحظة غضب حصلت منهم هذه التجاوزات

وبعدها رايت وقرأت وسمعت عن رغبة الجنوبيين في تصفية

الحسابات طبيعي لتحركت لمنع الفتنه واذا سمعت ان الجنوبيين في كنائسهم

اعلنوا الجهاد على الشماليين لكنت اول من يقاتلهم.

ولكن يا سناء

افكاركم جاهزه

تحليلاتكم معد قبل ان تقروأوا بتعقل كتاباتنا

والاتهامات جاهزه

تعتقدي هل يهم التبرير

السودان وطننا جميعا

كله اكرر كله

امريكا هذه يستطيع الاسود ان يسكن فلادلفيا او بفلو او بوسطن.

السودانيين يعتقدون ان الجنوبي ليس من حقه التواجد في الخرطوم.

اخير ذكرتي ان قرنق صار نائب رئيس

والسود في امريكا لم يحققوا مثل هذا

اجدني جدا اسفه ان تقارن سودانيه الفوارق بين البيض و السود

في امريكا بالفوارق بين الجنوبيين والشماليين في السودان

ياسناء السودانيين قوميه واحده

لها درجات من نسبة الاختلاط

نحن كلنا قوميه سوداء شئتي ام ابيت

لكن الامريكان البيض و السود عالميين مختلفين.

انا شخصيا لا اراكم الا جميعا افارقه

فالتروا نفسكم ما تشاءوا لكنكم جميعا عندي افارقه.

وانا اولكم واعتز بذلك.

ومعذره لطول الرد.

تراجي.

Quote: الامريكان كان سود كان بيض ما مهم المهم يكونوا امريكان!!!!!!!!!!

طيب طالما انك مكسرة فيهم كده ما تاخدى الجنسية الامريكيه ترتاحى وتريحى غيرك
هى بالفعل بتشبهك وممكن فى يوم من الايام تدرجى فى الوظايف لغاية ما تحصلى منصب عمتك
كونديزا بت رايس هى فى بدايتها ما كانت افريقيه متلك كده وبتنادى بى امريكا اينما حلت واهو ما شاء الله خشمك نضام لو وصلتى للمنصب ده قد ياخدك الحنين بينا وتكفينا شر القوم ديل اها لقدام ونحن فى الانتظار

تراجي مصطفى..

ما عندي النية اني أخليك تزوغي من الإجابة المباشرة..

أو تقولي لي عديل كده..

( عارفة الأمريكان..و عارفة قذارتهم..

و بعد ده باعمل ما بوسعي اني أجيبهم..

ينظفوا لينا البلد منكم..

يا أفارقة يا مستعربين..)

لأني بعد كده..

ما حيكون عندي أي حاجة أقولها ليك..

بعد داك القول لربنا بس..

و لحدي ما نصل أنا و انت للحتة دي..

حأفند ليك ردك..

واحدة ..

واحدة..

......

Quote: اعزيك و له لا اولا؟؟؟؟؟؟؟؟

كان سؤالك ممكن يكون مباشر و صريح أكثر..

زعلت على قرنق و لا لأ يا سناء..


و كنت حأجاوبك..

انو أول قائد سوداني يموت و أزعل عليهو كده..

و في كم احساس تاني ..

زاملوا الحزن..

الخوف على البلد..و مصيرها..

و الغضب الشديد..

من كل من حاول استغلال موته..

لتمرير أجندته..!!


أما تعزيني و لا لأ..دي تحدديها انت..

و يحددها مدى ظنك..

في اني بشر يستحق المواساة..!!

Quote: الامريكان كان سود كان بيض ما مهم المهم يكونوا امريكان!!!!!!!!!!

كنت فاكرة انو المهم انهم يكونوا ناس ممكن يصلحوا..

مش المهم انهم يكونوا أمريكان...!!!!!!

تدهشيني...!!!!

Quote: وبعدين للاسف امريكا ديي الانت مقيمه فيها وماعارفه شنو شكل اقامتك لكن بعرف معظم السودانيين لاجئين سياسيين

لو معلوماتك دائماً مبنية على افتراضات زي دي..

يبقى أكيد الأمريكان الجايين ديل..

يوم حيذلوك ذلة الجلبي..

و يقولوا أديتيهم معلومات مغلوطة..

عن أسلحة دمار عرقي...!!!

أنا ما شفت أمريكا في حياتي و لا بأتمنى...

و الباقي بخصوص موضة اللجوء السياسي..و فوائد الحياة في أمريكا..

Quote: وبعدين للاسف امريكا ديي الانت مقيمه فيها وماعارفه شنو شكل اقامتك لكن بعرف معظم السودانيين لاجئين سياسيين الخلاهم يحمونا ويأونا لما ضاقت بينا اوطانا حمونا بالقوانيين العلمانيه العندهم واللي بتخليهم يدوا اللجؤ السياسي للسوداني و الكيني و التشادي رغم انهم (سود) وحيزيدوا الاثنيه السوداء عندهم رغم ذلك لم يعزلونا كسودانيين ويرفضوا طلباتنا للهجره. العنصريه البتقولي عليها ريحتها فايحه لحد ما واصلاك في السودان انت في بلد تحمدي ربك لو اي انسان وجه لك تعليق عنصري عندك محامي مدفوع الاجر من الدوله للدفاع عنك.

ما حأرد عليهو..لأنو مبني كله على افتراض خاطيء..

و بالتالي حتحتاجي تصيغيهو صياغة جديدة..

و تشوفي ليك سبب تاني..

يخليني أقبل يد الأمريكان..على نعمهم..و تعطفهم..

Quote: اخيرا يا سناء ان كنت تعتقدي ان مجيئهم سيحولنا لعراق اخري نحن يا سيدتي اسوأ من العراق لكن انت في الخرطوم جاءتكم حمي عراقيه خفيفه يوم الاثنين فقط اما باقي السودان فهو في عراق منذ فتره.

عشان كده ما بيفرق..

نولعها كلها أحسن..

و أكان غلبك سدها وسع قدها...

.........

بالله هي كده يا تراجي..

يعني..بدل ما نطفي نار دارفور..

نولع في البلد بحالو..؟؟؟!!!

و لا نحن ما نتكلم..وما نقول بغم..

لحدي ما يموتوا ال300000 شمالي ..

العدد القالوا حيدر حماد..

و يتعادل مع عدد ضحايا دارفور..

بعدين..

نسألكم..انتو بتعملوا في شنو يا تراجي؟؟؟!!!

Quote: نرجع لمبدأ حماية الجنوبيين هجمة الجنوبيين يوم الاثنين كانت عشوائيه وغضبة محروق حشا حسب فهموا البسيط الدوله محتقره قرنق وما عايزه تعلن حداد حتي!!!!!!! ومن قله وغير متعلمه وغير منتميه لاي تنظيم اتحدي ان يثبت اي منكم اذا كانوا ينتمون للحركه الشعبيه.

شماشة ..جهلة..قلة من الجنوبيين..

عملوا الفظائع دي ..أنا معاك فيها..

و أرجعي لردودي على بعض من نادوا بالثأر..

زي اكسورسيست..والمكاشفي

حتلقيني قلت الكلام ده..قبلك..

لكن تحاولي تلقي تبرير حتى لعمل هؤلاء القلة..

و تقولي انو ما محروقين حشا..

و زعلانين عشان الحكومة ما حدت على قرنق..

دي أنا ما معاك فيها..

و إن كنت ضد العقاب الجماعي ..

لكني أبداً لست ضد عقاب الأفراد الذين اعتدوا..

أما الحكومة حدت ما حدت..

ان شاء الله عمرهم ما يحدوا..

حدهم لا حيزيد اسم قرنق ولا حينقصوا..

و لا حينفع أولاده بمثقال ذرة..

قرنق لو في حاجة حتخلدو..حتخلدو أعماله..

و شعاراته اللي التزم بيها..

ما كم يوم حداد!!!

Quote: اما رد فعل الشماليين فقد كان منظم تنادت له المنابر الالكترونيه و المساجد وتحركت الجموع بنظام , وبئس النظام كيف يفكر المتعلمون هكذا لماذا لم يضغطوا على السلطه للتحرك القانوني؟؟؟؟؟؟؟؟؟؟؟؟

شوفي حجة تانية..

عشان لو تابعت التلفزيون..

كنت سمعت وزير الأوقاف ..

ثم وكيله..

و هم يأمرون أئمة المساجد..أن يهدئوا الناس..

و ألا يثيروهم على أساس ديني أو عرقي..

لكن منظمين دي..

مع اني ما شفتها..

لكن ما باستبعدها..

على تربية الكيزان..

لأني شفت كتائبهم أيام الإنتخابات في الجامعة..

و هم بيهتفوا..

أو ترق منا الدماء..أو ترق منه الدماء..

على فكرة..

كان فيهم نسبة كبيرة..

من أبناء وبنات غرب السودان!!..

Quote: لكن اعتقد ولو حدث العكس كنت ايضا سافكر باستدعاء الامريكان

غير صحيح..

لأن العكس حدث فعلاً..

و الجنوبيين خرجوا أول يوم..

بأعداد كبيرة..تنادوا..

قصدي حرضوا بليل..

و طافوا حرقاً و تقتيلاً.. في كل أنحاء العاصمة..

و لم تحركي ساكناً..

آه ..حركت..

كتبت مقال في المنبر الاليكتروني..

بتقرري فيهو انو قرنق مات مقتول..

و بتفتحي باب لخيال كل زول يخمن القاتل على كيفو..

في وقت نحن كنا أحوج لتهدئة النفوس..

و كان أجدر ..نخلي حكاية موته حادث أم مدبر..

للمحققين يتحروها..

أو ليومين تخف آثار الصدمة..

عشان ما نزيدها حطب..!!

Quote: ولكن يا سناء افكاركم جاهزه تحليلاتكم معد قبل ان تقروأوا بتعقل كتاباتنا والاتهامات جاهزه تعتقدي هل يهم التبرير السودان وطننا جميعا

قرأت ما كتبتيه و كتبه غيرك..بمنتهى التعقل و الحيادية..

بدليل أنني لم أستطع أن أضع ما كتبتيه أنت ..

في نفس الكفة..

مع ما كتبه الأخ محمدين محمد اسحق...

أو ما كتبته الأخت سارة عيسى...

Quote: امريكا هذه يستطيع الاسود ان يسكن فلادلفيا او بفلو او بوسطن. السودانيين يعتقدون ان الجنوبي ليس من حقه التواجد في الخرطوم.

سأرد عليك بهذه..من كلامك..

Quote: لانه ما لا تعرفونه ناس الحركه طول عمرهم كانوا مغتاظين من جنوبيين الخرطوم وبيفتكروا لو انضموا ليهم كان النصر حليفهم من زمان.

سؤال مباشر ..

متى سمعت أو قرأت أو رأيت..

قبل الفتنة الأخيرة هذه..

(عشان أقطع عليك درب انك تجيبي لي حاجة من دعاوى اليومين ديل)

متى ..

نادى شمالي واحد..بإغلاق أبواب الخرطوم أما الجنوبيين..


من وين جبت الكلام ده؟؟

Quote: اجدني جدا اسفه ان تقارن سودانيه الفوارق بين البيض و السود في امريكا بالفوارق بين الجنوبيين والشماليين في السودان

كنت أعول على ذكائك أكتر من كده..

أو انت فهمتيني..

و عايزة تدوري حول السؤال عشان بقدرة قادر ..

يبقى في مصلحتك..

على كل أنا بأرجع و بأعول على ذكاء من يقرأنا أنا..و أنت..

و يعرف هل صعبة المقارنة..

بين البيض كمضطهدين عبر التاريخ ..للسود..

و بين الشماليين كمضطهدين..(في نظرك طبعاً)..للجنوبيين..

Quote: ياسناء السودانيين قوميه واحده لها درجات من نسبة الاختلاط نحن كلنا قوميه سوداء شئتي ام ابيت

أنا ما مابية و الله يا تراجي..

مابياني انت..

بدليل انك مصرة..تفتحي عرقي..

تسيلي دمي و تفرزي الكروموسومات..

الأفريقي تدخليهو السودان..

و العربي تديهو للأمريكان..

يعملوا عليهو تجارب سلاح بيولوجي جديد!!!

Quote: وانا اولكم واعتز بذلك.

يعجبني اعتزازك..

و أطالبك أن تحترمي اعتزازي بخليطي ...

و عدم تنازلي عن ذرة مني..

.......

و نرجع لسؤالنا عشان إجابتك ما أقنعتني..

كيف جايبة الأمريكان يعلمونا مباديء العدل و المساواة يا تراجي؟؟

هل فاقد الشيء..

يعطيه؟؟!!

Quote: ومعذره لطول الرد.

الأخت سناء خالد
الأخت تراجي مصطفى
والضيوف الأفاضل
تحية طيبة
إستوقفني عنوان البوست
فدلفت ثم خرجت بغيرما
إستيعاب
هذا البوست عنوان لتلك
الفوضى التي ضربت أحياء
الخرطوم في الأيام الفائتة
أتمنى أن تهدأ الأرواح

ولكم جميعاًودي وتقديري

أخي عثمان..

ودي و تقديري لك أيضاً..

و تقديري أيضاً لمحاولتك التهدئة..

و لكل جهود السلام التي تبذلها منذ الحدث المؤلم..

....

غير أنني لا زلت أرغب في الحوار و النقاش و الجدل ..مع الأخت تراجي..

و لا أحسبه سيكون عقيماً..

لأنها رصيد أرغب صادقة.. في كسبه للصف السوداني..

السوداني فقط..

الأخت سناء خالد
الأخت تراجي مصطفى
والضيوف الأفاضل
تحية طيبة
إستوقفني عنوان البوست
فدلفت ثم خرجت بغيرما
إستيعاب
هذا البوست عنوان لتلك
الفوضى التي ضربت أحياء
الخرطوم في الأيام الفائتة
أتمنى أن تهدأ الأرواح

ولكم جميعاًودي وتقديري

thanks Ustaz Osman to use your words right here, becouse we realy need to think this way for this moment

الأخوات الغزيزات
تراجي وسناء

ما معني هذا الوطن من دون أن تكونا قلبا واحدا
مامعناه إن لم يزينه جمالكما إيمانكم به
لن نكون إلا إذا كنا سوادانيين فقط

نحن نحتاجكن ويستغيث بكم الوطن


مودتي وإحترامي

الأخوة الأفاضل..

عثمان محمد صالح..

أبو مريم..

عبدالماجد فرح يوسف..

لكم فائق تقديري على محاولة التهدئة..

لكنكم قلتم أنكم تحتاجوننا معاً..

في اعتقادي..أننا ان تركنا الحال على ما هو عليه..

فلن تجمعنا أنا و الأخت تراجي سلة واحدة..

لأن الطريقين كما يبدو لي مختلفين كلياً..

ربما بالنقاش نصل إلى أرضية مشتركة..

فرجاء دعوا هذا المركب يسير..

عسى و لعل..

ال300000 ..

العدد القالوا حيدر حماد.

ال 5000 فقط

العدد القالو وزير خارجيتكم

يلا ورينا إنت عدد الناس الماتوا فى دارفور ؟؟؟

مافى دهشة إذا كانت الإجابة " لا أحد "

Quote: ال300000 .. العدد القالوا حيدر حماد.

لا أثق فيك يا حيدر حماد....

Quote: ال 5000 فقط العدد القالو وزير خارجيتكم

لا أثق فيه يا حيدر حماد....

......

لو تعلم كم أراكم متساويين ..

في الظلم...

و الشعارات...

و العنصرية...

و كم الدماء التي تسببتم في سكبها...

.....

لعفت نفسك...

كما تعاف وزير الخارجية..ذاك..

!!!

سناء

ان كلمة اسود انتهت في اميركا

الاسم الان حتي في المضابط الامريكية لتحديد الجنس هو

الامريكيين الافارقه

وفي اميركا عقوبة العنصرية شديدة القسوه

نحن وين واميركا وين

نحن ضد احتلال العراق ولكننا ايضا ضد ابشع دكتاتوريه حكمت شعب في التاريخ لال وهي دكتاتورية صدام

ومن اجل الديموقراطية كل المصائب تهون

معليش سناء خالد ..

نصحنى البعض بمسح بعض المداخلات

Up..Up

أستاذ الموصلي..

شكراً لك ..

غير أن الاسم ليس أبداً مشكلة في نظري..

أسود..أبيض..ِ

African American ..

why there is no European American??

..أم هل شافوا كلمة أسود نبذ نبذ..و قالوا يلطفوها..

هل ده معناه انو كلمة أبيض..

شكر ..شكر..ما محتاجة تلطيف..

آه ..عملوها قوقازيان!!

شفتني أنا مثقفة في الأمريكان كيف؟!!

الحالة ما شفت أمريكا..!!



أستاذ الموصلي..

الأسماء لا تعنيني..

كيف هي الأحوال..

في الحي الأمريكي الأفريقي ..؟؟

لا تسر ..كما أكدت الأخت Outcast

و أنا واثقة أنها تفقد أمريكا الأهلية أن تصلح حالنا نحن..!!

Quote: zoul"ibn"zoul شنو الحكاية يا زول بن زول؟ أنت ما بتجي ألا بكشة ؟

Ya Amigo salamat

Where are you man long time I missed you, I even forgot how you look
like untill I read the nuisance you always write. Man you are
always the same all the time. Mabrouk for you shiekh
Hassan is outside now and he, Khalil and you can get together
and decide your next move

I was very busy in the past months but hopefully I will be
back to make to annoy you. I changed my mind Darfur should not
separate. If you guys separate then I will not find you to give
you hard times and be on your throat all the time. Stay well
and take care till I get back to you

الاستاذ Elmosley

Quote: ان كلمة اسود انتهت في اميركا

الاسبوع الفات انا مليت فورم و كان فيه سؤال عن ال race
وانا اخترت balck . لانى طبعا ما بيضاء و لا اسبانيه !!!
و كانت (عشان اكون دقيقه) مكتوبه كده African American /Black
و عشان انت زول فنان انا ح اسالك , بتشوف Chappell show ؟؟

الاتحادى فرانس برس (أ ف ب)،الخرطوم: 5/8/2005

كتائب شمالية ....طالبت مجموعة سودانية يتزعمها مسؤول حكومي رفيع واحد أقرباء رئيس الجمهورية الشماليين بتنظيم انفسهم في كتائب ضد الجنوبيين ومنح الشمال حق تقرير المصير واعادة النظر في اتفاقات السلام بين الخرطوم و «الحركة الشعبية».
مجموعة تطلق على نفسها «منبر السلام العادل» يتزعمها وزير الدولة في وزارة الاعلام والاتصالات وخال الرئيس السوداني الطيب مصطفى بياناً مثيراً للجدل حملت فيه بشدة على السودانيين الجنوبيين، وقالت: «انهم انتهزوا مناسبة مصرع جون قرنق ونفثوا سماً زعافاً من الحقد الأعمى على ابناء الشمال فهتكوا الاعراض وقتلوا ونهبوا وأحرقوا».
ودعت الشماليين الى تنظيم انفسهم في «كتائب العزة للدفاع عن انفسهم وممتلكاتهم والطلب من أمة المساجد والخطباء القيام بدور تعبوي من خلال منابر المساجد».
وناشدت الحكومة «حماية الشماليين في الجنوب وترحيل من يرغب منهم الى الشمال ومنح الشماليين حق تقرير المصير»، معتبرة «غياب قرنق من الساحة السياسية يدعو الى اعادة النظر في اتفاق نيافاشا» للسلام بين الشمال والجنوب.
واستهجنت القوى السياسية الشمالية التي كونت «لجنة السلام الاجتماعي» خطاب مجموعة «السلام العادل» ووصفته بأنه «بيان عنصرى يصب الزيت على النار» وشددت على «ضرورة هزيمة مثل هذه التيارات».
ووجه «مجلس كنائس السودان الجديد» أمس نداء للسلام في البلاد. وقال المجلس في بيان اصدره في نيو سايت المدينة الجنوبية التي تشكل احد المقار العامة لـ «الحركة الشعبية لتحرير السودان»: «هذا يكفي وينبغي ان تتوقف الحرب».
السودان الجديد» الذي تحدث عنه مجلس الكنائس يعني جنوب السودان الذي نص الدستور الناشئ من اتفاق السلام بين حكومة الخرطوم و»الجيش الشعبي» على منحه فترة حكم ذاتي تمتد ست سنوات قبل اجراء استفتاء على تقرير المصير.
واعتبر المجلس ان «ما يحصل في الخرطوم وجوبا وسواهما من المدن يشعرنا بأننا نعود الى عام 1955».
وشهد السودان في ذلك العام، أي قبل عام واحد من نيل استقلاله من الادارة المشتركة البريطانية - المصرية، حركة تمرد مسيحية في الجنوب ضد السيطرة العربية الاسلامية على الشمال.

zoul"ibn"zoul

Quote: I changed my mind Darfur should not separate. If you guys separate then I will not find you to give you hard times and be on your throat all the time

.
The irony is that when the going gets tough you Northerners want to bail out and started to cry: SEPERATION , and guess who wants you to stay in the unity: Southerners and Darfurians. We want you to witness the birth of New Sudan where all the people will be equal and free. Where no one assumes he/she above the law and
above the rest . Where you for the first time will feel the joy of being HUMAN.x

سناء خالد

سلام

راجعه لك بعد يمكن اربعه يوم

كتبتها لك وضحكته كنت ناويه امسحها لكن حبيتها

لانه هكذا يميز اهل الشرق(هل تزكري درس التمييز في حصة العربي)

مسافره اتوا اولا لحضور الاحتفال بالبروفيسير الامريكي الذي قطع

المسافه من نيويورك لاتوا على دراجه ليسلط مزيد من الاضواء

ويحصل على دعم عالمي لقضية دارفور

وبعدها سنشارك مع جميع السودانيين الشرفاء في يوم حزين لتابين الراحل

شهيدنا الدكتور جون قرنق.

وبعدها ساعود لتكملة الحوار .

OUTCAST

استندتي في الاستدلال على العنصريه بكتابات السود ومقالاتهم في الصحف وغيرها

انا اعتقد هذه اكثر نقطه ايجابيه لامريكا انها على الاقل الناس بتكتب

مش زيكم وما تنسي الفرق زي ما قلت كتبت في خانة الجنس انك سوداء

اذا اخذنا هذا الموقع ما ان بدأ بعض السودانيين يتحدثون عن العنصريه

حتي استلت الخناجر ويشتم الجميع,ونضحك لاننا نعرف كلهم لو خرجوا سنتي

خارج السودان سيصتلون بنارها.

على فكره ان من الناشطين مع كل السود هنا في كل جمعيات مكافحة العنصريه

وعلى فكره سود هنا افتح مما يعرف بالشماليين في السودان لكنهم لم ينكروا

انهم ينتموا اصلا للسلاله السوداء.

تراجي.

Quote: العزيز محمد سليمان اعزيك ونفسي والحمد لله سيادنا الامريكان قالوا موديين اثنيين مسؤلين كبار للخرطوم كدي النشوف فلسفة ناس علاء الدين وغيرهم من الاوباش كيف حيقدروا يهبشوا جنوبي ثاني. تراجي.

Quote: قريبا مسافرين مسؤلين امريكا كبار سامعني كبار للسودان حركناهم نحن عشان بيانات زي بياناتك دي.

Quote: الترجمه لكل ما يدور هنا بيقوموا بيها بانفسهم اقصد الامريكان حزرناهم من رواندا اخري

قلبي عليك يا وطني ..

و أنا أيضاً أخي معتصم..

قلبي يعتصر لأجل وطني..

العزيزة سناء خالد

تحياتي ..
عذراً فقد فات عليّ أن أحييك على حوارك الهادف والجرئ ..
فعلاً عزيزتي فهناك من يتصيد في الماء العكر ..
ولا يريد لنا أن نستقر وننعم بالسلام ..
هؤلاء درجوا على تأجيج نار الفتنة وصب الزيت عليها ..

محبتي .

و تحياتي لك أخي معتصم...

Quote: هناك من يتصيد في الماء العكر .. ولا يريد لنا أن نستقر وننعم بالسلام .. هؤلاء درجوا على تأجيج نار الفتنة وصب الزيت عليها ..

تراجي..

على أقل من مهلك..

أربعة .. خمسة يوم..

بكلام أهلنا ناس الجزيرة..

ما قاعدين نقول أيام..

شفتي نحن بنتشابه كيف؟؟!!!

بس إنت صفي نيتك..

و أنا منتظراك..

العزيزة سناء خالد

والله انت انسانة تستحق الكثير من الإحترام

أتابع ما تكتبينه دائما

خاصة هنا
وفي بوست الأخ عبدالحميد

واصلي يا سناء



ولك التحية والإحترام

العزيزات..

Outcast ...

Smart-ana..

شكراً جزيلاً لدعمكما..

خاصة أنكما تقيمان في أمريكا..

و شهادتكم يعول عليها..

حتى لا يقول لي أحد..

وانتي شن عرفك بأمريكا و أحوالها..ما دام ما عايشة فيها!!

العزيزة نهال..

و أنا أحب ما تكتبين..

و أبادلك الإحترام..

أحس أن الحياة جميلة..

على الأقل لأن ليس كلها خسائر..

فهناك لا شك..مكاسب كثيرة..

شكراً لك..

الاستاذة سنــاء خالد ..
احتراماتي ..
..
.
واحي الاسلوب الراقي في إدارة الحوار ( الهادف )
واحكام اي منافذ ( للزوغانات ) ..
للاسف دائماً تمر بالبورد حالات من الفوضى يسيطر فيها اصحاب النوايا المتطرفة بكلما يحملون من وهم وافكار متطرفة وبالمقابل تتوارى الاقلام ( الانتي بايوتك ) .. وترياق السم الزعاف ..
سانتظر .. لنهاية الحلقة
التحية ليك ولكل من تحمل نفس ملامح منهجك الواعي ..
..
.
وكل المعطيات من داخل الوطن المتسامح تبشــرنا.. بأن السودان هو السودان بكل ما فيه من الم ومحن وضيق يحتفظ بكل الملامح.. وانسانه قادر أن يطوع كل الظروف بحكمة ( وحنكة ) ولن يصبح عليه صباح يبدل ملامحه بصورة طبق الاصل من العراق أو روانــدا كمايخطط البعض لذلك..

لك التحية..

أخي تمبس..

تحياتي الطيبات لك..

و رجاء أن لا تغادر أبداً ..

أو تترك الساحة للأقلام الملوثة...

سنشعل لهم نار البورد...

ستضيء طريقنا..

و ستختبيء الثعابين في جحورها...

...

بمجرد أن تشم رائحة الدخان!!!

شطحه:
أنا لا أؤمن بالتغير الإنجرافي لمن يعتبرون أنفسهم ثورين ولكني أؤمن بقوة وبرمجة العقل الباطن لأنه يعمل اسير لتلك البرمجه نفياً وإيجاباً!!!!
ألإبنه سناء خالد نأمل أن لا تضيعي بين ثنايا هذه الشطحه.
قريباً سوف تنقشع كل عتمه وليس لنا ما نخشاه ونخافه( أموالنا ، أولادنا فلقد فقدناها وكلي يقين ، يهون عليَا فقدها مدي العمر بل للأبد وارواحنا ترخص وتهون لكشف هذا الهوس..) لذا سندك تلك الحصون الهلاميه الكلاميه والبتعتبر نفسهاموازيه لكتوف الوطنيين أمثال ود ميبور.
فعلي المعنيين الإستعداد لها، وسوف يكون علنياً في هذا البورد.
أنا بحب الجنينه(أردمتا) وكل نفس أهدرت هنالك منذ نهاية الثمانيات.. بإسم "الفزع" وملاحقة أهل البلد الأصليين بفرية النهب المسلح..فلماذا كنتم تسمونهم غرابه عبيد والآن أصبحتم بقوة قادر قرنقيين ومناويين للنخاع ..تقتلونها رخيصة والآن تتشدقون بالوطنيه..رحم الله قرنق ..هو بريئ من مما أنتم تفتعلونه.

Quote: أنا بحب الجنينه(أردمتا)

الأخ محمد آدم
يا ســـــــــــلام كم أعشق أردمتا وسربا والجنينة فقد قضيت طفولتي أبني قصورا من رملها, ,اسرح في جنائن البرتكان أبصره وأضحك لهرولة جداد الوادي في نواحيها. لازلت أتذكر نقعة الستين الشارع الرابط بين سربا والجنينة ولازالت رقصات المساليت في حوش بيتنا في أعراسهم وأفراحهم تصنع الفرح في ّاكرتي. كم هي حميلة تلك البقرة, بقرتنا "حنونة" (هكذا سمتها أختي الصغيرة) كنا نلعب تحتها دون أن ترفسنا أو تركلنا, وفي حوش دارنا كانت شجرتي القرض واللالوب (الهجليل) مبعث محبة وسكينة ومكان "للشعبطة". تلك المناطق كانت تنعم بخيرات وفيرة البرتقال والطماطم والويكة "الضرابة" والأبقار والماشية. والدي كان ناظر مدرسة أردمتا في السبعينات وساهم مع أهل المنطقة والفرشة والنفير وبنوا أردمتا الف وأردمتا باء في تلك السنوات كانت المدرسة تنافس وتفوز في مهرجانات المدارس في الجنينة, وكنا نسافر للجنينة باللواري ولازم يكون اللوري "مركب كوز في المكنة" عشان صوته يكون حنين ويغني مع الرمال والبرتقال والويكة وحسناوات المساليت.
إنها أيام يا أخ محمد محفورة في ذاكرتي للأبد, حفرتها معاول طيبة وكرم وثراء ثقافة أهل تلك المناطق ولازلت أذكر أننا كنا نبكي حتي تقوقينا أمنا حواء مثل ماتقوقي بناتها وأولادها.
أجمل أيام حياتي تلك التي قضيتها في غرب البلاد بين اهلي في الفاشر وزالنجي وسربا وأردمتا وفنقوقا والرهد ..آه من ألم التذكر..

مودتي وإحترامي

أخي محمد آدم...

سأكتب لك ردي كما كنت أريد أن أكتبه منذ قرأت مداخلتك قبل أيام...

...

Quote: ألإبنه سناء خالد نأمل أن لا تضيعي بين ثنايا هذه الشطحه.

لقد تهت فعلاًَ في شطحتك...

و ربما في كل المداخلة...

غير أن هذه الكلمة..

Quote: ألإبنه سناء خالد

قد نزلت علي برداً و سلاماً..

فأنا قد أتفق أو أختلف مع أبي ..

عمي..

أو خالي..

و لكن يبقون..

أبداً..

أبي و عمي و خالي..

و لا يفسد ودنا إن اختلفنا..

فشكراً أن وضعتني في منزلة الإبنة..

لك احترامي..

......................................

ردي اليوم...

أفهمك الآن أكثر...

فشكراً لك أكثر..

..
.

Quote: كدي النشوف فلسفة ناس علاء الدين وغيرهم من الاوباش كيف حيقدروا يهبشوا جنوبي ثاني. تراجي.

الجمرة بتحرق الواطيها ،،،
اراك قد استبدلت سيداً بسيد !!
أما دفاعك عن هؤلاء الرعاع فأمر اخر ..
فيبدو انه ليس هنا من يهمك امره .. فقد هاجرتم جميعاً اليس كذلك ؟؟
دعيهم يكررونها لتتمعني فى قوله :
" و من أعتدى عليكم فاعتدوا عليه بمثل ما أعتدى عليكم "
وأنت على أريكتك الوثيرة تتلاعبين بالريموت كنترول
من قناة لاخري ..
بالمناسبة لما لا يكون حديثك كأسمك !!؟؟

لك التحية ،،
سناء خالد ...

http://www.nationalcenter.org/brown.html

أخي تبلدينا..

Quote: لك التحية ،، سناء خالد ...

و لك التحية ...

Quote: اراك قد استبدلت سيداً بسيد !! أما دفاعك عن هؤلاء الرعاع فأمر اخر ..

ما تحته خط..

لم يرق لي..

أعلم أن الخطاب لم يكن موجهاً لي..

و أنه ربما ليس من شأني أن أرد عليه..

لكنني أحسب أن لك علي حق النصرة..

ظالماً أو مظلوماً..

كما أفهمها أنا..

و كما آمل أن يكون فهمك لها..

و ليس كما يفعل هذا الفريق ..!

الجنيًنه جميله في كل شيئ (طبيعه وطبائع ناسها).
بساطة ناسها بتناهز جمال طبيعتها الخلابه.

Quote: ولازلت أذكر أننا كنا نبكي حتي تقوقينا أمنا حواء مثل ماتقوقي بناتها وأولادها.

ذكرتنا يا عبدالماجد فرح ماضي كان منسي..ثم نبشته، بعدما كان في غياهب المجهول.
فعلاً تلك السجيه وتلك الجنيًنه.
رغم كل هذا الجمال، إلا أن هنالك أيادي زهقت أرواح بريئه إستعملت السلطه المركزيه كساتر لها..ثم تتشدق الآن بوضع أياديها الملوثه لتربت علي أكتاف الشرفاء بدارفور. تستغل السلطه لترهب بها الحكامات "للتشكيرهم" وهم يتلذذون بذلك ليزدادوا فسادا.

[

Quote: الترجمه لكل ما يدور هنا بيقوموا بيها بانفسهم

Quote: هنا

دى دايره توضيح ...هل البورد مصدر واداة لرقابة غير مشروعة ومستند تستخدمة السلطات الامريكية للادانة ؟

Quote: الاستاذة سنــاء خالد .. احتراماتي .. .. . واحي الاسلوب الراقي في إدارة الحوار ( الهادف ) واحكام اي منافذ ( للزوغانات ) .. العزيزة سناء خالد والله انت انسانة تستحق الكثير من الإحترام]

كل هذا مع الشكر الجزيل والدعم على سعة الصدر وترتيب الاقكار

أخي ود عكر..

Quote: هل البورد مصدر واداة لرقابة غير مشروعة ومستند تستخدمة السلطات الامريكية للادانة ؟

شكراً جزيلاً لك على إضافة هذا السؤال المهم...

أنتظر معك الإجابة...!

الأخوة و الأخوات المتداخلين الكرام..

أعتذر جداً لأن بعض المشاغل قد طرأت علي..

قد لا أستطيع متابعة الردود أولاً بأول في الأيام القليلة القادمة..

غير أنني أعد أن أعاود الرد لكل المتداخلين كل على حدة..

إن مد الله في عمري..

و أوفيت بما بين يدي من التزامات..

لكم جميعاً محبتي و تقديري...

Quote: حمونا بالقوانيين العلمانيه العندهم

تراجي طبعا اول مرة اعرف انو امريكا دولة علمانية

هم كاتبين كده في الدستور ؟؟؟؟؟

Quote: حمونا بالقوانيين العلمانيه العندهم

Quote: حركناهم نحن عشان بيانات زي بياناتك دي.

تراجي طالما عندك قدرة قدر دي وعندهم قوانين علمانية ( عادلة ) نرجو المساعدة في امر الاخ الحبيب سامي محي الدين المعتقل بغونتنامو طبعا الاسم ده بيشرد الناس خاصة الفي امريكا بس انتي طالما واصلة بالحيل كده نرجو المساعدة العاجلة خاصة ان الاخ سامي بري تماما مما نسب اليه ووجد الاهمال من قناة الجزيرة التي اهتمت بالمواطنين العرب - علوني - واهملت سامي السوداني

عاجل جدا من سامي محي الدين وخضر عطا المنان على قناة الجزيرة اليوم

وبالمرة كده عاوزك تفسري كلام قديم قلتيهو في بوست ود الباوقة تتذكريهو ؟؟؟ قلنا وضحي عسى ولعل لا يسود سوء الفهم بيننا

Quote: وتحكى لينا كيف الباوقه وجدتها بعد عشره سنوات وبعد ترجع انا بحكى لك عن سحنات ناس (السودان الاصليين) تحياتى وامنياتى ان تجد اهلك واهل بلدك بخير. تراجى.

Re: ود الباوقة يغادر الي الباوقة بعد غياب اكثر من 10سنو...في الغربة !!!!!!!!!!

بعدين كتابتك بقت تشبه كتابة اخو/تنا رودا الزمان ؟؟!!!!!

Quote: معليش سناء خالد .. نصحنى البعض بمسح بعض المداخلات درءا لل FBI (عدل بواسطة Outcast)

و كيف تتحدثون عن بلد الحريات و الديمقراطية ؟ حين لا تقدرون علي التمسك بأرآركم ؟ وكيف تطلبون من الانظمة الشمولية ان تعطي هامش للحريات و انتم لا تنعمون بها في ظل وضع ديمقراطي ؟ هل الديمقراطية وهم ؟ نريد ان نعرف .....


مع خالص تحياتي

أخي الصادق..

شكراً..ولكن..

أرجو أن لا تخلط أوراق الأخت Outcast...

بأوراق "المناضلين"..

...

أخي محمد حسن العمدة..

شكراً على مداخلتك..

قائمة الأسئلة لتراجي تطول..

لكن يبدو أن نفسها أقصر من أن تقرأها..

ناهيك عن الرد..

على كل سنضع هذا السؤال أيضاً..

ربما يتولى أحد أعضاء الفريق الرد..!!

فوووق

*

*

حتى تنتهي حالة الهروب دي


وبرضو فوق

أخي السنجك..

مرحباً بك..

انت مش كاتب (أحد البوستات إياها)..!!

.....

دعهم يمارسون الهروب..

فهم لا يدركون ..

أن..

من السهل أن نهرب من الآخرين..

من الصعب جداً أن نهرب من أنفسنا..

...

من المستحيل ..

أن نهرب..

من الواحد القهار..!!

أصبحنا وأصبح المـلك لله

Quote: حتى تنتهي حالة الهروب دي وبرضو فوق

يا السنجـك طفشت الناس القيافه بصورتك الزًي العفريت ديا..أها..بعد كدا "خم"..."وصر" ..حتعتل وتعبنا معاك في العتاله.

Quote: يا السنجـك طفشت الناس القيافه بصورتك الزًي العفريت ديا..

القناع دا عجب الفنانة تماضر بالمناسبة
اه عندك راي تاني

Quote: ..حتعتل وتعبنا معاك في العتاله

كان تعبته قول. غايتو انا ما بتعب نهائي

برضو فوق

أصبحنا وأصبح المـلك لله

Quote: ومن اجل الديموقراطية كل المصائب تهون

أستاذنا الموصلي/

الإنسان واحترامه لأخيه الإنسان أهم من كل الديمقراطيات والأنظمه ...والحركات الثوريه والعدليه تفتقد الصدق والمصداقيه والوضوح لذا لا/لن تجد دعما أوتعاطفا منى بقدر حزني ودعمي ل/على أهلي فى دارفور وإستغلالهم في هذه المحرقه للحصول على مكاسب سياسيه ضيقه وغبيه!


مساحات من الود والمحبه بيننا.

أخت/ سناءخالد
...لكي التحيه...ونعم!
لا لمواصلة غمر الرؤوس فى الرمال وذره على العيون..
نريد الحقيقه والصدق...لا أجندات ولا تسلق قضايا!

لاغير!

تجدينا في إنتظارك.

أخي سعدالدين..

و لك التحية..

Quote: لا لمواصلة غمر الرؤوس فى الرمال وذره على العيون.. نريد الحقيقه والصدق...لا أجندات ولا تسلق قضايا!

ما بالك بمن يصنع قضية..

من لا شيء..

ثم يتسلقها..

رغم علمه بأن الحبال من وهم..

و نسج خيال يحلم بالشهرة..

و الصعود..

على ركام جثث الأبرياء..

...

أتراه..

تسقط به حبال الهواء..

أم تغوص به..

بقايا ضحاياه المتحللة...

..

سقوط في الحالتين...

...

لنا الله..

المتداخلين الأعزاء..

أعتذر عن طول الغياب..

و أرجو أن أعود غداً..بإذن الله...

أشكركم كثيراً على إبقاء هذا البوست عالياً...

...........

أخي محمد آدم...

كدت أن أتوه في الشطحة...

غير أنها دون قصد مني..

و ربما دون قصد منك...

كانت دليلي....في بعض الطريق...

شكراً لك...
.........................


و لي عودة بتأن... إن شاء الله....

الاستاذة سناء خالد
سعيد بعودتك من جديد
لمواصلة هذا الحوار الجميل والذي اعتقد انه محسوم سلفاً أو من طرف واحد

في انتظارك

Quote: و لي عودة بتأن... إن شاء الله....

عـودي يا سناء ، تمبس آه ، بس السنجك ما يعتل!!! .

أمسينا وأمسي المـلك لله.

Quote: القناع دا عجب الفنانة تماضر بالمناسبة اه عندك راي تاني

عاين يا السنجك هوي!..
الفنان عمرو ما بيخاف لأنه خاض غياهب المجهول..
بيخاف المتلي ومتلك المابيعرف يجدف هنالك without map.
يا مان ، عندي رأي ونص...نشط عضلاتك للعتاله.

سلام

غايتو شايف الناس تعبانة بترفع فى
البوست قلت أديهم لزة و مساعدة
النصيحة تعبوا يرفعوا و يرفعوا
غايتو اِيدى معاكم

للمعلومية هذا البوست لا ناقة
لى فيه و لا جمل
وشكرا

Quote: أخي الصادق.. شكراً..ولكن.. أرجو أن لا تخلط أوراق الأخت Outcast... بأوراق "المناضلين"..

عزيزتي سناء لم اخلط ابداً بين اراء Outcast و الآخرين وعلى فكرة أنا لم أتوقف أبدا عن متابعة تعليقاتها الجريئة و ربما ,
لم يكن بيننا مساجلات او حوارات من قبل و لكني كنت على الدوام من المعجبين بمواقفها ولكنها تراجعت هذه المرة خوفاً من مراقبة السلطات الامريكية ( FBI ) و تعليقي السابق كان موجهاً في الاساس لمن دفعها علي هذا التراجع , لذلك اقول لهم : كيف نتحاور مع من لا يرى في الصدق فضيلة ، وفي الكذب رذيلة ؟


مع خالص تحياتي

أخي الصادق..

شكراً كثيراً على التوضيح...

..

من المؤسف حقاً ..أن لا حرية حتى في بلد تدعي تصدير الحرية..!!



لك ودي..

تحياتي سناء

الحصل والحاصل ... انو في حاجات كدا ما قادرة القي ليها اسم ، زي البتعمل فيه تراجي دا

يسموه مراهقة سياسة ، ولا صدمة نقلة كبيرة ومفاجئة ، وتوهم بالأهمية

غايتو حقيقة ما لاقية ليه اسم ، لكن مصير النايم يصحي




صبوحة

صبوحة مرحب بيك..

طبعاًأنا برضو زي أخوي عثمان..

مرات بلخبط بينك و بين صباح أحمد..

عليك الله رجعي الصورة عشان كانت مساعداني..

.....

الأسئلة في رأسي لتراجي و لكثيرين لا زالت تحيرني..

غير أنني واثقة أنها ستجد الإجابة ذات يوم..

معك أنتظر..

Quote: بعدين كتابتك بقت تشبه كتابة اخو/تنا رودا الزمان ؟؟!!!!!

إختشي الله
يا ود العمده..شتان ما بين الشبه والمشبه.

Quote: لا لمواصلة غمر الرؤوس فى الرمال وذره على العيون.. نريد الحقيقه والصدق...لا أجندات ولا تسلق قضايا

Quote: دى دايره توضيح ...هل البورد مصدر واداة لرقابة غير مشروعة ومستند تستخدمة السلطات الامريكية للادانة ؟

سؤال مهم..

يا سنجك

Quote: ...، عندي رأي ونص... نشط عضلاتك للعتاله.

Quote: ما بالك بمن يصنع قضية.. من لا شيء.. ثم يتسلقها.. رغم علمه بأن الحبال من وهم..

أخت /سناء
هنالك قضيه في السودان..هي أن يأمن كل مواطن(إسحاق-محمد-جون-أدروب) أن يأمنوا من نافثي السموم ونافخي الكير سلالة سيدهم الترابي الذي تعلم ثقافة الاستغفار على كبر!..نعلم أن الله غفور كريم...ولكن دعوة المظلوم ليس بينهاوسبحانه حجاب. وأتى هؤلاء بين عشية وضحاها ليمارسوا ما تعلموه من سحر سيدهم وأحرقوا به أهلنا الطيبين في دارفور وصدقهم بعلم أو بدون علم مناضلي آخر زمن هؤلاء ومظاهراتهم في بوسطون ونيويورك (ينطبق فيهم ما قال أدروب فى بيت البكا حين ذكروا له أن المرحوم توفي في لندن ...رااااحاااات) ينفخون من هناك وبيدهم اليسرى البيرقر وأمامهم الكوكاكولا ويموت البسطاء في دارفور..وكمان عاملنها مسيرات ومظاهرات?! مافي طيارات بتودى لدارفور????.. لا أنسى دور الحكومه الغاشم.. لكن!

لعنة الله عليها وعلى مدعي النضال ومرافيد الكيزان..نسل الترابي السياسى!
وإلى أن يصفو وطننا من كدر هؤلاء...

لكم الود وسلام بمساحة مليون ميل مربع!

والله يا تراجى الناس دييل زنقوكى زنقة كلب فى طاحونة والكمندان بتاعك عامل
أضان الحامل طرشة يعنى ما يقدر يبرر إلا لى محجوب حسينكم ده ،

وهنيئا لكم بذبح الشماليين فى ذاك اليوم الاسود.

الأستاذ الفنان ترهاقا...

مرحباً بك...

و عسى أن تكرهوا شيئاً وهو خير لكم...

لا زلت أكره ما حدث في اليومين الأسودين...(الإثنين و الثلاثاء)...

غير أنني لا زلت آمل..أن يكون في ما حدث خير لنا جميعاً..

ربما درس قاس...

و لكن ...

هل يمكن أن يكون سقوط الأقنعة هو أحد فوائده..

لتجنب شرور أكبر؟؟؟!

هنالك قضيه في السودان..هي أن يأمن كل مواطن(إسحاق-محمد-جون-أدروب) أن يأمنوا من نافثي السموم ونافخي الكير سلالة سيدهم الترابي الذي تعلم ثقافة الاستغفار على كبر!..نعلم أن الله غفور كريم...ولكن دعوة المظلوم ليس بينهاوسبحانه حجاب. وأتى هؤلاء بين عشية وضحاها ليمارسوا ما تعلموه من سحر سيدهم وأحرقوا به أهلنا الطيبين في دارفور وصدقهم بعلم أو بدون علم مناضلي آخر زمن هؤلاء ومظاهراتهم في بوسطون ونيويورك (ينطبق فيهم ما قال أدروب فى بيت البكا حين ذكروا له أن المرحوم توفي في لندن ...رااااحاااات) ينفخون من هناك وبيدهم اليسرى البيرقر وأمامهم الكوكاكولا ويموت البسطاء في دارفور..وكمان عاملنها مسيرات ومظاهرات?! مافي طيارات بتودى لدارفور????.. لا أنسى دور الحكومه الغاشم.. لكن!

لعنة الله عليها وعلى مدعي النضال ومرافيد الكيزان..نسل الترابي السياسى!
وإلى أن يصفو وطننا من كدر هؤلاء...

لكم الود وسلام بمساحة مليون ميل مربع!

Snaa Khalid
you saide

Quote: أخي تمبس.. تحياتي الطيبات لك.. و رجاء أن لا تغادر أبداً .. أو تترك الساحة للأقلام الملوثة... سنشعل لهم نار البورد... ستضيء طريقنا.. و ستختبيء الثعابين في جحورها... ... بمجرد أن تشم رائحة الدخان!!!

Do you think,you still waite for me

Tragi

Tragie Mustafa,

No, I'm not. I already got your answer. And it was, for my own surprise, as coward as I could never think it would be!!!

And why did you shift to English???
I thought only the Sudanese who live in Suadia Arabia, get the infection from thier surroundings!!!

I thought you have a better immunity!!

I'm coming back, to bring your answer here, though I think it has no weight to stand in the wind of this post......


..........

Quote: اعزائي الاعضاء و القراء الماظلامين تحياتي ومشتاقه لكم واعزروا غيابي فقد كنت مع ناس رائعين في OTTAWA العاصمه الكنديه ومن روعتهم لم اجد زمنا حتي لارى ايميلي الخاص. عدت اليوم لاجد اكثر من بوست يتناول اسمي. وقلت يا ساتر ايه الهناء الانا فيه دي. العزال قررت ما ارد عليهم ودي وصية بورداب قدام والاحباء جيناهم وعايزين نقرا ليهم ويقروا لينا. وراجعه لكم . تراجي.

Quote: العزال قررت ما ارد عليهم ودي وصية بورداب قدام

Quote: محمد سليمان كيفنك يا غالي والله مشتاقه يا كماندو وكله تمام يا افندم. لقاء OTTAWA كان بستاهلك اختك اتألقت ولعنة لك ابو يوم الحكومه الجنجويديه للاخر واشعلت الساحه بالهتاف لدارفور و للسلام العادل بها. ويازول يوم خرافي ناجح بكل المقاييس بس ناقصك يا محمد يا اخوي الزول بعد يلاقي الناس الحلوه والمخلصه للانسانيه يجئ يفتح البورد يلقى الناس البتأذن في مالطه دى بطنه تطم غايتو انت يا محمد جمل الشيل كيف متحمل قرف الظلاميين ديل كل هذا الزمن الله يصبرك لكن يا اخوي انا جنس ده ما بقدر عليه,بس عارف رغم الهباب الهنا لكن يبدو في ناس رائعه ما عنده عضويه بس بتقرأ لينا. التقيت اخ رائع جاي من استراليا هو محمد الجزولي سمعني كلام حلوا كثير طربت ليه ,قال لي نحن بنفتح سودانيز اون لاين عشان نقرأ لك يا تراجي!!!!!!!!!! والزول ده يا محمد يا اخوي زولا ما ساهل عشان كده بعتز بشهادته وحنواصل عشان القراء الحلوين غير المتداخلين. وصيتي الاخيره محمد سليمان بوستات الهباب ما تدخلها ديل يا اخوي زي نافخي الكير اما ان تصيبك رائحه نته واما ان تحرق ثيابك . خليهم ديل يا اخوي ما طالوا العنب قاموا قالوا عليه حامض. سأعود لك بتفاصيل اكثر عن رحلة اتوا. بينتنا فرق ساعتين في التوقيت معاكم وانا ماشه انوم. وتصبحوا على خير. تراجي.

Quote: يا محمد يا اخوي الزول بعد يلاقي الناس الحلوه والمخلصه للانسانيه يجئ يفتح البورد يلقى الناس البتأذن في مالطه دى بطنه تطم

Quote: غايتو انت يا محمد جمل الشيل كيف متحمل قرف الظلاميين ديل كل هذا الزمن الله يصبرك لكن يا اخوي انا جنس ده ما بقدر عليه,بس عارف رغم الهباب الهنا لكن يبدو في ناس رائعه ما عنده عضويه بس بتقرأ لينا

Quote: وصيتي الاخيره محمد سليمان بوستات الهباب ما تدخلها ديل يا اخوي زي نافخي الكير اما ان تصيبك رائحه نته واما ان تحرق ثيابك .

Quote: اخي محمد ادم تحياتي قرأت دفاعك عني في احد البوستات اياها شكرا لك يا اخي ولا تهتم لهم هؤلاء ما عندهم شغله ونحن عندنا شغله كثيره كل همهم الهائنا عن اعمالناالمفيده لاهلنا ولكننا لن نستجيب لهم . تقديري لك . تراجي.

Quote: قرأت دفاعك عني في احد البوستات اياها

Quote: احد البوستات اياها

......


هذا هو البوست المعني...

.....

لبقية من حسن ظن فيك وقتها..

كنت أقرأ ردودك أعلاه...

و أنا أظن أن هذا البوست غير معني بالظلامية..

و الهباب..

و طمام البطن من الروائح النتنة...

حتى وجدت ردك (المتعجل) على الأخ محمد آدم..

و عرفت وقتها فقط..

أنني كاتبة ( أحد البوستات إياها)....

!!!
..............................


...كنت أنتظرك تراجي...

و لكنك قلت أنك لن تأتي..

حتى لا نعديك بظلاميتنا الفظيعة!!!....

......

كنت أعول عليك يا تراجي كثيراً...

حتى خرجت تؤججين نيران الفتنة..

و تنفخين أبواق العنصرية...

و تشمتين في دماء ضحايا العنف في الخرطوم...

مشبهة إياها..بحمى عراقية خفيفة...!!!!

.....

كانت يدي ممدودة..

بكل صدق و إخلاص..

و رغبة للمشاركة في تضميد الجراح..

و بناء غد أفضل..

حتى وجدتك تحملين معولاً..

تهدمين به جدران الثقة ..

و تهللين لمن يمسك ساطوراً..

يفتح به رأس جاري!!!!

.....

سألتك لماذا يا تراجي...

فأجبتني بمزيد من التلفيق..

و اللف و الدوران..

ثم ..هروب غير مبرر...

هل تريدينني أن أجلس لأنتظرك بعد كل ذلك...؟؟؟!!!

....

كيف تعتقدين أنك تستطيعين أن ترفعي راية النضال..

و أنت عاجزة حتى عن مواجهة رشاش الكلمات..؟؟؟؟

كيف و أنت قد هربت لمقالدة الحبان...

و فتحت ذراعيك تستقبلين فقط..

(الكلام الذي يضحك..)

ناسية وصية أهلنا...

(أسمع كلام الببكيك) ....؟؟؟!!!

...

كيف تعتقدين أنك أهل لحملة راية النضال....

و أنت تسلمين ( أو تدعين تسليم) السودان...

للأمريكان...؟؟؟؟!!!


.......

كيف تعتقدين أنك أهل لحمل راية النضال...

و أنت لا تتورعين عن تلفيق التهم...لأبناء وطنك...

(متى رأيت أو سمعت..

شمالياً واحداً..

يقول أن الخرطوم ليست للجنوبيين..

و ينادي بإخراجهم منها؟؟؟؟؟!!!)

.........

كيف تعتقدين أتك أهل لحمل راية النضال..

باسم محاربة التهميش...

و محاربة العنصرية...

و كلماتك تقطر عنصرية..

و تهميشاً لرأي من تختلفين معه؟؟؟؟....

...........

كيف تعتقدين أنك أهل لحمل راية النضال...

و تبشرين بإعادة الحريات...

و أنت تنذرين و تتوعدين..

بالويل و الثبور الأمريكاني..زافة إلينا نبأ..

أنهم يقومون بترجمة كل ما يدور هنا ..

بأنفسهم...؟؟؟؟؟!!!!!!!


......

كيف تعتقدين أنك أهل لحمل راية النضال...

و أكثر ما تجيدين فعله...

هو التباهي...(بنضالك)....؟؟؟!!!!

....

لك حق أن يتملكك الغرور بهذا الشكل...

و ترين في نفسك جان دارك السودان...

بما أن النضال أصبح بهذه السهولة ..

...

فالنضال في هذا الزمن لا يكلف بعض الناس...

سوى هاتف لمنظمة أمريكية...

....

أو خطاب في مظاهرة...

....

أو ...

خلع الملابس في ميدان....


!!!

Quote: و تنفخين أبواق العنصرية...

Quote: قتلناك يا آخر الانبياء !!!!!!!!

سناء خالد

اهم الجماعه

شفتي اللوانهم ام لا ؟؟؟؟؟

Quote: وفد من الكونجرس الأمريكي يزور السودان للتباحث بشأن أزمة دارفور سودانيزاونلاين.كوم sudaneseonline.com 8/16/2005 5:04 ص الخرطوم-16-8-2005-آي بي برس- يصل إلى الخرطوم غدًا وفد من الكونجرس الأمريكي برئاسة رئيس اللجنة الفرعية لأفريقيا‏,‏ في زيارة تستغرق عدة أيام. وقال الدكتور مصطفى عثمان إسماعيل وزير الخارجية السودانية: إن الزيارة تأتي في إطار دعم ومساندة اتفاقية السلام وحل مشكلة دارفور. وأشار الوزير السوداني ـ إلى أنه من المقرر أن يتم التحدث مع الوفد الأمريكي بصراحة‏,‏ حول المواقف العدائية التي ظل الكونجرس يتخذها ضد السودان‏,‏ وضرورة أن يغير الكونجرس منهجه في التعامل مع السودان‏.‏ وتتهم الحكومة السودانية أطرافًا خارجية بمحاولة زعزعة أمنها واستقرارها عن طريق إشعال فتيل التمرد في شتى مناطق السودان, مستخدمة في ذلك أطرافًا إقليمية.

باقي لك يا سناء

بيهمنا لونهم ولا عددهم

المهم يصلوا ويهرشوا الحكومه دي.

تراجي.

Quote: اهم الجماعه شفتي اللوانهم ام لا ؟؟؟؟؟

عيييييييييييييييييييييييييييييييك
أنا خارج من هذا البوست ولكن إذا إستدعي الأمر فسوف أدخله من غير إستأذان.

Quote: شفتي اللوانهم ام لا ؟؟؟؟؟

Quote: باقي لك يا سناء بيهمنا لونهم ولا عددهم

كيف تعتقدين أنك أهل لحمل راية النضال...

و أنت تأخذين الأمور...

بهذه السطحية؟؟؟!!!

Up

يلا يا شباب لزة لى فوق

سناء خالد

اولا شفتي سوء الظن

عندما كتبت بالانجليزيه لاني كنت اكتب من كي بورد غير عربي

وكنت في غير منزلي.

ادعيتي بأن يدك ممدوده.

قد تكون ممدوده في ضميرك لكنها عمليا غير ممدوده.

الدليل عندي كنت مختفيه

غير مشاركه وكان النزيف لازال في دارفور

عجزت اصابعك عن تسطير كلمه من خلال الكي بورد ادانه او شجب او تضميد جراح

او حتي دعوه صاله بان ينقذ الله اهلنا في دارفور من حكومة الكيزان

ومن اولادهم البيتاجروا بقضايهم في الخارج.

انت ليه ما فكرتي ان تخلينا في تجارتنا الرابحه ابدا بأذن الله

وتحاولي تشاركي في الحل على طريقتك الخاصه.

حتي لو كان بوست للدعاء بأن يفرج الله الكرب.

لكنك لم تفعلي.

وما ان اشتعلت الخرطوم

حتى شفنا مشاركاتك هاله

كل يوم شكل

عرفتي من العنصري

انت العنصريه

دموعك لاجل درافور كانت زائفه

مقالاتك كانت (عدي من وشك)

انفعالك كان لايرقى لحجم المأساه.

وجايه تقولي انا عنصريه.

لمعلوميتك الخرطوم دي انا منها اكثر منك.

ولو عايزه اترشح في انتخابات

حانزل في الخرطوم الانت فاكراها بتهمك براك.

وصدقيني انت وضميرك انا مافاضيه للبوستات الفارغه دي.

ما بتخدم قضيتي.

سؤالك لنفسك انا خليني و الاجابه لنفسك ما لي

هل كان انفعالك في اي يوم من الايام بانسان دارفور

قدر انفعالك بناس الخرطوم في يوم الاثنين اياه؟؟؟؟؟؟؟؟؟؟؟

اكسبي ناس البور اكسبي الدنيا كلها

انا ما بيهمني

لكن اتمني الاتخسري نفسك.

وهنالك قوله للمسيح :

( ماذا يستفيد الانسان لو كسب العالم وخسر نفسه)

وعشان تعرفي انه الحرامي في راسه ريشه

البوستات القلته عليه

ما كان بوستك ومحمد ادم ما كان دخل بوستك واشاد بي اوغيره

وبالعكس كلها كانت مداخلات بلا نفس

وكنت جايه ادخل بوستك بباقي ود قديم

ومفرتضه لحسن الظن

لكن جنس كلامك الاستمريتي تكتبي فيه

صدقيني تقدميتك كان بقيتي بنت لينين ذاته ما بتقنعيني ثاني.

وصدقيني ما حاحرص على حوارك

لانه البكتب عني (حيه وجايه تنفث سمومها)

ما اعتقد منظر حوار ده اصدر احكام مقدما.

يا زوله ربنا يديك قدر الفي مرادك

وينصرك يا ما عنصريه.

وانا خليني في عنصريتي

وحقدي

ولا عايزه اقتنع بكلامك ولا حيهمني اقنعك.

انا بس عايزه اقنع الامريكان!!!!!!!!!!!!

ايه رأيك.

فبالله ما تشغلوني في معارككم الوهميه دي.

وخلونا نشوف شغلنا.

كتبتي مره عن فخرك بانك خليط!!!!!!!!!!

اتخيلي انا حزينه اني خليط!!!!!!!!!!!!

وبفتكر كان اريح لي مليوم مره لو كنت افريقيه خالصه.

دماءكم الزرقاء هذه لم تجلب لي سواء البلاء.

تراجي.

Quote: أنان يحمل ميليشيا التمرد في دارفور مسؤولية تدهور الأمن سودانيزاونلاين.كوم sudaneseonline.com 8/17/2005 8:40 م نيويورك: صلاح عواد حمل الأمين العام للأمم المتحدة ميليشيا التمرد في دارفور مسؤولية تدهور الوضع الأمني في الإقليم. واتهم في تقرير قدمه إلى مجلس الأمن ميليشيا حركة جيش تحرير السودان وحركة العدالة والمساواة القيام بعمليات خطف واغتصاب ونهب، وقال «إن الانحدار نحو الفوضى قد عزز انعدام الأمن في منطقة دارفور». وخص انان في تقريره بلدة «نيالا» وأفاد أن الميليشيا تستهدف عمال منظمات الإغاثة الإنسانية إضافة إلى أذى ونهب المدنين واعتبر هذه الأعمال سلوكا إجراميا غير معهود في بلدة نيالا، وقال «إنها مثال خطير على العنف الذي سبب إطالة النزاع في دارفور».

من ينقذ من... ومن من?

Quote: وصدقيني انت وضميرك انا مافاضيه للبوستات الفارغه دي. ما بتخدم قضيتي.

تراجي.

?Then u meant this post, why are you denying it then?..or, is it Master Turabi style

تجارالقضايا إرفعوا أيديكم عن دارفور وأكتفوا بماقدمته لكم ماما أمريكا من بيرقرات وبيتزا وإلا!
أرسلوالي في إيميلي الخاص لنتفق على طريقة نرجع بها سوياإلى دارفور.. فلا أظن أن مجالها الجوي بهذا السوء الذي يمنع هبوطنا.

تراجي مصطفى...

Quote: الدليل عندي كنت مختفيه غير مشاركه وكان النزيف لازال في دارفور عجزت اصابعك عن تسطير كلمه من خلال الكي بورد ادانه او شجب او تضميد جراح او حتي دعوه صاله بان ينقذ الله اهلنا في دارفور من حكومة الكيزان

فاكرة إنك ماهرة في تلفيق الأدلة..

و فاكرة ..انو بطني حتطم من كلامك ده ..

و أمشي أخليه ليك بدون تعليق..

عشان برضو تمرري أدلتك..

و أجندتك..

خليناك انت..

مناضلة و ما عندك وقت تقري أو تشوفي الأرشيف..

لكن أكيد أي زول يدخل اسمي في البحث..

و يشوف المواضيع الكتبت فيها..

من يوم 1/2/2005....

حيقدر بنظرة واحدة..يشوف مدى كذب ادعائك أعلاه..

...................................

Quote: عرفتي من العنصري انت العنصريه دموعك لاجل درافور كانت زائفه مقالاتك كانت (عدي من وشك) انفعالك كان لايرقى لحجم المأساه

و الله مرات بأشفق عليك و باحس انك بالجد على نياتك..

لأنك أشطر زول بيناقض نفسه بنفسه في نفس المكان...

دموع شنو ؟؟ و مقالات شنو؟؟!

انت مش هسع قلت...

Quote: الدليل عندي كنت مختفيه غير مشاركه وكان النزيف لازال في دارفور عجزت اصابعك عن تسطير كلمه من خلال الكي بورد ادانه او شجب او تضميد جراح او حتي دعوه صاله بان ينقذ الله اهلنا في دارفور من حكومة الكيزان

.....

بعدين الإنفعال اللي على مستوى الحدث ده كيف في رأيك...؟؟

ألفق لي خبر خبرين..؟؟؟!!!

لأني بالتأكيد ما في موقع الحدث..

و لا في موقع صناع أخبار الحدث..

بعد كده إلا كان دايراني أقطع من راسي..

يمكن!!..كلك خبرة..!!

..................

Quote: وما ان اشتعلت الخرطوم حتى شفنا مشاركاتك هاله كل يوم شكل

فعلاً..

أعادتني وفاة الدكتور جون قرنق للبورد..

و حملت نفسي رسالة نشر سلام...

و خنق أبواق الفتنة..

...

و لا عايزاني أتفرج عليكم تولعوا فيها زي ما ولعتوا في دارفور...!!!!!!!!!!!

..............

Quote: لمعلوميتك الخرطوم دي انا منها اكثر منك. ولو عايزه اترشح في انتخابات حانزل في الخرطوم الانت فاكراها بتهمك براك.

غايتو دي أنا ما حأقدر أغالطك فيها..

عشان أنا الخرطوم دي جابتني ليها القراية..!!

....


و اليوم التبقى فيهو انتخابات..

أنا حأكون سعيدة جداً..

لدرجة اني ما ح ألاحظ ..

انك بعد كواريكك دارفور دارفور..

و تلفوناتك..

و خطاباتك..

و بوستاتك...

باسم دارفور..

خليتي أهل دارفور الطلعت على رقابهم..

و بدل ما تمثليهم...

تجي تمثلي الخرطوم...

The same old story!!

.........................

Quote: وصدقيني انت وضميرك انا مافاضيه للبوستات الفارغه دي. ما بتخدم قضيتي.

ما بتخدم قضيتك..

و لا بتهدم قضيتك...

.......................................

Quote: سؤالك لنفسك انا خليني و الاجابه لنفسك ما لي هل كان انفعالك في اي يوم من الايام بانسان دارفور قدر انفعالك بناس الخرطوم في يوم الاثنين اياه؟؟؟؟؟؟؟؟؟؟؟

حاضر..

سألتها..

جاوبت...

أوريك قالت شنو ولا أحتفظ بيهو لنفسي برضو؟؟؟!!!

.....

Quote: اكسبي ناس البور اكسبي الدنيا كلها انا ما بيهمني لكن اتمني الاتخسري نفسك. وهنالك قوله للمسيح : ( ماذا يستفيد الانسان لو كسب العالم وخسر نفسه)

ماذا يستفيد يا تراجي..؟؟!!

Quote: وعشان تعرفي انه الحرامي في راسه ريشه البوستات القلته عليه ما كان بوستك ومحمد ادم ما كان دخل بوستك واشاد بي اوغيره وبالعكس كلها كانت مداخلات بلا نفس وكنت جايه ادخل بوستك بباقي ود قديم ومفرتضه لحسن الظن لكن جنس كلامك الاستمريتي تكتبي فيه صدقيني تقدميتك كان بقيتي بنت لينين ذاته ما بتقنعيني ثاني.

تحتاجين أن تراجعي ما تكتبيه في نفس البوست عدة مرات..

حتى تتأكدي أنك لا تناقضين نفسك..

فكيف حالك مع بوستات متعددة..!!

ثم أني..

لا أحاول اقناعك بأي شيء..

أنا مقتنعة بنفسي و مفاهيمي..

و لا أفرضها عليك..

لكم دينكم و لي دين..

و لكن لا تعتقدي أنك بكلامك هذا تحددين لي شكل مشاركاتي المستقبلي..

حتى فيما يخص دارفور..

لأنني سأستمر بنفس نهجي..

غير أنني سأتمعن جيداً في اسم و مصدر الخبر..

قبل أن أصدق ما أقرأه...


...

Quote: كتبتي مره عن فخرك بانك خليط!!!!!!!!!! اتخيلي انا حزينه اني خليط!!!!!!!!!!!! وبفتكر كان اريح لي مليوم مره لو كنت افريقيه خالصه. دماءكم الزرقاء هذه لم تجلب لي سواء البلاء.

Quote: عرفتي من العنصري انت العنصريه

Quote: وجايه تقولي انا عنصريه.

Quote: وانا خليني في عنصريتي وحقدي

.............

Quote: فبالله ما تشغلوني في معارككم الوهميه دي. وخلونا نشوف شغلنا.

خلاص أمشي شوفي شغلك..

و نضالك..

عشان الإجابة وصلت...

Quote: ولا عايزه اقتنع بكلامك ولا حيهمني اقنعك. انا بس عايزه اقنع الامريكان!!!!!!!!!!!!

Quote: ولا تهتم لهم هؤلاء ما عندهم شغله ونحن عندنا شغله كثيره كل همهم الهائنا عن اعمالناالمفيده لاهلنا ولكننا لن نستجيب لهم .

لأن:اختك اتألقت ولعنة لك ابو يوم الحكومه الجنجويديه للاخر
واشعلت الساحه بالهتاف لدارفور و للسلام العادل بها.

Quote: الدليل عندي كنت مختفيه غير مشاركه وكان النزيف لازال في دارفور

لأن أختك:اتألقت ولعنة لك ابو يوم الحكومه الجنجويديه للاخر
واشعلت الساحه بالهتاف

Quote: لمعلوميتك الخرطوم دي انا منها اكثر منك. ولو عايزه اترشح في انتخابات حانزل في الخرطوم الانت فاكراها بتهمك براك.

وحأتألق..وتغمرني الهتافات...

Quote: هل كان انفعالك في اي يوم من الايام بانسان دارفور قدر انفعالك بناس الخرطوم في يوم الاثنين اياه؟؟؟؟؟؟؟؟؟؟؟

عايني كيفن أنا بنتألق!!!

Quote: اكسبي ناس البور اكسبي الدنيا كلها انا ما بيهمني

بس بيهمني التألق!!

Quote: وهنالك قوله للمسيح : ( ماذا يستفيد الانسان لو كسب العالم وخسر نفسه) فبالله ما تشغلوني في معارككم الوهميه دي.

وخلونا نشوف شغلنا.
عارف شغلنا إيه هو:بنتألق.
اختك اتألقت ولعنة لك ابو يوم الحكومه الجنجويديه للاخر
واشعلت الساحه بالهتاف لدارفور و للسلام العادل بها

الأخ القارئ دارفور أهلنا بتموت يومياً ونحن بنتنافس في أولمبيات كأس العالم!!!

كتب سعد الدين

للسنجك :

Quote: Quote: ما بالك بمن يصنع قضية.. من لا شيء.. ثم يتسلقها.. رغم علمه بأن الحبال من وهم..

شفت يا السنجك الكلام لك

فيا ريت تسمع كلام صحبك

وتترك الموهمين في حالهم ايه رايك؟

تراجي.

ترهاقا

يا اخي ما قالوا عليك راجل موسيقي وفنان

بالله دي اللفاظ فنانيين؟؟؟؟؟؟؟؟؟؟؟

الكماندو اخوي شكله كاسر فيك ضلع

ما بتكتب مداخله الا تذكره

باقي لك دي بوستات بتشبهه؟؟؟؟؟؟؟؟

نحن بنخليه للبوستات البتستاهل لانه زمنه جدا قيم.

تراجي.

Quote: الأخ القارئ دارفور أهلنا بتموت يومياً ونحن بنتنافس في أولمبيات كأس العالم!!!

لا حول ولا قوة الا بالله...شر البليه ما يضحك ويضرس ويقتلك كمدا أخوي محمد آدم.


تراجي يا تراجي..أخير تسمعي كلام أخوانك وأهلك تبطلوا الهبل البتسوا فيهو

Quote: كتب سعد الدين للسنجك : Quote: Quote: ما بالك بمن يصنع قضية.. من لا شيء.. ثم يتسلقها.. رغم علمه بأن الحبال من وهم.. شفت يا السنجك الكلام لك فيا ريت تسمع كلام صحبك وتترك الموهمين في حالهم ايه رايك؟ تراجي.

لفائدة القارئ المتابع...أنا لست صاحب الكلام أعلاه ولم أوجهه للسنجك أصلا..يعني عايزه تتألقي في القراءه الخاطئه برضو??

عشان كده زعلنا زمان على قفل مراكز الشباب وإيقاف الدوره المدرسيه وبرنامج مسرح المواهب.

Quote: الأخ القارئ دارفور أهلنا بتموت يومياً ونحن بنتنافس في أولمبيات كأس العالم!!!

Quote: الأخ القارئ دارفور أهلنا بتموت يومياً ونحن بنتنافس في أولمبيات كأس العالم!!!

فعلا ناس بتموت وناس بتتألق

وشتان مابين النضال والتألق

لك الله يا وطني

Quote: الأخ القارئ دارفور أهلنا بتموت يومياً ونحن بنتنافس في أولمبيات كأس العالم!!!

Quote: الأخ القارئ دارفور أهلنا بتموت يومياً ونحن بنتنافس في أولمبيات كأس العالم!!!

شكراً علي تركك رساله " اليوم " علي هاتفي الجوال
فأنا"ترانسفيرد" تلك الرساله علي شريط كاست
ثم حفظتها علي ملف إللكتروني خاص بها.
قد تستدعي الأيام لتحميًلها هنا بالمنبر.
لأني بعشق التألق.

على فكره يا محمد ادم

سفيرة النظام البارحه كانت في جامعة يورك

وما قصرت معاها

اديتها من الثقيل

عشان بس تعرف لو كنت انا بخاف

الظريفه كان في بورداب وقراء شهود

لهم تحياتي.

تراجي.

سناء خالد

لقيتك كاتبه في مكان الاتي:

Quote: حأوريك أفضل الطرق لعقل الزيي... و الزيي كتار... انك تحفظ لمن تخاطب حقه في الإحترام... و حقه في الإتفاق أو الإختلاف... و انك ما تبني حكم مسبق على أشخاص انت ما بتعرفهم.. ... احترم من تخاطب .. حتى لو كان طفلاً... فربما تصل رسالتك.. و تدهشك الإستجابة....

سبحان الله ولا نحن ناس ما بنستحق الاحترام

عشان تكتبي بالاسلوب ده

المهم يا زوله كل اناء بما عليه ينضح.

تراجي.

أحم..أحم
Up

الاخت سناء خالد ...
لك التحية والتقدير ...
اعجبني الاسلوب الهادئ في الحوار الذي بدات به .. وكنت علي يقين لو أنه استمر علي نفس النسق حتي الخاتمة لامكن لكما الوصول الي وفاق او تفاهم ..ولعل هذا النقاش كان نافذة تفاهم وتواصل اخر بينكما يصب في مصلحة الوطن ..لكن الامر انقلب الي ما يشبه بوابة الي تصفيات قديمة بين بعض الاخوة والاخت تراجي مصطفي ...وتحول البعض الي التريقة والهمز والغمز وهذا بالتأكيد لا يفضي الي قبول النصح ..ولعله لا يسهم في الاصلاح ..
واظنك اختي سناء قد انتبهت الي هذه المسالة فالبعض بات يستغل بوستك هذا لاشياء واغراض غير ما تهدفين اليه انت ..
حقيقة هذا البوست مدرسة ليس لتراجي بل لنا كلنا في كيفية كيف يكون الحوار ..
اتمني اختي سناء ان يرجع البوست الي ما كان عليه في البدء ..في تلك الحالة يمكن الوصل الي شئ ..وليس دفاعا عن الاخت تراجي ..ولكنني احسبها لن تصر علي الخطأ ..اذا تبين لها ذلك الخطأ ...مناشدتي ان يتوقف الاخوة الذين يزيدون اوار النيران عما يفعلون .......

تحياتي لك اختي سناء ..........................................................

Quote: لقاء OTTAWA كان بستاهلك اختك اتألقت ولعنة لك ابو يوم الحكومه الجنجويديه للاخر واشعلت الساحه بالهتاف لدارفور و للسلام العادل بها.

الاخت سناء تحياتى لك عزيزتى


الاخت تراجى
كنت أتمنى أن تكونى صادقه مع الناس الطيبون الذين أشعلت الساحه هتافاتهم من أجل دارفور.
لانهم يستحقون أن نتحدث اليهم بصدق ولانهم صادقون ويعتقدون أن مسألة الصدق دى مسأله مفروغ منها.
ولذلك يصدقون ما يقال لهم وما يصل الى أذانهم من أن هناك حرب عرقيه واباده عرقيه تحدث فى دارفور.
ولا يعلمون أن الامر لا يتعدى عدد من المنتفعين ومحبى أنفسهم ومتطلعين الى السلطه والثراء
من جانب الحكومه فى الخرطوم بملشياتها وثوار دارفور وملشياتهم.
وكنت أتمنى أن يكون لديك من الشجاعه الشيئ الكافى لتعلنى لهم أن مواطنون دارفور يقتلون ويشردون بسبب أطماع
بعض النفوس المريضة التى لا يهمها شيئ غير أن تصل الى السلطه والثراء.
وكنت أتمنى أن تقولى لهم أن أيدى الجميع ملوثة بدماء الابرياء وخاصة أؤلئك الذين يتاجرون بقضاياهم عالميا من أجل منافع شخصيه.
كنت أتمنى أن تخبريهم أن أبناء دارفور أنفسهم مشاركون فى قتل اخوتهم فى دارفور ولا يطرف لهم رمش لمعاناة الناس الغلابه فى درافور
والذين امتلات بهم المعسكرات فى ظروف حياتية صعبه وقاهره لا تتوفر لهم فيها أبسط مقومات الحياة.
كنت أتمنى أن تقول لهم الاخت تراجى هذا العباره التى كتبتها يوما ما هنا

Quote: واتفق معك ان ثلاثه ارباع المأساة فى دارفور تمت بايدى دافوريه ولكن لماذا؟؟؟؟؟؟؟؟؟؟؟ هذا يمكن ان يكون بوست اخر

ابراهيم بقال الفتى الذى اغلق منام الصفوه

ولا أزال أنتظر هذا البوست الاخر الذى لم يفتح حتى الان لتوضيح لماذا يقتل أبناء دارفور أبناء عشيرتهم؟؟
وهل السلطة والمناصب والثراء أسباب تكفى لقتل نفس بشرية بريئة لم تؤذى أحد؟؟

الاخت تراجى رجاء واحد فقط
ارجوك عندما تعتلين المنصه المره القادمه أن تكونى صادقه مع من تتحثين اليهم
وأن تخبريهم بحقيقة ما يجرى فى دارفور الان. نعم هناك موت وهناك تشريد
وهناك ظلم لا يقبله أحد أبدا. ولكن يجب اخبارهم بما وراء كل ذلك
يجب اخبارهم لماذا فقد مواطنون أبرياء أرواحهم وأموالهم ومساكنهم فى دارفور.
ويجب أن تخبريهم أيضا أن نفس التشريد والقتل يمكن أن يحدث فى حلفا أو دنقلا أو كريمة
اذا رفع مواطن تلك المناطق السلاح فى وجه حكومة الخرطوم الحاليه
وأخبريهم أن هذا قد حدث بالفعل مع المناصير وحدث فى شرق السودان
وأخبريهم بأن مواطنون من بورتسودان فقدو أرواحهم فقط لانهم خرجوا فى مظاهرة
وبالتأكيد ان رفع ابناء بورتسودان السلاح لكان مصيرهم مشابها لمصير أبناء دارفور
وأخبريهم أن مواطنون تلك المناطق تهمهم روح الانسان جدا
ومهما كان حجم اختلافهم مع الحكومه الحاليه الا أنهم لم يتخذوا المقاومه المسلحه سبيلا
لان حياة أهاليهم وأمنهم فى تلك المناطق أهم من أى شيئ أخر
وأخبريهم أن قادة مثل الصادق المهدى والميرغنى ونقد وغيرهم اتخذوا سبيل المقاومه بدون سلاح
حتى لا تسفك الدماء وقد كانوا يمتلكون خيار المقاومه المسلحه ان أرادو
وأخبريهم أن طلبة الجامعات بشمال ووسط السودان قتلوا منهم العشرات عندما يخرجون فى مظاهرات سلمية
وأن أصولهم الشماليه لم تمنع قتلهم ولم تشفع لهم فالعرق ليس هو المقصود بالقتل وليس هو المقصود بالاباده.


ولك التحايا

سلام يا جماعة

الحملة التى تقوم بها الأخت سناء وبعض الأخوة أعضاء هذا المنبر ضد المتألقين و المناضلين
هى حملة مشبوه و جنجويدية لن تنال من نضالهم قيد أنملة و لن تثنيهم عن الطريق الذى
يمشون فيه و هو الدفاع المشروع عن أهلنا فى دارفور و التألق فى ذلك. فأنتم يا أعداء
التألق بقايا الجنجويد و عرب النيل و عرب الغرب حاسدين و حاقدين على تألق المناضلين
- كيف لا و انتم تنظرون و تتعجبون كيف يتألق المناظلين و لا تتألقون أنتم يا أعداء
التألق - انها لعمرى الحسد و الحقد و لا شى غير ذلك - هل بلغ بكم الحسد الى هذه الدرجة حتى
لو أراد الشخص أن يتألق تحسدوهو و تحقدوا عليه - ياه ناس حاقدة بدرجة غريبة ---
يعنى بالعربى كدة لا عاوزين تتألقوا و لا عاوزين الناس التانيين يتألقوا - لا بترحموا و لا
بتخلوا الرحمة تنزل - عجبا عجبا.


لقد نزرت نفسى من الأن لى الدفاع عن المتألقين فى كافة أشكال النضال داخل أو خارج
السودان و أى زول متألق عندو مشكلة مع أعدأء التألق يكلمنى و سوف ألهب أعدأء
التألق الحاسدين نار لا تبقى و لا تزر.


يا أيها المناضلون تألقوا و تألقوا فان فى ذلك راحة البال و الجيب و لا تأبهو
بأعدأءكم الجمل بيمشى و الكلاب تنبح و عاش التألق و الخزى و العار على أعدأء
التألق

سنتألق يا زول بن زول

عجبك و له لا .

تراجي.

الاختSmile women

حقا انت صادقه وقد كتبت ما ذكرتي بان

كل الجرائم التي تمت مرتكبه بايدي ابناءنا

ولم ولن اتهم اهل الشمال كعرق بانهم سسبب الفتنه.

واكرر معك واكررها في احاديثي هنا

بأن الصراع يحركه من يحلم بالسلطه او يحرص على بقائها في يده حتي

لو فني نصف الشعب.

عندما نكتب جنجويد وشرحتها اكثر من مره

هم كل من باع نفسه للشيطان.

وانت ادري بما فعلته الحكومه من فتنه بيننا.

شهدت كذلك صفحات هذا البورد

تضامني مع كل المساحين والتداخل في كل بوستات

اعتقالات الطلاب

وصدقيينني ليس لاجلك او لاجل فلان

او علان انا ما اقوله هنا اقوله في كل مكان

وهو ان مأساة السودان وجزء منها مأساة دارفور

هو هذه الحكومه التي تكاد ان تقضي على كل الخير في السودان

مواقفي واضحه حتى رفضي لاعدام محمود محمد طه

منذ ذلك التاريخ و انا متصديه لهذه التيارات .

فقط هنالك ناس في هذا البورد يصطادون في الماء العكر

استمرأوا وصف كل المتصدين لقضية دارفور بالعنصريه

انا شخصيا لم اعد اهتم بمحاورتهم

لذلك اكتب الكثير من باب اثارتهم فقط واغاظتهم

ولكن لقاءتنا الرسميه كلها موثقه بالصوت و الصوره

ولا تنسي في ادبيات الحركات المسلحه الدارفوريه كلها

لاتوجد دعاوي انفصال اطلاقا.

وعلى فكره لازلت لا انتمي لاي من الحركات هذه رسميا.

وكلامي الذي اكتبه مسؤلة عنه وحدي.

لك تقديري

ولا تخافي على السودان مننا فانه في حدقات اعيننا موحدا قويا بأذن الله.

تراجي.

نهال كرار يا ظلاميه

شايفاك ما بتشوفي بوست فيه اسمي الا تجي ناطه

بالله معجبه قدر كده.

كان الله في عونك.

عارف انه باقيه لك شوكت حوت لا بتنبلع لا بتفوت.

الله يشفي.

تراجي.

عفارم عليك يا تراجي
ما تشوفي نضمهم ده. كلو في الفارغة .
ديل مدفوعين بعقدة الذنب
فيهم شريك علي عثمان .. و بطانة البشير ... و قريب موسي هلال.
البوست ده ما تصفية حساب ... ده كشف حال .
ديل أرواح الناس معذباهم .
يهرشو .. و تشيلهم الهاشمية ... و يغلطوا في الكلام
و لما تطير ... ( ..... ) .. و تجي الفكرة
تحصل البشتنة و الجرسة .. و تتخابط مفاتيح الكيبورد في خربشة
و الناس الكانت عاملة بطولات ... تتقزم و تتراجف ... زي ديل:

Quote: : معليش سناء خالد .. نصحنى البعض بمسح بعض المداخلات درءا لل FBI (عدل بواسطة Outcast)

محمد آدم: حتي أنت يا بروتس ! .... عيب .... و عيب كبير !

ٍSmilewoman
تراجي لها الجرأة و الشجاعة لتقول ما تؤمن به للناس وجها لوجه .
بدل ما توصيها بأكاذيبك التي تخجلي من قولها مباشرة للناس , يجب أن تكون لديك انت الشجاعة لتواجهي أولئك بكلماتك أنت و من فيك مباشرة .
و أني لك الجرأة و أنت تختفين خلف أسم مستعار .

سعد الدين عبدالرحمن:

Quote: تجارالقضايا إرفعوا أيديكم عن دارفور وأكتفوا بماقدمته لكم ماما أمريكا من بيرقرات وبيتزا وإلا! أرسلوالي في إيميلي الخاص لنتفق على طريقة نرجع بها سوياإلى دارفور.. فلا أظن أن مجالها الجوي بهذا السوء الذي يمنع هبوطنا.

أمريكا كانت اليوم في الخرطوم في القصر الجمهوري ... أدت تعليمات لقرايبك تجار الحرب في دارفور و قالت ليهم ( أرفعوا أيديكم عن دارفور) .
يا سعد الدين .. و بدبلوماسية ( في دارفور أنت شخص غير مرغوب فيه.

زول بن زول و نهال كرار و سناء خالد ( جنجويد الطيب مصطفي) .... ستضيق بكم الأرض علي رحبها. ...

Quote: أمريكا كانت اليوم في الخرطوم في القصر الجمهوري ... أدت تعليمات لقرايبك تجار الحرب في دارفور و قالت ليهم ( أرفعوا أيديكم عن دارفور) . يا سعد الدين .. و بدبلوماسية ( في دارفور أنت شخص غير مرغوب فيه.

بلا دبلوماسيه بلا نصب وإحتيال..
الكلام ده نركب طياره وقولوا لي هناك في حى كوريا- نيالا!

مآساة دارفور الحقيقيه أن إنتمي اليها أمثالك من نسل الترابي ومرافيد الكيزان.

رد علي كوفي عنان يا مرتزق!

الإبنه تراجي
سلامات
طبعاً أنا زول دارفوري خالك أوعك تقولي مش خالك لأني إمتلك الدليل علي ذلك.ههههههههها.

Quote: على فكره يا محمد ادم سفيرة النظام البارحه كانت في جامعة يورك وما قصرت معاها اديتها من الثقيل عشان بس تعرف لو كنت انا بخاف الظريفه كان في بورداب وقراء شهود لهم تحياتي. تراجي.

تعجبيني بالحيل..أنا مصدقك 100%
تحياتي.

Quote: لكن ليك علي أسأل ليك المدعو قوش ده.. في أول لفة أو منتدى .. يجمعني بيهو.. و حأقول ليهو اني جاية بتوصية منك.. عشان أحفظ ليك حقك الأدبي..

كلام منطقي جدا..أين الفهلوه في ذلك?
على الأقل هى ليست فهلوه ترابيه يا كومانده..ولا لازم الواحد يرد بعدم موضوعيه ويهتف: ينصر دينكم يا مناضلي دارفور - كنتاكي Fried chicken!

محمد ادم

تحياتي

عايز تكبر روحك مالك يا زول انت خال و الخال قالوا والد

لكنك خال قريب في السن .

نختلف او نتفق نظل تجمعنا قضيه واحده هي الاهم

وشكرا لكل من تغبرت ارجله في سبيل اهل دارفور.

سعد الدين

انتو ناس امريكا ديل غايظنكم كدي ليه.

غايتوا

يا كماندو

محمد سليمان

انا خايفه عليك من عيون ناس البورد

ناقين فيك وحاسدينك

ارجوك تحصن بايات الله وربنا يحفظك من عيونهم.

غايتو جنس حسد الله يهون.

تراجي.

أمريكاالغبيانه?

الله يخارجهم من العراق ساكت!

وإياكم أن تقدموا لها دعوه لدارفور..فقد يكون هنالكمئات الزرقاوييا مناضلي الKFC

تراجي ومحمد سليمان

المناضلين من ورق اخيرا ظهرتم
والله لو كنت عارف اليومين الاوف ديل حيخلوكم تظهروا تاني
كان من زمان عملتها. المهم

تراجي ومحمد سليمان

الايامات دي اكل العيش اصبح ليهو فنون واستايلات


ما علينانرجع
للموضوع البهمنا وبما اني زول ما بحب خلط الاوراق واللف والدوران
والمجاملات الاسبابها غير معلنة واضحة ومحددة اكرر مرة اخرى

بقول ليك يا تراجي انت فى المنبر دا رافعة شعار
واضح جدا ضد القتل والتشريد والعنصرية
يعني صوتك فى هذا المنبر صوت انساني بحت اوكي

طيب يا صاحبة الصوت الانساني


لماذا قلت ان القتل الذي حدث بعد رحيل
الدكتور جون قرنق امر طبيعي وكان لابد ان يحدث؟؟؟
وانت تعي جيدا ان القتل لا يولد الا القتل. بحكم انك بتعتبري
نفسي صاحبة صوت انساني ضد القتل والعنصرية. كده حديثك الفوق دا
بجعل الناس دي كلها تقيف وتتساءل
أي نضال هذا واي صوت انساني هذا الذي بدعو ويبرر للقتل
بهذه الصورة الفاشية والوقحة؟؟؟

ثانيا البلد فى حالة فوضى والوضع خطير وغير مستقر
بعد رحيل د. جون قرنق واصبحت حياة الناس فى كل انحاء
السودان فى خطر. كيف سمحت لك نفسك بالحديث عن مقتل
جون قرنق فى ظل هذه الظروف؟؟؟

عندما اقول هنالك اجندة يعمل البعض على تمريرها لا اقصد
اجندة متعلقة بمعارضة النظام طبعا. تعرفي ليه لانو أي زول معارض النظام
دا بعنى انو انسان وطني حق. وكونه وطني حق فسوف يضع
حياة الشعب وحمايته فوق كل الامور والاحوال بما فيها الخاص
ولن يتفوه بمثل حديثك الكريه والحاقد هذا.
لذلك لا يقول مثل حديثك هذا الا من له أجندة خاصة فقط
وكلمة خاصة بندرج تحتها الكثير والكثير جدا وكل ما لا علاقة له
بمصلحة الشعب والوطن طبعا.

محمد سليمان

تعرف الرجل من دارفور دائما بكون متزن وملتزم ومتصالح
جدا مع نفسو ودي من اكتر الاشياء التى احترمها في انسان دارفور البسيط
انا بحكي عن ادم ويعقوب ،موسى ،حسن ومحمد يوسف
ديل السمحت لي الظروف اعرفهم عن قرب كانو اصحاب
دكاكين. كانو محترمين وبتعاملو مع بضائع الدكان بشكل
جاد المجاملة عندهم موضوعية ومحترمة الشغل شغل عندهم.والله نهائي ما بحبو المسخرة
والكلام الفاضي. بحكي ليك كدا ليه ؟؟ بس لاني بقارن هل يعقل
ان تكون انت من يتحدث عن من ذكرتهم ديل. بتجامل على حساب
أرواحهم ومن اجل ماذا؟؟ من اجل سيدة اسمها تراجي ؟ لماذا من اجل السيدة
تراجي، هذا ما لا نعرف له سبب واضح ومحدد فالموضوع كبير وما بتحمل مجاملات
أسبابها غير واضحة ومتزنة. فهمت يا محمد سليمان

يعني تعال رد فى الموضوع وما تجي باسطوانتك بتاعة جلابة وشردو وضربو لانو عارف كويس
حارد عليك واقول ليك شنو فاهم.

يلا منتظرك وتراجي وقت ظهرتو وتركتو نصيحة الجماعة اياهم.

فى الانتظار
ما على قناة خدر هنا اوكي

LOOOOOOOOOOOOOOOOOL

بالله ماعارفه ياتراجي أنا معجبة بيك قدر شنو

ياخي أنا سجلت في البورد دا علشان أمثالك من المتألقين


بس عليك الله ممكن تقولي لينا ليه مسحتي مداخلتين كتبتيهم للأخ محمد آدم

طبعا أنا قريتهم , وللأسف ما وثقتهم


يلا كان أنتي شاااطرة كدا ومتألقه جدا

أرجعي أكتبيهم


والله أول مرة أشوف مناضلين متألقين بخافوا

ماقلتي ناس المنبر مابهموك



________________


والله يا سناء أنا كنت عارفه نهاية البوست دا ونهاية الزوغة

مش عليكم الله النقاش مع محمد سليمان أخير

أهو على الأقل بلقى حاجة يكتبها حتى لو كانت أسطوانة مشروخة بكررها دايما !!!

سعد الدين عبدالرحمن

Quote: بلا دبلوماسيه بلا نصب وإحتيال.. الكلام ده نركب طياره وقولوا لي هناك في حى كوريا- نيالا! مآساة دارفور الحقيقيه أن إنتمي اليها أمثالك من نسل الترابي ومرافيد الكيزان.

يا أخ أنا قايل عقلك أعمق من كده شوية ... تجي منبرش بالافلاس ده كلو؟
علي الأقل أنا كنت مفتكرك تجي بأفتراءات مبتكرة ... لكن لقيتك حتي في الأفلاس بتقلد بضاعة ود العمدة الكاسدة . يا أخ أنت ممل جدا.
و بعدين:

Quote: رد علي كوفي عنان يا مرتزق!

أنت قريت تقرير كوفي عنان ... فهمتو ؟ ( لو فهمتو بديك كيوي .. مش دي عملتكم هناااك؟)
( أنا ما بقصد الملخص المختصر المترجم ترجمة شوهاء من قبل ناس الجزيرة نت . بقصد ليك التقرير الأصلي ).

Quote: يا مرتزق!

المرتزقة ديل ما ياهم الشايلين السلاح من زمن طردوا التركية و حامنك ... أنتو جيبو المستعمرين و البيتقولوا عليهم مرتزقة يطردوهم .

Quote: أمريكاالغبيانه? الله يخارجهم من العراق ساكت! وإياكم أن تقدموا لها دعوه لدارفور..فقد يكون هنالكمئات الزرقاوييا مناضلي الKFC

بالله الزرقاوي ده بطلك ؟ يا أخ ده بأسم الأسلام يضبح المسلمين أمام الكاميرة ... نسيت السودانيين السته ؟ ألا تخجل أم أعماك حقدك علي دارفور فنضحت بما فيك؟.

السنجك !!
لقد سقط أسمك سهوا من قائمة الطيب مصطفي .

Quote: بقول ليك يا تراجي انت فى المنبر دا رافعة شعار واضح جدا ضد القتل والتشريد والعنصرية يعني صوتك فى هذا المنبر صوت انساني بحت اوكي طيب يا صاحبة الصوت الانساني لماذا قلت ان القتل الذي حدث بعد رحيل الدكتور جون قرنق امر طبيعي وكان لابد ان يحدث؟؟؟

السنجك .... أنت لسه مصر و بعناد تستمر في هذه المهمة المستحيلة ؟
رد فعل الأخوة المهمشين عامة والجنوبيين خاصة بفقد د. جون قرنق كان متوقع لأنه نابع من الطبيعة الأنسانية في هذه الحالات (الصدمة و الغضب) . و ما تنسي المرارات المتراكمة لنصف قرن و سببها انتم يا الجلابة . الما طبيعي هي عمليات الأنتقام الاجرامية ليفوق عدد الجنوبيين الذين قتلوا أضعاف الشماليين . و أين ضميرك أنت الذي صحا الآن ليحاسب الناس في أقوالهم بينما كانت طائرات الأنتونوف تدك قري باكملها؟ ... لقد قرأت مداخلاتك مع الأديب أبكر آدم أسماعيل و لم أري في كلماتك ذرة من الانسانية و المذابح في ذلك الوقت في أوجها بدارفور.
جاي تحاسب منو ؟
نحن عندنا فاتورة محاسبة لكم طولها من الجيلي الي مروي . تاريخها من 1955 الي 2020 .

Quote: تعرف الرجل من دارفور دائما بكون متزن وملتزم ومتصالح جدا مع نفسو ودي من اكتر الاشياء التى احترمها في انسان دارفور البسيط

خمسين سنة و أنسان دارفور كان بعاملكم بأحترام و تصالح ....
النتيجة ... يا جلابة:
1- سنة 76 قلتو عنهم مرتزقة .
2- في الثمانينات تسببتم في موتهم جماعيا بالمجاعة.
3- همشتم دارفور كلها و أصبح الاقليم كله علي وشك الأنهيار.
4- أقتطعتم جزءا عزيزا من أرض دارفور و ضممتموه عنوة و حقارة بأهل دارفور للشمالية.
فرضتم حصارا تجاريا علي حدود دارفور بمضايقة أبناء دارفور من التجار و قطعتم عليهم طريق التجارة مع مصر ( بضمكم لتلك الأرض الدارفورية التي كانت تجاور مصر ) و أضعفتم محطات الجمارك مثل مليط لحد الموت و ذلك بتحويل مداخل البضاعة و التجار و العمالة كلها الي دنقلا برا و جوا ... عطلتم العمل بمطارات الفاشر و نيالا و الجنينة ( كلها موانئ جوية حيوية لتعطل السفر البري في موسم الأمطار ) و حولتم الآليات و الميزانيات و المهندسين لتحويل مطار دنقلا الي مطار دولي .. مطار في قلب الصحراء و بعيدا عن الكثافة السكانية و مناطق الانتاج ... يحول الي مطار دولي علي حساب ثلاث مطارات تخدم أقليمامنتجا نائيا بأكمله . تبا لكم .
5- لطيبة أهل دارفور و أحترامهم لكم لم تترددوا في قصفهم بوحشية بالطائرات ... أناس عزل و مواطنون في نفس الدولة .... لم تترددوا في أبادتهم و بأبشع الوسائل .
6- قتلتم أكثر من ثلاثمائة الف من اهل دارفور .
7- شردتم أكثر من مليونين من أهل دارفور ... و يا السنجك ... ما زالوا هناك الي اليوم بفضل حكومة أهلك و قريبك الشايقي علي عثمان محمد طه .. ما زالوا هناك في المعسكرات بالسودان و تشاد.. و تجي أنت و بلا خجل تحاسب تراجي علي تحليل صاح للأسباب التي ادت الي أحداث الاثنين . لم لم تثر لتشردهم ؟ اليسوا هم مواطنوا بلدك ؟ أم لأنهم ليسوا جلابة؟

السنجك ... يمكنني أن أسترسل اكثر في أيراد جرائمكم التي أرتكبتوها بحق أنسان دارفور لأكثر من خمسين عاما.
لكن أقل لك هذا و البسها حلقة في أذنك: لا تحلم أبدا بمصادفة دارفوري عبيط لتستغلوه مرة أخري و تغشغشوه بالكلام الأملس ( مثل ملمس الثعبان و في أنيابه سما زعافا).
الآن نحن الدارفوريون نعرف جيدا كيف نعامل اللئام.

Quote: أنت قريت تقرير كوفي عنان ... فهمتو ؟ ( لو فهمتو بديك كيوي .. مش دي عملتكم هناااك؟) ( أنا ما بقصد الملخص المختصر المترجم ترجمة شوهاء من قبل ناس الجزيرة نت . بقصد ليك التقرير الأصلي ).

1/ الخبر موجود هنا على sudaneseonline سعادتك...
راجع بكري وقل له أنت مزور وملفق!
2/الإنبراش واجب وطني ين يأتي مدع ومتسلق مثلك و يقول لمثلي أنت شخص غير مرغوب به في دارفور أيها الحاكم بأمر الله والي دارفور بالرموت كنترول من خلف صواني البيتزا..تقصيني أنا وتريدني أن أصدق جرستك وجقلبتك حين فرمك الجانجويد?
أنت شخص إقصائي فإن لم يشردوا أمثالك شردتهم..لأن جينك إقصائي!
3/ مأساة دارفور أن يمثلها مثلك وتراجي حين أنتم لا تستطيعون حتى تمثيل أنفسكم...ثم
المرتزق: من يزايد بدماء أهله في سوق الله أكبر ويدعم من ينادي بتدخل أمريكي في دارفور..فهذه خنوثه ما بعدها...دعك من حميتونا وطردتم المستعمر والخزعبلات.
قول لي المهدي زغاوي أو فوراوي كمان..

ثم

إنتى يا البانة (Darfur)ما غلطانه
غلطانه أمكى الجوزتكى للرطانه(Uncle sam)
الرطانه أمسكى من أضانا وودي وييين!

تمها وبديك هيروين...مش دى عملتكم برضو?


الزرقاوي هو بعبع أمريكا في اللحظه ولا أدري إن كانو صنعوه وكل بعبع لأسيادكم يجعلني أبتسم كلما رأيتهم يرتعدون..بغض النظر عن إتفاقى أو إختلافي مع أسلوبه.

ثم الصنعه فيك واضحه وأجندتكم أوسخ من فضلات الخنزير...وهذا ما يدعو الي انبراش الجنجويد والتنكيل وتشريد أمثالك من درن الترابي وعلي الحاج..فالنظافه من الإيمان.

نهال كرار

من اليوم اي مداخله لي وثقيها

ايه رأيك

وافتحي لك فايل كبير لكل ما تكتبه تراجي

وذاكري كويس يمكن تجيبي لك ماجستير ولا دكتوراه في تراجي.

ما كتبته لمحمد ادم كان لمحمد ادم انت دخلك شنو!!!!!!!!!1

وقراه ورد عليه

انت مالك!!!!!!!!!!

يازوله شوفي لك شغله

من زمان ماعندك شغله غير التطبيل لعمر الفاروق وعلاء

ولما كشحوا الثنائي بتاعك شايفاك شايفه لك وجوه

جديده بتكسروا ثلج لبعض .

وما تصدقي زول بيشتم في ناس دارفور الا تعملي معاه صحبه

مبروكين عليك

ومبروك عليك طرحك الفطير وافلاسك

وشلل المطبلاتيه .

تراجي.

Quote: والله أول مرة أشوف مناضلين متألقين بخافوا ماقلتي ناس المنبر مابهموك

السنجك:
هل مللت شروق الشمس كل يوم ؟
كذلك الحقيقة ...

Quote: يعني تعال رد فى الموضوع وما تجي باسطوانتك بتاعة جلابة وشردو وضربو لانو عارف كويس

أستعد للتكرار الجد ... عندما يدلي الشهود باقوالهم ... بأذن الله
Most of you wish this Darfur nightmare just goes away.x
No ... not before all the criminals are brought to justice









x

Quote: اختك اتألقت ولعنة لك ابو يوم الحكومه الجنجويديه للاخر واشعلت الساحه بالهتاف لدارفور و للسلام العادل بها. ويازول يوم خرافي ناجح بكل المقاييس

ومازالت ديوك النضال

تتالق
كما تقول


واكل العيش مابدور المداقرة
تعالوا
اتمرنوا عند سناء

وامشوا

وسنظل
نتابع بشدة



الاخت سناء
واصلى مع هولائى الديوك

اخاف فى الاخر نطلع نحن الديوك
مع احترامى للجميع

Quote: No ... not before all the criminals are brought to justice

Agreed, including youself, Militias and all Turabi's babies and those who wish to darfur and sudan to be another Iraq.

i still think that you are an intelectulal who led or want to lead stray.May Alah help you with the hatered that eating your soul and save sudan from it.

أخي محمدين محمد اسحق..

لك التحايا أطيبها..

أشكر لك مداخلتك القيمة..

......

ذكرت أن البوست انحرف قليلاً لأن البعض هنا لتصفية حسابات..

و أنا أقول لك بكل صدق..

أنني لا أعلم شيئاً..

عن هذه الحسابات أو من يحملونها..

ولكني أتعامل مع كل مداخلة بما تحمله الكلمات الموجودة هنا..

و تجدني حتى مع من يقف في نفس جانبي من الحوار ..

لا أتردد في ابداء رأيي ..

إن جاء في كلماته ما لا أوافقه فيه..

............................................

نعم..لقد بدأ البوست بنفس أبرد من جانبي..

رغم أنني وقتها كنت أكثر غضباً..

باعتبار أن الأحداث..

من موت الدكتور جون قرنق ..

و ما ترتب عليه..كانت في أوجها..

لكن ربما وقتها كنت لا زلت أؤمل الكثير من الأخت تراجي..

و رددت مراراً أنها رصيد أتمنى كسبه للصف السوداني ..

ولكنني صدمت بتعامل الأخت تراجي مع نقدي..

و صدمت بمقدرتها على افتراض أشياء غير موجودة..

وتقريرها كأنها حقائق..

(افترضت أنني أعيش في الولايات المتحدة..بدون باعث لمثل هذا الإفتراض..

و بنت عليه مجموعة افتراضات لم تكن صحيحة بطبيعة الحال)


هذا خطأ قد يصدر من أي انسان..

و ليس فيه احتمال سوء نية..

جيد..

لكن أن تقول الأخت تراجي أن

Quote: امريكا هذه يستطيع الاسود ان يسكن فلادلفيا او بفلو او بوسطن. السودانيين يعتقدون ان الجنوبي ليس من حقه التواجد في الخرطوم.

و كأن الجنوبيين ليسوا سودانيين..

و كأن الخرطوم لم تكن هي الملاذ للنازحين من ويلات الحرب ..

منذ اندلاعها..

حتى فاق عدد الجنوبيين فيها المليون..

دون أن نرى أو نسمع عن مطالبة بترحيلهم أو إخراجهم منها..لأنها كانت و لا زالت وستظل..

مدينة جميع السودانيين ..دون جواز مرور عرقي أو جغرافي..

و هذا ما تؤكده تراجي ..

حين تناقض نفسها بنفسها في ذات الأسطر حيث تقول أن هناك جنوبيون

يسكنون الخرطوم من زمان...

Quote: لانه ما لا تعرفونه ناس الحركه طول عمرهم كانوا مغتاظين من جنوبيين الخرطوم وبيفتكروا لو انضموا ليهم كان النصر حليفهم من زمان.

هذه النقطة كانت منعطف حاد لطريقة تفكيري في الأخت تراجي..

لأن مثل هذا الكلام..

لا يصدر أبداً بحسن نية..

و ليس خطأ بشرياً عادياً...

بل هو كلمات مسمومة..

يكفي أن ترددها مرتين..

أمام كاميرا تلفزيون..

أو على صفحات جريدة غربية..

ليجد فيها ذوي المنافع سماداً دسماً يغذي نبات الفرقة الشيطاني الذي يزرعونه على أرضنا..

ليس فقط أن الأخت تراجي لم تتراجع عن قولها ذلك..

و لم تجب عن استفساراتي المشروعة..

و تجاهلت انتظارنا لها..

بل وصفتنا بالظلامية..

والقرف ..

والهباب..

و الروائح النتنة..

وأكدت أكثر من مرة أنها لن تكلف نفسها عناء الرد..

.................

لم أغضب لنفسي ..بل غضبت لأهل دارفور..

الذين يستغلون مرتين..

مرة حين يقتلون و يشردون و يغتصبون بيد أبنائهم..كما بيد الإنقاذيين..

ثم مرة حين يستغلون من قبل أبنائهم..

لضرب نظام الخرطوم ..

بيد أمريكية..

........

و من يدعون أنهم يحركون الأمريكان..

(ناسين أو متجاهلين..حقيقة أن الأمريكان هم من يحركونهم)

لا يرون أي غضاضة في ذلك..

رغم علمهم التام..

أن القنابل الأمريكية لا تفرق بين الخرطوم و بورتسودان و دارفور..

و أن الحظر الإقتصادي ..

لا يعاني منه أبداً..من بيدهم السلطة..

و أن الأمريكان ..لم يعملوا طوال تاريخهم الأسود ..

لصالح انسان غير الإنسان الأمريكي..

و الذي هو أيضاً..

يأتي في مراتب ..و طبقات ..

لا زالت عنصرية جداً..


.............................................................................

أخي محمدين..

و الله..

لقد أكبرت فيك انسانيتك.. و حكمتك..

منذ بدأت الأحداث الأخيرة..

و قدرت لك كلمة قلتها..

أن ما لا تقبله لأهلك..

لا تقبله للآخرين..

و أنا أؤكد لك..

أنني أيضاً..

ما لم أقبله من قبل..

و لن أقبله أبداً..

لأهلي في دارفور..

لا أقبله لأهلي في أي بقعة في السودان..

و لا لأي بشر على الإطلاق..

و أتمنى أن تكون أنت مثلاً يحتذى..

لأنك لم تخش في الحق لومة لائم..

و أنا أتوقع أنك في الفترة السابقة قد تكون تعرضت لضغط شديد من أبناء

دارفور ..بزعم أنك تخليت عن القضية..

وربما لبعض العزلة..

لا أدري..مجرد افتراض..

و لكن لا يهم..لأنك بلا شك كسبت احترامك لنفسك..

و احترامنا أيضاً..



...................................

أما الأخت تراجي..

فأنا أقول لها أن لا علاقة لي بلينين..

و لا أتمنى أن أكون ابنته..

و لا أدعي تقدميته...

بل أنا تربيت على نهج سيد الخلق أجمعين..صلى الله عليه و سلم..

الذي وضع أساساً واحداً للتمييز بين الناس..

عندما قال أن الناس سواسية كأسنان المشط..

لا فضل لعربي على أعجمي إلا بالتقوى..

....

فإن هي أغضبها مني تشبيه دعاة الفتنة بالثعابين..

فبيدها هي أن تحمل لنا ترياقاً...يضمد فيما يضمد من جراح..

جراح الأيام السابقات..

و ستجدنا خير مستقبلين..و معينين..

و إن اختارت غيره..

فأنا لست أفضل ولا أقدر من النبي صلى الله عليه و سلم..

الذي قال له الله تعالى (إنك لا تهدي من أحببت و لكن الله يهدي من يشاء)

ٍكتب Mohamed Sulieman

Quote: Smilewoman تراجي لها الجرأة و الشجاعة لتقول ما تؤمن به للناس وجها لوجه . بدل ما توصيها بأكاذيبك التي تخجلي من قولها مباشرة للناس , يجب أن تكون لديك انت الشجاعة لتواجهي أولئك بكلماتك أنت و من فيك مباشرة . و أني لك الجرأة و أنت تختفين خلف أسم مستعار .

هذا كلام مقتبس من كلام الاخت تراجى ردا على ما جاء أعلاه

Quote: واكرر معك واكررها في احاديثي هنا بأن الصراع يحركه من يحلم بالسلطه او يحرص على بقائها في يده حتي لو فني نصف الشعب.

كان الحوار بينى وبين الاخت تراجى وقامت بالرد على حديثى بكل أدب.

الاخت تراجى كنت أتوقع أيضا أن تردى على ما كتب أعلاه. لانه كتب بلسانك رغم أن رأيك الذى كتبتيه لى مخالفا لما كتب أعلاه ورأيك جاء مطابقا لرأى. فلماذا لم تردى على من يتحدث بلسانك ويتهمك بالكذب لانه قال أن الحقائق التى كتبتها أنا وكتبتى أنت تعليقا عليها توافقينى الرأى فيها قال انها مجرد أكاذيب!!! فلماذا لم تنفى هذه التهمه ولماذا قبلتى أن يتحدث أحد بلسانك رغم أنك موجوده ولديك القدره على الحديث والرد على مايكتب اليك وقد قمتى بالرد فعلا على حديثى؟

أما هذا

Quote: بدل ما توصيها بأكاذيبك التي تخجلي من قولها مباشرة للناس , يجب أن تكون لديك انت الشجاعة لتواجهي أولئك بكلماتك أنت و من فيك مباشرة . و أني لك الجرأة و أنت تختفين خلف أسم مستعار

ان تكرر مره أخرى أو حدث ان تداخلت معى بهذه الصوره أو كتبت لى أى شتيمة أخرى تأكد أنى سأرفع شكوى لمالك المكان.
ان كان من حقك التداخل مع من تريد ومحادثة من تريد حتى ان كان من تحادث لا يرغب فى حديثك ولا يرغب فى أى حوار معك ولم يحدث أن تداخل معك فى أى من البوستات. فليس من حقك أن توجه حديث عدائى أو توجه شتيمة لمحدثك. ولن أرد على ما تكتب لانه لا يستحق الرد عليه. وأحتفظ لنفسى بحق رفع شكوى ضدك ان تكرر سبك لى.

smilewomen
ألم تكتبي هذا:

Quote: الاخت تراجى كنت أتمنى أن تكونى صادقه مع الناس الطيبون الذين أشعلت الساحه هتافاتهم من أجل دارفور. لانهم يستحقون أن نتحدث اليهم بصدق ولانهم صادقون ويعتقدون أن مسألة الصدق دى مسأله مفروغ منها. ولذلك يصدقون ما يقال لهم وما يصل الى أذانهم من أن هناك حرب عرقيه واباده عرقيه تحدث فى دارفور. ولا يعلمون أن الامر لا يتعدى عدد من المنتفعين ومحبى أنفسهم ومتطلعين الى السلطه والثراء من جانب الحكومه فى الخرطوم بملشياتها وثوار دارفور وملشياتهم. وكنت أتمنى أن يكون لديك من الشجاعه الشيئ الكافى لتعلنى لهم أن مواطنون دارفور يقتلون ويشردون بسبب أطماع بعض النفوس المريضة التى لا يهمها شيئ غير أن تصل الى السلطه والثراء. وكنت أتمنى أن تقولى لهم أن أيدى الجميع ملوثة بدماء الابرياء وخاصة أؤلئك الذين يتاجرون بقضاياهم عالميا من أجل منافع شخصيه. كنت أتمنى أن تخبريهم أن أبناء دارفور أنفسهم مشاركون فى قتل اخوتهم فى دارفور ولا يطرف لهم رمش لمعاناة الناس الغلابه فى درافور والذين امتلات بهم المعسكرات فى ظروف حياتية صعبه وقاهره لا تتوفر لهم فيها أبسط مقومات الحياة.

الم كتبي هذا يا smilewomen
قضية دارفور قضية عادلة برغم محاولاتكم البائسة و اليائسة من قتلها.
خمسين سنة من الذل و القهر و الأستعلاء كفاية .
أنت هنا تتجنين علي ثورة أقليم كامل و سكان أقليم كامل . .. وتريدينني أن أسكت ؟
علاقتك الشخصية مع تراجي لا تهمني ... يمكنك أن تتحدثي معها عن آخر موضة أو عن الوان المكياج و صدقيني سوف لن أتدخل . و لكنك ثقي ثقة مطلقة أنك عندما تدلفين الي قضية دارفور و تحطين من قدر ثورة دارفور و أهلها و تزورين الحقائق بأن القتل حدث بأيدي الدارفوريين و ليس لأي قبيلة في أفريقيا سلاح جوي و مدرعات و جيوش و أستخبارات .. عندما تنشرين هذا التضليل هنا و في عالم السايبر و في المنبر العام فتمارسين بروباقندا الجلابة الصدئة لخنق تطلعاتنا و تشويه ما نقاتل من أجله ... سوف أرد بما أراه أنا مناسبا و ليس كما ترينه أنت مناسبا .. و أمشي أشتكيني لصلاح قوش أو علي عثمان أو البشير.
لا تريدينني أن أتداخل معك .. حسنا ... لتتوقفي أنت .. لأن هذا منبر عام.. عااااام ...
أذا لتتخيري مواضيعك و مداخلاتك أنت ... بدلا من صرف أوامرك للآخرين .
Darfur cause is not a free ride for you or your ilk. x
If it is too hot for you in the kitchen, GET OUT OF IT. x

Quote: رد فعل الأخوة المهمشين عامة والجنوبيين خاصة بفقد د. جون قرنق كان متوقع لأنه نابع من الطبيعة الأنسانية في هذه الحالات (الصدمة و الغضب) . و ما تنسي المرارات المتراكمة لنصف قرن و سببها انتم يا الجلابة .

محمد سليمان ميه مرة قلت ليك بطل اللف ودوران
ياخ اعمل باصلك وبطل الخلط البتعمل فيهو دا

ما تقعد تتهرب من الموضوع بنفس اسطوانتك القديمة دي جلابة ومرارات ياخ مليون مرة
قلنا ليك ايوه فى مرارات وفى أي شي غير انساني حدث فى السودان. وكان السبب فيهو
حكومات ديكتاتورية لاتمثل هذا الشعب وانما تمثل نفسها فقط. فما تجي بفهلوة منك تستخدم
فى مصطلح الجلابة حتى تبرر ما حدث من قتل فى السودان بعد رحيل الدكتور جون قرنق
اختشي ياخ دا كلو عشان تراجي ليه؟؟؟؟؟؟؟؟؟

عارف انك فاشل تماما فى انو تجي ترد ليك رد بعيدا عن حديث الجلابة دا
او أي واحد كان عامل فيها انساني زيك، عارف ليه؟؟ لانو بتجامل عايز تقلب الحقائق عشان خاطر
صحبتك تراجي وبس ما عشان بتهمك دارفور ولا السودان. ودا السبب الخلاني اني اذكر الاخ
محمدين اسحق دونكم لانو انسان بمعنى الكلمةولايعرف الحقد او الكراهية وال 48 ساعة زي ما كشفت معدنه الاصيل للكثيرين من اعضاء المنبر فضحتكم انت وتراجي وبشاشا ومن هم على اشكالكم ايضا.
منظرك اصبح بايخ ومخجل لانو كلو عبارة عن مجاملة بحتة حتى هذه اللحظة لم تخرج
عن دائرة الشخصي للأسف الشديد فى دفاعك عن صديقتك تراجي وعلى حساب قضية شعبك
ياخ اتعلم من محمدين اسحق كيف تتصالح مع نفسك والحق، عشان تنفع نفسك فى الاول بعد كده تعال فكر فى اهل دارفور والسودان عموما

Quote: بل أنا تربيت على نهج سيد الخلق أجمعين..صلى الله عليه و سلم.. الذي وضع أساساً واحداً للتمييز بين الناس.. عندما قال أن الناس سواسية كأسنان المشط.. لا فضل لعربي على أعجمي إلا بالتقوى..

Hope everybody behaves and think like you sister Sana..
Thanks alot

أخي الفاضل محمد سليمان

Quote: فرضتم حصارا تجاريا علي حدود دارفور بمضايقة أبناء دارفور من التجار و قطعتم عليهم طريق التجارة مع مصر ( بضمكم لتلك الأرض الدارفورية التي كانت تجاور مصر ) و أضعفتم محطات الجمارك مثل مليط لحد الموت و ذلك بتحويل مداخل البضاعة و التجار و العمالة كلها الي دنقلا برا و جوا ... عطلتم العمل بمطارات الفاشر و نيالا و الجنينة ( كلها موانئ جوية حيوية لتعطل السفر البري في موسم الأمطار ) و حولتم الآليات و الميزانيات و المهندسين لتحويل مطار دنقلا الي مطار دولي .. مطار في قلب الصحراء و بعيدا عن الكثافة السكانية و مناطق الانتاج ... يحول الي مطار دولي علي حساب ثلاث مطارات تخدم أقليمامنتجا نائيا بأكمله . تبا لكم .

نسيت طريق الغرب ؟؟؟؟

كسر الثلج لكن بطل الطبيز ياكمندو
معزتي

السنجك كتب:

Quote: ما تقعد تتهرب من الموضوع بنفس اسطوانتك القديمة دي جلابة ومرارات ياخ مليون مرة

و كتب:

Quote: عارف انك فاشل تماما فى انو تجي ترد ليك رد بعيدا عن حديث الجلابة دا

السنجك .. الحقيقة بالنسبة لكم مؤلمة.
كيف يمكنني أن أتحدث عن جذور مشاكل السودان منذ الأستقلال دون أن أتعرض الي مسؤولية تلك الشريحة التي أختارها المستعمر أختيارا أنتقائيا لتسليمهم أمر السودان ( السودنة) فهيمنوا علي مقدرات و رقاب الناس من يومها؟
أنت كمن يطلب مني أن أتحدث عن فظائع الحرب العالمية الثانية دون ذكر هتلر و الحزب النازي !!!
عندما تضيق من الأجابة لحد رد الفعل الهستيري ... هذا يدل علي أن سهم الحقيقة قد أصابكم في مقتل .
كل هذه الجلبة و الضوضاء منك ليس أشفاقا منك علي أهل السودان بالخرطوم بل هي محاولة يائسة منك و من أمثالك للتغطية علي المذابح الحقيقية التي أرتكبت أمامكم من قبل حكومة يسيطر عليها أهلوكم .. هذه المجازر رأيتموها في الفضائيات و الأنترنت و كل وسائط الأعلام.
قل لي يا السنجك : لماذا لم نري هياجكم و شدة أنفعالكم عندما كنتم تعلمون بالمذابح و الحرق في: لبدو , مارلا , شعيرية , طويلة , كورما , فوراوية , كرنوي , هبيلة , مستري , تور , أنكا , كلبس ...........................
هذه بعض من مواقع المذابح التي أستمرت ليست ليومين فقط بل لعامين متواصلين ... لم تتوقف أعداد الذين قتلوا الثلاثين بل تعدت الثلاثمائة الف نسمة ...
أين كان حماسكم و أنسانيتكم يا السنجك ؟؟
العالم يراكم أنتم الشيطان في صورة أنسان .
هذه المذابح موثقة ... و تمت بتخطيط ماكر و نفذت بخبث و قسوة بنية الأبادة الكاملة .
تأتي هنا لتعبر عن ضيقك بتذكيرك أن مصائب السودان هي وليدة ثقافة القتل التي تبيح أقصاء الآخر عن الوجود ببساطة لأنه في عرفكم أقل مرتبة من أنسان .

Dr.Mohammed Ali Elmusharaf

Quote: نسيت طريق الغرب ؟؟؟؟

أنت لسه ما رميت الباسيفير هذه Pacifier ?
الحكومة الوطنية جاية .. و نحن دايرين نعرف الحقيقة كاملة ... يا المشرف عندما يقرر علي الحاج التخلي عن ( خلوها مستورة ) ستفاجأ أن من سترهم هم كبارك أنت .
لكن أسألك سؤال برضو: أنتو قروش البترول دي بتودوها وين ؟؟؟؟؟؟؟؟؟؟

محمد سليمان

تحياتي

اليوم الاحد ويا جماعه ده اليوم الوحيد الاجازه عند محمد سليمان

خلوه يشوف وليداتو ومرته بدل المناكفات دي.

محمد يا اخوي

وان لنفسك عليك حق.

ناس النت ديل انساهم بالذات (شلة الانس) دي.

اه النديك الاخبار

انت ما ملاحظ من البارحه وانا غايبه من البورد

كان في ندوه ممتازه تحدث فيه عضو البورد د. القاضي

وعارف السراني شنو

يا زول في (شماليين) كثر متصدين لقضايا العنصريه بتطرف اكثر مني ومنك

غايتو جنس السمعته امبارح ده

وحياتك عنصريين البورد ديل الا يشوفوا ليهم بلد غير السودان

لكن السودان الجديد ده ما بقدروا يعيشوا فيه.

يازول كلام ببسط شديد

وحاتك انا شدة ما مبسوطه لما ما عرفته انوم من الفرح

ياخي قول معاي الله يكثر المستنيرين الحقيقين في السودان

والباقي بحكي لك في التلفون.

تقديري ومحبتي

وكيه في السنجك واشراته القذره

تراجي.

ألحبيب محمد سليمان

Quote: الحكومة الوطنية جاية .. و نحن دايرين نعرف الحقيقة كاملة ... يا المشرف عندما يقرر علي الحاج التخلي عن ( خلوها مستورة ) ستفاجأ أن من سترهم هم كبارك أنت .

أتمني ان تاتي الحكومة الوطنية ليتم محاسبة الكل....لاحظ يامحمد الكل حتي البقو عدل ومساواة ومؤتمر شعبي...اتمني ان تكون المحاسبة ورد الحقوق من يونيو 89 ولا عفا الله عنما سلف .

Quote: لكن أسألك سؤال برضو: أنتو قروش البترول دي بتودوها وين ؟؟؟؟؟؟؟؟؟؟

ما تبقي راجل كيشه ياابوحميد ...لو انا بعرف قدر ده البخليني قاعد في هولندا شنو؟؟؟؟ كدي امشي تم ونستك في التلفون وده البخليك تتبظ .
مودتي

Quote: خمسين سنة من الذل و القهر و الأستعلاء كفاية . أنت هنا تتجنين علي ثورة أقليم كامل و سكان أقليم كامل . .. وتريدينني أن أسكت ؟

محمد سليمان/

أنا من هذا الإقليم سعادتك (والي دارفور ومانح جنسياتها) قدس سرك.

وهمسه من مواطن له أهل بجوار معاليكم أخاف عليهم المزيد من الفتن والمحرقه.


أطلب منك وضع حد لهذا النفاق معاليكم (حفظكم الله) وجعلكم ذخرا لدارفور لا وبالا عليها!

Quote: الم كتبي هذا يا smilewomen قضية دارفور قضية عادلة برغم محاولاتكم البائسة و اليائسة من قتلها. خمسين سنة من الذل و القهر و الأستعلاء كفاية . أنت هنا تتجنين علي ثورة أقليم كامل و سكان أقليم كامل . .. وتريدينني أن أسكت ؟ علاقتك الشخصية مع تراجي لا تهمني ... يمكنك أن تتحدثي معها عن آخر موضة أو عن الوان المكياج و صدقيني سوف لن أتدخل . و لكنك ثقي ثقة مطلقة أنك عندما تدلفين الي قضية دارفور و تحطين من قدر ثورة دارفور و أهلها و تزورين الحقائق بأن القتل حدث بأيدي الدارفوريين و ليس لأي قبيلة في أفريقيا سلاح جوي و مدرعات و جيوش و أستخبارات .. عندما تنشرين هذا التضليل هنا و في عالم السايبر و في المنبر العام فتمارسين بروباقندا الجلابة الصدئة لخنق تطلعاتنا و تشويه ما نقاتل من أجله ... سوف أرد بما أراه أنا مناسبا و ليس كما ترينه أنت مناسبا .. و أمشي أشتكيني لصلاح قوش أو علي عثمان أو البشير. لا تريدينني أن أتداخل معك .. حسنا ... لتتوقفي أنت .. لأن هذا منبر عام.. عااااام ... أذا لتتخيري مواضيعك و مداخلاتك أنت ... بدلا من صرف أوامرك للآخرين . Darfur cause is not a free ride for you or your ilk. x If it is too hot for you in the kitchen, GET OUT OF IT. x

رغم أنى لا أريد الدخول معك فى أى نقاش أو حوار لانى لا أرى فيك شخص ملم بأبسط أصول الحوار والنقاش وهو احترام رأى الاخر وعدم الاساءه للاخرين مهما وصلت درجة الخلاف فى الرأى. ولكن سارد عليك فقط هذه المره كنوع من الاستثناء تفرضه الضروره.

Quote: أنت هنا تتجنين علي ثورة أقليم كامل و سكان أقليم كامل

أرجوك تحدث عن نفسك فقط فلا أظن أن أهل هذا الاقليم أو ذاك فوضوك للتحدث باسمائهم. وأرى بعض من أهالى الاقليم الذى تتحدث عنه مستاؤون مما تكتب مما يدل أنك لست ناطق رسمى باسمهم ولم يتم تفويضك من ايا منهم.

Quote: وتريدينني أن أسكت

لا أريدك أن تسكت والله. ولا أسكت الله لك حساان كنت لا تريد شرا وان لم يكن فى حديثك ما قد يكون سببا فى تأجيج نيران الفتنه وقتل وتشريد أناس أبرياء. ولكن أتمنى أن تتذكر فقط أنك كلما أردت التحدث فى شيئ من شأنه اشعال نار الفتن وبث الكره والبغضاء بين الناس والذى استشفيته من كثير من كتاباتك وكمثال فقط حديثك هذا

Quote: خمسين سنة من الذل و القهر و الأستعلاء كفاية

أرجو أن تتذكر أنه كلما استمر القتال فى دارفور كلما ازداد عدد القتلى والمشردين وكلما استمر نزوح الاهالى منها.
(ان كان حقا يهمك أمرهم)

وهؤلاء الناس البسطاء الذين فوضت نفسك للتحدث بأسمائهم عندما يشتد ا لقتال ويشتد القذف ويضطرون للنزوح فلن تتمكن الغالبيه منهم من النزوح الى كلفورنيا أو مدن أوروبيه أخرى ولكن للاسف سينتهى بهم المقام باحدى معسكرات اللاجئين بتشاد أو على الحدود فى ظروف معيشيه صعبه لن تتوفر لهم فيها أبسط مقومات الحياة. وبينما ينعم غيرهم ممن يأججون نيران الفتنة بالحياة الكريمه فى كلفورنيا وغيرها من المدن الكبرى فى العالم ويتلقى أبنائهم أفضل التعليم فى أفضل المدراس سيكونون هم فى تنقل وترحال دائم من خيمة الى أخرى دون استقرار ودون تعليم لابنائهم.

تذكر فقط كم من أطفال دارفور الان لا يذهبون الى المدارس لانه ببساطه لا تتوفر هذه المدارس بمعسكرات ومخيمات اللاجئين. تذكر الكم الهائل منهم الذى سيحرم من التعليم وكم منهم قد تيتم وكم عدد الذين شوهت أجسامهم أو بترت أطرافهم بسبب القذف وغيره. تذكر هؤلاء البسطاء وتذكر أن تأجيج الفتن واستمرار القتال والحروب لن يزيدهم الا بؤسا ومعاناة.
فهل هذا عدل؟!! من يعيش فى كلفورنيا وينعم بحياة كريمة وينام قرير العين هو وأطفاله ثم يستيقظ صباحا ليؤلب النفوس ويبث الكره والبغضاء فيها. ويتاجر بقضية على أنها قضية عنصرية وقضية عرقيه رغم بعدها تماما عن هذا المسمى ويسهل من أمر التدخل الاجنبى فى وطن هو وطنه لكنه لا يهمه ان تم حرقه أو تم تدميره طالما أنه لن تقع قذيفه فوق رأسه ولن يهدم له منزل وطالما أنه يعيش فى البعد فى مأمن ويحلم باليوم الذى يأتى فيه الامريكان لتغيير الحكم فى السودان ويجد لنفسه منصبا رفعيا لانه كان يناضل من الخارج. وعندما يحظى بالمنصب الرفيع سيكون أخر ما يخطر على تفكيره أو باله تلك البقعه البائسه من الارض والتى تسمى دارفور ولن يلقى بالا لها لانه قد حقق أحلامه عندما حظى بمنصب رفيع والذى بالتأكيد سيمكنه من بناء منزل جميل فى العاصمه وسيارة فارهة ويعيش فى رفاهية ظل دائما يحلم بها ويتمناها وعندما ينال مناه سيتنكر حينها لابناء جلدته ويتعامل معهم باستعلاء وترفع. فهو الشخص الراقى القادم من كلفورنيا وابنائه درسوا مدارس أمريكيه لا يجب أبدا أن تكون له صله بهؤلاء البسطاء من اقليم دارفور البائس والذى كان هو احدى أسباب بؤسه واحدى الاسباب التى أدت الى تدميره وتدمير سكانه. وستغلق أبواب مكتبه فى وجه غلابة دارفور ويمنع سكرتيرته الجميله من توصيل أى مكالمات من هؤلاء الذين يدعون أنهم أقربائه من دارفور!!

Quote: و تزورين الحقائق بأن القتل حدث بأيدي الدارفوريين

الحقائق معروفه تماما حتى للامريكان الذين تنادون بتدخلهم. ولا يختلف فيها اثنان. القتل فى دارفور يمارس من قبل الحكومه فى الخرطوم وملشياتها وثوار دارفور وملشياتهم. وسبب هذا القتال الطمع فى المناصب والتمكن من السلطه. والحقيقه التى يعلمها الجميع (سواء صرحوا بها أم لم يصرحو) هذا القتال الدائر فى دارفور لا علاقه له بعنصريه أو عرق. ولكن كما ذكرت أنفا له علاقه وطيده بالحلم بالسلطه والرفاهية والحياة الرغده لمن يحلم بنصيب فى هذه السلطه. والحقيقه التى يعلمها الجميع أنه أن ثار أى جزء أخر من الوطن وان رفع أى من ابناء السودان السلاح فى وجه الحكومه الحاليه مطالبا بأى نوع من الحقوق لكان نصيبه القتل والتشريد.

وما تنسى الجاب الحكومه دى ومسكها زمام الامر فى السودان ما كان شمالى ولا علاقه له بالشماليه. والجهاز الذى عمل على احكام قبضة الحكومه على الحكم فى السودان هو جهاز أمنها وجميعنا يعلم أن نسبة كبيره من أبناء غرب السودان لهم مناصب قياديه فى جهاز الامن وغيره من أجهزة الحكومه وأيديهم ملطخه بدماء أبناء السودان من الشمال وغيره. فهل سنطالب بالثأر من أبناء الغرب جميعا لما جنت أيديهم أم سنطالب بالثأر من أبناء الغرب الكانوا شغالين فى الامن فقط وقاموا بقتل وتعذيب الالاف؟

Quote: يمكنك أن تتحدثي معها عن آخر موضة أو عن الوان المكياج

Quote: سوف أرد بما أراه أنا مناسبا و ليس كما ترينه أنت مناسبا .. و أمشي أشتكيني لصلاح قوش أو علي عثمان أو البشير. لا تريدينني أن أتداخل معك .. حسنا ... لتتوقفي أنت .. لأن هذا منبر عام.. عااااام ...

كل عضو له الحق الكامل فى اختيار أى نوع من المواضيع يرغب فى المشاركه فيها أو التحدث فيها.
وذكرت لك فى مداخلتى الاولى ليس من حقى أن أمنعك من التداخل معى وان كنت لا أرغب فى ذلك ولا أريده
ولكن ليس من حقك أنت أن تسيئ لمن تتداخل معهم كما تفعل معى الان ومع كل من يخالفك الرأى. وهناك حدود يجب أن لا يتعداها أيا منا.
ونعم من حقك أن ترد بما تراه مناسبا ولكن فى حدود قوانيين المكان الذى يأوينا والذى يمنع أى نوع من الاساءات بين الاعضاء.
ويعطى الحق للمتضرر برفع شكوى لمالك المكان
وعندما يأتى أوان رفع الشكوى سأرفع شكواى لمن فى يده السلطه لتنفيذ قرارات المنبر.

هذه أخر مداخله لى معك كتبتها لانى رأيت أنها ضروريه لتعلم أن من حقى أن أكتب فى أى موضوع أحب الكتابه فيه دون ان يتعرض لى أحد باساءه
وانك ليس من حقك أن تسب أو تسيئ حتى ان كان رأى المتحدث لا يروق لك.
وكتبت أيضا للتأكيد على أنى ليس ممن يضلل الناس لانى أشرح لكل من يسألنى من غير السودانيين عن حقيقة مشكلة دارفور أشرح لهم حقيقة الامر بكل صدق وبأمانه وضمير وذلك حتى لا ينجح التيار الذى يرحب بتدخل أجنبى ليأتى بهم للحكم حتى ان كان فى ذلك قتل وتشريد لابناء جلدتهم. وحتى لا ينجح نفس التيار فى نشر معلومات لا تمت للحقيقة بصلة من أجل مكاسب شخصيه.


الاخت سناء أعتذر لك أن كنت خرجت عن موضوع البوست الاساسى.

فوق ..

لكشف المزيد من اصوات تجار الحرب والدمــار.. والمرتزقة دعــاة الفتنة وتمزيق السودان

Thanks smilewomen I expereince the same here and people ask me about Darfur and i do/say the same. It's just dirty pilitics. Got nothing to do with race or anthing like that. Nezar Gabani once said: Politics is like prostitution... and this board proves it to me everyday.
My apologies if someone claims that he is from my darfur has insulted you this way. My advice to, never quit saying what you think is right.
Much respect

الاعــزاء Smilewomen وسعد الدين..
لكم التحية..
القليل فقط ممن يتحلون بالروح الوطنية وحب السودان وإنسان السودان من يتبعون هذا الخط الذي تقومون به من نشر التوعية وعدم تزييف الحقائق من أجل مصالح شخصية تخدم ذاتهم المريضة ويدفع ثمنها الاطفال والشيوخ والعزل بينما ينعمون هم ويكسبون من ورا ذلك ما يكسبون..
التحية لكم ولضمير الحق الذي بدا يلوح في الأفــق .. حتى ممن يعتقدون انهم سيأتون الينا على ظهور الاباتشي والمدرعات وحاملات الجنود لإرهابنا، من أجل اجندتهم..ومكاسبهم الذاتية.

تراجي

Quote: يا زول في (شماليين) كثر متصدين لقضايا العنصريه بتطرف اكثر مني ومنك ياخي قول معاي الله يكثر المستنيرين الحقيقين في السودان

يا تراجي حقيقة والله كل يوم بتجي تكتب فيهو كلمة بتفضحي نفسك اكتر واكتر
ودا البخليني واي زول فى المنبر دا
فعلا أتساءل ليه محمد سليمان بدفاع عن كلام بالمستوى دا؟؟؟؟؟؟
لو في زول عايزه منو نصيحة ارجعي للأخ محمدين اسحق
فالرجل نفسه عالية وكبيرة ومحترمة وتربأ عن الشخصي كثيرا.
ام بخصوص حديثك الاخير دا بنصحك بمراجعة بوستات(العنصرية السوداء)

لانو بصراحة المجاملات الما عندها مبرر واضح
فى مثل هذه القضايا بكون شكلها مش حلو ولا مسئول وبكرر مش حلو خالــــص


محمد سليمان

طبعا عايز تعمل ليها فيها شاطر

اسمع ما بفصل ليك أي حاجة واتحدث عن تاريخ السودان كلو ما تنقص شي منو
لحدي ما تصل الى فترة رحيل د. جون قرنق الآن. اوكي

الواقع المرير الحصل بسبب الحكومات التى تعاقبت على حكم السودان منذ
رحيل المستعمر والى الآن ما علاقة الشعب السودان وبكل طوائفه وثقافته
واختلافاته به؟؟؟؟
ما تقعد تلف وتدور.

فترة ديمقراطية لم يتمتع بها أي انسان سوداني وهجم عليها وحوش
السلطة مرة اخرى قبل ان تحبو لبضع خطوات. وانت عارف كده كويس

موضوعنا هنا عن دفاعك غير المبرر إطلاقا عن قتل حدث. حتى الحركة الشعبية
رفضتو تماما ووصفته بانه عمل همجي ووحشي وغير مسئول اها ناس الحركة
ديل جلابة يا اخوي؟؟؟

ناس الحركة ديل عاشو فى السودان دا بمعزل عن أي واقع بتتحدث عنه هنا؟؟؟؟؟؟؟؟؟

محمد سليمان دا لف ودوران منك ولوي لعنق الحقائق وبكرر ليك مافي سبب واضح
للبتعمل فيهو دا. ومن ربنا خلقني ما شفته لي مجاملة بتصل لمستوى زي دا والله!!

ياخ ما تحترم أي زول فى المنبر دا بس على الاقل احترم اهلك فى دارفور مش ديل انت بتناضل
عشانهم برضو ديل ما بستحقو منك احترام؟؟. ما ممكن تتفه قضيتهم بمواقفك المهزوزة
دي وتصحح الخطأ الشنيع بسبب اعتبارات شخصية لايعرفها غيرك. الموضوع اكبر من كده كتير

يا محمد سليمان

Quote: فوق .. لكشف المزيد من اصوات تجار الحرب والدمــار.. والمرتزقة دعــاة الفتنة وتمزيق السودان

فضل شئ تاني مما مكشوف يا تمبس يا أخوي!
غايتو يا سناء يا أختي عرفت ليك واحد منهم بس أعملي حسابك ما يوصوهو عليك


تحياتي
محمد علي

والله يامحمد انا ما عارف المسلسل ده ح يستمر لي متين
..
.
والشي البيحيرك لسه مصرين يشيلونا القفة ويحكو لينا عن النضالات المزيفة

أختي الحبيبة Smilewomen

لا أعتقد أنك خرجت من موضوع البوست..

بل حديثك هو في لب الموضوع..

أجد نفسي أتفق مع كل كلمة كتبتها..

حتى أنني أحس أنك عبرت عما في ذهني بكلماتك..

أرجو أن لا تمتنعي عن كتابة رأيك هذا ..

مهما احتجت لتكراره..

...

و أشكرك كثيراً على تحمل الإساءة لإيصال رأيك هنابصراحة ...

Quote: أحلم بوطن كبير القلب , يملؤه الحب.. يا الفي الشمال صباحكم خير .. يا الفي الجنوب مساكم نور.. يا الفي الشرق منك سماح و باعتذر, يالفي الغرب حقك علي.. تقصيري نحوك ما لو حد.. يالفي الوسط ياكا السند ياكا العضد أمسك قوي أوعى عقدك ينفرط ..

هذا ليس من عندي.

إنه من عند بروفايل الأخت سناء خالد.

ولا أظن أن الأخت تراجي
والأخ محمد سليمان
ما داما أصحاب قضية، يستغنيان عن إستيعاب هذا القلب الكبير والقلم الحكيم بالحوار الهادف حتى لو كان الموقف خارج عن المألوف.

وإلى أختى سناء أقول
أعطي مزيداً من مساحة المحبة لأختك تراجي وأخوك محمد سليمان من منطلق مقولة ارنستو تشى غيفارا

لا يهمني متى واين سأموت.
لكن يهمني ان يبقى الثوار منتصبين،
يملأون الارض ضجيجا،
كي لا ينام العالم بكل ثقله فوق أجساد البائسين والفقراء والمظلومين .
ارنستو تشى غيفارا


نحتاج كوطنيين أن نعطي مساحة للمظلومين تستوعب غضبهم، وأن نعطيهم مزيد من الثقة فهم لن تسمح لهم سودانيتهم، عندما يستنجدوا بقوى الخير في العالم، بأكثر من النيل من الظالم الذي يحتمي بكراسي السلطة
وبصمتنا.


ويحتاج الثوار أن يميزوا في هذا الخضم بين الظالم والمظلوم، بين العدو والصديق. لأن الأقلام تثمر أحياناً أكثر من البنادق.


ونحتاج فعلاً، في هذا الخضم، أن نعرف الحقيقة.


وإلى مزيد من الحوار الهادف.


والتحية للجميع.


العوض الطيب