اعتذر..

لكل من لم استطع الرد عليهم ..
سأعود
عندما تنفتح نوافذ أخرى للحياة ..

محبتي
واحترامي لكم


تمبس
الجمعة 4/6/2005

اعتذار غير مقبول من الانسان العزيز تمبس

العزيز علاء "تمبس"،

تحية المودة والتقدير

والمعزة..

أرجو أن تراجع قرارك..

Quote: تمبس الجمعة 4/6/2005

الاعتذار غير ساري المفعول فيوم الجمعة ليس هو يوم 4 يونيو وإنما يوم 3.. أرجو أن يكون هذا سبب لبقاءك..



وأشكرك على إثراء المنبر جدا..

ياسر

العزيز ابن المليح دكتور ياسر الشريف

Quote: الاعتذار غير ساري المفعول فيوم الجمعة ليس هو يوم 4 يونيو وإنما يوم 3.. أرجو أن يكون هذا سبب لبقاءك..

تخيل اليوم ده بالذات كنت على جدال غريب لنو عندى موعد يوم 4/6 لكن كنت مقتنع تماما
اليوم 4/6 ماعارف ما هو السبب والان العزيز تمبس كذلك .

العزيز تمبس
والله لا ادري سبب الاعتذار ولكني شعرت بشئ غريب من الهجه فانت انسان عزيز فما عليك الا ان تقبل نداء الاعزاء فالعزر غير مقبول مقدما لك مني الود والتحية

Quote: عندما تنفتح نوافذ أخرى للحياة ..

منتظرين حتنفتح قريب وجدا

تعود ولا ما تعود يا تمبس ستظل عزيزا على.....

تمبس يافردا
مالك يازول ان شاء الله خير.
ومالك ما تفتح انت النوافذ.

ليه؟


مالك؟

تمبس
شنو يا تمبوسة ..
والله لو أى واحد شرد عشان زعلوه كان بكرى قعد ومعاهو الجماعة ااثنين ديل وثالثة الأثافى ( اللداية) ..و بس ..

طنش ..

اسع عليك الله كلام تماضر دا ما يرجعك من طرف القبر ..

لو يرضيك...

تمبس ؟؟؟!!
الحاصل شنو يافرده..
ولا دى وهمه
من بتين بقيت بتاع اعتذارات. .

انا قايل الا كان داير تعتزر لى طلبى الطلبتو منك داك
يازول مابحلك ترسل لى فى اسرع فرصه..
سامع
وتجى تورينا الحاصل شنو

ما قبلنا الإعتذار

ولن نقبل حتى تعود من جديد




تخريمة : ماشي وين أنا شكوتي لسه ما رفعتها

تمبوسه العسل اها نهال بقدرت جلالها جاتك يلا ارجع تعال عود لينا رجع حنانك لينا

واها

ياما كتير فكرته اصارحك
واستنيتك تبدا السيره..
لا اتكلمت ولا لمحته
ولابينت الريده مصيره..
والحنينه كنت بديتها
اسى بقيت بتشوفها كتيره..
زى خليتنى اشك فى ريدتى
وخفت تكون مشغول بغيره..
انا من قبلك ماتحير وجيت
وريتنى دروب للحيره..

ياتمبس ما لغاية غداء يوم الجمعه كنت كويس تانى حصل شنو؟
اكيد دا شتات مش كده ؟

ولأنى اعلم جيدا ان لا مساحه بينى وبينك للاعتذار
اعتبر ان هذا البوست لا يعنينى على الاطلاق وانما جاء
دخولى الى هنا كهرجه ذى هرجات تماضر بس + له = هرجله


لك ودى + سمك شعور وهامور مقلى وشطه بالدكوة وكميه من البصل
واختار انت بنفسك صحبتك .

علاء الدين تمبس لو رحلت عن هذا المنبر سأقرر أنا الرحيل أيضا فالمكان من غيرك لا يصلح للإقامة
أرجو أن تتراجع عن قرارك وتعود كما كنت

Quote: لكل من لم استطع الرد عليهم .. سأعود عندما تنفتح نوافذ أخرى للحياة .. محبتي واحترامي لكم تمبس الجمعة 4/6/2005

.....
.....

بس ماشى وين البرسل ليهو الفيديو منوا

تانى

وباقى الشمارات بنتمها وين ؟؟؟

.....
.....
قال ماشى قال

أمشى تلقاك واقع فى حفرة جديدة مع الجماعة

أرجع قبل ما أفتك

عزيزى تمبس

تحياتى ..

لاتذهب فألمكان بك يصير اجمل ..

وبالمناسبة انا للان منتظر (حبيت عشانك كسلا) مش وعدتنى ا نك

تنزلا ..عاد ده كلام ده..تعال وجيبها معاك اصلك انت بتجيب الحاجات

السمحة ..

منتظرين ...

تمبس
كلنا يصيينا الملل من المنبر العام لأسباب خاصة (الانشغال بأمر شخصي مثلاً) أو أسباب عامة (تردي مستوى التخاطب في المنبر مثلاً)، اعتبر أنّك في إجازة من الكتابة تعود بعدها أكثر حيوية ونشاطا، إذا عدتَ -وهذا ما أرجوه- فمرحباً بك وإن لم تعُدْ فالعفو والعافية.
شكراً على كل ما قدمته لنا، وشكراً لذوقك الرفيع -إنت وعمك تنقو وراكوبة الغائبيْن-.
أحمد الريّح

الاخ تمبس.
اعتذارك مقبول.
وان شاء الله غيابك ما يطول.
ولك الود
والف باقة ورد

حسة يا تمبس لو مشيت
البمرق لينا ناجي الملك دة من وراء القضبان منو؟؟
ارفض هذا الانسحاب جملة و تفصيلا

Quote: اكيد دا شتات مش كده ؟

انا زاتى قلت كده..!!

مالقى غير النواح لكن ياشتات شكيتك على الله..

والله عشانك ياما صبرته
لما الصبر فتر من صبرى..
لما نسيت الدنيا وحاتك
من اعمارنا سنينها بتجرى..
لا اتلومت معاك لا لمتك
قلت براك بتحس بى قدرى..
قلت عليك بكره بتتغير
والقى فى ريدك فرحة عمرى..
الا لقيتك لسه تايه
فى دنياك متوهه امرى..

عزيزي الاخ علاء "تمبس" ..

Quote: سأعود عندما تنفتح نوافذ أخرى للحياة ..

عندما ترحل أنت، فمن غيرك سوف يفتح هذه النوافذ ..
ارجـو ان تراجـع نفسك جيداً.. قبل اتخاذ هذا القرار الخطير
سنكون في انتظار استجابتك لهذه النداءات .. ويقين انهاء ستجد آذان صااااااغية منك ..
فنحن كالاسماك لا نستطيع العيش .. خارج هذا الاطار الاسفيري ..

زن الامور جيداً .. بميزان الحيطة والتريث في اتخاذ القرارات .. وتقبل خالص تحياتي

عد يا تمبس ونحنا فى الانتظار

فهذا الاسم كبير وشخصك اكبر

وقد نلت احترام وتقدير الكثيرين

وكل المناشدات دى صادقة ودى ما نتيجة فراغ هذا جهد متواضع قمت به فى هذا

المنبر فعرفك الجميع واحترمك الجميع

نامل ان تعود اكثر عنفوانا


والاعتذار مقبول

مع ان الاعتذار فيع نوع من الغموض

او فى شكل لغز

واكيد احبابك يقبلوا هذا الاعتذار

عود لينا يا تمبس الفرح
وافتح لينا نوافذ العسل
وداوي بوستات النكد
بتنزيل شريط واغنيات الفرح

العزيز Tmbis

كل التحايا

Quote: سأعود عندما تنفتح نوافذ أخرى للحياة ..

وليت لنا "الرِّيح عاصفة " كسُليمان عليه السلام ، تجري ، لتفتح تلك
النوافذ التى أوصدت ! ، فحياة أمثالكم ، أخي " علاء " ، أوسعُ من ان
تنغلقُ خلف نوافذ ، يُنـتـَظر فتحها ..

سنعتبر هذا البوست ، مجرّد ، طلب إجازة قصيرة ، تفرغ فيها لبعض شأنٍ من الشؤون
والشجون الكثيرة لديك ، وتعود ، أكثر بهاءا وأقلّ مِلالة ..

مع وافر الود ،،/

يا علاء بن منصور

هو دخول القلوب زى الخروج منها ؟

Quote: لكل من لم استطع الرد عليهم .. سأعود عندما تنفتح نوافذ أخرى للحياة ..

النوافذ المفتوحة تكفي لنتنفس من خلالها عبق الحياة و مشاركة الحبان هنا الحلوة و المرة.
النوافذ الأخرى تقوم بفتحها أنت و من على شاكلتك .. تفتحونها على مصراعيها ليدخل من خلالها الفرح و الود و النبل ..
لن أزيد .. فقط .. أنفض عن الكيبورد الغبار .. و أمسح وجه شاشتك .. و بسمل و حوقل و يا منبر جاك تمبس ..

العزيز الغالي : تمبس

اكيد اعتذرت بسبب حال المنبر بس نعمل شنو لازم نصبر . فعد الينا فبدونك المنبر اي كلام

العزيز تمبس
لم تكن الفتره التي تعرفنافيها طويل بل بالعكس كانت قصيره من خلال بوستات قليله ولكن الحمدلله هناك ود والان لا اعتقد عدم حضورك الي المنبر سيكون عادي بالنسبه لنا وهذا الكم الهائل من الاخوان الذين يناشدونك بالعودة الرجاء الاجبار بخاطرنا وذي ما بيقولوا عشان خاطر عين تكرم الف عين ويا ريت لو تكرم عين واحد من هذه الاعيون التي تنتظرك متلهفه ولا تحرم الجميع من طلتك البهية ولك مني كل الشكر والود والامل بالعوده

Up


مستنيين العودة

يا تامبا بطل الغتاتة ..
الناس دي كلها بتنده ليك ..


منتظرنك ..

معقوله يا تمبس ؟؟

ملعون أبو الضروس ياخ


منتظرينك الناس الكوتار ديل كلهم .

ما ترجع يا تمبس ..
نكايةً في الناس دي .. !!

تمبس .. مالك سحروك ولا ادوك عين .. ارجع تعال ما تبتعد ..( منبر يسمو وكورال كسيح )


ود الباوقة

الاعزاء

هشام مدني
د. ياسر الشريف
العزيز الصديق حسام يوسف
الأخت الحبيبة الاستاذة تماضر شيخ الدين
العزيز هاشم نوريت
د. عادل سجيمان
العزيز معتصم الطاهر
العزيز عبد الرازق الطالب
الصديق الحميم تروتسكي
العزيزة نهال كرار
الكاردينال ( محمد الشيخ )
العزيز جدا وليد حبيب بلدو
الغياظ ناجي الملك
الأخ الحبيب محمد عبد الرحمن
الأخ الصديق أحمد الريح
العزيز المعتمد
الأخت الحبيبة جدا لنا مهدي
الرفيق وليد 399
الأخ العزيز استاذ عبد العزيز شدو
حمزاوي ابو النسب
الأخ العزيز محمد أبوجودة
استاذنا الريس ابوجهينة
الغالي جدا ودالما يقوما
رفيق الدرب معتصم دفع الله
الفنان – العزيز – الصديق .. مصدق حسين
الساخر اللذيذ حميدة
الإمبراطور – ود الباوقة ..............

أشكر لكم هذه الاريحية السودانية والمحبة التي جنيناها من هذه المساحة وحس النفير الجماعي الذي يصاحبنا عند الشدائد ..
لا اخفى سرا كان خروجي بهذا الطريقة وعدم العودة هنا مجددا امر نهائي لاسباب شخصية بحته منها العملية ومنها الدراسية .. ومنها ما يتعلق ببعض الاسقاطات المحبطة هنا.. وهذا لا يعني باي شكل الانسحاب انما المحافظة على بعض الثوابت وعدم الانحدار في المستنقعات الآسنة .. وكل منا يحمل بداخله الخير والشر فاحش القول واطيبه..
لا زلت احمل بعض هذه الاسباب البعض منها يتراكم بقوة ، ورجوعي إلى هذه المساحة لا يعني زوال الاسباب ولكن احيانا الاحساس بعظمة من تحب يمكن ان تجبرك بالتضحية باعز ما تملك..
اشكر كل من هاتفني عن اسباب غيابي ، الأخ العزيز ( عبد العزيز شدو ) الأخ الدكتور ( بله موسى ) وله منى كل الحب والتقدير وأتمنى ان لا تطول غيبته واراه من جديد في هذه المساحة اشكر اخي العزيز ( نادر ) الذي يعرف كثيرا من الاشياء ..( ناجي الزبير ( الملك ) ) اشكر بعض الاخوات من داخل وخارج المنبر ولا تتيح المساحة بذك الاسماء لي المساحة بذكر الاسماء ، بعض الاخوة الاعزاء من بورداب الرياض محمد أبوجودة ( واللايوق ) معتصم دفع الله.
اشكر حضوركم ،، واشكر حسن ومعرفتكم.. ولكم العتبى..

Quote: ورجوعي إلى هذه المساحة لا يعني زوال الاسباب

تامـبـا ..
مـا قـولـتو نــوبـــة

؟