تروتسكى بيننا - يا بورداب الامارات لنحتفى به

سيصل بمشيئة الله غدا الخميس الصديق العزيز / معتز تروتسكى قادما من الصين وسيحل ضيفا مكرما علينا بين اصدقاءه واخوانه -

بورداب الامارات المتواجدون بالدولة رجاء الاتصال للاهمية وللتنسيق على الموبايل

0506944959

خالص الشكر والتقدير

بالله شوف المنعول
انا مواعدو اني امشي ليهو في الصين وهو
تراهو فاري منها.
علي اي حال يصل بالسلام
تحياتي ليهو

على اسماعيل
دبايوا
وهل تحتفلون بمتوبت.
تحياتى للجميع.

اخي الاستاذ علي اسماعيل ..
لك التحية و التقدير .....
اقامة طيبة بين الاحبة للاخ معتز تروتسكي ..
افيدونا باخباركم اول باول .. ونحن نتابع معكم من علي البعد ..
دعواتنا لكم ولجميع الاخوة البورداب بالامارات بالتوفيق .........

الحبيب على إسماعيل

تحياتي وسلامي ..
بالله عليكم شقيقي الصغير دا بعد ما تشبعوا منو رسلوهوا لينا هنا في الرياض ..
أصلنا مشتاقين ليهو كتير وعايزين نسلم عليه ..

ما تخلونا ننتظر كتير ..

الشقيق حمدين - التحية الطيبة وبعد

شكرا لك يا امير وحتما سنكون على اتصال
وفقك الله دوما
خالص الود والتقدير

الاخ /هاشم نوريت -
دبايو

Quote: وهل تحتفلون بمتوبت.

سنحتفل ونحتفل بكم تابوتا تابوتاحتى الاستنارة وهل لنا الا انتم شلة التوابيت

Quote: بالله شوف المنعول انا مواعدو اني امشي ليهو في الصين وهو تراهو فاري منها.

اظنها دى تكتيكات (لينين) التضحية بالام حفاظا على الجنين

لك الشكر يا رانى على المرور - وستجد الرد من صاحبك قريبا

الحبيب علي

كيفك وكيف الاحوال
ومرحب بالاخ معتز بين بورداب الامارات

انا شخصيا بتصل عليك وبنشوف الحاصل شنو ومتين الموضوع بس يكون اخر الاسبوع لانو الشغل اليومين ديل شدة شديدة جدا جدا

وانا عارف نفسي متلوم لكن الظروف والله

كل التحايا الاخوة بالامارات
وسلموا لينا على صديقنا الجميل تروتسكي

الأخ علي إسماعيل لك التحية

وأصالةً عن نفسي نرحب ترحيباً حاراً بتروتسكي في بلد العطاء

ونتمني ليه إقامة سعيدة وبالتأكيد بين ظهرانيكم ستكون أسعد

وتحياتي لكل من يشد خيلة من الإمارات لإستقبال معتز


بحيراوي

يصل بالسلامه انشاء الله

وحباب تروتسكي


محمد عبدالله ـ الزنجي
4567961/50

اخوانى واعزائى الكرام-شكرا ليكم كثير

التحايا النواضر

وصل الاخ العزيز معتز تروتسكى بحمد الله ورعايته ويقريكم السلام والتحايا العطرة (النواضر)فالمرجو من الاخوة الاتصال للتنسيق

على اسماعبل
التحايا النواضر
ومرحبا بالأخ معتز ضيفا عزيزا

علي اسماعيل

ده نفس الموبايل الكان رايح ؟

0506944959









تحياتي للوغد تروتسكي

الأستاذ السباق علي إسماعيل
التحايا النواضر

مرحب بالعزيز معتز تروتسكي
والتلفون معاك

الأخ الفاضل / علي ..
تحياتي لكم و ضيفكم الكوماندور / تروتسكي ..
أبلغه أنني عاتب عليه ..
و سأتشاور مع الكولونيل / أبو عاصم بشأنه
لأنه غادر موقعه النضالي دون أمر تحرك !!
هو فاكر النضال دا على كيفو و لا شنو ؟؟
و قول ليهو طالما ما شايل أمر التحرك الأراضي المحررة
إلا تدخلها سايح
و إن شاء الله يا السواح البلد تكون عجبتكم !!
تحياتي و أمنياتي لكم بقضاء أوقات طيبة ..

اسماعيل
تحياتى
الزول دا جايب لى معاه موبايلين جداد لنج واحد
اسمه العقيد وصل..والثانى اسمه السودان الجديد
اختار منهم البعجبيك
عليك الله اعمل لى مس كوووووووول
عشان نسمع صوت الجميل دا
00966508953228
ولقدام
احمد

مرحبتين حباب معتز الظريف
ونورد الشواطئ والخلجان
وإنشاء الله تسعدنا ظروفك
ونفرح يوم نشوفك

الاخ علي
تحية طيبة
امل ان يمضي اخي الصغير معتز وقتا طيبامعكم وارجو ابلاغه انني عاتب عليه وهو يعلم سبب ذلك وعليه عند وصوله السودان الاتصال بي علي هذا الهاتف 271371
ولكم التحايا النواضر وشكرا حزينا كما يحلو للاخ معتز ترديد ذلك
يحيي

نرحب بالزميل الجميل معتز تروتوسكي

ونورت الأمارات

مرحب حبابك ألف

وأنا أقول الزول مختفي وين

أتاريو هنا

مرحب بيك يا معتز

سلامي الحار لتروتسكي ...

الرجاء منكم عدم التقصير معه .. ونحن بدورنا سنفعل عند وصوله للخرطوم ...

الأخوة بورداب الإمارات الأعزاء وعلى راسهم الأخ علي إسماعيل
إحنا ما جينا الامارات دي قربنا للشهر مافي زول اشتغل بينا ليه
نمشي نعلنها ونرجع طيب

ما مشكلة الاخ معتز ده يستاهل برضو
بس أدونا خبر بالزمان والمكان يكون عندنا احسن عشان تتحسب ليكم اتنين
فخلوها في بيت زيكو وهوزيالبركة في زولة ماقصرت والله
لحدي ما ترجع من السودان

اولا مرحب بيكم فى الامارات - واتارى انا شايف الامارات نورت ليه ؟

Quote: الأخوة بورداب الإمارات الأعزاء وعلى راسهم الأخ علي إسماعيل إحنا ما جينا الامارات دي قربنا للشهر مافي زول اشتغل بينا ليه نمشي نعلنها ونرجع طيب

ثانيا علمنا بمجيكم فقط من مداخلتكم فى هذا البوست - وكان الامر تووو ليت - رابعا لسع مافات شى وجماعة الاجازات فى الدرب خليهم يصلوا عشان نعمل ليكم الاحتفاء المناسب -

Quote: ما مشكلة الاخ معتز ده يستاهل برضو بس أدونا خبر بالزمان والمكان يكون عندنا احسن عشان تتحسب ليكم اتنين فخلوها في بيت زيكو وهوزيالبركة في زولة ماقصرت والله لحدي ما ترجع من السودان

رابعا وانتم كمان على العين والراس ولكن اللوم على د. زوله 123 ما كلمتنا وعموما ما فاتت حاجة وسنصلكم انشاء الله - ولكن هى وحدها تعادل كل البورداب ودائما ما مقصرة معانا ومع الزوار لها الشكر والتقدير

واخيرا مرحب بيكم مرة اخرى -وسلمتم- والى ان نلقاكم - لكم الود والتقدير

الاخ علي
تحية طيبة

رجل مثل معتز يستحق ان يحتفى به
انه صديق وحبيب الجميع في المنبر
عبركم تحياتي له .
وياريت لو يشرفنا في رياض الخير

خالص التحايا
الزملاء الاعزاء..
الشكر لكم جميعا..
اولا واخيرا للاستاذ على اسماعيل..
مشكور كثيرا ولاشى يُقال سوى (ان لاياتى يوم شكره)..

*************************
الجميل رانى
منعول انا يارمه..انت لو كنت اتحركت كدارى كان وصلت تقول جاينى..
المهم صحتك واخبارك..وحاشتاق ليك بالجد لكن اتوقع اتصالى بيك
يلا رسل لى تلفونك كامل عشان نسمع صوتك يارانى مارى..

*********************************
هاشم نوريت
دبايوا ايها التابوت ..
ياحبه انا لسه حي فينى باقى روح دى بركات شيخنا ود الدقم تاريها الدفنه معاهو جابت حقها..
لذا اوصيك بى شيخ كارب على منوالو..

*************************************
محمدين محمد اسحق
العزيز ابو حميد بالجد مشتاقين لكن انت زول كعب مابتشغل الا بالدفره..
اخبارك وصحتك ومع نضال المنابر . .
نحن خلونا مع نضال الحياة اليوميه ده وبث. ..
تسلم كتير ياملك..

**************************************
معتصم دفع الله
الله عليك ياسيدى
معتصم والاجر على الله ..
اخبارك وصحتك شقيقى ..
لو بيدى كنت طوعت اليالى وجيتك لكن انحاول بس شوفوا لى كفيله كاربه..
ابعدنى من ناس شتات وتمبس..
بعدين عندى ليك خبر مفاجاءه حيطل عليكم زول اجمل مايكون ويشبهكم عندك خبر ؟
لو ماعندك خبر خليك كده معذب...والشمار يكتلك..

*********************************
abas
عباس شنو يامنقه
عفتى قاصد شنو مش ..
تشكر كتير على الترحاب والكلمات الحلوه ...
عزيزى كلاماتك براها بالدنيا وربك لاجاب اللوم
انت قايل الجرى ده ليك براك ؟
نحن زاتو الزياره جات فجعه..
قيل بعافية وسلام كتير..

************************************
Marouf Sanad
الوسيم القلبى رادو..
اخبارك بعد جفاف كان يعتصر قلبى الم وحسره ..
لعلك بخير صديقى وشقيقى..
ماتشيل هم نرتب ليكم زياره اقرب اجازه ..
بس كستاوى ما يطرنا من امريكا
باعتبارو مواطن ونحن ناس زياره ساى. .
سلام كتير ليك عزيزى
وخلى بالك من نفسك

**********************************
البحيراوي
استاذنا الكردفانى الصينى ..
وينك ياراجل
قلنا لو ماديرن تجونا نجيكم قريب ..
نبقى ننتظر شهر 10 حبابو عشره بفارغ الصبر..
ونعيد الايام الخوالى..
بس ماتقول لى هاربين. ..

*************************************
الزنجي
عاد مابسالك..
ههاهااهاهاهااهاهااهاها
شمارك الف . .
شنو قالوا مافيها اذن زياره ومن وزراة الداخليه..
لكن برضو نبقى دايرن قربك..

******************************
ALGARADABI
العيد الجاب الناس لينا ماجابك يعنى نسيتنا خلاص مع انت الخليتنا
يعنى نسيتنا خلاص..
كفينك والحاله عموم عزيزى شكر كتير ليك وللصدر الرحب للاستقبال..
تبقى الظروف هى المحك..
مابنلومك بس نجارى طبعك ياجميل..

***********************************
خدر
ابو الاوغاد ازيك . .
اها كيف
انت سلامك ده الا مشرور هنا ماعندى خرابه بى هناك ماتجى تترمتل فيها..
بعدين شيل شيلتك السنه الجاية فى غاره جايكم..
(فرنسوا ميتران). .

***********************************
عثمان حسن الزبير
انت فى البلد دى؟
تبقى مبالغه..
ترقب منى تلفون لو انت هنا او اتصل بى على اديهو تلفونك..
تسلم من كل شر عزيزى وربك يخليك لينا..
والشوق ماسوره محلوجه فى بيت عزابه والعزابه وووووو الخ بتكون عارفه...

*****************************************
عصام دهب
الريس
ازيك ..
دي عملية انشقاق بعد استياء حاصل وسط جنودى من كثرة الطلبيات والمراسل اليكم وانتم لم تعيرونى اهتماما. .
البلد عجبتنا بس فقدناك فى الليالى الترفيهيه. .
طبعا دى جناح ناس على ما معانا...
مشتاق ليك عديل كده كان تابى كان ترضى..
والشوق ده اعتقد اقرب (من الحب ما قتل) ويصبح فيها انقلاب على القياده ..
ونحرر عبرى والابيض برانا ونعتقلك. .

***************************************
abuguta
ود الخاله..
انت انا بعضيك يعضيك وبزعمط ليك شعرك ..
انا داير اركز ليك عشان اوريك العجب..
انت لسه فى زمن العقيد ما رقوه يافرده. ..
ود الرئيس وكده..
وحاتك جارى جرى والبرنامج فل..
لكن المس كول ده جايك جايك لمن تنخلع..
وحتى موضوع الرساله الكنت مفرك فيهو (كنسلتو) عشان المس كول ده
بس شد اوتار الضلوع
مشتاقوووووووووووووووووووون

*************************************
المسافر
الزول السمح..
وينك انت من ديك وعيك
انا كنت دايرك ضروى بالموضوع التكلمت معاك فيهو لكن بلقاك لانو شاغلنى بالجد..
سلامى كتير ليك وللوليدات..
وقيلوا بعافيه..

**************************
صباح احمد
صبوحه
حظنا ساى..

*********************************
يحيي مصطفي
استاذنا الاستاذ يحيى
بالجد لمن ارسل ليك ما حتزعل ..
لانى انا الزعلان مش انت..
تفاصيل كتيره برسلها ليك والرقم فى عيونى كان مشت ولا لا...

************************************
mahdy alamin
ابو الزمل مهدى النادوس..
ياخ انا سبيت ليك لمن قلت بس..
رقمى وصلك مش ود المسيد جاب لى شمارك . .
ماقادر الم فى (النوريراوى)..ولا رحمه
من ديك وعيك
انتو وديتو وين مع مهلب . .
هااهاهاهاهاهاهااهاهاهاهاها
تشكر كتير على عزيزى على البرنامج واعتقد نحن بضرو ماقصرنا معاك
خلاص من محل انت موجود رسل لى تلفونات الشباب اوكى
يلا منتظر ايميلك
ومشتاق ليك كثير

*************************************

نهال كرار
سلامات وعوافى
ياخلاص الخير الفى الناس
وترياق الزمن المتعافى..
تغرفى سالت منك لانى متخيلك فى الامارات..
اما موضوع الاختفاء ده انا لو ما ردودكم وكلام الحلو اساسا المكان ده فارقو الا بجى طله..
تعيشى انتى ويدوم خيرك
ياغاليه...

********************************************
ناذر محمد الخليفة
نذورى
شايفكم عملتو اتفاقية (كامب ديفيد) وتطبيع مع عثمانوف. .
بعدين انت داير تجينى الخرطوم ليه انا هنا مرتاح
ناس البيت يجونى هنا..
انا قلت ليك بشوف..
تعرف ناذر لمن قريت كلامك ده اتذكرته وقف مر بى فى مطار دبى ..
استعونى ليك ناس الامن لمن مشيت استلم شنطتنى
قلت خلاص الحكاية بدات من هنا.
قايتو مشيت وقبلى في يدى قلت موضوع عمك العميد (خالد) خلاص اتطبق بحذافيرو
المهم لمن وصلت انا كنت جاهز لكل الاحتمالات صراحه كان تعاملهم كويس وبى هدؤء قالوا لى افتح الشنطه..
قلت ليهم خير
قالوا لى انت شايل سيديها داير نشوفها
برضو قلبى لايزال ياكل فيا..
قلت ده مدخل ووهمه لى شيتا كبير..
وريتم السيديها
قال لى فيها شنو ؟
قلت ليهو افلام عاديه انا زاتى مابشاهد افلام مخله..
اتصفحها شويه
سالنى تانى مافيها لايسار ولا يمين..
قلت بس خلاص الليليه ماوقع راجل..
قلت ليهو يسار شنو ويمين شنو ..
عاين فيهم كده وقال لى شتت..
وانت الفلم القصير ده..
وبرضو تقول لى تعال ..
يامان انا مناضل كبير وكده وحياتى فى خطر...

تعال لى انت فى الامارات انا بحتفل بيك ..
وما اظن قصرته معاك قصرت المسافه من اخر الدنيا..

********************************************
Hozy
سلامات
شكر للكلام الجميل وكذلك انتم نفس الشى واكثر

تعرف/ى
تطرقنا لحديثكم اعلاه لكن اتضح بان زيارتكم كانت مفاجاءه ولم يعلم بها احد بالرغم من ان ليس من بورداب الامارات لكن بالتاكيد لن تجدو عند هؤلاء القوم الا كل جميل فقط يكون هناعدم اخطار او او لكن ليس كما تتصورن..
فلكم منى كل المحبه والود..
نيابة عن من هنا..

***************************************
الصادق خليفة
حبيبنا الجميل
ولدنا الصديق..
وحاتك انا لو على مش اجى الرياض..
اجى الربع الخالى زاتو عشانكم وحفيان..(شفت كسير التلج ده على مستوى عالى كيف)..
نحن زاتنا عايزين نتبرك بى وجهكم الصبوح..
لكن بجى اليوم البتجينا فيهو تانى ونستقبلك عند ناس (الجدى) ونجيكم كمان..
بالجد كلاماتك مؤثره وطيبه
دمت قريبا الى القلب..
ولن انساك مهما كُتبت لى الحياه...

***************************************
ساعود لالقى الضوء عن اجمل ماقابلت من اُناس هنا بالرغم من زيارتى المفاجاءه التى تعمدتها لمعرفتى بمشغوليات الناس والجرى وسفر الكثرهم لكن من كان حاضرا او لم يسجل حضور كان حاضرا بروحه معنا..
فلهم منى خالص التحايا
والتحايا النواضر..

دمت جميعا...
تروتسكى

سلامات سلامات يا تروتسكي

نورت الامارات
يا ريت يا شباب لو تورونا هو نازل وين بالضبط في ابوظبي ولا الامارات الشمالية

عموما انا مقيم في ابوظبي بس للاسف طبيعة شغلي (مضيف جوي) بتخليني كل يوم في حتة

عندي يومين اجازة ويوم الاربعاء 24 يوليو مسافر تاني،يا ريت لو نلقى فرصة نلاقيك يا تروتسكي قبال كده

موبايلي

0503370306

حقيقة دي حتكون فرصة جميلة للتعرف علي بورداب الامارات وخصوصاً ناس ابوظبي

معاكم الف سلامة

التحايا النواضر ...........

للشفيف تروتسكي...........

المتداخلين الحلوين
ولينا نصيب في كوم المؤامرات الحلوة دي
بس لو نعرف يا معتز جاي متين لأنو ناذر الخليفة (الكاشف أخوي)
وأنا في الوفد الكيبوردي لأستقبالك بالمطار
كدي خش على ايميلك
وديمة النواضر تحياتي للجميع

معتز بالله تجي ابوظبي بجاي
عشان نعمل معاك الواجب

بكل حزن أغادر بورداب الدوحة،، لإنضم بكل حب لبورداب الإم...ي قصروا معاي !!!!!!!
اتصل عشان ننسق

اها ياجماعة بالكتير اخر الاسبوع تكونو عندنا والعنوان فوق

الف مليون مرحبا باخي الحبيب معتز تروتسكي بين اهله و احبابه
دة رابع يوم ليك هنا
مشششششش؟؟ولا حس و لا خبر يا يابا خوة قرقراب
هوزي لو سمحتى حولي التلفون من الفاكس كل ما اتصل الاقيهو فاكس الرقم دة
شكرا لاخي الحبيب الحفي دوما علي اسماعيل

الأخ علي اسماعيل
عاطر التحايا
دايرين نقابل الدكتور تروتسكي

Quote: بورداب الامارات المتواجدون بالدولة رجاء الاتصال للاهمية وللتنسيق على الموبايل 0506944959

بصراحة الرقم دا ما شغال..
المهم
دا رقمي وانا في أبو ظبي.
فأرجو التنسيق
6831960
جعفر هاشم

معتز الرجل الخفي ..رقم صفر ..
وانت علقت متين كمان ..انا دخلت اشوف اخونا علي اسماعيل كتب شنو لقيتك عملت (معلقة) مداخلات ..

Quote: محمدين محمد اسحق العزيز ابو حميد بالجد مشتاقين لكن انت زول كعب مابتشغل الا بالدفره.. اخبارك وصحتك ومع نضال المنابر . . نحن خلونا مع نضال الحياة اليوميه ده وبث. .. تسلم كتير ياملك..

والله الصحة جيدة ..والحمد لله ..بس زي ما بتعرف مرات بتجيني اشغال كدة بتخليني ما اقدر اتابع المنبر بشكل متواصل ..وبنخش هبرة وبنطلع ..
لكن صدقني يا معتز ..ليك وحشة .....
الدفرة ..ضحكتني ..الدفرة دي ذاتها وينا ...
المهم اتوقع اكتب لليك ايميل كارب بكرة ان شاء الله ....

شباب شباب ...

دقستو والله تغيشوا وتاخدو غيرها

معتز تروتسكي الان بيننا في الخرطوم وفي بوست بهذا الموضوع موجود ...

الأعزاء
على اسماعيل

اعتذر عن الحضور نظرآ لظروف السفر المفاجيء

واكيد سوف نلتقي في فضاءات أوسع

اتمنى ان تقضوا يومآ جميلآ بصحبه الرائع معتز تروتوسكي

مع محبتي

مهدي الأمين

ألأستاذ / على اسماعيل

لك منى عاطر ألأشواق و للشفيف تروتسكى
بصرحة كدا انتم محظوظين و أمهاتكم راضيات
عليكم ... معتز بجلالة قدرو معاكم فى ألأمارات
يا ريت لو كنت هناك ... انت عارف اول
حاجة اعملها اقوم اعضى معتز ده عضه لحدى
تجيب الدم ... بعدين اسلم عليهو اصلو
يا جماعة الزول انا مشتاق ليهو كتيييييير
....
سلام نسمة فرح تنساب بلا ميعاد
لابس وشاح نبراس يضوى لكل الناس
سلام نديان غنا و احساس
يفتش فى جيوب الليل عن ألأجراس
تفوح من طيبوا نسمة عز مع ألأنفاس
سلام منى لأغلى الناس ..
...
مع تمنياتى لك بأقامة سعيدة فى ألأمارات

الفولانى

خالص التحايا
الجميع
الناس الحلوين ناس الامارات..
والجميع..

Ahmed Omer
عزيزى انا كنت فى دبى لكن الان رجلى فى (كرش الفيل)..
لكن شغالانات المضيف تعرف انا فكرته فيها وانا جاى الخرطوم لانو اتضح انى اعمل مضيف من غير شهادات..
عزيزى اكيد الحى بلاقى حبابيو لو صادقين..
عشان نتبرك بيكم..

****************************************************************
شمهروش
انت اصبر لى لمن الم فيك
انا لاقيت شلبى وفتاهو لى لمن الم فيك وادخل فيك بى سكين الريده. .

*************************************************************
عادل ابراهيم عبدالله
شنو ياحسين..
عادل البقيت عليك نجار ماعملها فى الخشب يافرده..
لوووووووووووووووووووووووول
كلو من ناذر
***********************************************************
Hozy

اصبر شويه حبيو جماعتك ديل كلهم كاسرين ركبه هنا فى السودان
حظك لووووووووووووووول
واكيد اكيد حنتلاقى...

****************************************************************
lana mahdi
العزيزه جدا..
وحاتك معذتك عندى..
انا ماكان فى يدى اى شى ..
قايتو بفتنك مع الزنجى هو الكان ماسك الترتيبات
ولمن تمت مناسبة الدعوه بتاعت اللمه..
كنت مغادر اليوم الذى يليها..
فبالجد ما كان فى يدى اى شى..
وحتى الزنجى بعد ماحضر رجع لانو حصلت ليهم ظروف وفاة..
فالك العتبى لنا حتى ترضى
وامسحيها لينا فى وشنا..
واحد من المريدين بالانتساب. .

*************************************************************
jafar hashim
عزيزى ما اعارف اقول شنو لكن العتبى لكل من لم التقيه لكن سامر بنفس الطريق فى الرجعه هذه المره مخصصه للذين لم التقيهم
فارجو قبول الاعتذار فنحن واقفون على بابكم...
سلمت
********************************************************
محمدين محمد اسحق
ابوحميد انا بضو وحاتك مشتاق ليك
ومشتاق لي شكله معاك..
ماوريتك مالقيت قريبت ترجى (ماطلعت جلابيه). ..
منتظر ايميلك رغم انى بقيت بعيد من النت..
ومايبقى الا بالدفره. .
الممسوخ اخوى ليتو باع الكمبيوتر لكن كلها فتره..

**********************************************************
ناذر محمد الخليفة
ازيك ود العم حسنيين
. .

***********************************************
mahdy alamin
ود الامين اجى يا انا. .
انت لسه بايته معاك..
وما انت عارف خط سيرى الحاصل شنو؟؟
انا هنا يافرده. .
عاجل .. تروتسكي يصل الخرطوم ويقتحم حفل بورداب عكس الريح !!!

اتمنى تكون وصلت بخير واتوفقت..
وعليك دينك سلامى بالكوم للنيورايوى ومهلب ورحمه وكل الشله..

*****************************************************************
عوض الفولانى
الفيروزى ازيك
ياخ مشتاق ليك خو شوق نُصاح..
وكان بقيت على العض ماهين
ايميلك وصلنى
اكن ماتقول لى الايميلات ماعندك..
اسمع كتير من النوعيه دى
شكلك كده قاض بيك لمن دفق..
هاهاهاهاهاهااهاهاهاها
وبجيك بى رواقه وبكون بيناتنا اتصال
خلى بالك من نفسك..

*********************************************************
ساعود لالقى الضوء عن اجمل ماقابلت من اُناس هنا بالرغم من زيارتى المفاجاءه التى تعمدتها لمعرفتى بمشغوليات الناس والجرى وسفر الكثرهم لكن من كان حاضرا او لم يسجل حضور كان حاضرا بروحه معنا..
فلهم منى خالص التحايا
والتحايا النواضر..
بدا من الاستاذ على..
الى الاخر شخص تكلمت معه وانا مغادر الاستاذ البحيراوى والجميل جدا شلبى الصديق الذى قابلته وانا على مشارف الوداع..

دمت جميعا...
تروتسكى