Post: #1
Title: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-24-2005, 05:04 AM
عشان بس يكون حضوري للإمارات معلن
ونكسر الحجة على المتحججين
وحضوري بكل حب الى الإمارات
وأتمنى أن التقي بالكثيرين هنا والله واتشرف بدعوتكم في بيتنا
الخالدية - دائرة المياه - ت: 02-6345016 ( هوزي أو زيكو)
ومنتظرينكم ومعاكم معتز
التقيت بكل حب استاذنا الفنان حمزة سليمان وحرمه الوردة (مي)،، تشرفنا بزيارتهم لنا
والعزيزة زولة ( ايناس) ، وود الجيلي ( عاطف)، وود الدامر ( تاج السر)، ومجموعة من الاهل والاصحاب من خارج البورد..
وارسل تحياتي الحارة مودعة الاعزاء بورداب الدوحة جميعاً على رأسهم اسرة نادوس وابنوسة وشاعرنا مدني النخلي وايهاب وزوجته سلام ومعتصم الطاهر وهويدا ومريم بت الحسين وابوساندرا وود رملية ومحمد عبد الرحمن وود العباسية ولقمان همام ورقم صفر ومعاوية الزبير وأيمن عبد الرازق العريس وكيجا 2000 والكثيرين الكثيرين ما اكون نسيت ذكر اسم فالمعذرة
دمتم جميعا اعزائي
كل الود
|
Post: #2
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Muna Khugali
Date: 07-24-2005, 05:37 AM
Parent: #1
Good luck with your new home,
Muna Khugali
|
Post: #3
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Elmosley
Date: 07-24-2005, 05:38 AM
Parent: #1
يقدرو ياهوزي
كدي النشوف
|
Post: #8
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-24-2005, 07:55 AM
Parent: #3
تسلمي يامنى
كلك ذوق
دمتي
عزيزنا الموصلي
كدي النشوف غايتو
اها وانت متين الجية ما وريتنا!؟
لمن تكمل لينا قصة الرحلة اول مامشكلة بنستنا
دمت
|
Post: #4
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: بلدى يا حبوب
Date: 07-24-2005, 06:27 AM
Parent: #1
هوزى
حمد الله على الطلة مع التمنيات باقامة طيبة فى الامارات
تحياتى
|
Post: #9
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-24-2005, 08:32 AM
Parent: #4
بلدي ياحبوب
تسلم والله وكلك ذوق
|
Post: #5
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: serenader
Date: 07-24-2005, 06:35 AM
Parent: #1
أهلاً وسهلاً بك في الإمارات..
ولولا إنو شارع زايد طويل، ودوامي أطول، كنت ركبت جيتكم بالدرب..
صحي ما بنتعارف، لكن الترحيب واجب.. خصوصاًناس أمدرمان هم تاج راسنا..
تاني أهلاً..
(بوردابي حردان ليهو مدة)
|
Post: #6
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: شمهروش
Date: 07-24-2005, 06:38 AM
Parent: #5
هوازن وزيكو
مبرووك البيت تملوه بالبركة والعيال
|
Post: #7
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: nadus2000
Date: 07-24-2005, 07:37 AM
Parent: #6
الصديقة هوزي
الصديق الفاتح "زينة"
هنيئاً للأمارات بها، ودائم دعواتي لكما بالسعادة.
|
Post: #11
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: عزيز
Date: 07-24-2005, 08:46 AM
Parent: #7
الورد لمن يتفتح فى الإمارات
وأريجه يعم الكون حتى هولندا لها نصيب
والفرح يبقى موطن للحب
هوزى وزيكو
يامن نحب وسنحب
حفظكم الله
ورزقكم النعيم المقيم
وروحنا تحمل الحب ترفرف فى دياركم
هنا أم هناك الحى مصيروا يلاقى حبايبوا مادام صادقين
عزيز ورفاقه
وورود الدنيا
ليكم بكل الحب
مبارك الدار
ويارب زحمة عيال
وقناطير من الذهب والمال
|
Post: #10
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-24-2005, 08:42 AM
Parent: #1
serenader
Quote:
ولولا إنو شارع زايد طويل، ودوامي أطول، كنت ركبت جيتكم بالدرب
|
شارع زايد طويل بالغت فيها!!!
دي لكن كان الحجة على الدوام ما مشكلة في WeekEnd
يعني ماعندك عذر
والله احنا في تجهيزات البيت دي الساعة 8 مساء من أبوظبي لدبي وكمان مرات للشارقة عادي
ساعة ونص بس ماعندك طريقة ما بنعفيك
وين انتي بالله فعلا غايب من زمن
إنشاء الله الحردة فكت
شمهروش
تسلم ياذوق
نادوس
ما ودعتونا أركبو تعالو أبوظبي باركو لينا على الأقل
تسلم ياصديق كلك ذوق
دمتم جميعا
|
Post: #12
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: محمد عبدالرحمن
Date: 07-24-2005, 02:24 PM
Parent: #10
العزيزة هوزى
خالص التحايا ..
خبر مغادرتك للدوحة عرفته اليوم ، كنا نحتاج لان نحتفى بك ،
هذا الرحيل سيكون خصما على بورداب الدوحة ، وسيكون الفقد موجعا ..
اتمنى لكما اقامة طيبة وحياة سعيدة ... ويابورداب الامارات قد رمتكم
الدوحة بروحها وعبيرها والقها ..فأسكنوها حدقات العيون واحتفوا بها ..
محبتى هوزى وعميق التحايا لذيكو ..
|
Post: #13
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: معتصم دفع الله
Date: 07-24-2005, 03:43 PM
Parent: #12
خلاس يا هوزي عرفنا العنوان ..
يعني نجيكم على البيت عدل ..
نتمنى ليكم إقامة طيبة ..
تحياتي للحبيب زيكو ..
|
Post: #23
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-25-2005, 07:38 AM
Parent: #13
الاخ العزيز معتصم
كويس ما يبقى كلام ساي
في اول زيارة ما تعملها كلها دبي بس
أدينا في ابوظبي نصيب
تسلم والله
|
Post: #22
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-25-2005, 07:16 AM
Parent: #12
الاخ العزيز محمد
ياسيدي تسلم على الكلام الجميل وتحاياك واصلة والله
وكلك ذوق، والله فقدي لكم أكبر وأعظم ولكن بالتأكيد الأعزاء بورداب الامارات
حيكونو الدواء الشافي ...
أعرف ما بتقصروا وخصوصا أنك من أنشط بورداب الدوحة، والله بس الظروف والاشياء كانت عجالا فأعذرونا لعدم إخطاركم في وقته
عموما بالله ما تنقطعوا من بعض وخلوا حبال الود بينكم موصولة وخلونا نسمع اخباركم الحلوة
تحياتي والعزيز زيكو
دمتم
|
Post: #14
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-24-2005, 04:22 PM
Parent: #10
ياعزيز دنيانا
معقولة بس وين انت ياخي؟؟
والله مشتاقين عديل كده..
شنو يا باشا نفتش ليك لا ماسنجر لا تليفون
كيفك وسحورة ورزين ويزن
كيفكم بالله
والله إتمنيناكم معانابهنابالجد لكن للاسف قالو رتبتو اموركم بهناك
خالص التحايا
وتسلم على الكلام الجميل والدعوات الحلوة
وتحياتي للأسرة الكريمة وتحيات زيكو
ودمتم
|
Post: #15
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: ودرملية
Date: 07-24-2005, 05:15 PM
Parent: #14
سلامات
وعوافي
يازيكو وهوازن نحن نبقا جيرانكم ونعرف اخر ناس ... امانة ماقصرتو.. لكن ياحبان بنقول ليكم انشاء الله الدار مرحبة بيكم وعامرة بي اهلكم واصدقائكم واحبابكم .. وابقوا طلوا علي الدوحة (ماتغتسوا) في بلد زايد للنهاية ... تحياتنا الشديدة لي بورداب الامارات ...
ولكم الدعاء وغزير الاماني
|
Post: #16
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: ALGARADABI
Date: 07-24-2005, 09:25 PM
Parent: #1
نيابة عن زعيم البورداب فى الامارات الشمالية (محمد سيد أحمد)
وهو الان بالسودان...نرحب بيكم ونتمنى ليكم طيب الاقامة
ونتمنى نشوفكم فى أقرب فرصة حتى يكتمل التعارف
|
Post: #24
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-25-2005, 07:53 AM
Parent: #16
العزيز ودرملية
Quote:
يازيكو وهوازن نحن نبقا جيرانكم ونعرف اخر ناس ... امانة ماقصرتو.. لكن ياحبان بنقول ليكم انشاء الله الدار مرحبة بيكم وعامرة بي اهلكم واصدقائكم واحبابكم .. وابقوا طلوا علي الدوحة (ماتغتسوا)
|
والله احنا متلومين ما كلمنا الناس اسمحوا لينا
والله تاني وامسحوها لينافي وشنا
لكن الدوحة دي نغتس منها وين انا شخصياً
ماااااااااااااااااااااااااااااااااااااااااابقدر
سلمت
ALGARADABI
والله ماقصرت
تسلم
محمد سيداحمد غتس في السودان مع زولة وحمزة
بس انتو عرفتو العنوان ما بنعذركم
ما تتلومو ياناس الشمالية
|
Post: #17
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: abas
Date: 07-24-2005, 09:38 PM
Parent: #1
الاعزاء زيكو وهوزي
الف مرحب بيكم في الامارات
ومراحب كتيره يا هوزي وانشاء الله البلد ترحب بيك ترحيب خاص
وزي ما قال ليك القرضابي نيابه عن محمد سيد احمد
انا بقدم التهنئه نيابه عن بورداب العين الحلوه
|
Post: #18
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: keiga2000
Date: 07-24-2005, 10:59 PM
Parent: #17
الاخوان زيكو وهوزي
اتمنى لكم إقامة سعيدة في بلدكم الجديد وانشاء الله تكونوا سعيدين ومبسوطين ودي اكيده وكلنا على الدرب سايرون باذن الله في امارات الخير
وهنيئاً لبورداب الامارات بهذه الكوادر الخيرة النيره ودمتم ودامت السعادة
|
Post: #25
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-25-2005, 08:00 AM
Parent: #17
الكلام ليك برضو يا عباس
عاد كان قصرتو وما وصلتونا لحدي الخميس ده
بشيل حسكم في البورد ده
و.......
لووووووووووووووووول
تسلمو والله ما بتقصروا عارفه
|
Post: #19
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Yassir7anna
Date: 07-25-2005, 02:24 AM
Parent: #1
العزيزة هوزي
نعم البورداب هم بورداب الامارات وخصوصا بورداب ابوظبي وماجاورها، وما جاورها دي لحدي ام القوين، عشان ود الجيلي ما يزعل، فنعم الاهل والعشيرة هم
فهنيئا لك بهم وهنيئا لهم بك
وتحياتي لزيكو الشاب الظريف التقيته مره في ابوظبي في احدى لقاءات بورداب ابوظبي وما جاورها وقول لي ليه ياسر حنا بسلم عليك
لكم خالص الود والتحايا
|
Post: #26
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-25-2005, 08:11 AM
Parent: #19
العزيز كيجا تسلم والله
كلك ذوق ما بتقصر
العزيز ياسر حنا
كيفك بالله ؟ ويننننك مختفي ولا برضو يكون دي انا !!!!
والله ياخي تسلم بورداب الامارات فعلا ناس حلوين وعلى رأسهم بورداب أبوظبي
خصوصا طبعاً انت عارف مين، واخر زول ناس ام القوين وخصوصاً... انت عارف برضو مين طبعاً
أصلو كايسه لي مشكلة مع ود الجيلي ده
زيكو بسلم عليك شديد ويبلغك تحياته
وانشاء الله نشوفك في زيارة للامارات قريب
تسلم
ودمت
|
Post: #20
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: الزنجي
Date: 07-25-2005, 02:29 AM
Parent: #1
حبابك
البلاد نورت بوجودك
والوجيه زيكو
وفى انتظار اسهاماتكم
محمد عبدالله - الزنجي
دبي
|
Post: #21
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: مريم بنت الحسين
Date: 07-25-2005, 07:03 AM
Parent: #1
غايته انا بكل حزن دي ماااابشتريها .. حزن بتاع الساعه كم يختي؟
ربنا يجعله بيت مبارك .. ويهنيك فيه ويديك العافيه ويخليك ويخلي ليك زوجك...
وقت ماشه لراجلك طوااالي ماعندنا مشكله..
|
Post: #27
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-25-2005, 08:46 AM
Parent: #21
تسلم يا الزنجي والله
انتو هنا مقسمين بورداب الامارات لإمارات برضو ولا شنو
يعني يمكن بورداب دبي ما بيجو لبورداب أبوظبي
أنا غايتو عضوة كل الدولة
وتسلم تاني بس بالدرب احسن
مريومة والله ماقصرتي
قد أسعدني حقيقة إتصالك
وياستي عقبالك قريب طبعا انشاء الله 
لكن ووووووووووووالله بكل حزن دي جادة فيها جداً
الدوحة دي غير أسرتي وماما المنتظرة حضورها اليوم من الدوحة
عندي فيها تاريخ طويل بالجد تاريخ في كل حتة وكل شارع وكل ناصية وكل .........
ولووفة شديد بعيد عنك، ولما أحب ما بعرف أكره بسرعة ولا بقدر انسى
فمابالك انه ادمنت الدوحة، وحاأفضل وفية لها طول العمر
تسلمي ياستي
كلك ذوق
سلمتي
|
Post: #29
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: على اسماعيل
Date: 07-25-2005, 11:27 AM
Parent: #27
اولا مرحب بيكم فى الامارات - واتارى انا شايف الامارات نورت ليه ؟
ثانيا علمنا بمجيكم فقط من مداخلة فى بوست معتز - وكان الامر تووو ليت - رابعا لسع مافات شى وجماعة الاجازات فى الدرب خليهم يصلوا عشان نعمل ليكم الاحتفاء المناسب - رابعا اللوم على د. زوله 123 ما كلمتنا وعموما ما فاتت حاجة وسنصلكم انشاء الله
واخيرا
Quote: انتو هنا مقسمين بورداب الامارات لإمارات برضو ولا شنو
يعني يمكن بورداب دبي ما بيجو لبورداب أبوظبي
أنا غايتو عضوة كل الدولة
وتسلم تاني بس بالدرب احسن |
هنا انت ما اصبت الهدف بورداب الامارات كلهم حزمة واحدة ولكن بعد الماسافات احيانا ما بتساعد على اللمة ولكن سنحاول الانتصار على هذه المشكلة - ومرحب بيكم مرة اخرى -
وسلمتم- والى ان نلقاكم - لكم الود والتقدير
|
Post: #32
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-25-2005, 05:06 PM
Parent: #29
والله ياعلي حكاية مقسمين دي جابوها ليكم ناس دبي
اللي شايفين ابوظبي بعيدة وناس العين برضو شايفنها بعيد
قلت يمكن مقسمينها
والله احنا دايرينكم كلكم مع بعض من غير تقسيم
واحنا يادوب جينا بالمناسبة يعني لسه جداد من الورقة
واللمة عندنا واحنا اللي بنحتفل بيكم
بس ارفعوا رجليكم
وتسلم ياسيدي
|
Post: #28
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: lana mahdi
Date: 07-25-2005, 10:23 AM
Parent: #1
هوزي الحبيبة الغالية
دة أسعد خبر
ويا ناس الدوحة مصائب قوم............
بالله حولي التلفون دة من فاكس لتلفون
محبتي
|
Post: #31
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-25-2005, 04:57 PM
Parent: #28
هيييييييييييييي يا دي
انت هنا يا لنا
والله ياخي ما صدقت لما الفاتح قال لي انك في العين هنا
يابت والله الفاكس ده بنلغيه خالص
وعليك الله اتصلي تاني
ورسل لي في الماسنجر تليفونك
عليك الله
يازولة والله مكسب لي أنا
|
Post: #30
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: عاطف عمر
Date: 07-25-2005, 02:01 PM
Parent: #1
الأخت هوزي
الأخ زيكو
ترحب بكم الديار ونحن
إخوة وأصدقاء وإضافة حقيقية لبورداب الإمارت نتمناكم
أسعدكم الله وجعل هذا البلد سعداً لكم
عاطف / سعدية
|
Post: #33
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-25-2005, 05:15 PM
Parent: #30
استاذنا العزيز عاطف عمر والعزيزة سعدية
كلكم ذوق وتسلموا
وانتو مش بيجاي في البلد دي ولا كيف ؟؟
اها ورونا
وشكرا للمرور
دمتم
|
Post: #34
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: عاطف عمر
Date: 07-25-2005, 09:37 PM
Parent: #33
الأخت العزيزة هوزي
تحياتي صافيات
Quote:
وانتو مش بيجاي في البلد دي ولا كيف ؟؟
اها ورونا
|
نعم نحن في دبي ( القريبة جداً من أبوظبي )
عاطرالتحايا مجدداً لك والأخ زيكو وغالي الأماني بحياة سعيدة
وحمداً لله بوصول ست الحبايب الوالدة
|
Post: #39
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-26-2005, 02:48 AM
Parent: #34
الاخ العزيز عاطف
ياسلام عليك والله الله يسلمك
الوالدة والله شرفت أمس بالليل
مبسوطة خالص ببنتها في بيتهاطبعاً
والله بركة البقيتو قريبين شديييييد كده
دبي ده "تكلة" بس
يعني الخميس انت وسعدية بجاي
|
Post: #35
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: elameen
Date: 07-25-2005, 10:53 PM
Parent: #1
ربنا يوفقك في الامارات باقامة سعيدة وسط بورداب الامارات
امين
|
Post: #40
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-26-2005, 02:51 AM
Parent: #35
آآآآآآمييييييييييين انشاء الله يا امين
يسمع منك رب العالمين
تسلم والله
دمت
|
Post: #36
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: waleedi399
Date: 07-25-2005, 11:45 PM
Parent: #1
هـوزان ..
فأنا اقول ..
بكل الحب تغادرين بورداب الدوحة..
وبه تنضمين لبورداب الامارات ..
فاينـما حللـتِ ..
حللت أهلاً ونزلتي سهلاً
سودانيز أونلاين وطنٌ واحدٌ
في كل بقـاع الارضـ
نسأل الله أن يرد غربتنا
جميعـاً..
بنبنيه البنحلم بيه يوماتي
تحياتي الخوالـد للأخ زيكـو
|
Post: #41
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-26-2005, 02:53 AM
Parent: #36
تسلم ياوليد انشاء الله
كلك ذوق والله
انشاء الله انت كويس؟
وزيكو بيرد ليك التحايا
دمت
|
Post: #37
Title: بي كل حزن اغادر بورداب الدوحة
Author: ALMURADABI
Date: 07-26-2005, 01:23 AM
Parent: #1
انا طبعا من الناس النسيتيهم
لكن اتمنى ليك اقامة طيبة في الامارات وبختكم يا ناس الامارات جاتكم هوزي بطولة
وننتظر زيارتك لينا
|
Post: #38
Title: Re: بي كل حزن اغادر بورداب الدوحة
Author: Ahmed Omer
Date: 07-26-2005, 01:53 AM
Parent: #37
مرحب بيك يا هوزي ونورت البلد
مع انو انا لحدي حسي ما اتشرفت بمقابلة اي واحد من بورداب الامارات
لكن انشاءالله قريب نعمل لينا لمة ونغيظ بورداب الخرطوم الكل يوم متلمين وعاملين لينا زحمة بصورهم
يلا يا جماعة شدوا حيلكم
تحياتنا للعزيز زيكو
|
Post: #42
Title: Re: بي كل حزن اغادر بورداب الدوحة
Author: Hozy
Date: 07-26-2005, 02:57 AM
Parent: #38
الموردابي
معقولة بس ناس الموردة دي اهم ناس في أمدرمان عندنا هناك
ولا ما كده ؟
معليش بس العتب على النظر..
تسلم لمرورك
كلك ذوق والله
دمت
الاخ الفاضل احمد عمر
أول شي شكراً على أتصالك لحدي ما نشوفك بالدرب
تسلم انشاء الله
وكلك ذوق
ولازم بالجد نعمل لمة ذي بتاعت ناس الخرطوم ديل
بغررررررررررررررناااااااااا عديييل يااخوانا
شنو ياناس الامارات شدو حيلكم شوية ما معقول
دمت
|
Post: #44
Title: Re: بي كل حزن اغادر بورداب الدوحة
Author: مهيرة
Date: 07-26-2005, 03:09 AM
Parent: #42
العزيزة هوزى
ان شاء الله الدار ترحب بيكم
وبيت مال وعيال
لما اجى الشارقة لبناتى فى الجامعة بديك آلو
تحياتى
|
Post: #46
Title: Re: بي كل حزن اغادر بورداب الدوحة
Author: Hozy
Date: 07-26-2005, 07:23 AM
Parent: #44
استاذتنا مهيرة العزيزة كيفك ياغالية
بالله لما تجي ما تنسينا عشان ما نقصر معاك ونقوم بالواجب
والبنات ذاتهم عرفينا عليهم
تسلمي يا غالية
دمتي
|
Post: #43
Title: بالاحزان
Author: ALMURADABI
Date: 07-26-2005, 03:05 AM
Parent: #1
الاخت هوزي شكرا لردك الرائع ومزيدا من السعادة والهناء وتحياتي لزيكو
وليل يا ليل ياحلاوة الموردة بالليل
وقراقير وراحة ضمير
|
Post: #45
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: mahdy alamin
Date: 07-26-2005, 04:14 AM
Parent: #1
الف مرحب هوزي
وتحياتنا للأخ زيكو
و نورت الديار
والتحيه ليك من بورداب الأمارات الشماليه
وأعتذر عن التأخير بسبب ظروف السفر المفاجيء
والآن بعد الرجوع الى الأمارات
سنحتفى بك بأجمل احتفال
ونشوف البورداب المعانا هنا فريد ود المسيد وعلى اسماعيل والزنجي وكل الحلوين
مع محبتي
مهدي الأمين
|
Post: #47
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-26-2005, 07:28 AM
Parent: #45
موردابي
Quote:
وقراقير وراحة ضمير
|
لوووووووووووووووول
لقيتك اصلي والله
قراااقير و الموية في الزير ...
قراقير يعني شنو يا موردابي
مهدي الأمين
كويس الله جابك
يلا بس ورينا الترتيبات ونشوف نشاط ناس الشمالية
والله يازول مشكورين بالنية ساي برضو
وما قصرتوا
وخالص التحايا
دمت
|
Post: #48
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-26-2005, 07:34 AM
Parent: #1
والله ياناس الإمارت حقيقة خجلتوني عدييييل كده
ياسلام عليكم والله
والراجل ده لابد مخليني برااي
وسعدت بيكم كتير
وسعدت أكثر بالمكالمات الهاتفية الجميلة تسلمي ياحبيبة وغالية لنامهدي
فرحت كثيرا بمكالمة علي إسماعيل
ومكالمة أحمد عمر رغم مشغولياته
وسبقهما جعفر
يا جمااااااااااااااعة والله خجلتووووووووونااااااااااا عدييييل كده
تسلموا والله
دمتم غاليين وعزيزيين
هــوازن
|
Post: #49
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: alwardah
Date: 07-26-2005, 04:09 PM
Parent: #1
والله ابوظبي نورت وياداب بقت حلوة بي جيتك ان شاء الله الدار ترحب بيك والف الف اهلابيك اخت وصديقة
|
Post: #53
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-27-2005, 07:31 AM
Parent: #49
ياسلام عليك والله ياوردة
طبعا ضحكت شديد في الكلام اللي كتبته هنا في الاول
والله يامي جنس لخبطة
بلدكم دي تكون غلبت لي كياني زاتو !!!!!!111
ماممكن ياخي
تكون دي إشراقة مصطفى ولا شنو ياربي
الوردة (مي) الحبيبة والله بجد ما هزار من أجمل الناس اللي سعدت بمعرفتهم هنا
والله بالجد
كمية من الطيبة والصفاء واذا ما مصدقاني أسألي الفاتح !!!!
ما عشان قدامك
ورغم قصر الفترة بس احساسي بيك كبير وعمره احساسي ما يكذب ( غالباً قصدي ) لووووووول
المهم سعيدة بيك جداً اخت حبيبة وصديقة عزيزة
والله يخلي ليك اولادك وحمزة سليمان
بالمناسبة امي وصلت اول امس بالليل تعالي سلمي عليها
ولكي كل الحب
دمتي
|
Post: #50
Title: بالاحزان وداعا
Author: ALMURADABI
Date: 07-27-2005, 00:28 AM
Parent: #1
نحن المورداب بيقولو لينا القراقير
والقرقور سمك من اسماك النيل
فيهو شوكة حادة ما بيتهبش
عشان نحنا ناس حارين ما بننهبش سمونا القراقير
|
Post: #54
Title: Re: يالاحزان وداعا
Author: Hozy
Date: 07-27-2005, 08:04 AM
Parent: #50
موردابي
ياساتر يارب
الله يستر علينا من شوك القراقير وشراب موية الزير ( الحار بس )
يازول هوووووووووي
احنا مافي زول يصعب علينا
افوووووووووووووو
|
Post: #51
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: أبو ساندرا
Date: 07-27-2005, 03:02 AM
Parent: #1
ياهوزي:
مع إني شفتك 3 مرات فقط ،
وتكلمت معاك 3 مرات فقط
إلا كان مجرد وجودك في الدوحة يزودني بطمأنينة شاملة ، ويجعل للدوحة طعم خاص يعدل مرارات الغربة وأحاسيس الفقد.
الآن غربتنا فيها فادحة ومرة ، والدوحة ليل غربة ورطوبةد
والعزاء إنو الإمارات فركة كعب وخميس وجمعة والسبت بالليل في آخر طيارة
|
Post: #55
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-27-2005, 08:17 AM
Parent: #51
ياسلام عليك يا ابوساندرا بس
والله سودانيز اونلاين اصلا لغت لينا كل المسافات من زمان
وقربت بالناس شديد خصوصا اللي من منطقة واحدة
وبعد ده أبوظبي عندك فيها سكنى ما تتردد في أي ويك إند
تسلم يا ابوساندرا يخليك لينا ولي للاسرة الكريمة
دمت
|
Post: #52
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: المعتمد
Date: 07-27-2005, 04:09 AM
Parent: #1
الاخ هوزى.
مرحب بيك فى الامارات.
الخالدية دائرة المياه دى المحطة الرئيسية لى لما اجى ابو ظبي. يعنى قصرت لى المشوار وان شاء الله بمجرد ما اجى بديك تلفون واحتمال كبير تكون بتصلى الجمعة فى الجامع البنصلى فيه.
لك الود
والف باقة ورد
|
Post: #56
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: ebrahim_ali
Date: 07-27-2005, 08:35 AM
Parent: #52
الاخت هوزي والحبيب زيكو تحياتي وسلامي
نتمنى لكي إقامة طيبة في ربوع أرض زايد الخير وبالتأكيد ناس الأمارات ما حيقصروا معاك مدام زيكو عضو أصيل من أعضاء الامارات ونتمنى أن نراك مرة أخرى في الدوحة
|
Post: #57
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-27-2005, 02:40 PM
Parent: #56
الاخ المعتمد
مشكور والله للمرور
وأول ما تصل أبوظبي أتصل علينا انا وزوجي حنكون في انتظارك اي وقت تحدده
ويشرفنا ذلك..
وتسلم والله على الترحيب
وفي انتظارك
دمت
العزيز ابراهيم علي
كويس انك ما لمتني
وتسلم والله كلك ذووق
وانشاء الله اصله ما بنغيب من الدوحة دي ابداً
ولا بنقدر
وبالجد الناس هنا ماقصرت
تسلم ياسيدي
دمت
|
Post: #58
Title: Re: بكل حزن أغادر بورداب القيتك لدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: معاوية الزبير
Date: 07-28-2005, 00:18 AM
Parent: #1
لقيتك بياعة بيع طوالي شختي لي ناس الدوحة بعد ما اكلتي راسم بالشويتن بتوعك ودورتي صحبة مع ناس الامارات دى علي وزن المرء علي دين خليله ولاشنو ؟
سلام كتير لي (خليل) وقولي ليهو بركة بالمة
تحياتي لي خالتي زينب وقولي ليها عندك بت سافرت لكن بتك التانية جايا بعد كم شهر وشوفي بعد داك الاحسن فيهم ياتا
اكيد حااجي بالامارتية عشان اغشاكم (بقي عندنابيت في ابوظبت وكدة)
تحيات حمودي
سلام لي كل الاهل و(النسابة)
والبيت مبرووووووووك
نشوي
|
Post: #59
Title: Re: بكل حزن أغادر بورداب القيتك لدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 07-29-2005, 02:50 AM
Parent: #58
Ohh My Gooooooooood
بسم الله الرحمن الرحيم
دي الجابها هنا شنو ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!11
ياسجم
انتي الجابك هنا شنو اصلا؟؟
خلعتيني عديل كده
انا ناس الدوحة بشخت ليهم لكن يا وغدة ؟ انتي بعتي الدوحة كلها ومشيتي
وبقيتي ناس امريكا، انتي ناس الدوحة لكن
انا تاني القاعدة ليها شنو
أحرسك تتمي حوامتك وقرايتك القاطعاها من راسك ومواضيعك كلها مش كده ؟؟!!!!!11
اول شي ليه ما بشوفك في الماسنجر؟ ولا الياهوو قلت ليك hozygirl
والله انا ماقصدت لما شفتك رديتي هنا يابت والله مشتاقيين شديييييييييييييييييد ما بتتخيلي
كان حيغمى علي هنا، فرحت شديد والله بردك هنا
ياخي فاقدنك شديد،، احنا عاد ما بيتصلوا لينا كمليه كله في الدوحة
انشاء الله ينفعوك
وكيف حمودي ياخي بوسيييييه لي شديييييييييييد
لكي مني كل الحب والشوق واشوفك قريب في الماسنجر
واشوفك بعديها في أبوظبي
وناوية متين الجية انشاء الله ؟؟؟؟؟؟
تسلمي يا حبيبة
|
Post: #60
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: Hozy
Date: 12-09-2005, 02:24 PM
Parent: #1
نشوى يا سجم وين اراضيك انتي؟
معاوية 
|
Post: #62
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: PLAYER
Date: 12-09-2005, 02:59 PM
Parent: #60
هوزيكو
سعدتم اينما حللتم
|
Post: #61
Title: برضو معاك، إنشاء الله في أخر الدنيا....
Author: عبدالغني كرم الله بشير
Date: 12-09-2005, 02:52 PM
Parent: #1
الأكثر روعة، هوزي....
ما اتعس ناس الدوحة
وما اسعد الإمارات...
ولكن لا محال شمسكم/ ونشاطك/ وروحك، ستطال الجميع..
عميق سلامي لاسرتكم السعيدة...
|
Post: #63
Title: Re: برضو معاك، إنشاء الله في أخر الدنيا....
Author: احمد العربي
Date: 12-11-2005, 09:25 PM
Parent: #61
لك الود
وكان ما شالتك الامارات
نشيلك في الرموش
واسف للتأخير
ودي واحترامي
|
Post: #64
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: abdalla BABIKER
Date: 12-16-2005, 11:22 AM
Parent: #1
نورتي البلد
وربنا يوفقك في امارتنا الحبيبة
|
Post: #65
Title: Re: بكل حزن أغادر بورداب الدوحة،، لإنضم بكل حب لبورداب الإمارات،، وكدي قصروا معاي !!!!!!!
Author: بهاء الدين سليمان
Date: 12-16-2005, 12:23 PM
Parent: #64
هوزى العزيزة .. سلامات
الامارات لسان حالها يقول
مشتاق على ألمها... أحتويها أشمها... وبالحنان العندى كلو أضمها
أهلا وسهلا ياهوزى
|
|