Post: #1
Title: صيدلية حرقت بصاحبها... وابنى خالتى مرقنو كرعينو
Author: abuguta
Date: 08-03-2005, 01:52 AM
ابن خالتى يملك سوبر ماركت فى لفة الكلاكة...شاب مكافح يملك اسرة كبيرة تعول عليه فى كل شىء
حين راى الهجوم الكاسح من ناس السودان الجديد قال احسن يقفل بقالتة ويتخارج...اذا به يلمح الصيدلية فى الشارع المقابل حرقت بصاحبها خريج كلية الصيدلة ..والبقالة المجاورة ومعهد الكومبيوتر اشتعلت فيهن النار.والدور ماشى عليه ولا مجال لقفل البقالة..خت جلابيتو فى خشمو وركب الشارع...فوجد نفسه فى تفتيش جبل اولياء..لكن هنالك الغليان من تجمع قرى الانقاذ..فقال اخير ياخذ الدرب التحت..يعنى درب البحر...فوجد هنالك سباق من جمع غفير جائزته...الحياة...اين هى الحياة وجدتها فى قرية نائية من قرى الجزيرة ليس فيها مدرسة ولا معنى للحياة بمفهومها الجديد..فكان ان اكرمه صاحب الدار بكسرة بموية وقا له لا تخاف قد نجوت من القوم الظالمين ..وانتظر يوم الخميس وتمشى السكة ديك..بهناك بتجى بكاسى ابقوته..فقال ليه اخير الحق امى قبل تموت اذا سمعت بحرق البقالة.فالان يتضرع فى الحى
ويدوبى ساى
البندر كتل وفوانيسو
البوقتن ماتن..
|
Post: #2
Title: Re: صيدلية حرقت بصاحبها... وابنى خالتى مرقنو كرعينو
Author: بدرالدين شنا
Date: 08-03-2005, 03:37 AM
Parent: #1
| Quote: قد نجوت من القوم الظالمين |
يا ابوقوتة حمداً لله على سلامة الراجل وربنا يعوض الآخرين ويشفى المصابين ويرحم الشهداء ويكرم السودان بسلام حقيقي
تخريمة
قلت لي زولك فك البيرق غايتو لو كنت أنا محلو كان قبضوني بي كرشي وركبتي الواجعاني دي
لكن ود خالتك دا تاني الخرطوم دي إلاَّ يجيها مغبي لكن صاحي كدي الله أعلم
|
Post: #3
Title: Re: صيدلية حرقت بصاحبها... وابنى خالتى مرقنو كرعينو
Author: الطيب شيقوق
Date: 08-03-2005, 03:47 AM
Parent: #2
بدر الدين كيفك والله اضحك من كلامك وانا مذبوحا من الالم
اها دحين يا بدر سرك ود الضو ده في امل يجي الخرطوم تاني عشان يرتب للرجعه وريني سرييييييييييييييع
عمر امبارح جاب تلفزيون ود الضو راجع من المطار بعد عرف تكلفة الوزن تجاوز قيمته في السوق.
|
Post: #4
Title: Re: صيدلية حرقت بصاحبها... وابنى خالتى مرقنو كرعينو
Author: abuguta
Date: 08-03-2005, 04:04 AM
Parent: #3
بدر
وينيييييك يابركة
زولى دا تانى مو جاى الخرطوم
خلاص مخضر حواشتو ساى
لكن زولك ود الضوء دا زى ما قالك الطيب
بجى بعمل الاجراءت كيف
قلت لى كيف ياالطيب اظاهر مشترنو من الحراج
ولا شنو..حتى لو وصل المطار بكسروه ناس السودان الجديد
خالص لبدر والطيب
|
Post: #5
Title: Re: صيدلية حرقت بصاحبها... وابنى خالتى مرقنو كرعينو
Author: بدرالدين شنا
Date: 08-03-2005, 04:16 AM
Parent: #3
صديقي الأستاذ الطيب شيقوق
سلام ودعوات صادقات بأن يلطف رب العالمين بأهلنا في السودان ويفرج الكرب ويسكت نار الغضب ويحكم صوت العقل لدى الجميع
| Quote: اها دحين يا بدر سرك ود الضو ده في امل يجي الخرطوم تاني عشان يرتب للرجعه وريني سرييييييييييييييع |
أتمنى أن يحدث ذلك سرييييييييييييييع
|
|