Post: #1
Title: اسي يا ناس الكورة تاني البشجع هلال مريخ منو بي صراحه
Author: abas
Date: 06-06-2005, 05:44 AM
انا شخصيا من رائي انو الناس ما تدخل الاستاد
وتخلي الاتحاد يفلس
ومافي واحد ينقص من قوت اولاده عشان يمشي الكورة
وكل لاعب ينتظروه في المطار ويجلدوه 60 سوط مع نزلتو من الطيارة
المهم ده رايئ انا انتو رايكم شنو
|
Post: #2
Title: عباس
Author: mohmmed said ahmed
Date: 06-06-2005, 06:54 AM
Parent: #1
تعرف يا عباس انا دا اقتراحي
مقاطعة هلال مريخ
الجماهير تقاطع المباراة
ولو التلفزيون
والصحف الرياضية لكن ديل مساهمين في ازمة الكورة السودانية
نحنا هنا علي الاقل في البورد نقاطع اخبار هلال مريخ الجاية
|
Post: #3
Title: Re: اسي يا ناس الكورة تاني البشجع هلال مريخ منو بي صراحه
Author: محمد الامين احمد
Date: 06-06-2005, 12:36 PM
Parent: #1
تحية طيبة للجميع
| Quote: نحنا هنا علي الاقل في البورد نقاطع اخبار هلال مريخ الجاية |
و هذا اضعف الايمان، و يا ريت لو الجمهور ايضا يمتنع عن دخول المباريات القادمة جميعها، خلو الاتحاد ده يشوف ليهو شغله تانيه ، ما عايزين كورة زاتو.
و شكرا
|
Post: #4
Title: Re: اسي يا ناس الكورة تاني البشجع هلال مريخ منو بي صراحه
Author: Agab
Date: 06-06-2005, 01:33 PM
Parent: #1
الأخ محمد سيدأحمد
والله دي فكرة سديدة وأول الغيث قطرة
معاً لمقاطعة أخبار الوهم
لكم ودي
وليد العجب
|
Post: #5
Title: Re: اسي يا ناس الكورة تاني البشجع هلال مريخ منو بي صراحه
Author: abas
Date: 06-07-2005, 00:32 AM
Parent: #1
حبايبنا
محمد سيد احمد
محمد الامين احمد
وليد ود العجب انت يا زول جاي بي جاي متين حدد يومك
والله الفكره اننا نطلع من حالة التعصب الاعمي ولو باضعف الايمان وهي مقاطعة المباراه نهائيا وانا علي اتخذت قرار اني ما اشاهد المباراه لو جاتني في عيوني
ويا ريت ده يكون رايئ الاغلبية ونقاطع اخبارها هنا
|
Post: #6
Title: Re: اسي يا ناس الكورة تاني البشجع هلال مريخ منو بي صراحه
Author: بلدى يا حبوب
Date: 06-07-2005, 08:07 AM
Parent: #1
عباس
والله سلامات مشتاقين
تعرف احسن اقتراح الهلال يلعب بدل الفريق القومى والعام البعده المريخ
لكن بلغة الكرونجية الموضوع السته ده (باع -باع) والله رايك شنو
تحياتى
|
Post: #7
Title: Re: اسي يا ناس الكورة تاني البشجع هلال مريخ منو بي صراحه
Author: Ahmed Alrayah
Date: 06-08-2005, 07:40 PM
Parent: #6
| Quote: اسي يا ناس الكورة تاني البشجع هلال مريخ منو بي صراحه |
بصراحة شديدة يا عبس، الهلال ده أنا ما بقدر أخليهو، وبصراحة أكتر سأتابع أخبار كورتو مع المريخ بلهفة وقلق (شديدين)، وبصراحة أكتر جداً سأفرح لو هزم المريخ بعد أيام، وبيني وبينك كده لو كنت في السودان كنت سأدخل المباراة مع صديقي العزيز المريخابي عباس، نتغدى سوا ونركب الحافلة ونمشي الإستاد من العصر شايلين جرايد الكورة كلها وقزازات موية، نقيف في الصف سوا، هو يدخل المساطب الجنوبية وأنا أدخل المساطب الشمالية، وعندما يدخل الهلال بزيه الأزرق الجميل أقف مصفقاً لشعاره الأخاذ ولاعبيه الذين أسهم معظمهم في الخسارة السداسية أمام مصر...أنا عارف الكلام ده غلط، واتخاذ موقف من الكورة السودانية ضرورة يحتمها واقعنا الكروي المتخلف، لكن نعمل شنو يا عبس؟ الحب صعب، وهلالنا ذاتو صعب وكاساتو دهب!
أحمد الريّح
|
Post: #9
Title: Re: اسي يا ناس الكورة تاني البشجع هلال مريخ منو بي صراحه
Author: waleedi399
Date: 06-09-2005, 01:50 AM
Parent: #7
| Quote: لكن نعمل شنو يا عبس؟ الحب صعب، وهلالنا ذاتو صعب وكاساتو دهب! |
|
Post: #8
Title: Re: اسي يا ناس الكورة تاني البشجع هلال مريخ منو بي صراحه
Author: abas
Date: 06-09-2005, 01:40 AM
Parent: #1
بلدي يا حبوب
حبيبنا وقريبنا
نحنا بالاكتر يا حلو
لكن الاقتراح عندك ينطو ليك الجماعه يقولوا هذمنا الهلال
الحبيب احمد الريح
لو كنت في السودان كنت سأدخل المباراة مع صديقي العزيز المريخابي
(عباس)
في مريخابي اسمو عباس
اها انا اسمي الاصلي معتز
|
Post: #10
Title: Re: اسي يا ناس الكورة تاني البشجع هلال مريخ منو بي صراحه
Author: سامى عبد الوهاب مكى
Date: 06-09-2005, 02:04 AM
Parent: #1
| Quote: ونمشي الإستاد من العصر شايلين جرايد الكورة كلها وقزازات موية، |
ياحليلك يابتاع القزاز...
انت ماسمعت انو المعه قزاز شوالات صفايح بقى يقبضوه من الباب وناس البوليس يبشتنو بى حاله ويتهموه بالارهاب نسبه لاستعمال القزاز فى الطقيع!!!
انا شخصياً قاعد اهرب القزاز فى جلابتى ومرات لمن اكون خاشى الكوره بعد المكتب بهرب فى الشنطه(اوعى يكون فى بوليس هنا!!)
المهم فى الموضوع ماقزاز المويه.
ندمااااااااااااااان وسافى التراب ومستخسر حق المويه وحق التزاكر وحق الكبكبى البريدو زى عيونى وحق الجرايد والتمباك وحق البنزين وحق اولادى على وزمنى الضيعتو فى الفاضى.
تانى اخش كوره الله اعلم.
الزول الوحيد البمشى معاى الكوره اسمه عباس.
|
|