Post: #1
Title: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: وليد شريف
Date: 07-13-2005, 04:51 AM
Parent: #0
يتوجه ود الباوقة الي السودان يوم 20يوليو الجاري بعد غياب طال لاكثر من عشرة سنوات في الغربة وتنتظم الباوقة هذه الايام رحلات مكثفة الي الخرطوم لاستقبال ابنها العائد من الغربة وقد خابرني احد اقربائي ان شباب المنطقة وشيبانها سوف يخرجون عن بكرة ابيهم لاستقبال عمر محمد عبد القادر بعد ان فقدوا الامل في عودته .....نتمني لود الباوقة اقامة طيبة و اجازة سعيدة بين اهله وعشيرته .
وليد شريف
|
Post: #2
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: حمزاوي
Date: 07-13-2005, 05:02 AM
Parent: #1
تمشي وتجي بالسلامة
يا ود الباوقه
نحن اسرة كريمة ركبنا الطيارة
ليك يا الباوقه القصاد ارتولي
يا الباوقه اللذيذ تفاحه
ما تنسى تجيب بركات من شيخ كدباس
قبل السفر حاتصل عليك
ان شاء الله
|
Post: #3
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: معتصم دفع الله
Date: 07-13-2005, 05:08 AM
Parent: #2
| Quote: وتنتظم الباوقة هذه الايام رحلات مكثفة الي الخرطوم لاستقبال ابنها العائد من الغربة وقد خابرني احد اقربائي ان شباب المنطقة وشيبانها سوف يخرجون عن بكرة ابيهم لاستقبال عمر محمد عبد القادر بعد ان فقدوا الامل في عودته |
يا وليد إنت ودالباوقة كان في ياتو فصيل ؟ ..
أظنه طول المدة دي كان بجهز في التوابيت عشان كده غتسان بره البلد ..
أها زولنا دا عنده نية يمشي يعمل ليهو ورشة توابيت هناك لي ناس الحكومة ..
ربنا يوصلك بالسلامة أخي عمر ..
سوف نفتقدك في الفترة القادمة ..
ولكن عزاءنا أنك سوف تكون بين أهلك وأحبابك وفي الوطن الحبيب ..
شكراً وليد ..
خلينا نتصل بالوزير المقاتل أحمد حنين عشان يعمل حفل إستقبال ضخم هناك ..
طبعاً البداية حا تكون بالساحة الخضراء ..........
|
Post: #4
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-13-2005, 05:13 AM
Parent: #2
| Quote: ما تنسى تجيب بركات من شيخ كدباس |
حمزاوي .. عايز محاية ولا بخور من كدباس .. في انتظار اتصالك ....
ود الباوقة
|
Post: #5
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-13-2005, 05:18 AM
Parent: #4
| Quote: وليد إنت ودالباوقة كان في ياتو فصيل ؟ .. |
معتصم .. انا كمندان في فصيل التوابيت المتحركة( سرية التوابيت الخبيثة ) .. وفي انتظار الترقية ...
ود الباوقة
|
Post: #10
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: معتصم دفع الله
Date: 07-13-2005, 01:52 PM
Parent: #5
| Quote: انا كمندان في فصيل التوابيت المتحركة( سرية التوابيت الخبيثة ) .. وفي انتظار الترقية ... |
خلاس يا ود الباوقة رقيناك لي رتبة لواء توابيت متحركة " رعديدة وخبيثة " ..
|
Post: #6
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: ودقاسم
Date: 07-13-2005, 05:26 AM
Parent: #1
الغالي عمر
لك التحية ،،، كلما مررت على اسمك جاءني عبق الباوقة وابناء الباوقة ،،،
تمشي وتجي بالسلامة ،،، والسلام أمانة ،،، تسلم لي على :
أستاذ عبد القادر محمد عبد القادر .
محمد عبد المنعم ( فوكس ) وأسرته.
عبد القادر حسن وخضر وأخوانهما.
صلاح ود السيد وأسرته.
صلاح بن إدريس والخزين واسرتهم.
حمزة وأسرته.
عوض ( بُقَل ).
وكل أهل الباوقة ...
|
Post: #7
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: mutwakil toum
Date: 07-13-2005, 05:56 AM
Parent: #6
ود الباوقة . فاكهة البورد . والتحلية.
ارجو ان لا تكون الباوقة حجة لانشغالك عنننا في الفترة القادمة ..
سمعت تحت تحت انو الباوقة فيها نت كافيه .
مودتي يا سيدي اينما وليت وجهك ..
|
Post: #8
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: خدر
Date: 07-13-2005, 09:55 AM
Parent: #7
عمر
جيب ليكـ معاكـ اخبار الاهل في العبيدية
و كدباس
|
Post: #24
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-15-2005, 03:16 PM
Parent: #8
Quote: عمر
جيب ليكـ معاكـ اخبار الاهل في العبيدية
و كدباس |
اخوي خدر ... وكمان معاهم ناس الفريخة والحلفا والضانقيل والغبش . وناس مبيريكة والكربة .. قصرت معاك ....
ود الباوقة
|
Post: #16
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-14-2005, 02:52 AM
Parent: #7
Quote: سمعت تحت تحت انو الباوقة فيها نت كافيه .
مودتي يا سيدي اينما وليت وجهك .. |
شكرا اخي متوكل .. ان انسى لا انسى زكراكم يا متوكل .. سازكركم بالخير ما حييت حيث تجسدت بيننا ارفع وانقى درجات الاخوة والمحبة وان اختلفنا في الاراء ..
اللهم لا تجعلنا من الذين( يهرفون ) في ما( لا يعرفون .. )
ان شاء الله يا متوكل لماامشي و اجي راجع القاك مرقت من تابوتك ... قول امين ..
ود الباوقة
|
Post: #14
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-14-2005, 00:05 AM
Parent: #6
شقيقي الخال ود قاسم .. سلامك سيصل باذن الله لكل المذكورين بل لكل اهلك الباوقة ... وانت جزء منهم .. والفترة الجميلة التي عشتها بيننا في الخرطوم تؤكد ذلك .. لك ولاسرتك الكريمة التقدير ..
عوض بقل دا منو ..
اشرح ....
ماذا تقصد به ...
ود الباوقة
|
Post: #15
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: ودقاسم
Date: 07-14-2005, 00:12 AM
Parent: #14
عمر
أعرف أنك تحرّضني على الكتابة عن تلك الفترة ، فترة بيت بت النور ، وحلة حمد ،،، والحوش الماكن ،، لمّا تمشي وترجع بالسلامة سنكتب هنا معا سيرة عوض بُقَل ،،، وهو من أظرف وألطف من التقيتهم في حياتي ، ومن المستحيل نسيانه ،،، له ولك ألف تحية ...
|
Post: #9
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: waleedi399
Date: 07-13-2005, 10:39 AM
Parent: #1
تمشي وتجي بالسلامة يا عمر ود الباوقة
بس عليك الله لمن تجي جيب لي معاك منقة من (الشرام)
وتحياتي إلى جميع الاهل بالسودان
خصوصاً أهلنا جيرانكـم الهناك
ح نفتقدك كثييييييير ربنا يكتب السلامة
ولـيـد
|
Post: #11
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: سجيمان
Date: 07-13-2005, 01:56 PM
Parent: #9
بقفل الساحة وبشيل مفتاحا
جناين الباوقة ال لزيز تفاحا
والله جنس كضب..... التفاح وين قاعد للباوقة؟
ربنا يكتب السلامة يا عمر
|
Post: #23
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-15-2005, 03:12 PM
Parent: #11
| Quote: والله جنس كضب..... التفاح وين قاعد للباوقة؟ |
كمان عشان ماتقول كضب التفاح حقنا ( ابو صرة ) اجيب ليك منو معاي يا سجيمان ...
ود الباوقة
|
Post: #20
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-15-2005, 00:30 AM
Parent: #9
| Quote: بس عليك الله لمن تجي جيب لي معاك منقة من (الشرام) |
عاوزا ابو سمكة .. ولا هندية .. ولا كوتش شنير .. والله يا وليد 399 خايف اجيبا وارجع القاك مع الجماعة ( متوبت ) لكن بنكلم عثمان يسوي ليكم زيارة كل يوم اربعاء من اخر شهر ...
ود الباوقة
|
Post: #33
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: waleedi399
Date: 07-16-2005, 06:09 AM
Parent: #20
| Quote: لكن بنكلم عثمان يسوي ليكم زيارة كل يوم اربعاء من اخر شهر ... |
انا بفتش في الاستقدام والاقامة وانت داير لي الزيارة بس
|
Post: #12
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: مصدق مصطفى حسين
Date: 07-13-2005, 02:49 PM
Parent: #1
أخوى الحبيب عمر
سأفتقد حرارة سلامك و ترحيبك فى اللمات البوردابيه ...
( إنت الوحيد البتحن على لما أقعد ألملم فى الكراسى براى )
تمنياتى بقضاء أوقات سعيده بين الأهل ،
و عودا حميدا مستطابا .
|
Post: #25
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-15-2005, 03:21 PM
Parent: #12
(| Quote: إنت الوحيد البتحن على لما أقعد ألملم فى الكراسى براى ) |
الكراسي تاني مسئولية الطالب عبد الرازق اوع تلم ليك كرسي .. وحاتوحشوني والله يا مصدق ....
ود الباوقة
|
Post: #13
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: Ibrahim Adlan
Date: 07-13-2005, 07:48 PM
Parent: #1
اجازة سعيدة وتمشي و تجي بالسلامة
سلام مربع للجميع خصوصا الرائع عبدالمنعم خواجة
|
Post: #17
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: المسافر
Date: 07-14-2005, 03:32 AM
Parent: #13
الليلة الليلة
وأزاي الليلة
وحرقنا حراق
بنار الكمائن ديلة
حريقنا حريقة
وحراقا شين
شالو بالمزيقة
مشيت للعمدة
قال لي ما بمضى
وحليل الرايق
حماني الغمضة
نسد الساحة
ونشيل مفتاحة
وعليك يا لباوقة
اللذيذ تفاحة
بهذه الكلمات هبكت الدلاليك وطنبرت الطنابير ولعلعت العكاكيز وانزلقت الفرك فوق عصب العواجيز .. في تكية شمس اتكت الفروع ظللت الترى يوم عفر تنيات الأصابع
ليلك يطول يخجله الدعاش وهبهاب دغاش من بين الهواتيب وزيفة خماير الخبز من فوهات المخابز .. حيت نار الشميسة وتجهم الرقراق وتقطعت حروف الكلمة كان بقت سلبة لدلو الفراق ...
الزينين كان راحو
والحارن فاتو مراحو
باقي الطير كيفن بتحاحو
ود الباوقة
موعود بالهمبريب
والكسرة بالملح الشمار
والجبنة في نص النهار
تمشي وتجي بالسلامة
وسلامنا لكل الناس
وولاد الناس
الباقي فيهم إحساس
كيف أصبحتو
أصبحنا زي الناس
تسلم يا عائد للدار المتقاة بشويش هواء
مسنودة بالجدر الصبورة
مركوزة بالعدد القديم
وكم أثر من نفر مضى
|
Post: #18
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: معتز تروتسكى
Date: 07-14-2005, 08:56 AM
Parent: #17
السمسار ياحليك
طال بعادى يا امدر امان
لى بعادى وحكم الزمان
طال شوقى يا امدر امان
. .
تانى البشيعنا منو
تصل بالسلامه بس ربك يستر على ناس الباوقه اللذيذ تفاحه ما تفضى الحله بى وراك. .
سلامى فى السكه لى ناس شندى والبسابير والجريف. .
|
Post: #19
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: حاتم الياس
Date: 07-14-2005, 11:08 AM
Parent: #18
قريبى عمر
أهلاً بك ومرحبا...بعد هذا الغياب الطويل
سمعت من مصادر موثوقه أن هناك لجنة تكونت لأستقبالكم واحده بالشرق
والتانية فى مشرع الباوقه بفيادة مخمد العوض ربان بنطون الباوقة وود الكديو
مجهز ليك اللنش فى حالة أى عطل طارئ للبنطون
الزينات والأنوار من المشرع لغاية الدويحيه....مع أنغام عبد الكريم الحورى
كما أن نحاس أهلك الأتقرياب لن يغيب عن هكذا مناسبة
مرحب بيك يامانجل.....وأم نخيل متشرفه
يامسافر........سجيمان بسال عن التفاح الراى شنو
ا
|
Post: #41
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-16-2005, 04:14 PM
Parent: #19
Quote: قريبى عمر
أهلاً بك ومرحبا...بعد هذا الغياب الطويل |
ابن العم الاستاذ حاتم الياس .. شكرا على حفاوة التكريم وحسن الاستقبال .. ضروري من مقابلتك هناك ان شاء الله .. مولانا اسامة حسن عبد القادر هو اقصر الطرق لوصولك لنا ...
Quote: سمعت من مصادر موثوقه أن هناك لجنة تكونت لأستقبالكم واحده بالشرق
والتانية فى مشرع الباوقه بفيادة مخمد العوض ربان بنطون الباوقة وود الكديو |
الله يبشرك بالخير يا حاتم تصدق كنت داير اجيب معاي ( عوامات ) لو اصاب البنطون عطل .. لكن ود الكديو صديق عزيز وما بقصر معانا .. اللهم بارك له في ( لنشه )
ود الباوقة
|
Post: #28
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-15-2005, 03:37 PM
Parent: #18
الصديق تروتسكي .. كان بودي تاخير السفر لحين دخولك التابوت ولكن لانعدام( الابلكاش ) قررت السفر ومتابعة الامر من هناك .. الاخ وليد 399 هو من ينوب عني في التشييع ... واكمال ما تبقي من التوابيت
ود الباوقة
|
Post: #32
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: waleedi399
Date: 07-16-2005, 06:07 AM
Parent: #28
| Quote: .. الاخ وليد 399 هو من ينوب عني في التشييع ... واكمال ما تبقي من التوابيت |
ود الباوقة،،
سافر انت وخت في بطنك بطيخة من النوع الصيفي ما تخاف توابيتك في امان بجيهها ليك تمام ..
بس امشي سريع وتعال قبل ما تلقانا شيعناها باقي اخونا عثمان مستعجل للتشيع
ولسان حالنا بقول اكرام التابوت تشييعه في الحال 
|
Post: #27
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-15-2005, 03:32 PM
Parent: #17
| Quote: بهذه الكلمات هبكت الدلاليك وطنبرت الطنابير ولعلعت العكاكيز وانزلقت الفرك فوق عصب العواجيز .. في تكية شمس اتكت الفروع ظللت الترى يوم عفر تنيات الأصابع |
ابن العم المسافر ليتك صادفتنا في هذه الاجازة حتى تكتمل الفرحة ... الف شكر على المداخلة القيمة وسامر على كل الاهل بالخرطوم ان شاء الله ... لك الود ...
ود الباوقة
|
Post: #26
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-15-2005, 03:27 PM
Parent: #13
| Quote: سلام مربع للجميع خصوصا الرائع عبدالمنعم خواجة |
الرائع ابرهيم عدلان ... سلامك سيصل الاخ منعم خواجة وكل الخواجات اينما وجدوا .. انت بدورك بلغ تحياتنا لاسرتك الكريمة .. وللاخ عثمان محمود وزوجته واولادهما ...
ود الباوقة
|
Post: #21
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: هشام مدنى
Date: 07-15-2005, 02:22 AM
Parent: #1
تمشي وتجي بالسلامة
يا ود الباوقة
مع تحياتى لاهل الباوقة
|
Post: #22
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: المسافر
Date: 07-15-2005, 06:58 AM
Parent: #21
الأخ حاتم
مرة استمعت للقائد معمر القذافي حاكم ليبيا في أحد لقاءاته التي ينتقد فيها تصرفات الليبيين وقال ليهم :
انتو بتستوردو الموز من تشيلي
ويضعوا ليكم عليه دمغة
وتدفعوا ليهم بالدولار
والموز في السودان يأكلن فيه الحمير
أهو سجيمان
يأكل في تفاح بورتريكا
ومن منبع تخصصه
خايفوا يقول
التفاح في الباوقة يأكلن فيه الضباع
|
Post: #29
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: محمد عبدالرحمن
Date: 07-15-2005, 04:17 PM
Parent: #22
ربنا يوصلك اهللك سالما ياعمر ..
رحلة سعيدة ..
شكرا وليد ..
محبتى
|
Post: #40
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-16-2005, 04:02 PM
Parent: #29
اخي محمد عبد الرحمن .. ربنا يوصلنا بالسلامة .. وسلامي الكثير لك ...
ود الباوقة
|
Post: #39
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-16-2005, 03:56 PM
Parent: #21
Quote: تمشي وتجي بالسلامة
يا ود الباوقة
مع تحياتى لاهل الباوقة |
الاستاذ هشام مدني .. تحياتك ستصل بعون الله الى كل اهلك بالباوقة .. وناس كرار اولهم .. لك الود
ود الباوقة
|
Post: #30
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: Tragie Mustafa
Date: 07-15-2005, 04:32 PM
Parent: #1
ود الباوقه
سلام
تمشي وترجع بالسلامه
وتحكى لينا كيف الباوقه
وجدتها بعد عشره سنوات
وبعد ترجع انا بحكى لك عن سحنات ناس (السودان الاصليين)
تحياتى وامنياتى ان تجد اهلك واهل بلدك بخير.
تراجى.
|
Post: #31
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: المسافر
Date: 07-15-2005, 10:37 PM
Quote: وبعد ترجع انا بحكى لك عن سحنات ناس (السودان الاصليين)
|
الأخت تراجي
تحية وافرة
إذا اردت أن تعرفي عن سحنة منطقة الباوقة في أصلها
وفي الأصل كانت مشيخة عنجاوية ، أي مملكة للعنج تبدأ من واوسي وطمس والبلياب والكواكوة وسور قصورة والكيرهانة وحلة نوير وحلة سومباي والجرانيس والجزيرة سرمباس والجزيرة ارتولي وخور الدونساب حتى الجول وفتوار...
إدريس (إنقر) بن الشيخ عبد الله جماع تزوج بنت كبير العنج وذلك نظراً لحضورة لحفلة الرقص واختيار العريس لبنت كبير العنج ، حيث قامت العروس بقلع شجرة كبيرة ووضعها عند مشرع المركب (معدية على النهر) واشترطت من يستطيع جر الشجرة (من عند الضفة حتى أعلى الجرف) يكون هو العريس ، وصادف مرور إدريس عبد الله جماع في ذلك الوقت وفشل الكثير من الخطاب فقام هو بجر الشجرة ، وكان هو العريس ، أولاده هم الإنقرياب ( أي أولاد إدريس إنقر) الذين توزعوا بين الضفتين منهم الحمزياب وكانو شرق النيل وشيخهم الأمين والجرانيس بالغرب وشيخهم حمد العسيلي ونظراً لحركة التجريف الكبيرة التي تمت للضفة الشرقية ورحولها للضفة الغربية حيث سموها (الأرض الباقة ) أي بقت جديدة إنتقل الحمزياب إلى غرب النيل وإخيراً أجتمعو غرب النيل في المنطقة الجديدة (الباوقة) (باوقة حمد وألمين) وذلك بعد معركة وتقاتل بالسلاح الأبيض بمنطقة الدونساب والإتفاق فيما بعد..
أما الجزر حول المنطقة وأكبرها جزيرة ارتولي فسكانها الأصليين نوبة الشمال مثل أغلب جزر النيل عمارها من المحس وكلمة ارتولي مركبة من قسميت وهي أر - تول وتعني ذراع الرب ، وبالفعل الجزيرة في شكل ذراع متني مثل الهلال.
بافضافة للسكان الأصليين يعيش في المنطقة الجعليين والرباطاب والميرفاب والمناصير وبعض القبائل الأخرى
|
Post: #34
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: وليد شريف
Date: 07-16-2005, 11:33 AM
Parent: #31
السلام عليكم جميعا
Quote: ما تنسى تجيب بركات من شيخ كدباس
|
ياحمزاوي بركات شيوخ كدباس بتقلبك جلابي اعمل حسابك
|
Post: #35
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: وليد شريف
Date: 07-16-2005, 11:44 AM
Parent: #34
| Quote: يا وليد إنت ودالباوقة كان في ياتو فصيل ؟ .. |
الزول ده يا معتصم كانه في فصيل راجمات الريال
وليد شريف
|
Post: #36
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: وليد شريف
Date: 07-16-2005, 11:56 AM
Parent: #35
Quote: والله جنس كضب..... التفاح وين قاعد للباوقة؟
|
سجمك يا سجيمان كان ما سمعت بي تفاح الباوقة واللا دايرك ملاقطة معانا ساكت
وليد شريف
|
Post: #37
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: وليد شريف
Date: 07-16-2005, 12:02 PM
Parent: #36
Quote: وبعد ترجع انا بحكى لك عن سحنات ناس (السودان الاصليين)
|
مايميز بنات اهلي وبنات عمي في الباوقة الاصالة والنقاء وحب الخير للجميع
وما يميزهم ايضأ عدم النعيق في السادرة والمدلية
ومايميزنا نحن اهل الباوقة كرهنا للبؤم طائر الشؤم الذي بإطلالته يحصل الخراب والدمار .
وليد شريف
|
Post: #38
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: mutwakil toum
Date: 07-16-2005, 12:21 PM
Parent: #37
ود الباوقة ..
وبما انك ابديت نوايا حسنة ورغبة اكيدة فقد تم توسيطك لغربلة التوابيت
وافراج بعضنا - نحن - بشهادة حسن السير والسلوك .وترك الآخرين -ناس معتز تروتسكي - ..
الي حين توثيق حسن سيرهم .
الموضوع واقف الي حين عودتك من الباوقة
قضي الامر
|
Post: #43
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-17-2005, 04:24 PM
Parent: #38
Quote: الموضوع واقف الي حين عودتك من الباوقة
قضي الامر |
اخي متوكل .. المسالة مسالة وقت ربما طلع بعضكم وظل آخرون في توابيتهم يقبعون ...اما بخصوصك يا متوكل المسالة تحتاج تدخل جراحي نظرا للحالة المتردية التي يعيشها تابوتك حسب وصف السيد الرئيس .. كان الله في عونك .. واهم شيء تكون قاعد في منطقة باردة والحمد لله تابوتك ناصية و بيفتح على شارعين .. يا بختك ...
ود الباوقة
|
Post: #42
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: عمر محمد عبد القادر
Date: 07-16-2005, 04:23 PM
Quote: ود الباوقه
سلام
تمشي وترجع بالسلامه
وتحكى لينا كيف الباوقه
وجدتها بعد عشره سنوات |
سلمك الله وحفظك من كل سوء ....
Quote: وبعد ترجع انا بحكى لك عن سحنات ناس (السودان الاصليين)
تحياتى وامنياتى ان تجد اهلك واهل بلدك بخير.
تراجى. |
الاخت تراجي .. ليتك اكتفيتي بكلامك الاول فقد افسدت الطعام والمطعوم ..
ود الباوقة
|
Post: #44
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: زول ساكت
Date: 07-17-2005, 10:49 PM
Parent: #42
تمشي وتجينا بالسلامه ياعمر
|
Post: #45
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: محمد حسن العمدة
Date: 07-18-2005, 04:35 AM
Parent: #44
Quote: مشيت للعمدة
قال لي ما بمضى
|
المسافر تعال لي انا بمضى ليك ماعندك مشكلة
ود الباوقة تمشي وتجي بالسلامة
تراجي يا ريت توضحي انتي قاصدة شنو بالسودانيين الاصليين
وانا في انتظارك
|
Post: #46
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: ahmed haneen
Date: 07-18-2005, 10:35 AM
Parent: #1
وليد
تحياتي
عليك الله ما تطلع الدعايات والأشاعات
الزول دا ما مضمون
انتظر لمن يصل الباوقة واديك خبرو
انا خايف يكون ناوي علي العراق ولا لبنان
اصلا هو بحب اكل التفاح
|
Post: #47
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: tmbis
Date: 07-18-2005, 10:45 AM
Parent: #46
ود الباوقــه
حتوحشنا.. والله .. وتمشي وتجي بالسلامة
بس ياربي خلصت موضوع المينييه والا ماشي ساكت بالي ليهم راسك ؟؟
وبعدين عندك شغل هنا في البورد لسه ما خلصتو.. البتابعو ليك منو ؟؟
وليد الايامات دي ما فاضي ومعتصم برضو
وانا والله شغل العتاله ما عندي ليهو حيل كدي رشح لينا زول..
أحمد حنين..
وينك يا مقاتل يا شفيف ؟؟
اهـــا .. احكي
|
Post: #48
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: Badri
Date: 07-18-2005, 10:51 AM
Parent: #1
العزيز عمر
اجازة سعيدة وان شاء الله بعد السنين دي كلها يعجبك حال البلد وتقضي أيام جميلة
والجو مايعمل معاك عملتو معاي طبعاً أنا قضيت أسبوعين هناك سخانة وغبار بشكل غير عادي
لكن شكلك فكي بتمشي تصلحو على العموم تحياتنا وتمشي وتجي بالسلامة
أحمد حنين والله كان نفسي ألاقيك هناك عشان أقيس الروح القتالية مابين هنا وهناك لكن للأسف
الفترة كانت صغيرة جداً وماكنت عارف ليك درب هناك ... مدسوس وين كنت ياحنين
|
Post: #49
Title: Re: ود الباوقة يغادر الي الباوقة بعد غياب اكثر من 10سنوات في الغربة !!!!!!!!!!
Author: DKEEN
Date: 07-20-2005, 11:07 AM
Parent: #1
ابو سجى يا وجيه ..
ياخي انا نفسي اشوف اول انطباع لي ود الباوقة بعد عشرة سنين غربة ..
اول انبطاع حين يرى اول كوز راكب فارهة سافي الخلق..
واول انبطاع لامن يشوف اول فيلا لي اخر كوز سف البلد ..
واول انبطاع لامن يلقى الايات الكريمات خرجت من نفوس اخر الناجين من الذبح وعلقت في الشوارع ..
واخر انطباع لامن يلاقي المكبرتات اللواتي تكربتن من عرق الرواعية في الخليج ..
المكبرتات صاحبات الحظوة رافعات المصاحف في اسنة رماح جهاز شؤن المغتربين ..
المدخنات اللوائي بقدرة قادر حولن رائحة عرق الرعاة الى رائحة دلكة في غرفة نوم باردة ..
ماشي توجع قلبك وتجي ياعمر ؟؟
ود الباوقة احسبك الان تقشر لرحلة من الشوق..
والان انت متوجه الى المطار ...
اقولها لك ..
راجع نفسك..
ان البلاد ليست لنا...يا تمشي ما تجي يا ماتمشي وبالتالي ما تجي ..
الجية خليط من الشوق والوجد والذكريات ..
وربنا يكتب سلامتك ..وعديلة شقيش تقبل ..
|
|