Post: #1
Title: كيف تحدثون عن الديمقراطية مع شعب كهذا?
Author: Unabomber
Date: 08-02-2005, 04:29 AM
ما حدث و ما ذال يحدث الآن بالعاصمة أثبت قطعآ أنه لا و لن تنفع ديمقراطية أو حزبية فى السودان، حكومة العسكر و سياسة القبضة الحديدية هى الحل الأمثل لحكم السودان، و كما أتينا بالقوة لن نخرج بغيرها
|
Post: #2
Title: Re: كيف تحدثون عن الديمقراطية مع شعب كهذا?
Author: Unabomber
Date: 08-02-2005, 04:31 AM
Parent: #1
المقصود:
كيف تتحدثون عن الديمقراطية مع شعب كهذا?
|
Post: #3
Title: Re: كيف تحدثون عن الديمقراطية مع شعب كهذا?
Author: A.Razek Althalib
Date: 08-02-2005, 04:57 AM
Parent: #2
| Quote: ما حدث و ما ذال يحدث الآن بالعاصمة أثبت قطعآ أنه لا و لن تنفع ديمقراطية أو حزبية فى السودان، حكومة العسكر و سياسة القبضة الحديدية هى الحل الأمثل لحكم السودان، و كما أتينا بالقوة لن نخرج بغيرها |
هيع ود أبوك....
البقاري... الماكن..
وماك هين...
وسع صدرك حبتين....
الديمقراطية..
سمحة بالحيل..
و.. الناس بترسم في دروبها.. برواقة..
هذه المرة ليست..
الأولى التي يبتلى فيها بلدنا السودان..
والدهب بيجمر بالنار..
وطول بالك شوية...
مع دعواتنا لكل من خرجت روحه..
وشهدنا له بنبل الهدف..
والعظمة لله..
|
Post: #4
Title: Re: كيف تحدثون عن الديمقراطية مع شعب كهذا?
Author: Unabomber
Date: 08-06-2005, 04:18 AM
Parent: #3
يا أبرزقة و نعم الله العظمة لله وحده، ولكن
كيف تنفع ديمقراطية مع شعب متخلف، ما تفهمنى غلط، أنا سودانى ذيك و أهلى عن بكرة أبيهم خدموا السودان لآخر رمق، ما فينا أى تجار و لا سماسرة و لا سياسيين، يعنى أفندية حكومة للطيش، و الحقيقة إنو أى واحد داير إخدم نفسو و أهلو و ناس حزبو بس، الباقين طز فيهم، يا تدفع يا إتوكل يا ود العم، سرقة و محسوبية و رشوة و كل شئ، مافى وطنية يا معلم، الأحزاب بوظت السودان و علمتم الرشوة و المحسوبية، بعدين يا معلم الديمقراطية دى لاذم تتوفر ليها عدة عوامل ذى نسبة التعليم و العمالة و مستوى دخل الفرد و حاجات كتيرة تانى لا تتوفر فى السودان
صدقنى يا فردة، البترول طلعو العسكر، السلام حققوا العسكر، التنمية، التعليم، الإتصالات، تركيب العربات،..... ألخ لم يحدث إلا فى عهد العسكر، الناس ديل ما بجوا إلا بال.....
|
Post: #5
Title: Re: كيف تحدثون عن الديمقراطية مع شعب كهذا?
Author: A.Razek Althalib
Date: 08-06-2005, 04:43 AM
Parent: #4
Unabomber
تحياتي يا الغالي...
| Quote: صدقنى يا فردة، البترول طلعو العسكر، السلام حققوا العسكر، التنمية، التعليم، الإتصالات، تركيب العربات،..... ألخ لم يحدث إلا فى عهد العسكر، الناس ديل ما بجوا إلا بال..... |
جيش واحد..
شعبٌ واحد...
والأمم العظيمة...
جيوشها عظيمة...
بخصوص الديمقراطية..
أو التوالي.. بحسب ما يسمى..
من أسماء..
هو عبارة عن..
نظم للدولة..
التي نفاخر
بسيادة القانون..
الكافلة..
لحرية الفرد..
فيها..
إضف ليها شوية بهارات..
لديمقراطية المؤسسة..
بيكون الناتج على حسب إعتقادي..
لا خلاف عليه...
دولة نفخر بالإنتماء إليها..
لأنها في أبسط علاتها.. ومدلولاتها..
بتسد الطريق قدام حلاليف الدنيا..
خاصة الناس القاعدين بتاجروا بقضايانا..
أمثال كوستاوي وخالد كودي..
وصاحبك دآآآآآآك..
القاعدين بيرسمو صور..
وبيعملوا معارض وبيقولو للعالم هذا المبرر..
لشغل العمالة والإرتزاق...
أتفق معاك..
بأن.
الأمة..
العظيمة.. في وعيها...
عظيمة في بنيها..
فلا تحكم على الأشياء..
أخي العزيز..
من خلال منظار واقع ردات الفعل الآنية..
نمضي..
وتمضي الأيام.. حبلى..
بميلاد كل جديد...
ودقات قلب المرء قائلة له..
أن الحياة دقائق..
وثواني..
بجييك على رواقة..
يا الحبيب..
تحياتي ومعزتي..
|
|