Post: #1
Title: نحن نمشى وين...الشاكوش السياسى..
Author: abuguta
Date: 06-16-2005, 09:48 AM
Parent: #0
جلسة ونسة مع الرائد امن... لؤى
نحن نمشى وين...؟؟؟
ما دام الحركة دخلت فى شراكة مع الحكومة...وناس سيدى جوهم مغلفين بتجمعهم
نحن نمشى وين..؟؟؟
.ونحن ديل ياسيادة الرائد لؤى...على وزن العميد جمعة
لكن خايلة فيك رائد دى مش..
.نحن نمشى وين..؟؟؟؟
ونحن ديل معارضة المنافى...من متديات ومرافيد احزاب
وشباب بحلم بوطن فلتة نظيف من السدنة وكل من تلطخ بدماء الشعب...وطن خالى من اى مشارك فى دكتاتوريات قديمة و كيزان غرقوه فى الشيمة...وطن مكنوس من هولاء النفعيين..والطفيلين
الذين قتلوا الضباط ال28 والطيار حامل لدولارات..وطن معافى من.رافعين الشعارت..واصحاب الملاحم الجهادية...عرسان الحور العين...الذين قتلو الابرياء فى دار فور...
طيب نحن نمشى وين؟؟؟؟
نرجع نصالح..ولا نقعد فى المنافى..
.نحن نمشى وين...؟؟؟
ونحن ذاتو منو...ومنو دى ذاتها صاحبها منو
لو ناس التجمع عملوها...ورجعو ووضعو راسهم مع ناس الحركة الكيزان ..وناس الاتحادى الكور
وطه وقرنق وياسر عرمان...
نحن نمشى وين..؟؟؟
.نحن ديل ذاتو منو ياربى..انتو ناس؟؟؟ ..ايوة ناس
طيب عندكم حزب؟؟ ايوة عندنا حزب...انت متاكد يازول عندكم حزب...وعنده مركزية...ايوة
طيب حزبكم شنو..انت داير تستهبل يازول...نحن عندنا حزب كبير وعريض....طيب اسمو شنو
نحن حزب المعارضة....اى معارضة...تقصدها ياشاطر...ايوة معارضة..قول لى ما تخجل...اى معارضة
معارضة المعارضة..ذاتها..ايوة...
حزبنا اسمو معارضة المعرضة..
انت يازول صاحى ايوة..صاحى..
كيف تعارض المعارضة..مش هم بقو مع الانقاذ..ايوة بقو.. طيب انا بعارضهم...طيب هدفك شنو وبرنامجك شنو ما عندى برنامج..ولا شىء..بس اى زول بضع ايدو مع البشير وعلى عثمان وقرنق وسيدى..والتجمع انا ضده..طيب لو حزب الامة جناح الامام؟؟؟؟
مالو كمان الامام..عندك فيه كلام...
لو اقنعناه ودخل فى اللعبة..انت رايك شنو..
انت يالؤى مجنون تقنع الامام ذاتو....
ايوة اقنعه
الامام ما بعملها...كوسوها عند غافل
.دا زول خبره..ودارس فى بلاد بره..وحافظ السودان من حلائب لمرة...رايك شنو لو صالح ..او ساوم
الامام ما بعملها ولا شىء..بكون استفاد من كبوة ابن عمو..مستشار الرئيس...نفرض ان الامام الصادق
كان القادم..القريب لعجلة الوفاق..
.وقالو كدا ادوه رئيس الوزراء.
..او رئاسة الجمهورية.
.والبشير قال انا تانى ما عاوزها وذاتى فترت.من الحليفة والنقذى دا.وبعدين عاوز اتفرق لزوجتى الثانية..اوديها الكلية...واجيبها..احسن لى ذاتو..من الرقيص والقلبة والكوراك..وانا ذاتى بطلت من لف العمة وشيل العصاية..
قالو كدا ادوها سيدى الصادق...الامام .. وبقى رئس الجمهورية...
وبدا فى خطبه الجميلة المنسقة..وكلام كتير وهلم ما جرا..
ياربى الامام دا بكون ادانى شاكوش...ايوة وكمان شاكوش سياسى
نحن نمشى وين؟؟؟
نحن نمشى وين....
ونحن ديل..تشمل اى زول بكره الحكومة وغير محزب..او حزبه بتق فى المنافى...وبتق دى كلمة حبة لو شافها اساسى بعملها قبة..وبودينى فى داهية..وانا ذاتى ما فايق للناس ديل...ولاقدرهم ولا حاجة..دال قدامى تكبرنى مافى ..كل رصيدى كبسولة باكالروبس وبعدها سنتين سياحة وونسة ..وكم شهادة زمالة..وقعاد قهاوى..وسنين غربة فى الخليج..وتسكع فى شركات( isp) ياساسى ياتفتنى ياخوى
كدى جاوب لى على سعالى دا..انت باقى لى زول خبرة
نحن نمشى وين؟؟؟
نحن نمشى وين
خربشة مداوم
ابقوتة فى الدوام الثانى
|
Post: #3
Title: Re: نحن نمشى وين...الشاكوش السياسى..
Author: abuguta
Date: 06-18-2005, 05:38 AM
عاش ابو هاشم
ونحن ما زالنا فى معارضة المنافى
ونحن ذاتو منو
تورتسكى..بعد ما تخلص الامتحان
تعال لى راجع
|
|