Post: #1
Title: شواّفات اوكرة الباب
Author: محمد عبيد الفاضلابى
Date: 06-20-2005, 05:04 AM
شواّفات اوكرة الباب
..ــــــــــــ..
وظهرت كيف؟
قبل المبّدل
من خزن
دم على دم
فضت بعد الكرامه
الزاحفه غيرك...
...يا مطنش الواسبات
اقيف
ما
تلمس الخاطر
وصيف معناك نام
جنّحوك خلاس
ويخسى
قامت بدايلك فينا
تتخنت
ولا فدعة جزل
ما
كملت الفكره ام جضول
غمزت على الضيق مو نضيف
نطينا من عهد المحن
ب فد كراع
والمريله ام سيتان
تخون العوره مقدوده وتشوف
ويا حجر نحيا ونشوف
..فى النكبه راحت كم سلال
... فى خانة اليك الدسوس
ــ.. ما تدى سوس
ويا حجر نحيا ونشوف
غايب لويوير
وحاضر لويوير
كان سور كبير
ما خلقو غير الله ..ــ(انفقع)
صوفيه نحنا ولا كضب
احمد ود اليصوم ديمه اترفع
والبرعى علاّم الشموس
كان سور كبير
مقسوم على اتنين
وماذل سور كبير
مقسوم على اتنين
بيناتّو باب
واضح كما لوحة ولاده
كاين حمل كاين
...اشوف من ثقب نيل
برّين ومتقاودات
وخس مردوف على بعضو وتشاريع
منقد ينجض فى الخدار يوماتى
مشاريع ماكنه ومشاريع ساخنه
وزرازير من بلاد برّه بتصاوط فى الشهيه
وانا وبنوت اعمى
مقدمين للحمدو ضانه وكرتين
بالزمه يا فد يا وطن...
حلم ده؟
الفى المروق ارضا؟
واللا مكضب ابواتى
بالزمه يا فد يا وطن
ما كل مرايس الليل ...
موده
وشوق وتسهيل
وانطباعات لاسر تقره
واسر تشحد
واسر تبكيهن اخواتى؟
على وين أشدر مخلوف على وين؟
باطل ولاكا خسيم
وشواّفات قدودك حرشه
ما بتخدم غرد
ولا بتلفالا قيف
وفى المطران
ترانا على بعض
نتحزم الجوع
والمشّفر والقريع
رشّه يا سودانى رشّه
ابلغ المعنى وتعال
فى الغربه ما صلح المكان
وخيت العشق نشه
تلقانا نحنا طيور ما فارقت عشّه
اغشى المدن
و.. انكيس(incass)
ما شفتلك سنطاى
ارجع تعالنا سريع
ب كسره نتعشا
بالزمه يا فد يا وطن
ارجع تعالنا سريع...
(فاض)
|
Post: #2
Title: Re: شواّفات اوكرة الباب
Author: ود عقاب
Date: 06-20-2005, 05:25 AM
Parent: #1
فاضلااااااااااااابى لك ما يتفح من زهرور الموسم يا طاعم
|
Post: #3
Title: Re: شواّفات اوكرة الباب
Author: محمد عبيد الفاضلابى
Date: 06-21-2005, 04:22 AM
Parent: #2
ودعقاااااااااااااااااااااااااااااااااااب
ياخ اح بك
|
Post: #4
Title: Re: شواّفات اوكرة الباب
Author: معتصم الطاهر
Date: 06-21-2005, 04:53 AM
Parent: #1
Quote: نطينا من عهد المحن
ب فد كراع
والمريله ام سيتان
تخون العوره مقدوده وتشوف
ويا حجر نحيا ونشوف
..فى النكبه راحت كم سلال
... فى خانة اليك الدسوس
ــ.. ما تدى سوس
ويا حجر نحيا ونشوف |
فاض ..
نحتاج لكم قراءة حتى نستريح
أو نهتاج ..
حتى حينه
يا خى دا شغل زغللة و قولة الروب ..
دحين لو جينا بنقول زى دا ؟
|
Post: #5
Title: Re: شواّفات اوكرة الباب
Author: nada ali
Date: 06-21-2005, 05:00 AM
Parent: #1
الاخ محمد عبيد الفاضلابى
مرحبا بك
ندى
|
Post: #6
Title: Re: شواّفات اوكرة الباب
Author: محمد عبيد الفاضلابى
Date: 06-21-2005, 05:05 AM
Parent: #1
ود الطاهر الرجل الجميل اذيك
الاولاد والوطن فى النفس الانسانيه كيف؟
كلو تمام
انت يا خفا راجل ماعندك كلمه ليه ما قلت جايى وانحانا جهزنا الخرفان والبنات والمريسه
وخطاب المعارضه والحب وجهزنا الارواح وفرشنا الارض ورود ليك يا رايع مالك مجافى الناس ..الناس دايرنك اولادك ما يسمعونى... عليك من جعل محمد نبى ... النبى فيك كان ما جيت...البلد ان شا الله فى النوم
اسى ان شا الله تكون فى فى النت عشان تفهمنى ما فهمت تعليقك
ارجو العوده والتوضيح
اخوك فاض
|
Post: #7
Title: Re: شواّفات اوكرة الباب
Author: معتز تروتسكى
Date: 06-23-2005, 08:26 AM
Parent: #6
الفاضلابى عبيد
خلاص ادوك الgreen card
حبابك والباب فى شوق لى خطواتك المغبره ..
ويتم النفير ونفاج (زغروده) وتوب ابيض وتسريحه على الجانبين (انزياح الستائر على وجه القمر) لبدا العرض ال لامنتهى من هذا الحفيف!!
الاسمو...................
شواّفات اوكرة الباب
|
Post: #8
Title: Re: شواّفات اوكرة الباب
Author: zola123
Date: 06-23-2005, 09:33 AM
Parent: #1
دي بركات مشية بكري للسودان!!تاني منو أخد العضوية؟
من فضلك أكتب وما تفتر
عشان الفتروا في المكان ده كتير
متفائلين بوجودك يا فاض
مرحب بيك ونورت المكان
|
|