Post: #1
Title: عاجل ... استقالة وزير الداخلية عبدالرحيم محمد حسين
Author: الرفاعي عبدالعاطي حجر
Date: 06-15-2005, 05:37 PM
سبحان الله
|
Post: #2
Title: Re: عاجل ... استقالة وزير الداخلية عبدالرحيم محمد حسين
Author: merfi
Date: 06-15-2005, 05:40 PM
Parent: #1
مستعجـل كدى مالو ما يخلينا نتم ونستنا
|
Post: #3
Title: Re: عاجل ... استقالة وزير الداخلية عبدالرحيم محمد حسين
Author: الرفاعي عبدالعاطي حجر
Date: 06-15-2005, 05:51 PM
Parent: #1
يبدو ان هذه الوزارة من وزارت الحركة الشعبية وداير يعمل فيها الود شفاف ويلعب بي عواطفنا, دعك من الاستقالة المفبركة دي ولو كان الامر حقيقي من يوم ما وقع المبنى ما كنت عارف الحقيقة, والمقاول ده منو ويبقى لي منو وجاء كيف , والله لو كان الامر امر شفافية لإستقالت الحكومة جراء ما يجري في كل شبر من السودان العظيم, وبعد ده البشير ح يمشي معاهو منو . أتوقع قرار برفض التمثيلية والاستمرار لحين استقالة الحكومة عند حضور الدكتور النائب الاول قرنق وبعده لكل حادث حديث وبطلوا تمثيل علينا والادب ده كان وين عندما وقعت احداث سوبا وين انت من احداث جامعة امدرمان الاهلية وين وين انت كنت ياالفجاءة استقلت .
|
Post: #4
Title: Re: عاجل ... استقالة وزير الداخلية عبدالرحيم محمد حسين
Author: aosman
Date: 06-15-2005, 08:25 PM
Parent: #3
يا ربي الزول ده داير يشوف ليهو حتة يندس فيها قبل القائمة بتاعت المحاكمات دي ما تظهر ولا شنو?
|
Post: #5
Title: Re: عاجل ... استقالة وزير الداخلية عبدالرحيم محمد حسين
Author: سجيمان
Date: 06-15-2005, 08:44 PM
Parent: #4
اها؟
طيب الزول دا يشتغل شنوووووووو؟
|
Post: #6
Title: Re: عاجل ... استقالة وزير الداخلية عبدالرحيم محمد حسين
Author: aosman
Date: 06-15-2005, 09:19 PM
Parent: #5
Quote: سجيمان
اها؟
طيب الزول دا يشتغل شنوووووووو؟ |
اول شيئ لازم يمشي يأدي الخدمية الالزامية بعد داك يشوف موضوع الشغل الجديد.
|
Post: #7
Title: Re: عاجل ... استقالة وزير الداخلية عبدالرحيم محمد حسين
Author: Muna Khugali
Date: 06-15-2005, 09:23 PM
Parent: #6
مـاشـي ويـن وعليـك ديـن?
مـني عـوض خـوجـلي
|
Post: #8
Title: Re: عاجل ... استقالة وزير الداخلية عبدالرحيم محمد حسين
Author: abuarafa
Date: 06-16-2005, 01:42 AM
Parent: #1
الهناى وقع فى البتاع قام بوظ الشغلانة
تخيل انو ده تصريح وزير العمارة المنهارة لقناة الجزيرة الفضائية بالله شوف
|
Post: #9
Title: Re: عاجل ... استقالة وزير الداخلية عبدالرحيم محمد حسين
Author: bushra suleiman
Date: 06-16-2005, 01:48 AM
Parent: #1
قالوا قدم لجوء لى هولندا؟!! 
|
Post: #10
Title: Re: عاجل ... استقالة وزير الداخلية عبدالرحيم محمد حسين
Author: الرفاعي عبدالعاطي حجر
Date: 06-16-2005, 01:54 AM
Parent: #1
تحياتي للجميع
اكيد واحد من اتنين* ترفض الاستقالة او يعين مستشار شئون الظل لرئيس الجمهورية لانو البسير ده ما يقدر يفارق البتاع في الهناي عشرة .
|
Post: #11
Title: Re: عاجل ... استقالة وزير الداخلية عبدالرحيم محمد حسين
Author: SARA ISSA
Date: 06-16-2005, 01:56 AM
Parent: #1
خذوها مني كلمة وعلي مسؤوليتي كما قال محمد سعيد الصحاف
واحد من حلين
ان لا يقبل المشير بهذه الاستقالة ويترك لعبد الرحيم مواصلة حملة البطش والقمع
ينقل عبد الرحيم محمد حسين لرئاسة لجنة الامن داخل المجلس الوطني
ولكنه لن يذهب الي البيت
وليس السبب هذه العمارة التي تهدمت
ابحثوا عن السبب في كل انحاء السودان
|
Post: #12
Title: Re: عاجل ... استقالة وزير الداخلية عبدالرحيم محمد حسين
Author: الرفاعي عبدالعاطي حجر
Date: 06-16-2005, 02:17 AM
Parent: #1
Quote: مـاشـي ويـن وعليـك ديـن?
مـني عـوض خـوجـلي |
|
Post: #13
Title: Re: عاجل ... استقالة وزير الداخلية عبدالرحيم محمد حسين
Author: شرووم
Date: 06-16-2005, 02:24 AM
Parent: #1
يكون الداخلية نشفت وماشي يشوف محل مخضرة وسمينة
|
Post: #14
Title: Re: عاجل ... استقالة وزير الداخلية عبدالرحيم محمد حسين
Author: الرفاعي عبدالعاطي حجر
Date: 06-16-2005, 02:33 AM
Parent: #1
[Quote: B]لجنة التحقيق : لم يثبت ان وزير الداخلية أثرى ثراءً حراماً
الخرطوم: الرأى العام
تقدم وزير الداخلية اللواء عبد الرحيم محمد حسين باستقالته أمس للرئيس عمر البشير. وأكد اللواء عبد الرحيم في خطاب استقالته تحمله للمسؤولية السياسية والأدبية على إثر التنوير القانوني لوزير العدل المتعلق بانهيار مبنى مجمع المعامل الطبية بمستشفى الرباط الجامعي وكان وزير العدل النائب العام محمد عثمان يس اصدر |
اضافة صباحية رئيس الجمهورية في قمة الجنوب بي قطر ونائب الرئيس للقاهرة للتةقيع نع التجمع والنائب البروف الطيب داك طبعآ ما ليهو علاقة بي صراعات الجماعة متفرج من المقصورة او اقرب شوية طيب عبد الرحيم ده قدم استقالته في رسالة sms للبشير في قطر والله عجيبة
|
Post: #15
Title: Re: عاجل ... استقالة وزير الداخلية عبدالرحيم محمد حسين
Author: محمدين محمد اسحق
Date: 06-16-2005, 07:49 AM
Parent: #14
اخي الرفاعي عبد العاطي ...
دعوة المظلوم ليس بينها وبين الله حجاب...
وسقوطه هو البداية لسقوط الرؤؤس الكبيرة الاخري ....
واول الغيث قطرة..والله يمهل ولا يهمل ...............
ولن تفلتوا من الحساب ايها الظلمة.................
استقالته من الوزارة لن تسقطه من قائمة ال51.......
ولا بد من لاهاي ولو طال السفر......................
|
Post: #16
Title: Re: عاجل ... استقالة وزير الداخلية عبدالرحيم محمد حسين
Author: abuarafa
Date: 06-16-2005, 08:04 AM
Parent: #1
| Quote: ]لجنة التحقيق : لم يثبت ان وزير الداخلية أثرى ثراءً حراماً |
الاخوة المتداخلون
ابسط شركة لوزير العمارة المنهارة هى شركة المنسوجات والتى تنتج ملبوسات شرطة السودان بالاضافة الى شركة هندسية نفذت كل مبانى الشرطة على مستوى السودان( يا اخوانا فى فساد اكثر من كدة).
|
Post: #17
Title: Re: عاجل ... استقالة وزير الداخلية عبدالرحيم محمد حسين
Author: علوبه
Date: 06-16-2005, 08:16 AM
Parent: #16
???????????????????????????????????????????????????????
???????????????????????????????????????????????????????
???????????????????????????????????????????????????????
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
|
Post: #18
Title: Re: عاجل ... استقالة وزير الداخلية عبدالرحيم محمد حسين
Author: أبو ساندرا
Date: 06-16-2005, 10:10 AM
Parent: #1
يا دجال
طيب ماقدمتها مالك:
-يوم قتل الطلاب في معسكر العيلفون
-يوم تحدثت الخرطوم عن فساد الذمم في الوزارة التي تركت مسئولياتها في حفظ الأمن وإشاعة الطمأنينة ووشغلت نفسها بمسئوليات وزارة الأشغالة وأهمكت تبني وتدمر
-لمن شرخت حلقومك الأوسع من ذمتك بالهتاف { أو ترق منهم الدماء } وكانت مهمة وزارة الداخلية حقنها لا اراقتها
- وإخفاقات وتجاوزات وفساد وعجز عبرت عنه حادثة جامع الجرافة وغيره
عايز تقدمها الليلة بعدماتأكدت ان الداخلية آلت للحركة الشعبية ؟!
يللا بلا لمة
|
Post: #19
Title: Re: عاجل ... استقالة وزير الداخلية عبدالرحيم محمد حسين
Author: الكيك
Date: 06-17-2005, 04:57 AM
Parent: #18
نص استقالة وزير الداخلية من منصبه
الخرطوم : الصحافة
تورد «الصحافة» نص الاستقالة التي تقدم بها وزير الداخلية اللواء الركن عبد الرحيم محمد حسين من منصبه بعد تقرير لجنة التحقيق في انهيار عمارة جامعة الرباط ، التي حُمل فيها المكتب الاستشاري في وزارته والمقاول مسؤولية ما حدث.
أخي الكريم المشير عمر حسن احمد البشير
رئيس الجمهورية
حفظكم الله ورعاكم
السلام عليكم ورحمة الله وبركاته
طلب إعفاء
1 ـ بالقرار الوزاري رقم 49 «2005» بتاريخ 2 مارس 2005 ، قررت إحالة ملف التحقيق حول أسباب انهيار مبنى المعامل الطبية بمستشفى الرباط الجامعي تحت الانشاء للسيد وزير العدل.
2 ـ لقد كان دافعي لهذا الطلب هو حرصي الشديد ان يكون التحقيق محايدا ونزيها وعادلا ليصل الى الحقائق كاملة حول اسباب انهيار المبنى تحت التشييد.
3 ـ بعد الاطلاع على نتائج التحقيق حول اسباب انهيار مبنى مجمع المعامل الطبية ، والذي خلص الى وجود بعض القصور في اداء اجهزة الوزارة الهندسية في التصميم ومتابعة التنفيذ الفني والاداري ، ومن واقع مسؤوليتي السياسية عن الاداء العام لاجهزة الوزارة فإنني اتحمل عنها المسؤولية السياسية في هذا الحدث بالذات ، وأضع بين يديك اخي الرئيس طلب اعفائي من موقعي كوزير للداخلية.
4 ـ اخي السيد الرئيس ، اضع هذا الطلب امامكم اليوم بعد رحلة عمل طويلة تحت قيادتكم الرشيدة ، وثق اني ما زلت جنديا وفيا مخلصا للوطن وثورة الانقاذ الوطني ورهن اشارتك.
5 ـ لك السمع والطاعة في المنشط والمكره.
6 ـ جزاك الله خيرا كثيرا والله من وراء القصد.
اخوك:
اللواء ركن مهندس عبد الرحيم محمد حسين عبد الكريم
في اليوم الثامن من جمادى الاولى 1426هـ
الموافق 15 يونيو 2005م
|
Post: #20
Title: Re: عاجل ... استقالة وزير الداخلية عبدالرحيم محمد حسين
Author: صديق الموج
Date: 06-17-2005, 05:33 AM
Parent: #1
ده مش الوزير بتاع الهناى ضرب فى البتاع قامت الهناية طرشقت
والله استقالته لا بتنقص الحكومة لا بتزيدالشعب السودانى..وزراء
اخر زمن هو البقاك وزير منو عشان تستقيل يا ثقيل..سوق معاك باقى الطغمة
ياها زاتا استقالة من لايستحق الى من لايملك..زمن،،،
|
Post: #21
Title: Re: عاجل ... استقالة وزير الداخلية عبدالرحيم محمد حسين
Author: بهاء الدين سليمان
Date: 06-17-2005, 10:56 AM
Parent: #20
بعد ايه يا وزير الداخلية ... لاتجوز الاستقالة قبل العقاب والمحاسبة يامن تلعبون بحياة البشر
يجب أن تحاسب قبل أن تغادر الى ما كوشته خلال الستة عشر عاما... اختشى على عرضك انت فاكر الشعب ح يصدق الفبركة دى...
|
|