بناديها..تنقو..تمبس..شتات..المطر..وليد399

آه يا أميرة ..
إستنيتك ..
عشان الشوق غلب جواي ..
يصارع في سكة المجهول ..
ينادي ..
متين تمتد ..
زغاريد الفرح ..
عشان ألقاك ..
بشارة وزاد ..
وتبقى الرجعة هي الأجمل ..

إلى التي حملت قلبي في كفها ..
وإلى كل الأحبة الرائعين ..
بناديها ..
عمك تنقو ..
تمـــبس ..
شـــتات ..
المــطر ..
وليد 399 ..
ولكم أحبتي جمــــــــــيعاً ..



وليد ونســـــــرين .. ودمعي

معتصم

الولد الأريج

زمان كنا بنقول

لو ما دموعى
من نيرانى كنت حرقت

هسه يا كافى البلا الدموع ذاتا قطت
بقت كُرّاد

بتعرف الكٌرّاد

أرتب ليك القائمة دى تصاعديا، ولا تنازليا

حسب البكاء طبعا

ولا أقول ليك
خليها بى تحت تحت

ذكرتنا ايام الأغنيات الندية والله يا معتصم
وايام لمة الحبان

إجيك تمبس متأبطا لحنا
بعد شويه تجى رجاء وبعدها مراويد وبعده تجى راوية

الخ عقد الجمال

شكرا ليك يا حلو

تمبس رجل لطيف..وهميم..وفي بروفايله مسجل تلفونين للإتصال به، وعلل لي ذلك عندما سألته عن ذلك، أنه يريد أن يضمن الوصول إليه لكل من يريد الوصول إليه..وليد 399 قابلته في بوست له عن عمر الفاروق وهو ودود..وتنقو وشتات لم اتقاطع معهما إلا قراءة هنا وهناك..أما هذا المطر فهو العام كله وليس موسم يزيد أو ينقص وليس سنة من السنين تشهد جفاف..ولكن من ذا بناديها؟ الإنسحابي!..حمد الله على سلامة عودتك للمنبر..ترمومتر المنبر يقرأ أن المنبر الآن بدأ يكون في أحسن حالاته.

Quote: تمبس رجل لطيف..وهميم..وفي بروفايله مسجل تلفونين للإتصال به، وعلل لي ذلك عندما سألته عن ذلك، أنه يريد أن يضمن الوصول إليه لكل من يريد الوصول إليه..وليد 399 قابلته في بوست له عن عمر الفاروق وهو ودود..وتنقو وشتات لم اتقاطع معهما إلا قراءة هنا وهناك..أما هذا المطر فهو العام كله وليس موسم يزيد أو ينقص وليس سنة من السنين تشهد جفاف..ولكن من ذا بناديها؟

الحبيب بناديها ..
أنت كل هؤلاء الرائعون يا صديقي ..
شكراً لأنك تمنحنا كل جميل ..

سيعود المنبر إلى عهده الجميل ..
وستعود كل الطيور ..
لتغرد في سمائه ..

عميق ودي ..

آآآآآآآخ يا مطر ..
إنت كده زدت المواجع ..
قلت لي الزمن الجميل ؟ ..
والناس الحلوة دي ..
بالله متين ترجع وتعود ؟..

عبرك أنادي ..
رجاء ..
راوية ..
مراويد ..

تصدق أنا ناوي أستدعي الناس دي كلها هنا ..
اللستة طويلة يا صديقي ..
بس إنت خليك معاي عشان تذكرني إذا نسيت ..

شكراً يا مطر العشم ..
إزداد هطول ..
وخلي الغيم رزاد ..
لتعود العصافير ..
ويعود الإخضرار ..

صديقتي نوف بنت أمي ..



هل يطول غيابك ؟ ..
أم سيجيبك الحنين ؟ ..

أتمنى أن لا يطول الإنتظار ..

الجميل معتصم صباح الخير بتوقيت هنا


مع انو ما معزوم لكن جاى ضهب وضهب جميل

Quote: مع انو ما معزوم لكن جاى ضهب وضهب جميل

ضهب لزيز وحنك سنين يا ودعقاب ..
يا زول يا رائع وشفيف ..
نفسي أقيف وسط الدارة ..
وأنده وأصيح ..
تعالوا يا أحباب ..
عشان تكتمل فرحتنا ..
ويعمر بيتنا الكبير ..

شكراً يا ودعقاب يا صديق ..
خليك معانا البيت بيتك أدخل لا جوة ..

محبتي الخالصة ..

إلى ميرفت نصرالدين



أفتقدك يا صديقة ..
أين أجــدك الآن ؟..

مع مودتي الخالصة ..

إلى صديقي محمد الشيخ


ساعتها كنت منكفي تحت قدحي ..
أترقب حضورك الجميل ..

أظنك ستفعل ..
فأنا في إنتظارك عند منتصف اللقياء ..

يا بنت يا نيل

هل يطول الغياب ؟
نفتقدك بشدة ..

سأظل أنادي كل الحلوين ..
حتى يعودون ..

فهلا لبيتي النداء ؟ ..

تعرف يا معتصم

صلاح ده بعد كده

إلا نستخدم معاه

الخطة "ب"

أما تمبس
هسه أنا ومن دربى ده عايز اشوف ليهو "فكى"

الزول ده "معيون" عديل

الظاهر طقته عين عجيبة جدا

عشان كده أنا بخاف من العيون

الخطة جاهزة يا مطر ..

وكلمة السر ..
عصابة القناع الأسود ..

Quote: أما تمبس هسه أنا ومن دربى ده عايز اشوف ليهو "فكى" الزول ده "معيون" عديل

بيني وبينك كده دبرسته دي فكي ما بحلها ..
أنا عارف سره وكاشفه ليك ..
اليومين ديل مكسر تلج في الشارع ..
والسخانة درجة حرارته 1000

إلى صديقي لؤى شمت ..



أين أنت يا حبيب ؟ ..
أفتقدك بشدة وأحتاجك ..


هلا سمعت ندائي هذا ؟..

الجمـيل معتصـــم دفـع الله ..

عشـان القـاك ..
بشـــارة و زاد..
وتبقـى الرجعـة ليك اجمـل ..

شكراً وحمداً وصلوات دائمة لله علـى سلامة العودة اولاً ..
وشكراً كـذلك على هذا الفرح والاهداء الجميل ..
ونسأل الله في ان يحفظك ويرعـاك بعين الرضى كما تجود واهداك لنا..
لو أنني املك ناصية الكلام ..
لكتبت عنك ما لم يكتبه يـراع "شـتات"..
ليشهد للملأ على أنك من تجسد معاني الروعة والحب فينا..
بل جمعيهاتقتبس النضار من محياك ..

كذلك من دواعي غبطتي وسعادتي وفرحي وحبوري ..
أن يكون اسمي ضمن هذه الكوكبة المتميزة من الأخوان ..
الذين أكـن لهم كل اواصـر المحـبة والتقـدير والاحـترام ..
تنقو الشفيف ..المرهف ..
تمبـس المبدع .. الفنان ..
شـتـات الانسان .. الحـب ..
الابـداع والحساسية المفرطه..
أبا ذر المطـر .. المحبة .. الاخاء
والكلمة الصادقة .. رغم معرفتي له عـن بعـد
محمد الشيخ .. المعطاء .. القول الفصل
والجندي المجهول من خلف الصفوف ..
معتصم دفع الله .. العلاقات العامة .. القلب الكبير
البيت الوسيع .. عشان بشيل كل الاحباب ..
بناديها .. الروعة وجمال الاسلوب المتميز في الكتابة
لكــم جمـيعاً خالـص حبـي وتقـديري ..

ولــيـد

ولي يا صديق المسافات

لو كتبت عنكم لملأت كل صفحات هذا المنبر ..
ولا ما أكتفيت ..
دائماً حاضر في الدواخل ..

شكراً يا صديقي وأخي ..

الحبيب سمبتيكو

وينك إنت يا صديق ..
نفتقدك بشدة ..

ونفتقد معك كل رائع وجميل ..

معتصم دفع الله ..

جيتك تاني عندي ملاحظة موسيقية صغييييييرة ..
بحكم علاقتي الوطيدة بالموسيقى ومجال الفن والاغاني ..

الملاحظة هي بالاضافة إلى صوت المبدعين وليد ونسرين ..
وخاصة وليد .. شكلت آلة الفلوات وهذا العازف الماهر ابعاد موسيقي رائعة ..
أعطت الاغنية خلفية موسيقية عالية التأثير وعالية التطريب ..
وآلة الفلوات من الالات الموسيقية المؤثرة والحزينة الطابع في الاداء ..

عشان كدا خلت الدموع تتشتت قدر دا

معتصم .. يا غـزال
.. تنساب الموسيقى في أوصالنا كالمياه العذبة في سراب الحقول
هذه المرة .. كانت ممزوجة بلونك الشفاف
نجدك دائماً بقرب شواطئ الأصيل .. تنتظر الأحبة ..
قلب ونبض ..
اشواق وآفاق ..
طيف وسحابة صيف ..
..
لك الود وانت تعشق عصافير الجنة ولا تبغض طيور الأشجان
ودمتم جميلاً ..

والتحية لكل من بالجوار هنا ..
بناديها .. وهو يعزم كل زول لضحكة عيون فيها ..
عمك تنقو .. خالداً على رصيف الأخوة وبيادر الود ..
تمبس .. في غيابه ومناجاته وأشواقه ..
أبوذر المطر .. بين السحب والبروق وأقواس قزح ..
وليد أحمد .. هلالاً في انتظار نجمة الفجـر ..
محمد الشيخ .. وهو يزرع زهرة بين السـور والمنفي ..
ودعقاب .. بين الأبيض والأزرق النشوان ..
معتز تروتسكي .. وهو يطل حكيماً من سور الصين العظيم

والتحية لك يا موو وأنت تحمل قلبها النورس بين كفيك ..
وتحملك وعداً بين عينيها ..

صلاح / شتات

شتات يا إبن عمي

ها أنا أتوسد حرفك ..
وأنام عليه ..
مطمئن البال ..
أنتظرك عند فجر كل يومٍ جديد ..
أستقي منك الضياء ..
وأبدأ يومي مرتاح البال ..
رغم عواصف الزمان ..
وعاديات الأيام ..
شكراً لأنك دوماً بجانبي ..

ولك من الحب ما لا نهاية له ..

ملاحظتك في محلها يا ولي ..


بس بطل الجرسة ..
والبكاء الكتير ..

ود دفع الله ........
الله يدك العافية.......
وترجعوا سالمين وغانمين انتا والحبان البعاد

Quote: آه يا أميرة .. إستنيتك .. عشان الشوق غلب جواي .. يصارع في سكة المجهول .. ينادي .. متين تمتد .. زغاريد الفرح .. عشان ألقاك .. بشارة وزاد .. وتبقى الرجعة هي الأجمل ..

العزيز شمهروش

ما أجملها من طلة وما أحلاها ..
من فمك وللسماء ..
يرجعوا كل الناس الحلوين ..
ويعودوا سالمين ..

عميق ودي يا صديق ..

صلاح شتات ..

Quote: وليد أحمد .. هلالاً في انتظار نجمة الفجـر ..

عديت نجوم الليل و ...
ونجمة نجمة الليل نعدوا يا حـبة ..

معتصم دفع الله ..

Quote: بس بطل الجرسة .. والبكاء الكتير ..

معتصم كل ما استطيع ان اقوله الان بعد هروب غير مجدى البوست ده غلبنى عديل
خلينى امشى اعيد اوراقى لعلى استطيع ان اكتب شيئا عن هذا العقد
بناديها..تنقو..تمبس..شتات..المطر..وليد399

معتز شقيقي الأصغر ..

وأنا زيك غلبني عديل أكتب عن الناس دي ..
ولكن بحاول ليتني أفعل ..

معاك نسير خطاوي الشوق ..
لا بتغلبنا المسافة ..
ولا بتعجزنا ..
نعدي لي وطن النجوم ..
وطن الأمان ..
نطرز في جيد الزمان ..
أحلى عنوان ..
أنا وإنت والمكان ..

في إنتظارك ..

معتصم دفع الله

صلاح شتات

ومعتز تورسكى

وكمان شمهروش

وكل الحلوين الهنا


اليوم البلد هنا رجعت للهدوء النسبى بعد كميه من الكتاح والمزاج العكر

ومعاكم نواصل لمه الحلوين

الجميل ودعقاب

ستعود أيام الصفاء ..
وسيعود كل الحلوين ..
ولن تكون هناك كتاحة ..
ولن يتكدر لك مزاج بإذن الله ..

معك ننادي كل الطيور الهاجرت ..
أكيد صوتنا سيصلهم ..

سعيد بأنك هنا معنا ..

دم صديقي ..

Quote: وسيعود كل الحلوين .. ولن تكون هناك كتاحة .. ولن يتكدر لك مزاج بإذن الله ..

الحبيب ود عقاب
امانة انا وانتا ما اتفارقنا
فراق الطريفي......

يا شمهروش

مخك ما يمشي بعيد محل الكتاحة ..

ياخي إنت وودعقاب دا الخير والبركة ..
ونحن بلاكم بنبقى ..


محبتي ..

إلى العزيزة ندى أمين ..


طال غيابك يا أميرة ..
فهل يطول إنتظارنا لعودتك ؟ ..

إلى الصديقة إيمان أحمد ..

سنظل ننادي كل جميل ..
دوزن بريشته إحساسنا ..

ننتظر عودتك ..

العزيز شمهروش

انا كتبت الكلام دا الصباح وطلعت مشيت شغل بره واتذكرته حا تجى ناطى

وتكتب الكلام دا لكن ما اتفقرنا حتى اقابلك وما واصلت معاك عشان ظروف المرض فى

اليومين الفاتوا وبجى راجع

معتصم معليش على التقله دى لكن دايما شمهروش يخش فى الاتجاه العكس ويقع عكس


سلام لكل الحولين تانى

Quote: سلام لكل الحولين تانى

الحبيب ود دفع الله
انتا ماك عارف ودعقاب دا
طريــــــــــــــــــدي
............
دا كلوا عشان ماعزمتوا عيد ميلاد البنية

.........
الحبيب ودعقاب
الف حمد على سلامتك...

لكم كل حبي

الجميل شمهروش

ياخي مبروك للبنية ..
وعقبال ما تطفئ الشمعة المائة ..

نحن زاتو لو كلمتنا كنا جينا وبي شموعنا كمان ..

ودي

يا ودعقاب

أنا ما قلت ليك البيت بيتك ..
وأنا سعيد بوجودكم هنا ..

يلا ننادي كل الحلوين مع بعض ..

إلى زهرة المنتدى ..
رانيا بابكر

هل سيطول غيابك ..
أم ستاتينا محملة بالورود ..
يا ملكة الورد وحدائقه ..

لن نمل الإنتظار ..

الاخ ود دفع الله
تحيه طيبه

الشكر لك اجزله لافتقادك لي عبر المنبر الحر حيث كان الغياب بسبب مرض والدي العزيز ثم لزمت انا فراش المرض من بعده

وكي اثبت لك تمام عافيتي اهدي اليك هذا المقطع:

ثم ماذا بعد?
ماذا يبقى لي من دونك
لا تسالني اكثر و لا تدعوني " للتعقل "
فانت لا تعرف قيمة الحياة
بعيدا عمن تحب
بعيدا و هو قريب
و قريبا و هو بعيد!

الغالية زهرة المنتدى ..

ألـ1000ــف حمداً لله على سلامتك وسلامة الوالد ..
إن شاء الله ما تشوفي شر وكل من تحبين ..

إلى الذي صاغ الرؤى ..
عبقاً وإيماناً ..
بمبدأئه المجيد ..
غداً نلتقي ..
وسننتصر ..
وسيكون مجمعنا قريب ..
لتعود كل الأغنيات الضائعة ..
إلى موطن العشق الفريد ..
مهلاً ستخبرك كل المضامين البليغة ..
بأن نبضك ماليئاً كل المسام ..
متوشحاً كل ألوان المطر ..
أتدري ..
بأن الصحبة الأخيار ..
ستفترش الورود ..
فرحاً بمقدمك السعيد ..
عندها سأرتشف نخب التلاقي ..
وإن تكن ..
سأدق أجراس المعابد ..
فرحاً بمولدك الجديد ..



سعيد أنا بهذه العودة الجميلة ..
وشكراً لسرعة الإستجابة ..

مودتي ..

يا معتصم

ممكن أهدى ؟

لأنه عندى قائمة طويييييييييييييييييييييييييييلة

فيها زول واحد بس

يا مطر أهدي على كيفك ..




أنا عارف زولك دا بستحق ..

الى حين

عوده

الحلوين

الجميل ودعقاب

معاك إلى أن يأتي كل الحلوين ...

ومعكم الى أن يأتي الرائعون

.....

معتصم هل لميت في الزول أب كرعين دا والا لسع ؟

Quote: معتصم هل لميت في الزول أب كرعين دا والا لسع ؟

تخيل لسه يا صديق ..


وأنت معانا يحلى المشوار ..
فما أروعه حين يكون معانا كل الحلوين ..

شكراً صديقي صديق ..

معتصم دفع الله

تحياتى لك و لجميع المتداخلون

ارجو اطلاعكم على هذا البوست:

للتدخل العاجل....ترتيبات لتنفيذ حكم الاعدام

ظهر اليوم بحق ضابط شرطه/الطيب على احمد

تراجى.

الأخت تراجي

تحياتي ..

علم ..
لا لحكم الإعدام ..
ربنا ياخد بيده ..

التحية لأخونا الذي لم تلده امنا ..
الرائع / عمر الفاروق من على البعد ..

وأنا أفتقد معاك بشدة هذا الفاروق ..

ليت بكري يتراجع عن قراره هذا ويعيده لهذا الوطن ..
ومعه الحبيب علاء الدين يوسف ..

ليته يفعل ..

علاء الدين ..
عمر الفاروق ..

لكما محبتي وتقديري ..

سأجـدد (أقامـتي) هــنا ..

و هــــنا ..
سـوف احـمـل (جـــواز) مــروري..

يا معتصم ..
بتمنى أنو نشوف الناس المافيشة دي هنا من جديد بوجودهم المساحة شكلها يختلف ..

Quote: علاء الدين يوسف

لا ننسى يا معتصم خالص الدعوات لأخ العزيز علاء الدين ونتمنى أن يمن الله عليه بنعمة العافية وان يتجاوز هذه المرحلة

الى ان تنفك عقدة لسانى تجاة هذا البوست
اقلاها ان يظل فوق
فالاشياء الكبيره تطفو للسطح..
بوست تقيل
والكبير كبير
عينى بارده

Quote: بناديها..تنقو..تمبس..شتات..المطر..وليد399

و

Quote: معتصم دفع الله

..

معتز يا شقيقي ..

أنت هنا وبيننا ..
تزرع فينا كل هذا الحب ..
وكل هذا الحضور الجميل ..

دم أخي ..

آمين يا تامبا ..
ربنا ياخد بيده ويعود سليماً معافى بإذنه تعالى ..



وونتمنى أن تعود كل الطيور الجميلة لتغرد هنا ..

جدد إقامتك يا ولي ..

وخلي جواز سفرك أحمر الظروف ما معروفة ..

بس ما تغير موبايلك ..

بناديها..تنقو..تمبس..شتات..المطر..وليد399.معتصم دفع الله
.

الحبيب معتصم..
كلهم رائعون.. وأنت كذلك... وكثيرا ما استمتعنا بهم خاصة في ارشيف المنبر
نتمنى أن يعودوا ويمتعونا بعذب شدوهم

العزيز نشأت الإمام

التحية لك وأنت تنادي معنا بعض الذين غابوا عنا ..
وكانوا كالضياء ينيرون لنا هذا المكان ..

شكراً جميلاً ..

الاخ / نشأت الامام

وحتى يعود معتصم دفع الله
نيابة عن معتصم وعنهم جميعاً
اقول لك سلمت وسلمت يداك
وانت أيضاً واحد من رهط هذا الابداع
لك الود والتحية على الحضورك الجميل


..........

معتز تروتسكي،،

مالك يا أخوي غلبك الكلام ولا شنو
شايفك قلت ماشي وجاي منتظرنك إلى الان
عموماً ما تتأخر علينا نتحرق شوقاً لكم

خالص ودي ..

ولــيـد

العزيز وليد
دعني قارئاً جيداً.. اما الابداع الكتابي فقد خصكم انتم الله به.. يلا واصلوا نحنا راجينكم

دعني قارئاً جيداً.. اما الابداع الكتابي فقد خصكم انتم الله بها.. يلا واصلوا نحنا راجينكم

عزيزي نشأت ..

أتابع كتابتكم باهتمام بالـغ أنا ايضاً
ولا زلت أنتظر المزيد أرجو المواصلة فيما تكتب اخي

لك مودتي

معتصم دفع الله
وليد 399
صلاح شتات
صديق رحمة
و.......
يا ناس والله سعيد بمعرفتكم وحزين لعدم وجودي بينكم بالحوش ولكني والله أستمتع بكل فرحكم
لكم تحياتي ومودتي

صديقي الجميل عمران ..
أبومحمد ..

ونحن كذلك يا صديقي ..
سعيدون بهذه المعرفة ..
ربنا يديم الحب والمودة بيننا ..

محبتي بلا حدود ..

وليد ونشأت ..

يديكم العافية ..
البوست دا بالله عليكم خلوهو فوق ..
لغاية ما الناس الحلوة دي تجي ..


أها دي أمانة في رقابكم ..

ودفع الله...........
قلنا نديك هدية بمناسبة عيد ميلادك
انشا الله تنال اعجابك
دمت بخير.........

صديقي الجميل شمهروش ..

يديك العافية ويخليك ..
شكراً جميلاً لهذه المشاعر الفياضة ..
التي غمرتموني بها ..
ربنا يديم علينا نعمة المحبة ..

لك خالص تقديري وحبي ..

Quote: إلى التي حملت قلبي في كفها ..

دا كلام بجيب ناس النظام العام

شمهروش

Quote: دا كلام بجيب ناس النظام العام

انت البوست دا غطسناهو من التلج
وناس النظام العام رافعو وتقول عام
داير تجيب لينا الهواء مااالك يا أخوي

الحبيب....وليد399
انتا الطراوة مابيها ياكافي...
ودفع الله راجل موساهل عشان كدا حباب الطراوة...والطارة
وبيني وبينك الغنية بكايـــــــــــــــــــــــة

Quote: داير تجيب لينا الهواء مااالك يا أخوي

Quote: دا كلام بجيب ناس النظام العام

كلو إلا ناس النظام العام ..
نحن ناقصين يا صديقي ؟..

ديل كفوفهم على قفى من يشيل ..
يريحوك راحة ..
أسبوع ما تنوم ..


محبتي ..

معتصم يا دفع الله اديك العافية لعدة اسباب
اما السبب الاول لانك معتصم
والثاني لانو في زول جواك شكلو بينمو بصورة صحية
اما الثالث والاهم لنك خليت عمنا صلاح يكتب وده بعني حاجة واحدة بس انك هبشتو في محل بوجعو...وما اكثر الاوجاع وامكنتها عند مولانا شتات ربنا يشفيهو من وجع الضرس واللوزتين
فبلا حدود ليك التحية وللحبيب جدا سيدي صلاح بس خلينا نشوف قلمو مرات ومرات
ولو تعب منك جناح في السرعة زيد....في بلادنا بترتاح ضل الدليب اريح سكن
ولكما الله

مولانا الطيب جميل

أنا أصلو عايز لي فيكم يوم إنت والمدعو شتات ..
ألمكم في بوست خاص تتجادعو فيه إن شاء الله تتفلقو ..
عشان تطلعو لينا الكلام الجميل البيدخل توووووش جوة القلب ..
أها دي يلمو فيها كيف ما عارف ..
شتات داك عامل نائم اليومين ديل ..
بيحاكم نفسه فينا ..
ويحرمنا من إبداعاته ..
عشان كده لازم نعمل ليهو رباطية عشان نجيبو تاني ..

هكذا دوماً أنت يا صديقي ..
تتحفنا بروائع كلمك ..
وإبداعات قلمك الأنيق ..

محبتي لك بلا حدود ..