Post: #1
Title: shinninstar-بت الحسين- الشايقى - خدر- دكين -تبلدينا -قرشو
Author: Manal Mohamed Ali
Date: 07-18-2005, 09:56 AM
ياشباب انا رفعت ليكم صورتي في صفحة الخريجين باسمي زاتو
تموها لي انتم ياناس التكولوجيا الفي البورد
شكرا للخدمة وربنا مايخلي راسكم قديم زي حقنا .. انا راسي انتاج 1954
منال
|
Post: #2
Title: Re: shinninstar-بت الحسين- الشايقى - خدر- دكين -تبلدينا -قرشو
Author: Tabaldina
Date: 07-18-2005, 10:05 AM
Parent: #1
..
.
آها يا إنتاج 54
كتبتي اسمها غلط .. حسع بتجي تدق لينا جرس ..
وتقول ليك الكلام الانكتب لزول واحد ..
صورتك الخايفه عليها .. ما لقيتها ..
بجي لمن القاها ،،،
مودتي ...
|
Post: #4
Title: Re: shinninstar-بت الحسين- الشايقى - خدر- دكين -تبلدينا -قرشو
Author: tmbis
Date: 07-18-2005, 10:17 AM
Parent: #2
يا منى شيلي الرابط ده واعملي ليهو نسخ في البروفايل محل الصورة
http://www.20six.co.uk/pub/tmbis/manal.jpg
كدي خلي واحد يجي يقول تمبس اسمو ما مكتوب
انا الحاجات دي ما بهظر فيها
|
Post: #16
Title: Re: shinninstar-بت الحسين- الشايقى - خدر- دكين -تبلدينا -قرشو
Author: خدر
Date: 07-19-2005, 07:19 AM
Parent: #4
| Quote: يا منى شيلي الرابط ده واعملي ليهو نسخ في البروفايل محل الصورة |
تمبس
مني دي منو
انت احوص ؟
|
Post: #17
Title: Re: shinninstar-بت الحسين- الشايقى - خدر- دكين -تبلدينا -قرشو
Author: tmbis
Date: 07-20-2005, 08:45 AM
Parent: #16
Quote: تمبس
مني دي منو
انت احوص ؟ |
خــدر
والشر بعيد عنك وانت ابو عيال الايامات دي بقت تجيني حالة ( تحوص لغوي )
اخونــا وليد شريف معانا من بورداب الرياض
بلاي شابكو ليك ياسر الشريف ياسر الشريف ده خليهو
صلاح شتات ،، بقيت اقول ليهو يا هاشم ..
انا تعبان ياخد ياخ .. تعبان شديد
|
Post: #3
Title: Re: shinninstar-بت الحسين- الشايقى - خدر- دكين -تبلدينا -قرشو
Author: ShiningStar
Date: 07-18-2005, 10:16 AM
Parent: #1
منال يا اختي... انت خريجه و علي اعتاب دكتره... القصه دي ما مفروض تاخد في يدك غلوه....
لكن يا زوله _نبشرك_ اعتبري صورتك نزلت تب...
النصيحه لي الله انا ذاتي مي بلحليل في القصه دي و راسي اظرط من راسك...انتاج الف تسعميه و فستان...
لكن حا اعمل ليك _شاوتر_... و اكيد حيجي و احد ادق سدرو انزلا... لكن كن طلعتي شينه شيلي شيلتك.. يهن دا انا كلمتك...
مرييييييييييييم... قومي نزلي الصوره دي...
دكييييين... خدرررررر...تبلديناااااا... . قومو السفه ملحوقه..
|
Post: #5
Title: Re: shinninstar-بت الحسين- الشايقى - خدر- دكين -تبلدينا -قرشو
Author: مريم بنت الحسين
Date: 07-18-2005, 11:16 AM
Parent: #1
يا منال.. امشي للملف بتاعك... ولصقي اللنك الكتبه ليك تمبس... غايته الصورة خطره... انا للأسف ما بقدر أعمل الحاجه دي إلا يكون عندي الباسوورد بتاعتك... لو عايزه .. رسلي لي البساوورد بتاعتك بالإيميل.. وبعداك غيّريها.. عشان العين وكده......
|
Post: #6
Title: Re: shinninstar-بت الحسين- الشايقى - خدر- دكين -تبلدينا -قرشو
Author: ShiningStar
Date: 07-18-2005, 11:37 AM
Parent: #1
| Quote: كتبتي اسمها غلط .. حسع بتجي تدق لينا جرس .. |
تبلدينا شكيتك علي الله... انا قلتا افوتا ليها وكت هي جديده...
لكن ما علينا... يا ست منال... الاسبيلنق غلط ... المره دي مغفوره لكن المره الجايه فيها دواس و توابيت و اشياء من هذا المنطلق...
اما بعد...
صورتك ما عندها عوجه تب... بس .. سني قلمك و اكتبي بي خط سمح ....
البيت بيتك و البرندات الاتك ... خشي بي كراعك اليمين او الشمال القصه في الآونه ا لاخيره بقت ما تفرق... و كن احتجتي لي ايتها حاجه قولي عووك....
تمبس .. كتر خيرك يا شاب ... مع انواسمك ما مكتوب لكن الزوله دي اسمها منال ما مني .... امشي جيب الصوره الصح ياخي...بي مهدوانيه ما تستعجل ....و نرجو اهداء غنية للترحيب....
|
Post: #7
Title: Re: shinninstar-بت الحسين- الشايقى - خدر- دكين -تبلدينا -قرشو
Author: tmbis
Date: 07-18-2005, 12:53 PM
Parent: #6
شايننغ..
لكن نعمل شنو يا شابه ..
زمان انا كنت بدخل التلفزيون وبطلعو.. وبسقي الشجر واملى المزيرة..
الله يخليك شفتي يوم واحد دكين ده نزل ليهو صورة ؟؟ والا تبلدينا والا الشايقي
ومريم قالت ما فاضية .. وخدر محبوس العمدة قرشو بيجي الصباح ..
انا زاتي حسع ما عارف قاعد اقول في الكلام الكتير ده لييه؟؟
اها انا لفحت الصورة بعدما نزلتها بي منى قمت غيرت الخلفية ،، وتاني غيرت الاسم
والله ما عارف يا شايننغ لكن حاسس اني اتكلمت كتير في الموضوع الحساس ده مش كده
المهم موضوع الاغنية ده خليهو عليك ..
يا لحدي بكره الصباح بتاعنا هنا..
|
Post: #8
Title: Re: shinninstar-بت الحسين- الشايقى - خدر- دكين -تبلدينا -قرشو
Author: مريم بنت الحسين
Date: 07-18-2005, 02:01 PM
Parent: #1
| Quote: ومريم قالت ما فاضية .. |
تمبس والشلاقه.. حسي وين انا قلت ما فاضيه.. ولا بس فالح لي شيل الحال.. حسي انا من الدغش اقع واقوم .. وشغاله في الموضوع ده بي إيدي وأسناني.. حسي تجي تقول ما فاضية.. عليك الله عان ده..
Star... (خلينها الشايننق) عشان ما تدونا درس انجليزي حسي... اسمعي.. سمعتي غنية Shakira الجديدة.. La Turtora.. دايره لي زول بعرف أسباني يترجمها لي.. كاسره فيني ضلع.. اسمعيها... روعه عديل كده....
منال ما قلتي لي الأمن استتب ولا كيف؟
بنت الحسين
|
Post: #18
Title: Re: shinninstar-بت الحسين- الشايقى - خدر- دكين -تبلدينا -قرشو
Author: tmbis
Date: 07-20-2005, 08:59 AM
Parent: #8
| Quote: حسي وين انا قلت ما فاضيه |
مريـــم
انا قلت بس ماعايز ليك التعب
|
Post: #9
Title: Re: shinninstar-بت الحسين- الشايقى - خدر- دكين -تبلدينا -قرشو
Author: ShiningStar
Date: 07-18-2005, 02:46 PM
Parent: #1
| Quote: زمان انا كنت بدخل التلفزيون وبطلعو.. وبسقي الشجر واملى المزيرة.. |
البدخل المراتب منو لمن المطرة تصب؟؟؟
Quote: والله ما عارف يا شايننغ لكن حاسس اني اتكلمت كتير في الموضوع الحساس ده مش كده
المهم موضوع الاغنية ده خليهو عليك .. |
النصيحه لي الله ... أأي نضمته كتير... لكن خلاس ما قصرته شرحته و وفيت... كن راجيني انزل غنيه... عيش يادحيش لمن يقوم العلوك.. انا يا الله يا الله بفك الخت...
رايك شنو تنزل لينا غنية بت الحسين دي... ...
يا انيقة الحضور... مريومه خيتي...
...بصدد غنية شكيرة و كل الامور الشاكيريه نرجو مراجعة السيد دكين فهو _اكسبرت_ في القصه دي... اما عن الترجمه هو لا يفقه شي في الاسبانيه و لكن تأكدي تمام انوحيشرح ليك الغنيه برمتها و كن غلبتو الترجمه بشرح ليك انقليذي يا شعر..
فهو كريم ...
ما بحب ارجع زول سااااي...
بعدين الله يهديكي ياخي ..اين لها من فايزه الجريف و سعاد حريقه...
اغانيهم تجلت و ملئت سموات فرحنا ومن اشهر اغنياتم....
واى واى مابنوم براى................. التى كلما عصفت خمر الزجاج صدح بها السكارى...
خطرفه.....
اها ياشوق ابقه عشره على الكبابى ماتشيلك حوبه وتكسرن لى لغاية اجيك راجعه
واحلب غنم حسنك تنبت لبنا شهيا.......
و
ووحدك المنتمى وانا للجميع
فانسحب من دمى... انت لاتستطيع
وسلام ألف....
|
Post: #10
Title: Re: shinninstar-بت الحسين- الشايقى - خدر- دكين -تبلدينا -قرشو
Author: أحمد الشايقي
Date: 07-18-2005, 02:49 PM
Parent: #1
اذا قام به البعــض
اتفرجــو الباقين
بصـراحة منال الصورة خطيييرة واذا ما قلنا كدا ما نكون منصفين
واذا قلنا كــدا اقولوا مكسرين
غايتو اتوكلنا على الله وقلنا واذا اتشربكت , يحلوها تمبس ودكين
صحي يا تمبس ما نزلت صورة وماني فالح في التكنولوجيا بس جـيــت (أعاين)
ليكم تحياتي
ولبنت الحسين
|
Post: #11
Title: Re: shinninstar-بت الحسين- الشايقى - خدر- دكين -تبلدينا -قرشو
Author: مريم بنت الحسين
Date: 07-18-2005, 03:13 PM
Parent: #1
| Quote: رايك شنو تنزل لينا غنية بت الحسين دي... ... |
تمبس أخير ليييييييييييك اشتري دماغك.. وحاة الله انا من قبيل بسمع في الأغنية ديك بتاعت الزول الداير يسوق زولته مشوار وهو مفلس آخر الشهر.. اوعك تجيب لي مصيبه تانية.. كفى العندي ديل.. أسرار لي حسي ما قادره أديها يوم off....
| Quote: ...بصدد غنية شكيرة و كل الامور الشاكيريه نرجو مراجعة السيد دكين فهو _اكسبرت_ في القصه دي... اما عن الترجمه هو لا يفقه شي في الاسبانيه و لكن تأكدي تمام انوحيشرح ليك الغنيه برمتها و كن غلبتو الترجمه بشرح ليك انقليذي يا شعر |
LoOoOoOoL...يا ستار... ما عايزه خلاص وقت جابت ليها دكين.. انا أساساً دكين ده عندي معاه كلام ما حيعجبه .. انا بعرف لي كلمة وحيييييييييده بالأسباني.. وحاتك ماسكه فيها بي إيديني واسناني.. علموني ليها زملائي أمريكان .. كنت شغاله معاهم... وهي "أستامنيانا" ومعناها "مع السلامة"... انا مجننون لغات.. ومكسرني الفرنساوي من سنة حفروا البحر.. نفسسسسسسسسسسي أتعلمه... حسي قلت لي مافي ترجمه للأغنية.. طيب العنوان بس عشان أفهم انا العاجبني فيها شنو ...
الشايقي.. الله يخليك يا يابا (وتدير له وجهها بامتعاض ومعه لوية خشم).. انت يا زول موش خربته العلاقات الدبلوماسية وسحبته السفير بتاعك من دولتنا.. ؟ ...
تسلم يا الشايقي.. الله يخليك.. وشكرا ليك..
يا مناااااااااااااااااااااال... الصورة ويني يمّه
بنت الحسين
|
Post: #13
Title: Re: shinninstar-بت الحسين- الشايقى - خدر- دكين -تبلدينا -قرشو
Author: أحمد الشايقي
Date: 07-18-2005, 03:51 PM
Parent: #11
منال محمد علي
الصورة مقرها الدسكتوب
بنت الحسين
| Quote: الشايقي.. الله يخليك يا يابا (وتدير له وجهها بامتعاض ومعه لوية خشم).. انت يا زول موش خربته العلاقات الدبلوماسية وسحبته السفير بتاعك من دولتنا.. ؟ ... |
ياخي ما قلنا صافية لبن, خلاسسسسس بعلمك اسباني لزوم البيس أككووووردد
تسلمي يا غالية
|
Post: #20
Title: Re: shinninstar-بت الحسين- الشايقى - خدر- دكين -تبلدينا -قرشو
Author: DKEEN
Date: 07-20-2005, 10:49 AM
Parent: #11
| Quote: LoOoOoOoL...يا ستار... ما عايزه خلاص وقت جابت ليها دكين.. انا أساساً دكين ده عندي معاه كلام ما حيعجبه |
اذكر في اواخر التسعينات كنا في مورتانيا بنحضر في اسرار لغات الهوسا والامازيغ وبس سمعنا انو شاكيرا عندها حفلة في طنجة ..
رحنا اليها على ظهور النياق والبغال ..تلاتة يوم بننهب في صحراء جبهة البولساريو ..
اخونا سليم طيب الاسماء ضقتو عقرب في صقع منسي عند سفح جبل وتوفى محل ما ضقتو ..دفناهو وكنا على عجل..
مشينا كتلنا الحفلة هناك وسجلناها بصورة جميلة تماما كشاكيرا ..
واهدينا الفاصل الاول من تلك الحفلة لروح الملدغ طيب الاسماء طيب الله الصحراء التي التحفته..
ياخي البت دي عندها نغمة في صوتها زي ما قال الطيب تشبه صوت الموية المدلوقة من جردل ...
لامن جينا راجعين سبنا نسخة من الشريط على شاهد قبر شهيد شاكيرا / سليم طيب الاسماء ..
يا بخت الجن في سماوات الامازيغ هسع يكونو كلهم بقولو بليل : يا حي يا قيوم
هسع يا بت الحسين انتي الكلام الما بعجبني ..منو القال ليكي ما بعجبني ..
انتي بس قولي ..
والعجب خليهو لى اخوكي..
|
Post: #12
Title: Re: shinninstar-بت الحسين- الشايقى - خدر- دكين -تبلدينا -قرشو
Author: DKEEN
Date: 07-18-2005, 03:15 PM
Parent: #1
ياشباب انا رفعت ليكم صورتي في صفحة الخريجين باسمي زاتو
QQQQQQQQQQQQQQQQQQQQQQQQQQQQQQQQQQQQQQQQQQQQQQQQQQQQQQ
ياخوانا فكونا من الفارغة صفحة الخريجين دي في ياتو فجة ؟؟
منال ..
شنو ياخي ماترسلي الصورة دي في صفحة الخريجين بتاعة دكين @هوت ميل دوت كوم
العرض يقدم مرة يا منال ..مرة كل ستة شهور ..
ياغرق يا جيتي حازمانا..
اقعدي اتاقلي تاني حرم تشميني الخريف الجاي ..
اخوكي زول موسمي ..
تبلدينا :
بطل رشاقة ..
وميسون نجومي ما تقعد تجيب سيرتا في المنابر العامة ذي الماشي تلاقي جاك دريدا..
زمان موش ابوك لامن كان يجيب ليك باسطة بتاكل وتقش خشمك ..
اها ذي ناس ميسون ديل بتلاقيهم وتقرض على نعمة الله ثم تحمده حمدا كثيرا وتركب مواصلات الفتيحاب تغني اين من عيني هاتيك المغاني....الخ
البت دي حرم لو سمعوك ناس هنا وهناك يهدرو دمك ...
يا الما عندك دم..
قال الاقي ميسون قال...
والله كان تلاقيها ما عارف!
خدر
نفوس لم تكبح غلواء شهوتها كوابيس اديان ..
ولا شنو كده كتمة هبوت ...
كتمة هبوت دي كاسرة فيني ضلعة ذي كسرة ضلعتي في البت مريم بت الحسين دي..
|
Post: #14
Title: Re: shinninstar-بت الحسين- الشايقى - خدر- دكين -تبلدينا -قرشو
Author: bushra suleiman
Date: 07-18-2005, 04:50 PM
Parent: #1
| Quote: سمعتي غنية Shakira الجديدة.. La Turtora.. دايره لي زول بعرف أسباني يترجمها لي.. كاسره فيني ضلع |
انتى يا بت الحسين العربى بقيتى ما بتعرفيهو؟؟ دى كمان دايره ليها ترجمه ما ياها الترتاره...اوعى تقولى لى ما سمعتى بيها!!
|
Post: #15
Title: Re: shinninstar-بت الحسين- الشايقى - خدر- دكين -تبلدينا -قرشو
Author: DKEEN
Date: 07-19-2005, 07:15 AM
Parent: #1
حرم سمحة ..
سمحة لامن حرام ذاتو يختوكي هنا وسط البرغش ...
واقعة من مجلة سيدتي انتي؟؟؟
ما عايز اقول ليكي انا ذي الشفتك في فجة ما ..
لكن وشك ده وش اباطرة بصراحة ...
امبراطورة امبراطورة كده..
ملوحظة :ايميلي لسع مالفيهو ولا تعليق!!
اخ ..جات داخلة بت الذين هسع ..سلام يا حبة انا زايغ
|
|
