Post: #1
Title: دعوة الى ابناء كردفان بالمهجر للتوحد
Author: على اسماعيل
Date: 06-25-2005, 03:25 AM
أبناء وأصدقاء ومحبي كردفان المتواجدين في بلاد المهجر
تدعوكم رابطة أبناء كردفان والتي تأسست بمفاهيم خدمية إجتماعية للإنضمام إليها
أيا كان موقعكم لنشكل جميعا منظومة ترابطية تساهم في بناء سودان الغد .. ذلك
السودان الجميل الذي ظللنا نحلم به ونتمناه وتهتجس به أعماقنا .... رابطة أبناء
كردفان بالخارج تأسست في دبي بتاريخ03/06/2005 بجهود من أبناء الإقليم
ودعم من محبيه والمرتبطين به وهي غير الروابط التقليدية نشأت على فكر بنيوي
يدعم منتسبيها ويلعب في ذات الوقت دورا رائدا في التنمية والتعمير والرابطة
الآن تدعو كل الروابط القائمة في المهجر للإنضواء تحت سقف واحد ففي الإتحاد قوة
ومنعة ومقدرة على البناء والتعمير ... والرابطة تدعوكم أيضا للمساهمة
بإبداعاتكم في مجلة ( عروس الرمال ) وهي مجلة شهرية منوعة تحمل هموم المليون
ميل مربع وتفرد في ذات الوقت ملفا كاملا لكردفان ... إنضمامكم للرابطة دعم
للجهود الوحدية وإنطلاقة قوية نحو التعمير والتنمية والرخاء ...
للإنضمام إلى الرابطة ولمذيد من المعلومات يرجى مواصلتنا بعنواننا على
الأنترنت وهو [email protected] اة هاتف 00971506944959 مؤقتا والى ان نرفع لكم موقع كردفان العنوان الدائم انشاء الله.
وشكرا جزيلا اخوكم على اسماعيل / رئيس رابطة ابناء كردفان بالامارات
|
Post: #2
Title: Re: دعوة الى ابناء كردفان بالمهجر للتوحد
Author: محمود الدقم
Date: 06-25-2005, 04:58 AM
Parent: #1
الاستاذ على اسماعيل تحياتي:
تشكرون على جهودكم المضنية التي سبقت بزوغ شمس كردفان الغرة ام خيرا جوا وبرا.. واتمنى لكم المزيد من التقدم.. واتمنى ان توافني بعنوان (مجلة عروس الرمال) واضم صوتي الى صوتكم/ ولي قدام من اجل كردفان التعايش السلمي واخوة التاريخ/ كردفان السودان الواحد التي اعطت ولم تستبقي شئيا/ وتقبل تحياتي..
|
Post: #3
Title: Re: دعوة الى ابناء كردفان بالمهجر للتوحد
Author: معتز تروتسكى
Date: 06-25-2005, 06:05 AM
Parent: #2
الكباشى على
سلامات وعوافى
فوق
والليله قالو ليك الابيض مطرتها تقول ياليل..
يااااااااااااااااااه
|
Post: #4
Title: Re: دعوة الى ابناء كردفان بالمهجر للتوحد
Author: على اسماعيل
Date: 06-25-2005, 08:51 AM
Parent: #2
استاذنا محمد الدقم /سلامات يا امير
عساك بخير يا اخى - نحن كردفان دى براها ما بنسوا شى عشان كده اى مساهمة تدفع للامام مانا بخلانين بيها وانشاءالله ربنا يسدد الخطا -
اما عنوان مجلتكم عروس الرمال كالاتى :
دبى هاتف : 2215122
فاكس : 2281533
ونفس الايميل والموبايل المكتوبين فوق
خالص الشكر والتقدير
|
Post: #5
Title: Re: دعوة الى ابناء كردفان بالمهجر للتوحد
Author: على اسماعيل
Date: 06-27-2005, 00:29 AM
Parent: #4
فوق للاهمية
|
Post: #6
Title: Re: دعوة الى ابناء كردفان بالمهجر للتوحد
Author: Tabaldina
Date: 06-27-2005, 04:03 AM
Parent: #1
..
.
سلام أيها الغيــور ،،،
جــوه .. وبره .. بأذن الله
أنا كــردفان ،،، أنا أم الرجال ..
دوماً للامام ونحن نشّد من أزركم ..للوحدة والسلام والتعمير والتنمية ..
يا معتــز ..
والله مطره سااى أخوك طبعا زاغ خميس / جمعة / سبت
وصادفتها يا الله ..
من دعاش كردفان .. الرحلات بدأت .. ليكم الله وعيشة الصين ..
تحياتى
|
Post: #7
Title: Re: دعوة الى ابناء كردفان بالمهجر للتوحد
Author: عصام دهب
Date: 06-27-2005, 04:42 AM
Parent: #6
أخونا الدخري / علي
الله يخضر ضرعاتكم و يحفظكم جميع في شان بلدنا و أهلنا.. و بسم الله نبدأ .. يلا شمروا السواعد و علوا الهمم و معاكم جوة و برا و رهن إشارتكم ..
سنيري المبجل / صالح
هيجت فيني الشوق .. و مطقتني بالحيل .. بس الوصية في الذمة بعد المطرة تمشي لي قدورة و تأكل لي فول مصلح مع أقاشي من ميكائيل .. و أنا خلي ( البيك )العوير دا يهرد مصاريني ..
أتمطق يا كايدنا ..
ولينا الله و عيشة الجهجهة ..
قال مغتربين قال ..
|
Post: #8
Title: Re: دعوة الى ابناء كردفان بالمهجر للتوحد
Author: معتز تروتسكى
Date: 06-27-2005, 05:30 AM
Parent: #7
الكردافه ازيكم لمتكم تسر القلب
تبلدينا العزيز
Quote: يا معتــز ..
والله مطره سااى أخوك طبعا زاغ خميس / جمعة / سبت
وصادفتها يا الله ..
من دعاش كردفان .. الرحلات بدأت .. ليكم الله وعيشة الصين .. |
صحى وحاتك
بس مالك بتكاوى فينا ماتخلى علينا علينا
لكن هانت. .
وكمان زى ماقال الريس دهب
Quote: هيجت فيني الشوق .. و مطقتني بالحيل .. بس الوصية في الذمة بعد المطرة تمشي لي قدورة و تأكل لي فول مصلح مع أقاشي من ميكائيل .. و أنا خلي ( البيك )العوير دا يهرد مصاريني ..
أتمطق يا كايدنا ..
ولينا الله و عيشة الجهجهة ..
قال مغتربين قال ..
|
|
Post: #10
Title: Re: دعوة الى ابناء كردفان بالمهجر للتوحد
Author: على اسماعيل
Date: 06-28-2005, 04:06 AM
Parent: #7
استاذنا عصام دهب - تحية واحتراما
يلا يا استاذ خلينا نلم باقى الروابط وننسق الجهود - العمل يحتاج ايادى مثلكم وبالاخص نحتاج لتركة (راشك) حتى نستفيد ونبدأ من حيث انتهيتم - ننتظر منكم يا اهل السعودية رسالتكم الخاصة بعروس الرمال لان العدد الاول سيصدر قريبا -ساتصل بك لاحقا يا استاذ
كل الود والاحترام
|
Post: #11
Title: Re: دعوة الى ابناء كردفان بالمهجر للتوحد
Author: على اسماعيل
Date: 07-13-2005, 09:16 AM
Parent: #7
وفوق كمان
|
Post: #9
Title: Re: دعوة الى ابناء كردفان بالمهجر للتوحد
Author: على اسماعيل
Date: 06-27-2005, 09:45 AM
Parent: #6
تبلدينا يا ناسينا ياخى ما تحن علينا 
وينك يا راجل اتاريك غاطس فى البطاطس ونحن بنقول وين الزول ده ؟
بالله كيف - مالك مجننا بالخريف والدعاش وجبت لينا مرض الرعاش
احنا طبعا جاينك انا واخوى الجرارى وشايف استاذنا ود عمنا دهب قال لو ما فرجت ببيع دحيشتو ديك وبفرجها وبكون معنا يعنى الرحلة الجاية تعمل حساب اربعة عيدان وانشاءالله فى البانجديد ولا خور بقرة المهم نلحق معاكم الخريف - بلغ تحياتى لجمعية ابناء الابيض فردا فردا وبالاخص الاساتذة
Quote: الاستاذ/ د. عوض ابراهيم عوض
الاستاذ/ محمد عبد الكريم عبدالله
الاستاذ/الحسن عبد الكريم عبدالله
الاستاذ/ محمد الحافظ احمد فضل الله
الاستاذ/ صالح عبدالرحمن صالح
الاستاذ/ عبدالله محمد الحسن
الاستاذ/ ناجى حسن محمد نور
الاستاذ/ سعد الدين الطيب
الاستاذ/ معتصم الجعيلى
الاستاذ/ احمد محمود
الاستاذة/ درية المرضى
الاستاذة/ ساره فضل الله
الاستاذة/اخلاص النورانى
|
اظهر وبان واليك الامان - والسلام ختام
|
|