انا يا جبهجي .. يا عايش في عالم آخر

قرأت موضوع لـ nada ali بعنوان ( مقاتلو البجا ودارفور يعلنون تكبيد قوات الخرطوم خسائر في الشرق )

في البدء .... قلت يمكن مجرد خبر عادي

لكن اتفاجأت من التعليقات والردود

بمعنى

مفروض يكون العنوان كالتالي :

( مقاتلون فلسطينيون يعلنون تكبيد القوات الاسرائيلية خسائر في القدس )

كده يكون مفهوم اكثر

لكن نبرة الشماتة الغريبة ـ اللي مالها داعي ـ تثير شعور غريب في النفس

وكلمة غريب اخترتها عنوة من بين مليار كلمة اخرى اقرب في الوصف والتعبير

أنا ....... ضد ما يحدث في السودان من كل النواحي

ولكن

انا سوداني .. وغيرتي على السودان بكل ما فيه مستحيل تخليني حاقد


يا أيمن جبارة الله الخضر

Quote: مبروك وعقبال تدمير كل الكتائب العسكرية الحكومية في الشرق والغرب والخرطوم وقتل كل جنود النظام وقتل.. وتدمير.. وقتل.. وتدمير.. وقتل.. وتدمير.. وقتل.. وتدمير..

دي وطنية ؟........ ثورية ؟


و ........ nada ali

Quote: عقبال تحقيق العدالة الاجتماعية فى شرق السودان و جميع المناطق المهمشة و عقبال وقف الجرائم التى تحدث فى دارفور و تقديم مرتكبيها و من وراءهم للعدالة

كلام حلو

لكن اصلا السودان كلو مهمش .. حتى الخرطوم

واختلف معك في الطريقة .. لان ما يحصل ليس الحل



وبشكل عام هناك خطاب جديد حايم الايام دي

مقاتلو الشرق الشرفاء

ثورة حتى النصر

مقاتلو دارفور الاوفياء

المناضلون في الشرق والغرب

ثوار السجانة

مناضلو الحلة الجديدة





يمكن انا جبهجي بكلامي ده ولاحظو معاي كم واحد حيتهمني بالعمالة / اني بتاع امن / جبهجي

وانا بحس اني من عالم اخر

يا أبو تميم
أنت ممكن جدا تكون ما جبهجي و لا عميل و لا بتاع أمن ... لأنهم ديل بعرفوا بيعملو في شنو .. و بيعملوه عمدا مع سبق الأصرار و الترصد .
مشكلتك يمكن تكون أنت " فقدت أنسانيتك " و أصبحت تقدس رقعة سياسية تسمي السودان و كأنه منزل من السماء .
أي وطن يبيد فيه منتميه بمئات الألوف قوم آخرون يمتون لنفس هذا الوطن ؟
لتتذكر جزء من أنسانيتك المفقودة أدخل هنا لو بقي في جوفك " شئ " ينبض :
مسلمو السودان احرص علي اهل دارفور من اليهود والنصاري (صور) ...

هل يكفيك أن يموت يموت مليونان من الجنوب و ثلاثمائة الف من دارفور و يشرد الملايين و يحولوا الي لاجئين و يطرد الألاف من بيوتهم الكرتونية بالرصاص تحت أنفك في الخرطوم ... لتنعم أنت " بالوطن " لوحدك ؟
قبل أن تعلمنا الوطنية ... تعلم أنت كيف أن تكون أنسانا .
أهل دارفور و الشرق آمنوا ب " من العجز أن تموت جبانا " .. لأن الموت فرض عليهم من قبل الحكومة " الوطنية " المتمركزة بمسقط رأسك .

ملحوظة: أيمن جبارة الله أورد كلامه من باب السخرية و التهكم ... موقفه مشابه لموقفك
و يبدو أنك حقا في عالم آخر .




ء

Mohamed Suleiman


ما حا اعلق على محاولتك الظهور بشكل الانسان الرحيم ، ولا بمحاولتك الحثيثة لاظهاري بمظهر الوحش عديم الانسانية

فقط لانك ما بتعرفني ولا انا بعرفك .... ما مهم

الى المدخل :

Quote: مشكلتك يمكن تكون أنت " فقدت أنسانيتك " و أصبحت تقدس رقعة سياسية تسمي السودان و كأنه منزل من السماء . أي وطن يبيد فيه منتميه بمئات الألوف قوم آخرون يمتون لنفس هذا الوطن ؟ لتتذكر جزء من أنسانيتك المفقودة أدخل هنا لو بقي في جوفك " شئ " ينبض : مسلمو السودان احرص علي اهل دارفور من اليهود والنصاري (صور) ...

اصبحت اقدس رقعة سياسية تسمى السودان وكانه منزل من السماء ؟؟؟

انا ما اصبحت .. انا كنت وما زلت اقدس هذه الرقعة كما تسميها

وانت ما في شي جابرك ... لو شايف الرقعة دي بهذه السوداوية ... عيش في رقعة احلا وما مقدسة

وموضوع الابادة والدعايات الفاضية دي ... ماليها داعي لاننا اذكي شوية من كده

والارقام المهولة دي ماليها داعي

الاخوة الجنوبيين الماتو في الجنوب كتار جدا وشي محزن لكن برضو في ناس من الشمال ماتو كذلك ....... وده برضو موضوع محزن

موضوع الابادة الجماعية - الاغتصاب - الافلام الهندية دي ... معليش ماللدرجة دي

وده ما كلامي انا براي


واللنك الأديتني ليه ... شفتو وشفت الصور

فظييييييييييعة

وبرضو في افظع منها

لكن وين صور الابادة الجماعية ؟

وين صور المغتصبات واعترافاتهم ؟

وين صور قتلى الجانب الآخر ؟؟؟


صورة ما كاملة