للجندريات شن رأيكن : السودان أرجل دولة!!!

السودان أرجل دولة

أقسم ليكم جميعاً ان علاقة السودان واميركا لن تنعدل، في ظل هذه الحكومة أو أية حكومة أخرى. حتى لو جبنا ناس من أميركا وبقيناهم رؤساء علينا، لسبب وحيد أعرفه أنا تماماً وما كنت داير أقولو لكن لأنو ما عندي موضوع أكتب عنه هذا الأسبوع حأقوله ليكم بعدين أوعى تضحكوا وتقولوا دا كلام فارغ. ما أصله أى حاجة مليانة كانت فارغة، مش كده، والسبب حاقولو ليكم بعد شوية- بعدما أكمل كباية الشاي البشرب فيها دي، أه الحمد لله انتهيت، كدي نرجع للسبب.
وهو ان لفظ السودان مذكر واميركا مؤنث، وبالواضح السودان راجل أو ضكر وأميركا مرة. وطبعاً الراجل دار المره تتبعو وبزعل من المرأة المسترجلة زي أميركا والسودان ما راجل وبس بل الراجل الوحيد في العالم كده استحضروا اسماء الدول تلقوها كلها اسماء إناث، من أميركا وروسيا، والصين، والمانيا، وفرنسا، وبريطانيا وكان جينا للدول العربية عيييك، مصر، ووالسعودية، ولبنان، وليبيا، والجزائر، والمغرب، وموريتانيا وافريقيا كل دولة مؤنثة، وكده ثبت لينا ان السودان هو الدولة الراجلة الوحيدة في العالم. عشان كده ما بترضى حقارة أميركا. وقوموا شوفوا ليكم حل مع انو، زي عند حل لكني ما بقولوا ليكم الا اذا دفعتوا أو إجي يوم ماعندي موضوع أكتب فيه أقوم اكتبوا.

نقلا عن موقع جريدة الصحافة
http://alsahafa.info/news/index.php?type=3&id=2147497249

Quote: وكده ثبت لينا ان السودان هو الدولة الراجلة الوحيدة في العالم.

الراجلة الوحيدة

Back tothe feminine no escape.