Post: #1
Title: تمبس -- The Lord of the Songs
Author: THE RAIN
Date: 07-02-2005, 05:22 AM
Parent: #0
كان من المفترض أن يتم إنزال هذا الإحتفال فى يوم الموسيقى العالمى فى الحادى والعشرين من يونيو المنصرم، ولكن حالت بيننا زحمة الأشغال والأحوال وكثرة الأوحال
ف
تمبس
أو
علاء الدين
أو
هذا الكائن الجميل
يحمل بين أضلاعه قلب قديس، وتسرى فى أفياء جسده روح ملك، أرضى الوجه، سماوى الطعم
يختزن هذا الكائن البديع فى حشايا حسه المرهف العالى، كمية من الذوق المتميز تكفى جميع أهل الأرض، ويمتلك قدرا من الحس المتفرد، يمكن أن تروى جدب كل النفوس اليابسة المتكدرة، وأن تسقى أرض الوجدان العطشة
فهو ومن القليل الذى نعرفه عنه فقط، ذواقة من طراز خاص، لذا وجب الشكر علينا، نحن عشاق الموسيقى الحقيقية والكلمة كاملة النكهة والمعنى، وجب علينا أن نحتفى به، فقد تجد الكثيرين ممن باستطاعتهم إشباع نهم البطون وتغذية الأجساد، ولكنك حتما لن تجد مثلهم ممن يقدرون على سقاية وإطعام الأرواح، فالموسيقى غذاء الروح، وبدونها تذبل أغصانها وتصفر أوراقها، ثم قطعا تسير نحو فناءها، وكم من أجساد تسعى بين الناس وهى ميتة
تمبس يهتم ببصيرة العارفين والمدركين، بكل صنوف الموسيقى وكل أنواع الغناء
من شرق الأرض الى غرب القلب، ومن غرب الأرض الى شرق الروح
يعرفها كما راحة يده، يميز الخبيث من الطيب منها، وما أن تسأله كأسا واحدا من نغم واحد، حتى يأتيك مهرولا ومعه نهر كامل من سقيا النغم ورواء المعرفة
أما ما هو مهم فى الأمر
فإن إنسانا هذا شأنه وذاك دابه، لا يمكن أن ينبع منه هكذا حس وأن ينساب من لدنه هكذا شعور وسخاء وجمال، لبد أن يكون من أجمل الناس وأسماهم روحا وأغناهم عقلا ووجدانا وشعور
فهو صوفى يبحر الى الأعلى صعودا مع همسات السماء، ويغوص عميقا مع خفقات الأرض
هو عليم ببواطن الشأن الموسيقى، بأهله ورواده الأول ومجايليه المحدثين، يرفع من شأن الموسيقى ويقدر معناها وأهلها
هذا الموضوع ليس ترويجا لهذا الإنسان الفنان، بل هو إحتفاء به لأنه حقا جدير بالإحتفاء والمحبة
العنوان، مستوحى من الفلم الجميل
The Lord of The Rings
|
Post: #2
Title: Re: تمبس -- The Lord of the Songs
Author: معتصم دفع الله
Date: 07-02-2005, 05:29 AM
Parent: #1
| Quote: هذا الموضوع ليس ترويجا لهذا الإنسان الفنان، بل هو إحتفاء به لأنه حقا جدير بالإحتفاء والمحبة |
أنا ما حدثتك يا مطر ؟..
بجيك راجع تاني ..
|
Post: #5
Title: Re: تمبس -- The Lord of the Songs
Author: tmbis
Date: 07-02-2005, 06:10 PM
Parent: #2
معتصم...
حسب الاتفاق يا صاحب ..
|
Post: #3
Title: Re: تمبس -- The Lord of the Songs
Author: Sidig Rahama Elnour
Date: 07-02-2005, 05:34 AM
Parent: #1
تمبوس رجل جميل يستطيع جلب الفرح لحظة أنقراض الأمل في إنقطاع الحزن
وهو رجل مسكون بالفن يتساقط من حضوره لحنٌ من زمن الإنشاد
وتعتريك نشوة الموسيقى بمجرد رؤية أسمه في صفحات الحضور ...
وتأخذك نورية الأشياء نحو وجهه الضحوك في الزمن العبوس
هو يستحق كل قول جميل ،،، ويالله ياجماعة تمبوس علينا جاي ...
|
Post: #13
Title: Re: تمبس -- The Lord of the Songs
Author: tmbis
Date: 07-06-2005, 09:29 AM
Parent: #3
الصديق..
صديق رحمة..
شكرا لقدسية الاشياء الجميلة بداخلنا
التي يمكن أن نرى من خلالها .. ما يسرنا..
وشكرا لهذه الصداقة التي بيننا.. من خلال هذه المساحة
..
.
|
Post: #4
Title: Re: تمبس -- The Lord of the Songs
Author: tmbis
Date: 07-02-2005, 06:04 PM
Parent: #1
المطر ..
وجب الشكر علينا نحن..
فما تفعله المزيكا ،، يقوم مقام الكلمة ...
نحن يا مطر دراويش سمع وانت لسان كلمة وشيخ طريقة ونحن حيرانك
بالجد يا مطر لاول مرة احس اني عاجز عن صياغة الكلام .. الكتبتو بيعني لي الكتير الكتير..
وطالما المزيكا في .. خلينا نحشد ليها..
واتحزم يا صديقي واذكر الايام الخوالي ..
فالمساحة مزيكا.. وكلمة..
انا جاهز .. ليك
|
Post: #6
Title: Re: تمبس -- jukebox.asx
Author: filan
Date: 07-03-2005, 02:18 PM
Parent: #4
أستاذنا وواحتنا تمبس إنعم بهطول المحبة بقدر السكون الذي منحتنا بلا منة ولا كلل من إسترقاقنا النظر ومن صمتنا الأسير بإختياراتك المتصاعدة دوماً..
سأعود برواقة إن شاء الله
وحتي ذاك الحين ركز علي الأغنية الثالثة .
و معذرة علي إختيار الرقم 13 المخيف علي ذمة أفلام هوليوود ...
وشكراً للمطر .
|
Post: #14
Title: Re: تمبس -- jukebox.asx
Author: tmbis
Date: 07-06-2005, 09:38 AM
Parent: #6
العزيز filan
شكرا لك وللمطر دائما.. والرقم طلطاشر على وجه التحديد
لاني بتعامل معاهو بي فهم خاس بتجاوز انو طلطاشر .. بتعمل معاهو كأنو أربعة 3+1
والرقم اربعة بعتقد فيهو كتير ..لانو ليه علاقة بي اربعطاشر..المقرونه عندي بي يوم الاتنين
اليوم المهم جدا في حياتي ..
ما تشتغل بي هضربتي الفوق دي ..
بس عايز اقول ليك انو الملف ده يا فلان قدرما دخلتو في اي مكان ما اشتغل معاي
كدي لما تجي بي رواقه
اديني المفتاح..
ومرحب بيك في البوست ده ..
وفي انتظار عودة المطر
لانو عندو مشكلة تقنية مواجهاهو ليها كم يوم..
محبتي ..
|
Post: #7
Title: Re: تمبس -- The Lord of the Songs
Author: مريم بنت الحسين
Date: 07-04-2005, 04:32 AM
Parent: #1
تمبس... والله اللقب مفصّل عليك.. بس لو ما خليتي اشك في ذوقك في شبشب خدر داك.. كنت صوّته ليك 
المطر... شكراً على المبادره الجميله... يستاهل والله ...
|
Post: #9
Title: Re: تمبس -- The Lord of the Songs
Author: معتصم دفع الله
Date: 07-04-2005, 04:48 AM
Parent: #7
طيب النكمل ليك يا مطر ..
هذا التمبس من أسرة فنية متميزة ..
الوالد أستاذ موسيقي في موسيقى الشرطة تخيل بيكون كم واحد تخرج على يديه ..
شقيقه الأكبر موسيقي معروف ومشهور خريج معهد الموسيقى والمسرح ..
من أعمدة أوركسترا السمندل وفرقة وردي الموسيقية ..
وتمبس دا زي ما قلت ليك زول فنان دارس موسيقى يعزف على آلة الجيتار والعود ..
وزي ما إتفقنا إنت كمّل بالكلمات والشعر ..
ونحن بالمزيكا والغناء ..
|
Post: #16
Title: Re: تمبس -- The Lord of the Songs
Author: tmbis
Date: 07-06-2005, 10:03 AM
Parent: #9
معتصم..
عبرك احي والدي العزيز ..
واتمني ليهو طول العمر .. والصحة.
شكرا يا صديقي
|
Post: #15
Title: Re: تمبس -- The Lord of the Songs
Author: tmbis
Date: 07-06-2005, 09:57 AM
Parent: #7
مريم..
يازولة اول حاجه.. احي الروح الرياضية المغيره بيها شكل البورد..
بالتلقائية..
والبساطة ..
والله يا مريم الواحد بيدخل ليك البوست بيفتكر نفسو في السودان..
وفي السودان قاعد جوه البيت..
مالو . يكون في مساحة للدين ،، ومساحة للسياسة والغنا.. ومساحة ( للبلنجات )
لكن ما ممكن كلها تكون نكد .. وحرب ..
علشان كده بلاهي دوزنينا بي الحاجات دي طوالي ..
ومسألة الشباشب دي بتتحله..
..
.
وانا مصوت ليك قبل كده مرتين يا مريم
|
Post: #8
Title: Re: تمبس -- The Lord of the Songs
Author: nashaat elemam
Date: 07-04-2005, 04:39 AM
Parent: #1
راقي والله تمبس.. شكراً لهذا الدفق الموسيقي الرائع
|
Post: #10
Title: Re: تمبس -- The Lord of the Songs
Author: محمد حامد جمعه
Date: 07-04-2005, 04:55 AM
Parent: #8
The Lord of the Songs
طيب يا تامبا
ما تنزل لينا (العزيزة الما بتسال عن ظروفنا )
|
Post: #18
Title: Re: تمبس -- The Lord of the Songs
Author: tmbis
Date: 07-06-2005, 11:43 AM
Parent: #10
النقر ..
..
.
يازول بنزل ليك ابوها ولا يهمك
لكن المشكلة اني ما لاقيها..
اديها صنه..
في البوست ده بتوصلك..
|
Post: #17
Title: Re: تمبس -- The Lord of the Songs
Author: tmbis
Date: 07-06-2005, 10:08 AM
Parent: #8
nashaat elemam
المزيكا حبابه يانشات
بيها بتنعدل حاجات كتيرة وتترتب ..
ارخي اضانك اكتر..
وبركة الجيت..
|
Post: #11
Title: Re: تمبس -- The Lord of the Songs
Author: willeim andrea
Date: 07-04-2005, 06:19 AM
Parent: #1
عندي اعتراض بسيط حكاية الاقتباس ... داك كله خرافات اما الحبيب ود المورده حقيقه ساطعه وانسان داخل انسان وروح نظيفه وجميله تملاك بهجه ورقي ... ربنا يحفظه لشبابه ولكم الف شكر علي المبادره ومساحات من التقدير والاعجاب للكل
|
Post: #12
Title: Re: تمبس -- The Lord of the Songs
Author: ابو جهينة
Date: 07-04-2005, 06:32 AM
Parent: #11
أبا ذر الغمام
| Quote: فهو صوفى يبحر الى الأعلى صعودا مع همسات السماء، ويغوص عميقا مع خفقات الأرض |
لقد أنصفت هذا الأمدرماني ...
تخريمة : علاء منصور عندما يكتب يكتب بأسلوب عقلاني و منطقي و يجيد التحليل.
و إن إلتفت إلى اللحن .. فهو من فصيلة (ياني ) و ( زمفير ) و ( خليل فرح ) ..
و إن قام جنو على الغنا ... بيفلفل مكتبة الإذاعة و التلفزيون و يجيب التايهة في الزمن المناسب.
فله الشكر
ولك مثله أضعاف
|
Post: #19
Title: Re: تمبس -- The Lord of the Songs
Author: خدر
Date: 07-06-2005, 12:08 PM
Parent: #12
|
Post: #20
Title: Re: تمبس -- The Lord of the Songs
Author: filan
Date: 07-06-2005, 05:43 PM
Parent: #19
حبيبنا تمبس سلامات ..
وأيضاً على عجل ,أسمح لي ان اشكر الغائب الحاضر : راكوبة على سعيه الحثيث لإطرابنا ,ولجهوده في زرع بذرة جمال تتسامي فوق كل الإحباطات وهزائم الروتين .
بالنسبة لملف الصوتيات المرفق فبه طلتاشر أغنية- على قولك- مجمعة من هنا وهناك ,ولأننا للآن لم نصل لمرحلة أن نتفق علي صيغة ترميز معينة في كل مواقعنا السودانية السايبيرية لهذا جاء الملف بصيغات بينها فجوات لا تسدها إلا ملفات الترميز ومع ذلك فقد أبدلت أحدي الأغنيات-النشاز ترميزا- وأبدلتها بأخري أقرب للسائد والشائع ,وأيضاً إن لم تفلح في الإستماع فأنسخ هذا الرابط وألصقه في الميديابليير من قائمة :
file _ open URL
http://www.3aza.com/rash/tmbis.asx
وإنتظر ريثما يتم التحميل وإن لم تفلح فالرجاء إعلامي بتفاصيل الخطأ
وسنصل معاً بإذن الله لحل
وبالمناسبة تحول رقم 3 إلي 13 فعليك بالصبر
والتحية للجميع
جرب بالضغط هنا اولاً :-
|
Post: #21
Title: Re: تمبس -- The Lord of the Songs
Author: عبد المنعم ابراهيم الحاج
Date: 07-06-2005, 07:20 PM
Parent: #20
العزيز المطر
لك التحايا
هذه الدوزنة ..تكشف عن خامتك قبل الرجل..
وتؤسس لمعاني جميلة ..
تمبس متحف الروائع ..بفتح راحة الميم ..
لما به من ابداع ..فرح.. وروح مرحة..
له كل الود كل الاحترام
|
Post: #25
Title: Re: تمبس -- The Lord of the Songs
Author: tmbis
Date: 07-10-2005, 01:23 AM
Parent: #11
العزيز جدا
ولـــيم ..
مطمئنه الدعوات الطيبات ..
ومحبة الاخوان ثباتت القلب ..
تحياتي ليك من هنا .. لي عند شارع الدكاترة ..
|
Post: #22
Title: Re: تمبس -- The Lord of the Songs
Author: sadda
Date: 07-06-2005, 11:28 PM
Parent: #1
تمبس ... تمبس ... بسكويت
اسمع لو جات انتخابات انا داير معاك يا زول
الاهم ... مشتاقين لكل شباب الرياض
والغريب ... الكلام الكتبوا الناس فوق دا في محلو لكن كلو ما بعني لي حاجة لو ما نزلت لينا : سنه وزيادة .. كرهتنا .. بجي افلقك انا ....
تحية للاسرة
صداح
ماشفتو خضر يا ساري الليل
؟؟؟؟
|
Post: #23
Title: Re: تمبس -- The Lord of the Songs
Author: waleedi399
Date: 07-07-2005, 06:51 AM
Parent: #1
العزيز المطر
التحية والاحترام،،
تمبس هذا النوع من البوستات يسمى اصطلاحاً
بوردياً يسمى بتكسير التلج
الله يقدرك على برودة الاجواء مع سخانة اليومين دي
|
Post: #24
Title: Re: تمبس -- The Lord of the Songs
Author: THE RAIN
Date: 07-10-2005, 01:07 AM
Parent: #1
تقدير وتحايا خضراء
لكل الحاضرين فى إيوان علاء الدين
المشاركين فى إحتفاءنا به
وإعتذار للغياب بسبب لؤم التقنية ومراوغة الوقت
وعودة الى ربى اللقيا وساحة الكرنفال
على وجه الشمس
أقمنا عرش الحلم الأول
عالية عالية
كانت الممالك
على دفء الهمس
أزهر بوح الصمت هتافا
أناخ الحزن رواحله وترجل
خضراء خضراء
أضحت المسالك
على ترنيم الأمس
غنانا القمر وهلل
وتزين ليل الوجع الحالك
|
Post: #26
Title: Re: تمبس -- The Lord of the Songs
Author: نادر
Date: 07-10-2005, 02:36 AM
Parent: #1
المطر أيها المبدع حد الإرتواء
وقفت كثيراً أمام هذا البوست وبحثت عن كلمات تليق بمقام الصديق المرهف الإنسان تمبس فما وجدت إلا هذه الكلمة:
أ ح ب ك علاء
|
Post: #27
Title: Re: تمبس -- The Lord of the Songs
Author: المجدلية
Date: 07-10-2005, 08:58 AM
Parent: #1
تــــمـــبـــس
|
|