Post: #1
Title: مدني تحتفل بزواج الوريف الاخ الفاتح غرباتشوف
Author: Sabri Elshareef
Date: 07-11-2005, 05:50 PM
الخميس القادم زواج احد اركان الدنيا الفاتح غرباتشوف وهو من
مدني اصلو بديري دنقلاوي يحب الديمقراطية والشيوعية والشيوعيين
هو ليس شيوعي تنظيما لكن شيوعي الاقا وموقفا ومحبة وهو يتماشي
مع قول العارف الشيخ العبيد العندو محبه ما خلي الحبه
غرباتشوف صديق الكل من دار الحزب الي دور اعضاء الحزب ويتجلي
وهو الاولي , يحب عم محمد سيد احمد عليه الرحمة وهو مؤسس مكتبة
الفجر بل يحب احمد وخالد عمال المكتبة ورواد المكتبة وبعض الاحيان
يشتغل معاهم بدون اجر يكتفي بالمحبة , يضحك لكتابة حميد الشعرية
ويردد معاه لقيت لي تمساح في المسجد منبطح ديل مسلمين لا لا
ديل مجرمين طيب ما تضربوهم بالسلاح تاح تتاح يا لسماحة
غرباتشوف يحضر اليك من عصرا بدري ومرات مع صياح الديك ويسهر
لجنبك في الاحن والمحن ويا سلام لمن نشوف لينا بنات سمحات
وملتزمات يعني اخوات جرح وليس لنسيبة اخوات وصال سلمي منال
فاطمة السمحة وكتيرات ومع ناس ود المصطفي وعصمت وصافيناز ده
كلام تاني يدافع عن المراة بسليقة وعي اولاد وبنات فقرا تربوا
في اشلاق بوليس يا ....................................
ده كلام تاني فيدافع عن طلبة وطالبات جامعة الجزيرة اكثر من.ناس
اصحاب وجعة وانجلد في ميدان سباق الخيل لكنو كان فارس وكيف
ما يكون وهو يعاين في الطالبات يجلدن يا قورو وهذا اسم
دلع ان كان يوجد دلع وله علاقة مع عشه العمرابية وهي بتحبو
ولنا حكاية عنهما والاكليل , عادل عوض الله وعصمت الدسيس اكتبوا للفاتح ولن نوفيه ما اعطاه لنا لا نقدر علي رده وهو مدافع
ونصير للديمقراطية وكل الاحزاب له بها علاقة وزهج جدا من خروج
الخاتم ووراق وعصمت وله راي ان الزول لو زهج ما يفوت حوشو
الكبير شرق او غرب لكن حافظ علي ناس حوشك
هذا فيض من فيضان يعتريني غرباتشوف واتحاد الشباب السوداني
فرع اشلاق البوليس العلي اللات وناس روسي ويا
ايضا منتدي كنار وشجرة المعرفة محمد عز الدين ومحمد محي الدين
وعلي مؤمن واخرين وناس علي خليفة وصالح علي صالح وبت كرار
الفاتح وعمر جعفر واتحاد الفنانين ومسرح الجزيرة والتدريس
والي غد لنكمل سيرته التي هي احلي من سكر كنانة مبروك للعروس جاييك ولد معتق بريحة اماتنا ونظرة اخواتنا وبسمة شهيدنا الاستاذ محمود كفاية بكرة جميل
|
Post: #2
Title: Re: مدني تحتفل بزواج الوريف الاخ الفاتح غرباتشوف
Author: نصار
Date: 07-11-2005, 06:11 PM
Parent: #1
العزيز صبري
مبروك للاخ الفاتح و عروسه
طبعا انت بتعرض ذاكرتي المجهدة من كثرة الترحال
و المنافي عندما تستعدي كل هذا الطيف الجميل
من البشر،، لعشة العمرابية السلامة و الودة
واصلي عشان تجهجهنا زيادة،، دي جهجة تعيد للانسان بعض من انسانيته الضائعة
او المستفة في شنط الرحيل
سلم علي صداح
|
Post: #3
Title: Re: مدني تحتفل بزواج الوريف الاخ الفاتح غرباتشوف
Author: Sabri Elshareef
Date: 07-11-2005, 06:35 PM
Parent: #1
شكرا يا علا الدين نصار
الذاكرة زاملة سيدا يا حليل ناس طارق الابوابي وهو يداوي
في المرضي ومعاهو اخوه عبد الله وصبري وياسر بقي تاجر عطور
وهل تصدق غرباتشوف مواصل هذا الجزء من الكل ويزيد بمشاوير
لطيبة الشيخ عبد الباقي وعلاقته الخاصة بشيخ عبد الله ازرق طيبة
يا سلام علي الولد السمح الفاتح في يده مفتاح مدينتنا
يتنقل في احياء مدني تنقل الفراشة بين زمن وزمن نتبدل نحن
ويبقي هو هو ضحكة وصلعة زايدة
تشكر الديبة وانت سابقنا في العمل الجماعي منذ ان بدات مع
صداح في دار الرعاية بروفات مسرح يا لذاك الزمان
|
Post: #4
Title: Re: مدني تحتفل بزواج الوريف الاخ الفاتح غرباتشوف
Author: هشام مدنى
Date: 07-11-2005, 06:37 PM
Parent: #1
|
Post: #5
Title: Re: مدني تحتفل بزواج الوريف الاخ الفاتح غرباتشوف
Author: Sabri Elshareef
Date: 07-11-2005, 06:53 PM
Parent: #1
شكرا هشام مدني يوصل هذا الكرت الجميل
ومزيدا من الافراح والي لقاء اخر
|
Post: #6
Title: Re: مدني تحتفل بزواج الوريف الاخ الفاتح غرباتشوف
Author: مصدق مصطفى حسين
Date: 07-12-2005, 05:29 AM
Parent: #1
اخى صبرى الشريف
تلألأت كلماتك كما النجوم فى سماء خاليه من السحب ذات ليلة حالكة السواد ...
تنظر اليها و انت وسط الحواشات ما بين الكريبه و مدنى ...
أثرت فى كوامنّّّّّّّّّّّّّّّّّّّّّّّّّّّّّّّّّّّّّّّى حبا مقيما لمدنى و لوفاء أولاد مدنى و أنت تهنىء الفاتح عريسا ،
تمنياتى له بسعاده ممتده .... و لك .
|
Post: #7
Title: Re: مدني تحتفل بزواج الوريف الاخ الفاتح غرباتشوف
Author: nashaat elemam
Date: 07-12-2005, 05:42 AM
Parent: #1
لم اعرف الفاتح.. لكن يكفي انه من مدني تلك الانثى الأكثر فتنة
ممن سواها.. الف مبروك.. وحدثونا عن مدني .. امتعكم الله
بيت مال وعيال وعقبال كل الشباب
|
Post: #8
Title: Re: مدني تحتفل بزواج الوريف الاخ الفاتح غرباتشوف
Author: Sabri Elshareef
Date: 07-12-2005, 08:12 AM
Parent: #1
المدنيين ويرحل معك الي شيخ قنديل ولا ينسي مدائح شيخ شاطوط
وسبقوا لكل المشايخ من تلحين مدائح ومجارات الاغنية السائدة تلقي
غورباتشوف مع ازرق طيبة ماخد الطريق والطريق لمن صدق ويزور
معاك سعدابي وود كنان وكل العارفين .
تاني شريك لكل منتديات المدينة رابطة الج
|
Post: #9
Title: Re: مدني تحتفل بزواج الوريف الاخ الفاتح غرباتشوف
Author: معتز تروتسكى
Date: 07-12-2005, 08:37 AM
Parent: #8
خبر جميل فى ظل نشاف مايسعد هذه الايام..
وكمان من مدنى...(مدنى اجمل خبر)
كم انا فرحان..
الف مبروك
الفاتح غرباتشوف
بيت مال و عيال و فرحة و محبة و سعد ابدي
شكرا كتير
Sabri Elshareef
...
|
Post: #10
Title: Re: مدني تحتفل بزواج الوريف الاخ الفاتح غرباتشوف
Author: Sabri Elshareef
Date: 07-12-2005, 05:14 PM
Parent: #1
تسلم معتز تروتسكي
|
Post: #11
Title: Re: مدني تحتفل بزواج الوريف الاخ الفاتح غرباتشوف
Author: nashaat elemam
Date: 07-13-2005, 02:31 AM
Parent: #1
العزيز صبري الشريف
حوام أمريكا.. ياخي ازيك ومشتاقين.. شدييييييد
اخبارك شنو؟ بطلت الحوامة؟
أخبار عصمت الدسيس شنو؟ ان شاء الله تكون معاك<< وهو قالوا في استراليا
والشباب كلهم أخبارهم شنو.. صفوت.. وصداح.. تحياتي ليهم
.....الرجاء الرد
اخوك: خالد عثمان محمود - مدني - التلفزيون
|
Post: #12
Title: Re: مدني تحتفل بزواج الوريف الاخ الفاتح غرباتشوف
Author: Sabri Elshareef
Date: 07-13-2005, 09:43 AM
Parent: #1
يااهههههههههه خالد سلام اليوم زواج غرباتشوف زمن
ازيك وازي كل من حولك عصمت منتظر يكمل نصفه الحلو وهو
وبشري باستراليا لنا لقيا عبر الخاص ده عنواني [email protected]
|
Post: #13
Title: Re: مدني تحتفل بزواج الوريف الاخ الفاتح غرباتشوف
Author: Sabri Elshareef
Date: 07-14-2005, 07:20 AM
Parent: #1
مصدق مصطفي حسين
ياسلام علي مدني وما حول مدني مدينة عشنا فيها بدون جهوية
او عنصرية حيث لا تجد حي شوايقة او دناقلة او جعليين
الوحيد هو حي المدنيين ويرجع الي مدني السني ويا ود كنان
انت ادري ما بين الكريبة والعارف بالله ود كنان تسلم وصديقنا
الفاتح غورباتشوف الليلة عريس وهو فاكهة من فواكه مدني
|
|