يا العجب .. شبالك عجيب..!! قصيدة

البسوي العجب العجيب

في الهلالاب لسعة دبيب

تهرد الفشفاش والقليب

شوفو في السماء كيفن كئيب

خوفي في رمضان لا يغيب

داريوكان القالوا لعيب

انهتك .. شناط عنقريب

اما ارباب الارابيب

دلعنا بي باسطة وحليب

ولي عصير التين والزبيب

ايدو جوه الجيب .. بس يجيب

والسفر لي لندن قريب

قولولو صبرك بس.. يا الحبيب

ديل يصدعوا رأس الرجاء

ديل يمكو مكوك تل ابيب

كان هرب «شدرابي» ونجا؟

كان ضرب .. يضربني الضريب!

يا العجب شبالك عجيب

غتا راس الريس سبيب

نام جمال ضارب الهمبريب

«والعديل» تحت العنقريب

هيثمين حايمين مناديب

كان اخير يجوا بالجلاليب

كوتة محترفين مضاريب

مرقوا لا مولد .. ولا حليب

بهجا ختاه سفاري في الجيب

والقلق سوا الهداريب

خلي ريكاردو يسب سبيب

عشرة شطار عرضوا الدليب

وبين حداشر طلقوا اللهيب

وبشتنوهن .. والله عيب

كلو من اعلام الضلال والاكاذيب

كجور .. وبخور وتنجيب

ويا العجب شبالك عجيب

نام جمال ضارب الهمبريب

والعديل تحت العنقريب!