هـــل مـا أزال مقـــيمُ بينكم ؟ ..

أحبتي في هذا الوطن ..
التحـــيات النضرات ..

حوالي الشهرين من الزمان أو أكثر لم تسقني خطاي إلى هذه الديار لظروفِ خارجة عن إرادتي ..
لم تكن بيدي ولا بيد عمر ..
لم يغب عني هذا الوطن فقد حملته بين جوانحي إينما حللت ..
وها أنا أعود ويقيني أنني أعود لبيتي وأهلي ..

وقد فاتني الكثير من الأحداث ..
وكانت هناك الكثير من الأفراح والأحزان ..
أقول لكل صاحب فرح وعرس ألف مبروك ..

ولكل صاحب حزن ربنا يتقبل موتانا وموتاكم ..
البركة فيكم وفي الجميع ..

محبتي الخالصة ..

مراحب معتصم
الحال من بعضو
مثلك ساقتني خطاي لمنافي جرداء من كي بورد ولكنها كانت مليئة بفئران الوحشة وفيروسات الرتابة والروتين وربما قدومك كان دعوة لنا بظهر الغيب أو لنفرش لك بساط من الذاكرة الممتدة بجميل عطاءك السابق .
نعزي معك كل من فقد عزيز
ونهنيء كل من فرح بلحظات او دهور سعادة
و للجميع التحية

الحبيب فلان ..

والله ليك وحشة ولذاك الزمن الجميل ..
أصابتني لعنة الكيبورد مثلك فكان الإبتعاد لحين ..
لو كنت أعرف أن دعوتي هي حضورك الجميل هذا لإستعجلتها من زمان ..
شكراً لأنك هنا ..
وألف مرحب بهذه العودة الجميلة ..

دم أخي ..

يكفي انك في قلبي ... تحياتي واشواقي واتطلع لاتصال منك فقد فقدت كل ارقام احبابي...

وإنت كمان يا تولوس ..
ربنا يعلم مافي القلوب ..



شكراً جميلاً لهذا الحضور ..
وأنتظر مني مكالمة يا حبيب ..

Quote: وقد فاتني الكثير من الأحداث ..

مرحب بيك يا معتصم ..
والله لو ما كلمتنا .. ما كنا عرفنا والله ..
والحال كما هو ..
كأنك يا زيد ما غزيت .. !!


علي العموم عشان ما تزعل .. هاك دا
مصالحة السودانيين بالقاهرة.. الاتفاق الممكن في زمن المستحيل

شفت يا حميده ..
أبو زيد زاتو ما غزاء ..


شكراً على اللنك ..
وأتمنى أن يعم السلام كل ربوع الوطن الحبيب ..
سلام غير منغوص يؤمن للمواطن المسكين حياة كريمة ..

منتظرك يا حبيب

الف مرحب بيك حبيبنا
وما الحب الا للحبيب الاول
ويا ريت يرجع لينا تمبس كمان

ود دفع الله

Quote: لم تكن بيدي ولا بيد عمر ..

يا أخوانا عمرو دة كناية عن عصابة عزابة الرياض. لذا لزم التنويه

Quote: لم يغب عني هذا الوطن فقد حملته بين جوانحي إينما حللت ..

دي ما عاوزة كلام .. فأنت معجون بهذا الوطن السايبري ..

Quote: وها أنا أعود ويقيني أنني أعود لبيتي وأهلي ..

حللت و نزلت ..
أنا أعتبرها إستراحة محارب و إتكاءة بين خطبتين.
واصل

الصورة عندك وبس
وينك انت ياجميل
مختفى..وجاينى
بلونك الازرق وحب النيل..
انا كنت عارف
ستعود يوما وعلينا تميل..

وين أمشي منكم يا أبوقوتة ..
يا قنبلة الود الموقوتة ..
هكذا أنت دوماً تتفجر فينا ..
بكل هذا الحــب ..
وكل هذا الجمال ..

سلمت ياصديقي ..

أستاذي أبوجهينة

أها دا مربط الفرص عزابة الرياض ..
ديل ياخي يضيعوا الزول عديل كده ..
كان ما ودرو روحو كلو كلو ..


نحن من نستمد منكم كل هذا الجمال ..
وكل هذا العطاء ..
وعلى خطاكم نسير ..

سعيد أنا لأنني هنا بينكم ..

أرقد عافية ..

أستاذنا حمزاوي

كيفك يا حبيب ..
تمبس أكيد حا يرجع وكل الناس الحلوين ..

يديك ألف عافية ..

لتجديد الإقامة

مطلوب الآتى

تجيب معاك تمبس وصلاح شتات ومحمد الشيخ

تنزل تلاتة أغانى

ماجدة الرومى، قول واحد

سيلين ديون، قول اتنين

اسرار بابكر، قول تلاتة

تلاتة صور، شمسية أو قمرية ما مشكلة

وتخت الحاجات دى كلها فى

"ملف علاقى"

يا مطر العشم ..
يعني دي معاقبة مع سبق الإصرار والترصد ..

أها أنا حا أجيب ليك كل الناس الحلوة دي ..
رأيك شنو ؟

بس الملف العلاقي دا ما كتير شوية ..
أخاف ينقطع عشان ما حا يشيل كل الناس الجملين ديل ..

دم أخي وصديقي يا مطر ..
وخليك هنا معانا ..

مرحبا

الحبيب معتصم دفع الله

وهــا أنت تعود

والعــود أحمـد


خالص التحايا

نووووووووور بيتنا شارع بيتنا
يوم جيييييتنا

يالهليت فرحت قلوبنا
واطريتنا الليله وجيتنا

كنا فرشنا السكه ورود
لوكلمتناالخخخخخخخخخخ



كان بعرف كان نزلتها ليك
الله يلعن الاميه

مرجب حباب المعتصم

العزيز سي جي ..

الشوق كتير كتير ..
ما ليهو حدود ..

شكراً جميلاً ..

عباس الزول الحبوب

يكفي هذه الزغرودة الجميلة ..
سعادتي لا توصف وأنا بينكم الآن ..

ما تشيل هم من ناحية الدروس حا تكون خصوصية غير مدفوعة ..


شكراً جميلاً ..
والأغنية أعتبرها وصلت وأنا سمعتها ..

لك خالص مودتي يا قريبي ..

الحبيب أحمد الشايقي

وتحياتي لك بلا حدود ..
إشتقنا للمة وللناس الحلوة ..

شكراً جميلاً ..

نعم اخي المعتصم
مقيم ونصف
بس ما تطول الغيبه
نهديك من اريج نسمات الشمال




عثمان احمد عبدالله

ياااااااااااه يا مهندس ..
يديك ألف عافية ..
شكراً لهذا الجمال وهذه الأغنية الرائعة ..
وعلى هذه الحفاوة يا حبيب ..

دم صديقي ..


نسمات الشمال .. للحفظ

wellcome back Mooo

حق تجديدالإقامة على أنا كمان

تعيش،،

سومي
منور والله وحبابك عشرة بلاكشرة

Quote: هل ما أزال مقيم بينكم ؟؟؟

لا أنت ليس بيننا
أنت في القلب

منور بي وجودك يا صديقي ..
وإنت كمان يا صديق متحكر جوة القلب حكير ..

سلمت ..
ودم أخي وحبيبي ..

Quote: حق تجديدالإقامة على أنا كمان

إنت أتكفل بي نفسك بس ..
أنا هين ..

شكراً يا صديقي ..
فأنت حاضراً دائماً في دواخلي ..

يوم سبعة قرّب يا ولي ..

الحبيب معتصم دفع الله ..

انت اصـلك فـينا باقـي ..
مهما طال زمـن اغترابـي ..
اصلي راجـع لـي ديـارك ..
مامصـيرو الحـي بلاقــي ..

مرحب بعودتك سالماً غانماً بعد غياب طويل عن هذه الديرة التي ظلت تشكو الحرمان والهجر واللوعة وأهلها ..
كـن واثقاً أيها المعتصم الغالي .. أن نوائب الزمان لن تبدلنا ابداً، وانك كنت ولم تزل وستظل مقيماً فينا وبيننا إلى دونما إلى ..

عـوداً حميداً مســـتطاب .. معـتصماه

معتصم
عليك غرامة 500 (بتاع) لونو قرمزي .. أدفعها وأدفع لي معاك لأني متغيب مع سبق الإصرار والترصد ( صاح كدة ) ...

Quote: عصابة عزابة الرياض

غادي وبعيد يا أبو جهينة

يعني يا عمران طريقة ننفك بيها ساي مافي ..
سجـن سجـن ..
غرامة غرامة ..
وإنت كمان ألف حمداً لله على السلامة ..

سلم لي على الزول السمح دا عليك الله ..

ولي

أكتفي بأنك أخي الذي لم تلده أمي ..
دائماً حاضر في دواخلي ..


دم أخي وصديقي ..

اكيد واحشنا يا معتصم طولللللللنا ما سمعنا غنا لذيذ .. منتظربن تستجيب لطلبات السيد المطر !

كل الود
غادة

لقد دخلت ظلالك ايها المشتول فينا
عيوني ليك
لك روحي ايها المشتول فيني
الشقى المكتوب حروفك يا نداي
عذرا لانقطاع التواصل
صورتك محفوره في جواي حفر
انها حمى الشوق
انه التوق بعينه ثم ترحيل الغمام
و
انا بيك صلاتي مع النجوم ..
جوا الجوامع ..في الكنايس..
ارتل الطين .. واشهد ان الله حق..
اتوضى بيك ..
شان الله بس يسمع دعاي ....
حتى لو رجع الدعا....
معناهو بسمع صوت صداي ...
ضايقو كما المشروق هو بيك ..
متوسدك .. مدفون معاك...
يوم اتولد..معناها تاوق لي سماك...
بنفي الشهيق جواي ..واتنفس هواك...
اتهجدك..واستغفرك بس اغفر اوزار القراك...
نفسي يوم تفرد خطاك ..
واتغطى بي طيفك معاك ...
واترتلك..
واتشقا انهار في رباك...
و
الله جابك شان اتوب..
يامعتصم
شقيقى الاكبر..

كل الحروف تسبق خطاي ..
عشان تجيك ..
غنوة وفال ..
زغرودة فرح ..
سايقني الحنين ..
يحملني ليك ..
يا زول هناك ..
متوسد المطر العشم ..
راجي الهطول ..
في الأرض اليباب ..
وأنا بيك ..
واقف هناك ..
أتحدى الصعاب ..
أهتف بإسمك ..
وأنادي ليك ..
وأنده وأقول ..
إنت الحبيب ..
في كل ساعة هم يطول ..
ما أنا أصلي بيك ..

معتز شقيقي الأصغر ..
مشتاق ليك حد الشوف ..
سأنتظرك عند منتصف القلب ..

الغالية غادة نصر
وإنت كمان ليك وحشة كبيرة آدي كده أهو ..


معاً سندوزن جميل الألحان ..
سنستدعي رائع الكلام ..
وسوف يمتلئ المنبر فرحاً ..
ونحن كذلك ..

عميق ودي ..

قيافه
وفايت الناس مسافه

يا سلام

قيافه فى زيو
صار عنوان لحيو

يا سلام

مش فى غنوة كده

الاخ العزيز معتصم

Welcome back

جيت وجات معاك الاغاني الرائعة كوجودك بيننا

حبابك الف


خالص ودي

حبيبنا وعزيزنا : (( أبو الدفاع ))

يأخوانا ادونا فرصة اشوف الراجل ده كدي شوية كده زح رجلك ياحمزاوي
عشان ابقي لي جوه شوية يأخوانا الزحمة دي شنو الراجل ده ماكان في فترة
نقاهة وبس وانا عارفه ما بخون العشرة الحلوة

وخاينة العشرة جليته

مرحب بيك حبيبنا معتصم وعوداً حميدا وسط احبابك وعشيرتك
وبالنسبة للأقامة انا بتبرع ليك بالفحص لوووول ....


مع كل الود والأحترام ليك يارائع


((اصلي لمن ادور اجيك بجيك لا بتعجزني المسافة لا الظروف تمسك بايدي ))

كرمــــــاوي

العزيز الغالي كرماوي ..
اصلي بدور اجيك لا بتعجزني المسافة لا الظروف تمسك بايدي
وما أنا إلا إنتو يا الحلوين ..
أفتقدك بشده يا صديق ..
كيف أخون العشرة وأنا ألقاكم وين ..

شكراُ جميلاً لا تكفي ..
فقد كانت أحضانكم دفء لي ..

الأخت أميمة الفرجوني

إنت الرائعة ..
وشكراً على حفاوة الترحاب ..
عقبال ما تعود كل الطيور الهاجرت ..
ترجع لهذا العش الجميل ..

عميق ودي ..

يا سلام يا مطر ..



والله إنت القيافة ..
وفايت الناس مسافات ولا مسافة كمان ..

حبي العميق ..

موو .. يا ود يا نيل ..

تغيب .. تعود .. وكما أنت ..
كالنيل وفاءاً وعطاء ..
كالتبلدي أصالةً وانتمـاء ..
كأسراب الأصـيل .. تمضي بالشوق خماصاً وتعـود بالحـب بطانا ..
تمضي وتعـود .. وأنت باقٍ بقلبك العصفور ..
والعصـافير تعاود الشبابيك التي سـكنتها حتى لو أغلقهـا أصحابها ..
وفاءاً ..
وتذكاراً ..
وإلفة ..


عابراً جئت .. وفي محطات العبور وفاء وانتباه للجغرافيا والتاريخ .. لأشواق المكان وصنَّاع الزمان ..
لك ولضيوفك هنا كل الود ..


أبوذر يا غفاري ..
وينك يا حبة ؟
واحشنا يا ملامحنا ..
تحيات كتيييييييييييرة

صلاح / شتات

صلاح يا إبن عمي ..

ماذا أكتب بعدك ؟ ..
وبماذا أحدث عنك ..
يا سمح الخصــال ..
ستجدني عاجز عن الكلام يا قريبي ..
أو لنقل تواري خجلاً منك ..

سلمت يا صديق المشاوير الطويلة ..
فأنت أخي وصديقي وكل شئ في حياتي ..

دم لي ..

Quote: هـــل مـا أزال مقـــيمُ بينكم ؟ ..

اٌلإجابة بديهيه :

نعم ... نعم ... نعم

بينى و بينك كده : آآآآآآآآآآآآآآآآى

و بمناسبة العوده دى : أنا متبرع بلمها كلها لوحدى

Quote: و بمناسبة العوده دى : أنا متبرع بلمها كلها لوحدى

عرفتها يا مصدق ..
دي هزيمة الستة أظنو جماعة شداد وصوك ..
والكراسي دي خليها علي أنا وتمبس ..


شكراً يا قريبي ..
منتظرين لمة قريب ..

Quote: هـــل مـا أزال مقـــيمُ بينكم ؟

معتصم
يؤسفني اني أقول ليك لأ لست مقيم بيننا بعد الآن

















لأننا
قدمنا ليك للجنسية عشان القعدة تكون مستمرة
وتتمتع بكامل حقوق المواطنة

قال مقيم قال !
الله يقطع الاغتراب وسنينه

يا معتصم

سلااااااااااااااااااااااامات

الحبيب محمد حامد

ويسلمك يا رب ..
شكراً على هذه الحفاوة ..
سألت عنك علاء الدين والحمد لله طمني عليك والأهل ..

أرقد عافية ..

أها يا دكتورة الإقامة خليناها ..
أنا عايز الجواز على شرط يكون أحمر ..


عشان التسهيلات وكده ..


شكراً كتير على هذه الحفاوة ..
وبالجد الواحد كان فاقد المكان دا ..
والناس الحلوة فيه ..

خالص مودتي ..

الصورة أبلغ تعبير يا شايننغ ..

بس ما قلتي لي الليلة شايف مركوب بدل السفنجة اللبنية ؟ ..


شكراً جميلاُ على هذا الترحاب ..
كم أسعدني حضورك هنا ..

ودي ومعزتي ..

..
.
أجل
ما زلت مقيماً بيننا ..
وبالسعودية ..
ما ناوى تشرط الكرت الأخضــر دا .
نصيحة أخوية صادقة لا تتأخر عن الوطن كثيراً وخبر الشباب
ام العجائز فأتركهم يكفينا أبنائهم سيكونون بيننا ..

كلو هنا في الجكس والبيبسي والفستو البي ام دبليو والكتاحة والمكيف
والدُش والدِش والجردل والعطالة والإدارة والنوم والقوم والريده بالكوم والردوم.
وبالأقساط كمااااان


دوماً لك تحياتى وإحترامي وأشواقي ،،،،

صديق الغربتين...
نورت...

كنت فاكرك من عناد...

تحكم علينا ...


بالشوق..





والسهاد....

لا يا صديقي ..
بل هو الشوق بعينه ..

فأنا أشتاقك وأنت جنبي ..
كم من الأيام والسنين قضيناها معاً ..
حلوها ومرها ..
لن يشكلنا الزمن ..
ولن يغير ملامحنا ..

سنظل نحن يانا نحن ..

محبتي يا أبورزقه ..

صديقي تبلدينا ..
كم نفتقدك هنا يا صديقي ..
إنه الشوق ..
والوطن ..
سنكون معك عما قريب يا عزيزي ..
نشتاق لكل شبر في أرضنا الطيبة ..
ولكل أهلنا الرائعين ..

Quote: كلو هنا في الجكس والبيبسي والفستو البي ام دبليو والكتاحة والمكيف والدُش والدِش والجردل والعطالة والإدارة والنوم والقوم والريده بالكوم والردوم. وبالأقساط كمااااان

هذا هو السودان نحبه بكل هذه التفاصيل ..

شكراً صالح ..
تحياتي للأهل ..
وللرمال وعروسها ..